مساعده الله يرحم والديكم أجرت بيت وابي اتاكد قبل [الأرشيف]

مشاهدة النسخة كاملة : مساعده الله يرحم والديكم أجرت بيت وابي اتاكد قبل

abu m7md

06-09-2009, 05:49 PM

السلام عليكم ورحمة الله وبركاته
اخواني اوخاوتي
للي لهم خبره في المجال او جربوا الشي هذا
انا اول مره اسكن في بيت اجار
بس كان الاتفاق
انه العقد على 3 سنوات
والاجار الشهري 6000 رياال المنطقه ام صلال
اتفقت مع الماجر انه اذا طلع لي بيت الحكومه او خلص البني بطلع على طول
بس قال لي اذا تبي تطلع من البيت الى بيت اجاره اقل مني لا بتلتزم بالاجار لطول ال 3 سنوات
ابي رايكم الله يرحم والديكم

ahmed_alshiba

06-09-2009, 06:26 PM

اتفقت مع الماجر انه اذا طلع لي بيت الحكومه او خلص البني بطلع على طول

اهم شي تكون الفقره مذكوره في العقد/اي شي مب مذكور في العقد يعتبر غير موجود

ذهب

06-09-2009, 06:39 PM

ليش اخوي ماتخلي العقد سنوي

abu m7md

06-09-2009, 07:58 PM

ليش اخوي ماتخلي العقد سنوي

اتفقت معاه شفهي بكرى او على اخر الليل بنتكتب العقد
السنوي يقول بيضمن حقه
هل اضيفه فقره انه اذا نزلت اسعار العقار انه ينزل لي من سعر البيت ؟؟

طاير

06-09-2009, 09:37 PM

abu m7md

06-09-2009, 10:27 PM

اذا نزلت اسعار العقار اينزل لك السعر !

مادري هذي صعبه يكتبها ؟!
طيب لو غلت الأسعار يرفع السعر ؟!

انا من رأيي تخلي البيت لمدة سنتين اذا متوقع بيتك بيخلص ان شاء الله خلال سنتين

وعقب سنتين حتى لو رفع السعر بيرفع 10 بالمية يعني ( 600 ريال )

وان شاء الله الأخوان الخبراء ايفيدونك ..

والله ياخوك
شكلي ماباخذه
الرجال يقول لي انا مشتري جاري
ويعرفني معرفة ربع فريج
بس خايف بنفس الوقت
لانها 3 سنوات وشهريا 6000 ريال وماطلع منه الى على بيتي الحكومي
وحاولت معاه انه يخليه على سنه قابل للتجديد.
بس رفض.
استغفر الله العلي العظيم
شكلي بستخير وبشوف اخرتها ان شاءالله خير

المريش

06-09-2009, 11:18 PM

أخوي نصيحتي لك ، إنه يكون بند في العقد إنك تعطيه مهلة 3 شهور قبل ما تطلع ويشمل هذا البند حتى ولو لم تنقضي المدة المتفق عليها وإذا ما وافق أضف عبارة وأنه ما يكون طلوعك من البيت قبل سنة من توقيع العقد.

ترى المسألة أخذ وعطى مب على كيفه يلزمك بمدة العقد كاملة، وأنت لين الحين في السيف سايد.

وأخيرا إنتبه على كل كلمه بالعقد عشان ما توهق بعدين.

والله يوفقك

أميرااالذوق

07-09-2009, 01:23 AM

السلام عليكم
الله يعينك يااخوي
بس نصيحتي لك ومن تجربه لي
خل عقدك سنوي
وعطه شيكات قد المده ولا اتعور راسك
اقل شئ اذا بتقعد خل العقد سنتين وريح مخك
وبالتوفيق!
وتقبل مروري المتواضع

ahmed_alshiba

07-09-2009, 03:04 AM

العقد العقد العقد
شريعة المتعاقدين
اي شي لاينص عليه العقد كانه لم يكن واي شي مذكور يلزم به الطرفين
يعني كل اللي في راسك حطه في العقد واما يقبل به المالك او تقبل به انت
ولا يوجد اي حل خلاف ذلك في الاول والاخير
العقد هو شريعة المتعاقدين

الزيبق

07-09-2009, 11:44 AM

حط العقد سنه هو يجدد تماتيك وهذا متعارف عليه انشاءالله تقعد عشر اسنين واذا على الزياده لازم هو يخبرك بالزياده قبل انتها العقد بثلاث شهور والزياده متعارف عليها قانونين 10% واذا انه رفيجك واتعرف وباتبي اتخسره على قولتك لا تسكن عنده لانه شكله من الباديه بايع الرفجه والا ما كان دبسك بعقد لمدة 3 سنوات

دلوليانوز

07-09-2009, 03:49 PM

نصيحه من خبرة..ومجرب..خلي العقد سنوي..لو يخلص بيتك..في عشرين سنه..خليه سنوي

مع نهاية كل عقد..ممكن يتغير سعر الاجار..بالارتفاع او بالنزووول..والايام الجايه..اسعار الاجار قاعده اطيح

خليه سنوي..بس

abu m7md

07-09-2009, 04:34 PM

الله يعطيكم العافيه على الردود الطيبه
بكلمه اليوم عن العقد واذا وافق على سنوي قابل للتجديد وانا خذيته
واذا مايبيه يفتح الله.