لحد يقرقع على راسي مافي قرنقعوه الا هذا

[عروة]

من وعيت والى اعرفه ان القرنقعوه مناسبة حلوة يحتفل فيها اليهال بليلة نص رمضان يلفون على الفريج بيت بيت ويجمعون بهالمكسرات ويغنون اغنيتهم لما يطقون الباب واخر الليل يتهاوشون من جمع اكثر من الثاني وثاني يوم كل شيء يرجع طبيعي

هالسنة وكالعادة رحت سوق واقف وخذت لي 3 خرايط مكسرات منوعة ورجعت البيت وكلمت ام العيال وقلت لها هذا القرنقعوه خشيه لين نص رمضان نوزعه على اليهال الى بيجون بيتنا وام العيال الله يهديها شافت المكسرات وزعلت وعصبت وقالت لي هذي قرنقعوه انت شتبي تسوي فيني تبي تجيب لي مرض الضغط والسكري تبي تفشلني قدام الجيران هذا مال اول رديت عليها هو في قرقيعان مال اول ومال الحين ردت علي ترا خبرك عتيج الحين القرنقعوه اشكال والوان وكل ماكان غالي يدل على انه اصحاب البيت عيال عز شوف جارتنا فلانه تشتريه من لاريسا وجارتنا ام فلان تشترية من باتشي وجارتنا ام فلان تحطه في توزيعات على شكل لعبه والا دبدوب وتحط مع كل علبة خمسين ريال وجارتنا ام فلان طابعة صور عيالها على الخريطة الى توزع فيها القرنقعوه يعني الناس تطوروا وانت للحين على هالقرنقعوه مال اول شتبي الناس يقولون عني المهم انا ماقتنعت بوجهه نظرها وقلت لها الى اعرفه ان القرنقعوة احتفال بسيط علشان اليهال يستانسون فيه والكبار المفروض مايكبرون الموضوع كل الى عليهم يوزعونه ويفرحونهم وماعتقد اليهال بيقولون هذا مال باتشي والثاني مال سوق واقف واحنا مب ناقصين مصاريف جديدة المهم اخر شيء اقتنعت واستسلمت للامر الواقع والحمدالله الليلة عدت على خير

فهل مرت عليكم هالاشكال الجديدة؟
وكيف كان قرنقعاكم؟
وليش نحب نعقد امورنا بدل مانبسطها؟
وليش هالتنافس مابينا وبين الناس ومحد مستفيد الا المحلات؟

وسلامتكم

[yosif1]

الي يسمع حق الحريم يودونه في داهيه ويصوغون فلوسه.
سبحان الله الحريم يعقدون الموضوع ويتنافسون في بينهم الرجال عادي ما يهم شي المهم قرنقعوه يوزع على اليهال من الجفير

[محسن العجي]

وكيف كان قرنقعاكم؟


موضوعك حلو والي عجبني فيه اكثر قرنقعاكم خخخ

انت لو تشوف التوزيعات الي جاتنا من بيوت الجيران والله صراحه استغرب مثل هذه الظاهر

الحريم والرجال البعض منهم قامو يحتفلون فيه القرنقعوه ,,, وانا اخبر انها حق اليهال يلفون في الفريج والقصد منها البهجه والوناسه لهم ..

بس الحين اشوف الكل قام يحتفل فيها وكل واحد يختار توزيعات وحركات ودباديب وورود
وسلال وتوزيعات انواع واشكال لا بعد تطرش السايق يوصلها لبيت فلانه ويقول هذه من ام فلان , والمشكله لازم ترد لهم القرنقعوه بشىء احلى من الي طروشها ,

والقصد من هذا كله ان الزبو والهياط :tease:

والفايده كلها للمحل خخخخ والله تدخل عليه وتقوله هذا بكم يقولك مثلا بـ 10 ريال وتجيك وحده تسئله هذا بكم يقول بـ 20 ريال ماما خخخخ

[لاداعي]

صحيح ان كل شي تطور وصار شكله حلو لكن ماله معني كلش الله على ايام قبل..

عروه .. من متابعين طرحك الرائع.. :)

[Bu Rashid]

صج يا أخي .. واحد من الاعضاء هنا واعدني بحلويات من فوشوووووون :)

[القلم الصريح]

ماعندها سالفه ام العيال ، القرنقعوه فرحه لليهال اكثر من الكبار واليهال ماهمهم شي غالى او رخيص اليهال همهم شي يعجبهم ويدخل مزاجهم بغض النضر عن القيمه القرنقعوه بس احنا صار عندنا مرض نفسي انه كل ماكان الشي غالي كل مايدل على تطورنا وهالفكره غير صحيحه لان القرنقعوه مو بقيمته الماديه القرنقعوه بقيمته المعنويه
واللي يسمع كلام الحريم راح يفلسونه هههههههههههه

[المتضرعه لله]

حلاة القرنقعوه بالصفريه الكبيره كم كيس تفكهم جماعه وتحط بهم طاسه صغيره تغرفوا بها ياحلاتها اما الحين اقل وحده ب15 ريال اذا بتاخذ 100 حبة بالف وخسممائه وياليت تكفي لكن والله شكلهم بعد حلو لكن كل حسب مقدوره

[MeMe MoOoON]

والله كل شي مال اول حلو ماحب هالبدع الي يسوونها

[مستجدة]

يازين اول ويازين فرحتنا ونحن من بيت لبيت
هالايام دخلت علينا اشياء والعياذ بالله اسراف وفسق اللي اتربي اتسوي توزيعات بــ10 الاف
والقرقعوه صار مال اول ودخلت عليه اشياء مادخل الاطفال فيها من عقول الاكبار اللي مع الاسف
شوهوا هالمناسبه


الله يهدي الناس

[همسه]

قلت اللي في خاطري اخوي

صادق

بعض الناس مصخوها

هي كلها عاده وتراث قديم وحلو يستانسون في هالليله الاطفال واحنا نستانس من وناستهم بس

مب الغرض منها المهايط والخساير

:)

احنا في بيتنا الحمد لله ضد هالتطور الفاشل

الصدق هو تأخر مب تطور

ههههههههههه

الحمد لله القرنقعوه عندنا نفس اول جفير مليان قرنقعوه وطاسه صغيره نغرف للصغار بها

وبس

صورت قرنقعونا شوفو

http://www.3ata.com/up/uploads/images/3ata-2b80c71798.jpg

http://www.3ata.com/up/uploads/images/3ata-bc7b1d23a9.jpg

وهذي فديتها صورتها وهي تاكل من الحلاوه اللي في القرنقعوه ومستانسه وهذا كل اللي نبيه الحمد لله

http://www.3ata.com/up/uploads/images/3ata-ef9ecbd574.jpg

:)

الله يعطيك العافيه

[شبربوش]

اي والله صدقتو حتى في القرنقعو زبو ونقول كله علشان انطيب خاطر العيال والعيال ما يجون لين البيت لا انت اتقوم اتودي عيالك بالسياره وتودي معاك القرنقعو ولا بعد بكسات راقيه وحركات من كل نوع حاطلهم في البوكس بس تبون الصج الي مصورته اختي همسه احلى اب وايد ما ادري علشان انه صايم بس الصراحه تنقال

[BuNooR]

حلاة القرنقعوه مكسراته منه وفيه

[شبح الصمت]

لازم نمشي مع التطور ياخي حتى في سوالف القرنقعووه .. اخ بس قبل اش حلاته قرقع ومش حالك الحين اليهال يمكن تعطيه قرنقعووه من التشكيله القديمه يزمر في ويهك وعادي يحذف عليك القرنقعوووه ويعطيك ظهره ويطلع وهو يتحلطم هههههههههههههههههههههههههههههههههههههههههههاي نفس العيد والعيد جاي

[qatar lady]

اي والله قرنقعوه اول ياحلاته ويازينه
كل اليهال منثرين بالشوارع ههههههههه تحس بالفرحه والوناسة على هالمكسرات البسيطة
وياحظ اللي يصيد البيت الي يوزعون مع قرنقعوهم بيزات <<< تشوف الزحمة واصله حدها
او لا كان مخلوط بعلوج او كاكاو مال الدكان << بلفيت يعني ماركة خخخخ

الحمدلله قرنقعونا كان عادي مال اول .. بس التوزيعات اللي للاخوان والخوات كانت بوكسات بسيطه ومرتبه ...

[ســـهم]

اي والله قرنقعوه اول ياحلاته ويازينه
كل اليهال منثرين بالشوارع ههههههههه تحس بالفرحه والوناسة على هالمكسرات البسيطة
وياحظ اللي يصيد البيت الي يوزعون مع قرنقعوهم بيزات <<< تشوف الزحمة واصله حدها
او لا كان مخلوط بعلوج او كاكاو مال الدكان << بلفيت يعني ماركة خخخخ

الحمدلله قرنقعونا كان عادي مال اول .. بس التوزيعات اللي للاخوان والخوات كانت بوكسات بسيطه ومرتبه ...

هههههههههههههههههههههههههههه

شايف هالموقف بس مادري وين

هههههههههههههههههههههههههههههههههههههه

كل شي بطبيعته حلو اذا صارت فيه اضافات قلت حلاته ولذته :(

[jm01]

يعطيج العافيه على ها الموضوع
في النهايه اليهال مايعرفون هذا من وين وهذا غالي كل اللي يعرفونه انه اسمه قرنقعوه ويستانسون

[blackjacket]

المستفيد الاول المحلات هم الي سووا الحركات و التوزيعات حق القرنقعوا ولا اول حلاة القرنقعوا بسيط و حلو بس الحين اليهال حتى قاموا يطلبون قرقيعان ابو توزيعة:omen2:

تخلوا محل مبيعات القرنقعوه وصلت 1200 مليون و ميتين الف ,اللهم زيد و بارك:nice:

[هبوب الشمال]

ما احب الاسراف والبذخ اللي ما حبه ربي

القرنقعوه مثل كل سنه احطه في صفريه عوده ومله اغرف فيها حتى اليهال يستانسون كل واحد يقول حطي لي مره واللي يقولانا ابي اكثر منه واللي يقول انا اكبرواحد حط لي اكثر شي ههههههههههههه

الحمدلله الكل في خير ونعمه

لكن الله ماعطي الواحد عقل يفكر فيه

[ليث العرين]

حتى القرنقعو ما سلم من مرضى النفس

[alrheeb2020]

هههه كل وااحد رايح يقرقع وله هدف ....


(ايمع اكثر من رفيجه) ..

خخ

ماعرف شفايدة الاسراف ..