المصاعد الكهربائية افضلها واسعارها !!!! لاهنتوا [الأرشيف]

مشاهدة النسخة كاملة : المصاعد الكهربائية افضلها واسعارها !!!! لاهنتوا

طالع بن نازل

05-09-2009, 05:52 AM

السلام عليكم ,,,,,,,,,,,,,

ايش افضل شركات المصاعد الكهربائية
وايش اسعارهم

الي عنده معلومات ياريت يفيدنا ,,,,,

تحياتي

فتى الجود

05-09-2009, 08:12 AM

السلام عليكم

عندك شركة صناعات عسكر عند
أشــــــــارات تويوتا القديمة
الشركة ألمانية تجمييع لبنان

السعر لدوريين تقريباَ حوالى 94000 ريال

وأى أستفسار انا حاظر
بس كلمنى على الخاص

شموخ دائم

05-09-2009, 02:41 PM

,

,

مرحبا اخوي

اشهر المصاعد في دوله قطر

otis

و

mitsubishi

الاثنين ماعليهم كلام وبنفس الجوده

والاسعار عاد أنت وامكانياتك

من 100 الف مع الضمان والصيانه للنوع العادي ( 3 اشخاص )

الى 200 الف اذا كان من داخل مذهب ومرايات وديكور

الى 500 الف اذا كان ( بانوراما ) زجاج كامل زي الي في ستي سنتر والشيراتون

وفي امكانك طلب اي لون واي نوع من الديكور وشكل الازره وشكل الارضيه والسقف ونوع الاضاءه

كل هذا على حسب امكانياتك

ملاحظه

لازم تطلب وتدفع الثمن ويوصل لك خلال 4 شهور تقريبا

انتبه لاتحفر القاعده للمصعد الا بعد ما تعرف حجم الي بتشتريه
هناك انواع تختلف مساحتها وما تركب

,

,

اخوك

شموخ دائم

Chambray

05-09-2009, 04:08 PM

الاهم تبتعد عن مصاعد الهدورليك .. ماتنفع للفلل
من خلال اطلاعي وحوستي ،، اشوف ان الافضل سعراً وجوده هو koni
وانصحك في مصاعد 8 اشخاص

القارمن

05-09-2009, 05:39 PM

الاهم تبتعد عن مصاعد الهدورليك .. ماتنفع للفلل
من خلال اطلاعي وحوستي ،، اشوف ان الافضل سعراً وجوده هو koni
وانصحك في مصاعد 8 اشخاص

كم سعر ال koni

طالع بن نازل

07-09-2009, 08:35 AM

شكرا على من كل جواب ومر

ولد شرق

09-09-2009, 12:34 AM

مر الدرويش اخوي
وعندهم تفصيل بعد...

PoBox

09-09-2009, 12:48 AM

* مصاعد البيوت تتراوح من 80 الى 150 الف

* عقد الصيانة السنوي تقريبا 7 آلاف ريال شامل تزييت وصيانة اعطال وكل قطع الغيار المطلوبة لو احتاج الوضع + رقم طواري 24 ساعة

* متسوبيشي ممتاز واوتيس كذلك ، بس اوتيس وايد وايد وايد اغلى والجوده متساوية

* لاتشك خيط بابرة قبل ماتاخذ اوراق رسمية على القياسات وتطلب من محل المصاعد يعطيك قياسات الحفر او غرف المصعد
لان سنتيمترات بسيطة خطأ قد تعفس البطحا

* مافي مصاعد جاهزة كلها تفصيل من المصنع في اليابان ، وتاخذ وقت حول ال 6 شهور لين توصلك

عابر سبيل

09-09-2009, 02:43 AM

الاهم تبتعد عن مصاعد الهدورليك .. ماتنفع للفلل
من خلال اطلاعي وحوستي ،، اشوف ان الافضل سعراً وجوده هو koni
وانصحك في مصاعد 8 اشخاص

هلا اخوي Money

ممكن توضح كلامك...
انا افكر بهالنوع لان فيه حد نصحني به..
هم من سنتين ثلاث مركبينه في بيتهم
من متسوبيشي...و يمدحه...ما خذت التفاصيل منه!

و دي تخدمني لو تشرحلي وجهة نظرك
عن مصاعد الهيدروليك..

و بارك الله بك...و كل من بيقدم لنا
اي معلومه.

Chambray

09-09-2009, 04:38 AM

هلا اخوي الغالي اولاً اسمي ( Moyen ) مويان وليس موني هههههه
معناها الاوسط او وسط
تكلمة لمعنى اسمي فهو ( الشرق الاوسط )

عموماً بخصوص المصعد
الهدرليك عبارة عن برميل من الزيت يكون في بئر المصعد
الصعود والهبوط تكون عن طريق تسخين الزيت في البرميل إلى الجهاز لكي يدفع المصعد إلى الاعلى وتفريغه للنزول ، وهالطريقة تؤدي إلى خروج روائح كريهه خصوصاً للمصاعد المنزليه
هذا الي شرحه لي مهندس مصاعد وحذرني من عدم استخدام المصاعد الهدرليكيه في المنزل ..

عابر سبيل

11-09-2009, 02:17 PM

تسلم يالشرق الاوسط على المعلومات..
و اهم شي اني اقرا اسمك صح و اعرف معناه...

اعتقد ما كنت بروحي اللي فاهمك خطا يا Moyen..
و زين اني غلطت:secret:

ع العموم....عن الزيت و ريحته...
حتى المصاعد اللي لها موتورات و سلاسل
او حبال معدنيه...

تحتاج تزييت و تشحيم و اتطلع شوية روايح من هالشي؟.

شخصيا ادور عن الشي اللي به اقل انتربشن/انقطاع
لاسباب الصيانة الدورية...
يعني بالبيت ما تبي عمال الصيانة كل شهر
داقين عليك الباب..
لو عمارة او مبنى اداري..
شي ثاني...

طبعا و قبل هالشي..
ادور عن الكفائه او الجودة و ال effeciency

سهم طايش

11-09-2009, 03:01 PM

من خلال التجربة في منزلي اشوف ان الmitsubishi افضلهم من جميع النواحي خصوصا الصيانة و التعامل و الاداء بحيث ان الاعطال تكاد تكون معدومة و الحمدلله بفضل الصيانة الشهرية للمصعد من قبل الشركة 0

* يفضل ان يكون اختيارك للشركة قبل عمل الخرائط و الشروع في البناء لأن كل حجم مصعد يحتاج الى مقياس و عمق معين عند الحفر و عمل الخرسانات و ذلك عن طريقة زيارة مقر شركة المصاعد مع مهندسك الاستشاري و اخذ جميع المقاسات قبل البدء في عمل الرسومات الهندسية 0

* نصيحة في حال اختيارك للمصعد الافضل ان تختار مصعد حجم 8 اشخاص اوسع و اشرح لك خصوصا انك ستقوم بعمل ديكورات داخلية للمصعد فكل هذا سيأخذ حيز بعد التنفيذ 0

* طريقة اختيار المصعد من الداخل ستكون عبارة عن خيارات موجوده عند الشركة و كل خيار له سعر معين يزيد و يقل حسب نوعية اختيارك 0

* اذا رغبت بعمل ارضية رخام للمصعد من الداخل فيجب ابلاغ شركة المصاعد قبل التصنيع لان الارضية اللي يركب عليها الرخام تكون مختلفة عن الارضية العادية 0

* يفضل عمل درج خارجي للمنزل لعمال المصعد لتفادي دخولهم المتكرر كل شهر لعمل الصيانه0

* غرفة المصعد فوق السطح يفضل ان تكون مكيفة للتبريد على مكينة المصعد هذا على حسب طلب مهندس المصاعد 0

لا تترد بتركيب الاجود حتى لو كان السعر غالي شوي

كل التوفيق لك اخي الكريم

Chambray

12-09-2009, 02:29 AM

* غرفة المصعد فوق السطح يفضل ان تكون مكيفة للتبريد على مكينة المصعد هذا على حسب طلب مهندس المصاعد 0

هل للمصعد غرفه مستقله ؟ غير البئر الي مقاسه 2 × 2 ويمر بجميع الطوابق ؟
انا البئر يمر من الطابق الارضي حتى البنت هاوس ..
والبنت هاوس مكيف طبعاً
فهل احتاج إلى شئ آخر ؟؟
ولا كل شئ تمام ؟؟
العمق من الطابق الارضي كم العمق المطلوب ؟؟؟؟
والارتفاع حتى آخر طابق كم المطلوب ؟
يعني لو وصل المصعد لآخر طابق كم الارتفاع المطلوب بعد حتى سقف المصعد ؟ هل 3 متر يكفي ولا ازيد ؟
يبيله زيارة لمهندس المصعد مرة اخرى ..

Chambray

12-09-2009, 02:30 AM

تسلم يالشرق الاوسط على المعلومات..
و اهم شي اني اقرا اسمك صح و اعرف معناه...

اعتقد ما كنت بروحي اللي فاهمك خطا يا moyen..
و زين اني غلطت:secret:

ع العموم....عن الزيت و ريحته...
حتى المصاعد اللي لها موتورات و سلاسل
او حبال معدنيه...

تحتاج تزييت و تشحيم و اتطلع شوية روايح من هالشي؟.

شخصيا ادور عن الشي اللي به اقل انتربشن/انقطاع
لاسباب الصيانة الدورية...
يعني بالبيت ما تبي عمال الصيانة كل شهر
داقين عليك الباب..
لو عمارة او مبنى اداري..
شي ثاني...

طبعا و قبل هالشي..
ادور عن الكفائه او الجودة و ال effeciency

والله هذا الي قاله لي مهندس المصاعد ..
بخصوص الصيانه كل المصاعد تحتاج صيانه ومافي مصعد مش محتاج صيانه دوريه
وهذا افضل لك وللمصعد لحياه اطول ..

أم وضحى

12-09-2009, 05:45 AM

استفسار بسيط :(

اذا ركـّبت مصعد في البيت ..

- ماتخاف من انقطاع الكهرباء ( كما هو معتاد ) ويكون شخص داخل المصعد ؟

- وشنهي المخاطر المتوقعة من المصاعد ؟

Chambray

12-09-2009, 05:59 AM

استفسار بسيط :(

اذا ركـّبت مصعد في البيت ..

- ماتخاف من انقطاع الكهرباء ( كما هو معتاد ) ويكون شخص داخل المصعد ؟

- وشنهي المخاطر المتوقعة من المصاعد ؟

هلا اختي
المصاعد العالميه مثل موستبيشي - كوني - اوتيس .. إلخ
فيها نظام سيفتي ، بحيث لو انقطعت الكهرباء المصعد اوتوماتيكياً ينزل لآخر طابق ويفتح الباب .. وهذا النظام موجود في المصاعد العالميه
ولو مافتح الباب وتوقعنا الاسوء في زر متصل مع الشركة لخدمة الطوارئ

مطنش

12-09-2009, 06:30 AM

عندنا kone من شركة qnes .. مممتاز ورائع شغلهم ومثل ماقال ..
فيها نظام سيفتي ، بحيث لو انقطعت الكهرباء المصعد اوتوماتيكياً ينزل لآخر طابق ويفتح الباب..

مطنش

12-09-2009, 06:32 AM

هل 3 متر يكفي ولا ازيد ؟

اعتقد 4 او 3 ونصف يكفي وزياده

qmmf

01-02-2010, 07:53 AM

شرايكم في شركة المعمورة عندهم مصاعد ماركة ايطالية واسعارهم تقريبا من 80 الف الى 100 الف وماتحتاج المكاين غرفة فوق السطح فقط تكون تحت على الارض جنب المصعد او تحت الدرج(السلم) لان حجم المكاين صغير.

موضي قطر

01-02-2010, 08:15 AM

الموضوع مهم انا قاعدة افكر فيه بس يارت تفيدونا عنkone من شركة qnes

وين مكان الشركة واسعارها

qmmf

01-02-2010, 11:07 AM

الموضوع مهم انا قاعدة افكر فيه بس يارت تفيدونا عنkone من شركة qnes

وين مكان الشركة واسعارها

تفضلي ارقامهم :

Qatar
KONE Elevators LLC
PO box 37143 Doha
Tel: +974 455 2150 / +974 455 1409
Fax: +974 455 2403