المساعد الشخصي الرقمي

مشاهدة النسخة كاملة : المواطن ومعاناته مع الفحص الفني


جوال 11
09-09-2009, 11:11 AM
معظم المواطنين لديهم سيارات حديثة قدمها عشر سنوات تقريبا كمعدل ولكن عندما يتم الفحص الفني تبدأ المعاناة ولا أعلم هل بعض الموظفين يتقاضون مبالغ لتخليص السيارات مهما كانت الأخطاء ، والأدهى عندما تريد تغير التأمين لا تجد أذن صاغية من قبل شركات التأمين ولكن بمبلغ مئة ريال يتم ذلك من قبل المخلصين .
وفي المقابل نرى سيارات الوافدين متهالكة وتتعجب كيق تسير على الطريق ولكن تنجح في
الفحص ، من المستفيد من كل هذا ؟
فهل يراجع المسؤلين عن هذه المواضيع أنظمتهم ويتم الرقابة عليهم من الدولة وعدم أستغلال المواطن والوافد ؟
هدهد سليمان
09-09-2009, 11:14 AM
موضوع مكرر اخوي جوال ولا راح اي حد يفيدك واخر شي بتسمع ردود ما لها داعي .. يعطيك العافيه الشيخ
جوال 11
09-09-2009, 11:25 AM
موضوع مكرر اخوي جوال ولا راح اي حد يفيدك واخر شي بتسمع ردود ما لها داعي .. يعطيك العافيه الشيخ

كفاية طلتك الحلوة ولابد يا أخوي نثير ما يضر الناس ولا نريد أن تنتشر الرشاوي وأستغلال الناس .
قطر العطاء
09-09-2009, 11:27 AM
يا جماعة لازم نقترح ونقترح ولا نمل ....... لأن فعلا مو طبيعى هذا التلاعب في الناس من قبل المخلصين وشركات التامين ..... يا تدفع 100 ريال او ما في تامين .!!! الى متى المواطن يدفع وبس .......

انا اقترح ان يتم انشاء مكتب موحد للتأمين الاجبارى باشراف وزارة الداخلية ..... وانا شخصيا مستعد ادفع حق الوزارة ولا ادفع حق مخلص يقص على ............ اللى يؤيد الاقتراح يرسلى الى اميل الوزارة وانشاء صوتنا مسموع ..........
جوال 11
09-09-2009, 04:12 PM
يا جماعة لازم نقترح ونقترح ولا نمل ....... لأن فعلا مو طبيعى هذا التلاعب في الناس من قبل المخلصين وشركات التامين ..... يا تدفع 100 ريال او ما في تامين .!!! الى متى المواطن يدفع وبس .......

انا اقترح ان يتم انشاء مكتب موحد للتأمين الاجبارى باشراف وزارة الداخلية ..... وانا شخصيا مستعد ادفع حق الوزارة ولا ادفع حق مخلص يقص على ............ اللى يؤيد الاقتراح يرسلى الى اميل الوزارة وانشاء صوتنا مسموع ..........

جزاك الله خير على كلامك
ويقول المثل كثر الدق يفك اللحام
Petroleum
09-09-2009, 04:28 PM
اخوي الشركه صارت تحت ادارة وقود الحين شغالين على تحسينها

و راح تسمع اخبار طيبه قريبا ، خرابيط الشركة سابقا و العفسه اللي الكل عارفها سابقا راح تتغير

النظام راح يتغير قريبا و التوزيع بيختلف ، ناس تفنشوا و ناس توظفوا من اول ما استلمت وقود الشركة بس راح تتحسن اول ما راح نطبق النظام الجديد
هذلان
09-09-2009, 05:32 PM
انا ما بط جبدي غير التامين .. موتري مامن في شركه ربويه و طلعت عيوني ابي اامن في الاسلاميه ،، يقولون لي اذا تبي فول بيمه بنامن لك في الاسلاميه و اذا تبي عاديه ماتقدر الا نفس تامينك السابقه .

وبالنسبه للفحص الفني ،، واحد من الربع الشتا الي طاف اشترى سياره ديسكفري عشان يقلص فيها دراجه الى سيلين .. حالتها تعابنه بجميع المقاييس بس انها تمشي وتادي الغرض خذها بـ ٣٥٠٠ ريال ؟؟ الصدمه انه يوم شراها مجدده استمارتها من ١٠ ايام طافو ؟؟
بواردي
09-09-2009, 05:46 PM
اكثر شي اكره المراجعة فيه
هو
الفحص الفني
والمراكز الصحية
احسهم نفس الشي
بس ذي سيايير ومواتر
والثانية بني ادميين
قطر دزاين
09-09-2009, 06:44 PM
عطها هندي ويخلصها لك وانت تشرب شاي بالبيت

:)

السر السر الله اعلم
مضاد
10-09-2009, 02:17 AM
اخوي الشركه صارت تحت ادارة وقود الحين شغالين على تحسينها

و راح تسمع اخبار طيبه قريبا ، خرابيط الشركة سابقا و العفسه اللي الكل عارفها سابقا راح تتغير

النظام راح يتغير قريبا و التوزيع بيختلف ، ناس تفنشوا و ناس توظفوا من اول ما استلمت وقود الشركة بس راح تتحسن اول ما راح نطبق النظام الجديد



طيب لين متى يعني ننتظر ....؟


ننتظر اشغال تخلص شوارعها .


ننتظر المجلس الاعلى لتعليم ....يوفر مقاعد (اماكن) للطلاب ’ويعدل منهجه .


ننتظر مستشفى حمد يوفر اسره للمرضى , و يحـسن من خـدمته .



والقائمة تطوووووول في الانتظار :weeping:
راعي الغزيل
10-09-2009, 05:06 AM
انا عندب موتري موديل 2006 علية هدرز مدخله لفحص لفني ونجح عطيتي الهندي 100 ريال ونجح ع طول وع فكره في دعمات بسيطه في رفرف
QaTaR_OnE
10-09-2009, 07:06 AM
ليش شالو شركات التأمين من المرور ؟؟ قبل كانت الاجراءات اسهل .. الحين لازم تروح التأمين الصبح واكثر الناس دوامات الصبح

واوقات يقولون لك الارقام مخلصه .. ابغي اعرف مافي حد يقدر يحط حد حق هذي المهزله !!!
جوال 11
10-09-2009, 01:57 PM
شاكر للجميع مروركم

طيب لين متى يعني ننتظر ....؟


ننتظر اشغال تخلص شوارعها .


ننتظر المجلس الاعلى لتعليم ....يوفر مقاعد (اماكن) للطلاب ’ويعدل منهجه .


ننتظر مستشفى حمد يوفر اسره للمرضى , و يحـسن من خـدمته .



والقائمة تطوووووول في الانتظار :weeping:

بالنسبة لردك عجبني سنصبح شعب ننتظر .
الموضوعي
10-09-2009, 02:07 PM
ليش شالو شركات التأمين من المرور ؟؟ قبل كانت الاجراءات اسهل .. الحين لازم تروح التأمين الصبح واكثر الناس دوامات الصبح

واوقات يقولون لك الارقام مخلصه .. ابغي اعرف مافي حد يقدر يحط حد حق هذي المهزله !!!

نفعني وانفعك هذه هي الكلمة السرية بين المرور والتأمين ومكاتب الخدمات اما المواطن والمقيم لهم الله