متى نشتري زياده في ناقلات

[د.هيثم]

السلام عليكم
يا جماعه كثر الكلام حول ناقلات ونبي نعرف من راعي خبره في السوق
متى نشتري ناقلات للي يبي يشتري خاصة وانا ناوي ما ابيع الا في الفين وسبعه اقل شي يعني ان شاء الله اني مب محتاج ابيع هالايام ومخليهم استشمار طويل الامد


هل تتوقعون نزول ناقلات عن 80 قريب ؟ ومتى يكون النزول عاده هل على بداية الصيف لان الناس مسافره ؟

يعني بالعربي متى نشتري لان 80 واجد والله يعني 80 الف ما تجيب الف سهم

[المراقب]

أخوى أرى الأن فرصة للشراء إذا كنت ناوي وأظن السعر سيكون غير السعر في الفترة القادمة.

وبالتوفيق.

[ابوعلي اليافعي]

لا نستطيع الحكم على السهم هل سعره جيد للشراء او لا من اول يوم تداول اعتقد ان الاسبوع القادم كفيل بان يوضح الصوره اكثر ونستطيع من خلال كميات العرض والطلب ان نحكم على سعر السهم ومساره..

[كحيلان]

اللي بيشتري حتى لو توصل100 ريال ربحاااااااااااااااان في الأخير خاصه اللي مو محتاج.

[المراقب]

على المى البعيد نعم ولكن كلام أبو علي منطقي تماما، وربما نرى السهم في الأسبوع المقبل بين 50 و 60 ريال، وهذا طبعا يتعلق بالعرض والطلب.

والله اعلم

[boabdullah]

السلام عليكم
يا جماعه كثر الكلام حول ناقلات ونبي نعرف من راعي خبره في السوق
متى نشتري ناقلات للي يبي يشتري خاصة وانا ناوي ما ابيع الا في الفين وسبعه اقل شي يعني ان شاء الله اني مب محتاج ابيع هالايام ومخليهم استشمار طويل الامد


هل تتوقعون نزول ناقلات عن 80 قريب ؟ ومتى يكون النزول عاده هل على بداية الصيف لان الناس مسافره ؟

يعني بالعربي متى نشتري لان 80 واجد والله يعني 80 الف ما تجيب الف سهم

الأسيوع الجاي بأذن الله راح توضح الصورة بحيث أن الواحد ممكن يشتري أو لا

بنظرته للعرض والطلب بس أعتقادي أن راح يكون عرض كبير مقابل شراء مهما كان كبير بس قليل عن

طلبات العرض والسعر راح يتأرجح بين 70-80 وهذا رأي الخاص

نصيحة ((( سهم ناقلاات سهم مايتعوض )))

بوعبدالله :) :)

[مغروور قطر]

نعم لا نستطيع الحكم حتى تتضح الرؤيه

[الوجبه]

عندي اوردر جاهز طلب شراء على 40 و 50

[كحيلان]

بعد ماينتهي التجميع من الهوامير راح يكون سعر السهم بين 25 و 30 ريااااااااااااااااااااااااااااااال الشركه 4سنوات ماراح ادخل درهم واحد ارجو محد يزعل من تخميني

[إنتعاش]

والله اخوي صعب صعب في نظري التوقع لسهم جديد على السوق
ولين الحين مب عارفين كيفية اقبال الناس عليه

في نظري انه اول يوم للتداول مش حكم

لأن غالبيه العمليات المنفذه في نظري كانت وهميه او صوريه فقط

من اللي شرو بطاقات وجايين يبيعون ويشترون السهم صوريا لنقل الملكيه لا اكثر

[عمران]

اخوي انتعاش كلامك يخوف ...............

وابغيك تفهمني اشلون عمليات وهميه .................

يعني اذا عندشخص اسهم باسم شخص غريب ممكن يحولها باسمه ............. اشلون ؟؟؟؟؟؟؟؟؟؟؟

[إنتعاش]

لا لا اخوي

اللي قصدته

ان هاليوم معروف الله يسلمك

انه يوم نقل الاسهم من اسم إلى اسم

وخصوصا انه كثير جدا جدا من اهل قطر شروا بطاقات مثل ما تعرف

فيعني اللي شروا بطاقات ماقتصر الحال على 72 اسم اللي مسكوهم لا طبعا

هاي الرقم مجرد عينه عشوائيه في اعتقادي من الاصل

والا الصج واااااااااااااااااااااااااااااااااااااايد في قطر اللي شروا بطاقات

فيعني اظن انهم اول يوم مجهزين كل حاجه عشان نقل الملكيات للأسماء الاصليه

والعمليه هاذي ما تتم الا عن طريق

بيع في السوق وشراء من جديد

يعني لازم تتنفذ على شاشة البورصه

فلذلك توقعاتي ان اغلب اليوم هالشكل والله اعلم

[عمران]

تسلم وماقصرت على التوضيح يالطيب ......................

[رحال]

اخوي انتعاش :

حط في بالك أن هذه الا يام لا توجد اشياء وهميه في السوق فالعرض والطلب لا يقبل الى بعد صحة

الا سهم ويجب أن تكون في رهن الا شارة 000

مثال : اذا كنت ناوي اشتري ألف سهم مواشي على 50 ريال وعملت طلب فان شركة الوساطة سواء بنك أو

المكاتب التجارية يجب أن يتم التأكد من رصيد حسابي 50000 الف ريال موجود والى لا يقبل الطلب

والطلبات الوهمية أوقفت السنه الماضية في بداية شهر يونيو والتي على أثرها تورط فيها بعض رجال الا عمال

من كبار المستثمريين وعلى أثرها ساد الركود على البورصة الى ان انتهى الخلا ف وعاد السوق من جديد !!!

[البرنس]

مدري والله مدري !