المساعد الشخصي الرقمي

مشاهدة النسخة كاملة : وصورتك اللي سكنت بروآزها...


яέέⓜ
10-09-2009, 02:25 AM
الصورة الرمزية

التي توجد على اليمين من صفحة العضو هي صورة لها وقعها على المتصفح

على اي اساس تختار صورتك الرمزية وما هي ابعادك في اختيارها؟
قد تكون صورتك الرمزية تترجم مبدأك في الحياة؟

او قد تكون توحي الى بعض افكارك واحلامك؟

او لربما قد تكون صورة شخصية قديرة ومهمة تحبها وتحب شخصيتها و تتخذها قدوة لك في الحياة وتود السير على نهجها؟

او يمكن ان تكون صورة مكان او شئ يبعث في نفسك الراحة والاستقرار؟

كما انه من الممكن ان تكون نوعا من الزهور او الالوان تعبر عن كينونتك وشخصيتك؟

او من الممكن ان تعبر عن حالتك النفسية فالكثير يغير صورته الرمزية فمن الممكن انه يعبر عن حالته الداخلية.؟

لا ادري فانتم ادرى؟


انتم اذن عما تعبر صوركم الرمزية ايعقل ان لا علاقة لها بتاتا بشخصيتكم لن اصدق هذا ربما انتم تضعونها دون قصد

او تعبير عن نفسكم لكنها تظل تعبر عنكم وفيها شئ منكم لانكم اخترتموها من مجموعة من الاشياء والصور



سؤالي الثاني لكم هل ترمز الصور الرمزية للاعضاء على شخصيتهم لك وهل تحدد لك طريقة تعاملك معهم؟

ام انها تعد نبذة صغيرة عن جزء من شخصيتهم؟
انا شخصيا تلفتني الصورة الرمزية للاعضاء لا ادري لكنها تعطي لي فكرة عنهم

اتمنى ان الموضوع يلقى استحسانكم وتبدوا ارائكم ومداتخلاتكم فيه

اليكم مني كل معاني التقدير
واستودعكم الله الذي لا تضيع ودائعه
الصورة الرمزيه
دمتم سالمين
هتـان قطر
10-09-2009, 02:35 AM
فعلا ماعادبدري..انا احس ان الصورة الرمزية تدل على شخصية كل عضو

او تبين ما يبطن في داخله..واحتمال يكون احساسنا خاطئ..لكن فعلا هذا هو شعوري

انا لاني أحب أمي جدا..وضعت هالصورة الرمزية
яέέⓜ
10-09-2009, 02:40 AM
فعلا ماعادبدري..انا احس ان الصورة الرمزية تدل على شخصية كل عضو

او تبين ما يبطن في داخله..واحتمال يكون احساسنا خاطئ..لكن فعلا هذا هو شعوري

انا لاني أحب أمي جدا..وضعت هالصورة الرمزية



مرحبا ملايين

هلا ب اختي هتان
الله يطول بعمرها ويجعلها تاج ع راسكم يارب

نورتي الموضوع:shy:
الوجبه
10-09-2009, 02:55 AM
عندك مانع .. انا احب التصوير .. فصورت هذي الصوره :)
яέέⓜ
10-09-2009, 02:58 AM
عندك مانع .. انا احب التصوير .. فصورت هذي الصوره :)


ابدا سلامتك ماآفي اي مآنع
طال عمرك شكلك سريع الطلق وكلامك رصاص:rolleyes2:
عاد شوف صورتي:omen2:

الله يحفظك ويسهل امرك
!الشايمه!
10-09-2009, 03:01 AM
استخدم التوقيع...للتعبير عن فكري...وربما بعض من شخصيتي ...:)

وفعلا هناك صور رمزية..ملفتة وتعبر عن العضو نفسه..

يعجبني الشئ المميز...لازلت اذكر صورة لعضو ما في مكان..ما

كان توقيعه صورة لطفل مشوه..........!؟ :(

.......

ودائما هناك ربط بين اختيار العضو للصورة...وبين تفكيره.....!
استغرب احيان...لما عضو عقله كبير......بينما الصورة الرمزية او التوقيع
تعطي انطباع سئ عنه...

ولكن البعض...يختار صور مجرد للفت النظر او لاستفزاز...باقي الاعضاء..
اسلوب طفولي....:)


تحية
ناصر العمادي
10-09-2009, 03:10 AM
موضوع حلو منك أختي ماعاد بدري ..

أنا أضع صورة ولدي عبدالله لأنه الولد الوحيد بين أربع بنات ..

وطبعا حبي لهم متساوي عسى ربي يحفظهم ويبارك فيهم

بخصوص السؤال الثاني ..

أحيان ممكن الصوره تعبر عن شخصية العضو او العضوه ومن خلالها أقدر أعرف هل هو كبير أو صغير .. جاد او ضحوك ... عاقل او مخرخش وهكذا ..
بس لابد أن تكون الصوره تعبر نوعا ما عن شخصية العضو

يعطيك الصحه والعافيه على الموضوع الطيب

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك
الجني
10-09-2009, 03:21 AM
انا غواص ولد غواويص

السنبوك عربي الهويه له امجاد إبان الفتوحات الأسلامية

و له فضل على اهل قطر فقد حملهم و جال بهم الدنيا

ياما تعاركت مع الأمواج في البحر و ان كانت امواج الحياة اكبر

و ياما عصفت بي الرياح و ان كانت رياح الحياة اعتى

لي استقلالية في جميع اموري و لا احب ان اكون إمعه

و شراعي يدل على همتي و كأنه غتره تلف رأسي

و مقود السفينه قراري امسكه بيدي

و في الليل تكون النجوم دليلي

و عندما تعصف بي الرياح فلا احد الجأ اليه سوى ربي

لا ملجأ و منجا منه الاّ إليه سبحانه
!الشايمه!
10-09-2009, 03:39 AM
انا غواص ولد غواويص

السنبوك عربي الهويه له امجاد إبان الفتوحات الأسلامية

و له فضل على اهل قطر فقد حملهم و جال بهم الدنيا

ياما تعاركت مع الأمواج في البحر و ان كانت امواج الحياة اكبر

و ياما عصفت بي الرياح و ان كانت رياح الحياة اعتى

لي استقلالية في جميع اموري و لا احب ان اكون إمعه

و شراعي يدل على همتي و كأنه غتره تلف رأسي

و مقود السفينه قراري امسكه بيدي

و في الليل تكون النجوم دليلي

و عندما تعصف بي الرياح فلا احد الجأ اليه سوى ربي

لا ملجأ و منجا منه الاّ إليه سبحانه



ماشاء الله عليك....الجني....عجبني التحليل كثير...لصورتك الرمزية

كلام جميل....وتعبير عن شخصية وفكر رائع...كما نرجوا
ونتوقع من عضو كريم مثلك....


لك كل التحايا...والتقدير
فلفل حار
10-09-2009, 04:06 AM
ماشاء الله شالموضوع الهادف ... :)
كثر منها ماعاد بدري ...
مستثمره جديده
10-09-2009, 10:15 AM
انا احب بلادي قطر واعشقها مووووت علشان جذيه مارضيت بصوره غير صورة علمنا

وهو يرفرف .. :victory:

شكرا اخوي على الموضوع المعبر ..:)
ضوى
10-09-2009, 03:52 PM
الصور الرمزية عادية حسب الحالة المزاجية تتغير

بالنسبة لصورتي الرمزية فهي لبنت اختي ولاني احبها وهي اصغر واحدة بالعيلة في الوقت الحالي فاحبها واستانس عليها لذلك تكون شاغلة بالي وفكري بالوقت الحالي ونادر ماغير الصور الرمزية لاني مانتبه كثير لهالموضوع بس يوم اختي بعثتها لي ام ام اس هالصورة على طول نزلتها عالجهاز وبتلفوني وبالصورة الرمزية يعني كل مكان القى صورتها احبهااااااااااااا
مسفر2
10-09-2009, 03:59 PM
جعل ربي يطول في عمر صاحب الصورة الي فوق على اليمين

وياليت امه جابت مثله !!

وكل واحد يختار الصوره الي يبي
وشكرآ
بوحارب
10-09-2009, 09:23 PM
انا احط اي صورة تخطر على بالي واخليها من اسبوع ل 20 يوم

وعقب ارجع ادور على صورة احل منها في الديكومنت واغيرها

وتستمر الحياة

رد بسيط بغض النظر عن الأسئلة الزايدة

وربنا يوفئك يختي
جنوب الدوحه
10-09-2009, 09:28 PM
التقنيه نوع من الجنون <<<<< لذالك الصوره الرمزيه تعبر عن ما بـ داخلي



وتقبل المرور :)
بوخالد911
11-09-2009, 03:11 AM
هلووووووو
:nice:

صوررتي تررمز لمنتدى قديم ؛ قد كنتُ عضواً فيه

ومحبب لقلبي
وكنتُ عضواً فيه
ومولعٌ به وفيه لحد الجنون ....

منتدى متخصص بعالم الساتلايت :victory: والدشات :victory: والتشفير :victory:

سواء كروت + أجهزة استقبال ريسيفرات

والله زمن !!
:weeping::weeping::weeping:



1000 شكر لموضوع قد هيّج عما بداخلي !!!


تحياتي قبل أن تجف كلماتي

؛؛؛

مسيوو / بوخالد911
яέέⓜ
14-09-2009, 01:39 AM
استخدم التوقيع...للتعبير عن فكري...وربما بعض من شخصيتي ...:)

وفعلا هناك صور رمزية..ملفتة وتعبر عن العضو نفسه..

يعجبني الشئ المميز...لازلت اذكر صورة لعضو ما في مكان..ما

كان توقيعه صورة لطفل مشوه..........!؟ :(

.......

ودائما هناك ربط بين اختيار العضو للصورة...وبين تفكيره.....!
استغرب احيان...لما عضو عقله كبير......بينما الصورة الرمزية او التوقيع
تعطي انطباع سئ عنه...

ولكن البعض...يختار صور مجرد للفت النظر او لاستفزاز...باقي الاعضاء..
اسلوب طفولي....:)


تحية



كلام في محله
حياج الله اختي
اسعدني تواجدج
яέέⓜ
14-09-2009, 10:34 PM
موضوع حلو منك أختي ماعاد بدري ..

أنا أضع صورة ولدي عبدالله لأنه الولد الوحيد بين أربع بنات ..

وطبعا حبي لهم متساوي عسى ربي يحفظهم ويبارك فيهم

بخصوص السؤال الثاني ..

أحيان ممكن الصوره تعبر عن شخصية العضو او العضوه ومن خلالها أقدر أعرف هل هو كبير أو صغير .. جاد او ضحوك ... عاقل او مخرخش وهكذا ..
بس لابد أن تكون الصوره تعبر نوعا ما عن شخصية العضو

يعطيك الصحه والعافيه على الموضوع الطيب

الله يوفقك وينور دربك ويطول بعمرك ويرضى عليك يارب

كل الشكر والتحيه والتقدير والأحترام مني لك



الله يخليه لك باباتي ويبارك لك فيه وبخواته

كلام جميل
شاكره لك تواجدك
яέέⓜ
15-09-2009, 10:46 PM
ماشاء الله شالموضوع الهادف ... :)
كثر منها ماعاد بدري ...

ومنكم نستفيد المواضيع الهآدفه

منور يا كرستال
яέέⓜ
15-09-2009, 10:47 PM
انا احب بلادي قطر واعشقها مووووت علشان جذيه مارضيت بصوره غير صورة علمنا

وهو يرفرف .. :victory:

شكرا اخوي على الموضوع المعبر ..:)


مستثمره
لاهنتي ع تواجدج في الموضوع
وان شاء الله دايما قطر فوق
яέέⓜ
15-09-2009, 10:47 PM
الصور الرمزية عادية حسب الحالة المزاجية تتغير

بالنسبة لصورتي الرمزية فهي لبنت اختي ولاني احبها وهي اصغر واحدة بالعيلة في الوقت الحالي فاحبها واستانس عليها لذلك تكون شاغلة بالي وفكري بالوقت الحالي ونادر ماغير الصور الرمزية لاني مانتبه كثير لهالموضوع بس يوم اختي بعثتها لي ام ام اس هالصورة على طول نزلتها عالجهاز وبتلفوني وبالصورة الرمزية يعني كل مكان القى صورتها احبهااااااااااااا



الله يخليها يا رب

شاكر لج مرورج
яέέⓜ
15-09-2009, 10:48 PM
جعل ربي يطول في عمر صاحب الصورة الي فوق على اليمين

وياليت امه جابت مثله !!

وكل واحد يختار الصوره الي يبي
وشكرآ



وعمري :)
وعمرك

شاكر لك تواجدك الشيخ
яέέⓜ
15-09-2009, 10:49 PM
انا احط اي صورة تخطر على بالي واخليها من اسبوع ل 20 يوم

وعقب ارجع ادور على صورة احل منها في الديكومنت واغيرها

وتستمر الحياة

رد بسيط بغض النظر عن الأسئلة الزايدة

وربنا يوفئك يختي



انااشوف الديوكمنت اللي عندك مافيه الا 3 صور
العراوي
الكرك
وهذاك الفيس اللي توحموا عليه نص البنات اللي بالمنتدى
هههههههههههههههه

شاكر لك تواجدك الكركوكي
яέέⓜ
15-09-2009, 10:50 PM
هلووووووو
:nice:

صوررتي تررمز لمنتدى قديم ؛ قد كنتُ عضواً فيه

ومحبب لقلبي
وكنتُ عضواً فيه
ومولعٌ به وفيه لحد الجنون ....

منتدى متخصص بعالم الساتلايت :victory: والدشات :victory: والتشفير :victory:

سواء كروت + أجهزة استقبال ريسيفرات

والله زمن !!
:weeping::weeping::weeping:



1000 شكر لموضوع قد هيّج عما بداخلي !!!


تحياتي قبل أن تجف كلماتي

؛؛؛

مسيوو / بوخالد911









سؤال خطير...
وش كان نك نيمك هناك
يمكن اعرفه
بوخالد911
18-09-2009, 04:01 AM
سؤال خطير...
وش كان نك نيمك هناك
يمكن اعرفه




نوووو:nono::nono::nono:



يا خطيييرة انتي !!!

:nop::nop::nop::nop:
بنت ذياب
18-09-2009, 04:12 AM
انا حاطه صورة ارنوب خخخ

وكنت حاطه قبل صورة بنت لامه دبدوب

وقبلها صورة بنوته معاها ورده

يعني اشيا بنوتيه .. عاديه ,

ماحس لها معنى او شي يدل على شخصيتي

ولا انتي شرايج :con2: ??
هذلان
18-09-2009, 04:30 AM
بصراحه انا تعقدت من الي يكلموني على اني بنت .

دخلت النت ادور شي يوضح،، مالقيت الا الصوره الي يحطونها قدام حمام الرجال اعزكم الله :) ضفت عليها ميل . ههههه و للحين فيه ناس تكلمني على اني بنت :rolleyes2:
بالنسبه للتوقيع فعلا انا احب البر و شبت الضو و الطباخ و النفاخ في البر عشان هالشي حطيت هالتوقيع .

مشكور على الموضوع الخفيف الجميل الرشيق :nice:
яέέⓜ
19-09-2009, 01:15 PM
انا حاطه صورة ارنوب خخخ

وكنت حاطه قبل صورة بنت لامه دبدوب

وقبلها صورة بنوته معاها ورده

يعني اشيا بنوتيه .. عاديه ,

ماحس لها معنى او شي يدل على شخصيتي

ولا انتي شرايج :con2: ??

هههههههههه
خلي رايي بيني وبين نفسي
خخخخخ
تسلمين ع الاطلاله المميزه
яέέⓜ
25-09-2009, 09:18 AM
بصراحه انا تعقدت من الي يكلموني على اني بنت .

دخلت النت ادور شي يوضح،، مالقيت الا الصوره الي يحطونها قدام حمام الرجال اعزكم الله :) ضفت عليها ميل . ههههه و للحين فيه ناس تكلمني على اني بنت :rolleyes2:
بالنسبه للتوقيع فعلا انا احب البر و شبت الضو و الطباخ و النفاخ في البر عشان هالشي حطيت هالتوقيع .

مشكور على الموضوع الخفيف الجميل الرشيق :nice:

هذلان..نورتي الصفحه
ههههههههههههه


هلابك الشيخ لاهنت ع تواجدك
صورتك الرمزيه تدل على جنسك
والتوقيع ع الهوايه...صح جذي؟
ناصر العمادي
26-09-2009, 09:10 PM
مبرووووووووك النك الجديد

بس القديم أحلى << رأيي الشخصي

هذا أحسه لغز او لوغارتمات مب مفهوم

يعطيج خيره ويكفيج شره أن شاء الله :nice:
ريم قطر
26-09-2009, 10:17 PM
انا احب واعشق الخيل
كل الصور اللي حطيتها وبحطها خيووووووووول وبس
تسلمييييين موضوع حلو
سداوي&مدريدي
26-09-2009, 10:27 PM
ما شاء الله أختي яέέⓜ ماعادبدري سابقا موضوع مميز :nice:

ممكن اترجمين لي نكج яέέⓜ :eek5:

بالنسبه لي اخترت صورتي الرمزيه لاني أعشق بلادي قطر

http://qatarshares.com/vb/image.php?u=18418&dateline=1205055402

هذي قطر تاجـ(ن) على روس الأوطان ~ :victory:

شكرا على الموضوع الحلو :nice:
بوعلي2
27-09-2009, 12:00 AM
اكثر شي احط صورة طيور لان لي علاقه بهم من جميع النواحي كأسم وتربيه


واحب انوع مرات احط صور تضحك ومرات طيور


شكرا للموضوع
яέέⓜ
27-09-2009, 12:49 AM
مبرووووووووك النك الجديد

بس القديم أحلى << رأيي الشخصي

هذا أحسه لغز او لوغارتمات مب مفهوم

يعطيج خيره ويكفيج شره أن شاء الله :nice:

باباتي
انت واحد من الاثنين

يانك اداري متخفي او انك ساحر:shy:
ورايي بعد مثل رايك
هذا اصعب صح محد يقدر يدخل بنكي بعدين
حركاااات:victory:
яέέⓜ
27-09-2009, 12:51 AM
ما شاء الله أختي яέέⓜ ماعادبدري سابقا موضوع مميز :nice:

ممكن اترجمين لي نكج яέέⓜ :eek5:

بالنسبه لي اخترت صورتي الرمزيه لاني أعشق بلادي قطر

http://qatarshares.com/vb/image.php?u=18418&dateline=1205055402

هذي قطر تاجـ(ن) على روس الأوطان ~ :victory:

شكرا على الموضوع الحلو :nice:

هلا بك اخوي العزيز سداوي...
وملون بعد النكات يانت فضيحه:rolleyes2:
هههههههههه

نورت الصفحه والموضوع كله:shy:
والله يديم عز بلادي
яέέⓜ
27-09-2009, 12:53 AM
اكثر شي احط صورة طيور لان لي علاقه بهم من جميع النواحي كأسم وتربيه


واحب انوع مرات احط صور تضحك ومرات طيور


شكرا للموضوع

يعني يوم رد سداوي انت رديت؟:eek5:
بطوفها لك هالمره
خلني احزر وافزر
اسمك
شاهين -صقر-بلبل؛؛؛<<كثري منها:shy:

نورت الموضوع شاكره لك هالتواجد
яέέⓜ
27-09-2009, 12:54 AM
انا احب واعشق الخيل
كل الصور اللي حطيتها وبحطها خيووووووووول وبس
تسلمييييين موضوع حلو



هلا بج اختي
الخيول عشق لاينتهي ويحق لج تحطينهم
شاكره لج تواجدج بالموضوع
ناصر العمادي
27-09-2009, 12:55 AM
باباتي
انت واحد من الاثنين

يانك اداري متخفي او انك ساحر:shy:
ورايي بعد مثل رايك
هذا اصعب صح محد يقدر يدخل بنكي بعدين
حركاااات:victory:

هههههههههههههههههههههه ليش ساحر او واحد من الأداره متخفي ..أنتي غيرتي النك وتركتي موضوعج وانا مشارك فيه وأعرف لمن الموضوع يعني عادي راح أعرف :tease:
عموما مبروووك النك الغريب :secret:
الحين مافي أمل نقول أسمج ..:nice::nice:
яέέⓜ
27-09-2009, 01:04 AM
هههههههههههههههههههههه ليش ساحر او واحد من الأداره متخفي ..أنتي غيرتي النك وتركتي موضوعج وانا مشارك فيه وأعرف لمن الموضوع يعني عادي راح أعرف :tease:
عموما مبروووك النك الغريب :secret:
الحين مافي أمل نقول أسمج ..:nice::nice:

دوم تحب تشارك الناس بعلوماتك القيمه:shy:
ههههههههههههه الله يسلمك لاتقول اسمي يكفي تقول حجيه:shy:
ناصر العمادي
27-09-2009, 01:20 AM
دوم تحب تشارك الناس بعلوماتك القيمه:shy:
ههههههههههههه الله يسلمك لاتقول اسمي يكفي تقول حجيه:shy:

ههههههههههههههه أن شاء الله حجيه :nice:

كان المفروض تتركين موضوعج يروح الصفحه الثالثه وبعدين تغيرين النك .. << تعلمي من أبوج للمستقبل :nice::nice:
яέέⓜ
27-09-2009, 01:37 AM
ههههههههههههههه أن شاء الله حجيه :nice:

كان المفروض تتركين موضوعج يروح الصفحه الثالثه وبعدين تغيرين النك .. << تعلمي من أبوج للمستقبل :nice::nice:

محد يوصل مواصيلك
للعلم انا رديت الموضوع
ورفعته:victory:
The Master
27-09-2009, 03:09 AM
اسمك ريييم صح؟؟ (يعني واحد لقافه ومسوي نفسه فاهم وصايد السالفه احم)
ريم صح؟ ريم صح؟ ريم صح؟ (اقول سندرتنا فج بس..تحس بزر يعرف الجواب وواقف على راسك وعند اذنك..ويحن...تخيل احم)

يعطيك العافيه خيتو على الموضوع الفضولي....
شي طبيعي الصورة تعبر عن مابداخل الشخص
لان الشخص لما ينقي صورة يختار شي يحبه هو ويتمنى تعجب الناس وتكون شي طبيعي تلقائيا تعبر عن ما بداخله ايا كان...

بس انا حاط صورة النار اللي انا مصورها يعني بس كذا (وش الفايده من العشر سطور اللي كاتبها فوق تشرح؟؟ احم)
اختياري يعبر عن صورة صورتها واعجبتني واتمنى تعجبكم...واوريكم اني اعرف اصور(يعني هياط عادي سهالات)

والتوقيع نفس الحال....توجهي وفكري...

ولاهنتي على الموضوع
ريم صح؟ ريم صح؟ ريم صح؟ (سنداااااااااااااااااااااااارة احم)
ناصر العمادي
28-09-2009, 02:45 PM
اسمك ريييم صح؟؟ (يعني واحد لقافه ومسوي نفسه فاهم وصايد السالفه احم)
ريم صح؟ ريم صح؟ ريم صح؟ (اقول سندرتنا فج بس..تحس بزر يعرف الجواب وواقف على راسك وعند اذنك..ويحن...تخيل احم)

يعطيك العافيه خيتو على الموضوع الفضولي....
شي طبيعي الصورة تعبر عن مابداخل الشخص
لان الشخص لما ينقي صورة يختار شي يحبه هو ويتمنى تعجب الناس وتكون شي طبيعي تلقائيا تعبر عن ما بداخله ايا كان...

بس انا حاط صورة النار اللي انا مصورها يعني بس كذا (وش الفايده من العشر سطور اللي كاتبها فوق تشرح؟؟ احم)
اختياري يعبر عن صورة صورتها واعجبتني واتمنى تعجبكم...واوريكم اني اعرف اصور(يعني هياط عادي سهالات)

والتوقيع نفس الحال....توجهي وفكري...

ولاهنتي على الموضوع
ريم صح؟ ريم صح؟ ريم صح؟ (سنداااااااااااااااااااااااارة احم)

أرحم حالك بس ..:tease::tease::tease:

بصراحه ردك عجيب ذبحت البنت بحنتك ..:secret:

أقول حجيه .. كلام عليان صح << يعني أسمج ريم ولا لا ..escape