تسجيل الدخول

مشاهدة النسخة كاملة : :::حركات التفهي في رمضان:::الاحم الرابع::قبل الاخير...


The Master
10-09-2009, 07:09 PM
احم احم ثم احم

قبل لا ابتدي الاحم الرابع.....

قليل ما اتنرفز..لكن اذا تنرفزت يكون على شي غلط..

في موضوع استغربت منه...العنوان والموضوع والهدف..كله تحت اسم "فاضي ومجرد شات"
ولما تشوف الموضوع تعين مشاركات واجد ومشاهدين واجد...ولما تدخل...ماتشوف الا كلام فاضي وشات...وطنازة...وتنابز بالالقاب...

واللي تفهمه من هالموضوع...
عدد المشاركات والمشاهدين مش معيار لنجاح الموضوع
في كم عضو بالرغم من وجود مشاركات رائعه لهم مع ذلك ينجرفون لكذا مواضيع فاضيه...يابالفيت تضحك؟؟ وهي استهزاء بالاخر..والهدف...كسب اثام..وانعدام الاحترام..

حنا في رمضان..على الاقل امسك لسانك..
هداهم الله

على العموم كانت هذي مجرد كلمة...حبيت اقولها
وفي كل حال يبقى راي انا..

نرجع لموضوعنا

طبعا مثل كل مرة نحط رابط حركات التفهي في رمضان السابقة..الاول والثاني والثالث


::حركاااات التفهي في رمضان:: احم (http://www.qatarshares.com/vb/showthread.php?t=292164)


::حركات التفهي في رمضان::الاحم الثاني (http://www.qatarshares.com/vb/showthread.php?t=292925)


::: حركات التفهي في رمضان:::الاحم الثالث::new (http://www.qatarshares.com/vb/showthread.php?t=296406)



كنت ناوي انزل هالموضوع مع الوييك اند هذا بس استعجلته على اساس هدف هالموضوع والتعجيل به

الساعه 9 بالليل...
قاعد في الصالة....ملل....التلفزيون مافيه شي غير برامج سخيفة...تنرفز....تطير فلوس...وناس تموت ماتلقى شي تاكله...
وين تروح وين تروح....نحوس بالسيارة ولا نروح حق الربع...بس وين الربع مايجتمعون الا الساعه 11 بالليل....راح القهوة يشيش...ويضيع وقت...

الساعه 11 بالليل
يالله حيهم...اخبار علوم...حياك حياك...ها وش عندكم...نلعب كوت بو6....اوب اوب..ترتيب...
وناقصين واحد...بس يالله افصخ الغترة...وتربع...طبعا اللعب هواش وصراخ ومزاعق...وتنرفز...وغش....واشارات..واخرتها كلن يزعل عالثاني..على لعبة ورق

الساعه 1 بالليل...الله اكبر...اوه صوت وشو هذا؟؟....اي اي اليوم اول ايام العشر الاواخر...يصلون القيام....لاااا..اها...سكر الباب ماعليك امر...لان مطولين على التلفزيون وهم بعد مانبغي صوتنا يطلع يزعج الناس اللي بره....


نفس حال صاحبنا بس هذي بنت قاعده...بالبيت...تفرفر في التلفزيون...من مسلسل لمسلسل..من قناة لقناة...من موقع نت لموقع نت...سمعت الناس تصلي القيام...اي اي بس تخلص هالحلقة وباروح اصلي...شوي والا مسلسل ثاني على قناة ثانيه...اي مو مشكله في وقت باقي للصلاة تو الليل....لحد ما يصلون الوتر...وهي قاعده مع التلفزيون والنت...
ويمكن نامت وهي تفرفر...

نفس صاحبنا بس راح المسجد...الله اكبر...
بااااال ياخي يطول هالشيخ....متى بيخلص...رجولي تعورني...اخ ظهري يعورني..بطني يعورني ابغي الحمام(وانتوا بكرامه)...صوته تعبان ماقدر اخشع....حر في المسجد.....باروح البيت اكمل الصلاة...اي اي صح وهم بعد عشان اكمل كم جزء من القرآن..
ولراح البيت...انشغل مع اي شي...لحد ماجا السحور...وهو ماصلى الوتر حتى....

وخذ على هالحال....طول الايام...العشر الاخيرة...اللي منها ليلة القدر...خير من الف شهر لمن احسن عبادته فيها لله سبحانه..
وهي من الايام اللي يعتكف فيها الرسول عليه الصلاة والسلام ...تخيلوا هذا الرسول اللي ربي غفر له ماتقدم من ذنبه وماتاخر...فما بالكم حنا...اللي ذنوبنا مايدري عنها غير ربي سبحانه...
فا الهمه الهمه يا اخواني وخواتي...وعسى ربي يعينكم على قيام العشر يارب,,,
ولو فكرتوا فيها...مجرد ساعة او ساعتين...وتكسب اجر 1000 شهر قدام...فكر وتدبر وخل عنك اللعبة والصحبة الفاسدة


ماقدرت اضيف شي يجيب الابتسامه في الموضوع...
اولا... لانه موضوع جاد
وثانيا...متنرفز من الموضوع اللي نوهت عنه في بداية كلامي...هداهم الله

على العموم اتمنى انكم تستفيدون من هالموضوع
وانتظر ارائكم

وانتظروا الخامس والاخير قبل العيد ان شاء الله..

لاهنتوا على تواجدكم
والسموحة ان كان في قصور
المهاجر
10-09-2009, 07:16 PM
اخوي العزيز عليان

اصبت,,, واصبت,,, واصبت

موضوع مميز كعادتك دائما,, بالفعل كما ذكرت وصدقت في كل حرف كتبته

الله يهدينا جميعا ويوفقنا لما يحبه ويرضاه

كذلك ما طرحته في بدايتة موضوعك واللذي نرفزك فهو ينرفزنا نحن كذلك


جزاك الله خير وبارك الله فيك وجعله في ميزان حسناتك

تقبل تقديري
شكشوكه
10-09-2009, 07:32 PM
الله يعطيك العافيه عليان على الموضوع
فعلا العشر الأواخر فرصه لاتعوض الواحد لازم يستغلها
الله يجزاك خير على التذكير وطبعا كالعاده مواضيعك متألقه
تقبل مروري
The Master
10-09-2009, 07:36 PM
اخوي العزيز عليان

اصبت,,, واصبت,,, واصبت

موضوع مميز كعادتك دائما,, بالفعل كما ذكرت وصدقت في كل حرف كتبته

الله يهدينا جميعا ويوفقنا لما يحبه ويرضاه

كذلك ما طرحته في بدايتة موضوعك واللذي نرفزك فهو ينرفزنا نحن كذلك


جزاك الله خير وبارك الله فيك وجعله في ميزان حسناتك

تقبل تقديري

هلا ومرحب بالشيخ المهاجر...

اولا ...الحمدلله على السلامة...وسلامة الاسفار...

اشكرك على تواجدك وحضورك واللي بصدق يفرحني ويسعدني...انت واخوي بوعبدالله..وعسى ربي لا يريكم مكروه ابد

الله يسمع منك ويوفقنا يارب..

وعن الموضوع...صحيح ان الضحك طيب ويغير الروتين وجميل...ويسعد القلب...لكن في حدود...
والله يهديهم ويهدينا...

وجزاك الله خير وفيك بارك يارب...اجمعين يارب...

لاهنت على تواجدك ياخوي...وبيض الله وجهك على كلامك الطيب...وهذا عشمنا فيكم...
ويامرحبا بك اخوي
المهاجر
10-09-2009, 08:16 PM
[font="microsoft sans serif"]

هلا ومرحب بالشيخ المهاجر...

اولا ...الحمدلله على السلامة...وسلامة الاسفار...

اشكرك على تواجدك وحضورك واللي بصدق يفرحني ويسعدني...انت واخوي بوعبدالله..وعسى ربي لا يريكم مكروه ابد

الله يسمع منك ويوفقنا يارب..

وعن الموضوع...صحيح ان الضحك طيب ويغير الروتين وجميل...ويسعد القلب...لكن في حدود...
والله يهديهم ويهدينا...

وجزاك الله خير وفيك بارك يارب...اجمعين يارب...

لاهنت على تواجدك ياخوي...وبيض الله وجهك على كلامك الطيب...وهذا عشمنا فيكم...
ويامرحبا بك اخوي
هلا بك وانت الشيخ ولا عليك زود

الله يسلمك من كل مكروه يالغالي,, ووجهك ابيض,,

تقبل تقديري واحترامي
غزلان
10-09-2009, 11:09 PM
نصيحه بوقتها

الكل غافل وكل يوم الملهيات تزداد من فضائيات الى انترنت الى بلاك بري ووو والأيام تجري كلمح البصر دون ان نشعر نخسر حسنات كاجبااال

الله يهدينا جميعا
The Master
11-09-2009, 12:51 PM
الله يعطيك العافيه عليان على الموضوع
فعلا العشر الأواخر فرصه لاتعوض الواحد لازم يستغلها
الله يجزاك خير على التذكير وطبعا كالعاده مواضيعك متألقه
تقبل مروري

هلا ومرحب ب شكشوكة...
نورتي وشرفتي بتواجدك...
وجزاك الله خير على التعليق الطيب
وبارك الله فيج
ولاهنتي على المرور
ويامرحبا بج
The Master
11-09-2009, 12:53 PM
نصيحه بوقتها

الكل غافل وكل يوم الملهيات تزداد من فضائيات الى انترنت الى بلاك بري ووو والأيام تجري كلمح البصر دون ان نشعر نخسر حسنات كاجبااال

الله يهدينا جميعا

هلا ومرحب ب غزلان
نورتي وشرفتي بتواجدج
واشكرك على التعليق الطيب والاضافة
ويهدينا وياكم يارب
وبارك الله فيج على تواجدك
ولاهنتي
ويامرحبا بج
عزووز قطر
11-09-2009, 01:33 PM
ياشين الشباب اللي يمرون على المسجد وكأنه مايسمع صوت القرآن وهو رايح ومكمل طريقه
ياشباب اغتنمو هالفرصة .. ناس يتمنون الصحة والعافية علشان يركعون ويسجدون وناس عندها هالنعمة ومب عارفة قيمتها
والله يهدي الجميع والله يتقبل طاعتكم
The Master
11-09-2009, 10:21 PM
ياشين الشباب اللي يمرون على المسجد وكأنه مايسمع صوت القرآن وهو رايح ومكمل طريقه
ياشباب اغتنمو هالفرصة .. ناس يتمنون الصحة والعافية علشان يركعون ويسجدون وناس عندها هالنعمة ومب عارفة قيمتها
والله يهدي الجميع والله يتقبل طاعتكم

هلا ومرحب اخوي عزوز قطر
نورت بتواجدك...وكلامك الطيب والاضافة
وصدقت في سالفة الصحة وصدق من قال انها تاج على رؤوس الاصحاء...
عسى ربي يعينا على طاعته ويبلغنا ليلة القدر يارب

لاهنت على الكلام الطيب
ويامرحبا بك
ناصر العمادي
11-09-2009, 10:42 PM
هلا والله بالغالي دوووم مبدع والله بما تطرحه ..
بخصوص المواضيع الغير هادفه وكثرة المشاركات والشات والله صدقت ومعاك حق في كل كلمه قلتها ..
في أعضاء يهمهم عدد المشاركات ومثل هذه المواضيع هوايتهم بكل أسف وتلاقيهم يكتبون كلام فاضي المهم يسولفون ويضحكون ومش مهم الموضوع أيش يكون ..
وأيضا بكل أسف نجد البعض يضع مواضيع حلوه ولكن الموضوع غير متعوب عليه ( منقول ) وشوي ولا تشوف صاحب او صاحبة الموضوع هم من يشجع الأعضاء على الشات لأن يهمهم عدد المشاركات في الموضوع وليس الموضوع نفسه او الأستفاده منه ..

نرجع للموضوع ..
قبل كل شي أقولك جزاك الله كل خير على الموضوع الهادف وفي ميزان حسناتك أن شاء الله ..
والله شي يحز في الخاطر أن أحنا نشوف شبابنا لاهين باللعب والتمشي في المجمعات في أوقات العباده هذه الأوقات التي من الممكن أن لاتعوض أبدا ..
وألوم بالذات الأباء اللي يتهاونون في الصلاه لأن أبنائهم سوف يمشون على مسارهم وبذلك يظلمون أنفسهم ويظلمون أبنائهم في البعد عن العباده ..
الغريب أن عندهم 11 شهر للعب ويستكثرون عبادة شهر ..
الدنيا لم تجعل للعب واللهو بل للأجتهاد بالعمل والعباده ولكن بكل أسف هناك الكثير غافلين عن الأخره والعقاب ..
نسأل الله الهدايه للجميع ..اللهم آمين

أخوي الغالي عليان ..
بارك الله فيك وكثر الله من أمثالك

عسى ربي يعطيك على قد نيتك ويرزقك الجنه ونعيمها أن شاء الله

تقبل مني أجمل تحيه وتقدير وأحترام
سداوي&مدريدي
12-09-2009, 12:01 AM
أحــــم

ما شاء الله عليك اخوي "AliAn" أسلوبك جميل وممتع في طرح المواضيع

والله يالغالي انت ماخليت لنا شي انقوله ما شاء الله قلت كل شي

وفعلا هذا الواقع

وانا مثل ماوعدتك أخوي أحم أقصد أخوي "AliAn"

قريت الأحم الأول والثاني والثالث والرابع وباقي الأحم الأخير

مواضيعك كلها في الصميم :victory:

جزاك الله خير أخوي "AliAn"

تقبل تحياتي :nice:
امل الحب
12-09-2009, 05:38 AM
جزاااك الله خير وبارك الله فيك على هذي النصيحة ..

والله يهدي الجميع ان شاء الله
The Master
12-09-2009, 12:46 PM
هلا والله بالغالي دوووم مبدع والله بما تطرحه ..
بخصوص المواضيع الغير هادفه وكثرة المشاركات والشات والله صدقت ومعاك حق في كل كلمه قلتها ..
في أعضاء يهمهم عدد المشاركات ومثل هذه المواضيع هوايتهم بكل أسف وتلاقيهم يكتبون كلام فاضي المهم يسولفون ويضحكون ومش مهم الموضوع أيش يكون ..
وأيضا بكل أسف نجد البعض يضع مواضيع حلوه ولكن الموضوع غير متعوب عليه ( منقول ) وشوي ولا تشوف صاحب او صاحبة الموضوع هم من يشجع الأعضاء على الشات لأن يهمهم عدد المشاركات في الموضوع وليس الموضوع نفسه او الأستفاده منه ..

نرجع للموضوع ..
قبل كل شي أقولك جزاك الله كل خير على الموضوع الهادف وفي ميزان حسناتك أن شاء الله ..
والله شي يحز في الخاطر أن أحنا نشوف شبابنا لاهين باللعب والتمشي في المجمعات في أوقات العباده هذه الأوقات التي من الممكن أن لاتعوض أبدا ..
وألوم بالذات الأباء اللي يتهاونون في الصلاه لأن أبنائهم سوف يمشون على مسارهم وبذلك يظلمون أنفسهم ويظلمون أبنائهم في البعد عن العباده ..
الغريب أن عندهم 11 شهر للعب ويستكثرون عبادة شهر ..
الدنيا لم تجعل للعب واللهو بل للأجتهاد بالعمل والعباده ولكن بكل أسف هناك الكثير غافلين عن الأخره والعقاب ..
نسأل الله الهدايه للجميع ..اللهم آمين

أخوي الغالي عليان ..
بارك الله فيك وكثر الله من أمثالك

عسى ربي يعطيك على قد نيتك ويرزقك الجنه ونعيمها أن شاء الله

تقبل مني أجمل تحيه وتقدير وأحترام

يالله حيهم الشيخ بوعبدالله
ياخوي كل ما اشوف ردك اتحمس...ياخي انت عجيب
اشكرك على طرح وجهة نظرك اتجاه من اهتمامه الشات
والله يهديهم يارب...ولازم الواحد يرتقي في مستوى فكره...ويخلي عنه لعبه اليهال
وماشاء الله عليك طرحت شي مهم وهو النقل وفكرة انه مب تعبان عليه...بارك الله فيك وجزاك الله خير

وصدقت عن شبابنا والمجمعات والتفهي..هداهم الله
مشكلة الغفلة ياخوي...هم يعرفون الصح والغلط لكن غفلة يالله تبعدنا عنها يارب...

وفيك بارك اخوي وماعليك زود...
ودوم ردودك ياخوي جميلة وطيبة وتسعدني...شرفت ونورت وعطرت

لاهنت على تواجدك الروعة
ويامرحبا بك دووووم
وننتظر جديدك من مواضيع خيو
The Master
12-09-2009, 12:52 PM
أحــــم

ما شاء الله عليك اخوي "alian" أسلوبك جميل وممتع في طرح المواضيع

والله يالغالي انت ماخليت لنا شي انقوله ما شاء الله قلت كل شي

وفعلا هذا الواقع

وانا مثل ماوعدتك أخوي أحم أقصد أخوي "alian"

قريت الأحم الأول والثاني والثالث والرابع وباقي الأحم الأخير

مواضيعك كلها في الصميم :victory:

جزاك الله خير أخوي "alian"

تقبل تحياتي :nice:

هلو مرحب هلو بالمدريدي
اهم شي تبتدي ب احم ياعيني عليك الله ينور
انت الممتع في تواجدك وهذي شهادة اعتز فيها خيو
عاد اهم شي في الصميم (الله يسلمك عشان تعرف بس..على باله مدحه الاخ احم)

قريت الاحمات كلها ؟؟ تعال خلني اشوف عينك صدق ولا لا...امممم اوكي اوكي صادق...ومرة ثانيه اقرا بسرعه مب تنقعني بردك شهر...

وجزاك الله خير والشكر لك موصول لتواجدك ومرورك الطيب

ولاهنت على التواجد..يا متابع انته
ويامرحبا بك دووووم
The Master
12-09-2009, 12:56 PM
جزاااك الله خير وبارك الله فيك على هذي النصيحة ..

والله يهدي الجميع ان شاء الله

هلا ومرحب اختي امل الحب

وجزاك الله خير وفيك بارك
اجمعين يارب
ولاهنتي على المرور الطيب

طيب عقب ما تحفينا لتواجدك...

:waiting:
بخصوص يعني...لاحظتي وش سويتي بالصفحة؟؟
اشك انج تشيكين عقب ما تردين على موضوع...
هلكت وانا اقرا رد اخوي العمادي افرفر في الصفحة يمين ويسار عشان اكمل الجملة..
اقول يا خيتو غيري التوقيع ماعليج امر...ولا بتصير علوم (اشفييييييه اللي يهدد احم)
ترا باطرش لرسايلج فايرس تاريخ ميلاده 1970
احم
شويهينــه
12-09-2009, 05:04 PM
ماشاء الله عليك اخوي عليان

عليك اسلوب في النصح اعتقد لو كلمت اي حد من هالشباب بيهتدي والسبه اسلوبك

تقدر توصل لعقل اللي جدامك تقنع الكبير والصغير

الله يوفقك يارب ويعطيك على قد نيتك

احم المريشه
The Master
13-09-2009, 12:18 AM
ماشاء الله عليك اخوي عليان

عليك اسلوب في النصح اعتقد لو كلمت اي حد من هالشباب بيهتدي والسبه اسلوبك

تقدر توصل لعقل اللي جدامك تقنع الكبير والصغير

الله يوفقك يارب ويعطيك على قد نيتك

احم المريشه

احم
هلا ومرحب والله اختي المريشه
(لا والتوقيع يعني يثبت ذلك وبقوة احم صوبنا شوي)
والله اسعدتيني بهالكلام الطيب(بمعنى اخص تشققت احم)
وان دل فانما يدل على طيبك ونظرتك الثاقبه في الناس (هذا لانج مدحتيني اما اذا شي ثاني كان فيها علوم احم)
والله اذا اقتنعتوا فهو من الله سبحانه وهو الهادي قال سبحانه (لن تهدي من احببت ولكن الله يهدي من يشاء)
وانا اعتبر وسيلة...والحمدلله اذا كانت على يدي...وهذي نعمه...
واعتبر كلامج اختي وسام على صدري...بارك الله فيج وفي من جابج

ويوفقج يارب والله يجزاك خير على الدعاء الطيب

ولاهنتي على تواجدك الجميل والطيب واللي يشجع بصراحة للعطاء
ويامرحبا بج دوم
خيتو المريشة(بل مب فلوس من البنك المركزي على طوووول احم)
ماشاء الله تبارك الله
The Master
14-09-2009, 04:36 PM
للرفع لا اكثر
وللفائدة ان شاء الله
جاري الأتصال
14-09-2009, 07:04 PM
الله يعطيك العافيه عليان على الموضوع
The Master
15-09-2009, 05:54 PM
الله يعطيك العافيه عليان على الموضوع

هلا ومرحب اخوي جاري الاتصال(بس على من؟ احم)
ويعافيك وتشكر للمرور
The Master
18-09-2009, 10:26 PM
احم احم
ناثينق ماتش
شويهينــه
22-09-2009, 07:11 PM
ماحطيت لنا الاحم الاخير

احم
The Master
23-09-2009, 05:03 PM
ماحطيت لنا الاحم الاخير

احم

اوب اوب :omg:
المريشه؟؟؟ شسالفه؟
وين راح النك القديم؟ ياعيني على التمويه....
بس مصيوده مصيوده...احم

الاحم الاخير موجود
ورديتي عليه
اللي هو في العام باسم اول ايام العيد....سلبيات
هذا هو كان التفهي الاخير...
ما لاحظتي الحركات اللي فيه كانت تفهي؟؟!!
احم

اشكرك على السؤال ولاهنتي
ويعطيج العافيه خيتو على المتابعه
(ليكون مغيره النك....لان ماسويتي شي لرمضان لما قلتي باسوي في الويك اند احم)
شويهينــه
23-09-2009, 05:10 PM
اوب اوب :omg:
المريشه؟؟؟ شسالفه؟
وين راح النك القديم؟ ياعيني على التمويه....
بس مصيوده مصيوده...احم

الاحم الاخير موجود
ورديتي عليه
اللي هو في العام باسم اول ايام العيد....سلبيات
هذا هو كان التفهي الاخير...
ما لاحظتي الحركات اللي فيه كانت تفهي؟؟!!
احم

اشكرك على السؤال ولاهنتي
ويعطيج العافيه خيتو على المتابعه
(ليكون مغيره النك....لان ماسويتي شي لرمضان لما قلتي باسوي في الويك اند احم)


احم انت اول واحد يصيدني

بس قولي شلون عرفت؟؟؟:telephone:

سلبيات العيد هذا كان الاحم الاخير اهاا شكل التفهي مرض معدي:secret:

ومن قالك ماسويت شي لرمضان؟؟:anger1:

سويت بس ماكنت انزلهم عالمنتدى:shy:

بس شرايك بالنك الجديد حركات:victory: هذي كشخه العيد
The Master
23-09-2009, 05:28 PM
احم انت اول واحد يصيدني

بس قولي شلون عرفت؟؟؟:telephone:

سلبيات العيد هذا كان الاحم الاخير اهاا شكل التفهي مرض معدي:secret:

ومن قالك ماسويت شي لرمضان؟؟:anger1:

سويت بس ماكنت انزلهم عالمنتدى:shy:

بس شرايك بالنك الجديد حركات:victory: هذي كشخه العيد

هلا ومرحب اختي المريشه
كيف صدتج...اممم مع اني معروف بالتفهي وماصيد النغزات لكن مب اي شي يطوف علي(اشفيييييييييييه ارحم حالك بس احم)

عليج بالعافيه اختي(مع اني ماخبر سمعت بشويهينه من قبل لكن ماشاء الله اسم موسيقي...(خير ان شاء الله احم)

وماشفنا لج شي ينكل...اها في البيت..عليهم بالعافيه

تستاهلين كل خير خيتو
والنك الجديد...قديمك نديمك ولو الجديد اغناك(مقولة من هذي اممممم احم)
شويهينــه
23-09-2009, 06:28 PM
هلا ومرحب اختي المريشه
كيف صدتج...اممم مع اني معروف بالتفهي وماصيد النغزات لكن مب اي شي يطوف علي(اشفيييييييييييه ارحم حالك بس احم)

عليج بالعافيه اختي(مع اني ماخبر سمعت بشويهينه من قبل لكن ماشاء الله اسم موسيقي...(خير ان شاء الله احم)

وماشفنا لج شي ينكل...اها في البيت..عليهم بالعافيه

تستاهلين كل خير خيتو
والنك الجديد...قديمك نديمك ولو الجديد اغناك(مقولة من هذي اممممم احم)

:omg::omg::omg:افا

من صجك ماتعرف شويهينه:weeping:

شوف انا بقولك شلون

1-افتح صفحه النت
2-اكتب www.google.com او انسخ الرابط:victory:
3-اضغط على كلمه صور
4-اكتب في مربع البحث كلمه (شويهينه)

وشوف الزين اللي بيطلع لك:victory: