المساعد الشخصي الرقمي

مشاهدة النسخة كاملة : طريقة اتصال اللابتوب بالانترنت عن طريق الجوال (خدمة الانترنت الجوال)



م. عبدالعزيز
07-09-2009, 12:37 PM
السلام عليكم ورحمه الله وبركاته

طبعا هالموضوع أهديه لاخوي (فلفل حار) لانه طلب مني هالشي وحبيت اعرضه لأعضاء المنتدى علشان يستفيدون منهم كلهم

ملاحظه1: الموضوع مب منقول يعني من مجهودي الخاص
ملاحظة2: انا مب شغال في كيوتل وانما هاي جزء من هواياتي ومعلوماتي المتواضعه ،، علشان جذي ياريت الاسئلة الخاصه بطلبات الاعدادات ومثلها تطلبونها من خدمه العملاء لكيوتل وفودافون 111

الفكره هي لو انه عندنا لابتوب وقاعدين في مكان مافيه وصلة انترنت برق او وايرلس وعندنا خدمة الانترنت الجوال ( الشهري ، او فودافون ) ،، نقدر نشبك بالانترنت من خلال توصيل الجوال للكمبيوتر عن طريق وصلة USB والاتصال بشبكة الانترنت يعني نخلي الجوال كإنه مودم،، تصل السرعة إلى 2 ميجابت/ثانية اذا كان الجوال يدعم الجيل الثالث ،، او 128 كيلوبت/ثانيه اذا كان الجوال يدعم GPRS/EDGE أو بالنهاية يعتمد على التغطية والحمل على أقرب برج جوال base station ..

أول شي نشوف نوع الجوال اللي عندنا، بحالتي راح استخدم جوال nokia e71 طالما انه جهاز معروف ويدعم شبكة الجيل الثالث المطور اللي هو HSDPA High speed downlink packet access واللي توصل السرعه لـ 7.2 ميجابت /ثانية.. من خلال تجربتي لشبكة فودافون وصلت السرعه ل1.5 ميجابت/ثانيه لكن كيوتل ماجربت.

انزين الحين بعد الكلام واكيد طبعا كلكم رقدتواراح ابدا بالشغل العملي اللي يصحيكم اول شي نتأكد من توصيل جهاز النوكيا ويكون فيه اعدادات الانترنت كامله من المشغل

انزين ونتأكد من تثبيت الpc suite ولما نوصل الجوال بيطلع لنا اكثر من خيار ونختار من الجوال pc suite اللي هو نوع التوصيل ..

والمفروض كلنا يظهر لنا هالشكل
http://img30.imageshack.us/img30/5049/screenshot2676046.jpg

بعدين من الازرار فوق على اليسار نختاره ( الاتصال بالانترنت )
http://img32.imageshack.us/img32/8643/screenshot2757843.jpg

طبعا هو راح يبدأ بشكل آلي بالاتصال واحيانا راح يضبط ، اذا ضبط خلاص انتهى كل شي .. لكن اذا ماضبط نسوي هالزر اللي تحت

http://img32.imageshack.us/img32/8426/screenshot2898187.jpg

نروح أول شي نحدد المودم اللي هو الجوال الموصول
http://img32.imageshack.us/img32/5412/screenshot2955437.jpg

انسوي نكست ونختار اعداد يدوي
http://img197.imageshack.us/img197/2043/screenshot2966156.jpg

وبعدين نعبي اول فراغ
http://img197.imageshack.us/img197/3265/screenshot2974265.jpg

اذا فودافون نكتب web.vodafone.com.qa او vodafone.com.qa
واذا كيوتل نكتب web.gprs

خلاص ونسوي علامه الصح وعقب نرجع للصفحه اللي جيناها بالبداية ونسوي الزر اللي احذى علامة الاستفهام >> زر الاتصال بالانترنت

http://img33.imageshack.us/img33/7167/screenshot4492468.jpg

وراح يبدأ يتصل
http://img41.imageshack.us/img41/8540/screenshot4506031.jpg

وبعد الانتهاء راح يتصل
http://img41.imageshack.us/img41/4129/screenshot4513515.jpg

.
.
.
.
.
.

طبعا ممكن أي حد ثاني يجينا ويقول جوالي مب نوكيا فشنو ممكن اسوي او مثلا هالطريقة ماضبطت وياه،، طبعا فيه طريقة ثانيه سهله واحيانا تضبط واحيانا لا .. اهم شي نستقبل الاعدادات الصحيحة للانترنت من المشغل (فودافون او كيوتل) ونثبتها صح على الجوال وبالنسبة لكيوتل نتاكد انه المتصفح محطوط على الاكسس بوينت الافتراضي web.gprs

ونتبع الخطوات التالية

بعد توصيل الجوال على مود الـPC suite ، نروح على مواضع شبكة الاتصال My network places اللي بسطح المكتب نسوي لها رايت كلك (ضغط عليه بالزر اليمين) ونختار properites او خصائص

نسوي اتصال جديد Create new connection كما بالشكل
http://img40.imageshack.us/img40/4997/screenshot4820609.jpg

ونتبع الصور مع بعض

http://img38.imageshack.us/img38/7972/screenshot4867015.jpg

http://img38.imageshack.us/img38/3244/screenshot4875875.jpg

http://img38.imageshack.us/img38/2641/screenshot4882718.jpg

http://img38.imageshack.us/img38/6886/screenshot4897515.jpg

نتأكد انه الصح محطوط فقط على الموودم حق الجوال .. اذا المودم للجوال مش موجود معناه انه مب مركب عدل او انه الجوال مايدعم الخاصيه

http://img38.imageshack.us/img38/5311/screenshot4909593.jpg

نكتب اسم الاتصال ،، كيوتل او فوادفون
http://img38.imageshack.us/img38/9458/screenshot4923250.jpg

نحط رقم الهاتف نجمه بعدين 99 بعدين مربع
http://img38.imageshack.us/img38/5803/screenshot4937718.jpg

نخليهم فرااغات
http://img38.imageshack.us/img38/3910/screenshot4945734.jpg

وتم الانتهاء
http://img38.imageshack.us/img38/2583/screenshot4953609.jpg

صار عندنا اتصال فودافون
http://img38.imageshack.us/img38/1681/screenshot4967734.jpg
ملاحظه مهمه جدا لو عندنا الوايرلس شغال او البرق شغال نصكره لانه مايصير نشغل شبكتين بنفس الوقت

وهذاني اسوي اتصال
http://img38.imageshack.us/img38/6605/screenshot4976906.jpg

http://img38.imageshack.us/img38/2157/screenshot5068625.jpg

http://img38.imageshack.us/img38/5123/screenshot5084046.jpg

وراح يتم الاتصال
http://img38.imageshack.us/img38/5512/screenshot5096421.jpg

طبعا على جوالي حطيت الجيل الثالث ومن خلال منطقتي اتضحت السرعه كالتالي لشبكه فودافون حسب الوقت الحالي ( 12 ونص الظهر ) وحسب الضغط على البرج

http://img38.imageshack.us/img38/4546/screenshot5204718.jpg

هذا كل شي .. واللي عنده اي سؤال مايرده الا الكيبورد :victory: .. ان شاء الله عاد تضبط الطريقة عندكم :shy: ..

الحجاجي
07-09-2009, 01:02 PM
مرحبا اخوي م . عبدالعزيز


عساك على القوة

شرح وااافي

وما قصــرت

كل الود

برزان1
07-09-2009, 01:10 PM
قواك الله
شرح واضح جداً ومجهود تشكر عليه

يعطيك العافية

م. عبدالعزيز
07-09-2009, 04:26 PM
حياكم الله

sulai6i
07-09-2009, 04:35 PM
مجهود تشكر عليه
بارك الله فيك اخوي

وشكرا لك

أغلى البـشر
07-09-2009, 08:48 PM
يعطيك ألف عافيه على المجهود

قطري زقرت
08-09-2009, 06:27 AM
صج ان الموضوع مايهمني
بس حبيت اشكر اخوي م . عبدالعزيز على الشرح الوافي
والمتعب في نفس الوقت وعساك على القوه انشالله
والله يجزاك خير

م. عبدالعزيز
08-09-2009, 01:02 PM
حياكم ياشباب اسعدني والله تواصلكم والف شكر :)

بوناصر-قطر
08-09-2009, 06:20 PM
السلام عليكم يا باش مهندس وعساك على القوة

من فترة سنتين تقريبا" كنت في السعودية وكنت ساكن في أجنحة فندقية وماكان عندهم انترنت لا واير ولا وايرلس
وكان عندي كرت سعودي (الجوال) اتصلت في خدمة العملاء وقال لي انه بيطرش لي الاعدادات للتصفح بوايرلس وفعلا" طرش لي الاعدادات وسويتها على التلفون ورحت عبيته فلوس وخذ يا نت

فماهي اخوي باش مهندس الطريقة اذا بغيته وايرلس؟

م. عبدالعزيز
08-09-2009, 06:50 PM
عليكم السلام هلا الشيخ
بوناصر-قطر
شحالك؟

بالنسبة لسؤالك مافهمت آخر شي شلون تقصد وايرلس تقصد يعني عن طريق الجوال ؟ اذا عن طريق الجوال تتبع نفس الخطوات ماعدا نقطةا لوصول Access Point تكتب حسب الشركه هناك .. ممكن تسالهم عن هالشي ولما يعطونك اياه تحطه وتكمل باقي الخطوات وراح يشبك

وهناك أظن كل ميجا بريالين :)

Q_PG_S
09-09-2009, 11:33 AM
السلام عليكم و رحمة الله و بركاته
سرغة النت على جوال E71 عن طريق USB cable في منطقة الأسواق ( سوق واقف ) على شبكة Vodafone
http://www.speedtest.net/result/560470357.png (http://www.speedtest.net)

سمارت_611
09-09-2009, 11:38 AM
يعطيك العافيه اختي

جنوب الدوحه
09-09-2009, 12:33 PM
شرح طيب اخوي :) تسلم اناملك الذهبيه

براتزية برازيلية
09-09-2009, 12:34 PM
يعطيك الللللللللللللف عافية اخوي و الله كنت ادور على هالطريقة بارك الله فيك

م. عبدالعزيز
09-09-2009, 12:59 PM
حياكم الله ان شاء الله الكل يستفيد

فلفل حار
09-09-2009, 01:07 PM
آشهــد آنكـ ذيــب يا عبد العزيز ... :)

بيض الله ويهك والله وماقصرت جعلك ذخر يالغالي ...:nice:

يزاك الله 10000 خيــر وماقصرت والله
والله صج صج فكيتنا من عذاب البروباند وهالطريقه تنفع للي يبي يشغل النت على عيله يطلع اللاب من الشنطه
وشبك بالواير على طووول بآي وقت ... ^-^





آشكــــــــــــــــــــــرك كل الشكــــــــــر ...:victory:


تقبل تحيـــــــاتي وآسمحلى على الرد المتآخـــر ... :shy:

م. عبدالعزيز
09-09-2009, 04:04 PM
حياك الله اخوي فلفل حار وبالعكس سعيد جدا بخدمتك وخدمة كل أعضاء المنتدى،، وأي حد يبغي اي مساعده اقدر اساعده فيه بكون سعيد جدا بهالشي ..

وبالتوفيق وان شاء الله الطريقة المصوره بالموضوع تفيدك وتفيد الأعضاء .. :)

فلفل حار
09-09-2009, 06:38 PM
رايتك بيــضه يالغالــي ... :)

آبشــركـ :: ونفعت الطريقه معاي من المحاولــه الآولـــى ...
:nice:

م. عبدالعزيز
09-09-2009, 06:50 PM
ممتاز الحمد الله ،، ولو عندك اي شي ثاني تحب تتعلمه عطني خبر وفالك طيب

Q-t-r
10-09-2009, 05:10 AM
جزاك الله خير على الشرح

محمد الجفيري
11-09-2009, 04:06 AM
جزاك الله خير والله يوفقك على ما قدمت

فارس قطر333
11-09-2009, 04:14 AM
يعطيك العافيه

بـن عدوان
12-09-2009, 03:41 AM
مووضووع بغاية الأهمية



يعطيك العافية يااخوي وان شاءالله بجرب الحركة وبرجع للموضوع

م. عبدالعزيز
12-09-2009, 04:00 AM
حياكم الله وانا بخدمتكم :)

أغلى البـشر
12-09-2009, 03:30 PM
جزاك الله خير

للأسف السرعة ما تجاوزت الـ 0.5 ميجابايت مع كيوتل عن طريق 3g

بس أخوي كم سعر الميجا بايت في كيوتل ؟

استغفرالله
12-09-2009, 04:19 PM
جزاك الله خيرا

زورو موضوعنا وصوتوا للافضل
*** صوت هنا لمسابقة احسن تصميم دعوي ***
________________________________________
http://qatarshares.com/vb/showthread.php?t=298819

م. عبدالعزيز
12-09-2009, 04:25 PM
حياكم الله كلكم
أغلى البـشر السعر يعتمد على الباقه ،، شنهي الباقة اللي انت مشترك فيها ؟

عذوبـة قلم
12-09-2009, 11:36 PM
.♦. ♠ .♦
:

:

ش
ك
ر
اً

وجزاك الله خيـر .. آول مره أعرف هالطريقـه
.. جـــــــاري المحاولــــــــه ..

ولي عودة اذا عندي اي استفسار ..
تقبل تحيات ريشتي .. آختكـ في الله
http://www.xx5xx.com/vb/images/smilies/9965.gif
:

:
.. ع ـذوبـة الـ ق ـلم ..

م. عبدالعزيز
12-09-2009, 11:40 PM
ويجزيج بالمثل اختي :)

بـن عدوان
14-09-2009, 12:16 AM
تمت التجربة على الطريقة الثانية وانا الحين شابك منها من جوال فودافون ^_^

ييعطيك الف عااافية يالشيخ

م. عبدالعزيز
14-09-2009, 04:04 AM
ممتاز اخوي بن عدوان ،، شاكرا لك على تجربتك سعيد جدا بهالشي ^_^

عذوبـة قلم
14-09-2009, 11:00 PM
.♦. ♠ .♦
:

:

آخوي م. عبدالعزيز ..
آنا جربتها أمس .. وللاسف ماضبطت معاي ..
ولما حاولت مع شريحه ثانيه هلا .. بعد ماضبطت ..

كلمت 111 .. قالو لي هلا مايصير :shy: ..
والفاتوره لازم آكون مشتركـه في الباقـه ..!!

:

:
.. ع ـذوبـة الـ ق ـلم ..

م. عبدالعزيز
15-09-2009, 03:18 AM
ايوه عذوبـة قلم هلا مافيها خدمه انترنت الجوال، هلا فقط فيها خدمه الواب التابعه للموزايك :)

بوليد
18-09-2009, 09:07 PM
مشكووور يالغالي الشرح جدا ممتاز
وعندي سؤال عندي خط كيوتل وخط فوادفون ومكتوب عندي 300 ميجا مجانا
ابي اعرف يعني لو طبقت الشرح هل راح افتح الانترنت ببلاش ولا بفلووووس

هارون الرشيد
18-09-2009, 09:20 PM
يعطيك العافيــة

م. عبدالعزيز
18-09-2009, 10:59 PM
مشكووور يالغالي الشرح جدا ممتاز
وعندي سؤال عندي خط كيوتل وخط فوادفون ومكتوب عندي 300 ميجا مجانا
ابي اعرف يعني لو طبقت الشرح هل راح افتح الانترنت ببلاش ولا بفلووووس
حياكم الله كلكم

ايوه اخوي يشتغل على فودافون وعندك فقط 300 ميجابايت للتصفح بهالحاله

وبالنسبة لكيوتل لازم تشترك بأحد باقات انترنت الجوال .. هنا التفاصيل

http://www.qtel.com.qa/mobileinternet.do?trans=ar&null

نواف الاحمد
19-09-2009, 02:26 AM
شرح واااايد حلو

وموضوع احلى

جزاك الله الف خير

م. عبدالعزيز
19-09-2009, 04:20 AM
وياك اخوي نواف :)

Q.T.R
19-09-2009, 04:44 AM
الله يجزاك خير اخوي م. عبدالعزيز

م. عبدالعزيز
19-09-2009, 01:33 PM
وياك اخوي قطر

QaTaR_OnE
20-09-2009, 08:25 PM
يعطيك العافيه .. ومشكور على الجهد الرائع

راشدس
20-09-2009, 10:38 PM
السلام عليكم ورحمة الله وبركاته

نوخذه
22-09-2009, 09:58 AM
الله يعطيك الف عافيه

..er..
22-09-2009, 10:06 AM
كفيت ووفيت ياعبدالعزيز


الله يعطيك العافيه ولايهينك يالغالي

م. عبدالعزيز
22-09-2009, 10:30 AM
حياكم الله ويامرحبا بكم

الصقر10
06-10-2009, 12:27 AM
تسلم وبارك الله فيك

انا جربتها على كرت الفودافون وكل شي تمام

يعطيك الف عافيه

فلفل حار
07-10-2009, 04:46 AM
ماقصرت والله يالغالـي ...
:)

w.qatar
07-10-2009, 08:30 AM
مشكوووور ما قصرت

ALANSARI125
08-10-2009, 01:04 PM
بارك الله فيك

abdo_nasr
11-10-2009, 10:34 AM
مشكور وماقصرت

نجم سهيل
13-10-2009, 01:24 PM
السلام عليكم

حاليا ً مالي حاجة بالطريقة .. لكن من زمان خاطري أتعلم الطريقة لوقت الحاجة ..

وموضوعك تستاهل كل الشكر والتقدير عليه .. كفيت ووفيت .. لاني ماكنت متوقع ان الأمر بهالسهولة الله يجزيك كل خير ان شالله ..

شوبارد
15-10-2009, 07:19 PM
بارك الله فيك وجزاك الله كل خير

شوبارد
17-10-2009, 12:46 AM
اخوي انا عندي الجوال اسم الاكسس بوينت كالتالي: gprs.qtel واذا حطيت نفس الاسم الي اتقول عنه ما يشبك معاي .. وبعد نفس الشي على اللاب توب ما يشبك.. ياريبت لو تعطيني حل لهذه المشكله،،، انا جربت على فودافون وشغال اوكي ،، بس المشكله ان اشتراكي بالجوال نت معاهم يسمحلي بس ب 300mb ومع النت تنسحب بسرعه,,, وانا افضل كيوتل عليهم لانهم معطيني رصيد ب 3000MB>

كركرمحد
12-11-2009, 12:31 AM
يعطيك الف عااااااااااافيه ياخوي

كفيت ووفيت

سلـطان
21-11-2009, 07:20 PM
جزاك الله خير

بنت الذيــب
24-11-2009, 09:23 AM
امممم اولا حبيت اشكرك على هذا الموضوووع الاكثر من رائــع وبصراحــــة استانست عليه واااااايد :nice:

بـــس حاولت وماضبط وياااي بس كنت بسألك تصير هالخدمه مع جوال البلاك بيري والا لا ؟؟
وياليت تقولي الطريقه لاني حاولت بآخر طريقه ذكرتها بس مايصير ..
على قولة جدتـــي ياليــــل مااطولك :anger1:

والله قهر كنت بكسر اللاب توب من العصبيه بس الله ستر :eek5: وكنت بتصل فكيوتل بس قلت يمكن يحسبوني خبله :telephone:

ماابي اطول فالكلااام واسندرك ترانـــي هذااااره مااصدق حد يسمعني :shy:
اممممممم :eek3:
فالنهايه حبيت اشكرك وجزااااك الله الف خير يااخوي وماقصرت على شرحك الممتااااااز

تقبل هذرتــــي قصدي مروري

م. عبدالعزيز
24-11-2009, 04:01 PM
اخوي انا عندي الجوال اسم الاكسس بوينت كالتالي: gprs.qtel واذا حطيت نفس الاسم الي اتقول عنه ما يشبك معاي .. وبعد نفس الشي على اللاب توب ما يشبك.. ياريبت لو تعطيني حل لهذه المشكله،،، انا جربت على فودافون وشغال اوكي ،، بس المشكله ان اشتراكي بالجوال نت معاهم يسمحلي بس ب 300mb ومع النت تنسحب بسرعه,,, وانا افضل كيوتل عليهم لانهم معطيني رصيد ب 3000MB>
هلا وغلا اخوي .. اجاباتي على اسئلتك

1- مايصير تجرب web.qtel لانك بالاساس مش مفعل خدمه كيوتل للانترنت (باقات الانترنت الخمسة) اما اGPRS طبعا مايصير لانه هاي حق تصفح الجوال.

2- فودافون معطينك 300 ميجابايت هالشهر ، وبعد الشهر الجاي .. يعني المجموع 600 وهذا لتصفح الانترنت مناسب .

3- كيوتل ماعطتك 3000 ميجابايت ، عطتك 3000 كيلوبايت يعني 3 ميجابايت وهذا لتصفح الجوال مش للانترنت

م. عبدالعزيز
24-11-2009, 04:02 PM
امممم اولا حبيت اشكرك على هذا الموضوووع الاكثر من رائــع وبصراحــــة استانست عليه واااااايد :nice:

بـــس حاولت وماضبط وياااي بس كنت بسألك تصير هالخدمه مع جوال البلاك بيري والا لا ؟؟
وياليت تقولي الطريقه لاني حاولت بآخر طريقه ذكرتها بس مايصير ..
على قولة جدتـــي ياليــــل مااطولك :anger1:

والله قهر كنت بكسر اللاب توب من العصبيه بس الله ستر :eek5: وكنت بتصل فكيوتل بس قلت يمكن يحسبوني خبله :telephone:

ماابي اطول فالكلااام واسندرك ترانـــي هذااااره مااصدق حد يسمعني :shy:
اممممممم :eek3:
فالنهايه حبيت اشكرك وجزااااك الله الف خير يااخوي وماقصرت على شرحك الممتااااااز

تقبل هذرتــــي قصدي مروري
يامرحبا حياج الله اختي ،، بالنسبة للبلاك بيري مايصير لانه الباقة مصممه لأجهزه البلاك بيري ومايصير نشبكه على اللابتوب .. :) والاتصال بـ 111 مجاني ،، وعندج خيارين حاليا ً اما تشبكين على فودافون او تشتركين في باقات انترنت كيوتل بشرط انه مايكون عندج بلاك بيري اذا تبين تشتركين بباقات كيوتل للانترنت..

وبالتوفيق

م. عبدالعزيز
24-11-2009, 04:03 PM
وحيااكم كلكم .. سعيد بتواصلكم واهم شي تستفيدوون :)

سمرلاند
24-11-2009, 08:29 PM
اول شي حبيت اشكرك ع الموضوع المميز .. استفدت منه
يعطيك العافية

ثاني شي

- مايصير تجرب web.qtel لانك بالاساس مش مفعل خدمه كيوتل للانترنت (باقات الانترنت الخمسة) اما اGPRS طبعا مايصير لانه هاي حق تصفح الجوال.

مادري مافهمت افتر راسي
الحين كم خدمة فيه .. اذا بشبك الابتوب بالانترنت عن طريق الجوال شـ استخدم web.qtel ولا اGPRS
شـ الفراق اصلا ؟؟

بنت الذيــب
25-11-2009, 09:59 AM
اقوووووول يالربـــع رددو ورااااااي
ياليـــــــــــــل مااطــولك

م. عبدالعزيز
25-11-2009, 04:32 PM
اول شي حبيت اشكرك ع الموضوع المميز .. استفدت منه
يعطيك العافية

ثاني شي


مادري مافهمت افتر راسي
الحين كم خدمة فيه .. اذا بشبك الابتوب بالانترنت عن طريق الجوال شـ استخدم web.qtel ولا اGPRS
شـ الفراق اصلا ؟؟

web.qtel للانترنت لكل شي ( تصفح ايميل ماسنجر يوتيوب..الخ)
gprs.qtel فقط تصفح الانترنت الواب WAP صفحات الجوال

diab911
25-11-2009, 04:33 PM
جزاك الله خير

شموخي
28-11-2009, 09:42 AM
يعطيك العافيه يارب

:)

م. عبدالعزيز
28-11-2009, 10:02 AM
حياكم

الجبهان
30-11-2009, 09:10 PM
يعطيك العافية على المجهود.........

الجبهان
30-11-2009, 09:19 PM
يعطيك العافيه على المعلوماااااااااات

م. عبدالعزيز
30-11-2009, 10:51 PM
يامرحب

سمرلاند
02-12-2009, 06:27 AM
اخوي م.عبدالعزيز في شريحة مسبقة الدفع لنت الجوال؟؟
لان انا نادر ماستخدم النت عن طريق الجوال في المناطق البعيدة فـ ماراح احتاج اشتراك شهري

م. عبدالعزيز
02-12-2009, 11:03 AM
اخوي م.عبدالعزيز في شريحة مسبقة الدفع لنت الجوال؟؟
لان انا نادر ماستخدم النت عن طريق الجوال في المناطق البعيدة فـ ماراح احتاج اشتراك شهري
عندك من المشغل الآخر (فودافون) بطاقات ريد
وعليها عرض حاليا ، 300 ميجابايت مجانا انترنت الجوال هالشهر

سمرلاند
03-12-2009, 01:34 AM
تسلم اخوي ماقصرت
جزاك الله خير

م. عبدالعزيز
03-12-2009, 08:30 AM
وياك يارب

جمال اليافعي
09-12-2009, 10:10 AM
نروح أول شي نحدد المودم اللي هو الجوال الموصول


انسوي نكست ونختار اعداد يدوي


وبعدين نعبي اول فراغ


اذا فودافون نكتب web.vodafone.com.qa او vodafone.com.qa
واذا كيوتل نكتب web.gprs

ارجو لفت الانتباه بأن web.GPRS سوف يحتسب عليك الميجا 10 ريال حتى لو عندك اشتراك الانترنت الجوال ..

يجب عليك أستخدام Web.Qtel وهذا الي عليه الاشتراك الانترنت الجوال ولن يحسب عليك شي الى ان تنتهي الاشتراك مثل ال 1 جيجا او ال 250 ميجا ..

ومشكوووور كثير على الشرح .

م. عبدالعزيز
09-12-2009, 03:39 PM
ارجو لفت الانتباه بأن web.GPRS سوف يحتسب عليك الميجا 10 ريال حتى لو عندك اشتراك الانترنت الجوال ..

يجب عليك أستخدام Web.Qtel وهذا الي عليه الاشتراك الانترنت الجوال ولن يحسب عليك شي الى ان تنتهي الاشتراك مثل ال 1 جيجا او ال 250 ميجا ..

ومشكوووور كثير على الشرح .
هلا والله اخوي ، هذا ايام زمان الميجا بعشر للweb.gprs
الحين الميجا بريال أو ب10 دراهم على حسب الباقة
http://www.qtel.com.qa/mobileinternet.do

law girl
04-01-2010, 12:21 PM
اخوي انا من اول شي ماضبط معآي ..
وصلت الجوال باللاب ..
بس ماطلعلي شي من اللي قلت عليه ..
مع العلم جوالي سوني اريكسون ..

ممكن توضح اكثر :) ..
ويعطيك ع العافية ع المجهود ..

م. عبدالعزيز
04-01-2010, 06:03 PM
هلا اختي ،، ممكن توضحين لي بالضبط شنو تقصدين ؟

MagnuM
08-01-2010, 12:05 AM
اللي عنده خدمة بلاكبيري يقدر يسوي هذي الطريقه ؟

م. عبدالعزيز
08-01-2010, 11:13 AM
نوو :)

نور الليل
08-01-2010, 02:40 PM
هل يحسب عليه فلوس دخول عبر الجوال او ببلاش

law girl
09-01-2010, 03:53 AM
يعني انا يوم جيت ركبت الوصلة بالجوال واللآب ..
ماطلعلي مثل اللي طلع عندك ..

http://img30.imageshack.us/img30/5049/screenshot2676046.jpg

للعلم جوآلي سوني ..

م. عبدالعزيز
09-01-2010, 12:53 PM
هل يحسب عليه فلوس دخول عبر الجوال او ببلاش
فودافون مسويه عرض 300 ميجابايت بيانات داخل الشبكه مجانيه ، ولو خلصت كل ميجا اضافي بـ 10 ريال
واذا خارج قطر، على حسب البلد ، والرسوم متنوعه تبدا من 20 ريال وحتى 50 ريال. (شيكي على موقعهم فيه البلدان وكل شي) ^_^

م. عبدالعزيز
09-01-2010, 12:53 PM
يعني انا يوم جيت ركبت الوصلة بالجوال واللآب ..
ماطلعلي مثل اللي طلع عندك ..

http://img30.imageshack.us/img30/5049/screenshot2676046.jpg

للعلم جوآلي سوني ..
اي الشرح مالي سويته عالنوكيا لانه الجوال الشائع، بس للسوني اريكسون نفس المبدء.. دوري على خيار (الاتصال بالانترنت) :)

MoTeC
14-01-2010, 03:35 AM
انا سألتك انت قلت لي لااء هااه معليه الوعد عالماسنجر p:
وينطيك العافيه الموضوع شفته من قبل p: يعني قدييم <<< هههههه

وحيدالزمن
10-02-2010, 08:13 AM
يسلمو ماقصرت

م. عبدالعزيز
10-02-2010, 04:01 PM
حياكم الله واللي عنده اي استفسار انا حاضر

alftaan
11-02-2010, 08:26 PM
يعطيك العافيــــــــه يالحبيب

م. عبدالعزيز
12-02-2010, 09:24 AM
الله يعافيك اخوي

AL-RAYYANI
12-02-2010, 11:34 AM
يعطيييك الف عافييه اخوي وماقصصرت بس اخووو تقريبا هذا الشرح كله بخصووص الوصله يعني لازم نشبك الوصله

طيب كان اختصرت الاموور وخليتها بالبلوتووث اسرع واسهل

abdulla4u
12-02-2010, 01:40 PM
يعطيك العافيه كفيت وفيت

م. عبدالعزيز
12-02-2010, 04:01 PM
الرياني يصير بالبلوتوث بعد ،، بس مشاكله كثيره علشان جذي ابتعدت عنه والusb واسهل وافضل ومشاكله أقل .. حياك الله

وحياك الله بعد اخوي عبدالله

أم علي 2010
26-02-2010, 01:31 AM
موضوع اكثر من رائع الصراحة

ان شالله بجربها بس عندك فكرة اخوي عن طريقة الدفع يعني يحسب علي كاني اتصفح بالجوال ؟