تحذير لطلبة وطالبات مدرسة فولتير الفرنسيه اكتشف وجود انفلونزا الخنازير بإحدى المدرسات [الأرشيف]

SOUD.QA

09-09-2009, 11:15 PM

السلام عليكم ورحمة الله وبركاته

ارجو منكم تمرير هالمعلومه بأسرع وقت ممكن الخبر اكيد ووصلني من ام وحده من الطلبه اتصلت فيها وحده من مدرسات عيالها تقولها غيبي عيالج بكره احسن لج لانهم اكتشفوا هالمرض في وحده من مدرسات التمهيدي

للأسف المدرسه متكتمين على الخبر خوفا على سمعتهم وطلبوا فقط من طلبة فصل هالمدرسه انهم بكره يغيبون لان الصحه الوقائيه بتطهر هالصف

ابغي اعرف انا شذنب الباقي فرضا انتقل لهم ووين الاعلام ووين الاجرائات اللي قالوا عنها بس كل اللي سووه انهم كشفوا عليهم بالمطار فقط لاغير الكل يدري ان هالكشف تسكيته للعالم

ياليت يا جماعة الخير توصلون الخبر بأسرع وقت ممكن هذول بزران مايعروف والاهل مايدرون شسالفه

ماقول الا يحفظ عيالنا من كل شي

ميسي الريان

09-09-2009, 11:18 PM

لااا حول ولا قوة الا بالله العلي العظيم ..

ام فيصل80

09-09-2009, 11:20 PM

الله يحفظنا ويحفظ اعيالنا

SOUD.QA

09-09-2009, 11:22 PM

ياليت يا جماعه إذا تعرفون حد عياله بهالمدرسه بلغوهم جزاكم الله خير

وطن

09-09-2009, 11:23 PM

مافي كشف في المطار خلاص
مافي فايده المرض منتشر وهم توهم مكتشفين ان علاجه سهل وبسيط اهم شي الواحد ما يهمل ويراجع الطبيب اول ما تجيه الاعراض
ما قاموا يتعبون نفسهم بالكشف لا بمطار ولا مستشفى

شقرديه

09-09-2009, 11:25 PM

لاحول ولاقوه الا بالله !

لا ومايبون يأجلون الدراسه لهالعام ! ناوين علينا .. الله يستر على عيالنا وبناتنا وعلينا :)

الهـواوي

09-09-2009, 11:29 PM

لاحول ولاقوة الا بالله

استغفرالله

09-09-2009, 11:35 PM

مكانه غلط الموضوع لازم يكون في العام

SOUD.QA

09-09-2009, 11:48 PM

المطار حاطين بس كاميرا حراريه والكل يدري ان المرض ما تبين اعراضه الا بعد اسبوع

وانا اتوقع ان المدرسه صادها المرض من قطر لان صار لهم اكثر من 10 ايام مداومين

الكبار مقدور عليهم لكن الصغار حرام مايفهمون ولايعرفون كيف يتجنبون هالمرض وان صادهم هالشي بعيد الشر ماراح يعرفون شفيهم الا لما تسوء حالتهم

SOUD.QA

09-09-2009, 11:49 PM

حطيته هني لان اغلب الاعضاء بهالمكان قلت عالاقل في ناس تشوفه وتنشره

ولا انا داري انه فالعام يالطيب

بولينجر

09-09-2009, 11:54 PM

شكرا على التنبيه.... والله يشافيهم

die 4 qtr

09-09-2009, 11:54 PM

لاحول والاقوة الا بالله

المرض للاسف منتشر بقطر بشكل كبير والمستشفيات متكتمه ع الموضوع

بس انتم روحو اي مركز او روحو الطواري حمد شوفوا كم حاله تجيهم في اليوم امس تقريبا جاتهم 18 حاله من غير الحالات اللي بالمراكز وانا اعرف ناس شكثر صابهم المرض

وبينتشر اكثر اذا فتحت المدارس

نواره

10-09-2009, 12:06 AM

الله المستعان

SOUD.QA

10-09-2009, 12:15 AM

ارجع واقول تكفون انشروا للاهالي حرام اليهال مالهم ذنب

مشتاقة لقطر

10-09-2009, 12:17 AM

يعطيك العافية

وللرفع

SOUD.QA

10-09-2009, 12:17 AM

يعافيج ربي اختي

بواردي

10-09-2009, 12:48 AM

الله يستر

pinky1

10-09-2009, 03:38 AM

اللهم رحمنا برحمتك الوسعة يارب

الشقيان

10-09-2009, 03:48 AM

المرض منتشر في قطر اشفيكم يااااااامسؤالين :anger1:

تحركو سوو شي :anger1::anger1:

بسكم كذب على الناس:anger1::anger1::anger1:

كل واحد قااعد في مكتبه ويصرح ماعليكم وماعليكم :anger1::anger1::anger1:

احنا سيطرنا على المرض على كيفك اتسيطر يابو سيطره :rolleyes2:

اخ لو عندنا مثل مجلس الامه الي في الكويت كان اي وزير يقصر

في وزارته طيرنا :anger1:

والله محد معور قلبي لين اسمع هالاشياء الا اليهال مساكين :(:weeping::(

وهذا على قولتهم ((غيض من فيض )):(

الطيبة كلها

10-09-2009, 04:33 AM

طيب بالشويفات طلع المرض بطالب وعنده 4 اخوان بالمدرسه هذي لكن سوت الصحه شئ طلعت قرار طبعا لا - خلهم نايمين عادي

استغفرالله

10-09-2009, 03:30 PM

الله يبعد عنا المرض وشره

بنت الرجال

10-09-2009, 03:38 PM

حسبنـا الله و نعـم الووكيـل

SOUD.QA

11-09-2009, 04:50 AM

خلوها على الله بس الواحد مايعرف شيخلي ولا شيقول من القهر

law girl

11-09-2009, 07:21 AM

عندنآ كم يآهل بهالمدرسة بس قلنا ماراح نخليهم يداومون الين بعد العيد ...

ألف شكر ع التنبيه

قطري فلته

11-09-2009, 07:41 AM

اوه ما شفتو شي توه الناس

qatari1

11-09-2009, 10:10 AM

كاتم الاسرار

11-09-2009, 10:13 AM

الله يحفظنا ويحفظ اعيالنا ويحفظكم ان شاءالله من كل شر

SOUD.QA

11-09-2009, 06:56 PM

لا داعي لإثارة البلبلة، ونشر الإشاعات.

لو أصيب أحد بالمرض لا قدر الله، فسيكون إشتباه، ولا يمكن التأكد نت ذلك، لأنه تم إيقاف أخذ عينة من الدم للفحص.

ثم هل إصابة مدرس بالمرض سيؤدي إلى تشويه سمعة المدرسة؟!

منطق غريب، وتفكير عجيب فعلاً!

اقول يالطيب شوف جريدة العرب اليوم بتعرف ان كلامي صحيح انا مو بزر لجل اتفرغ واروج اشاعات

انا ماقلت هالكلام الا وانا متأكد 100% وماجاني الا من وحده من المدرسات اللي هناك وان تكلمت فكلامي خوفا على عيالنا اللي مالهم ذنب بشي

والمدرسه فيها المرض وفوق هذا عيالها بعد فيهم وهم طلبه بهالمدرسه

ومنطق التستر عن هالاشياء هو الغريب والعجيب

عازف الاورج

11-09-2009, 08:36 PM

ما باليد حيله

الطيبة كلها

11-09-2009, 08:42 PM

لا داعي لإثارة البلبلة، ونشر الإشاعات.

لو أصيب أحد بالمرض لا قدر الله، فسيكون إشتباه، ولا يمكن التأكد نت ذلك، لأنه تم إيقاف أخذ عينة من الدم للفحص.

ثم هل إصابة مدرس بالمرض سيؤدي إلى تشويه سمعة المدرسة؟!

منطق غريب، وتفكير عجيب فعلاً!

وانا ما قلت ان طالب بالشويفات فيه الا من مصدر موثوق وشاف الورقه اللي ام الطالب جابتها للمدرسه ان ولدها فيه الفيروس وعطوه اجازة اسبوعين

SOUD.QA

11-09-2009, 10:39 PM

عندنآ كم يآهل بهالمدرسة بس قلنا ماراح نخليهم يداومون الين بعد العيد ...

ألف شكر ع التنبيه

كونا نغيب عيالنا مو حل بنضيع عليهم دروسهم هذا اسبوع مو يوم ولا يومين

نحاول نفهمهم على قد مانقدر انهم يغسلون يدهم في كل بريك ونوصي عليهم الاداره وهيئة التدريس واحنا بعد إذا قدرنا كل يوم نوديهم لحد باب فصلهم لجل نتطمن

الله يحفظنا ويحفظ عيالنا من كل شي يارب

هدهد سليمان

11-09-2009, 10:46 PM

قال تعالى :
(قُلْ إِنَّ الْمَوْتَ الَّذِي تَفِرُّونَ مِنْهُ فَإِنَّهُ مُلَاقِيكُمْ ثُمَّ تُرَدُّونَ إِلَى عَالِمِ الْغَيْبِ وَالشَّهَادَةِ فَيُنَبِّئُكُم بِمَا كُنتُمْ تَعْمَلُونَ )

( أَيْنَمَا تَكُونُواْ يُدْرِككُّمُ الْمَوْتُ وَلَوْ كُنتُمْ فِي بُرُوجٍ مُّشَيَّدَةٍ ).

خل ايمانكم بالله قوي والموت واحد والرب واحد .. تبون تعطلون المدارس بأي طريقه؟ ياخي اللي يبي يودي عياله يوديهم واللي ما يبي بكيفه لا توقفون عجلة الحياة .. ولكل شيء سبب . . والانفلونزا ممكن تنتقل عبر الجو يعني مب شرط المدرسه ممكن في المنتزهات الجمعيات المراكز اي مكان ياليت نتكلم بلغة العقل شوي!

من لم يمت بالسيف مات بغيره - - - تعددت الأسباب والموت واحد

SOUD.QA

11-09-2009, 10:54 PM

معاج كل الحق يا اختي

الموت حق علينا ومحد يموت قبل يومه

واحنا لما تكلمنا مو خوفا علينا على عيالنا الصغار اللي مايفهمون شي

الله يحفظ الجميع ويبعد عنهم كل شر إن شاء الله

واتمنى ان محد يغيب عياله انا ماقلت لهم هالشي الا لاني ابغيهم ينتبهون اكثر عليهم سبحان الله ممكن واحد فيهم بنفس كلاس اللي مرضوا عالاقل يكون عندهم علم حرام يكونون على ويهم

مرتبش

11-09-2009, 11:05 PM

ان شاء الله ماعليهم شر
لو حتى فعلا في اصابة .. تكون من كم يوم ومع اليوم الجمعة وبكرة السبت يكون مر عليها على الاقل 5 ايام.. فلا تحاتي ان شاء الله المعلمة المريضة تكون تعافت وارتاحت في البيت وبترجع عقب يومين مافيها الا العافية

وبعدين شنهي هذي طريقة التخويف اللي في بعض التعليقات مثل المرض منتشر ومتكتمين عليه.. ليش يتكتمون والف ليش..
تشوف حد خايف في الشوارع ؟ المساجد ؟او في الجمعيات او المجمعات؟ وخلنا نروح ابعد ..تشوف حد خايف في بيت الله ..كم عدد اللي لابسين كمامات شوفو بعيونكم! .. وخلنا نروح ابعد وابعد شلون العالم عايشين في بريطانيا او في امريكا والمكسيك اللي بدا فيها هالمرض!! معطلين المدارس وراقدين في بيوتهم؟

SOUD.QA

11-09-2009, 11:28 PM

معاك حق اخوي واللي يضحك بالسالفه فعلا يعني شر البلية مايضحك
اغلب اهل قطر سافروا دبي هالصيف شاردين من المرض في اوروبا واللي يضحك ان اغلب الاصابات اللي صارت من اللي راجعين من السفر هم اللي كانوا بدبي واللي رجعوا من البلدان الموبوئه مافيهم شي ولله الحمد

اللي بيصيده بيصيده ولو وين يكون اللي كاتبه ربي بيصير وبالعكس ان مت بهالمرض بموت شهيد ومافي احلا ولا اروع من هالموته

واللي يقولون اجلوا الدراسه ترانا ناس نموت عالسفر بيأجلونها من هني وبيقصون تذاكر من هناك وحتى لو تأجلت بيتكرر نفس السيناريو إذا مو اخس لان الشتاء قرب والمرض بيكون اخطر واسرع انتشارا يعني يداومون الحين ابرك لهم

والحمدلله المدرسه وعيالها حالتهم تحسنت والمرض بدا يتلاشى يعني حالتهم تقريبا رجعت طبيعيه

المرض فعلا منتشر وفيه تكتم عالاعداد الصحيحه مو عشان شي الا لانهم مايبون الناس تكون في حالة رعب احنا ناس مسلمين مؤمنين بالقضاء والقدر ولو تفكرون فيها بالمنطق تراه الا زكام من نوع ثاني يعني ليه الترهيب والترويع اهم شي من تحسون بحاجه روحوا المركز الصحي لاتهملون نفسكم ولي طاح الفاس بالراس قلتوا المسؤولين مقصرين

البعد الخامس

12-09-2009, 12:03 AM

الله يهديكم الي يسمعكم يقول مرض الأيدز

مرض عادي أنفلونزا عاديه

طيب الشباب يسافرون لبلد الأيدز ... لم نسمع مثل هذه الهتافات بعدم السفر لبلاد الكفر والأيدز

الله المستعان

SOUD.QA

12-09-2009, 12:22 AM

الايدز الكل يعرف كيف ينتقل

ماينتقل بالنفس ولا باللمس

أخت الغالي

12-09-2009, 02:30 AM

اللي ربي كاتبة بيصير فهالمدرسة ولاغيرها عالأقل عرفتوا اسم هالمدرسة في مدارس مايذكرون اسماءهم حتى ..

SOUD.QA

12-09-2009, 05:58 AM

ربي يحفظ الجميع

بواردي

12-09-2009, 06:12 AM

الله يهديكم الي يسمعكم يقول مرض الأيدز

مرض عادي أنفلونزا عاديه

طيب الشباب يسافرون لبلد الأيدز ... لم نسمع مثل هذه الهتافات بعدم السفر لبلاد الكفر والأيدز

الله المستعان

"خلي راح في وادي وانا رحت في وديان"

اخوي انت معنا في كوكب الارض؟

الايدز ما ينتقل بسهولة يحتاج الي شروط والكل يعرفها

هذا المرض وباء طاعون ينتشر بالرذااااااااذ والنفس

SOUD.QA

12-09-2009, 06:23 AM

"خلي راح في وادي وانا رحت في وديان"

اخوي انت معنا في كوكب الارض؟

الايدز ما ينتقل بسهولة يحتاج الي شروط وكلنا يعرفها

هذا المرض وباء طاعون ينتشر بالرذااااااااذ والنفس

ههههههههه لا تعليق :secret:

جساس قطر

12-09-2009, 08:30 AM

مرحبا اخوي بنتي داومت في الفولتير تاريخ 9 من هاذا الشهر وهي ف تمهيدي بس اشوف المدرسه عادي مكن في شي الله يحفظهم الواحد مايدري شيسوي والله الله يلعن الخنازير

SOUD.QA

12-09-2009, 06:15 PM

بعد انا كذا حد من قرايبي عيالهم في هالمدرسه بس مو بالتمهيدي ومن اتصلت فيهم المدرسه تخبرهم غيبوهم بس اتوقع الاحد بيخلونهم يداومون لان حرام بيضيعون عليهم دراستهم بالغياب اكثر

وربك الحافظ ياخوي والله يخلي لك بنتك

البعد الخامس

12-09-2009, 08:34 PM

بواردي

لا تغنيلي ولا أغنيلك ...وحاط صوره الكعبه في توقيعك الله يهديك

سافرت أوروبا شهر الحمدلله حتى أنفلونزا عاديه ما صادتنا

أنتو بس الله يهديكم قاعدين ع النت وتصارخون

ماعليهم شر اليهال

الله الحافظ

والله ماندري أيش نهايه وأيش فايده هالمواضيع

الي عنده تعليق ع الخاص بارك الله فيكم مش دايما أرجع للمواضيع