سوق العقارات وحبة اليحّة

[طواش]

صار لي مدة طويلة من دخلت المنتدى وأنا أدور أرض أو بيت جاهز آشتريهم وحطيت كم

موضوع لكن للأسف الدلالوة صايرين مثل حبة اليحة ، كل ما تحاول تقرب منه يبتعد عنك ، ما

ينزخ ،ولا يثبت على كلمة أو ما يرد على تلفونه أو يراويك المكان مع جيش من ربعه الدلالوة ،

وفي الأخير يقول لك ما يعرف المالك وما يدري المالك ببيع ولا لا ، أو يخفي عنك بعض

المعلومات الهامة ويضيع وقتك لا أنت شريت ومشيت حالك ولا البايع باع واستفاد من فلوسه

المجمدة .

أليس في الدلالوة رجل رشيد يثبت على كلمته ويقول الصج ؟

[دلوليانوز]

شيك الخاص

[بحر العذاب]

الله يعينك أخوي بتتعب معاهم
بالتوفيق

[أميرااالذوق]

السلام عليكم ورحمة الله وبركاته

اذا اردت ان تطاع فأطلب المستطاع

سبحان الله لاحظت اهنيه في هالمنتدى وغيره من المنتديات

يطلبون شئ صعب للغايه!

مثال واحد يطلب فيلا بوسط الدوحه بمليون ونص أوايجار فيلا ب600 او 7000ريال

وبعدين يااخي الكريم لا اتعم يمكن انت تعاملت مع فئه معينه من الناس بدون ذكر جنسياتهم!

والمفروض كلن يمد ريله على قد الحافه....وانا لما اتكلم لي خبرتي في السوق

والاسعار اللي اتناسب بنك التنميه موجوده بس في الجهه الشماليه من الدوحه
(سميسمه-الخور-ام قرن-الشمال)

عزيزي صاحب الموضوع اذا سالت دلال وقالك البيت عن طريق مكتبين اغسل يدك منه

نصيحه اخويه لك ولغيرك..

واخر كلامي بالتوفيق للجميع واسمحلي على الاطاله في الموضوع

وتقبل مروري المتواضع..

[الــهــاجـري]

الله يوفقكم

[طواش]

شيك الخاص

شكرا لك

[الشقيان]

كل منتديات قطر جذي :weeping:

يعني الي ينعرض في هالمنتدى ينعرض في المنتديات القطرية :(

وقعدين يلعبون في اعصاب المسااكين :anger1:

وتدري اهل قطر محد مخرب عليهم الا طيبتهم ونيتهم الصاافية :shy:

يعني اذا جاهم واحد قالهم ترى الاسعار بطير فووووق اشترو بسرعه الحين بمليون وبكره

بمليونيين:eek5:

صدقو المساكين والكل يحط مطلووب ومطلووب لين يرتفع سعر الفوت 1000 :omg:

نصيحه حق اهلي وعزوتي ولابتي اهل قطر :):):)

الي عنده بيت لا يشتري ولا يتسرع ويصبر صدقووني في اشياء بتغير في الدوله :victory:

والاسعار بتنزل بتنزل بأذن الله :nice:

ولاسباب وااااااااااااايد منها شركة بروه ومنها شركة الديار :discuss:

ومنها هالمشاريع الضخمه الي تستوي في البلاد omen

مثل مشروع اللؤلؤه والوسيل وغيرها وغيرها وبدال ماتشتري بيت مكسر وايجاره 2000 ريال

ولا ارض مافيها خدمات :yu:

اشتر في المشاريع الضخه مثل شقه على البحر ولا فيلا على البحر :victory:

والله يوفق اهل قطر كلهم يارب :fight:

واكبر مروجين الاشاعه في قطر هم الي يدخلون في المنتديات ويعطوونك من الصوااريخ ارض

جو ومسوين نفسهم هم الي يعرفون مستقبل العقار في الدوله :tease:

ويقولك بكره وبكره بترتفع الاسعار وهو مايعرف شل لومي :omen2:

ولا عنده في الغنم تيس :court:

تحياتي (( خودافيس )):dance:dance:dance

[طواش]

الله يعينك أخوي بتتعب معاهم
بالتوفيق

وفق الله الجميع

قبل ما كانت السوق جذيه

كانت الأمور سهالات وكل يبيع ويشتري صريح مليح لا لف ولا دوران .

الحين السوق كدر وغامق والصدق فيه قليل

[$الفارس$]

على نياتكم ترزقوووون لكن يبقى الامل على الدوله ان تظرب بيد من حديد على كل لعاب وعابث لان فعلاا مستقبل عوائل تشردة والسبه الدلاليين والسماسسره لكن لكم الله يبقى الصبر هو الفييييصل

[طواش]

السلام عليكم ورحمة الله وبركاته

اذا اردت ان تطاع فأطلب المستطاع

سبحان الله لاحظت اهنيه في هالمنتدى وغيره من المنتديات

يطلبون شئ صعب للغايه!

مثال واحد يطلب فيلا بوسط الدوحه بمليون ونص أوايجار فيلا ب600 او 7000ريال

وبعدين يااخي الكريم لا اتعم يمكن انت تعاملت مع فئه معينه من الناس بدون ذكر جنسياتهم!

والمفروض كلن يمد ريله على قد الحافه....وانا لما اتكلم لي خبرتي في السوق

والاسعار اللي اتناسب بنك التنميه موجوده بس في الجهه الشماليه من الدوحه
(سميسمه-الخور-ام قرن-الشمال)

عزيزي صاحب الموضوع اذا سالت دلال وقالك البيت عن طريق مكتبين اغسل يدك منه

نصيحه اخويه لك ولغيرك..

واخر كلامي بالتوفيق للجميع واسمحلي على الاطاله في الموضوع

وتقبل مروري المتواضع..

مرورك اسعدني وأنا مالي خص في بنك التنمية يا أخوك بس الجماعة مب فاهمين .

[المريش]

صادق أخوي والله يعينا وإياك عليهم
بس منهم الزين والشين
والله يسخر لك الزين منهم

[vip-qtr]

حالي مثل حالك ادور ارض من فتره طويله وماحصلت

كل ماكلم وسيط تتفاجا ان سعر الفوت في مكتب 170 وممكن ينزل تتصل مكتب ثاني نفس الارض معروضه ب 150 وقابل يمكن ينزلها لين 140 نهائي سببوا لي توتر نفسي الصراحه

والارض اللي ادورها مب للاستثمار لبيت العمر والفلوس كاااش بس على الاقل مساحتها 1200
واتكون قريبه من الدوحه
الله كريم

[طواش]

الله يوفقكم

ويوفق الجميع ويهدي من له علاقة بحالة السوق المتعثرة .

[الشقيان]

الله يوفقك اخوي وتحصل ارض :)

[ANONYMOUS]

بتلاقي انشالله بس لاتستعجل

ففي التأني السلامه