موقف غريب في عيادة الدوحه

[alfahad1]

السلام عليكم ورحمة الله وبركاته

ظاهره ما ادري هل هي في عيادة الدوحه بس ولا في المستشفيات الاخرى.......

الموضوع وبأختصار واللي صارلي اكثر من مره(مرتين في رمضان

امس واليوم) لما اروح العيادة تجيني وحده لابسه عبايه

وتقولي يا اخوي انا بسوي لولدي تحليل بس ما عندي فلوس

حق التحليل وترويني التحليل والتكلفه المشكله شفتها تروي واحد قبلي

الفاتوره وعطاها تكلفة التحليل بعدين جات صوبي وروتني نفس الفاتوره وعطيتها.

يعني اذا كانت التكلفه 250 يعني ألي قبلي عطاها 250 وانا عطيتها 250

أللي بعدي بيعطيها 250 يعني اذا هي واختها شغالين هالشغله بيطلعون

اكثر من راتبي وراتبك.

وكل اللي مروا علي لهجتهم خليجيه غريبه؟؟يأخذون الواحد في زاويه ويشرحون له

المشكله وهو على نياته يدفع بالمئات.

المهم حبيت انصحكم اذا جتكم واحده منهم انكم تتأكدوا من الفواتير حق التحليل .

انا ما اقولكم انكم ما تعطونهم ولاكن انكم تتأكدوا انهم محتاجين

لاني الصراحه اشك فيهم انهم محتاجين من الأساس والله اعلم

[الفريق أول ركن]

اخوي كنت تتأكد قبل لا تتبرع لها يعني ترووح الريسبشن وتتأكد هل صحيح ادعائاتها ولالا ؟

[سوق واقف]

هؤلاء كذابين

[واقع]

اخوي كنت تتأكد قبل لا تتبرع لها يعني ترووح الريسبشن وتتأكد هل صحيح ادعائاتها ولالا ؟


:victory: كلامك سليم

[_بوشهاب_]

اخوي الربع وايد الي في مكافحه التسول تيلفون واحد والامور طيبه

[شيزكيك]

الصراحه يبون يروحون الجمعيات الخيريه الصراحه زاد النصب علينا ويروحون عند الرياييل لانهم

عارفين انهم يستحون ويدهم سخيه آه يالقهر وهالمستشفى ليش مخليهم على كيفهم

[HIGHNESS]

انا بعد صار لي نفس الموقف .... بس الفرق في وحده شفتها مرتين مره جاتني بالمستشفى اطلبت مني رسوم اشعة ماعطيتها المبلغ كامل قلت لها هذا الي عندي بس .... ومره جاتني في مجمع تبي تشتري شي وتبيني ادفع لها !!!!!! قلت لها انتي مو امس ماخذه مني فلوس في المستشفى !!!!!! وعقب ماشوف الا غبرتها وراها ههههههههههههههههههه .. سبحان الله صدف .... بصراحه هذول يخربون عالمحتاجين ...

[سدرة]

انا صار لي نفس الموقف في عيادة الدوحة بعد بس ماكانت مرة
كان واحد رجال مش قطري عليه ثوب وغترة عشان يحسسك انه قطري
دخل علينا غرفة انتظار النساء بسرعة وما كان فيها غير انا ووحدة ثانية
بسرعة طلع الورقه في وجهي وبسرعة قال كلمتين ملخبطين عن حاجته
يعني ماخذ خمس ثواني بعدها راح للحرمه الثانية يمكن ثلاث ثواني وبسرعة
طلع

[سدرة]

هذا الموقف صار من كم شهر
انا ماعطته شي لأني عرفت انه نصاب والحرمه الثانية
عطته عشر او عشرين وبعد ماطلع لومتها قلتلها ماتدرين
ان هذولا نصابين
بس صج مصيبة اذا كانوا متخصصين للنصب على مرضى
عياده الدوحه والعيادة خبر خير طول هالشهور

[جهام]

ليش تعطيها ...قلبك ضعيف
هذولا معروفين ..اقولهم الله يعطيكم وروحو صندوق الزكاة

[وطن]

ابسط شي تقول لها تفضلي ع الرسبشن بدفع لج هناك
ما تعطيها كاش في ايدها

الله يكون بعونا على هالأشكال الغريبة اللي طلعت لنا في البلاد

[الغفير]

اخوي الربع وايد الي في مكافحه التسول تيلفون واحد والامور طيبه



حط الرقم اخوي
كثيرين ما يعرفونه
انا واحد منهم

حطه على العام

[B7r_QTR]

السلام عليكم ورحمة الله وبركاته



الله لايهينك اخوي على التنبيه المهم

فعلا هالظاهرة منتشرة في أغلبية المستشفيات

الوالد قبل رمضان أستغلت كبر سنه في العيادات الخارجية جاته ذيك المنقبة اللي كحل شاق الوجه شق

واشرحت له امها عندها تصور ومحتاج مبلغ بسيط وعطني رقمك برد لك المبلغ
عطاها المقسوم.

الا وتبغي زيادة شويويقول أنقذتني وحدة من الجماعة عرفته وجاته على طول وقالت له

بوفلان حاسب من ذي الحرامية قدامها التفت عليها... كني مع ساحرة اختفت مرة واحدة:eek5:

المهم هالظاهرة منتشرة بشكل كبير عندنا والله يحاسب منهم وعلى نياتكم ترزقون
اذا الواحد ماعنده خبر ان شاءالله له الأجر.

[حراير قطر]

والله حالة

دام انه ما عندهم فلوس

ليش من الاساس يروحون عيادة خاصة

هذول نصابين ومأخذين هالفاتورة ومن واحد لي واحد

انا برأيي تجاهلهم او الابلاغ عنهم ...

والله يكفينا من شرهم

[البيت القديم]

""""

صادق اخوي..

انا اليوم كنت في عيادة الدوحه..

ياتني وحدة.. وقالتلي اخوي اذا تقدر تدفع حساب التحاليل..

قتلها اصبري.. والله ورحت سحبتلها بس يوم رجعت مالقيتها..

....

[_بوشهاب_]

حط الرقم اخوي
كثيرين ما يعرفونه
انا واحد منهم

حطه على العام

ابشر ياخوي ماطلبت شي

اداره مكافحه التسول التابعه للبحث الجنائي بلغوا والامور طيبه

4714220

[القلم الصريح]

هاذي وقتهم وخصوصا في رمضان قبل عيد الفطر وعيد الاضحى ومره صادني موقف في رمضان قبل عيد الفطر بكم يوم فالبنك جات لي وحده في قمة الاناقه قالت تبي مساعده ومحتاجه تبي تشتري اغراض العيد حق اليهال ومن هالخرابيط اللي يخلونك ينكسر خاطرك لهم وانا بطلت عيني لان شكلها مايدل انها محتاجه مساعده من كشختها وعطيتها المقسوم

[غير البشر]

انا من شهرين جاتني وحده بعد

بنفس الطريقه وفي عياده الدوحه

المشكله احراج وجهي انصفق تجي اتكلمني قدام الناس

وكنت امودي الوالده هناك

قلت لها جيبي لي الفاتوره او ورقه التحليل وبعدين اعطيج :eek5:


ولا عاد شفتها :eek5::eek5:

[الفا برافو]

انا لقيتها في مواقف عيادة الدوحه قبل رمضان.. عاد مادري هي او غيرها
بس حرمه منقبه.. استغربت وجودها في المواقف مع انها كانت تكلم حرمه في سيارتها وذيك مشت وخلتها
وشوي الا جايه صوبي
وابتدت الموال
ماعطيتها وجهه الصراحه
قلتها توكلي قبل لا اتصل بالدوريه
وحادث ثاني صار لنا وحنا بالمسجد في صلاة الجمعه... وعقب الصلاه الا واحد سوري قايم ويبتدي موال انه عنده مريض.. وعلى فكره مرتين صار في هالمسجد.. مسجد الستي... في جمعتين مختلفتين وشخصين سوريين مختلفين.. المهم.. في المرتين خذت الورقه اللي عند الرجال. وقلت له راوني هويتك عشان اتأكد انه الطفل اللي مكتوب اسمه بالورقه هو طفلك.. قام يلف ويدور...وشوي الا وهو يقط الورقه ويشرد من الباب الثاني هاي بالنسبه للحادث الاول.. والمره الثانيه.. قام يقول انه اوراقه عند كفيله !! وشوي الا يقط الورقه ويشرد
عصابه منظمه.. يجون بفيز زياره ويفترون على المساجد ويكذبون بكل وقاحه .

[*بومحمد*]

الله يهدي الجميع ..

شي يضحك والله ، يقصون على خلق الله ولا حد يردهم ..

[قطريه فديتني]

انا بعد صادني هالموقف كنت في مستشفى الأهلي كنت حامل وجاتني هذييج المنقبه وشكله كبيره وقامت تقول ابوها مرقد ومحتاجه 380 ريال عشان تحليل مادري عشان شو المهم عطيتها اللي قدرت عليه

بعدها بأسبوع كنت في عيادة الدوحة ولقيتها هي نفسها بالصدفه وبعد جاتني تطلب مني وتقول ولدها مرقد وعنده عملية @@

عرفت انها نصابه بس خفت منها وبعد عطيتها وانا ماشيه بسرعه بسرعه كانت تمسكني من يدي ماتهدني وانا اتخرع منها

[ذوق]

اوووووووووووف صارلي هالموقف في مجمع تاون سنتر وطلعبت مني المبلغ 270 والظاهر قالتلي 70 عشان تحسسني انها صج...

يالله دفعه بلى والله فوقها لو كذبت

[المتضرعه لله]

لو ماعندها فلوس ماجات العيادة الدوحه كان راحت الطواري ارخص لها للاسف الحين موسم وصاروا مراقبين فراحوا بطريقه جديده للمستشفيات الخاصه

الحذر واجب

[ولد قحطان]

اخوي كنت تتأكد قبل لا تتبرع لها يعني ترووح الريسبشن وتتأكد هل صحيح ادعائاتها ولالا ؟

عادي اخوي يعني اي واحد يروح العيادة ويقول ابي التحليل الفلاني والفلاني واختار التحاليل الغالية
بيعطوني ورقة اراويها كل الموجودين بالصالة

افضل شي قولها الله يعطيج واذا شفتها تبالغ بالطرارة نبهها
انا عني باتصل في الشرطة
صج اني نحيس

[MeMe MoOoON]

يالله شنو هذي مب صاحيين لو الموت ماعطيتها لان اعرف من المحتاج عدل واغلب المحتاجين واعليه عليهم عندهم عزة نفس

[ولد قحطان]

انا بعد صادني هالموقف كنت في مستشفى الأهلي كنت حامل وجاتني هذييج المنقبه وشكله كبيره وقامت تقول ابوها مرقد ومحتاجه 380 ريال عشان تحليل مادري عشان شو المهم عطيتها اللي قدرت عليه

بعدها بأسبوع كنت في عيادة الدوحة ولقيتها هي نفسها بالصدفه وبعد جاتني تطلب مني وتقول ولدها مرقد وعنده عملية @@

عرفت انها نصابه بس خفت منها وبعد عطيتها وانا ماشيه بسرعه بسرعه كانت تمسكني من يدي ماتهدني وانا اتخرع منها

اسمحيلي اختي طلعتي خوافة

قوي قلبج ولا تتعودين على التردد والخوف من ردة فعل الاخرين في هالموضوع او غيره

[قطري فلته]

انا صراحه ما اعطي احد الا جمعيات الخيريه

تندرون شسوي والله العظيم اتقولى شيخ انا شنو فقيره ارد عليها وانا فقير عندج فلوس اطر عندها علشان ما اجيني انا تعودت من كثر ما اسافر واجيني هل المواقف خاصه فى لندن واكراد

[w.qatar]

هالموقف مر على امي في عيادة الدوحه قالت لامي زوجي راح يجيب الفلوس وتاخر انا احتريت يوم امي عطتها واضح انها نصابة

[قطرية ونص]

انا صار لي نفس الشي بس في مستشفى حمد العام جاتني وحده من الشام وروتني روشته الدوا الورديه ان ماعندها فلوس تشتري الدوا قلت لها الله يسلم بلادنا الاسعار رمزية ميحاتج تمدين يدج .. والله وانا صايمه نفس الحرمه شفته مره ثانية يمكن عقب كم شهر ونفس الورقه عند الصيدليه وانا اخذ دوا امي الا وهي وراي جان اعطيها كم كلمه يعني ماصرخت عليها بس نصحتها وقلت لها حرام تعيشين في بلادنا احمدي ربك على النعمه ما شفت الا غبرتها

[خفوق]

شالسالفه الطراره زايده في قطر
انا صار لي موقف انصدمـــت والله كنت اتسوق في ذا ون الا واحد لابس ثوب وغتره
جاي يطر ومعاه اوراق مافهمت شيقول لانه يتكلم بسرعه ويتلعثم :eek5:
انا تبلعمت وفهيــت من قلب احاول استوعب لان اول مره تصير لي
وعقب يوم استوعبت قلت له سوري ماعندي لاني اتسوق بالبطاقه :confused:
ولاحظت عقب مارديته يروح حق الحريم بس
يعني استغفر الله الواحد شيقول يعني لو حرمه اللي اطر بتنبلع
بس رجال وين الكرامه وعيييييه جد خساره تنقال له كلمه رجال المشكله شباب مب كبير في السن
استغفر الله العظيم الله يرفع عنهم ولا يبلانا

[_بوشهاب_]

انا اعرف كذا واحد في البحث وخصوصا في محافحه التسول والله واحد يقول ان جانا بلاغ ويوم رحنا شفنا وحده ترددنا هي ولا مب هي يقولك بكامل كشختها واناقتها والله حتى هو استحى يكلمها لكن الشرطيه الي معاه تاكدت من المصادر وسحبتها على طول بدون اي مقدمات

يعطيهم العافيه ربعنا

[بو نيوفي]

وان بعد صار لي نفس الموضوع في مجمع المول التجاري عند ماكينه ال atm
والله هذي مشكله

[وتبقى الدنيا حلوه]

معقوله كل هاي يصير

[وارث العز]

انا 2 ارمضان عند جمعية خليفة جاتني وحدة وانا واقف برا قلت لها بابلغ الشرطة لو ما مشيتي شوي ولا رايحة صوب سيارة ورا في المواقف ينطرها واحد ركبتة معاه !!!

[الكونغرس]

السلام عليكم ورحمة الله وبركاته

ظاهره ما ادري هل هي في عيادة الدوحه بس ولا في المستشفيات الاخرى.......

الموضوع وبأختصار واللي صارلي اكثر من مره(مرتين في رمضان

امس واليوم) لما اروح العيادة تجيني وحده لابسه عبايه

وتقولي يا اخوي انا بسوي لولدي تحليل بس ما عندي فلوس

حق التحليل وترويني التحليل والتكلفه المشكله شفتها تروي واحد قبلي

الفاتوره وعطاها تكلفة التحليل بعدين جات صوبي وروتني نفس الفاتوره وعطيتها.

يعني اذا كانت التكلفه 250 يعني ألي قبلي عطاها 250 وانا عطيتها 250

أللي بعدي بيعطيها 250 يعني اذا هي واختها شغالين هالشغله بيطلعون

اكثر من راتبي وراتبك.

وكل اللي مروا علي لهجتهم خليجيه غريبه؟؟يأخذون الواحد في زاويه ويشرحون له

المشكله وهو على نياته يدفع بالمئات.

المهم حبيت انصحكم اذا جتكم واحده منهم انكم تتأكدوا من الفواتير حق التحليل .

انا ما اقولكم انكم ما تعطونهم ولاكن انكم تتأكدوا انهم محتاجين

لاني الصراحه اشك فيهم انهم محتاجين من الأساس والله اعلم





لاحول الله

[eXpert*]

لاحظت من الردود ان المتسولون الرجال يبحثون عن الحريم .
والعكس صحيح ،، تجد المتسولات يذهبن للرجال !! :nice: <== وفسر الماء بعد جهدٍ بـ الماء ،، معليش صايم اليوم :victory:

لا بس بصراحة يجب نتكاتف للحد من هذه الظاهرة يداً بيد .

[شبح الصمت]

ياخي انت غلطان المفروض تقولها الله يشفي لج مرضاكم ودامها مب قد هالشيء اشله تجي عيادة الدوحة اشله مؤسسين مستشفى حمد ابلاش وخدمه طيبه تروح اهناك ،، بس ذولي صدقني مرض نفسي فيهم يحبون الفلوس ومستعدين يسوون اي شيء مقابل انه يشوفون البيزه في يديهم ..
سبحان الله وبحمده