شي احس فيه

[لولوتي]

بسم الله الرحمن الرحيم

السلام عليكم ورحمة الله وبركاته

ما اعرف من وين ابتدي موضوعي،، واي التعبير استخدمه في كتابتي للشي اللي اعاني منه بين فتره والثانيه...

ولكني اكتبه لسبب واحد وهو ان يخف تفكيري في الموضوع،، لاني احيانا كثيره اذا كنت افكر فشي اذا تكلمت عنه ممكن حتى انساه..
واذا لقيت عندكم لي نصيحه بكون اكيد شاكره.


بين فتره والثانيه اتجيني افكار وللاسف القاها تتحقق
مثلا قبل شهرين الصبح اخوي واختي طالعين الصبح للدوام، واكثر من مره اتخيل انهم بيسوون حادث خشن،، وتميت اتعوذ من الشيطان وابعد الافكار من راسي،،، و يوم ارجعوا الظهر الا اختي اتقول انهم سووا حادث بسيط جدا، ضربه بسيطه للي كان جدامهم وماتوقع اخوي منه انه بيوقف في الاشاره وجاته ضربه خفيفه جدا.

قبل رمضان بيومين حلمت باشياء ما اذكرها بالضبط ولكن لها الدلالة على الموت،،، وهالشي مرات ومرات حصل لي، وتميت ادعي واطلب من الله لو يتوفى اي احد يكون بعيد عن اهلي، وبعدها توفى ابو صديقة اختي.


البارحه حطيت راسي ولأول مره شفت جنازة طفل، تميت ابعد الصوره عن بالي، و قلت في نفسي لو اتصل الحين واقول حق خواتي يديرون بالهم على عيالهم، ولكني امتنعت لاني ما بغيت ازعجهم، تميت اذكر الله لين نمت،،،
العصر :( قالت لي اختي مفاجأه ،بنت اختي العوده في الليل ولعت النار في البيت وهي تلعب بالجراخي مال القرنقعوه،، احترق الميلس الخارجي بس جزء من الاثاث ماله، والحمد لله محد تأذى ابدا.

نفسيتي تعبانه من ساعة ما عرفت الخبر
الافكار في راسي اتدور واتدور،،، شللي يخليني في هالوضع ليش احس بمثل هالاشياء؟؟؟

فترة ارتحت وماكنت اعاني ابدا من هالامور بس ماادري ليش ارجعت لي


الله المستعان

شكرا لكم لقرأتكم موضوعي.

[E L L E]

كثري من الاستغفار اختي هذا عقلج الباطن انا لي تحلمت اقوم واحصل الحلم قدامي

عليج بالاستغفااااااار

[ريماس الغلا]

هذا اختي شئ يسمونه القرين

وهم موجود عند كل انسان

الله ينجينا واياكم وعيالنا وعيالكم من كل سوء

[لولوتي]

كثري من الاستغفار اختي هذا عقلج الباطن انا لي تحلمت اقوم واحصل الحلم قدامي

عليج بالاستغفااااااار


الله اعلم اشكثر استغفر ربي

انا فترة كنت اخاف اغمض عيوني عشان ما اشوف اي شي ابدا
واخاف اوصل لذيك المرحلة مره ثانيه

[الجني]

اختي لولوتي,

بعد اي حلم (و الحلم من الشيطان)
تعوذي من الشيطان و انفثي عن يمينك ثلاثاً
و لا تخبري به احد.

اما الرؤيا الساره اخبري بها من تحبين

و ابعدي عن هذه التخيلات و ربط الأشياء ببعض
و السبب قد تتوالى الصدف و نعتقد ان هناك قوة خارجية تتحكم بنا
لا تستسلمي لهذه الوساوس حتى لو حصلت.
و احذري ان يصيبك نوع من التطيّر كأن ترين حادث فتمتنعين عن عمل
شيء كنت مقرره عمله.

و اقرئي الأذكار و ابتعدي عن اي تفكير سلبي و حاولي ان تتذكري
اي شيء ايجابي.

لابأس عليكي ان شاء الله.

[لولوتي]

هذا اختي شئ يسمونه القرين

وهم موجود عند كل انسان

الله ينجينا واياكم وعيالنا وعيالكم من كل سوء


اللهم امين

وشنهو السبيل للخلاص منه

[ســـهم]

]وهناك صنف آخر من الرؤى، وهو وحي الشيطان لأوليائه في المنام ما عجز عن تفهيمه لأنصاره وأتباعه في اليقظة, وقد تصيب المؤمن لتحزينه (الرؤيا التحزينية). عن سيدنا أبي هريرة رضي الله عنه عن النبي صلى الله عليه و سلم قال : "الرؤيا ثلاثة : فبشرى من الله، وحديث النفس، وتخويف من الشيطان. فإذا رأى أحدكم رؤيا تعجبه فليقصها إن شاء، وإذا رأى شيئا يكرهه فلا يقصه على أحد، وليقم فليصل". رواه الدارمي رحمه الله.[/color]




ونتمنى لك كل خير ان شاء الله ....

[وطن]

الظاهر اختي انتي من النوع اللي يوسوس وايد

لا تفكرين ولا توسوسين
وتعوذي من ابليس

اقري البقرة بنية ان الله يبعد عنج هالشي
وان شاء الله بترتاحين

[ســـهم]

لولوتي

لاتنسين وطن من الاحلام ...:nice:

[لولوتي]

اختي لولوتي,

بعد اي حلم (و الحلم من الشيطان)
تعوذي من الشيطان و انفثي عن يمينك ثلاثاً
و لا تخبري به احد.

اما الرؤيا الساره اخبري بها من تحبين

و ابعدي عن هذه التخيلات و ربط الأشياء ببعض
و السبب قد تتوالى الصدف و نعتقد ان هناك قوة خارجية تتحكم بنا
لا تستسلمي لهذه الوساوس حتى لو حصلت.
و احذري ان يصيبك نوع من التطيّر كأن ترين حادث فتمتنعين عن عمل
شيء كنت مقرره عمله.

و اقرئي الأذكار و ابتعدي عن اي تفكير سلبي و حاولي ان تتذكري
اي شيء ايجابي.

لابأس عليكي ان شاء الله.


اخوي الكثير من هالاشياء ماتكون احلام
يعني احيانا بس اكون قاعده واتجي الافكار في راسي سواء كنت بروحي او لا.


واللي مضايقني اليوم بالذات اكثر اني الوم نفسي لأني مااتصلت في خواتي وقلت لهم عن اللي حاسه فيه او حتى كنت المفروض اقولهم ديروا بالكم على عيالكم

والافكار السلبيه بالفعل من مده وانا اطردها واكشها من تفكيري واحاول انشغل عنها... ولكن حتى لو نسيتها القى الشي متحقق
كل شي بامر رب العالمين ولكن اتضايق بالفعل يوم احس بالترابط في الامور هذي.

[وطن]

لولوتي

لاتنسين وطن من الاحلام ...:nice:

لا شكرا
عندي اللي مكفيني وزوووووووووووووود

جان تبي بنحولهم صوبك

:anger1:

[ريم قطر]

الله يحفظكم من كل شر حبيبتي
الله يعينج

[استغفرالله]

الشيطان يحب إحزان المؤمنين كما قال الله – تعالى -: {إِنَّمَا النَّجْوَى مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئاً إِلا بِإِذْنِ اللَّهِ } [المجادلة: 10] فكل شيء ينكد على الإنسان في حياته ويعكر صفوه عليه فإن الشيطان حريص عليه سواء ذلك في اليقظة أو في المنام؛ لأن الشيطان عدو كما قال الله – تعالى -: {إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوّا} [فاطر: 6] وهذا النوع الأخير أرشدنا رسول الله، صلى الله عليه وسلم ، إلى التحرز منه فأمر من رأى في منامه ما يكره أن يستعيذ بالله من الشيطان، ومن شر ما رأى، وأن يتفل عن يساره ثلاث مرات، وأن ينقلب على جنبه الآخر، وأن لا يحدث أحدًا بما رأى فإذا فعل هذه الأمور فإن ما رآه مما يكره في منامه لا يضره شيئًا. وهذا يقع كثيرًا من الناس ويكثر السؤال عنه لكن الدواء له ما بينه النبي، صلى الله عليه وسلم ، كما في حديث جابر عند مسلم: ((الرؤيا يكرهها فليبصق عن يساره ثلاثًا، وليستعذ بالله من الشيطان ثلاثاً، وليتحول عن جنبه الذي كان عليه)). وكما في حديث أبي سعيد الخدري عند البخاري: ((إذا رأى أحدكم ما يكره فإنما هي من الشيطان فليستعذ من شرها ولا يذكرها لأحد فإنها لا تضره)). وكما في حديث أبي قتادة عند مسلم قال: (كنت أرى الرؤيا فتمرضني حتى سمعت رسول الله، صلى الله عليه وسلم ، يقول: ((الرؤيا الصالحة من الله، فإذا رأى أحدكم ما يحب فلا يحدث بها إلا من يحب، وإن رأى ما يكره فليتفل عن يساره ثلاثًا، وليتعوذ بالله من شر الشيطان وشرها، ولا يحدث بها أحدًا فإنها لن تضره)). وفي حديث أبي هريرة – رضي الله عنه - أن النبي، صلى الله عليه وسلم ، قال: ((فإن رأى أحدكم ما يكره فليقم فليصل ولا يحدث بها الناس)). أخرجه مسلم.


بالمختصر اذكري الله قبل لا ترقدين واقري المعوذات

ولي حلمتي حلم مزعج تعوذي من الشيطان وتفي يسارج 3 مرات وغيري الجنب اللي ترقدين عليه

[لولوتي]

]وهناك صنف آخر من الرؤى، وهو وحي الشيطان لأوليائه في المنام ما عجز عن تفهيمه لأنصاره وأتباعه في اليقظة, وقد تصيب المؤمن لتحزينه (الرؤيا التحزينية). عن سيدنا أبي هريرة رضي الله عنه عن النبي صلى الله عليه و سلم قال : "الرؤيا ثلاثة : فبشرى من الله، وحديث النفس، وتخويف من الشيطان. فإذا رأى أحدكم رؤيا تعجبه فليقصها إن شاء، وإذا رأى شيئا يكرهه فلا يقصه على أحد، وليقم فليصل". رواه الدارمي رحمه الله.[/color]




ونتمنى لك كل خير ان شاء الله ....

شاكره لك ســـهم والله يجزيك خير :)

[كلي أمل]

بسم الله الرحمن الرحيم

السلام عليكم ورحمة الله وبركاته

ما اعرف من وين ابتدي موضوعي،، واي التعبير استخدمه في كتابتي للشي اللي اعاني منه بين فتره والثانيه...

ولكني اكتبه لسبب واحد وهو ان يخف تفكيري في الموضوع،، لاني احيانا كثيره اذا كنت افكر فشي اذا تكلمت عنه ممكن حتى انساه..
واذا لقيت عندكم لي نصيحه بكون اكيد شاكره.


بين فتره والثانيه اتجيني افكار وللاسف القاها تتحقق
مثلا قبل شهرين الصبح اخوي واختي طالعين الصبح للدوام، واكثر من مره اتخيل انهم بيسوون حادث خشن،، وتميت اتعوذ من الشيطان وابعد الافكار من راسي،،، و يوم ارجعوا الظهر الا اختي اتقول انهم سووا حادث بسيط جدا، ضربه بسيطه للي كان جدامهم وماتوقع اخوي منه انه بيوقف في الاشاره وجاته ضربه خفيفه جدا.

قبل رمضان بيومين حلمت باشياء ما اذكرها بالضبط ولكن لها الدلالة على الموت،،، وهالشي مرات ومرات حصل لي، وتميت ادعي واطلب من الله لو يتوفى اي احد يكون بعيد عن اهلي، وبعدها توفى ابو صديقة اختي.


البارحه حطيت راسي ولأول مره شفت جنازة طفل، تميت ابعد الصوره عن بالي، و قلت في نفسي لو اتصل الحين واقول حق خواتي يديرون بالهم على عيالهم، ولكني امتنعت لاني ما بغيت ازعجهم، تميت اذكر الله لين نمت،،،
العصر :( قالت لي اختي مفاجأه ،بنت اختي العوده في الليل ولعت النار في البيت وهي تلعب بالجراخي مال القرنقعوه،، احترق الميلس الخارجي بس جزء من الاثاث ماله، والحمد لله محد تأذى ابدا.

نفسيتي تعبانه من ساعة ما عرفت الخبر
الافكار في راسي اتدور واتدور،،، شللي يخليني في هالوضع ليش احس بمثل هالاشياء؟؟؟

فترة ارتحت وماكنت اعاني ابدا من هالامور بس ماادري ليش ارجعت لي


الله المستعان

شكرا لكم لقرأتكم موضوعي.




الله يعينج والله اختي - انا وااايد وسوااااسيه بس مب لين درجتج - اختي علييييج بالاذكار والاستغفار واتعوذي من الشيطان وارتاحي - وسلمي امرج لله وقل لن يصيبنا الا ماكتب الله لنا

----------- اعرف ناس نفسج :secret::secret::secret:

بسم الله اتخرع منهم احيانآ - :secret:

[لولوتي]

الظاهر اختي انتي من النوع اللي يوسوس وايد

لا تفكرين ولا توسوسين
وتعوذي من ابليس

اقري البقرة بنية ان الله يبعد عنج هالشي
وان شاء الله بترتاحين


لا يا اختي انا مب جذي وما فيني وسواس الا في النظافة :shy:
اما في امور الحياة العامة مافيني هالوسواس.

وان شاء الله مالنا غير القرآن يحفظنا من كل مكروه :)

[لولوتي]

:weeping::weeping::weeping: عاد لا تتخرعون مني :weeping::weeping::weeping:

[لولوتي]

الله يحفظكم من كل شر حبيبتي
الله يعينج


تسلمين يالغاليه وربي يحفظج ويسلمج ويبعد عنج كل شر :)

[لولوتي]

الشيطان يحب إحزان المؤمنين كما قال الله – تعالى -: {إِنَّمَا النَّجْوَى مِنَ الشَّيْطَانِ لِيَحْزُنَ الَّذِينَ آمَنُوا وَلَيْسَ بِضَارِّهِمْ شَيْئاً إِلا بِإِذْنِ اللَّهِ } [المجادلة: 10] فكل شيء ينكد على الإنسان في حياته ويعكر صفوه عليه فإن الشيطان حريص عليه سواء ذلك في اليقظة أو في المنام؛ لأن الشيطان عدو كما قال الله – تعالى -: {إِنَّ الشَّيْطَانَ لَكُمْ عَدُوٌّ فَاتَّخِذُوهُ عَدُوّا} [فاطر: 6] وهذا النوع الأخير أرشدنا رسول الله، صلى الله عليه وسلم ، إلى التحرز منه فأمر من رأى في منامه ما يكره أن يستعيذ بالله من الشيطان، ومن شر ما رأى، وأن يتفل عن يساره ثلاث مرات، وأن ينقلب على جنبه الآخر، وأن لا يحدث أحدًا بما رأى فإذا فعل هذه الأمور فإن ما رآه مما يكره في منامه لا يضره شيئًا. وهذا يقع كثيرًا من الناس ويكثر السؤال عنه لكن الدواء له ما بينه النبي، صلى الله عليه وسلم ، كما في حديث جابر عند مسلم: ((الرؤيا يكرهها فليبصق عن يساره ثلاثًا، وليستعذ بالله من الشيطان ثلاثاً، وليتحول عن جنبه الذي كان عليه)). وكما في حديث أبي سعيد الخدري عند البخاري: ((إذا رأى أحدكم ما يكره فإنما هي من الشيطان فليستعذ من شرها ولا يذكرها لأحد فإنها لا تضره)). وكما في حديث أبي قتادة عند مسلم قال: (كنت أرى الرؤيا فتمرضني حتى سمعت رسول الله، صلى الله عليه وسلم ، يقول: ((الرؤيا الصالحة من الله، فإذا رأى أحدكم ما يحب فلا يحدث بها إلا من يحب، وإن رأى ما يكره فليتفل عن يساره ثلاثًا، وليتعوذ بالله من شر الشيطان وشرها، ولا يحدث بها أحدًا فإنها لن تضره)). وفي حديث أبي هريرة – رضي الله عنه - أن النبي، صلى الله عليه وسلم ، قال: ((فإن رأى أحدكم ما يكره فليقم فليصل ولا يحدث بها الناس)). أخرجه مسلم.


بالمختصر اذكري الله قبل لا ترقدين واقري المعوذات

ولي حلمتي حلم مزعج تعوذي من الشيطان وتفي يسارج 3 مرات وغيري الجنب اللي ترقدين عليه


الله يجزيك الخير اخوي
وبالتأكيد في سنة نبينا صلى الله عليه وسلم لنا كل حل وخلاص لأمور حياتنا أجمع.

والله يحفظني واياكم ويبعد عني وعنكم كيد كل شيطان رجيم

بارك الله فيك اخوي :)

[لولوتي]

الله يعينج والله اختي - انا وااايد وسوااااسيه بس مب لين درجتج - اختي علييييج بالاذكار والاستغفار واتعوذي من الشيطان وارتاحي - وسلمي امرج لله وقل لن يصيبنا الا ماكتب الله لنا

----------- اعرف ناس نفسج :secret::secret::secret:

بسم الله اتخرع منهم احيانآ - :secret:


:weeping::weeping::weeping:
شنو الشي اللي يخرع
ما ابي الناس تتخرع مني:(

وابشرج اني الحين احسن وخفت الضيقه كلش عني :)

[The Master]

الله يعينج اختي

طبعا هالشي يكون من الضغط النفسي اللي يمر فيه الشخص
والبلاوي اللي تجي على راسه...ومشكلة هالشخص انه ياخذ كل الامور بجدية
ويحس انه لازم يحلها هو وانها على عاتقه
وتخيلي مشكلة ورا مشكلة هم ورا هم بلوة ورا بلوة
وكلها في راسه وفي قلبه
...لحد مايوصل لمرحلة يكون تعبى عدل وماكان لها متنفس تزيل عنه هالهم لان هالناس عادة يكتمون اللي بقلبهم ويحاولون يكونون اقوياء قدام غيرهم

لحد ما خلاص مايقدر يتحمل..
تجيه حالة هالوساوس والتفكير دوم بالاشيا السيئة من كثل ماتحمل من مشاكل وهموم
ولو تلاحظين كل الاشيا اللي فكرتي فيها وصارت تراها اشيا عاديه وتصير في حياتنا اليوميه
لكن بما انج تفكرين واجد..كبرت في بالج وحسيتي انه شي مب هين
لدرجة انج تخافين تنامين بالليل عشان ماتفكرين او يمكن ماتدرين ليش انتي خايفه

اذا كان وصفي لحالتج صحيح

عندي لج كم نصيحة

- طبعا الدعاء وذكر الله وقيام الليل وقراءة القران
- حاولي تشغلين نفسج باي شي وابتعدي عن الفراغ لانه من اساس هالوساوس والافكار
مثلا تطبخين...تقرين كتب...تزورين ناس...تتمشين...سوي لج مشروع على قدج
حاولي تسوين اي شي يعير اهتمامج
- حاولي تقعدين مع الناس وتسولفين وقللي من القعده لحالج
- حاولي تبتعدين قدر الامكان عن اي شي فيه ضغط نفسي عليج..من مشاكل او غيره
- لازم تؤمنين بالقدر خيره وشره
لان مافي شي راح يصير لاي حد الا مكتوب عند الله سبحانه
فا اذا صار الشي انتي مالج شغل فيه كله قدر ومكتوب
- تقربي من الله سبحانه واقري السيرة والفقه وعلوم الدين راح تقوي ايمانج
- اعرفي انج ماجورة من اللي انتي فيه لان الله سبحانه قال ( لنبلونكم بشي ء من الخوف والجوع و نقص من الأموال و الأنفس و الثمرات و بشر الصابرين)
وهو ابتلاء والله يصبرج ويفك عوقج يارب

اتمنى انج تستفيدين من اللي قلته ومانبغي منج الا الدعاء اختي
وماتشوفين شر

[شويهينــه]

اختي لولوتي تعوذي من ابليس ولا تفكرين بهالشي

كل شي مقدر ومكتوب

[مريديان]

ايه عليج لولوتي,,الله يبعد عنج الضيقة ويحفظكم من كل شر,,

[حقيقه]

تحملي تقولين حق اي حد تعرفينه اي شيء على بالس مثلن حاسه بشيء مب زين بيصير حق شخص مُعين او تحلمتي بشيء مب زين يخص شخص
لاتقولين له لانس بتصيرين مكروهه صدقيني

اهم شيء تستغفرين واااجد
وتقرين القرأن
وتصلين كل ماتضايقتي

والله يبعد الضيق عنس

لاتنسين الاستغفار

[خالد31]

عليك بالاستغفار والتعوذ من الشيطان

[ذوق]

هلا عزيزتي لولوتي

بصراحه شدني موضوعج .. والي استشفيت منه شئ من الأثنين

يا أنه الحاسه السادسه عندج (( فوق المعدل الطبيعي )) وطبعآ موجوده مثل هذه الحالات النادره في العالم واذكر مره قريت عن وحده أمريكيه كانت تتكهن لمركز الشرطه عن الجرائم التي تحدث في امريكا مما كان يسهل عليهم اصطياد المجرمين وهذا طبعآ لا هو سحر او حاجه ولكن الحاسه السادسه عندها فوق المعدل الطبيعي لدرجه انها تحلم احلام تتحقق على طول ولدرج انهم سووا عليها مسلسل مقتبس والله اني ناسيه اسمه بس هو يعرض في قناة mbc4 وجايز انج تكونين مثلها والله اعلم .. :telephone:

أم الشئ الثاني وهو انج تستخدمين قانون الجذب بطريقه عفويه وبدون قصد لكثره الألكترونات المفعله الي في جوج والتي تنقل لج الأحداث على طول وتحققها لج بسبب قوة التفكير فيه والتركيز عليه ... وهذا علم حقيقي وثوره تكنلوجيه في عالم العلم ... ولمعرفه الكثير من هذا العلم تقدرين تشترين الماده السمعيه والبصريه وأسمها ( قانون الجذب ) للدكتور صلاح الراشد وتلقينها في مكتبة جرير وممكن في منها في المكاتب الأخرى ... ومفادها ان على ماتفكرين تجذبين الحدث في حياتج ... يعني مثلآ لنفترض ان عندج اطفال وانتي من زود خوفج عليهم ومحاتاج ان ولدج ممكن انه يرافج ناس سيئين ... فلا شعوريآ راح تنتقل الألكترونات الي تفكرين فيها لولدج وراح يجذبله رفقه سيئه من كثر ما أنتي تفكرين وتحاتين والدليل على ذلك قول الرسول صلى الله عليه وسلم :(( تفائلوا بالخير تجدوه )) ... قفي قليلآ وتأملي في هذا الحديث وراح تجديه أن فعلآ الأنسان على ما يفكر فيه يجده ...


وأسمحيلي على القرقره الزايده :) بس حبيت ادلو بدلوي


أختج


ذوق

[لولوتي]

الله يجزاكم خير اجمعين :)
ما احلى وما اجمل كلامكم وردودكم اللي تشرح القلب

فيكم الخير والله

"AliAn"
المستثمره
مريديان
حقيقه
خالد31
ذوق
:):):)
الصبح باذن الله لي رجعه لردودكم الكريمه
اما الحين بقرا كل رد بكل تأني واهتمام

وبارك الله فيكم اجمعين
والله يحفظكم ويبعد عنكم كل شر :)

[رجل تعليم]

والله ما عندي اي تفسير

بس حبيت اكتب لك دعائي بأن يحفظك الله وكل أحبتك من كل سوء

[ناصر العمادي]

وعليكم السلام ورحمة الله وبركاته

ماعليج شر أختي لولوتي ..

الشي هذا موجود وأنا صادني هالشي لدرجة أني تعقدت من عمري كل شي أعرفه قبل لايصير ..

لكن مع قراءة القرآن الحمدلله بديت أتحسن وايد بفضل من الله ..

طبعا الشي مب سهل على الشخص اللي يشوف لأنه يتعذب مرتين لما يحس بالشي ولما يعيشه كواقع
الله يعينج ويبعد عنج كل هم وضيق وحزن ويسعدج ويفرح قلبج دنيا وأخره يارب

عليج بالمعوذات وأية الكرسي

الف لاباس عليج أختي

[غير البشر]

اكثري من الاستغفار اختي لولوتي

الله يبعد عنج التفكير يارب

وانتي حاولي دايما ماتحطين اي شي ببالج عشان ماتفكرين فيه

وحتى اذا هذا الشي فيج حاولي تغفلين عنه

وان شاء الله ربي بيبعده عنج

ربي يحفضج يارب

[بنت ذياب]

اختي

اذا حلمتي باشيا مب زينه

لا تقولين حلمج

على طول تصدقي

ومابيصير شي ان شاء الله .. :(

[المتضرعه لله]

قالت لي بنتي ان فيه دارسه حديثه تؤكد ان الانسان اذا فكر بشئ وتكرر براسه وظل يفكر فيه اكثر من خمس مرات سبحان الله يقع الشئ ونصيحتي لج مادام الامور تجي معك كذا انك دائما توجهي تفكيرك للاشياء الجميله والسعيده يعني فكري بالنجاح الربح الحلال التميز زوج لاختك مثلا او لك يعني وجهي فكرك لامور رائعه وجميله وليس العكس وان شاء الله تتحقق :) ولا تفكري ابد بامور حزينه او مرعبه او مقلقه

والله يفرح قلبك وكثري من التعوذ من الشيطان

[لولوتي]

الله يعينج اختي

طبعا هالشي يكون من الضغط النفسي اللي يمر فيه الشخص
والبلاوي اللي تجي على راسه...ومشكلة هالشخص انه ياخذ كل الامور بجدية
ويحس انه لازم يحلها هو وانها على عاتقه
وتخيلي مشكلة ورا مشكلة هم ورا هم بلوة ورا بلوة
وكلها في راسه وفي قلبه
...لحد مايوصل لمرحلة يكون تعبى عدل وماكان لها متنفس تزيل عنه هالهم لان هالناس عادة يكتمون اللي بقلبهم ويحاولون يكونون اقوياء قدام غيرهم

لحد ما خلاص مايقدر يتحمل..
تجيه حالة هالوساوس والتفكير دوم بالاشيا السيئة من كثل ماتحمل من مشاكل وهموم
ولو تلاحظين كل الاشيا اللي فكرتي فيها وصارت تراها اشيا عاديه وتصير في حياتنا اليوميه
لكن بما انج تفكرين واجد..كبرت في بالج وحسيتي انه شي مب هين
لدرجة انج تخافين تنامين بالليل عشان ماتفكرين او يمكن ماتدرين ليش انتي خايفه

اذا كان وصفي لحالتج صحيح

عندي لج كم نصيحة

- طبعا الدعاء وذكر الله وقيام الليل وقراءة القران
- حاولي تشغلين نفسج باي شي وابتعدي عن الفراغ لانه من اساس هالوساوس والافكار
مثلا تطبخين...تقرين كتب...تزورين ناس...تتمشين...سوي لج مشروع على قدج
حاولي تسوين اي شي يعير اهتمامج
- حاولي تقعدين مع الناس وتسولفين وقللي من القعده لحالج
- حاولي تبتعدين قدر الامكان عن اي شي فيه ضغط نفسي عليج..من مشاكل او غيره
- لازم تؤمنين بالقدر خيره وشره
لان مافي شي راح يصير لاي حد الا مكتوب عند الله سبحانه
فا اذا صار الشي انتي مالج شغل فيه كله قدر ومكتوب
- تقربي من الله سبحانه واقري السيرة والفقه وعلوم الدين راح تقوي ايمانج
- اعرفي انج ماجورة من اللي انتي فيه لان الله سبحانه قال ( لنبلونكم بشي ء من الخوف والجوع و نقص من الأموال و الأنفس و الثمرات و بشر الصابرين)
وهو ابتلاء والله يصبرج ويفك عوقج يارب

اتمنى انج تستفيدين من اللي قلته ومانبغي منج الا الدعاء اختي
وماتشوفين شر


بارك الله فيك اخوي على ردك الجميل، واللي قريت منه امس أوله بس وطلعت من البيت مضطره بدون ما اكمل،
ولكن الاسطر الاولى لك حسستني كأني كنت في غيبوبه وصحيت منها،
مع انها غيبوبه طيبه بالنسبة لي وحابه استمر فيها لين الله يفرجها :)
الغيبوبه هذي اقصد بها اني لحد ما قريت اول كلماتك (( وما زلت الحمد لله )) متكله على الله بشكل اكبر من اي وقت مر عليّ،، اتكال لدرجة انه نساني كل همومي، صحيح هو مب نسيان تام بمعنى الكلمة ولكن فيه تخفيف شديد من الم كل هم وكل عذاب.
يعلم الله باللي في قلبي من هم وحزن ولكني من فترة يمكن 6 شهور تعرضت لموقف صعب من شخص ما ولقيت نفسي اشكر الشخص هذا وكأني ممنونه له وطلعت من عنده بالرغم من عدم التوفيق، طلعت صحيح دمعتي على خدي ولكن بنفسي مستغربه من اني كنت في حاله نفسيه فيها نوع من الذهول من الموقف اللي حصل بعكس التوقعات وبحزني العميق في نفس الوقت كأني حسيت بشي من الله يبرد عليّ خاطري، صار عندي احساس اكبر بالرضا من اللي حصل، وهو الاحساس اللي تمسكت فيه اكثر من الزعل والحزن...
يوم قريت ردك قلت اي يالولوتي همومج صج قد شعر راسج وكل هم اكبر من الثاني، واشلون نسيتي :rolleyes2:
في نفس الوقت ابتسمت :) وقلت الحمد لله على كل حال :)

:nice:Life Goes On:nice:

ما بقول ان تفسيرك مب صحيح، لكني مب حاسه بالفعل بالضغط النفسي الكبير اللي ممكن يكون له تأثير سلبي عليّ،،، انا عشت فترات من حياتي اسوأ وايد من حالي اليوم :)
ولكن كلامك خلاني انتبه بالفعل لبعض الأمور اللي انا معطتها حجم اكبر من اللي تستحقه، وقارنت غيري في البيت لقيتهم ابدا مب معطين اهتمام للامور نفسها، اشياء بالفعل موتره اعصابي انا ومكهربه عليّ الجو.
لكني بشكل عام مرتاحه نفسياً :)


تكلمت وايد :shy: وكأنها فرصه اني اطلع اللي في خاطري وبس:):shy:



أما نصايحك فكلها في محلها وانا بالفعل محتاجه لها وكل مااحاول تطبيق شي منها القى اشوية ظروف تمنعني لين اطنش،، طبعاً اقصد النصايح الخاصه بتغيير نمط الحياة وملأ اوقات الفراغ واني اشغل نفسي بامور تبعدني عن هموم الحياة،
اما القرآن والذكر والصلاة في كل وقت وفي كل حال بقلوبنا ان شاء الله تحفظنا و تقربنا من رب العالمين ورضاه، عسى الله يقدرني على الانشغال اكثر واكثر في طاعته.



كل الشكر لك اخوي الكريم احم :nice:
والله يجزيك كل خير ويبارك فيك على كل كلمه :)

[بوحارب]

الله يبدل لج هالاحلام برؤية النبي ( صلى الله عليه وسلم ) في المنام


امين

كلنا نشوف هالأشيا المرعبه والحل الوحيد هو التعوذ من الشيطان والنفث 3 مرات على اليسار

[لولوتي]

اختي لولوتي تعوذي من ابليس ولا تفكرين بهالشي

كل شي مقدر ومكتوب


اتعوذ بالله من ابليس صبح وليل اختي ولله الحمد :)
وابشرج ما قمت افكر راحت الحاله عني
بس عقب صلاة الفجر حبيت ارتاح وانام شوي ولكني ما قدرت اغمض عيني من الخوف اني اتخيل اي شي :eek5: وما نمت الا الساعه 9 الصبح عقب ما رجعت البيت بعد ما خلصت مشاويري الصباحيه،

شاكره لج اختي نصيحتج واهتمامج
ربي لا يحرمني من طيب كلامكم :)

[لولوتي]

ايه عليج لولوتي,,الله يبعد عنج الضيقة ويحفظكم من كل شر,,


اللهم امين، اللهم امين، اللهم امين،

ربي يخليج ويحفظج لأحبابج يارب
عساني ماانحرم من طيبة قلبج :)

[سداوي&مدريدي]

تعوذي من الشيطان أختي لولوتي

مافيج الا كل خير ان شاء الله :victory:

[HIGHNESS]

كل ماتجيج افكار مو حلوه او تحلمين حلم مزعج تعوذي من الشيطان ولا تفكرين في هالشي ....
في شي في علم الطاقه اسمه الطاقة السلبية ... يعني لما تفكرين في شي مب زين تجذبينه لج او العكس ويصير والله اعلم ..هذا قريته في كتاب اسمه ( السر ) اقتنعت بهالنظرية نوعاً ما ....
وتذكري الرسول عليه الصلاة والسلام قال ( تفائلوا بالخير تجدوه ) ...
والله يبعد عنكم كل مكروه :)

[لولوتي]

تحملي تقولين حق اي حد تعرفينه اي شيء على بالس مثلن حاسه بشيء مب زين بيصير حق شخص مُعين او تحلمتي بشيء مب زين يخص شخص
لاتقولين له لانس بتصيرين مكروهه صدقيني

اهم شيء تستغفرين واااجد
وتقرين القرأن
وتصلين كل ماتضايقتي

والله يبعد الضيق عنس

لاتنسين الاستغفار


ان شاء الله اختي :) لا توصين حريص :nice:
نصيحتس على عيني وراسي يالغاليه :)
تسلمين على الكلمة الطيبة:)

[لولوتي]

عليك بالاستغفار والتعوذ من الشيطان


حاضر :nice:

مع جزيل الشكر للنصيحه
والله يجزاك خير :)

[سيدة اعمال فلسطنية]

الظاهر اختي انتي من النوع اللي يوسوس وايد

لا تفكرين ولا توسوسين
وتعوذي من ابليس

اقري البقرة بنية ان الله يبعد عنج هالشي
وان شاء الله بترتاحين

فعلا اختي الكريمه داومي على قراءة سورة البقرة دائما........

الله يبارك فيكي يارب :)

[لولوتي]

هلا عزيزتي لولوتي

بصراحه شدني موضوعج .. والي استشفيت منه شئ من الأثنين

يا أنه الحاسه السادسه عندج (( فوق المعدل الطبيعي )) وطبعآ موجوده مثل هذه الحالات النادره في العالم واذكر مره قريت عن وحده أمريكيه كانت تتكهن لمركز الشرطه عن الجرائم التي تحدث في امريكا مما كان يسهل عليهم اصطياد المجرمين وهذا طبعآ لا هو سحر او حاجه ولكن الحاسه السادسه عندها فوق المعدل الطبيعي لدرجه انها تحلم احلام تتحقق على طول ولدرج انهم سووا عليها مسلسل مقتبس والله اني ناسيه اسمه بس هو يعرض في قناة mbc4 وجايز انج تكونين مثلها والله اعلم .. :telephone:

أم الشئ الثاني وهو انج تستخدمين قانون الجذب بطريقه عفويه وبدون قصد لكثره الألكترونات المفعله الي في جوج والتي تنقل لج الأحداث على طول وتحققها لج بسبب قوة التفكير فيه والتركيز عليه ... وهذا علم حقيقي وثوره تكنلوجيه في عالم العلم ... ولمعرفه الكثير من هذا العلم تقدرين تشترين الماده السمعيه والبصريه وأسمها ( قانون الجذب ) للدكتور صلاح الراشد وتلقينها في مكتبة جرير وممكن في منها في المكاتب الأخرى ... ومفادها ان على ماتفكرين تجذبين الحدث في حياتج ... يعني مثلآ لنفترض ان عندج اطفال وانتي من زود خوفج عليهم ومحاتاج ان ولدج ممكن انه يرافج ناس سيئين ... فلا شعوريآ راح تنتقل الألكترونات الي تفكرين فيها لولدج وراح يجذبله رفقه سيئه من كثر ما أنتي تفكرين وتحاتين والدليل على ذلك قول الرسول صلى الله عليه وسلم :(( تفائلوا بالخير تجدوه )) ... قفي قليلآ وتأملي في هذا الحديث وراح تجديه أن فعلآ الأنسان على ما يفكر فيه يجده ...


وأسمحيلي على القرقره الزايده :) بس حبيت ادلو بدلوي


أختج


ذوق


اللهم صلي وسلم على سيدنا محمد وعلى اله وصحبه اجمعين

هلا ومرحبا فيج يالغاليه :)
تفتكرين لو اتقدم لوظيفه في جهاز أمن الدوله على هذي الحاسه السادسه بيوظفوني :victory: وبالراتب اللي احدده :secret:

بالفعل احس ان الحاسة السادسه عندي قويه نوعا ما، ولكني ابعد نفسي عن التركيز فيها، لأن التركيز فيها وفي كل شي يخصها مرهق ومتعب لي جداً.
يعني احيانا بالفعل اكون على اعصابي وخاااااايفه وقلقه جدا من اي شي احسه واتوقعه، اتمنى لنفسي الموت ولا ان اللي شفته و حسيته انه يتحقق.

وانا قرأت ان الابتعاد عن التركيز في هذي الحاسه هو الافضل، لأن بالفعل الانشغال بها ياخذ الانسان لأبعاد ما تخطر على البال.

اما ( قانون الجذب ) اول مره اقرأ عنه،
وذكرني بالشحنات الكهربائية اللي اعاني منها وايد ((يعني كل ما لمست شي اتكهرب)):rolleyes2:
و والله ما استخدمه هالقانون :weeping:
واشلون يكون له التأثير الكبير بما انه في الجو المحيط فيني، والأحداث اللي تحصل احيانا اتكون في دوله ثانيه مثلا مب بس في فريج ثاني او بعيد عني !!!!
باذن الله بدور وابحث عن الموضوع اكثر واكثر :)



واختي التفاؤل بالخير في قلبي دوووم، ولكن هالامور احسها حتى وانا في احسن حالاتي للاسف.

كل التقدير والشكر لج على ردج ونصيحتج الطيبه
بارك الله فيج وجزاج خير الدنيا والاخرة :)

[لولوتي]

والله ما عندي اي تفسير

بس حبيت اكتب لك دعائي بأن يحفظك الله وكل أحبتك من كل سوء


جزاك الله خير اخوي
والله يحفظك ويبارك فيك ويخلي لك كل احبتك
اللهم اميييين :)

[شبح الصمت]

اللهم امين

وشنهو السبيل للخلاص منه


اختي الفاضلة اول شيء ما تشوفين شر والله يبعد عنك كل مكروه ونصيحه اسالي فيها احد من المشايخ عندج الحين في هالشهر الفضيل الشيخ محمد العريفي اتصلي فيه لا تستحين قول الي في خاطرج .. ونصيحه لكل واحد انه قبل لا يرقد يتوضأ ويرقد على يمينه وصدقوني انا مجرب والحمد الله لا احلام ولا عفيسه الا اذا البطن متوتب حده عاد الله يعين الجميع ..
ما تشوفين شر اختي والجميع

[لولوتي]

وعليكم السلام ورحمة الله وبركاته

ماعليج شر أختي لولوتي ..

الشي هذا موجود وأنا صادني هالشي لدرجة أني تعقدت من عمري كل شي أعرفه قبل لايصير ..

لكن مع قراءة القرآن الحمدلله بديت أتحسن وايد بفضل من الله ..

طبعا الشي مب سهل على الشخص اللي يشوف لأنه يتعذب مرتين لما يحس بالشي ولما يعيشه كواقع
الله يعينج ويبعد عنج كل هم وضيق وحزن ويسعدج ويفرح قلبج دنيا وأخره يارب

عليج بالمعوذات وأية الكرسي

الف لاباس عليج أختي


الشر ما يجيك اخوي بابا
بس شللي تقصده من كلامك انه موجود؟؟؟ ليكون قصدك اني :secret:
انا مافيني شي ان شاء الله ،،، اموري الحين طيبه وباحسن حال :)

شاكره لك اخوي الكريم نصيحتك الطيبه ربي يجزيك الخير ويبارك فيك
عسى ربي يجعل ايامك كلها خير وبركه ويسعد حالك ياخوي :)

[لولوتي]

اكثري من الاستغفار اختي لولوتي

الله يبعد عنج التفكير يارب

وانتي حاولي دايما ماتحطين اي شي ببالج عشان ماتفكرين فيه

وحتى اذا هذا الشي فيج حاولي تغفلين عنه

وان شاء الله ربي بيبعده عنج

ربي يحفظج يارب


الله يجزيك الخير اخوي الكريم
باذن الله اطيع النصيحه وما افكر الا في الاشياء الطيبه :)

لك الشكر الجزيل اخوي والله يبارك فيك ويسعدك دنيا واخره:)

[لولوتي]

اختي

اذا حلمتي باشيا مب زينه

لا تقولين حلمج

على طول تصدقي

ومابيصير شي ان شاء الله .. :(


ان شاء الله اختي :)
نصيحتج على راسي، وبالفعل الصدقه تبعد عنا باذن الله كل شر وترفع كل ضرر.
وانا بالتأكيد كتومه في احلامي،، ولكن الشي اللي يضايقني اكثر يكون في الامور اللي تخطر على بالي وبس،، يعني من غير نوم ولا احلام.
والله المستعان.


جزاج الله خير يالغاليه ما قصرتي بنصيحتج القيمه ربي يبارك فيج ويحفظج
ويسعدج دنيا واخره :)

[لولوتي]

قالت لي بنتي ان فيه دارسه حديثه تؤكد ان الانسان اذا فكر بشئ وتكرر براسه وظل يفكر فيه اكثر من خمس مرات سبحان الله يقع الشئ ونصيحتي لج مادام الامور تجي معك كذا انك دائما توجهي تفكيرك للاشياء الجميله والسعيده يعني فكري بالنجاح الربح الحلال التميز زوج لاختك مثلا او لك يعني وجهي فكرك لامور رائعه وجميله وليس العكس وان شاء الله تتحقق :) ولا تفكري ابد بامور حزينه او مرعبه او مقلقه

والله يفرح قلبك وكثري من التعوذ من الشيطان


والله يا اختي ما فكرت في شي سيء :(
وهالشي اللي ذكرته ما طرى علي الا مره وابعدته عن تفكيري على طول.

لكن هالدراسه عجبتني وااااااايد ومن ساعة ما قريت ردج وانا مركزه التفكير في كذا سالفه :d:d:d
واذا تحقق شي منهم بعلمج باذن الله ;)

سلمتي لي يالغاليه
والله يبارك لج في بنيتج ويخليها لج يارب ويسعدكم اجمعين دنيا واخره
كلمات طيبه من اخت اطيب، عساني ما انحرم منج :)

[لولوتي]

الله يبدل لج هالاحلام برؤية النبي ( صلى الله عليه وسلم ) في المنام


امين

كلنا نشوف هالأشيا المرعبه والحل الوحيد هو التعوذ من الشيطان والنفث 3 مرات على اليسار


اللهم امييييييين :)

شككككككككرا على النصيحه اخوي بارك الله فيك
وجزاك خير الدنيا والاخرة :)

[HIGHNESS]

اخبارج لولوتي طمنينا عليج فديتج ... :( ..؟؟؟

[لولوتي]

اخبارج لولوتي طمنينا عليج فديتج ... :( ..؟؟؟


ابشرج يالغاليه انا بخير ولله الحمد وبأحسن حال :)
اسعدني سؤالج اختي عساني ما انحرم من طيبة قلوبكم اجمعين :)
الحمد لله الحمد لله وايد وايد مرتاحه :nice:

[لولوتي]

تعوذي من الشيطان أختي لولوتي

مافيج الا كل خير ان شاء الله :victory:


ان شاء الله اخوي :nice:

وربي يجزيك كل خير ويبارك فيك، ويسعدك دنيا وآخره :)

[HIGHNESS]

عيل تستاهلين باقة ورد على سلامتج ... وان شاء الله ماتشوفين شر ولا هم بحياتج انتي وكل من تحبينه قولي آمين :)
http://www.csre.iitb.ac.in/gv/flower.gif

[anything99]

سبحان الله .. افهم ما تعانيه بالضبط .. فأنا لا اقول اعاني .. ولكن يراودني احيانا نفس الموقف والشعور .. ولكن ان صدقت الاحلام .. فهي سواء تحذير او بشارة فلا تتضايقي .. اما بالنسبة للتخيلات فهي ما يضايقني فعلا .. احيانا ارى صورة الشي عندما اغلق عيناي .. وبعد عدة دقائق اراها امامي .. كالحشرات مثلا .. فالحقيقة هي ليست خيال .. هي صورة سريعة تلمح بالذاكرة .. وبعد فتره من الوقت اراها حقيقة .. لا يفهم الكثير ان هذا ليس وسواس ولا وهم .. ولكن شيء غريب فعلا .. لا يمكن تجاهل هذه الخواطر .. وبالذات اذا كان خاطر وصوره حدث مؤلم .. لا تنسي اذكار الصباح والمساء ..

[لولوتي]

عيل تستاهلين باقة ورد على سلامتج ... وان شاء الله ماتشوفين شر ولا هم بحياتج انتي وكل من تحبينه قولي آمين :)
http://www.csre.iitb.ac.in/gv/flower.gif



اللهم امييين اللهم امييين اللهم امييين


و الله يسلمج عزيزتي احرجتيني بطيبج والله.
كلج ذوق اختي :)
كل الشكر على احلى باقة ورد
والله يجزيك كل خير الدنيا والأخرة على دعواتج الطيبه والله يبارك فيج ويحقق امانيج كلها
اللهم امين اللهم امين اللهم امين :)

كل المحبه والتقدير لج اختي

http://www.up.arjwan.com/up/arjwan_mcwN2XXfir.gif (http://www.arjwan.com)

[تـاجر الـذهب]

اختي لولوتي

مشكورة على هالموضووووع الي يشاركج فيه الكثير


تري مب بروحج تصير فيج هالشغلات\

ناس واجد تصير فيهم واغلبهم فيهم خير واغلبهم يتفائل بالهشاغلات لما تصير


لعله رحمه بكي

[عازف الاورج]

اختي انتي فيج عين والناس وايد يحسدونج وهاي دليل على الحسد

روحي لاقرب مطوع وانشاء الله ما فيج إلا الخير