وين اروح في شهر العسل

[qtr-23]

سلام عليكم

انا بتزوج في شهر 12

ابي دوله اروح اتمشه فيها انا والمدام بس اتتكون حلو ه


غير شرق اسياء

[abcd1.abcd12]

سلام يا طيب روح جزر المالديف اروع ما خلق الله

او روح استراليا

[واقع]

روح بريطانيا 6 ايام واطلع منها على النورستار لفرنسا 6ايام بس ثقل بالملابس

[صلاتي]

سلام عليكم

انا بتزوج في شهر 12

ابي دوله اروح اتمشه فيها انا والمدام بس اتتكون حلو ه


غير شرق اسياء

مكة المكرمة

:nice: :nice: :nice:

[qtr-23]

يطيب ابي مكان اتمشه فيه فدية خشمك مابي مكان ميخليني اتعده المكاني

[qtr-23]

بيض الله وجهك ترا في لسته مكه مافيها واحد وثنين

[عبدالرحمن]

لو في الصيف بقولك مالك الا اوربا سويسرا وفينا ولندن وزلامسي وغيرها لانه هذا وقتها تمشي وجو حلو
بس لانك ف شهر 12 وتبي تمشي وجو حلو واسعار معقوله بيروت والقلب داعيلك واسكن في غراند حبتور الي في سن الفيل او فينيسا انتر كونتنتال وخذلك شوفير يوديك وين ماتبي واماكن سياحية بس ترا حط في بالك من 10-14 يوم بيروت وعقب بتزهق بس هي حلوه وتستاهل حق 10 ايام
الشوفير عنده مرسدس يجيك موديل 94 ولا95 معاك من تصبح لين تقوله تصبح على خير ب100 دولار يعني ولا شي بس طبعا في الصيف الاسعار تختلف والله يبارك لك ويتمم عليك بالخير

[nasreen]

هذه جزيره رائعه لزم تروح عليها عن طريق سفريا الامارت او تركيا رائعه ؤبلغاريا وقبرص او اليونان رائعه حتى الاكل عربي

[ســـهم]

تونس حلوه وتصلح حق بلابل اثنين في شهر العسل :)

الله يهنيكم ويحفظكم ..

[qtr-23]

يعطيك الف عافيه وتسلمون على المرور

[جنوب الدوحه]

شوف اوروبا وايد برد .. مالك الى الدول العربيه او الاسويويه وانا ما انصحك في دوله عربيه


روح ماليزيا بتستانس وايد في هذا الشهر ... اسلاميه نظيفه كل شي متوفر شعب حبوب طبيعه يسمونها جنة اسيا فيها جزر .. وكل الي تبيه موجود .. ورخيصه .. ولا تنسا تسكن في السان واي لاقون :)

[غبيش]

الاخوان ماقصروا بس متى تبي تسافر

[راعي الغزيل]

رووووووووووووووووووووووووووح لبنان وسوريه

[cavok]

يا سلام واللة رووووووووووووووووح las vegas

[العرفـج]

مالك الا مكه والمدينة هذي نصيحة في بداية الزواج وبعدها
استخير وانت هناك سواء كان شرق اسيا ولا أوروبا

بالبركة ان شاءالله والله يوفقكم ويرزقكم الذرية الصالحة قول آمين

[ثرية]

لندن وبسسسسسسس لا تقولي ماليزيا لا تخليهم يقصون عليك انا قالوا لي ماليزيا وماليزيا قلت كلشش مافوقها فوق ولا شفت فيها شي سنع على شنوووووووو ربعنا ميتين عليها مادري

[شويهينــه]

المالديف وبس

والله يتتم لكم على خير يارب

[بوخالد911]

هلوو

لو المدة طويلة
يعني اكثر من 3 اسابيع
استرليا وبسسسس

لو اقل

رووح النمسا + سويسرا


ومبروك مقدما وان شاء الله بكرك ولد



مسيوو / بوخالد911

[بومحمد911]

مبروك مقدما والله يرزقك زوجة صالحة وذرية صالحة بأذن الله

شوف اي مكتب سفريات يمكن يساعدونك عندهم برامج رحلات قصيرة وطويلة على حسب ميزانيتك

[أم البنات]

في الشتاء مب حلو السفر أجل للصيف

[سماء الرياض]

مبروك مقدمــــا

الصــــــــــراحة سويسرا وخصوصا انترلاكن

[قناص قطر]

مبروك مقدما

روح بيروت الجو بارد وافضل من اوروبا وخاصه مع هالامراض

خلك قريب

وديره ما عليها كلام راح تنبسط يا خوي ( على قولت طاش 16 )

[مستر قطر]

السلام عليكم
اخوووي مالك الى سويسرا جينيف وبالخصوص انترلاكن بتعيش جو رمنسي من قلب ومبروك

[شبيــه الريح]

روح سويسرا انترلاكن وزيلامسي شي من قلب

[ام يوسف]

انصحك بتايلند وماليزيا
ولو حبيت تروح في واحد يضبط برنامج حجوزات شهر عسل
من فنادق وتذاكر وووو
ماعليك الا انك تتوكل على الله
عن تجربه

[أبو راكان]

مالك الا الصمان
وادعيلي

[قطري فلته]

اخوي كل واحد يعطيك شمس ويمين والقمر يسار

اخوي انا تزوجت شهر 12 وانت تدري بيكون بارد نصيحه من مجرب سمع سالفتي انا رحت استراليا وخبرك استراليا سدني تكون حاره سبحان الله اهم عكس احنا شتا اهم صيف وهكذا سدني جدا جميله واشرد من العرب وخاصه متزوجين روح بلد بيعده قبل ما اتجيب عيال وتوهق بتقول ياريت وياريت اهم شي عندك لغه واسمحلى على الاطاله وحياتك قعده 37 يوم بس نصيييييحه روح درجه اولى ولا بزنس اقسم بالله احنا فى الاولى مت وتقبل مروري خلك عكس العالم

[أبو راكان]

واشرد من العرب وخاصه متزوجين روح بلد بيعده

ليش يشرد من العرب ؟
عسى ماشر؟!
الرجال شبيسوي؟
دام انه ماشي سيده محد يقدر يتكلم عنه

[بــو فهــد]

نصيحه .. روح هاواي ولا جزر الكاريبيان .. خذ لك غرفه ع البحر والله يوفقك ان شالله .

[فنجال قهوه]

جعله زواج مبارك ان شاء الله
والله يوفقك
وانصحك اتروح لندن مافي غيرررررها
ولك الاختيار
وتقبل مروري اخوي

[قطري كشخه]

السلام عليكم
اخوووي مالك الى سويسرا جينيف وبالخصوص انترلاكن بتعيش جو رمنسي من قلب ومبروك
:nice::nice:

نفس راي

[جساس قطر]

مرحبا اخوي انصحك تروح باريس ولندن هاذي احلا بلدتين رحتلها فيى شهر العسل

[جساس قطر]

مرحبا اخوي اول شي الله يوفقك وانصحك تروح باريس

[فراغ]

روح أخوي سرلنكا والله شفت لها صور مع أني ما رحت لها لكنها حلوه في الصور
وأنا بعد ما سافرت من قطر بس عندي خبرة من النت شفت وايد صور عن دول لكن مثل سرلنكا ما شفت

[ملازم1]

مبروك مقدما واقعد في الدوحه اسبوع وروح دبي اسبوع واجل السفره حق الصيف

[anood]

احلى سفر سفر الشتا : )

احنا مفتقدين الشتا بالثلج والمطر

لو حابين مكان بارد روح المانيا : ) او باريس

ولو حابين مكان معتدله حرارته روح ماليزيا او سرلنكا
فيهم جزر كثيره رومنسيه وروعه للعرايس
شي من الخيال

[EMS_QTR]

روح جزر المالديف صدقني لازحمه ولا ناس عندك ولا شي شي خيالي دش جوجل وشوف الصور بتعجبك انشالله وانت راجع روح العمره والله يوفقك

[qatar.1995]

سلام عليكم

انا بتزوج في شهر 12

ابي دوله اروح اتمشه فيها انا والمدام بس اتتكون حلو ه


غير شرق اسياء



خذ مني وسئل مجرب ولا تسئل طبيب روح

الفلبين وعلى طول

جزيره بروكاي

وشوف اشلون الجو وشوف اشلون المشتريات وشوف اشلون الاسعار

الجوووووووو رااااااااااااااااع والسووووووواح على بكثره

الاسواق حلوه والاسعار متواضعه

الفنادق جيده جدأ والاسعار ماتتعب

وفووووووووووووووق هذا كلهااااااا ياربي على الطقس وجمال الطبيعه والمحلات موجوده الى اخر اليل


من انا اقولك روح بلا تردد

ومبروك عرسك وعسى ربي يهنيك


اذا خاطرك باوربا


مالك الى استراليا

[cavok]

Goooooo to lasvegas u s a

[ابومحمد 123]

مبروك مقدما ونصيحتي ابعد عن بلدان التعري والفساد وابدا واذهب لمكة والمدينة علشان الله يبارك لك في زواجك اللهم امين .

[OM_almayasa]

بالتوفيق

[Parfait]

لندن وبسسسسسسس لا تقولي ماليزيا لا تخليهم يقصون عليك انا قالوا لي ماليزيا وماليزيا قلت كلشش مافوقها فوق ولا شفت فيها شي سنع على شنوووووووو ربعنا ميتين عليها مادري

الحين ماليزيا صار مافيها شي ولندن الي فيها كل شي ؟

لو رحتي لندن شعندج غير الاكسفورد ستريت وبالتحديد( سلفرج ) و النايتس برج بالتحديد ( الهارودز ) و البكدلي فليل .. والهايد بارك وقليل من الخليجيين الي يروحون على لندن اي . والمتاحف .. الخ ؟

لندن رحتها وكثر . ونفس الشي ماليزيا .. وماليزيا الافضل بدون اي مقارنه ..
يريت تفهميني عزيزتي وين رحتي بلندن وين رحتي بماليزيا على اساس افهم شالي خلاج
تميزين لندن ( العاصمه ) على ماليزيا ( البلاد ) ..

<< السموحه طلعت من الموضوع ..

يريت الغالي تحدد اذا تبي بلاد بارد وله حاره ؟
اذا تبي بارده ( اوروبا ) .. واذا حاره ( استراليا ) .. واذا معتدله ( اسيا ) وهذا الي انت ماتبيه

والله يوفقك لك ان شاء الله يا الشيخ !

[aaa111]

نصيحة غير اروبا لاتروح

[qatar love]

جزيرة موريشيوووس عجييبة

[مبرمج QA]

ماليزيا أو تركيا ..

ولا تختار غيرهم وخاصة بالوقت هذا

[سمرلاند]

ما تبي اوروبا ؟

روح لبنان

[أم البنات]

روح البلد الى خاطرك تزوره
حتى لو غيرك يشوف البلد الي بخاطرك ما تستاهل
أهم حاجة
شي في خاطرك سوه

أيش رسيت عليه ترى ماقريت الردود

[meme1313]

دوحه - مكه - دبي - دوحه