المساعد الشخصي الرقمي

مشاهدة النسخة كاملة : مشكله يا كيوتل ..


Qtr.Girl
07-09-2009, 08:15 PM
السلام عليكم


من يومين صادفتني مشكله كل ماتكلم تقريبا 4 دقايق يفصل بنفسه ولا يظهر لي خطا بالاتصال ولا لاتوجد شبكه !!! شسالفه والموضوع لين اليوم مستمر معاي كل 4 دقايق ونص يقطع !

هل حد صادفته هالمشكله !!


لاني دقيت على كيووتل طبعا بعد ماحرقت تلفونهم ردوا علي وقالوا بنجوف المشكله ولحين نفس الموضوع !


فهل هالشي عادي ولا ؟؟ :(
dewyguy
07-09-2009, 08:57 PM
والله هالشي من زمان عندي ... واعتبره عادي جدا .. لأنه متكرر ، وكيوتل ما عندهم حل له
م. عبدالعزيز
07-09-2009, 10:48 PM
عليكم السلام، اتوقع علشان العروض الحاليه مسببة أزمة بالشبكة خصوصا عرض الشهري وان شاء الله يفيدونك الشباب الموظفين في كيوتل
خليفـة
07-09-2009, 10:52 PM
اعتقد ان السبب الرئيسي هو الضغط على الشبكة بسبب العدد الهائل من المستخدمين للهاتف بوقت واحد .

الصراحه العرض الشهري مال كيوتل روعه .. ويخلي الواحد ( يهذر ) بدون ما يحس بنفسه .

الله يعطيهم العافية في كيوتل .. وتأكد ان هالمشكله بيكون لها حل في القريب العاجل ان شاء الله .
عازف الاورج
07-09-2009, 10:54 PM
كيوتل

لنساهم في شفط اموال الشعب !
سهيل قطر
07-09-2009, 10:57 PM
المشكله موجوده من أول ماطللعت لناا فودا فون

أعتقد فيه علاقه بين مشااكل الأرسال والشبكتين

والله أعلم
ناصر العمادي
07-09-2009, 10:58 PM
وعليكم السلام ورحمة الله وبركاته

والله نفس المشكله عندي من أمس لين الحين كل أربع دقايق ونص يقطع الخط ..

أعتقد هالشي غير قانوني لأنهم يضطرونا نعيد الأتصال في كل مره وهذا يعني أنهم يحاسبونا على دقيقه أضافيه مع كل أنقطاع ..

للأسف مامنهم فايده كيوتل

مايخلصون من هالسوالف ..

ياترى هل سيعوضون المشتركين عن الدقايق اللي تروح بسببهم ؟؟؟؟؟؟

يعطيك الصحه والعافيه

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك
ناصر العمادي
07-09-2009, 11:03 PM
عليكم السلام، اتوقع علشان العروض الحاليه مسببة أزمة بالشبكة خصوصا عرض الشهري وان شاء الله يفيدونك الشباب الموظفين في كيوتل


اعتقد ان السبب الرئيسي هو الضغط على الشبكة بسبب العدد الهائل من المستخدمين للهاتف بوقت واحد .

الصراحه العرض الشهري مال كيوتل روعه .. ويخلي الواحد ( يهذر ) بدون ما يحس بنفسه .

الله يعطيهم العافية في كيوتل .. وتأكد ان هالمشكله بيكون لها حل في القريب العاجل ان شاء الله .

ياأخوان ماظن بسبب الضغط على الشبكه لأن المشكله بدت أمس بس ومازالت لهذه اللحظه

وكل أربع دقايق ونص يفصل الخط ونضطر نتصل مره ثانيه ..

المشكله من الشبكه او أن في خلل عندهم وهم تاركين الخلل ليستفيدوا من الأنقطاع المتواصل للمكالمات ..
والله ملينا من الأنقطاع المتواصل من أمس

من يتحمل الدقايق الضايعه بسببهم ..؟؟؟؟؟؟؟؟؟؟؟؟؟
احب قطر
07-09-2009, 11:19 PM
مساكم الله بالخير ... اللي وده ان نشوف المشكلة ايش سببها يطرش لي ولا يهون رقمه والرقم اللي اتصل عليه ووقت المكالمة.. وجزاكم الله خير
مجرد انسان
07-09-2009, 11:22 PM
والله يا إخوان أنا ما عندي هذي المشكلة
وللعلم أنا مشترك بباقة الشهري 3

بس عندي مشكلة أخرى وهي أنني عندما اتصل يظهر عند المستقبل رقم ثاني غير رقمي
وخاصة في الاتصال الدولي
بالنسبة لمشكلة الانقطاع ...
سؤال عابر :
ليش ما تكون حرب التنافس بين الشركتين قد بدأت ؟؟
واللبيب بالاشارة يفهم !

على كل ... خليهم ولا تنزعجوا
في الآخر هم يريدون الربح ونحن نريد الخدمة ...

مع تحياتي
مجرد إنسان
وطن
07-09-2009, 11:26 PM
مساكم الله بالخير ... اللي وده ان نشوف المشكلة ايش سببها يطرش لي ولا يهون رقمه والرقم اللي اتصل عليه ووقت المكالمة.. وجزاكم الله خير

ليش !!! شدخل !!

اخوي انا تصادفني هالمشكلة في منطقة رميلة

وامس صادتني هالمشكلة وانا قاعده في البيت

شكو الارقام اللي نتصل عليها بالسالفة
هذي مشكلة في الشبكة اذا هي متكرره عند كذا شخص

وانا تتكرر عندي في رميلة وايد هذا اللي لاحظته
قبل كنت من امر من عند وزارة المالية ينقطع التلفون ومادري شالسبب
الحين الايروو ان كونيكشن زايد عن حده


وترى ما طلعت الا من يوم ما ابتدوا فودافون
الظاهر شبكاتكم متهاوشين :secret:
الضمين
07-09-2009, 11:27 PM
الله يعينك ياخوي
احب قطر
07-09-2009, 11:38 PM
ليش !!! شدخل !!

اخوي انا تصادفني هالمشكلة في منطقة رميلة

وامس صادتني هالمشكلة وانا قاعده في البيت

شكو الارقام اللي نتصل عليها بالسالفة
هذي مشكلة في الشبكة اذا هي متكرره عند كذا شخص

وانا تتكرر عندي في رميلة وايد هذا اللي لاحظته
قبل كنت من امر من عند وزارة المالية ينقطع التلفون ومادري شالسبب
الحين الايروو ان كونيكشن زايد عن حده


وترى ما طلعت الا من يوم ما ابتدوا فودافون
الظاهر شبكاتكم متهاوشين :secret:

اختي علشان نشوف مسار المكالمة بالكامل وعلى اي محطة مرت المكالمة وبعدها نشوف عدد المكالمات في هالمحطة وعدد الانقطاعات علشان نقدر نحدد المشكلة ونحاول نحلها
الألماسي
07-09-2009, 11:47 PM
نفس الحركه بكل اماكن الدوحه و برا الدوحه تصيدني . . :)

و الشئ اللي يرفع الضغط بعد من كيوتل ان 111 ما يردون خير شر :anger1:
..er..
07-09-2009, 11:50 PM
لا وفيه مشكله ثانيه

التشويش :(

والله حاله :(
وطن
07-09-2009, 11:58 PM
اختي علشان نشوف مسار المكالمة بالكامل وعلى اي محطة مرت المكالمة وبعدها نشوف عدد المكالمات في هالمحطة وعدد الانقطاعات علشان نقدر نحدد المشكلة ونحاول نحلها

شيكو المحطات عيل

مب لازم نعطيكم ارقامنا

عندك اللي في رميلة مثل ما ذكرت لك
doha70999
08-09-2009, 12:00 AM
غريبة انا كلش ماصادفتني هالمشكلة !!!

يمكن المنطقة اللي انتي فيها الارسال ضعيف في الاساس!
Qtr.Girl
08-09-2009, 01:44 AM
اول شي اشكر كل اللي ردوا على موضووعي شخص شخص


طلعت المشكله عند الاغلب :( يعني مب انا بروحي :(



وعليكم السلام ورحمة الله وبركاته

والله نفس المشكله عندي من أمس لين الحين كل أربع دقايق ونص يقطع الخط ..

أعتقد هالشي غير قانوني لأنهم يضطرونا نعيد الأتصال في كل مره وهذا يعني أنهم يحاسبونا على دقيقه أضافيه مع كل أنقطاع ..

للأسف مامنهم فايده كيوتل

مايخلصون من هالسوالف ..

ياترى هل سيعوضون المشتركين عن الدقايق اللي تروح بسببهم ؟؟؟؟؟؟

يعطيك الصحه والعافيه

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك


يعطيك العافيه اخووي على ردك

نفس ماقلت الموضوع بدا من الاحد الفجر !!!

ولين اليووم مب حاله كل 4 دقايق ونص يقطع واذا تكرمووا خلوها لين 8 دقايق ويقطع شسالفه !!

واعرف ناس بالمطار والوكره والهلال يقطع معااهم !!

ياااريت لو يعدلون هالخللل تمللنا واحنا نتصل كل شووي :anger1:


مساكم الله بالخير ... اللي وده ان نشوف المشكلة ايش سببها يطرش لي ولا يهون رقمه والرقم اللي اتصل عليه ووقت المكالمة.. وجزاكم الله خير

اخوي طرشت لك انا المناطق واذا عن المكالمات هي مب رقم واحد جربت اتصل على كذا رقم وكنت مفكره ان الموضوع من الباقات الشهريه بس بعد الهلا يواجه هالمشكله !!:(




نفس الحركه بكل اماكن الدوحه و برا الدوحه تصيدني . . :)

و الشئ اللي يرفع الضغط بعد من كيوتل ان 111 ما يردون خير شر :anger1:

ااي والله مايردوووون :anger1:
وبعد طلعة روح ردوا علي وقالوا قدمنا الشكوى للدعم الفني ووللحيين انا انطر من الساعه 5 تقريبا لين الحين !!!


غريبة انا كلش ماصادفتني هالمشكلة !!!

يمكن المنطقة اللي انتي فيها الارسال ضعيف في الاساس!

لا اخوي من قبل كان عادي المشكله بدت من يوم الاحد !!

:anger1:
ناصر العمادي
08-09-2009, 01:48 AM
مساكم الله بالخير ... اللي وده ان نشوف المشكلة ايش سببها يطرش لي ولا يهون رقمه والرقم اللي اتصل عليه ووقت المكالمة.. وجزاكم الله خير

ياخوي المشكله عامه من أمس وكل اللي يتصلون فيني عندهم نفس المشكله الى هذه اللحظه كل اربع دقايق و33 ثانيه يقطع الخط ..
وانا أتكلم عن الوكره والعزيزيه والمطار ..
المشكله عند الكل ولازم تتأكدون من الشبكات او السستم عندكم ..

تخيل كم خساير المواطنين من هالحركه .. !!!!!!!!!!!!!!!!!

بأنتظار رد شافي ووافي منك أخوي ..

بارك الله فيك ..
clouds
08-09-2009, 01:54 AM
والله انا اتكلم ساعه كامله ولا يقطع كللللللش
hamoor4ever
08-09-2009, 02:09 AM
هاهاهاهه اكيد كيوتل يدرون عن المشكله وساكتين علشان يزيد الشفط عادي تعودنا من كيوتل الشفط الدائم ماشاء الله عليهم ولا يشبعون ، مبروك عليهم نهايه السنه ارباح خياليه من كيوتل وكله من جيوب الفقاره والمساكين المواطنين والمقيمين شفط شفط شفط مفروض الدوله والله تتدخل في حل هالمشكله هاذه يسمونه استغلال وليس ارباح ، عيل ارباح تعادل مدخول ميزانيه دوله كامله في عام من وين ؟؟!!

نحن نطالب المسؤولين ومن بيدهم الامر بالتدخل لوقف هاذه الاستغلال من قبل شركه الاتصالات وعمل رقابه صارمه وتدقيق ومحاسبه للشركه .

لو كان هالكلام في دوله ثانيه كان رفعت الدعاوي للمحكمه وتم تعويض جميع المتضررين بس كيوتل للاسف مايعترفون بأي غلط
عـ العبيدلي
08-09-2009, 03:23 AM
نفس حالتج صارلي انا ..
وكل تلفونات البيت بعد

والله ما يندرى بس الحين عادي
سداوي&مدريدي
08-09-2009, 03:30 AM
يمكن شبكة فودافون غطت على كيوتل :nice:
شبربوش
08-09-2009, 05:08 AM
هذي المشكله متواجده من اول ما اطلعت شركة فودافون والسبب محطات التقويه لدى فودافون تاثر على محطات كيوتل والعكس صحيح

تبون تتاكدون اب نفسكم الشارع الي انت تسلكه وفي وقت معين ينقطع الخط ارجع اتصل وارجع على نفس الشارع وفي نفس المكان بالضبط بينقطع مره ثانيه

حفظة المواقع الي تنقطع فيها الارسال
بوعلي-Qtr
08-09-2009, 06:38 AM
كيوتل الظاهر عندها خل في الشبكه من اول رمضان ..

الله يعينا ..
براتزية برازيلية
08-09-2009, 09:50 AM
ان شاء الله يفيدونك
eXpert*
08-09-2009, 10:04 AM
هذي المشكله متواجده من اول ما اطلعت شركة فودافون والسبب محطات التقويه لدى فودافون تاثر على محطات كيوتل والعكس صحيح

تبون تتاكدون اب نفسكم الشارع الي انت تسلكه وفي وقت معين ينقطع الخط ارجع اتصل وارجع على نفس الشارع وفي نفس المكان بالضبط بينقطع مره ثانيه

حفظة المواقع الي تنقطع فيها الارسال



جزاك الله خير ردك منطقي والاقرب للصواب .

الله يهدي بعض الاعضاء همهم يتحاملون على كيوتل وبس ،، الخطأ مب من كيوتل من فودافون اللي جات وحطت اجهزتها في كل مكان من غير دراسة مدى تأثيره على خدمات كيوتل !! ليش تعاتبون كيوتل؟؟

اصبروا شوي لين يتم التوصل لحل وسط بين المشغلييّن لهذه المشكلة قريباً .

* كانت كيوتل بروحها في السوق ما عجبكم
* فودافون انضمت للسوق ،، بعد كيوتل ما عبجتكم !!

شالحل يعني ؟ ولا انتوا دائماً مع الشركات العالمية ضد المحلية ؟؟

في استراليا ،، والله يا جماعة ان الاستراليين يشجعون الصناعة ،، والله لو المنتج ما تقدر تاكله تلاقيهم بعد يشترونه يقولك لانه مصنوع في استراليا . بس احنا نتبع المثل اللي يقول ،، عنز الفريج تحب تيس الغريب .

والله العظيم ،، حتى لو أدري ان كيوتل فيها ظلم وعدم انصاف ،، على الاقل في الاخير منّا وفينّا يكفيني ان كيوتل ساهمت بتوظيف أبناء جلدتنا القطريين بنسبة كبيرة.. وساهمت في وصولهم لمناصب قيادية.

تحياتيّ لـ كيوتل وفي الأخير أقول لنتواصل بالكلمة الطيبة :victory:
وطن
08-09-2009, 10:20 AM
جزاك الله خير ردك منطقي والاقرب للصواب .

الله يهدي بعض الاعضاء همهم يتحاملون على كيوتل وبس ،، الخطأ مب من كيوتل من فودافون اللي جات وحطت اجهزتها في كل مكان من غير دراسة مدى تأثيره على خدمات كيوتل !! ليش تعاتبون كيوتل؟؟

اصبروا شوي لين يتم التوصل لحل وسط بين المشغلييّن لهذه المشكلة قريباً .

* كانت كيوتل بروحها في السوق ما عجبكم
* فودافون انضمت للسوق ،، بعد كيوتل ما عبجتكم !!

شالحل يعني ؟ ولا انتوا دائماً مع الشركات العالمية ضد المحلية ؟؟

في استراليا ،، والله يا جماعة ان الاستراليين يشجعون الصناعة ،، والله لو المنتج ما تقدر تاكله تلاقيهم بعد يشترونه يقولك لانه مصنوع في استراليا . بس احنا نتبع المثل اللي يقول ،، عنز الفريج تحب تيس الغريب .

والله العظيم ،، حتى لو أدري ان كيوتل فيها ظلم وعدم انصاف ،، على الاقل في الاخير منّا وفينّا يكفيني ان كيوتل ساهمت بتوظيف أبناء جلدتنا القطريين بنسبة كبيرة.. وساهمت في وصولهم لمناصب قيادية.

تحياتيّ لـ كيوتل وفي الأخير أقول لنتواصل بالكلمة الطيبة :victory:

أنا للحين مع كيوتل
لاني وطنية ;)

بس بسألك
مو المفروض تصاريح ابراج التقوية من المجلس الاعلى للاتصالات
يعني هم يحددون لهم وين ويعطونهم الرخصة ؟!!

اتوقع ان الخلل منهم
لا من كيوتل ولا من فودافون

:secret:
A bin M
08-09-2009, 10:27 AM
نفس الحاله كل واحد ما يتكلم دقيقة وله اكثر ينقطع
الألماسي
08-09-2009, 10:34 AM
مو المفروض تصاريح ابراج التقوية من المجلس الاعلى للاتصالات
يعني هم يحددون لهم وين ويعطونهم الرخصة ؟!!

:secret:



حتى على مستوى العروض يا وطـن لازم يرجعون للمجلس الأعلى للإتصالات . .
فما بالج أبـراج تقـويه :)
eXpert*
08-09-2009, 10:35 AM
أنا للحين مع كيوتل
لاني وطنية ;)

بس بسألك
مو المفروض تصاريح ابراج التقوية من المجلس الاعلى للاتصالات
يعني هم يحددون لهم وين ويعطونهم الرخصة ؟!!

اتوقع ان الخلل منهم
لا من كيوتل ولا من فودافون

:secret:


ممكن

هنالك نوعين من التصاريح :
1) احدهم تقني وهو ما يخص مواصفات ابراج التقوية
2) يخص موقع البرج نفسه
الألماسي
08-09-2009, 10:36 AM
الله يهدي بعض الاعضاء همهم يتحاملون على كيوتل وبس ،، الخطأ مب من كيوتل من فودافون اللي جات وحطت اجهزتها في كل مكان من غير دراسة مدى تأثيره على خدمات كيوتل !! ليش تعاتبون كيوتل؟؟
:victory:



انا كـ مشترك مع كيوتل في خدماتها . . معناتها انا قاعد (( انق )) شهرياً مبلغ و قـدره :)

إذن من حقـي ان اتحلطم و اتشكى و اتنرفز على كيوتل :nice:
راسي براسك
08-09-2009, 12:33 PM
صح كلامك ياأخوي مادري شسالفه صار لي أسبوع على هالحال
!!
ابوعلي
08-09-2009, 01:50 PM
نفس المشكلة مريت فيها ولما استفسرت من موظف بكيوتل قال ان البدالة في عين خالد تحت التجربة ويحتاجون لفترة مع اني ساكن في العزيزية
HEART_LION
08-09-2009, 03:56 PM
كالعاده الناس تطلع فوق هم ينزلون تحت مافيه تطوير والاداره مثل ماهي والموظفين نفسهم يستقيلون وش معناه؟
بوخالد911
08-09-2009, 04:08 PM
نعم

وتتكرر هالمشكلة بشكل مزززعج
bohilal191
08-09-2009, 04:30 PM
كيوتل وبس والحمدلله مامرت علي المشكلة،،،ياخوفي فودافون تنقلب عليكم بس على نار هادية
Qtr.Girl
08-09-2009, 04:49 PM
شكرا لردودكم ومتابعتكم للموضوع


انا بالنسبه لي انحلت المشكله من اليوم الصبح


هل انحلت عندكم :rolleyes2: ؟