المساعد الشخصي الرقمي

مشاهدة النسخة كاملة : اقتراح يعالج مشاكل زحمة الشوارع 100%


دلع
08-09-2009, 02:54 PM
اخواني واخواتي

عندي اقتراح حلو وابغي اعرف رايكم فيه واذا ممكن تنشره احد الصحف المحليه علشان يلقى صدى لدى المسؤليين
الاقتراح راح يقلل نسبة الزحمه بشكل كبييييييييييييير وبالتحديد في الفتره الصباحيه ( الذهاب للعمل )

اتمنى من كل جهه ومؤسسه او هيئه تخصيص باصات جماعيه لموظفينها لتوصيلهم من البيت للدوام والعكس
او تخصيص مواقف خاصه للسيارات واسعه في المناطق الخارجيه يقف فيها الموظفين وكل موظف يركب الباص اللي يوصله لجهة عمله

اعتقد بهالشكل راح تكون الشوارع فاضيه وحتى المواقف فالدوحه بتكون فاضيه لفترة لاتقل عن 6 ساعات

اتمنى التفاعل ومزيد من الاقتراحات
rarayyan
08-09-2009, 03:36 PM
اقتراح جميل لكن صعب ينفذ لان العادات والتقاليد والبرستيج والكشخه تمنع ركوب الباصات واذا نظرنا الى ناحيه اخرى نجد ان الدولة مطنشه المشاريع الي صارلها سنين موقفه والي المفروض انها تحل مشكله الزحمه لارقابه ولا محاسبه والكل يهبش
QAT999
08-09-2009, 03:46 PM
او فكره مطوره اكثر ..


يكون هناك كان كبير لمواقف لجميع الموظفين على حسب المناطق

مثال


مواقف الخليج الغربى
مخصصه لكل الهيئات والشركات الموجوده فى الخليج
ويمر منه القطار السريع ياخذهم من المواقف وينزلهم قريب العماير للهيئات


احس انى فكرت وايد


برب
وطن
08-09-2009, 03:46 PM
معظم الموظفين يبون سياراتهم معاهم
تخيلي أنا رحت وتعبت فجأه .. بنتظر الباص يوصلني لين المواقف وبعدها اركب السيارة واروح البيت !!

على افتراض الموظف يحتاج السيارة للتنقل لحضور اجتماع ولا زيارة موقع ولا لاي سبب كان
بيضطر ينطر الباص لين يوديه عند سيارته

الاقتراح غير عملي
يصلح لفئة معينة بس
HEART_LION
08-09-2009, 03:49 PM
عقبال مايسوون المترو

فيه اقتراح افضل انه يتم نغيير اوقات الداوم مثلا الشركات الخاصه الساعه 6
الجهات الحكوميه الساعه 7 ونص او 7 والمدارس 8 وهكذا بتخف الزحمه وايد بتكون مثل اجازة الصيف
eXpert*
08-09-2009, 03:58 PM
مع الاسف ماراح ينفع

الشركات مب نفس المدراس ،، المدارس تلاقي أغلب الطلاب من من نفس المنطقة فـ سهل على الباص أخذهم في وقت قياسي .

عدا عن ذلك تخيل الباص يشيل 60 موظف يعني لازم يمر على 60 بيت !!! وكل بيت يبيله 5 دقايق لين يوصل له الباص

60 موظف × 5 دقائق = 300 دقيقة ÷ 60 دقيقة في الساعة = 5 ساعات :eek5:

أعتقد بنفتك من أزمة زحمة السيارات بس بتصير عندنا ازمة زحمة باصات :nice:


ارجو تصحيحي اذا أخطأت في الحسبة :shy:
أسد الجزيرة
08-09-2009, 04:10 PM
حل الزحمة بسيط يأخرون دوامات الموظفين ساعة فقط
غبيش
08-09-2009, 04:12 PM
ماشالله
اقتراح دلع
Arab!an
08-09-2009, 04:25 PM
الاقتراح غير عملي
يصلح لفئة معينة بس


يمكن يكون عملي .. في حالة ان هالفئة اللي تقصدينهم يروحون في الباصات ويفكونا في الزحمه




بس مثل ماقال اكسبرت .. بيكون عندنا زحمه باصات



انا عندي اقتراح لحل ازمه السير وقابل للتنفيذ بكل سهوله




تخليض المشاريع اللي بدوا فيها .. بس


وتحول كل الاشارات الى جسور صغيره .. وكل الـ U-turn الى انفاق صغيره مثل ماهو حاصل في الامارات


الفكره الاساسية هي محاولة عدم توقف السياره اجباريا كما يحصل عند الدوارات او الاشارات
اعقل مرجوجه
08-09-2009, 08:27 PM
ماشاءالله تخططون مشاريع تريح احفادكم
يعني اذا السالفه فيها مترو وانفاق وجسور ،، متى تخلص!؟<< تحطيم ههه

اقول،،،
خلوهم يفتحون الشوارع اللي مسكره ويخلصونها ابرك من القعده في القهاوي والشيش
الهـواوي
08-09-2009, 10:42 PM
الله يرحم يوم نروح المدارس مشي!!؟؟
eXpert*
09-09-2009, 01:11 AM
عقبال مايسوون المترو

فيه اقتراح افضل انه يتم نغيير اوقات الداوم مثلا الشركات الخاصه الساعه 6
الجهات الحكوميه الساعه 7 ونص او 7 والمدارس 8 وهكذا بتخف الزحمه وايد بتكون مثل اجازة الصيف



اسمح لي اخوي لا أتفق معك في أقتراحك وهذه وجهة نظريّ شخصية قد تحتمل الخطأ.

لو انا موظف في شركة خاصة ، وانا الشخص المسؤول عن توصيل أبنائي !!

- هل أتأخر على شغلي علشان أوصل أبنائي للمدرسة ؟

- أم هل اذهب بأبنائي قبل لا اروح الدوام واخليهم في المدرسة من الساعة 5.30 بحكم ان دوامي 6 ودوام المدرسة الساعة 8 !!؟؟

الحل العملي وفي نفس الوقت راح يكون جذري والذي يجب اخذه بعين الاعتبار .. هو تغير المنظومة المتبعة في الدولة ..

نلاحظ أغلب الشوارع ماهي الا عبارة عن دائري مثل :
الدائري الاول
الدائري الثاني
الدائري الثالث
الداثري الرابع ,,,, ألـــخ

وهذا النظام يستخدم في المدن النائية أو المدن الخارجية ،، وليس في العاصمة ..

لذا يجب التوجه للاستخدام الطرق السريعة أو مايعرف بـ الهاي واي ،، كما نرى في الدول المجاورة والدول الاوروبية ،، قلما تجد طرق دائرية الا في المدن قليلة الازدحام .


أعتقد لو يلزمون طلبة المدارس والجامعات بأستقلال الباص ،، راح تقل الزحمة أكثر من 50% ,,, صحيح ان البعض لن يلتزم بهذا النوع من المواصلات بس على الاقل لو ضمنّا 80% يركب الباص راح نلاحظ أثر كبير .
HIGHNESS
09-09-2009, 01:27 AM
من زين الجو عشان نركب بااصات اولاً الزحمة مو بس الصبح ... بالليل والنهار زحمة مهب طبيعية .. ... انا اشوفه اقتراح غير عملي وماراح يناسبنا ... يعني لو احد عنده ظرف بنص الدوام شيسوي .. يروح يدور تاكسي ؟؟
انا اقول لو يعدلون شوارعنا ويكبرونها ... ويشوفون لنا حل مع الزحمة ... الدوحة انترست اجانب من كل الجنسيات ... والشوارع ماتستوعب هالكثر سيارات للأسف ...
تسلمين يالغالية .. :)
سهم مديون
09-09-2009, 01:43 AM
خلوها تخلص مشاريع الطرق المتوقفة ويصير خير
السعدي999
09-09-2009, 01:51 AM
بتصير زحمه:omg: بالطريق الى مواقف الباصات:anger1: وكانك يابو زيد ماغزيت
شيخ ش قطــر
09-09-2009, 02:34 AM
فكرة وايد حلوة لكن وين الي يطبقون وياخذون الفكرة

يعطيج العافية
الموضوعي
09-09-2009, 03:51 AM
انا اقول لو يجيبون مطر الطاير رئيس هيئة طرق ومواصلات دبي عندنا راح يحل مشكلة الازدحام في 4 سنوات ولمدة 30 سنة على الأقل
abo0o0od QtR
09-09-2009, 04:11 AM
هالفكرة وايد شركات مطبقينها على الموظفين

يكون في مكان تجمع للموظفين وتحرك الباصات توصلهم على مكان عملهم

وهالشي مطبق في كيوتل الموقف في نادي قطر والباص يودي الموظفين البرج

لانه مافي مواقف كافيه للموظفين وبعد اتوقع راس غاز موقفهم في موقف الشيراتون

ومافيها نطرة ولاشي اول ماتوصل تركب الباص

يتحرك دايركت ابرك ما تقعد ادور موقف