تسجيل الدخول

مشاهدة النسخة كاملة : شرح طريقة التسجيل في موقع e-bay


بولينجر
09-09-2009, 08:21 PM
السلام عليكم ورحمة الله وبركاته....

كيف الحال اخواني شباب وبنات المنتدى؟ ان شاء الله تكونون بأطيب حال....

استجابة لطلب العديد من الإخوان الكرام أضع هنا شرحاً مبسطاً بإذن الله لكيفية التسجيل في موقع التسوق الشهير e-bay

http://i25.tinypic.com/1znwo6t.jpg

لمن لا يعرف الموقع.... موقع e-bay او كما نكتبه بالعربية اي باي.... هو اكبر موقع للشراء عبر الانترنت.... ويعتبر اكبر مكان لتجمع التجار من كل انحاء الارض للبيع والشراء عبر الإنترنت.....

طريقة الشراء المتبعة والاكثر ضمانا في هذا الموقع هي PayPal ...وشرحه موجود في توقيعي بالأسفل....

نبدأ بسم الله الرحمن الرحيم....

للتسجيل في الموقع يجب أن نضغط على Register أعلى يسار الشاشة بجانب الشعار كما في الصورة أدناه

http://i32.tinypic.com/1i0raa.jpg

تفتح أمامنا صفحة التسجيل..... بشكل عام هي مقسمة لثلاث أقسام وسأقسمها كما هي في الشرح....

نختار الدولة أولا... كما في الصورة....

http://i30.tinypic.com/6ygmiv.jpg

يظهر أمامنا اختيار جميع الدول.... نختار قطر....

http://i32.tinypic.com/2sbjsko.jpg

ثم نرجع للصفحة المقسمة ثلاث أقسام....

القسم الأول يتعلق ببياناتك الشخصية.... كما في الصورة أدناه....

http://i32.tinypic.com/1fa7ep.jpg

القسم الثاني يتعلق ببيانات حسابك في الاي باي... كما في الصورة أدناه....

http://i27.tinypic.com/j5cwg7.jpg

أما القسم الثالث مجرد تحط إشارة الموافقة على الشروط وإدخال الرموز المطابقة للصورة الموضحة لك.... تختلف الرموز طبعا من شخص لشخص ولا يشترط أن تطابق الصورة أدناه.... ثم اضغط continue للمتابعة....

http://i26.tinypic.com/2ivcw40.jpg

سيصلك إيميل التفعيل.... كما هو موضح أدناه....

http://i28.tinypic.com/2evf38y.jpg

افتح الإيميل وفعل كما في الصورة....

http://i30.tinypic.com/2hmkbyf.jpg

مبروك لقد تم التسجيل بحمد الله....

الآن ادخل على My e-bay

واتبع الصورة أدناه....

http://i28.tinypic.com/hrzear.jpg

والآن يمكنك التسوق بكل راحة مع التجار الموثوقين حيث تجد تقييم كل تاجر بجانب اسمه.... وتستطيع أيضا قراءة آراء المتسوقين في هذا التاجر أو ذاك....

وأي سؤال عندكم أنا حاضر إن شاء الله....

عسى أن أكون وفقت في هذا الشرح وعلى الله فليتوكل المؤمنون....
بـن عدوان
09-09-2009, 08:28 PM
مشاءالله عليكــ اخوي كفيت ووفيت والشرح ممتاز

بس سؤال بعد اذنكــ

اغلبية البضايع عندهم ماتوصل لين قطر

في هالحالة بستعمل البريد الامريكي

بعض البضايع طريقة دفعها ماتقبل الا بالــ paypal

الحين انا من قطر وتدري حساب الباي بال ماقدر اضيف عنوان دولة غير قطر

شنهي الطريقه عشان اوصل للبريد الامريكي ؟

ومشكور مقدما
بولينجر
09-09-2009, 08:30 PM
مشاءالله عليكــ اخوي كفيت ووفيت والشرح ممتاز

بس سؤال بعد اذنكــ

اغلبية البضايع عندهم ماتوصل لين قطر

في هالحالة بستعمل البريد الامريكي

بعض البضايع طريقة دفعها ماتقبل الا بالــ paypal

الحين انا من قطر وتدري حساب الباي بال ماقدر اضيف عنوان دولة غير قطر

شنهي الطريقه عشان اوصل للبريد الامريكي ؟

ومشكور مقدما
هلا أخوي بن عدوان.... نعم كلامك صحيح....
اتبعت طريقة وهي اني اطلب الشراء ثم أراسل البائع مباشرة أطلب منه تغيير عنوان الشحن إلى العنوان الأمريكي.... عادة يكون البائع متفهم وبيشحن للعنوان الأمريكي.... ونفعت معاي الطريقة....
بـن عدوان
09-09-2009, 08:39 PM
هلا أخوي بن عدوان.... نعم كلامك صحيح....
اتبعت طريقة وهي اني اطلب الشراء ثم أراسل البائع مباشرة أطلب منه تغيير عنوان الشحن إلى العنوان الأمريكي.... عادة يكون البائع متفهم وبيشحن للعنوان الأمريكي.... ونفعت معاي الطريقة....



واذا البائع مب متفهم راحت عليي البضاعه :rolleyes2:

بس المضمون فيه انه الفلوس ترجع :nice:

تسلم ع الافادة ياطويل العمر ماقصرت
الريمي قطر
09-09-2009, 08:44 PM
شكرا ع الطرح

والافااده

بالتوفييييق ياارب
الواعد
09-09-2009, 08:45 PM
مرحبا أخوي بولينجر

ايش باقول عنك :) ماشاء الله عليك مواضيع ذات اهمية

الله يعطيك ألف عاااااااااااافية ووالله انك ماتقصر

تقبل تحياتي
المشط
09-09-2009, 09:12 PM
جزاك الله خير اخوي

ماقصرت على الشرح

استفدت وايد من شرحك
BURBERRY
09-09-2009, 10:24 PM
مساك الله بالخير اخوي بولينجر

اي باي من المواقع الي دوم اشتري منها تقريبا من سنه

الحمدلله ما صادفتني مشاكل مع الموقع او التجار

و يعطيك 10000000 عافيه على الشرح الوافي الي بيفيد الاعضاء

و كثر الله من امثالك ..
بولينجر
09-09-2009, 10:30 PM
واذا البائع مب متفهم راحت عليي البضاعه :rolleyes2:

بس المضمون فيه انه الفلوس ترجع :nice:

تسلم ع الافادة ياطويل العمر ماقصرت
هلا اخوي بن عدوان... صحيح ان لو ما اكن متفهم ما راح يبيعها ولا توصلك وفلوسك ترجع لك.... لكن قول لي من ما يبي يبيع بضاعته؟!
اغلبهم متفهمين....
بولينجر
09-09-2009, 10:31 PM
شكرا ع الطرح

والافااده

بالتوفييييق ياارب
العفو اختي الريمي قطر وشكرا على المرور الكريم....
بولينجر
09-09-2009, 10:32 PM
مرحبا أخوي بولينجر

ايش باقول عنك :) ماشاء الله عليك مواضيع ذات اهمية

الله يعطيك ألف عاااااااااااافية ووالله انك ماتقصر

تقبل تحياتي
هلا اخوي الواعد.... والله يعافيك... اسعدني مرورك الكريم....
بولينجر
09-09-2009, 10:33 PM
جزاك الله خير اخوي

ماقصرت على الشرح

استفدت وايد من شرحك
ويجزاك الله من الخير بمثله... اسعدني مرورك الكريم اخوي المشط....
بولينجر
09-09-2009, 10:34 PM
مساك الله بالخير اخوي بولينجر

اي باي من المواقع الي دوم اشتري منها تقريبا من سنه

الحمدلله ما صادفتني مشاكل مع الموقع او التجار

و يعطيك 10000000 عافيه على الشرح الوافي الي بيفيد الاعضاء

و كثر الله من امثالك ..
هلا اخوي بربري.... صدقت بالفعل الموقع مشاكله قليلة لان عندهم نظام انذار وبالنقاط على الغير ملتزمين سواء بائعين او مشترين... والكل يبي يحافظ على سمعته.... واسعدني مرورك الكريم....
jajassim
10-09-2009, 01:01 AM
معلومة قيمة

جزاك الله خير ،،
بولينجر
10-09-2009, 01:08 AM
معلومة قيمة

جزاك الله خير ،،
ويجزاك الله من الخير بمثله... وشكرا لك على المرور الكريم....
نووون
10-09-2009, 01:23 AM
الله يجزيك الخير أخوي بولينجر

شرح وافي وكافي الله يعطيك العافية

سؤال

عندك فكرة عن تفعيل بطاقة الامريكان اكسبرس في الباي بال

أنا اشتري بها حالياً لكنها من غير تفعيل وتفعيلهم صعب

طالبين فيه رقم شيك او اصدار بطاقة فيزا باي بال وهذي ربوية

كلمت الكول سنتر لامريكان اكسبرسس كل مرة واحد يرد علي بكلام غير عن اللي قبله ولا وصولوني للي ابيه !!
*ام لجين*
10-09-2009, 01:39 AM
بالتوفيق
بولينجر
10-09-2009, 02:05 AM
الله يجزيك الخير أخوي بولينجر

شرح وافي وكافي الله يعطيك العافية

سؤال

عندك فكرة عن تفعيل بطاقة الامريكان اكسبرس في الباي بال

أنا اشتري بها حالياً لكنها من غير تفعيل وتفعيلهم صعب

طالبين فيه رقم شيك او اصدار بطاقة فيزا باي بال وهذي ربوية

كلمت الكول سنتر لامريكان اكسبرسس كل مرة واحد يرد علي بكلام غير عن اللي قبله ولا وصولوني للي ابيه !!
ويجزاج الله من الخير بمثله... التفعيل بسيط ان شاء الله.... مجرد ترسلين لهم عبر النموذج المخصص للمراسلة في الباي بال نسخة من كل من كشف حساب البطاقة وصورة من البطاقة الشخصية..... اثبات يعني.... مع تسمية كل شي باسمه... يعني هذي كشف تكتبين كشف... وصورة البطاقة تكتبين هذي صورة البطاقة.... وبتتفعل ان شاء الله خلال يوم او يومين عمل....
بولينجر
10-09-2009, 02:06 AM
بالتوفيق
وياج ان شاء الله اختي الكريمة ام لجين.... وشكرا على المرور الكريم....
f4rolla
10-09-2009, 02:23 AM
جزاك الله خير
بولينجر
10-09-2009, 02:29 AM
جزاك الله خير
ويجزاج الله من الخير بمثله... وشكرا لج على المرور الكريم....
شبيــه الريح
11-09-2009, 03:40 AM
اخوي بولينجر بصراحه ماقصرت وجزاك الله خير على اللي تسويه
ha080
11-09-2009, 03:46 AM
تسلم والله يعطيك الف عافيه
بولينجر
11-09-2009, 03:50 AM
اخوي بولينجر بصراحه ماقصرت وجزاك الله خير على اللي تسويه
الله يسلمك اخوي شبيه الريح وأسعدني مرورك الكريم....
بولينجر
11-09-2009, 03:50 AM
تسلم والله يعطيك الف عافيه
الله يعافيك وشكرا على المرور الكريم....
MP3
11-09-2009, 03:50 AM
الله يجزاااااااك خير اخووووووي
بولينجر
11-09-2009, 03:51 AM
الله يجزاااااااك خير اخووووووي
وبجزاك الله من الخير بمثله.... وشكرا لمرورك الكريم أخوي mp3....
حمد بوشهاب
11-09-2009, 03:56 AM
صــراااحة قمة في الرقــي والذوووق على هالمـــوضوع أخــوي
وتسلــم لغاليك ...
قطري زقرت
11-09-2009, 04:17 AM
اخيراً حد علمني اشتري من اي بي وانا مبتلش مع موقع امازون
اللي مافيه شي عدل واسعارهم بعد غاليه مقارنه مع اي باي
جزاك الله خير اخوي بولينجر
collection
11-09-2009, 04:30 AM
انت خطيييييييييييييير...انا حاولت انزل الشرح..

.بس الحمد لله سبقتنى..لانه لونزلته..

مارح يكون وافى بالطريقه اللى انت منزلها فيها..

واشهد انك كفيت ووفيت...

والله يعطيك على قد نيتك...
ليدي قطر
11-09-2009, 11:57 AM
صراحة موضوع يستحق الثناء

روووووووعه

موفق أخوي

البيت كله سجل بال Ebay
بولينجر
11-09-2009, 03:41 PM
صــراااحة قمة في الرقــي والذوووق على هالمـــوضوع أخــوي
وتسلــم لغاليك ...
ردك اللي هو قمة في الذوق والرقي.... تسلم والله اخوي حمد بو شهاب واسعدني مرورك الكريم....
بولينجر
11-09-2009, 03:43 PM
اخيراً حد علمني اشتري من اي بي وانا مبتلش مع موقع امازون
اللي مافيه شي عدل واسعارهم بعد غاليه مقارنه مع اي باي
جزاك الله خير اخوي بولينجر
العفو اخوي قطري زقرت.... الحمدلله ان الشرح واضح وقدرت تعرف تشتري.... صحيح تتوفر خيارات اكثر في اي باي عن امازون.... لكن يبقى امازون موقعي المفضل.... واسعدني مرورك الكريم.....
بولينجر
11-09-2009, 03:45 PM
انت خطيييييييييييييير...انا حاولت انزل الشرح..

.بس الحمد لله سبقتنى..لانه لونزلته..

مارح يكون وافى بالطريقه اللى انت منزلها فيها..

واشهد انك كفيت ووفيت...

والله يعطيك على قد نيتك...
هلا بج اختي الكريمة collection..... الحمدلله ان الشرح صار موجود لتحقيق الاستفادة لاكبر عدد من الاخوان.... وانا متأكد ان شرحج لو كنتِ منزلته ماراح يقل عن هذا الشرح.... وتسلمين على المرور الكريم.....
بولينجر
11-09-2009, 03:46 PM
صراحة موضوع يستحق الثناء

روووووووعه

موفق أخوي

البيت كله سجل بال ebay
العفو اختي الكريمة ليدي قطر.... والحمدلله ان الشرح كان واضح وسهل للجميع.... واسعدني مرورج الكريم.....
بولينجر
12-09-2009, 09:00 AM
إخواني وأخواتي الكرام.... أرجو وضع الاستفسارات العامة هنا لإفادة أكبر عدد من الأعضاء.... والاستفسارات الأخرى الخاصة يسعدني أن أجاوبها على الخاص......

ولا أطلب منكم سوى الدعاء بظهر الغيب..... وجزاكم الله خيرا....
نجود
12-09-2009, 09:13 AM
جزاك الله خير
بولينجر
12-09-2009, 03:24 PM
جزاك الله خير
ويجزاج الله من الخير بمثله.... وشكرا على المرور الكريم اختي نجود....
سداوي&مدريدي
12-09-2009, 03:32 PM
هلا بالغالي بولينجر

ما شاء الله عليك كفي ووفيت :nice:

في ميزان حسناتك ان شاء الله

جزاك الله خير ماقصرت
بولينجر
12-09-2009, 03:39 PM
هلا بالغالي بولينجر

ما شاء الله عليك كفي ووفيت :nice:

في ميزان حسناتك ان شاء الله

جزاك الله خير ماقصرت
هلا بالغالي سداوي... وتسلم والله....
والله يجزيك الخير على المرور الكريم.....
تاجره
12-09-2009, 06:46 PM
ماقصرت اخوي بولينجر .. بس سؤال ..
اذا بشتري ساعه او شنطه .. ماقدر اضمن انها اصليه صح ؟ ؟ ؟:telephone:
بولينجر
12-09-2009, 06:57 PM
ماقصرت اخوي بولينجر .. بس سؤال ..
اذا بشتري ساعه او شنطه .. ماقدر اضمن انها اصليه صح ؟ ؟ ؟:telephone:
العفو اختي تاجره..... صح ماتقدرين.... بس ممكن تشوفين كم نجمة عند البائع والكلام اللي يقولونه الناس عنه.... والتقليد بعد صعب احيانا يتميز من الاصلي ممكن هم بعد انخدعوا به....
تاجره
12-09-2009, 07:12 PM
:nice::nice::nice:

كفيت ووفيت
بولينجر
12-09-2009, 07:14 PM
:nice::nice::nice:

كفيت ووفيت
:nice: تسلمين وشكرا على المرور الكريم....
كويتى1
13-09-2009, 06:30 AM
كفيت وووفيت طال عمرك على الموضوع وعلى الشرح
بولينجر
13-09-2009, 03:26 PM
كفيت وووفيت طال عمرك على الموضوع وعلى الشرح
تسلم والله اخوي كويتي1 واسعدني مرورك الكريم.....
تاجره
14-09-2009, 06:14 AM
طلع لي لازم احط رقم الكردت كارد :(
واذا حطيت الرقم يطلع لي غلط
بولينجر
14-09-2009, 11:52 AM
طلع لي لازم احط رقم الكردت كارد :(
واذا حطيت الرقم يطلع لي غلط
لاتشترين منه... يبي رقم كردت كارد امريكي..... اشتري من حد يقبل الدفع بالباي بال.....
ابوصالح1
19-10-2009, 09:16 PM
اخي ماهي البطاقه التي اقدر اضع فيها مبلغ واشتري بها من هذه الموقع وكم يوم وتوصل البضاعه وهل اقدر اشتري اي شي مثل رول بلاستيك نسيت اسمه يوضع على وجه السياره من العج واين اقدر اخذ البطاقه وجزاك الله خير
بولينجر
20-10-2009, 09:23 AM
اخي ماهي البطاقه التي اقدر اضع فيها مبلغ واشتري بها من هذه الموقع وكم يوم وتوصل البضاعه وهل اقدر اشتري اي شي مثل رول بلاستيك نسيت اسمه يوضع على وجه السياره من العج واين اقدر اخذ البطاقه وجزاك الله خير
اخوي اي بطاقة فيزا او ماستر كارد من البنك تصلح...
كذلك توجد بطاقة المجموعة.... تطلعها بطتقة ماستر كارد من المجموعة وتعبيها رصيد عندهم وتشتري.... اشوفها اضمن....

لما تطلع البطاقة تسجل بها في موقع الباي بال... وشرحه في توقيعي....

او ممكن اذا البائع يسمح بخيار الدفع المباشر من البطاقة انك تدفع له بها بدون استخدام الباي بال... ولو ان الباي بال اضمن.....

فترة وصول البضاعة تختلف من بائع لآخر.... وبتلاقيه مكتوب في التفاصيل....

بالنسبة لشراء اي شي.... طبعا في حدود... هناك ممنوعات من الجمارك مثل الاسلحة والاسلحة البيضاء والعملات والمواد الاباحية وغيرها من الممنوعات.... شي عادي مافي مشكلة.... اي شي تتوقع انه يجيبونه التجار للدوحة تقدر تشتريه..... واظن اللي ذكرته عادي تشتريه.....

البطاقة الله يسلمك مثل ما قلت لك في البداية تاخذها اما من البنك او المجموعة.... وتقدر تسألهم عن المطلوب منك لاستخراجها....

وشكرا لك على المرور الكريم....
ممنوع اللمس
20-10-2009, 09:32 AM
اخوي الموقع عربي والا شنو يعني
لاني ماعرف انجليزي وابي ادخل ضروري
بولينجر
20-10-2009, 09:59 AM
اخوي الموقع عربي والا شنو يعني
لاني ماعرف انجليزي وابي ادخل ضروري
هلا اخوي... الموقع انجليزي بس بسيط مب معقد.... وشكرا لك على المرور الكريم....
ممنوع اللمس
20-10-2009, 10:00 AM
اخوي ممكن ايميلك لو مافي كلافه عالخاص
والله يبيض وجهك وماقصرت يالغالي
بولينجر
20-10-2009, 11:23 AM
اخوي ممكن ايميلك لو مافي كلافه عالخاص
والله يبيض وجهك وماقصرت يالغالي
وجهك الابيض اخوي.... اخوي اسألني اللي تبيه سواء هني او على الخاص اما الايميل اعذرني....
qatr_vip
29-10-2009, 11:19 AM
بالتوفيق
بولينجر
29-10-2009, 11:22 AM
بالتوفيق
شكرا على المرور الكريم....
السهم الثابت
29-10-2009, 01:19 PM
انا من الناس الي من ٣ سنوات اتعامل مع ebay , وموقع مايعلا علية واي بائع في امريكا او كندا او اروبا اشتري منة وانا متطمن من مصداقيتة مايغشون وكم مرة شريت اشياء وغالية ومنى الخطى واردها عليهم بحجة ماعجبتني ويستقبلونها بصدر رحب وبي بال فية موصفين مايعلا عليهم على مدار الساعة متواصلين معاك واي بضاعة فية غش يتم الغاءها وارسال على بريدك تنبية بذالك
بولينجر
29-10-2009, 01:48 PM
انا من الناس الي من ٣ سنوات اتعامل مع ebay , وموقع مايعلا علية واي بائع في امريكا او كندا او اروبا اشتري منة وانا متطمن من مصداقيتة مايغشون وكم مرة شريت اشياء وغالية ومنى الخطى واردها عليهم بحجة ماعجبتني ويستقبلونها بصدر رحب وبي بال فية موصفين مايعلا عليهم على مدار الساعة متواصلين معاك واي بضاعة فية غش يتم الغاءها وارسال على بريدك تنبية بذالك
هلا اخوي السهم الثابت.... كلامك صحيح بس سياسة الرجاع يمكن تكلف المشتري زيادة.... يعني الكل لازم ينتبه في اللي يشتريه..... لتجنب التكاليف الإضافية.... وبالفعل هم متعاونين.... وشكرا لك على المرور الكريم....
ROSE
26-08-2010, 09:15 PM
الله يعطيك الصحة والعافية على هالموضوع اخوي بولينجر
بولينجر
26-08-2010, 09:36 PM
الله يعطيك الصحة والعافية على هالموضوع اخوي بولينجر
تسلمين والله اختي الكريمة روز..... ماقصرتي.....
كاشف الغطاء
05-10-2010, 01:16 AM
اخوي اشلون افتح بريد امريكي ؟؟
بولينجر
05-10-2010, 09:22 AM
اخوي اشلون افتح بريد امريكي ؟؟
هلا اخوي... تقدر تروح ارامكس او تكلمهم بالتليفون ورقمهم 44506611

اطلب منهم خدمة شوب اند شب shop and ship بريدين امريكي وبريطاني.... تدفع فيها رسوم التسجيل مرة واحدة فقط.... بين 120 و130 ريال تقريبا على ما اذكر...... وبيعطونك كل التفاصيل.....
كرستال
05-10-2010, 11:28 AM
السلام عليكم ورحمو الله وبركاته

حبيت ا ادخل واسجل اعجابي بالشرح الوافي الكافي

والله يجزيك خير على هذا الموضوع يخوي العزيز بولينجر


http://store1.up-00.com/xafiles/QxW39571.gif
TopRace
06-10-2010, 02:50 PM
جزاك الله خير
BuFaisal
07-10-2010, 06:01 PM
جزاك الله خير اخوي بولينجر

صرت من زباين مواضيعك واطبق كل واحد فيهم :)

اشتركت بالموقع ومن اكثر من ساعتين وما جاتني رسالة تأكيد على البريد
طلبت رسالة اخرى وبعد نفس الشيء
انا متأكد ان ايميلي صحيح والرسالة ما جات في مجلد junk او spam..
بانتظر اشوف اخرتها

يعطيك العافيه اخوي بولينجر
بولينجر
07-10-2010, 08:48 PM
السلام عليكم ورحمو الله وبركاته

حبيت ا ادخل واسجل اعجابي بالشرح الوافي الكافي

والله يجزيك خير على هذا الموضوع يخوي العزيز بولينجر


http://store1.up-00.com/xafiles/qxw39571.gif
وعليكم السلام ورحمة الله...

هلا بك اخوي كرستال..... جزاك الله كل خير على كلامك الطيب.... وشكرا على المرور الكريم....
بولينجر
07-10-2010, 08:48 PM
جزاك الله خير
وجزاك الله من الخير بمثله وشكرا على المرور الكريم....
بولينجر
07-10-2010, 08:50 PM
جزاك الله خير اخوي بولينجر

صرت من زباين مواضيعك واطبق كل واحد فيهم :)

اشتركت بالموقع ومن اكثر من ساعتين وما جاتني رسالة تأكيد على البريد
طلبت رسالة اخرى وبعد نفس الشيء
انا متأكد ان ايميلي صحيح والرسالة ما جات في مجلد junk او spam..
بانتظر اشوف اخرتها

يعطيك العافيه اخوي بولينجر
وجزاك الله من الخير بمثله..... تطمن اخوي بتجيك رسالة التأكيد اذا كنت متأكد من البريد انه صحيح.....
*ام لجين*
08-10-2010, 02:01 PM
سبحان الله صارلي فتره احاول اشتري من الموقع ومب عارفه شو المشكله الحين فهمت من شرحك الوافي اخي الكريم جزاك الله خير وفي ميزان حسناتك وبطبق الي شرحته واذا واجهتني مشكله برد اسالك
قطرية فذة
09-10-2010, 11:02 AM
جزاك الله خير
BuFaisal
09-10-2010, 11:25 AM
وجزاك الله من الخير بمثله..... تطمن اخوي بتجيك رسالة التأكيد اذا كنت متأكد من البريد انه صحيح.....

لحد ربع ساعة بس ما وصلتني أي رسالة من الايباي
جربت اعادة ارسال الرسالة مرتين وما وصل شيء مع اني تأكدت من مجلدات الـ SPAM وال JUNK ببريدي
بعد اربع طلبات لاعادة ارسال تذكير بمعرفي وصلتني رسالة بالمعرف .. وهذا يعني ان نظامهم شغال !!
طبعا ما اقدر ادخل حسابي لاني ما اكملت التسجيل ووضع الكود اللي ماهو راضي يوصلني :(
بعثت طلبين لارسال تأكيد الكود .. وما وصل شيء
بعد الطلب الثالث وبحمد الله وصلتني الرسالة بكود التسجيل وكملت التسجيل :nice:

ما اعرف وش صار بطلباتي كلها لكن الاهم والحمد لله اني اكملت التسجيل
الفلم هذا شرحته بالكامل حتى يستفيد الاعضاء من تجربتي ولا ييأسون وانصحهم بتكرار الطلب مرات لين توصل الرسالة

ملاحظة بخصوص الشرح :
Postal Code تعني الرمز البريدي للمنطقة وليس صندوق البريد واحنا بقطر ما عندنا رمز بريدي للمنطقة....
واعتقد الافضل تركه خاليا او وضع N/A ويعني لا ينطبق علينا

شكرا لك اخي بولينجر
بولينجر
09-10-2010, 02:56 PM
سبحان الله صارلي فتره احاول اشتري من الموقع ومب عارفه شو المشكله الحين فهمت من شرحك الوافي اخي الكريم جزاك الله خير وفي ميزان حسناتك وبطبق الي شرحته واذا واجهتني مشكله برد اسالك
الحمدلله ان الشرح سهل واي سؤال انا حاضر ان شاء الله.... وشكرا على المرور الكريم اختي الكريمة ام لجين......
بولينجر
09-10-2010, 02:57 PM
جزاك الله خير
تسلمين اختي الكريمة قطرية فذة وجزاج الله كل خير...... وشكرا على المرور الكريم ووصفة الماكرون :)
بولينجر
09-10-2010, 03:00 PM
لحد ربع ساعة بس ما وصلتني أي رسالة من الايباي
جربت اعادة ارسال الرسالة مرتين وما وصل شيء مع اني تأكدت من مجلدات الـ spam وال junk ببريدي
بعد اربع طلبات لاعادة ارسال تذكير بمعرفي وصلتني رسالة بالمعرف .. وهذا يعني ان نظامهم شغال !!
طبعا ما اقدر ادخل حسابي لاني ما اكملت التسجيل ووضع الكود اللي ماهو راضي يوصلني :(
بعثت طلبين لارسال تأكيد الكود .. وما وصل شيء
بعد الطلب الثالث وبحمد الله وصلتني الرسالة بكود التسجيل وكملت التسجيل :nice:

ما اعرف وش صار بطلباتي كلها لكن الاهم والحمد لله اني اكملت التسجيل
الفلم هذا شرحته بالكامل حتى يستفيد الاعضاء من تجربتي ولا ييأسون وانصحهم بتكرار الطلب مرات لين توصل الرسالة

ملاحظة بخصوص الشرح :
Postal code تعني الرمز البريدي للمنطقة وليس صندوق البريد واحنا بقطر ما عندنا رمز بريدي للمنطقة....
واعتقد الافضل تركه خاليا او وضع n/a ويعني لا ينطبق علينا

شكرا لك اخي بولينجر
هلا اخوي بو فيصل.....
مبروك تفعيل حسابك في الاي باي..... يظهر ان طلب التسجيل والتفعيل يبي له شوية (حنه)... الحمد لله ان مشى الحال.....

بالنسبة للرمز البريدي اعرف انه نظام مختلف لكن احيانا في مواقع الشراء لا يقبل الا انك تملي كل الفراغات بالبيانات.... ولا يضر ان تضع مكان الرمز البريدي صندوق البريد.... هذا عن تجربة في عالم التسوق النتي....:)
المعنى88
16-10-2010, 01:46 PM
مرحبا أخ بولينجر ................ مساعدة الله يخليك

البضاعة توصلني على البريد العام ........ ولا أفتح الحساب مع الأرامكس

من ناحية تفهم البايع على العنوان شلون بالضبط ............ ومتى توصل البضاعة
بولينجر
16-10-2010, 02:45 PM
مرحبا أخ بولينجر ................ مساعدة الله يخليك

البضاعة توصلني على البريد العام ........ ولا أفتح الحساب مع الأرامكس

من ناحية تفهم البايع على العنوان شلون بالضبط ............ ومتى توصل البضاعة
هلا اخوي.....
اقصد مع ارامكس خدمة shop & ship او مع اي شركة شحن لديها خدمات مماثلة......

اثناء انجاز الطلب تلاقي تحت مكتوب send message للبائع اكتب له تبي اي عنوان بالضبط.... هذا الكلام كان قديم اما الحين تقدر تختار عنوان الشحن من العناوين اللي تكون مخزنها في الموقع من قبل.....

البضاعة توصل حسب الشحن من البائع لعنوانك في امريكا ثم يشحنون لك من وقت الاستلام خلال 3-5 ايام الى قطر....

وشكرا على المرور الكريم....
Almossafer
16-10-2010, 04:20 PM
اخوي استفسار

مثلا انا اشوف البائع يكتب كل البلدان مثلا الشحن بلاش

هل هو بيشحن عن طريق البريد العادي ولا الشحن ارامكس

انا ماعندي حساب بارامكس

هل بيوصلني عن طريق البريد العام الي انا كاتب العنوان فيه او عن طريق شحن

شكرا لك

انا ماعندي
المعنى88
17-10-2010, 12:06 AM
بلأضافة الى كلام أخوي المسافر .......... هل رسوم الشحن بتكون بطريقة مزدوجة.......
يعني رسوم شحن من موقع أي بي ........ ورسوم شحن بالوزن من الأرامكس .............

وفتح حساب ship & shop ممكن عن طريق موقعهم وممكن عن طريق زيارة مكتبهم
بس لو في طريقة شرح لفتح عنوان عن طريق الأرامكس وهي الوحيدة حاليا من باقي شركات
الشحن .
بولينجر
17-10-2010, 01:00 PM
اخوي استفسار

مثلا انا اشوف البائع يكتب كل البلدان مثلا الشحن بلاش

هل هو بيشحن عن طريق البريد العادي ولا الشحن ارامكس

انا ماعندي حساب بارامكس

هل بيوصلني عن طريق البريد العام الي انا كاتب العنوان فيه او عن طريق شحن

شكرا لك

انا ماعندي
هلا اخوي...
اذا كاتب الشحن free worldwide shipping بيكون الشحن مجانا بالفعل.... ومافي داعي للشحن في هذه الحالة بارامكس.... وبيوصلك مجانا بالبريد الممتاز اغلب الحالات (خدمة من خدمات البريد العام)..... واذا شحنوه باي خدمة اخرى ماراح تدفع شي.....
اما اذا كاتب الشحن مجانا داخل امريكا.... يفضل تشحنه بارامكس.... لانه بيوصل مجانا لعنوانك الامريكي في ارامكس ثم تتكلف فقط شحنه من امريكا للدوحة....
بولينجر
17-10-2010, 01:13 PM
بلأضافة الى كلام أخوي المسافر .......... هل رسوم الشحن بتكون بطريقة مزدوجة.......
يعني رسوم شحن من موقع أي بي ........ ورسوم شحن بالوزن من الأرامكس .............

وفتح حساب ship & shop ممكن عن طريق موقعهم وممكن عن طريق زيارة مكتبهم
بس لو في طريقة شرح لفتح عنوان عن طريق الأرامكس وهي الوحيدة حاليا من باقي شركات
الشحن .
هلا اخوي.....
اذا الشحن بفلوس ضمن امريكا بتدفعه ثم تدفع شحنه من امريكا للدوحة عن طريق ارامكس....
اما اذا الشحن مجانا ضمن امريكا بتدفع بس شحنه بارامكس.....

تقدر تسجل في ارامكس عن طريق موقعهم
http://www.aramex.com/shopandship/agreement.aspx

او كلمهم بالتليفون 44506611

واي سؤال انا حاضر ان شاء الله.....
Almossafer
17-10-2010, 02:14 PM
هلا اخوي...
اذا كاتب الشحن free worldwide shipping بيكون الشحن مجانا بالفعل.... ومافي داعي للشحن في هذه الحالة بارامكس.... وبيوصلك مجانا بالبريد الممتاز اغلب الحالات (خدمة من خدمات البريد العام)..... واذا شحنوه باي خدمة اخرى ماراح تدفع شي.....
اما اذا كاتب الشحن مجانا داخل امريكا.... يفضل تشحنه بارامكس.... لانه بيوصل مجانا لعنوانك الامريكي في ارامكس ثم تتكلف فقط شحنه من امريكا للدوحة....

شكرا لك اخوي

بس ماعليك امر لو تعمل شرح بالصور الفرق بين الاثنين بالصور بيكون شرحك وافي

يعطيك العافيه
بولينجر
17-10-2010, 03:22 PM
شكرا لك اخوي

بس ماعليك امر لو تعمل شرح بالصور الفرق بين الاثنين بالصور بيكون شرحك وافي

يعطيك العافيه
هلا اخوي.....

لما تشوف لك شي تبي تشتريه ادخل عليه ثم اختار shipping and payments

اذا كان مثل هذه الصورة

http://imgur.com/dk99e.png

يعني الشحن مجانا ضمن امريكا (يوصلك لعنوانك الامريكي مجانا) وتدفع فقط شحن ارامكس للدوحة......

اما اذا كان مثل هالصورة

http://imgur.com/V3SPd.png

يعني الشحن مجانا لكل دول العالم ووقتها فقط تحط عنوانك البريدي في قطر.....

اما اذا كان مثل هذه الصورة

http://imgur.com/hoOJ9.png

فالشحن عليه تكلفة ضمن امريكا ومعناها تدفع للشحن الى عنوانك من ارامكس في امريكا ثم تدفع شحنه بارامكس الى الدوحة......
Almossafer
18-10-2010, 12:58 AM
شكرا لك ع التوضيح

يعطيك العافيه

بس سؤال اعتقد ان العنوان بيكون مسجل بالموقع ع paypal لما ادفع عن طريق الموقع هل اغير بالعنوان لما اشتري

اسف لاني تعبتك معاي

تسلم اخوي
بولينجر
18-10-2010, 10:12 AM
شكرا لك ع التوضيح

يعطيك العافيه

بس سؤال اعتقد ان العنوان بيكون مسجل بالموقع ع paypal لما ادفع عن طريق الموقع هل اغير بالعنوان لما اشتري

اسف لاني تعبتك معاي

تسلم اخوي
هلا اخوي...

عادي الله يسلمك... ممكن يكون من عناوينك المسجلة في الباي بال سواء في قطر او امريكا او بريطانيا... او ممكن تدخل عنوان اخر يدويا.... مثل الصور التالية....

اول شي تروح على الاكاونت my ebay

http://imgur.com/6NEKu.png

ثم تختار عرض جميع العناوين

http://imgur.com/QPPOd.png

ثم في اسفل الصفحة تدخل عنوان جديد وتحفظه.....

http://imgur.com/4QlX9.png

وبعدين لما يتم حفظه تلاقي مكتوب جنبه make primary اختاره اذا تبي يكون هو عنوان الشحن الرئيسي....

وبامكانك التغيير في اي وقت بنفس الطريقة......
Almossafer
18-10-2010, 07:03 PM
مشكور اخوي ويعطيك العافيه
بولينجر
18-10-2010, 07:41 PM
مشكور اخوي ويعطيك العافيه
العفو اخوي المسافر وشكرا على المرور الكريم....
الدولارر
24-10-2010, 04:43 PM
اخوي بغيت استفسر ابي اخذ اغراض من اباي وبغيت اقولك شنو المطلوب مني بالضبط وابي اخذ بطاقه حق النت احسن بطاقه شنو اهي وهل فيه بطاقه انك تشتري وبغيت تفيديني لاني جديد على هاي الشي
بولينجر
28-10-2010, 09:40 AM
اخوي بغيت استفسر ابي اخذ اغراض من اباي وبغيت اقولك شنو المطلوب مني بالضبط وابي اخذ بطاقه حق النت احسن بطاقه شنو اهي وهل فيه بطاقه انك تشتري وبغيت تفيديني لاني جديد على هاي الشي
الله يسلمك المطلوب عنوان في امريكا اذا كان البائع لا يشحن الا الى امريكا.... وتاخذ العنوان عن طريق ارامكس.... رقمهم 44506611

ايضا مطلوب يكون عندك بطاقة ائتمان سواء فيزا او ماستر كارد.... الفيزا عن طريق حسابك في البنك اما الماستر كارد تقدر تاخذها عن طريق المجموعة ورقمهم 44444444

بطاقة الماستر كارد تكون بمبلغ معين انت تحدده وكلما خلص تزيد الرصيد....

اما الفيزا فتكون مباشرة على حسابك البنكي..... طبعا شوف اللي يناسبك منهم وخذ لك بطاقة.....

ولما يكون كل شي جاهز تابع الخطوات اللي في موضوعي وتسوق من النت :nice:
Almossafer
28-10-2010, 03:38 PM
اخو ي استفسار

اذا طلعت لطاقه فيزا جديده

ممكن الخطوات علشان اعدل البيانات لان البطاقه الاولى تكنسلت

ممكن الخطوات الصحيحه بتغيير البيانات للبطاقه

هل اغير اولا بموقع ebay
وبعدين اغير في ال pay pal

لو ممن الطريقه يعطيك العافيه

فيفضل بالصور ادري تعبتك معاي بس استحملني شوي اخوي

:)
Almossafer
01-11-2010, 01:16 AM
اخو ي استفسار

اذا طلعت لطاقه فيزا جديده

ممكن الخطوات علشان اعدل البيانات لان البطاقه الاولى تكنسلت

ممكن الخطوات الصحيحه بتغيير البيانات للبطاقه

هل اغير اولا بموقع ebay
وبعدين اغير في ال pay pal

لو ممن الطريقه يعطيك العافيه

فيفضل بالصور ادري تعبتك معاي بس استحملني شوي اخوي

:)

خلاص عرفت الخطوات وطريقة التغيير
يعطيك العافيه

:)
Dr.Sa3eed
01-12-2010, 04:36 PM
مشكوووور ويعطيك ااالف عافيــة..

وجزاك الله كل خير اخوي ...

بالتوفيق..
bunthain
02-12-2010, 03:32 PM
مشكور يا اخي
غلا الريان
16-05-2011, 08:22 PM
http://img849.imageshack.us/img849/2259/screenshot20110516at201.th.png (http://img849.imageshack.us/i/screenshot20110516at201.png/)

انا استخدم عنواني ارامكس فقط للي مايرسلون خارج US/UK

لو يوصلون لقطر و موضحين رسوم الشحن وتم دفعها مع مبلغ الغرض
يعني مجرد وصولها استملها فقط من غير رسوم اضافية .. صحيح ؟
بولينجر
16-05-2011, 08:25 PM
http://img849.imageshack.us/img849/2259/screenshot20110516at201.th.png (http://img849.imageshack.us/i/screenshot20110516at201.png/)

انا استخدم عنواني ارامكس فقط للي مايرسلون خارج US/UK

لو يوصلون لقطر و موضحين رسوم الشحن وتم دفعها مع مبلغ الغرض
يعني مجرد وصولها استملها فقط من غير رسوم اضافية .. صحيح ؟
صحيح....
غلا الريان
16-05-2011, 08:38 PM
شكرا : )
اسير الاحساس
15-06-2011, 05:25 PM
شرح وافي
جزاك الله خير اخوي