سؤال عن الدكتور عبدالعظيم بالمستشفى الاهلي

[جود الحزن]

السلام عليكم ورحمة الله وبركاته


مرحبا اخواني واخواتي

ياليت اي منكم الدكتور عمل له عملية تحوير المعده او لشخص قريب منكم يفيدني

بمدى تمكن الدكتور وكيف وضعه بعد العمليه

واكون شاكره تفاعلكم


جزاكم الله الف خير

[PoBox]

*
*

من واقع تجربة مريرة في عملية اخرى
انصح بدكتور آخر

الدكاترة الجيدين في نفس المجال
د.حمد العذبة في المستشفى الاهلي ،،
ود.محمد العمادي في مستشفى العمادي

[بولينجر]

والله اللي اعرفه من تجربة شخصية انه دكتور ممتاز واظنه احسن دكتور في الدوحة.... هو استشاري بعد...
لكن ما اعرف عن هالعملية بالذات.... كانت عملية ثانية....
لكنه متمكن من عمله... شفت عنده مرضى سرطان بعيد الشر يتعالجون عنده ويسوي لهم عمليات استئصال....
الله يشافي مرضاكم ان شاء الله

[عبدالله العذبة]

*
*

من واقع تجربة مريرة في عملية اخرى
انصح بدكتور آخر

الدكاترة الجيدين في نفس المجال
د.حمد العذبة في المستشفى الاهلي ،،
ود.محمد العمادي في مستشفى العمادي


أخي العزيز PoBox وفقه الله

الاستشاري حمد بن سعدون العذبة متخصص في مناظير الجهاز الهضمي وأمراض الكبد ولا يقوم بعمل عمليات جراحية.

[بوخالد911]

العمادي اووكي


ولا يقرب لي ولا اقرب له


والله المووفق

[تحداني]

أنصحك بالدكتور العمادي ..
له باع طووووووووويل في هذا المجال ..

وسابقا
كان هو الوحيد الذي يترأس هذه النوعيه من العمليات في مستشفى حمد ..


اما الان

بعد خروجه واستقلاله في مستشفى خاص به ..

بدون تردد المستشفى العمادي ..
مع الدكتور محمد العمادي ..


الله يشفي مريضكم يارب

[PoBox]

أخي العزيز PoBox وفقه الله

الاستشاري حمد بن سعدون العذبة متخصص في مناظير الجهاز الهضمي وأمراض الكبد ولا يقوم بعمل عمليات جراحية.

شكرا على التصحيح اخوي عبدالله العذبة ، اهل مكة ادرى بشعابها :telephone:
جربت عبدالعظيم و العمادي وسمعت عن شطارة العذبة في بلاوي المعدة
فتوقعت انه جراح ايضا ، وعليه نصحح المعلومة ، يسلموا ،

[h2004]

شهادة حق للدكتور عبدالعظيم ووالله لاتربطني به اي صلة سوى اني عالجت عنده فهو ممتاز ممتاز ممتاز وشخصني صح واجرى لي العملية ونجحت ولله الحمد بعد تشخيص غير مؤكد لعدة اطباء محليين وخارجيين استمر قرابة الاربع سنوات

[Chambray]

دكتور العمادي ولا تبحث عن غيره
لو تحسب العمليات الي سواها يمكن تعدت بالراحة 5000 عمليه ماشاء الله عليه

[علي بن جبر]

:
دكتور العمادي ولا تبحث عن غيره
لو تحسب العمليات الي سواها يمكن تعدت بالراحة 5000 عمليه ماشاء الله عليه

:victory:

[جود الحزن]

الله يجزاكم الف خير كلن باسمه

عاجزه عن الشكر والله


وفي انتظار المزيد من الاراء لاني لحين متردده ومحتاره وخايفه

[شموووعة]

السلام عليكم ورحمة الله وبركاته


مرحبا اخواني واخواتي

ياليت اي منكم الدكتور عمل له عملية تحوير المعده او لشخص قريب منكم يفيدني

بمدى تمكن الدكتور وكيف وضعه بعد العمليه

واكون شاكره تفاعلكم


جزاكم الله الف خير


العمادي وعبدالعظيم الاثنين ممتازين

اطباء على مستوى عالي

مجربه الاثنين

[غناتي1]

بقولون سوى العملية لواحد وبغا يموت --

والله اعلم -- بس هو دكتور شاطر

[sood mhamed]

اختي انا سويت عنده عمليه ثاني بس احسن دكتور جراحه في الدوحه

[سواح]

السلام عليكم ورحمه الله ..

كلن فيه خير ..

لكن السؤال اللي لازم تسالينه هو عن العمليه نفسها واسلوب حياتج بعدها ..
صحيح العمليه تنزل الوزن وبتنزله غصب لكن الاشكاليه هل انتي متقبله تعقيدات ما بعد العمليه ..

ياليت لو تسالين اكثر قبل لا تتخذين القرار ..

سلملمش
:)

[شموخ العز]

السلام عليكم ورحمة والله وبركاااتة

الدكتور عبدالعظيم من خيره الدكاتره وممتااااااز


سوأ عملية سرطان القولون وكااااانت ناجحه مائه مئة والحمدلله ودكتووور فيه خير ودين وخبره في مجال عمله وما راح تسمعون منه غير الكلام الصحيح في التشخيص

توكلو على الله

[جود الحزن]

وعليكم السلام ورحمة الله وبركاته


بالنسبه للاعراض الجانبيه لما بعد العمليه انا عارفتها كلها وعندي فكره شامله عن العمليه من كل ناحيه ومعزمه عليها باذن الله بس اللي محيرني عند من بسويها وخاصه اني ما بقدر اسويها الا في قطر لاني ما عندي حد يوديني برا وتدرون لازم محرم للسفر

مشكورين وما قصرتوا كفيتوا ووفيتوا اخواني واخواتي

وفي انتظار المزيد والمزيد من الاراء حتى اكون قادره على القرار الصح

[جود الحزن]

بالنسبه للاخوان اللي ارسلوا لي رسائل خاصه


اعذروني لاني مااقدر ارد عليكم لان خاصية الرسائل مااقدر استخدمها الحين لاني توني جديده

جربت بس مو راضي

فالف شكر لكم من كل قلبي

والله يجزاكم الف خير وينولكم كل اللي ببالكم

[راسي براسك]

بنت خالتي مسويه ربط معده عند الدكتور عبدالعظيم
وماشاءالله عليه ممتاز جداً وعليه ضغط وطلب مب طبيعي !!
ومن فتره كانوا مرقينـه الى أأستشاااري

[بنت سلمان]

والله أخوي مسويها عند عبدالعظيم

ماراح أذكر بالسوء العمادي بتاتاً
ولكني متأكدة أن المسشتفى العمادي تبحث عن المال فقط


عبدالعظيم طبيب العائلة
ومسوي أكثر من عملية لأبوي وأخوي

استخيروا
فما خاب من استخار

[جود الحزن]

تسلمون ماقصرتوا فديتكم قلبكم


اختي بنت سلمان الله جابك يالغلا

استحمليني اختي علىاسئلتي وياليت تردين علي باقرب فرصه

اخوج مسوي ربط معده والاتحوير والا سليف؟؟

وياليت تقولين لي التفاصيل

متى سواها وهل مرتاح بعد العمليه وكم نزل وهل ندم انه سواا العمليه والا لا وهل حصلت له لا سمح الله مضاعفات بعد العمليه ؟؟؟

اسفه على الاطاله وخيتي
تسلمين وماقصرتي اختي ما صدقت احصل حد مسوي التحوير عنده

بانتظار ردك واراء باقي الاعضاء الكرام

[جود الحزن]

up



up

[جود الحزن]

سئلتكم بالله ردوا علي وريحوني

[علي بن جبر]

اختي انا اتوقع الردود الي جات كفايه ,,,,
ونتي استخيري بين الدكتور محمد العمادي او عبدالعظيم حسين ,,,
ومايحتاج كل هالخوف هم مسوين الف عمليه من هالنوع ماجات عليج انتي بس @@@

[جود الحزن]

لاتلومني اخوي ترا العمليه مو سهله


وخاصه ان الاهل مو راضيين اني اسويها وانا بعاندهم وبسويها فماابي اي حد منهم يرجع

يلومني بعدين

وبعدين انا كل اللي سمعته عنهم انهم يسوون ربط معده مو تحويل علشان جذي تجوفني متردده

وخايفه

ادري ثقلت عليكم

[قطرية مثقفة]

أختي العزيزة ،،،،،،،
ممكن أسأل سؤال ،،،،، كم الوزن وكم الطول ؟؟؟؟؟؟؟؟؟؟ وعمرج في العشرين ولا الثلاثين ؟؟؟؟؟؟؟ ترى كل هالأمور مهمة قبل إجراء العملية ،،،،،،،،،، وانتي زرتي الدكتور عبد العظيم ؟؟؟؟؟؟؟ لأن سبحان الله الواحد من زيارة للدكتور يجيه احساس إذا هو أوكي ،،،،،،، على العموم الدكتور عبد العظيم ممتاز ،،،،،،،، بس إذا تقدرين تسوينه في الخارج انه اشوف أضمن ،،،،،، لأن عندي وحده من هلي مسويته هي وأمه وأخوه بالأردن وأشوفهم وايد انفعتهم العملية ووااااايد مرتاحين منه ،،،،،،،،،