تسجيل الدخول

مشاهدة النسخة كاملة : هل التأجير من الباطن قانوني ؟؟


طاير
05-09-2009, 06:35 PM
السلام عليكم

في البداية اعذروني اذا كان مكان الموضوع خطأ

انا حاليا ابحث عن منزل للإيجار ولفت نظري وانا ابحث في الوسيط انه فيه عوائل عربية تبحث عن مستأجرين معاها !؟!!

انا شفت وحده من الفلل حاطين نصف الفيلا للإجار ! ورفضوا ايكون العقد مع المالك الرئيسي ايقلون العقد مع المتسأجر ؟!!

طيب اذا سافر المستأجر او غير الشقه انا شراح ايكون مصيري ؟!!

والشخص الثاني ( عربي بعد ) عنده فيلا يبي يأجرها بالباطن والعقد معاه وايقول عندي وكالة من صاحب الفيلا اني ااجر جزء من الفيلا !!

ياليت تفيدونا اخواني شاللي قاعد ايصير !!

هل هالموضوع قانوني ؟!؟! وهل هناك حفظ لحقوق المستأجرين ؟!
ابوبشاير
05-09-2009, 07:03 PM
إللي أعرفه أن العقد نوعين
عقد يمنع التأجير من الباطن وعقد يسمح بالتأجير
يعني إذا العقد فيه بند يقول :
- يحق للطرف الثاني (المستأجر) التأجير لطرف ثالث أو آخر .
معناته أن الموضوع مافيه شي والعكس صحيح .
وفي ملاك مأجرين مجمعات فلل وعماير كبيره بالباطن .
أهم شي ما يأخذ من كاش مده طويله ويأجر لك بسعر أقل من سعر المالك
لأن هذا اللي صاير هالأيام (نصب) الله المستعان .

موفق إن شاء الله ؛
طاير
05-09-2009, 07:10 PM
يعطيك العافيه اخوي ابو بشاير
انا اول مره ادري عن هالشي صراحه ! ؟

بس هذا راح يخلق بلاوي ومشاكل لها اول ما لها تالي !
لو المالك طرد المستأجر ؟! ايش اسوي بعقدي ؟!
العنان
05-09-2009, 11:24 PM
يعطيك العافيه اخوي ابو بشاير
انا اول مره ادري عن هالشي صراحه ! ؟

بس هذا راح يخلق بلاوي ومشاكل لها اول ما لها تالي !
لو المالك طرد المستأجر ؟! ايش اسوي بعقدي ؟!

ترجع على المستأجر الاصلي ، والعقد اللي بينك وبينه صحيح بس لازم تتأكد من العقد اللي بين المالك والستأجر الاصلي انه لا يوجد بند او شرط يمنع التأجير من الباطن .
بواردي
06-09-2009, 12:07 AM
معلومة جديدة
طاير
06-09-2009, 01:01 AM
يعطيكم الف عافيه اخواني على هالمعلومات القيمة

لكن مازلت اقول انه ما راح تنزل اسعار العقارات بهالطريقه :(

المستأجر الأول يستأجر الفيلا بـ 10 آلف

يأجر ربع الفيلا بـ 4000 ريال
والملحق الخارجي بـ 2500 ريال

ويسكن الباقي بـ 3500 ريال !!

هل هذا معقول ؟!
هذ مش حسد يعلم الله لكن احس الموضوع ماهوب راكب :( !
bluelion
07-09-2009, 01:50 AM
المستأجر الأول يستأجر الفيلا بـ 10 آلف

يأجر ربع الفيلا بـ 4000 ريال
يأجر ربع الفيلا الثاني بـ 4000 ريال
والملحق الخارجي بـ 3000 ريال
وغرقة السائق بـ 1000 ريال

ويسكن الباقي بـبلاش ويحط في جيبه 2000 ريال !!
طاير
07-09-2009, 12:28 PM
مشكور اخوي على الإضافة :(

الحين طايحين في موضه جديدة

ما يأجر على ( قطريين ! ) !!

طيب القطريين بيسكنون ببلاش ؟؟!!

وبياخذ شيكات بعد ! يعني ليش ما يأجر عليهم ؟!

الله المستعان