بنك الريان بنك خليجي

[tiger123]

http://www.qatarshares.com/vb/showthread.php?t=29459

السلام عليكم ورحمة الله وبركاته

قبل قراءة موضوعي ارجو قراءة الرابط في الأعلى وقراءة ردود بعض الأخوة المحسوبين على قطر هداهم الله .

بالنسبة لمصرف الريان فيعتبر بنك خليجي وليس قطري لأن المؤسسين هم مجموعة من رجال الأعمال الخليجييين فمن هذا المنطلق يكون لي الحق كخليجي بلأكتتاب في هذا المصرف فليس

ملكاً لأحد انما هو مشاركة بين ابناء الخليج واختيرت قطر مقراً له فليس معنى ان يكون المقر في قطر ان يكون البنك قطري خالص .

فليس لأحد منة

[البدر]

للاسف ردود بعض الاخوان قويه شوي واعتقد بانه ردة فعل طبيعيه لعتب وتذمر الكثير من الاخوان الخليجين وانا احدهم في مماحصل من اللخبطه اخر ايام اكتتاب الريان لكن ماشاء الله اخذتو يالقطريين نصيب الاسد ووضعتو لنا 82 مليون تداحمنا عليها وبعضنا تحصل على راسه بالهروات من العسكر ورجع مااكتتب والبعض الاخر دبر نفسه واخيرا اقول لكم شكرا قطر حكومة وشعبا وعلى راسهم ابو مشعل الله يحفظه

[بنت قطر]

وانتي اخوي ليش امعصب؟

حد منا القطريين ناقشكم او قال لكم ليش ما تفتحون اكتتاباتكم في بلادكم حق كل الخليجين؟

طبعا لا.. نفس الحال اخوي .. احنا

وبعدين فعلاً احنا محتاجين الخليجين في بورصتنا .. بس لتعزيزها لأن لهم خبره في البورصه اكثر منا

ام اذا فتحنا لهم المجال في الأكتتبات فعلاً راحت علينا .. لأن ما حد راح ينظلم في السالفه إلا احنا

احنا كم عددنا؟ مجرد 200 الف نسمه .. والخليج كم؟

هل تعتقد ان راح اتكون الحسبه في صالحنا؟

والبنك في الأصل بنك قطري بشراكه خليجيه لتعزيزه وتقويته ..
لمعلوماتك بس .. وليس كما تتدعي اخوي ..

[بنت قطر]

واحنا اسفين اخوي البدر .. فعلاً انا منحرجه من كل خليجي.. ما حصلتو معنى الضيافه القطريه فعلاً .. لتقصير البعض ..

امكن لقلة خبرتهم في استضافت هذي الكميه من الناس ..

وهذي بلادكم الثانيه اخوي ومتى ما حبيتو ترجعون لها .. بتلقونها فاتحها لكم ايدنها تستقبلكم وترحب بكم ..
واحنا خليج واحد ومن عرق واحد ودم واحد ودين واحد في الأخير ..

ام ان احنا خذنا نصيب الأسد .. فهذا من حقنا .. لأنه بنك قطري في الأصل وليس خليجي ..

فهل اتشوف فيه ظلم يعني؟

[qatari1]

http://www.qatarshares.com/vb/showthread.php?t=29459

السلام عليكم ورحمة الله وبركاته

قبل قراءة موضوعي ارجو قراءة الرابط في الأعلى وقراءة ردود بعض الأخوة المحسوبين على قطر هداهم الله .

بالنسبة لمصرف الريان فيعتبر بنك خليجي وليس قطري لأن المؤسسين هم مجموعة من رجال الأعمال الخليجييين فمن هذا المنطلق يكون لي الحق كخليجي بلأكتتاب في هذا المصرف فليس

ملكاً لأحد انما هو مشاركة بين ابناء الخليج واختيرت قطر مقراً له فليس معنى ان يكون المقر في قطر ان يكون البنك قطري خالص .

فليس لأحد منة

أخي الكريم...
السلام عليكم ورحمة الله وبركاته...
حسب ما ورد في نشرة الإصدار الخاصة بمصرف الريان، فإن نصيب القطريين سواء الأفراد الطبيعيين أو الاعتباريين هو 80% من رأس مال البنك...ونسبة الخليجيين هي 20%.
فكان من الطبيعي أن يكون نصيب القطريين والخليجيين بنفس نسبة المؤسسين .
كما أن مقر البنك الرئيس هو مدينة الدوحة في دولة قطر.

[كش ملك!!]

خليجي ولا قطري كلنا واحد :deal:

[N7eEeS]

السلام عليكم :)

البنك قطري وهو شركة مساهمة عامة قطرية صدر بموافقة مجلس الوزراء ولايعني دخول مؤسسين خليجيين في البنك انه يصبح خليجي ، مسألة بعض الردود ذي عقليات شوي عندنا تعصب ومش في مجتمعنا موجوده في كافة المجتمعات بس ماتعكس بشكل عام وجهة نظر القطريين :) واسمحوا لنا على القصور :)

[محمد2]

السلام عليكم :)

البنك قطري وهو شركة مساهمة عامة قطرية صدر بموافقة مجلس الوزراء ولايعني دخول مؤسسين خليجيين في البنك انه يصبح خليجي ، مسألة بعض الردود ذي عقليات شوي عندنا تعصب ومش في مجتمعنا موجوده في كافة المجتمعات بس ماتعكس بشكل عام وجهة نظر القطريين :) واسمحوا لنا على القصور :)


والله صدقت خوي البنك قطري 100% 0

بس ما أدري ليش خلوه المؤسسين الخليجين يشاركون في التأسيس 0 :con2: :con2: :con2:

هل لأن القطريين ما عندهم راس المال يغطي 0 ( ما أعتقد ) :anger1: :anger1: :anger1:

لو مخليين المؤسسين كله قطريين حتى ألأكتتاب 0( خاصة ان البنك اسلامي والكل يحب يكون من المؤسسين ومن المكتتبين ) :anger2: :anger2: :anger2: 0

وانا أولهم :app: :app: :app: :app: :app: :app: ]

[البدر]

اختي بنت قطر مافيه ظلم وتستاهلون كل خير يااهل قطر اخيN7eEeS ماجرى قصور اما اخي محمد 2 ماراح الي 20% لخمس دول الطمع شين وعند اخوانك كنها عندك وكثير من الدول الخليجيه تقوم بنفس الطريقه وهذا البنك الاسلامي البحريني الله يقويك ساهم فيه بداية الاكتتاب 5 فبراير

[المخلب]

ياجماعه ليش شايلين على بعض !

كلنا اهل ديره وحده

واذا الاكتتاب بقطر يعني شنو !

حياكم الله الديره ديرتكم

ولا يزعلكم كلام واحد او اثنين منشقيين عن الصفوف القطرييه!

وبعدين الاكتتاب حسب اخر الاخبار راح تكون للخليجيين في قطر او في بلادهم يعني البيت بيتك

تبي في الدوحه حياك الله تبي في بلادك هم بعد نقولك حياك الله

ومانبي الزعل يبيين على وجيه اخوانا اهل الخليج !

تحياتي لكم اخوكم المخلب

[سلطان زماني]

مساكم الله بالخير البنك قطرى وما قصرتوا واللى راح راح والجاى احلا بكثير

وفديتج يا قطر وانا كويتى

[هيثم]

تعوذوا من الشيطان يا شباب

كلنا من ديرة وحدة

وارفع رأسك إنت خليجي

[حمود قطر]

لحظة لحظة


يالطيب من اللي قال لك انه بنك الريان خليجي ؟؟؟؟؟؟؟؟؟؟؟؟

من وين لك هالاخبار ؟؟؟؟؟؟؟

البنك قطري 100 % بس المشاركة خليجية من المؤسسين والمواطنين الخليجيين

تدري ليش ؟؟؟؟؟؟؟؟؟

احنا اهل قطر عندنا انتماء خليجي من كنا صغار ولين الحين دولتنا الحبيبه تسعى الى الوحده الخليجية

وارجو انك تبعد عنك التعصب

وكلنا خليجيين و حبايب

واتمنى انه انشوفكم تفتحون الاكتتاب حق الخليجيين ........................ :con2:

[لاداعي]

:court: :court: بس خلاص خليجنا وااااااحد

[محمد2]

اما اخي محمد 2 ماراح الي 20% لخمس دول الطمع شين وعند اخوانك كنها عندك وكثير من الدول الخليجيه تقوم بنفس الطريقه وهذا البنك الاسلامي البحريني الله يقويك ساهم فيه بداية الاكتتاب 5 فبراير

يا اخ بدر ( مب من طبعي اطلع فلوسي برع ديرتي ) واذا ألأكتتابات في الدول الخليجية فيها خير 0 ما شفت هاالضرب والمضارب من اخوانا الخليجيين للأكتتاب في شركاتنا 0 ؟؟؟؟؟؟؟؟؟ :con2: :con2: :con2: :

[ابو فهد]

تعوذوا من الشيطان يا شباب
كلنا من ديرة وحدة
وارفع رأسك إنت خليجي


فديت كلامك الحلو ،،، عسسسسسسسسسسسسسل
يا حبي لهذا الكلام ....

اقول و اعيد واقول ....
ارفع رأسك إنت خليجي ( فديت الخليج كله )
فديت ( قطر - حبي الاول )


تهاوشو على البنك و الارزاق موزعة منتهية --- الله يهديكم بس