المساعد الشخصي الرقمي

مشاهدة النسخة كاملة : أن وافقوا طلع المكان مختلط .... وأن رفضوا طلع المكان المناسب !!


فابريغاس
06-09-2009, 06:31 AM
السلام عليكم ورحمة الله وبركاته

صبحكم الله بالخير للي يشهادون الموضوع صباحآ
ومساكم ورد للي يشاهدونه مساء

الموضوع ومافيه عندي زوجتي ورضيعتي
تعبت وانا أدور لهم وظايف اذا لقيت القبول في مكان ورحت اشوفه طلع مختلط
واللي يقبضوني الباب يطلع المكان المناسب لهم

ماخليت مدرسه مستقله ماقدمت فيها
وزارة العدل وقدمت فيها
الأوقاف ومركز الشيخه موزه قالوا موقفين طلبات الوظائف

ياليت اللي عنده خلفيه عن الأماكن اللي اقدر اقدم لهم فيها يفيدني
أهم شي تكون الوظيفه في مكان خاص بالنساء

ودمتم سالمين
بـن عدوان
06-09-2009, 06:40 AM
اخوي جربت وزارة الصحه ؟

هناك كله حريم
فابريغاس
06-09-2009, 06:43 AM
^
وين بالضبط يالغالي
مستعد اروح اللحين بس اي صوب ؟
Realistic
06-09-2009, 06:49 AM
اخوي انا سمعت ان في الخارجيه البنات لهم قسم خاص

مب متاكد من هالمعلومه 100% .. لكن اتمنى حد من الاخوه يقدر يفيدك

وجزاك الله خير على حرصك
والله يكثر من امثالك ..
سيزن
06-09-2009, 06:51 AM
ماخليت مدرسه مستقله ماقدمت فيها



المدارس المستقلة مالقيت فيها وظائف .؟!!!!


معقول .؟
فابريغاس
06-09-2009, 06:54 AM
اخوي انا سمعت ان في الخارجيه البنات لهم قسم خاص

مب متاكد من هالمعلومه 100% .. لكن اتمنى حد من الاخوه يقدر يفيدك

وجزاك الله خير على حرصك
والله يكثر من امثالك ..


ياليت حد يفيدني
ويجزيك بمثله يالغالي
لاهنت



المدارس المستقلة مالقيت فيها وظائف .؟!!!!


سالفة المدارس المستقله سالفه عويصه
كل ماطلبوهم للمقابله يقولون أكتفينا ولايقولون بنتصل فيكم ولايتصلون
cobra
06-09-2009, 06:56 AM
نفس المشكله اخوي
وكل مكان اروح له غير مختلط يقولون عندنا اكتفاء وبعضهم قالي اذا عندك واسطه من بكره يتوظفون
والمدارس المستقله نفس الشي
وللحين ننطر
فابريغاس
06-09-2009, 07:02 AM
وبعضهم قالي اذا عندك واسطه من بكره يتوظفون

هذا بلى أبوك ياعقاب

والمساكين اللي ماعندهم واسطه يطقون اصبع !!
ســـهم
06-09-2009, 07:28 AM
هذا بلى أبوك ياعقاب

والمساكين اللي ماعندهم واسطه يدقون اصبع !!

الله يوفقك يارب ويرزقهم بالوظيفه اللي تناسبهم ...
فابريغاس
06-09-2009, 07:37 AM
^
الله يسمع منك
والله يجزيك خير يالغالي
عزتي سمو ذاتي
06-09-2009, 07:42 AM
البلديات كلها فيها أقسام بنات

أمن الدولة عندهم قسم خاص بالبنات ورواتبهم عاليه

سمعت أن بعض أقسام وزارة الداخليه فيها أقسام بس بنات

هيئة المقايس والمواصفات
فابريغاس
06-09-2009, 07:47 AM
أمن الدولة عندهم قسم خاص بالبنات ورواتبهم عاليه

رجاجيل وماأشتغلنا
تبينا نشغل حريمنا في أمن الدوله !!

ابي حد يفيدني بخصوص هيئة المواصفات والمقاييس
البيت القديم
06-09-2009, 07:56 AM
البلديات كلها فيها أقسام بنات

أمن الدولة عندهم قسم خاص بالبنات ورواتبهم عاليه

سمعت أن بعض أقسام وزارة الداخليه فيها أقسام بس بنات

هيئة المقايس والمواصفات

""""

هيئة المواصفات والمقاييس دمجوها مع وزارة البيئة:)
qatari1
06-09-2009, 08:26 AM
رجاجيل وماأشتغلنا
تبينا نشغل حريمنا في أمن الدوله !!

ابي حد يفيدني بخصوص هيئة المواصفات والمقاييس

خلك من المواصفات والمقاييس، وركز على اللي قبله...

مكان ممتاز، ورواتب عالية جداً.
درب السعادة
06-09-2009, 01:12 PM
وين بالظبط التقديم على امن الدولة ؟؟ الل يعرف يفيدنا لو سمحتوا ...........
BuFaisal
06-09-2009, 02:42 PM
أمن الدولة عندهم قسم خاص بالبنات ورواتبهم عاليه

ما اشوفها حلوه اخت واحد فينا ولا مرته شغاله دبوس :secret:
alrheeb2020
06-09-2009, 02:49 PM
الله يوفقك ..
Arab!an
06-09-2009, 02:52 PM
والله كنهم يقولون لك "تبي شغل ؟ مالك الا الاختلاط"


المفروض في كل مكان قسم خاص للي مايبون
فابريغاس
06-09-2009, 03:09 PM
^
صدقت والله


ما اشوفها حلوه اخت واحد فينا ولا مرته شغاله دبوس

شفت شلون عاد



خلك من المواصفات والمقاييس، وركز على اللي قبله...

مكان ممتاز، ورواتب عالية جداً.


من صجك أخوي !!

عساهم ماأشتغلوا اذا بشغلهم في أمن الدوله
darkuae
06-09-2009, 04:16 PM
الحمد لله في ناس تفكر إنها ما تبي اختلاط

الدنيا للحين بخير
عبدالرحمن
06-09-2009, 04:21 PM
عسى الله يوفقكك ان شالله وتحصلهم مكان مناسب كفو عليك وبالنسبه لامن الدوله كلش مايصلح والي يقول مالهم احتكاك غلطان الا لهم ونص مع الضباط صج مكانهم بروحهم بس اغلب مسؤلينهم شباب صغار (ضباط) البلديات مادري عنها بس اتوقع والله اعلم لابد لهم مسؤل ريال ولا النسوان وين يدبرون لهم شي بدون واحد يوجههم بس اسال اذا لهم مبني منفصل ولا باب بروحهم ومسؤلتهم وحده توكل على الله المقاييس والمواصفات ضموهم صج للبيئه بس اماكنهم هي هي في بوهامور اللهم نقلو جزء منهم البرج وبالنسبه اذا في مكان لنسوان وباب بروحهم اسال وتاكد اذا فيه توكل على الله
لكن اذا حصلك مدرسه مستقله ولا حكوميه بس حريم لاتردد وان شالله يتصلون فيك
فالك التوفيق وان شالله انك تحصل والله يستر على هلك وعلى جميع بنات المسلمين
بـن عدوان
06-09-2009, 07:45 PM
طويل العمر موقع وزارة الصحه مجابل مستشفى حمد جنب اللولو
HIGHNESS
06-09-2009, 07:53 PM
جرب الهيئة العامة لشؤون القاصرين ... مكان جداً محترم ...
الله يوفقهم ويرزقهم على قد نيتهم ...
أخت الغالي
07-09-2009, 01:36 AM
الله يوفقك وتلقى لهم وظائف ..
خليفـة
07-09-2009, 01:41 AM
الله يكون بعونك اخوي

خذها نصيحة مني وانا اخوك :

لا تقبل الوظيفة المختلطة ابدا ابدا

دور والله بيعينك ان شاء الله وبتلاقي

واذا ما لقيت اليوم بتلاقي بكرة .. واذا مو بكرة بتلاقي بعد اسبوع ... المهم بتلاقي ان شاء الله


اقسم لك بالله .. ان الي يسمع ويعرف السوالف الي تصير بالاماكن المختلطة بينصدم بمعنى الكلمة .

وخلوني ساكت احسن
:secret:
واحد ثقة
07-09-2009, 01:51 AM
جزاك الله خير وأسأل الله أن يوفقك وتجد الوظيفة المناسبة ،،

قلبي يتقطع ألماً من ما أراه خلال عملي المختلط ، هرج ومرج ونساء متزينات ومتعطرات يخالطن الرجال في الممرات والمكاتب والإستراحات وفي كل مكان ، بل أن المكتب بجوار المكتب !

لم يعد لدى المرأة حياء من مخالطة الرجال والحديث معهم تارة في العمل وتارة في أمور أخرى ، فقد انكسر هذا الحاجز من الأسبوع الثاني من عملها على أبعد تقدير ، وأصبحت مسخاً بعد أن فقدت أنوثتها واشتم رائحة عطرها الزملاء والمدراء والمراجعين وحتى الفراشين !

وفي كل يوم يقل فيه حيائها فتقل معه قيمتها كامرأة ،،

لانقول إلا حسبنا الله ونعم الوكيل ،،
ريم المدينة
07-09-2009, 03:00 AM
حتى المهندسات والطبيبات ماتبونهم يختلطون!!

صعبة وااااااايد..
بنوته
07-09-2009, 05:47 AM
السلام عليكم ورحمة الله وبركاته

قدم في وزارة الداخليه ...في اقسام خاصه بالنساء مايدخل عليهم غير الفراش ...وعندك هم في الجوزات فوق في الحكومه الالكترونيه مكانهم حلو ومكروفين عدل ...تقديم الاوراق في الملحق الاداري ...ياخذون بنات الثانويه وقت المقابله واختبار الحاسب خلهم يلبسون نقاب حتى لو مايلبسون لان المش متنقبين يودونهم المطار وابو سمره هاي اللي اعرفه والله اعلم

الله يوفقكم
yosif1
07-09-2009, 05:58 AM
من ترك شي لله عوضه الله
البحار
07-09-2009, 06:26 AM
اختي الكريمه ريم المدينه !

إن الله تعالى جبل الرجال على القوة والميل إلى النساء، وجبل النساء على الميل إلى الرجال مع وجود ضعف ولين، فإذا حصل الاختلاط نشأ عن ذلك آثار تؤدي إلى حصول الغرض السيئ ؛ لأن النفوس أمارة بالسوء، والهوى يعمي ويصم، والشيطان يأمر بالفحشاء والمنكر .

الله يعينك الشيخ ...قدم لها في وزارة الداخلية ..مدنيه ...
فابريغاس
07-09-2009, 06:51 AM
بيض الله وجيهم كلكم
والله يرحم والديكم


أخوي مالكم أمل
مثل ماقلت يالغالي ان ماحصلت لهم وظيفه محترمه
اشتغل شغلتين بدوامين وأنكرف
ولاأشوف أهلي في مكان واحد مع رجال غريب

جزاكم الله خير
toota
07-09-2009, 09:59 AM
بسم الله الرحمن الرحيم
السلام عليكم ورحمة الله
الله يجزيك خير ويبارك فيك اخي . الله يوفق لك وتلاقي شغل لأهلك . ومن ترك شيئا لله عوضه الله خيرا منه . والله يكثر من امثالك من الغيوريين على نسائهم وأعراضهم.
stocker
07-09-2009, 10:19 AM
السلام عليكم ورحمة الله وبركاته


اخوي مانصحك بوزارة الصحه لانه المكاتب كلها بارتشنات نص بالعربي مافي اي خصوصيه ابد غير عن المبنى القديم اللي كان في غرف خاصه فيهم ونصيحتي شيل وزراة الصحه من بالك
البيت القديم
07-09-2009, 10:20 AM
""

اخوي فابريغاس الله يكون في عونك وتلاقي والوظايف المناسبه لهلك ان شاء الله..

وبالنسبه للموضوع انا تابعت اغلب الردود والصراحه ما قدرت افهم معنى الاختلاط عند بعض الاخوان..

واذا ممكن حد من الاخوان يوضحلي مفهوم الاختلاط اكون شاكر له...

على سبيل المثال عندنا في الشغل موظفات بس محد يدخل عليهم المكتب ولا هم
يحتكون في الموظفين واذا بغينا نتواصل معاهم في امور الشغل .. يكون عن طريق التيلفون او نافذه معموله في باب مكتبهم يفتحونها اذا بيستلمون اوراق للشغل..

^^^^
هل هاي اختلاط او لا؟؟



...
راعي الغزيل
07-09-2009, 11:17 AM
اخوي عندك البيئة ووشووون الاجتماعية عندك في ريان في لسد ولي عند سوق العلي وبلدية لريان والغرافه
ام خليفه79
07-09-2009, 11:19 AM
أخوي روح النيابة العامة

عندهم قسم خاص للنساء
والتوظيف عند وحده في قسم شئون الموظفين


والله يوفقهم أن شاء الله
غيمة مطر
07-09-2009, 11:48 AM
جرب وزارة الداخليه ...

وقدم اوراقهم في وزاره العمل ...

والله يوفقهم
قطري وأفتخر
07-09-2009, 11:53 AM
بالتوفيق اخوي

من يتق الله يجعل له مخرجا ويرزقه من حيث لا يحتسب
ريم المدينة
07-09-2009, 12:58 PM
اختي الكريمه ريم المدينه !

إن الله تعالى جبل الرجال على القوة والميل إلى النساء، وجبل النساء على الميل إلى الرجال مع وجود ضعف ولين، فإذا حصل الاختلاط نشأ عن ذلك آثار تؤدي إلى حصول الغرض السيئ ؛ لأن النفوس أمارة بالسوء، والهوى يعمي ويصم، والشيطان يأمر بالفحشاء والمنكر .

الله يعينك الشيخ ...قدم لها في وزارة الداخلية ..مدنيه ...


يعني شنسوي يالبحار؟؟

نكرف 6 و7 سنين عقب نزين الطوفة بالشهادة؟؟
ولا انبلها ونشرب ميتها؟؟

يقول " ان طاعك الزمان ولا طيعه"...

الله يصبرنا..
أم ريليه
07-09-2009, 06:48 PM
اختي الكريمه ريم المدينه !

إن الله تعالى جبل الرجال على القوة والميل إلى النساء، وجبل النساء على الميل إلى الرجال مع وجود ضعف ولين، فإذا حصل الاختلاط نشأ عن ذلك آثار تؤدي إلى حصول الغرض السيئ ؛ لأن النفوس أمارة بالسوء، والهوى يعمي ويصم، والشيطان يأمر بالفحشاء والمنكر .

الله يعينك الشيخ ...قدم لها في وزارة الداخلية ..مدنيه ...


كلا يذهب لمبتغاه ...........ومين قالك ان الي ما يشتغلون في اماكن مختلطه ما يغازلون ولا يطلعون مع شباب ومين قالك ان الاختلاط حرام انا اعرف الخلوة حرام ومين بيشتغل في الأماكن المختلطه الأجنبيات البلد طفحححححححححححححححححححت أجانب
HIGHNESS
07-09-2009, 07:12 PM
""

اخوي فابريغاس الله يكون في عونك وتلاقي والوظايف المناسبه لهلك ان شاء الله..

وبالنسبه للموضوع انا تابعت اغلب الردود والصراحه ما قدرت افهم معنى الاختلاط عند بعض الاخوان..

واذا ممكن حد من الاخوان يوضحلي مفهوم الاختلاط اكون شاكر له...

على سبيل المثال عندنا في الشغل موظفات بس محد يدخل عليهم المكتب ولا هم
يحتكون في الموظفين واذا بغينا نتواصل معاهم في امور الشغل .. يكون عن طريق التيلفون او نافذه معموله في باب مكتبهم يفتحونها اذا بيستلمون اوراق للشغل..

^^^^
هل هاي اختلاط او لا؟؟



...

لا ياخوي هذا مو اختلاط ... ولا كل من اشتغلت في مكان مختلط مهب زينه او مو بنت ناس ... ولابد من ان يتعامل البنات مع الرجال في العمل حتى لو بطريقة غير مباشرة .... في عملي السابق .. مديري رجل ... مسؤولي المباشر رجل .. وتعاملت مع موظفي الادارة ... بالهاتف بالايميل واحياناً اجتماعات .. وكنا بنات في مكتب مغلق ...يعني صعب صعب جداً تلقى مكان كل الادارة تكون فيها بنات .... في الاخير هذا الاختيار حرية شخصية والانسان هو من يفرض احترامه على الاخرين :)
البحار
08-09-2009, 12:13 AM
يعني شنسوي يالبحار؟؟

نكرف 6 و7 سنين عقب نزين الطوفة بالشهادة؟؟
ولا انبلها ونشرب ميتها؟؟

يقول " ان طاعك الزمان ولا طيعه"...

الله يصبرنا..


عمل الرجل مع المرأة له ضوابط .....نصيحه اختي الكريمه تتصفحي الانترنت وأقرأي كثيرا في هذا المجال .... شكرا
البحار
08-09-2009, 12:19 AM
كلا يذهب لمبتغاه ...........ومين قالك ان الي ما يشتغلون في اماكن مختلطه ما يغازلون ولا يطلعون مع شباب ومين قالك ان الاختلاط حرام انا اعرف الخلوة حرام ومين بيشتغل في الأماكن المختلطه الأجنبيات البلد طفحححححححححححححححححححت أجانب

ام ريليه نحكم على الظاهر اما الباطن فالله أعلم فاذا بليتم فاستتروا عسا الله ان يهديها اما اللي مسويه نفسها انها واثقه من نفسها وقاعده مع الشباب في العمل فضحت عمرها وجابت الكلام حق نفسها والاشاعات زادت عليها ......

الخلوه حرام صح ..... وايضا الاختلاط حرام هذا انتي عرفتي الحين ..:) ...لكن ممكن ان تكون هناك ضوابط تمنع المرأه بالاحتكاك مع الرجل .... شكرا
الفا برافو
08-09-2009, 12:27 AM
عسى الله يوفقك ياخوي وتلقى مكان مناسب لشوفاتك
الحاله صعبه والله المستعان
فابريغاس
08-09-2009, 05:49 AM
جزاكم الله خير
~ نســـايم ~
08-09-2009, 05:54 AM
الله ايسر اموركم اللهم امين
عزتي سمو ذاتي
08-09-2009, 06:08 AM
وين بالظبط التقديم على امن الدولة ؟؟ الل يعرف يفيدنا لو سمحتوا ...........



في المبنى نفسه عند البوابة يعطونكم أوراق تقديم الطلبات