المساعد الشخصي الرقمي

مشاهدة النسخة كاملة : الاستثمار في البورصة


bntqtr
10-09-2009, 02:26 PM
السلام عليكم ورحمة الله وبركاته

انا احتاج مساعدتكم انا عندي مبلغ يعني 80 الف وحاطته بالاسهم يعني ربحي مو وايد بس يعني اهم شي يزيد ما يقل وعلي ديون شقد بس ابي استثمرها الاستثمار الصحيح بالاسهم علشان افتك من الدين بطريقة المضاربة اليومية انا حاولت بس ما اشوفها تجيب لي شي محرز لانه المبلغ شوي وبليز ما بي حد يقولي لا تدخلين البورصة انا خلاص دخلت ومستخيرة ومقتنعه

اتمنى انكم تفيدوني

ومشكوووورين
ANONYMOUS
10-09-2009, 05:22 PM
اهم شي يلعب الحظ الحلو دور معاج
bntqtr
11-09-2009, 12:51 PM
الحظ مو كل شي الانسان هو اللي يصنع حظه

انا هالشيء مؤمنه فيه
عبدالرحمن
11-09-2009, 01:30 PM
الحظ مو كل شي الانسان هو اللي يصنع حظه

انا هالشيء مؤمنه فيه

شكسبير
alhurmsi
11-09-2009, 08:54 PM
انا من رايي اسحبي 80 الف من البورصة وسددي جزء من الدين وسوي اعادة جدولة للدين وزيدي من قيمة القسط الشهري للدين وقللي من التكاليف والمصروفات ...... لأن البورصة يبيلها وقت وزمن لين تعرفين المضاربة ولا تعتمدين ع الحظ لانه في اغلب الاوقات ما يصيب ... وبالتوفيق ...
هدهد سليمان
11-09-2009, 10:02 PM
ما ادري عندك خلفيه عن سوق النفط؟ على كل حال اختي جربي اول شي تنزيل برنامج PLUS 500 وعقب شغلي البرنامج على المال التجريبي وطبعا السوق راح يكون لايف مب تجريبي طبعا لكن المال فقط تجريبي وجربي نفسك في هالمجال طبعا الشاشه سهلة جدا التعامل بها طبعا عندك امرين امر شراء وامر عاجل . . امر الشراء هو شراء السلع بالسعر المحدد او اللي انتي تحددينه والبيع نفس الشي يعني نفس النقاط تقريبا .. والعاجل هو شراء السلعه من اعلى سعر والبيع عند النزول يعني كل ما انخفض السعر كل ما زاد ربحك العمليه يبيلها تكتيك شوي لكن عن نفسي مثل ما قلت في موضوعي اني ربحت من 20 دولار الى 50 دولار خلال يوم تقريبا طبعا هالمبلغ فعلي وكان عن طريق الشركه نفسه عقب ما فهمت طريقة السوق عندهم وهي شركه آمنه على حسب تقرير احد الشركات الأمنيه وايضا شركه مراقبه دوليا وحاليا راح ابتدي معهم عن طريق نظام الفيزا .. طبعا الفيزا اللي انا اعبيها مب الفيزا العاديه حتى اضمن ما يصير لي نصب او اي شي آخر .. وإن شاء الله بعد بكره باروح بنكي واتأكد من نظام الفيزا الخاصه بالنت وراح ابتدي في البدايه مبلغ 500 دولار اشوف شلون نظام الشركه وهذا كل اللي عندي :nice:
خليفـة
11-09-2009, 10:20 PM
احتمال اختي انج تكونين دخلتي البورصة في الوقت الصحيح
ولكن
لو بدأ السوق بالتراجع .. حطي لنفسج سقف سعري لأسهمج الي ربحتي فيها .. وبمجرد تلاقين القيمة نزلت لهذا السعر .. بيعي على طول واطلعي بالجزء المتبقي من الربح .

لانها حصلت للكثير ان يشتري شخص اسهم .. وترتفع في العلالي .. وبسبب الطمع ما يبيع .. ويظل منتظر على أمل تحقيق أرباح اكبر .. وبعدها تنزل قيمة اسهمه وتنزل وتنزل حتى تصل لسعر شرائة .. ويظل على أمل انها ستعود .
وعقبها تلاقين الاسهم بدأت رحلة مشوار الخسارة والنزول اكثر .
بعضهم يفقدون الامل ويبيعون بخسارة .
وبعضهم يظلون متمسكين بأسهمهم .
والعامل المشترك بين المجموعتين : ان المجموعتين خسرانين كل الارباح الي تحققت لهم ولم يأخذوها في الوقت المناسب .

موفقة ان شاء الله اختي
مالكم أمل
الكونكورد
11-09-2009, 10:24 PM
اخي العزيز هدهد سليمان
كل عام وانتم بخير

احببت ان اسئل عن شرعية مجال النفط......هل استفتيت شيخ....؟؟؟
اذا كان نعم اتمنى انك تضع لنا الفتوى.....لاني حاب اعمل في هذا المجال
لكن المشكلة اعتقد فية محاذير كثير........؟؟؟؟

فياليت انت اوحد الاخوة اللي عندة تجربة يقول لنا

شكرا
ANONYMOUS
12-09-2009, 03:14 PM
الحظ مو كل شي الانسان هو اللي يصنع حظه

انا هالشيء مؤمنه فيه

انا كنت قاصد بالحظ.. هو ارادة رب العالمين.. في النجاح او الخساره

كنت حاب اوضع لج حد .. بحيث لايشطح خيالج في الثراء

بس من الواضح انج ضاربه بالحائط خبرات السنين اللي انا قضيتها بالبورصه :shy:

اذا ربحتي.. انا بكون اول واحد يفرح لج..

واذا خسرتي.. تذكري كلامي

سلام عليكم
bntqtr
13-09-2009, 01:12 PM
انا كنت قاصد بالحظ.. هو ارادة رب العالمين.. في النجاح او الخساره

كنت حاب اوضع لج حد .. بحيث لايشطح خيالج في الثراء

بس من الواضح انج ضاربه بالحائط خبرات السنين اللي انا قضيتها بالبورصه :shy:

اذا ربحتي.. انا بكون اول واحد يفرح لج..

واذا خسرتي.. تذكري كلامي

سلام عليكم


ههههههههههههه
سويتني طماعه لا انا حاطة الموضوع علشان استفيد من الناس اللي مجربين وبس
ANONYMOUS
13-09-2009, 04:20 PM
ههههههههههههه
سويتني طماعه لا انا حاطة الموضوع علشان استفيد من الناس اللي مجربين وبس


ههههههههه لا .. ماقلت طماعه.. وكل واحد فينا يتمنى يعيش مرتاح ماديا.. وهذا حق مشروع للجميع..

الله يوفقج انشالله