المساعد الشخصي الرقمي

مشاهدة النسخة كاملة : اما ان يكون زواج ناجح او الذهاب الى كوالالمبور


الجني
07-09-2009, 12:40 PM
بسم الله و الحمد لله و الصلاة و السلام على رسول الله
و على اله و صحبه و سلم

اكبر سبب فشل الزواج هو عدم وجود هدف من الزواج


الشاب عندما يقدم على الزواج ليس في مخيلته حجم المسؤلية التي
هي مقدم عليها :

1- مسؤلية فتح بيت (ايجار, مشتروات,مشاوير, صبغ, صيانة مكيفات,
بواليع تحتاج تسليك , استمرارية)

2- مسئولية الزوجة (بشاشة , مشاوير , مشاركة , طعام ما عجبك لازم
تاكله لأنها قعدت تطبخه ساعه ونصف علشان تسمع منك كلمه حلوه)

3- مسئولية الأولاد (طولة بال على مشاكلهم و صراخهم و تغيير
بامبرز و تركظ الدكتور كل ما مرض احدهم)

4- مسؤلية الخدم (الراتب قبل ما ينتهي الشهر و التأشيرات
و هذه تبي تسافر و هذه ما تنفع)

5- لا بد من تغيير نمط الحياة , السهر و السفر مع الربع قبل
الزواج يختلف عن بعد الزواج

6- امك تقبل رأسها و يديها و لا تشاركها في مشاكلكم

7. قبل ما تشتكي من زوجتك انظر الى النقاط الستة في الأعلى

* * * * * * *

كما ان الشابة عندما تقدم
على الزواج ليس في مخيلتها حجم المسؤلية التي
هي مقدمه عليها :

1. مسؤلية فتح بيت (موارد الزوج قابله للنضوب
و 1+1 لا يساوي 4 و كل ما قلت ديونه كلما
كان اقدر على الصرف و الإدخار)

2 . مسئولية الزوج (لا تطلبين و لا تحنين عليه بعد العودة
من العمل مباشرة و انتظري الى العصر لأن راسه منفوخ
من الشغل مب ناقص حنه واذا ما أكل عدل هذا يعني ان
الأكل ما عجبه و مب لازم يحبه لأنك ما تعرفين تطبخين
حاولي مره اخرى و ضعي فواكه او كيك يسد جوعه)

3. مسئولية الأولاد (انتي المسئوله عنهم 100%
و ليست الخادمة, الخادمه لا عمل لها سوى تنظيف ملابسهم
بمعنى لا يكون الطفل متلقي منها اي معلومات لذلك سميت
خادمه و ليست مربية)

4. مسؤلية الخدم (هم بشر يحتاجون الرفق و العمل في حدود
المعقول و خطأ تحويلهم في آن واحد الى:
• طبخ
• خدمة الغرف (ٌRoom Service)
• تنظيف الغرف (House keeping)
• غسل السيارات
• غسيل و كوي
• اذا انكسر صحن تقوم القيامة
و لا دخل لهم بمشتريات البيت و لا يمسكون الفلوس
و يكونون مسؤولين عن كل صغيرة و كبيرة

5. لا بد من تغيير نمط الحياة و السهر و النوم الى الظهر
قبل الزواج يختلف عن بعد الزواج

6. امك تقبلين رأسها و يديها و لا تشاركيها في مشاكلكم
و لا تقارنين نفسك بأحد سواء اخواتك او زوجات اخوانك
لأن الله خلق و فرق

7. قبل ما تشتكين من زوجك انظري الى النقاط الستة في الأعلى



إذا لم يكن لديكم هذه الرؤيا و لستم مستعدين للتنازل عن نمط

حياتككم قبل الزواج فاذهبوا مع بعض الى الخطوط الجوية القطرية

و اقطعوا تذكرتين درجة اولى الى كوالالمبور في ماليزيا و اسكنوا

في افخر جناح مهما كلف في احد الفنادق الدرجة الأولى و في

الصباح افطروا افخر افطار ثم توجهوا الى بنايات بتروناس الشهيرتين

و اصعدوا في الأعلى الى اعلى طابق و القوا بأنفسكم من فوق

لأنكم بشر زيادة عن الحاجة و لا فائدة منكم

و صلى الله على سيدنا محمد و على اله و صحبه و سلم
درب السعادة
07-09-2009, 12:48 PM
ولا دا ولا دا مافي داعي للزواج والانجاب من اصله أذا كانت الحياة بهذه الصورة . الدنيا مش ناقصة هم . كل واحد يشيل مسؤوليته وراتبه له وعايش مكيف في بيت اهله وطلباته توصله لين عنده ووقته كله ملكه ليش يفرط في كل ها النعم علشان الزواج .؟؟؟
شيخ الريان
07-09-2009, 12:57 PM
بسم الله و الحمد لله و الصلاة و السلام على رسول الله
و على اله و صحبه و سلم

اكبر سبب فشل الزواج هو عدم وجود هدف من الزواج


و اصعدوا في الأعلى الى اعلى طابق و القوا بأنفسكم من فوق

لأنكم بشر زيادة عن الحاجة و لا فائدة منكم[/COLOR]

و صلى الله على سيدنا محمد و على اله و صحبه و سلم


:victory::nice::victory::nice:
:app::app::app:

رااااااااااائعة والله يجزاك خير على هذة المعلومات الي ماقد تكلم عنها أحد

الزوج لازم يتغير قبل زواجة والزوجة بعد لازم تتغير

شكرا يالجني
ريم المدينة
07-09-2009, 01:02 PM
اشفيك شاب ضو يالجني؟؟

مدرعم وداش عرض...

الناس يمهدون للموضوع قبل....
أبو راكان
07-09-2009, 02:10 PM
هذا الكلام كان زمان يالجني
وين اللي يطبق في هالوقت
اللي لحق لحق ونا خوك
جيل اليوم عايش حياه من زجاج
ابسط اموره قابله للكسر
فما بالك بالزواج
خلها على الله
hamoor4ever
07-09-2009, 02:20 PM
كلامك صحيح والبعض سواء من الرجال او البنات على بالهم الزواج وناسه وطلعات وروحات وجيات ونسو ان الزاوج مسؤوليه بالنسبه للرجل ( اجار بيت ، صرف فلوس ، مشاوير مستشفى وغيره ، ازعاج اطفال ومسؤوليه ، الخ الخ ) اما بخصوص المرأه على بالها اذا عندها خادمه بتقط كل شي عليها وهي بتاكل وترقد مادرت ان اغلب الرجال مايعجبهم هالوضع ويبغي المرأه هي اللي تطبخ بأيدها وتربي عياله وترتب اغراضه هاذه غير الحمل والتعب مع تربيه العيال اما الخادمه ماراح يهمها اكل زوجها او لا فلازم الاشراف عليها بكل وقت يعني بأختصار الزواج مسؤوليه والله يعين الجميع
nouar
07-09-2009, 02:25 PM
اشدعوه كولامبور


والا الذهاب إلى مركز الاستشارات العائلية
Arab!an
07-09-2009, 02:47 PM
الدنيا الحين مليئه بالملهيات والمغريات .. ومسؤوليه البيت صعبه جدا جدا


انا عندي حل يكفل القيام بالحد الأدنى من المسؤوليات مع القليل من الوناسه والتمتع بالدنيا والذهاب مع الشباب في الرحلات والمجالس .. شرايك؟


اولا .. نلهي الزوجه بالطبخ ونشجعها على الطبخ ونقول لها " اليوم تعشيت عند فلان صراحه مرته اتعرف تشتغل عدل" < يعني شغل الغيره> .. والهدايا طبعا تكون (كتب طبخ) :nice:

ثانيا .. الخدامه .. عليك اختيار خدامه جميله جدا جدا .. صدقني حتى لو كنت قاعد في البيت .. مرتك بتقولك "ياخي انت ماعندك ربع" ؟


ثالثا .. العيال .. ليش الله رزقكم بأطفال ؟ مب عشان يملون البيت على زوجتك؟ بس خلاص خلهم عندها وانت روح شوف ربعك =)


رابعا .. المصروف .. عليك اولا ان تتزوج من موظفه < هذا المفروض يكون الشرط الاول

وتتفق انت وياها على مصروف البيت .. بالنص مثلا ..

وعقب ما تتزوجون اشتر سياره كاش طبعا .. وقول لها : حبيبتي انا الحين اشتريت سياره لنا (لاحظ لنا) .. وطبعا قاعد ادفع اقساطها الله يعينج تتكفلين بالبيت لين ماتخلص اقساط السياره < 2025

خامسا .. اللحظات الرومنسيه والطلعات والتمشيات ..

طبعا انت انسان تشتغل وزوجتك تشتغل وتطبخ وعندكم عيال اتربونهم (وعندكم اقساط سيارة).. صحيح انكم اتضحون من أجل الاسرة على حساب لحظاتكم الخاصه فغيركم صحيح يقضون وقت أطول مع بعض بس الله مارزقهم بحسن التدبير مثلكم < أقنعها بهالشي :tease:
الجني
07-09-2009, 09:14 PM
ولا دا ولا دا مافي داعي للزواج والانجاب من اصله أذا كانت الحياة بهذه الصورة . الدنيا مش ناقصة هم . كل واحد يشيل مسؤوليته وراتبه له وعايش مكيف في بيت اهله وطلباته توصله لين عنده ووقته كله ملكه ليش يفرط في كل ها النعم علشان الزواج .؟؟؟

الله يسهل لج جميع دروب السعادة يا درب السعادة

هذه سنة الحياة و مثل ما تعبوا امهاتنا و ابائنا علينا

يجب ان نتعب على عيالنا و النعمه زواله

و لا يحس الإنسان بالوحشة الاّ لما تثقل ركبتيه عن حمله

شرفني مرورك اختي درب السعادة
BuFaisal
07-09-2009, 11:12 PM
ولا دا ولا دا مافي داعي للزواج والانجاب من اصله أذا كانت الحياة بهذه الصورة . الدنيا مش ناقصة هم . كل واحد يشيل مسؤوليته وراتبه له وعايش مكيف في بيت اهله وطلباته توصله لين عنده ووقته كله ملكه ليش يفرط في كل ها النعم علشان الزواج .؟؟؟

اخوي درب
ما اعتقد ان هذا الكلام جدي !!
لانه لو كلنا اتبعنا كلامك لانقرضنا من على وجه الارض وهذه ليست سنة الله في ارضه
ومخالف لتوصية الرسول صلى الله عليه وسلم بالتكاثر حتى يباهي بنا الامم يوم القيامة
هذه نظرية واحد ما هو عاقل او ماهو سوّي (يعني ماهو قادر يتزوج لاي سبب)
ولا يوجد أي شيء كامل الا وجه ربك ولا يوجد شيء بدون سلبيات
فلماذا نكبّر السلبيات وننسى الايجابيات !!

كلامي هذا ليس انتقاد شخصي لا سمح الله او محاولة رد سلبية بس ردك جدا غير مقنع
وطن
07-09-2009, 11:19 PM
التعاون والتنازل لازم يكون من الطرفين
لكن في اغلب الحالات التنازل من احد الاطراف يا الزوج يا الزوجة
ويبدأ الضغط النفسي
وشوي شوي تزيد المشاكل
وشوي الا تنفجر الفقاعة

:secret:
وطن
07-09-2009, 11:22 PM
الدنيا الحين مليئه بالملهيات والمغريات .. ومسؤوليه البيت صعبه جدا جدا


انا عندي حل يكفل القيام بالحد الأدنى من المسؤوليات مع القليل من الوناسه والتمتع بالدنيا والذهاب مع الشباب في الرحلات والمجالس .. شرايك؟


اولا .. نلهي الزوجه بالطبخ ونشجعها على الطبخ ونقول لها " اليوم تعشيت عند فلان صراحه مرته اتعرف تشتغل عدل" < يعني شغل الغيره> .. والهدايا طبعا تكون (كتب طبخ) :nice:

ثانيا .. الخدامه .. عليك اختيار خدامه جميله جدا جدا .. صدقني حتى لو كنت قاعد في البيت .. مرتك بتقولك "ياخي انت ماعندك ربع" ؟


ثالثا .. العيال .. ليش الله رزقكم بأطفال ؟ مب عشان يملون البيت على زوجتك؟ بس خلاص خلهم عندها وانت روح شوف ربعك =)


رابعا .. المصروف .. عليك اولا ان تتزوج من موظفه < هذا المفروض يكون الشرط الاول

وتتفق انت وياها على مصروف البيت .. بالنص مثلا ..
وعقب ما تتزوجون اشتر سياره كاش طبعا .. وقول لها : حبيبتي انا الحين اشتريت سياره لنا (لاحظ لنا) .. وطبعا قاعد ادفع اقساطها الله يعينج تتكفلين بالبيت لين ماتخلص اقساط السياره < 2025

خامسا .. اللحظات الرومنسيه والطلعات والتمشيات ..

طبعا انت انسان تشتغل وزوجتك تشتغل وتطبخ وعندكم عيال اتربونهم (وعندكم اقساط سيارة).. صحيح انكم اتضحون من أجل الاسرة على حساب لحظاتكم الخاصه فغيركم صحيح يقضون وقت أطول مع بعض بس الله مارزقهم بحسن التدبير مثلكم < أقنعها بهالشي :tease:

وين قوامة الرجال عن النساء !!!

لاحول ولا قوة الا بالله
BuFaisal
07-09-2009, 11:59 PM
وين قوامة الرجال عن النساء !!!

لاحول ولا قوة الا بالله

هناك نظرية يؤمن بها بعض الرجال وهي :
ما دامت النساء طالبين المساواه بكل شيء ومنها التوظيف والسواقة والعمل .. الخ
ليش توقف عند صرف البيت :)
لا وبعضهم يقول ليش ما هي تصرف علي

طبعا انا لست من مؤيدي هذه الفكرة ودائما مؤمن ان الانفاق يكون من طرف الرجل بحسب القدرة بحسب شرع الله
(الفيصل)
08-09-2009, 12:01 AM
الجني
أعترف ناوي على الثانيه(أن شاء الله) :)
أشوف كل مواضيعك عن الزواج :nice:
رنج سبورت
08-09-2009, 01:28 AM
يازين البيت اللي في يهال

الله يحفظهم
تحداني
08-09-2009, 02:02 AM
.. من اراد سيدي الفاضل ..
ان يعيش مع زوجه رائعه ..
وتعيش مع زوج فاضل ..

فمسأله الحقوق والواجبات
ليست هي المشكله ..
فلعل كلاهم يدركون تماما ..
بل يحفظون كل النقاط ..
التي ذكرتها عن ظهر غيب ..

المشكله الكبيره


ان هناك بعض من الفتيات
يعقتدون ان الزواج مجرد
فستان ابيض ..
وكوشه كبيره ..
وفارس احلام يلبس بشت ..
ويمسك بيده فانوس سحري ..

ينقلها من الواقع الى الخيال ..

وان هناك بعض من الرجال ..
يعتقدون ان الفتاه مجرد ... ( رجل آلي )

عليها ان تنفذ الاوامر فقط ..
دون ان تقول لهم لماذا؟؟ ومتى؟؟ واين .. ؟؟ ولحظه من فضلك ؟؟
يريدون ان يلغوا كيان تلك الانسانه ويطلبون منها ولاده جديده ..

ويمسحون ما بها من هوايات ..
وصداقات ..
ونقاشات ..
وطريقه تفكير ..
ودون توقف ان جاز التعبير كذلك ..
ومتى ما ملوا .. بحثوا عن غيرها ..


الله يسعد الجميع ..
ويزوج الشباب والبنات ..

ويرزقهم ذريه صالحه بإذن الله
nouar
08-09-2009, 02:18 AM
تدرون المشكله مب في البنت

المشكله انه ابوها مشغلها تصرف على البيت ...
وعلى اخوتها
وعند ما تتزوج

يريد خلو رجل والا .....

بشيك ايده من كل شي ...

بعض زميلاتي كانوا يقولون انه ابوهم ما زوجهم الا لما اخذوا سلفه له ب 100 الف ريال
تحداني
08-09-2009, 02:24 AM
تدرون المشكله مب في البنت

المشكله انه ابوها مشغلها تصرف على البيت ...
وعلى اخوتها
وعند ما تتزوج

يريد خلو رجل والا .....

بشيك ايده من كل شي ...

بعض زميلاتي كانوا يقولون انه ابوهم ما زوجهم الا لما اخذوا سلفه له ب 100 الف ريال


.. :omg: ..


اما سلفه بــ 100 ريال .. واما تجلس بلا زواج ؟؟
يا للهول ..

غريبه .. بس ليه هالمساومه ..؟؟
اتصور كل اب وكل ام يتمنون يشوفون اعيالهم مرتاحين ..
HIGHNESS
08-09-2009, 03:47 AM
كالعادة ... المرة هي المفروض تفعل وتسوي وتقوم وتشوف ووووووو .... ونسوا ان الزواج شراكة بين طرفين :)
وطن
08-09-2009, 06:02 AM
تدرون المشكله مب في البنت

المشكله انه ابوها مشغلها تصرف على البيت ...
وعلى اخوتها
وعند ما تتزوج

يريد خلو رجل والا .....

بشيك ايده من كل شي ...

بعض زميلاتي كانوا يقولون انه ابوهم ما زوجهم الا لما اخذوا سلفه له ب 100 الف ريال

اعوذ بالله
شـ هالأبهااااااااااااااات

الله يحفظ لنا ابائنا ان شاء الله ويبارك لنا فيهم
الجني
08-09-2009, 12:56 PM
:victory::nice::victory::nice:
:app::app::app:

رااااااااااائعة والله يجزاك خير على هذة المعلومات الي ماقد تكلم عنها أحد

الزوج لازم يتغير قبل زواجة والزوجة بعد لازم تتغير

شكرا يالجني

شرفني مرورك اخوي شيخ الريان

و اذا لم يتقبل الإثنان ان حياتهما ستتغير الى الأبد

فسيكون الفشل لا محاله

و المشكلة اننا ننظر الى هذا التغيير على اساس انه الى الأسوأ

و يجب ان نظر اليه على انه الى الأفضل
الجني
08-09-2009, 12:58 PM
اشفيك شاب ضو يالجني؟؟

مدرعم وداش عرض...

الناس يمهدون للموضوع قبل....

بالعكس يا ريم انا مرتاح و الحمد لله

و ما فيه احسن من الدخول المباشر في الموضوع

شرفني مرورك الكريم
الجني
08-09-2009, 01:00 PM
هذا الكلام كان زمان يالجني
وين اللي يطبق في هالوقت
اللي لحق لحق ونا خوك
جيل اليوم عايش حياه من زجاج
ابسط اموره قابله للكسر
فما بالك بالزواج
خلها على الله

عجبني وصفك يا بوراكان
"جيل اليوم عايش حياه من زجاج"
و كأنه شطر قصيدة

اللهم اصلح احوالنا و جميع المسلمين
الجني
08-09-2009, 01:03 PM
كلامك صحيح والبعض سواء من الرجال او البنات على بالهم الزواج وناسه وطلعات وروحات وجيات ونسو ان الزاوج مسؤوليه بالنسبه للرجل ( اجار بيت ، صرف فلوس ، مشاوير مستشفى وغيره ، ازعاج اطفال ومسؤوليه ، الخ الخ ) اما بخصوص المرأه على بالها اذا عندها خادمه بتقط كل شي عليها وهي بتاكل وترقد مادرت ان اغلب الرجال مايعجبهم هالوضع ويبغي المرأه هي اللي تطبخ بأيدها وتربي عياله وترتب اغراضه هاذه غير الحمل والتعب مع تربيه العيال اما الخادمه ماراح يهمها اكل زوجها او لا فلازم الاشراف عليها بكل وقت يعني بأختصار الزواج مسؤوليه والله يعين الجميع

لا استطيع ان اتفق اكثر اخوي هامور

شرفني مرورك الكريم
الجني
08-09-2009, 01:06 PM
اشدعوه كولامبور


والا الذهاب إلى مركز الاستشارات العائلية

سمعت ان هذا المركز يقدم خدمات كبيرة

و ياليت يطرح برامج لحديثي الزواج و متابعة

قبل ان تقع الفاس في الراس

شرفني مرورك الكريم اختي
الجني
08-09-2009, 01:10 PM
الدنيا الحين مليئه بالملهيات والمغريات .. ومسؤوليه البيت صعبه جدا جدا


انا عندي حل يكفل القيام بالحد الأدنى من المسؤوليات مع القليل من الوناسه والتمتع بالدنيا والذهاب مع الشباب في الرحلات والمجالس .. شرايك؟


اولا .. نلهي الزوجه بالطبخ ونشجعها على الطبخ ونقول لها " اليوم تعشيت عند فلان صراحه مرته اتعرف تشتغل عدل" < يعني شغل الغيره> .. والهدايا طبعا تكون (كتب طبخ) :nice:

ثانيا .. الخدامه .. عليك اختيار خدامه جميله جدا جدا .. صدقني حتى لو كنت قاعد في البيت .. مرتك بتقولك "ياخي انت ماعندك ربع" ؟


ثالثا .. العيال .. ليش الله رزقكم بأطفال ؟ مب عشان يملون البيت على زوجتك؟ بس خلاص خلهم عندها وانت روح شوف ربعك =)


رابعا .. المصروف .. عليك اولا ان تتزوج من موظفه < هذا المفروض يكون الشرط الاول

وتتفق انت وياها على مصروف البيت .. بالنص مثلا ..

وعقب ما تتزوجون اشتر سياره كاش طبعا .. وقول لها : حبيبتي انا الحين اشتريت سياره لنا (لاحظ لنا) .. وطبعا قاعد ادفع اقساطها الله يعينج تتكفلين بالبيت لين ماتخلص اقساط السياره < 2025

خامسا .. اللحظات الرومنسيه والطلعات والتمشيات ..

طبعا انت انسان تشتغل وزوجتك تشتغل وتطبخ وعندكم عيال اتربونهم (وعندكم اقساط سيارة).. صحيح انكم اتضحون من أجل الاسرة على حساب لحظاتكم الخاصه فغيركم صحيح يقضون وقت أطول مع بعض بس الله مارزقهم بحسن التدبير مثلكم < أقنعها بهالشي :tease:

ههههههههههههههه

شرعاً مال الزوجه لها و ان كانت مليارديره

و مسئولية مصروف البيت على الرجل

شرفني مرورك اخي Arab!an
هتـان قطر
08-09-2009, 02:22 PM
جيل اليوم..وااااه من جيل اليوم ..

فعلا ولدوا وفي افواههم ملاعق من ذهب..

الولد عاش في بيت اهله مرفه غير مسؤووول بالمرة

العبء الاكبر على الاب..والاب هو اللي وصل ولده لهذا الوضع

المفروض من يكبر الولد لابد ان يتحمل المسؤولية مع أبوه

يروح الجمعية يشتري النواقص..يخلص معاملات ابوه..

لكن ابوان هالسين هم السبب في دلع عيالهم..الا من رحم ربي

هذا الولد المرفه كيف بيكون مسؤول عن زوجة واسرة..؟؟!!!!


انجي للبنات....وانا كأم مطالبه اني اعود بنتي

وافطنها انها بيجي يوم بتكون تحت أمرة رجل غير ابوها واخوانها..

في هالزمن الزوج مايبي اللي تطبخ وتنفخ..يبي مرة تفهمه ..تحترمه

توفر له كل اللي يشوفه برا او من خلال الفضائيات..

يبي وحده تكون له سند وعون وملجأ من تقلبات الزمان..


عيال وبنات هالسنين ما لقوا من ينصحهم ويوجهم الى الصح..

اللوم الاكبر يقع على الام والاب ..


تسلم اخوي الجني على الموضوع الاجتماعي..:)
تحداني
10-09-2009, 03:28 AM
جيل اليوم..وااااه من جيل اليوم ..

فعلا ولدوا وفي افواههم ملاعق من ذهب..

الولد عاش في بيت اهله مرفه غير مسؤووول بالمرة

العبء الاكبر على الاب..والاب هو اللي وصل ولده لهذا الوضع

المفروض من يكبر الولد لابد ان يتحمل المسؤولية مع أبوه

يروح الجمعية يشتري النواقص..يخلص معاملات ابوه..

لكن ابوان هالسين هم السبب في دلع عيالهم..الا من رحم ربي

هذا الولد المرفه كيف بيكون مسؤول عن زوجة واسرة..؟؟!!!!


انجي للبنات....وانا كأم مطالبه اني اعود بنتي

وافطنها انها بيجي يوم بتكون تحت أمرة رجل غير ابوها واخوانها..

في هالزمن الزوج مايبي اللي تطبخ وتنفخ..يبي مرة تفهمه ..تحترمه

توفر له كل اللي يشوفه برا او من خلال الفضائيات..

يبي وحده تكون له سند وعون وملجأ من تقلبات الزمان..


عيال وبنات هالسنين ما لقوا من ينصحهم ويوجهم الى الصح..

اللوم الاكبر يقع على الام والاب ..


تسلم اخوي الجني على الموضوع الاجتماعي..:)




.. بارك الله فيك .. سيدتي الفاضله ..
عابر سبيل
10-09-2009, 03:48 AM
اكبر سبب فشل الزواج هو عدم وجود هدف من الزواج

ثم توجهوا الى بنايات بتروناس الشهيرتين

و اصعدوا في الأعلى الى اعلى طابق و القوا بأنفسكم من فوق

لأنكم بشر زيادة عن الحاجة و لا فائدة منكم[/COLOR]

و صلى الله على سيدنا محمد و على اله و صحبه و سلم


عليه افضل الصلاة و ازكى التسليم...

فيه شي احسن يالجني و ارخص..من بعد
09.09.09

ايروحون دبي و ايقطون اعمارهم من ميترو دبي!
و لانه بدون ادريول..محد بياخذ اعدام فيهم:secret:
----------

بس اذا به ناس محد علمهم و لا من اهلم كلمهم او وجههم...

ليه ياخوي الجني اتلومهم و لا بالعدام تحكم عليهم!

من علمنا حن كلامك....مدارس استاذ " فرغلي"
و لا مسرحية انتخبو "ام علي"!

و لا تعتقد هالايام يبينقذهم التعليم غير التربوي
و لا الاهلي..
منهج التعليم " المستقلي"!

ع العموم....قبل حكم العدام...
ممكن نعطيهم فررررصة لاعادة التفكير و تغيير سكة هالقطار الخطير..

به شي..هالحين ايطيح بايدين كل محتار..
ضغطة زر من المستر غوغل...

تكتب فيها " تحفة العروس":secret:
و اببلاش تسوي له "تنزيل"

اقرأووووووووووووو...

موب لمن لم...
الا يال جني...75% (عالاقل) ممن...

يحتاجون تصحيح مفاهيمهم و تعليمهم..
الحياة كيف تحياها..بفن!.

عاد انا عتيج و لكتاب مثلي عتيج...
اذا به شي جديييد...

علمونا..و منكم نستفيد!..

انشوفكم عالعيد!
اما تثبيت الاعدام...
و لا العودة للحياة معك يالجني من جديد:victory:
miss-qatr
10-09-2009, 05:09 AM
اخونا عابر عمل لك خاطره :p


والله ياخوي الجني وهذاني خلفت إن اليوم كانت اتدور في بالي تساؤلات عن هذا الموضوع وأنت اختصرت الموضوع :)


صرت أشوف الكل يتزوج لغرض الزواج وإن الشاب يطالع فلان وفلان اللي تزوجو ليش ماأتزوج ؟؟؟؟

والبنت اتشوف كل رفيجاتها تزوجو فهي مع الخيل ياشقرا :omen2:


ولحد الحين اذكر كلام انسانه عزيزه علي يوم رجعت طالبه الطلاق من زوجها اللي ما تمت معاه إلا شهور


اتقول أنا تزوجت ولهيت بالخطوبه والحنا والفستان والعرس والتجهيز وشهر العسل

ونسيت أهم شي

زوجي ..

ما فكرت انتبه على شخصيته وعيوبه اللي كنت أعتبرتها هينه وبدت مع الايام اتزيد وتظهر لكن بالي كان بمكان ثاني


ويوم تلاشت الربشه هذي عرفت إني لو عشت بالواقع شوي كنت تلافيت خطأ عمري

لكن قدر الله وماشاء فعل ...


فيا أخوي الجني سامحني ان طلعت شوي عن الموضوع بس كلام جر كلام :)



واقتنعت بشي ..

الواحد مب شرط يتعلم من اخطاءه لكن الأهم يتعلم من أخطاء غيره


يعطيك العااافيه :)
الجني
10-09-2009, 12:01 PM
جيل اليوم..وااااه من جيل اليوم ..

فعلا ولدوا وفي افواههم ملاعق من ذهب..

الولد عاش في بيت اهله مرفه غير مسؤووول بالمرة

العبء الاكبر على الاب..والاب هو اللي وصل ولده لهذا الوضع

المفروض من يكبر الولد لابد ان يتحمل المسؤولية مع أبوه

يروح الجمعية يشتري النواقص..يخلص معاملات ابوه..

لكن ابوان هالسين هم السبب في دلع عيالهم..الا من رحم ربي

هذا الولد المرفه كيف بيكون مسؤول عن زوجة واسرة..؟؟!!!!


انجي للبنات....وانا كأم مطالبه اني اعود بنتي

وافطنها انها بيجي يوم بتكون تحت أمرة رجل غير ابوها واخوانها..

في هالزمن الزوج مايبي اللي تطبخ وتنفخ..يبي مرة تفهمه ..تحترمه

توفر له كل اللي يشوفه برا او من خلال الفضائيات..

يبي وحده تكون له سند وعون وملجأ من تقلبات الزمان..


عيال وبنات هالسنين ما لقوا من ينصحهم ويوجهم الى الصح..

اللوم الاكبر يقع على الام والاب ..


تسلم اخوي الجني على الموضوع الاجتماعي..:)

يا سلام تحليل و لا اروع

اتفق 100%

جهل الوالدين هو السبب

نعتقد اننا اذا وفرنا كل متطلبات الولد و البنت

نكون قد عملنا خير و نحن عطلنا حتى التفكير لديهم

الله يصلح احوالنا يارب

شكراً على المشاركة النيره
الجني
10-09-2009, 12:02 PM
.. بارك الله فيك .. سيدتي الفاضله ..

اشكر مرورك الطيب اخي الكريم
الجني
10-09-2009, 12:09 PM
عليه افضل الصلاة و ازكى التسليم...

فيه شي احسن يالجني و ارخص..من بعد
09.09.09

ايروحون دبي و ايقطون اعمارهم من ميترو دبي!
و لانه بدون ادريول..محد بياخذ اعدام فيهم:secret:
----------

بس اذا به ناس محد علمهم و لا من اهلم كلمهم او وجههم...

ليه ياخوي الجني اتلومهم و لا بالعدام تحكم عليهم!

من علمنا حن كلامك....مدارس استاذ " فرغلي"
و لا مسرحية انتخبو "ام علي"!

و لا تعتقد هالايام يبينقذهم التعليم غير التربوي
و لا الاهلي..
منهج التعليم " المستقلي"!

ع العموم....قبل حكم العدام...
ممكن نعطيهم فررررصة لاعادة التفكير و تغيير سكة هالقطار الخطير..

به شي..هالحين ايطيح بايدين كل محتار..
ضغطة زر من المستر غوغل...

تكتب فيها " تحفة العروس":secret:
و اببلاش تسوي له "تنزيل"

اقرأووووووووووووو...

موب لمن لم...
الا يال جني...75% (عالاقل) ممن...

يحتاجون تصحيح مفاهيمهم و تعليمهم..
الحياة كيف تحياها..بفن!.

عاد انا عتيج و لكتاب مثلي عتيج...
اذا به شي جديييد...

علمونا..و منكم نستفيد!..

انشوفكم عالعيد!
اما تثبيت الاعدام...
و لا العودة للحياة معك يالجني من جديد:victory:


انت تنتمي الى مدرسه مختلفة اخي عابر سبيل

على بال منا ينزّل الكتاب و يفهمه كلاً من الزوج و الزوجة

و هم اللي متعودين منذ نعومة اظفارهم على الدلال

سيكون العمر الأفتراضي لبنايات بتروناس قد انتهى .

انا اتفق معك , انا طرحت مشكله و اسبابها و لم اطرح الحل

انت و الأخت هتان طرحتما جانباً مهماً للمشكله و من اين

نبدأ للوصول الى الحلول المناسبه

شرفني مرورك اخي الكريم
nouar
10-09-2009, 01:19 PM
الجني

المركز اللي يدري يدري واللي ما يدري كف عدس....
المسؤولية لاهل الزوجين هم اللي يجعلوا الزواجه تستمر او يتخلوا عنها ويخلوا تلجأ لأطراف خاريجية مثل الاستشارات وغيرها ...

وما دامت ابو الزوج بالذات ما يريد الزين ...ما راح تستمر ..
الجني
10-09-2009, 01:36 PM
الجني

المركز اللي يدري يدري واللي ما يدري كف عدس....
المسؤولية لاهل الزوجين هم اللي يجعلوا الزواجه تستمر او يتخلوا عنها ويخلوا تلجأ لأطراف خاريجية مثل الاستشارات وغيرها ...

وما دامت ابو الزوج بالذات ما يريد الزين ...ما راح تستمر ..

اسمحي لي على عدم ملاحظة انني لم ارد على مشاركتك السابقة

رمضان كريم

نعم تعنت الوالدين و تدخلهم المباشر
في شئون ابنائهم حديثي الزواج
قد يكون احد اهم اسباب نسبة الطلاق

شرفني مرورك الكريم اولاً و ثانياً اختي