تجربي مع البلاك بيري [الأرشيف] - منتديات شبكة الأسهم القطرية

الوطني

11-09-2009, 11:03 AM

في البداية اهنيكم بقدوم العشر الاواخر عساها ايام خير وبركه انشالله

حبيت اذكر لكم تجربتي مع البلاك بيري ...
وكان تاريخ الشراء 20-7-2009
وقمت بالاشتراك في نفس اليوم.. وابلغوني بأن قيمه الاشتراك 125 وعندي 10 ميغابايت فري.. قلت ماعندي مشكله.. وابلغوني ايضاً ان قيمة تشغيل الخدمة اول مره 150 ريال هم قلت ماعندي مشكله ..
وبعدها بدأت تجيني المشاكل..

ومع الايام ولين يوم 9-9-2009 وصلتني الفاتورة فوق ال 2500 ريال مع العلم بأن الخط الي مركب عليه خدمة البلاك بيري هو خط احتياطي عندي يعني ما اتصل منه كلش ولا عمري دقيت منه من اول ماشغلت البلاك بيري...
ويوم اتصلت في كيوتل اسألهم تتوقعون ايش قالوا لي؟؟؟:telephone::telephone:

قالوا لي اني كنت استخدم النت عن طريق الجوال واستقبل صور وملفات .. قلت لهم هاذي مب من ضمن ال 10 ميغابايت

حاولت اني اقنعهم لكن دون جدوى....:secret::secret:

اخر شي وصلت له قلت ياولد الباب الي يجي منك ريح سده واستريح..
والحمدلله اتصلت فيهم وقلت ابي اقعطع الخدمة رد على الموظف وقالي ..
اذا بغيت تقطع الخدمة لازم تدفع حق 3 شهور وبعدها نقطعها قلت شلون قالي
انت اشتركت في 20-7 -2009 صح ... قلت ايه قالي من 20-7-2009 الين 20-10-2009 هذي ثلاث شهور وانت تبي تقطعه في تاريخ 9-9-2009 يعني بناخذ منك الاشتراك لين تاريخ 20-10-2009 حاولت معاه انه مايجوز وهذا حرام تاخذون شي من غير حق .. قالي هذي سياسيه الشركة.. قلت محد خبرني في البدايه انه راح ينحسب على ثلاث شهور يعني مايصير اقطع الخدمه قبل ثلاث شهور .... مارد.... اخر شي قالي اي خدمات ثانيه .. عرفت من بعدها بأنه .......... لاتعليق..

لاحول ولاقوة الا بالله ...

عـ العبيدلي

11-09-2009, 11:09 AM

يـاخي في عفـهوات فكيــوتل غريبـــه

خاطري اعرف شالمقصد انه يحسبون لك حق 3 شـهور .؟
الحيـن الدنيـا كلـ ابوها كل الناس عندهم بلاك بيـري .. ياخي كم واحد ما عجبه البـلاك بري ويبي يقطع الخـدمه
لازم غصب تدفـع حق ثلاث شـهور

وكلـمة اي خـدمه ثانـيه جنه يقـولك عاجبك عاجبك .. ولو مب عاجبـك مشكـلتك ..

اللـه يعينـك على ما بــلاك ياخوي ..
انا اقـول خلـك ع الـشهري والله انه وايـــد احسن .. وان شاء الله بـدون البلاك بيـري ما بتحتــاج
حتى انك تتصـل 111 ..

رحمـا الله والـديك يالطيــب

الاستثمار

11-09-2009, 11:11 AM

الله يكون بعونك

م. عبدالعزيز

11-09-2009, 11:14 AM

أخوي الوطني أغلب الشركات تكون خدماتها 3 شهور مو بس كيوتل،، وعندي سؤال انا بعد عندي اشتراك بالبلاك بيري .. هل ممكن تشيك على الفاتوره وتشوف لو فعلا حاسبين شي زياده على 10 ميجا للبلاك بيري ولالا

الفاتوره تقدر تشوفها اونلاين عن طريق موقع كيوتل
https://webcare.qtel.com.qa/qwsc/controller/processSiteEntry

فياريت تشيك وترد لنا خبر لانه هالشي يهمنا كلنا ..

الوطني

11-09-2009, 11:17 AM

اشكركم على المرور الطيب ....

وانا انصح اخواني وخواتي الي ماله حاجة في البلاك بيري لايشترك فيه ...
يعني اذا الهدف منه الشات على المسنجر وغيره والله حرام وحرام فيه هل الشي واذاكان عملك يتطلب منك الرد على الايميل والمراسلات كلها على الاميل هذا شي استثنائي,,,, وانصحكم لوجه الله لاتشتركون فيه لانه مثل المنشااااااااار... طالع اكل نازل اكل....

QATAR 11

11-09-2009, 11:19 AM

اذا في اوراق وقعت عليها وفيه بند يفيد بأن اقل مده لمستخدين هذه الخدمه 3 شهور

هذا بيكون كلام ثاني اما اذا منيه والطريق .. صج عسى ماشر وفعلا شي غريب الي حصل معاك وعلى اي اساس يقولون لك هالشكل

للاسف هاذي الامور ليست بغريبه على كيوتل يسونها

الوطني

11-09-2009, 11:21 AM

اذا في اوراق وقعت عليها وفيه بند يفيد بأن اقل مده لمستخدين هذه الخدمه 3 شهور

هذا بيكون كلام ثاني اما اذا منيه والطريق .. صج عسى ماشر وفعلا شي غريب الي حصل معاك وعلى اي اساس يقولون لك هالشكل

اشكرك على المرور اخوي....
وعلى فكره الاشتراك كان عن طريق 111 يعني لاتوقيع ولاهم يحزنون

الوطني

11-09-2009, 11:22 AM

أخوي الوطني أغلب الشركات تكون خدماتها 3 شهور مو بس كيوتل،، وعندي سؤال انا بعد عندي اشتراك بالبلاك بيري .. هل ممكن تشيك على الفاتوره وتشوف لو فعلا حاسبين شي زياده على 10 ميجا للبلاك بيري ولالا

الفاتوره تقدر تشوفها اونلاين عن طريق موقع كيوتل
https://webcare.qtel.com.qa/qwsc/controller/processsiteentry

فياريت تشيك وترد لنا خبر لانه هالشي يهمنا كلنا ..

عفوا اشيك على فاتورة من؟؟؟

asadfg

11-09-2009, 11:33 AM

كيوتل ذول من كثر ماينصبون على خلق الله شكلهم بيدشون جهنم قبل فرعون وابو جهل يخي حرام عليكم بلي تسونه في العالم طالعين ماكلين نازلين ماكلين بوق بوق بوق بوق فلوس فلوس فلوس لا سياسه واضحه ولا هم يحزنون وتلاعب بالعروض وبالمسميات وبالشرح وبعدين وياكم يعني زهقتونا يخي زهقنا واحنا نتحلطم بسبتكم ماتفهمون انتو ؟ نكلم طوفه احنا؟ شتبون كم دخلتو من ورى الشعب كم سنه في سنه وانتو محتكرينا وشغالين شفط بفلوس العالم يخي استحو على ويوهكم وصيرو نفس شركات الاتصالات برع كل من يمدح فيهم قمنا نحسد باقي الدول على شركات الاتصال عندهم والله العظيم ترفعون ضغط الواحد

سهم مديون

11-09-2009, 01:02 PM

لا حول ولا قوة الا بالله

العـوا

11-09-2009, 01:10 PM

لا حول ولا قوة الا بالله

حكم القوي

ANONYMOUS

11-09-2009, 01:24 PM

عفوا اشيك على فاتورة من؟؟؟

شيك على فاتورة م عبدالعزيز

لان عنده اشتراك بعد

وعطنا خبر

:eek5:

GULFSUN

11-09-2009, 02:10 PM

شيك على فاتورة م عبدالعزيز

لان عنده اشتراك بعد

وعطنا خبر

:eek5:

قوية
شيك على فاتورة م عبدالعزيز :funny:

احب قطر

11-09-2009, 02:37 PM

ياخي اول شي مهب زين انك تدعي او تفتري على اي احد من دون وجه حق... كل شي موجود وموثق وادخل موقع كيوتل وكل خدمة لها سعر واضح ... ام اني باخذ الشي وباحرقه حراق وانزل صور وملفات وضرب شات وعقب تقول ليش دفعوني هذا الافتراء بعينة وبعلمه..

وبعدين اتحدى اي شخص يقول كيوتل باقته يجيب اي دليل على اتهامه ... ليش كيوتل مسويه فواتير مهب علشان كل واحد يشوف اللي له واللي عليه ... وحتى لو الواحد مااقتنع من كلام كيوتل لربما لان مقتنع من اللي في راسه عنده 1000 طريقة ياخذ حقة فيها... بس مهب يقعد يفتري ويقول كلام محاسب عليه يوم القيامة...

HEART_LION

11-09-2009, 03:01 PM

ياخي اول شي مهب زين انك تدعي او تفتري على اي احد من دون وجه حق... كل شي موجود وموثق وادخل موقع كيوتل وكل خدمة لها سعر واضح ... ام اني باخذ الشي وباحرقه حراق وانزل صور وملفات وضرب شات وعقب تقول ليش دفعوني هذا الافتراء بعينة وبعلمه..

وبعدين اتحدى اي شخص يقول كيوتل باقته يجيب اي دليل على اتهامه ... ليش كيوتل مسويه فواتير مهب علشان كل واحد يشوف اللي له واللي عليه ... وحتى لو الواحد مااقتنع من كلام كيوتل لربما لان مقتنع من اللي في راسه عنده 1000 طريقة ياخذ حقة فيها... بس مهب يقعد يفتري ويقول كلام محاسب عليه يوم القيامة...

طيب شنو معناة ادفع 3 شهور مقدم والخدمه مقطوعه؟

الألماسي

11-09-2009, 03:05 PM

امانةً الأمور طيبه و عال العال مع الـ BB :)

Forza Qtel :nice:

م. عبدالعزيز

11-09-2009, 03:07 PM

عفوا اشيك على فاتورة من؟؟؟

فاتورتك اللي جت أكثر من 2000 علشان البلاك بيري .. بغيت اعرف اذا ممكن هل يحسبون شي ثاني غير الاشتراك الشهري للبلاك بيري ولا هالآلاف من اشياء ثانيه ..

واذا ما تحب تشيك لنا عادي ..

احب قطر

11-09-2009, 03:10 PM

طيب شنو معناة ادفع 3 شهور مقدم والخدمه مقطوعه؟

اي خدمة من خدمات كيوتل اللي فيها اشتراك شهري يكون عندك اقل مدة اشتراك 3 اشهر وهذا موجود في اي طلب خدمة وقعت عليه من كيوتل...

م. عبدالعزيز

11-09-2009, 03:11 PM

في موبايلي بالسعوديه بعد عندهم الخدمات جذي .. 3 شهور كحد أدنى ..

الوطني

11-09-2009, 03:13 PM

م عبدالعزيز انا حاولت ادخل على الرابط الي انت حاطة وطلب مني باسورد ويوزر ... شلون تبيني اشيك على فاتورتك اخوي؟؟؟

الوطني

11-09-2009, 03:15 PM

في الامارات الاشتراك قيمة 290 درهم مفتوووح سواء داخلي او دولي وفتره سماح 3 شهور شرايكم بعد..

احب قطر

11-09-2009, 03:16 PM

م عبدالعزيز انا حاولت ادخل على الرابط الي انت حاطة وطلب مني باسورد ويوزر ... شلون تبيني اشيك على فاتورتك اخوي؟؟؟

اتصل على 114 واختار خدمة eqtel والتسجيل فيها بعدها بيجيك مسج فيه اليوزر والباسوورد وبعدها ادخل عالموقع وشوف فاتورتك... م.عبدالعزيز كان يقصد ان تشوف فاتورتك

م. عبدالعزيز

11-09-2009, 03:19 PM

اخوي الوطني مثل ماقال اخوي احب قطر ،، وانا اقصد تشوف فاتورتك انت لانك تقول توصل بالآلاف واحنا نبي نعرف ليش بالآلاف ،، هل من البلاك بيري ولا من اشياء ثانيه مالها علاقه بالبلاك بيري، خصوصا انه عندي الخدمه وابي اعرف اذا يحسبون شي زياده ولا لا،، مانقدر نحكم على شي من دون سبب .. ومستحيل كيوتل او فودافون يحطون لك مبلغ على كيفهم.. هاي اللي اقصده

الوطني

11-09-2009, 03:20 PM

اتصل على 114 واختار خدمة eqtel والتسجيل فيها بعدها بيجيك مسج فيه اليوزر والباسوورد وبعدها ادخل عالموقع وشوف فاتورتك... م.عبدالعزيز كان يقصد ان تشوف فاتورتك

فاتورتي شفتها ومشيك عليها اخوي...

م. عبدالعزيز

11-09-2009, 03:21 PM

فاتورتي شفتها ومشيك عليها اخوي...
انزين مشيك على الفاتوره ، ليش طالعه بالآلاف مثل ماتقول ؟ شوف الصفحه الثالثه بالملخص ووين المبلغ العالي جاي

HEART_LION

11-09-2009, 05:09 PM

اي خدمة من خدمات كيوتل اللي فيها اشتراك شهري يكون عندك اقل مدة اشتراك 3 اشهر وهذا موجود في اي طلب خدمة وقعت عليه من كيوتل...

وين التوقيع

ليش مايتكلمون اذا الخدمه عن طريق الجوال علما انه كل اتصال كل موظف يعطيك كلام

واعتقد تذكر موضوع الفاتوره اللي تناقشنا فيه سابقا هل يعقل اني ادفع اكثر من قيمة الاشتراك عشان قطعت الخدمه

يعني الموضوع فلوس مب خدمه او رضاء العميل

الوطني

11-09-2009, 05:25 PM

انزين مشيك على الفاتوره ، ليش طالعه بالآلاف مثل ماتقول ؟ شوف الصفحه الثالثه بالملخص ووين المبلغ العالي جاي

اخي العزيز الفاتورة الي جايتني غير الكلام الي قالي اياه على التلفون يوم كلمت 111 الموظف قالي كلام غير الي في الفاتورة ولما قلت له ان الي موجود بالفاتوره غير الي تقوله قالي بتجيك على نهاية الشهر ... وبعدها قالي اي خدمه ثانيه... يعني يصرفني...
*** اقصد بالفاتوره هي الفاتوره الشهريه الي تجي بالبريد ...
مش عن طريق الانترنت..

الوطني

11-09-2009, 05:27 PM

ياجماعة الخير والله انه في احدى شركات الاتصالات في مصر اني كنت ابي اشغل خدمه عندهم وهل كلام تقريبا شهر 7 واتصلت فيهم والله اشرحوا لي كل شي بالتلفون والاسعار وكل حاجه واخر شي قالوا لي موافق ولا مش موافق.... ليش كيوتل ماتسوي نفس النظام والاسعار والمده الي بيخصمون علي فيها ...
الله المستعااااااااااااااااان

احب قطر

11-09-2009, 05:28 PM

اخي العزيز الفاتورة الي جايتني غير الكلام الي قالي اياه على التلفون يوم كلمت 111 الموظف قالي كلام غير الي في الفاتورة ولما قلت له ان الي موجود بالفاتوره غير الي تقوله قالي بتجيك على نهاية الشهر ... وبعدها قالي اي خدمه ثانيه... يعني يصرفني...
*** اقصد بالفاتوره هي الفاتوره الشهريه الي تجي بالبريد ...
مش عن طريق الانترنت..

طرش لي رقمك عالخاص وانا باقول لك بالضبط ايش موضوع الفاتورة

نشميّه

11-09-2009, 05:33 PM

والله ياخوي ماعرف شاللي صار معاك بالظبط ؟
انا استخدم البلاك بيري من شهر 2 وماصارت فاتورتي
2500 الا يوم سافرت في الصيف ورجعت لانه اكيد 10mb خلصت
وكنت اتكلم بخطي القطري ،، انا النت في البلاك بيري ماستخدمه
لانه مب من زين المتصفح .. بطيء ومش عملي .. فخلنا ع البي بي ام احسن
والله من عقب فودافون .. ماقول الا يازينج ياكيوتل اللي لين صارت عندنا مشكله
على طول حلوها .. ولا فودافون نأذن في خرابه

kaafy555

11-09-2009, 05:45 PM

الله يخلينا مع الفودافون انشاءالله..

انطروا ياشباب قالوا بسون خدمات بلاك بيري على فودافون احسن من كيوتل بألف مره

ذالينا ذل كيوتل الله ياخذهم انشاءالله

hamoor4ever

11-09-2009, 06:49 PM

الله يخلينا مع الفودافون انشاءالله..

انطروا ياشباب قالوا بسون خدمات بلاك بيري على فودافون احسن من كيوتل بألف مره

ذالينا ذل كيوتل الله ياخذهم انشاءالله

ماعتقد احسن من كيوتل ، كيوتل لهم بالمرصاد ، اذا ذقت مر فودافون بتغير رايك بسرعه

بنت ابوها 19

11-09-2009, 07:28 PM

شلكم في البلاك بيري

شلي حادكم

براتزية برازيلية

11-09-2009, 07:39 PM

اللـه يعينـك :(

مافيا قطر

11-09-2009, 07:57 PM

والله ما ازين النوكيا وايش اللى حدكم على البلاك بيرى اشان الكشخه والرزه وعقب اقول جاتنى فاتوره

وما ادرى ايش او ابيعه بعد يومين من شرائه اوك اذا الواحد او الوحده عندهم اعمال ولا شغلهم يتطلب منهم البلاك بيرى اخذه اما لمسنجر او ايميل الله يخلى الاب توب وايش دعوه الواحد دوم كله بره البيت ولا مسافر من بلد لبلد الا اقول الله يهدى بس فلوس البلاك بيرى انتوا اولها بها

vip-999

11-09-2009, 08:14 PM

انا بعد اشتركت بخدمة الشهري لكيوتل

المهم انه انقطع تيلفوني وعليه فاتورة وصاروا كل شهر يزيدون على فاتورتي

350 ريال مع العلم ان تيلفوني مقطوع بس يقولون مالنا خص مقطوع والا شغال

مانقول الا حسبي الله ونعم الوكيل

عازف الاورج

11-09-2009, 08:34 PM

الله يعينا على كيوتل

حسبي الله ونعم الوكيل

امل الحب

12-09-2009, 06:20 AM

انا بعد اشتركت بخدمة الشهري لكيوتل

المهم انه انقطع تيلفوني وعليه فاتورة وصاروا كل شهر يزيدون على فاتورتي

350 ريال مع العلم ان تيلفوني مقطوع بس يقولون مالنا خص مقطوع والا شغال

مانقول الا حسبي الله ونعم الوكيل

تنزل قيمة الاشتراك الشهري .. :) لذلك الاولى انك تدفع اول باول وتريح راسك

امل الحب

12-09-2009, 06:22 AM

مشكلة البلاك بيري ..

اواجه مثلها مشكلة بسيطة ..

انا عندي نوكيا n97 ..

ويحدث 900 مرة باليوم المواقع ومب عارفة شلون اوقفه ان مايشبك بكيفه ويحدث .. والتحديث ينزل فالفاتورة ..

مالوم كيوتل طبعا .. لان هالشي من الجهاز عندي بس ماعرفت اوقفه مع اني مسحت الاعدادت الخاصة بالاتصال .. ومانفع للحين يحدث براحته ..

الي عنده اي فكرة يفيدني .. وياليت هني ويتم ارسال الرابط او الشرح عالخاص لاني اكيد بنسى الموضوع او عنوانه..

جساس قطر

12-09-2009, 06:33 AM

الوطني انا مثللك من اربع ايام خذت بلك بيري شفت الربع كلن في يده واحد وخذته استعملته يومين ماعجبني لتصلت ابي لقطعه قالة لا لازم 3شهور صدق استغلال والله بالانا بلاك بيري كم مره بغيت ادعم بسبته انتبهو يشباب منه عند لسواقه تراه يلعوز

fa6ma

12-09-2009, 09:01 AM

كيوتل ذول من كثر ماينصبون على خلق الله شكلهم بيدشون جهنم قبل فرعون وابو جهل يخي حرام عليكم بلي تسونه في العالم طالعين ماكلين نازلين ماكلين بوق بوق بوق بوق فلوس فلوس فلوس لا سياسه واضحه ولا هم يحزنون وتلاعب بالعروض وبالمسميات وبالشرح وبعدين وياكم يعني زهقتونا يخي زهقنا واحنا نتحلطم بسبتكم ماتفهمون انتو ؟ نكلم طوفه احنا؟ شتبون كم دخلتو من ورى الشعب كم سنه في سنه وانتو محتكرينا وشغالين شفط بفلوس العالم يخي استحو على ويوهكم وصيرو نفس شركات الاتصالات برع كل من يمدح فيهم قمنا نحسد باقي الدول على شركات الاتصال عندهم والله العظيم ترفعون ضغط الواحد

بالذممه اسبوع وفتورتي صكت ال 700 وانا ولا اتكلم ابدا شهالمصخررررررررره

ابي اعرف تستوي علي وفاتوره لييييييش انا بس استخدم المسن

خدمه زفت :anger1:

مرتبش

12-09-2009, 09:25 PM

خارج النص حبتين
واحد من الربع كله يشتكي من فواتيره وانه من اسبوعين دافع الفين واليوم مسكرين جواله... ودايم على هالحال..
وانا كل ما اتصل له لازم يكون عنده خط ثاني ويرد يتصل لي ... :) اوفر لي

فيا شباب شيكو فواتيركم وشوفو الاسعار مو بس تعال وادفع عمياني...

بكرة تنزل فودافون البلاك بيري وتعتقدون مافيه ناس بتشتكي؟ اكيد بتسمعون من هالشكاوي واللي بيبدل من كيوتل بيدفع لانهاء الخدمة وبيروح فودافون وبيدفع للاشتراك الجديد.

ابوفايز

12-09-2009, 09:34 PM

الله يكون بعونك

المالكي

12-09-2009, 10:38 PM

لاحولة ولاقو الابالله الله يعينكـ ياخوي كيوتل :anger1: هذا سوالفهمـ

نصب بنصب :omen2:

بوحارب

13-09-2009, 12:15 AM

احمد ربي اني ماخذيت بلابررررري

يازين التلفون الدبدوب الأزرق القديم خخخخخخخخخخخ

ليث العرين

13-09-2009, 01:49 AM

علشان يضمنون ربح ربع الثالث وضامنين حساباتهم وأرباحهم جعلها زقوم فجبودهم قولو امين ذول الي مايخافون الله

احب قطر

13-09-2009, 02:16 AM

علشان يضمنون ربح ربع الثالث وضامنين حساباتهم وأرباحهم جعلها زقوم فجبودهم قولو امين ذول الي مايخافون الله

في الحديث القدسي: { يا عبادي إني حرمت الظلم على نفسي وجعلته بينكم محرماً، فلا تظالموا } [رواه مسلم].

وعن جابر أن رسول الله قال: { أتقوا الظلم فإن الظلم ظلمات يوم القيامة، واتقوا الشح فإن الشح أهلك من كان قبلكم، حملهم على أن سفكوا دماءهم واستحلوا محارمهم } [رواه مسلم

قول الرسول : { لتؤدن الحقوق إلى أهلها يوم القيامة حتى يقاد للشاة الجلحاء من الشاة القرناء } [رواه مسلم]. والاقتصاص يكون يوم القيامة بأخذ حسنات الظالم وطرح سيئات المظلوم، وعن أبي هريرة أن رسول الله قال: { أتدرون ما المفلس، قالوا: المفلس فينا من لا درهم له ولا متاع فقال: إن المفلس من أمتي من يأتي يوم القيامة بصلاة وصيام وزكاة، ويأتي قد شتم هذا، وقذف هذا وأكل مال هذا، وسفك دم هذا، وضرب هذا، فيعطى هذا من حسناته، وهذا من حسناته، فإن فنيت حسناته قبل أن يقضى ما عليه، أخذ من خطاياهم وطرحت عليه، ثم طرح في النار } [رواه مسلم].

بـن عدوان

13-09-2009, 03:50 AM

ليش مايكونون نفس الامارات ؟

شلون ؟

اعتقد تدفع 150 وحكه من اليوم لين باجر المبلغ مثل ماهو مايتغير

كيوتل شركة قوية واعتقد تقدر تسويها بس شنقول ؟

الشكوى لله

وان شاءالله فودافون تعوضنا

م. عبدالعزيز

13-09-2009, 04:01 AM

جعلها زقوم فجبودهم قولو امين ذول الي مايخافون الله
أعوذ بالله ،، اخوي كلامك مب زين ،، انت تدري هالليلة ليلة 23 ،، افترض تكون ليلة القدر مو حرام تقول مثل هالكلام؟

بـن عدوان

13-09-2009, 07:06 AM

أعوذ بالله ،، اخوي كلامك مب زين ،، انت تدري هالليلة ليلة 23 ،، افترض تكون ليلة القدر مو حرام تقول مثل هالكلام؟

من القهر ... :weeping:

وتبقى الدنيا حلوه

13-09-2009, 08:21 AM

كيوتل حراميه و هالشي معروض من قديم الازل

لو كانت فودافون تعرض هالخدمة والله كان احسن

ساراام

13-09-2009, 09:51 AM

لاحووووول ولاقووووووه الا بالله

الله يعينك

سنافي قطر

13-09-2009, 10:13 AM

<<<< هذا الأنسان ياما وياما ذاق الويل والهوايل من كيووتل

ومابسامحهم ليوم القيامه

احب قطر

13-09-2009, 11:05 AM

سبحان الله ياجماعة كم واحد الحين حط كلام في ذمته مش صحيح...

توني متأكد من موضوع البلاك بيري... طلع 120 ريال unlimited يعني ماينحسب عليك ولا ريال زيادة في تصفح الانترنت او المسنجر... بس بينحسب عليك اذا استخدمت Mobinet او Mozaic

HEART_LION

13-09-2009, 11:13 AM

بسالك اخوي احب قطر

الحين الكل يشتكي وانت تدافع ممكن تجاوبني ليش العالم يشتكون من كيوتل؟

احب قطر

13-09-2009, 11:22 AM

بسالك اخوي احب قطر

الحين الكل يشتكي وانت تدافع ممكن تجاوبني ليش العالم يشتكون من كيوتل؟

لعدة اسباب :
1. ممكن يكون خطأ من موظف من كيوتل اوالنظام او من الشركة وهذا اقل نسبة موجودة.
2. الشخص مايكون قاري شروط الخدمة.
3. سوء استخدام.
4. عدم قراءة الفواتير ومعرفة تفاصيل المبالغ المحسوبة عليه .
5. سمع من أحد ان الشركة مهب شي.

والمشكلة العظمى ان كثير من الناس مجرد مايصير معاه شي صغير وقبل لايسأل عن السبب ويتحراه تلقاه حكم عالموضوع من وجهة نظرة...

HEART_LION

13-09-2009, 11:57 AM

لعدة اسباب :
1. ممكن يكون خطأ من موظف من كيوتل اوالنظام او من الشركة وهذا اقل نسبة موجودة.
خطأ موظف كيوت العميل يتحمله؟ النظام او الشركه مافيه تطوير؟ والاخطاء في كل خدمه وكل عرض لين مته؟

2. الشخص مايكون قاري شروط الخدمة.
اذا انت تقول اخطاء الموظفين والخدمه عن طريق الجوال بالاتصال ممكن اسويها يعني انسى كلام الموظف هذا اذا ماصرفك

3. سوء استخدام.
ممكن توضح لي سوء الاستخدام؟

4. عدم قراءة الفواتير ومعرفة تفاصيل المبالغ المحسوبة عليه .
مشكلته واكيد اللي يشوف الفاتوره له حق وانا اشوف الشكاوي حته في الفواتير ماتترقع معاكم

5. سمع من أحد ان الشركة مهب شي.
مجرد كلام لو شاف او جرب الواقع بتتغير نظرته

والمشكلة العظمى ان كثير من الناس مجرد مايصير معاه شي صغير وقبل لايسأل عن السبب ويتحراه تلقاه حكم عالموضوع من وجهة نظرة...
ياحبيبي لو تلاحظ ابسط مقارنه بين كيوتل وفودافون مامدحهم لانه الكل له عيوبه مافيه شي كامل مع انها شركه في بداية المشوار تكفيك عروضها اللي ماشفت حد اشتكى منها ومقطعتكم خصوصا مسجات الويكند مالها حل لو سويتوها شوف المشاكل اللي بتصير عندكم كلام وايد بس عطيتك الزبده وبدون زعل الحق لازم ينقال وين التطوير وين التعديل في الشبكه او الخدمه
لين مته كل العروض فيها مشاكل والشبكه مته بتتحسن فودافون توها ماعليها لوم لاكن انتوا ترجعون لورا ولا همكم الفلوس وبس والارباح الواضحه يدل على وشو

الله يعينك بس شد حيلك

qatari1

13-09-2009, 12:23 PM

سبحان الله ياجماعة كم واحد الحين حط كلام في ذمته مش صحيح...

توني متأكد من موضوع البلاك بيري... طلع 120 ريال unlimited يعني ماينحسب عليك ولا ريال زيادة في تصفح الانترنت او المسنجر... بس بينحسب عليك اذا استخدمت mobinet او mozaic

عفواً أخي العزيز...

كيف نتصفح الإنترنت بدون الموزاييك كما في الجوالات العادية؟

ولماذا تأتي فواتير للبعض بمبالغ كبيرة..أين المشكلة؟!

والله يعطيك العافية.

احب قطر

13-09-2009, 12:28 PM

عفواً أخي العزيز...

كيف نتصفح الإنترنت بدون الموزاييك كما في الجوالات العادية؟

ولماذا تأتي فواتير للبعض بمبالغ كبيرة..أين المشكلة؟!

والله يعطيك العافية.

من خلال البلاك بيري في 4 برامج للتصفح... لو استخدمت Browser او Internet Browser بالمجان... بس لو استعملت برامج ثانية راح تكون بفلوس... بالنسبة مثل ماذكرت ان البعض تجيهم فواتير.. وانا ممكن اجيب تفاصيل اي عضو يبغي يعرف السبب اللي جات فاتورته عاليه واذكرها له في المنتدى . وحتى انا طلبت من العضو اللي كاتب الموضوع يبعث لي رقمه عالخاص بس مابعث لي اياه...علشان اوضح له اي لبس موجود.

hamoor4ever

13-09-2009, 12:31 PM

العرض واضح يااخوان من كيوتل ١٠ ميجا وهاذي يادوب حق الماسنجر والايميلات ، اما اذا راح كل واحد يتصفح فأكيد الفاتوره بالالاف لان كيوتل يحبون ينهبون وهاذي هم ، بس ماعليكم كلها شهرين وراح يتغير العرض ويصير ببلاش لان فودافون لهم بالمرصاد .

hamoor4ever

13-09-2009, 12:34 PM

من خلال البلاك بيري في 4 برامج للتصفح... لو استخدمت browser او internet browser بالمجان... بس لو استعملت برامج ثانية راح تكون بفلوس... بالنسبة مثل ماذكرت ان البعض تجيهم فواتير.. وانا ممكن اجيب تفاصيل اي عضو يبغي يعرف السبب اللي جات فاتورته عاليه واذكرها له في المنتدى . وحتى انا طلبت من العضو اللي كاتب الموضوع يبعث لي رقمه عالخاص بس مابعث لي اياه...علشان اوضح له اي لبس موجود.

اخوي بعرض كيوتل قالوا 10 ميجا ، خلكم صريحين واعتقد ماله خص المتصفح ، يعني بتقول لي لو بتصفح طول اليوم وباجر واللي عقبه ماراح تزيد الفاتوره ؟؟! ولو جاتني فاتوره عقب بالالاف منو ينفعني ؟ اصدقك ولا اصدق ال 10 ميجا

بــو فهــد

13-09-2009, 12:34 PM

سبحان الله ياجماعة كم واحد الحين حط كلام في ذمته مش صحيح...

توني متأكد من موضوع البلاك بيري... طلع 120 ريال unlimited يعني ماينحسب عليك ولا ريال زيادة في تصفح الانترنت او المسنجر... بس بينحسب عليك اذا استخدمت mobinet او mozaic

الله واكبر !!!
شلون عيل لما نكلمهم يقولون لنا لكم 8 ميقا وبعدها نحسب عليك ؟؟
وشلون فواتيرنا كل مالها وترووح فووق .. الحمدلله اني ف امريكا وعندي الخدمه انليمت .. انلمت امريكي مهب كيوتلي :)
يالله عقبال فوفو تنزل الخدمه :)

احب قطر

13-09-2009, 12:35 PM

العرض واضح يااخوان من كيوتل ١٠ ميجا وهاذي يادوب حق الماسنجر والايميلات ، اما اذا راح كل واحد يتصفح فأكيد الفاتوره بالالاف لان كيوتل يحبون ينهبون وهاذي هم ، بس ماعليكم كلها شهرين وراح يتغير العرض ويصير ببلاش لان فودافون لهم بالمرصاد .

بارجع واوضح للمره الثانية ان 120 ريال للاستخدام غير المحدود... ياجماعة الخير اتقوا الله ومهب زين انك تتهمون احد بالباطل وتظلمون احد...

احب قطر

13-09-2009, 12:36 PM

الله واكبر !!!
شلون عيل لما نكلمهم يقولون لنا لكم 8 ميقا وبعدها نحسب عليك ؟؟ يالله عقبال فوفو تنزل الخدمه :)

بوفهد..ممكن اعرف اذا انت اتصلت فيهم بنفسك؟؟؟

بــو فهــد

13-09-2009, 12:37 PM

بوفهد..ممكن اعرف اذا انت اتصلت فيهم بنفسك؟؟؟

اي نعم بنفسي اخوي :) ..

احب قطر

13-09-2009, 12:38 PM

اي نعم بنفسي اخوي :) ..

انزين مافي شي بو 8 ميج؟؟

بــو فهــد

13-09-2009, 12:39 PM

انزين مافي شي بو 8 ميج؟؟

شنو اللي مافي شي بو 8 ميق .. بلسانه لما سالته الاستخدام انلمت قالي لك 8 ميقابايت استخدام .. ومن بعد ال8 ميقا نحسب عليك

hamoor4ever

13-09-2009, 12:40 PM

بارجع واوضح للمره الثانية ان 120 ريال للاستخدام غير المحدود... ياجماعة الخير اتقوا الله ومهب زين انك تتهمون احد بالباطل وتظلمون احد...
سمعنا قبل هالكلام اخوي في بروباند وعروض النت وغيره ، وصدقني لا يلدغ المرء من جحر مرتين انا ماراح اتصفح طول الوقت وعقب تجيني فاتوره تقصب ظهري لان عقب محد راح ينفعني

احب قطر

13-09-2009, 12:42 PM

شنو اللي مافي شي بو 8 ميق .. بلسانه لما سالته الاستخدام انلمت قالي لك 8 ميقابايت استخدام .. ومن بعد ال8 ميقا نحسب عليك

الشيخ طرش لي رقمك عالخاص وبنطلع المكالمة وبنحاسب الموظف اللي عطاك معلومة خطأ

بوخالد911

13-09-2009, 12:49 PM

توووني مشترك
والله يعيين
وبشووف الحين من E-Qtel

بوخالد911

13-09-2009, 12:59 PM

سبحان الله ياجماعة كم واحد الحين حط كلام في ذمته مش صحيح...

توني متأكد من موضوع البلاك بيري... طلع 120 ريال unlimited يعني ماينحسب عليك ولا ريال زيادة في تصفح الانترنت او المسنجر... بس بينحسب عليك اذا استخدمت Mobinet او Mozaic

الصحيح هو 125 ريال شهريا
http://www.qtel.com.qa/BlackBerryIS.do?prodtype=2

حبيت التصحيح بس
:nice:

احب قطر

13-09-2009, 01:04 PM

الصحيح هو 125 ريال شهريا
http://www.qtel.com.qa/blackberryis.do?prodtype=2

حبيت التصحيح بس
:nice:

جزاك الله خير وشكرا عالتصحيح

hamoor4ever

13-09-2009, 01:05 PM

^^^^

انا اشترك بس محاسب مااكثر ولا اتصفح وبشوف ، لاني اتوقع اذا فودافون نزل عندهم كيوتل راح يصير عندهم ببلاش ويمكن يعبون لي رصيد بس ، واذا ماصار بقطع خطي من كيوتل وباي باي كيوتل

م. عبدالعزيز

13-09-2009, 01:33 PM

الشيخ طرش لي رقمك عالخاص وبنطلع المكالمة وبنحاسب الموظف اللي عطاك معلومة خطأ

اخوي احب قطر اظن العضو يقصد 8 ميجا الباقة الدولية :) هذي فعلا تنحسب اذا خلصت ال8 ميجا

احب قطر

13-09-2009, 01:41 PM

اخوي احب قطر اظن العضو يقصد 8 ميجا الباقة الدولية :) هذي فعلا تنحسب اذا خلصت ال8 ميجا

اي نعم بالنسبة للباقة الدولية هذا الكلام صحيح...تنحسب بعد 8 ميج اذا استعملت البلاك بيري برع قطر..

بــو فهــد

13-09-2009, 01:41 PM

اخوي احب قطر اظن العضو يقصد 8 ميجا الباقة الدولية :) هذي فعلا تنحسب اذا خلصت ال8 ميجا

لا الشيخ اقصد خدمة البلاك بيري المحليه .. واخوي احب قطر .. انا مابيكم تحاسبون الموظف كل اللي ابيه من كيوتل .. انها تحسن خدماتها thats all :)

بــو فهــد

13-09-2009, 01:43 PM

http://www.qtel.com.qa/BlackBerryIS.do?prodtype=2

these prices are for local usage only and based on the fare usage policy of 10MB per user.
طلعت 10 ميقا :)
* من موقع كيوتل الرسمي :)

احب قطر

13-09-2009, 01:47 PM

http://www.qtel.com.qa/BlackBerryIS.do?prodtype=2

these prices are for local usage only and based on the fare usage policy of 10MB per user.
طلعت 10 ميقا :)
* من موقع كيوتل الرسمي :)

الشيخ بالنسبة لل fare usage policy نفسها لل 15 جيج للبرودباند او 3000 دقيقة للرقم المجاني... وهذا مش معناتها ان راح تنحسب عليك بعدها انما هي سياسة الاستخدام العادل..

بــو فهــد

13-09-2009, 01:50 PM

الشيخ بالنسبة لل fare usage policy نفسها لل 15 جيج للبرودباند او 3000 دقيقة للرقم المجاني... وهذا مش معناتها ان راح تنحسب عليك بعدها انما هي سياسة الاستخدام العادل..

وشنهي سياسة الاستخدام العادل اخوي .. اخوك فالله مايعرف في هالامور

م. عبدالعزيز

13-09-2009, 01:53 PM

الشيخ بالنسبة لل fare usage policy نفسها لل 15 جيج للبرودباند او 3000 دقيقة للرقم المجاني... وهذا مش معناتها ان راح تنحسب عليك بعدها انما هي سياسة الاستخدام العادل..

حلو ،، دام هالشي وضحته لنا عيل ان شاء الله يكون صحيح ،،

بس على الاقل يعني ما ادري لو فيه امكانية تشيلون (10 ميجا) من موقع كيوتل وتكتبون أي شي ثاني مثلا انه هالشي يعتمد على الاستخدام العادل .. هذا رأيي.. ويعطيك الف عافيه

الشحانية يونايتد

13-09-2009, 01:55 PM

الشيخ بالنسبة لل fare usage policy نفسها لل 15 جيج للبرودباند او 3000 دقيقة للرقم المجاني... وهذا مش معناتها ان راح تنحسب عليك بعدها انما هي سياسة الاستخدام العادل..

المعذره ياخوك ممكن تشرحلي لأن فهمي على قدي :shy:

وأنتم أخوانا في كيوتل وأهلنا ولكم الإحترام بس نبي نفهم

انت في ردود لك تقول

سبحان الله ياجماعة كم واحد الحين حط كلام في ذمته مش صحيح...

توني متأكد من موضوع البلاك بيري... طلع 120 ريال unlimited يعني ماينحسب عليك ولا ريال زيادة في تصفح الانترنت او المسنجر... بس بينحسب عليك اذا استخدمت mobinet او mozaic

وعقب تقول الإستخدام العادل

أخي الكريم يا unlimited أو لمت معين

أما أقعد استخدم الخدمه عقب اقول لا هالشهر أخاف أني مب في الإستخدام العادل وشهر اقول حق نفس يا ولد مافي لمت

بعدين نقطه ثانيه برى الموضوع ترى مليييييييييييييييييييييييييييينا واحنا في الشحانية بدون 3g

م. عبدالعزيز

13-09-2009, 01:57 PM

وشنهي سياسة الاستخدام العادل اخوي .. اخوك فالله مايعرف في هالامور
حسب ما انا فاهمه انه هاي السياسه تضمن جوده الخدمه لكل العملاء ،، مثلا الحين انت لما تستخدم الانترنت قاعد تستخدم برج كيوتل للجوال اللي قريب عليك او بمنطقتك ،،

هالبرج يستخدمه أكثر من شخص ،، كيوتل قالت لك استخدم الانترنت على كيفك ولكن بطريقة ماتخليك تسيء للبرج وتخرب الخدمه على الاشخاص الثانيين على نفس البرج .. هاي معناه بكل بساطة ..

hamoor4ever

13-09-2009, 01:59 PM

الشيخ بالنسبة لل fare usage policy نفسها لل 15 جيج للبرودباند او 3000 دقيقة للرقم المجاني... وهذا مش معناتها ان راح تنحسب عليك بعدها انما هي سياسة الاستخدام العادل..

هاهاها سياسه الاستخدام العادل ، هاهاهاه الله يهداك بس ياريت كيوتل شوي تكبر عقلها وتنسى هالسوالف مالت البزران كلنا كبار ونفهم بعد ال 10 ميجا ينحسب ومافيه شي غير محدود ولا فيه شي اسمه سياسه الاستخدام العادل الا في كيوتل ، والله شكلهم موظفين عندكم نصابين تخرج بكالوريوس ، اسمح لي على الوصف بس انت من مساعه تتلاعب في الكلمات ان النت غير محدود بعدين جيت تقول سياسه الاستخدام العادل ، اقول اخوي بلغ مديرك اللي قاعد ورا مكتبه ويقرا جريده ، ان الناس مفتحه عيونها وتفهم والايام الحين مش نفس قبل ، وربعنا الانجليز جايين لكم وتراهم مادخلوا السوق عبط ، يعني ماخذين منكم بالراحه نص السوق فأذا تبون تحافظون على النص الباقي لكم على الاقل ، تتكلمون بالمنطق وتعدلون خدمات ترى لين فات الفوت ماينفع الصوت بقول لك شي يمكن ماتصدقه انا عندي خط فودافون ادفع 350 ومادري عن شي ثاني وعندي رصيد ابيه يخلص مب راضي يخلص عرفت شلون وعندي خط ثاني كيوتل كله مسكر تجيني الفواتير 300 ريال عندكم حلين الحين ياتعدلون سياستكم ولا ترى الناس طالعه من عندكم وخل مديرك يخاف على كرسيه ترى مافيه شي مضمون ان خسايركم زادت عرفت اشلون اخوي والكورسات البطاليه اللي يعطونكم اياها بخصوص الاستخدام العادل بلاش منها

hamoor4ever

13-09-2009, 02:02 PM

حسب ما انا فاهمه انه هاي السياسه تضمن جوده الخدمه لكل العملاء ،، مثلا الحين انت لما تستخدم الانترنت قاعد تستخدم برج كيوتل للجوال اللي قريب عليك او بمنطقتك ،،

هالبرج يستخدمه أكثر من شخص ،، كيوتل قالت لك استخدم الانترنت على كيفك ولكن بطريقة ماتخليك تسيء للبرج وتخرب الخدمه على الاشخاص الثانيين على نفس البرج .. هاي معناه بكل بساطة ..

يااخوي انا ادفع فلوس لكيوتل مقابل هالخدمه ، مب ماعطهم طماط علشان استخدم سياسه الاستخدام العادل ، اخوي ياما اللمت مفتوح ياانه مش مفتوح رجاء بلاش تلاعب وترى في ذمتكم فلوس المساكين ، الحمدلله اني فهمت السالفه ولا كان تصفحت في ذمه احب قطر يوم قال ببلاش

احب قطر

13-09-2009, 02:07 PM

هاهاها سياسه الاستخدام العادل ، هاهاهاه الله يهداك بس ياريت كيوتل شوي تكبر عقلها وتنسى هالسوالف مالت البزران كلنا كبار ونفهم بعد ال 10 ميجا ينحسب ومافيه شي غير محدود ولا فيه شي اسمه سياسه الاستخدام العادل الا في كيوتل ، والله شكلهم موظفين عندكم نصابين تخرج بكالوريوس ، اسمح لي على الوصف بس انت من مساعه تتلاعب في الكلمات ان النت غير محدود بعدين جيت تقول سياسه الاستخدام العادل ، اقول اخوي بلغ مديرك اللي قاعد ورا مكتبه ويقرا جريده ، ان الناس مفتحه عيونها وتفهم والايام الحين مش نفس قبل ، وربعنا الانجليز جايين لكم وتراهم مادخلوا السوق عبط ، يعني ماخذين منكم بالراحه نص السوق فأذا تبون تحافظون على النص الباقي لكم على الاقل ، تتكلمون بالمنطق وتعدلون خدمات ترى لين فات الفوت ماينفع الصوت بقول لك شي يمكن ماتصدقه انا عندي خط فودافون ادفع 350 ومادري عن شي ثاني وعندي رصيد ابيه يخلص مب راضي يخلص عرفت شلون وعندي خط ثاني كيوتل كله مسكر تجيني الفواتير 300 ريال عندكم حلين الحين ياتعدلون سياستكم ولا ترى الناس طالعه من عندكم وخل مديرك يخاف على كرسيه ترى مافيه شي مضمون ان خسايركم زادت عرفت اشلون اخوي والكورسات البطاليه اللي يعطونكم اياها بخصوص الاستخدام العادل بلاش منها

اللهم اني صائم

احب قطر

13-09-2009, 02:11 PM

وشنهي سياسة الاستخدام العادل اخوي .. اخوك فالله مايعرف في هالامور

http://www.broadbandchoices.co.uk/fair-usage-broadband.html
هذا بالضبط اللي نتكلم عنه بخصوص fair usage policy

hamoor4ever

13-09-2009, 02:11 PM

اللهم اني صائم

مب مشكله ، خلاص مصدقك ، بس انت وضميرك تقدر تحلف ان التصفح بالبلاك بيري ليل ونهار مجاني ؟؟

ان حلفت انا اسحب كلامي كله اللي قلته واعتذر لك

م. عبدالعزيز

13-09-2009, 02:27 PM

مب مشكله ، خلاص مصدقك ، بس انت وضميرك تقدر تحلف ان التصفح بالبلاك بيري ليل ونهار مجاني ؟؟

ان حلفت انا اسحب كلامي كله اللي قلته واعتذر لك
انا عميل عادي لكيوتل بجرب انزل المرفقات للايميلات اللي بتوصلني بالبلاكبيري من الشباب والربع واحب اشوف شنو فيها .. وتاريخ فاتورتي تاريخ 18-9 بعد كمن يوم .. بقولك لو خذوا شي زياده ولا لا..

م. عبدالعزيز

13-09-2009, 02:34 PM

يااخوي انا ادفع فلوس لكيوتل مقابل هالخدمه ، مب ماعطهم طماط علشان استخدم سياسه الاستخدام العادل ، اخوي ياما اللمت مفتوح ياانه مش مفتوح رجاء بلاش تلاعب وترى في ذمتكم فلوس المساكين ، الحمدلله اني فهمت السالفه ولا كان تصفحت في ذمه احب قطر يوم قال ببلاش
اوكيه اخوي لمت مفتوح شالمشكله.. بالنهايه بيطلع عليك أوفر .. بس هاي برج الاتصالات له حدود معينه ،، وغير جذي عشرات المشتركين بنفس البرج يستخدمونه وياك ،،

الحين فرضا لو انا وانت (بجيب لك قصه ممكن تصير بالواقع) اشتركنا في باقة الانترنت اللامحدود .. جيت النت عندي ركبته بالبيت وقعدت انزل افلام ويوتيوب واكرفه كرف غير طبيعي .. وانت من بيتك على نفس البرج بتلاحظ بطئ بالنت

شنو بتسوي ؟ طبعا بتتصل كيوتل وبتتهاوش وياهم ،، وهاي من حقك لانك انت تدفع اشتراك شهري ولازم يكون عندك خدمه ممتازه..

انا ما اقول هالشي دفاعا عن كيوتل، تراني مب موظف فيها ولا لي علاقه بها لكني احب اوضح اللي اعرفه ،،

اقول هالشي لاني مجربه بالسعوديه،، كنت مطلع لي خط سوا وكانت الشبكه تغطيتها ممتازه لكنها سيئة جدا بالجوده .. خصوصا في مكان مزدحم مثل مكه،، ولانهم ماعندهم سياسه الاستخدام العادل .. وكل شي نزلوه سواء عرض ولا خدمه قالوا لك غير محدود وخلوك ..

اما موبايلي ،، عندي رقم وللحين محتفظ فيه ،، والخدمات 100% .. لانه عندهم سياسة الاستخدام العادل ..

بــو فهــد

13-09-2009, 02:38 PM

http://www.broadbandchoices.co.uk/fair-usage-broadband.html
هذا بالضبط اللي نتكلم عنه بخصوص fair usage policy

يعني فهمت من كلامك اخوي ان الخدمات هذي بشكل عام ما تصلح للناس ذي ؟
Your ISP is only trying to ensure that everyone has a good user experience. Those most likely to be affected by a fair usage policy are:

Users of peer-to-peer networks uploading and downloading lots of films and music
Online gamers
People working from home and remotely connecting to the office
Any other heavy downloader’s

طيب انا عندي استفسار .. انا لما اكون شابك تلفوني على الوندوز مسنجر .. والبلاك بيري مسنجر وايميلي العادي وايميل الجامعه .. هل هذا يعتبر " استخدام غير عادل ؟ "

احب قطر

13-09-2009, 03:10 PM

يعني فهمت من كلامك اخوي ان الخدمات هذي بشكل عام ما تصلح للناس ذي ؟
your isp is only trying to ensure that everyone has a good user experience. Those most likely to be affected by a fair usage policy are:

Users of peer-to-peer networks uploading and downloading lots of films and music
online gamers
people working from home and remotely connecting to the office
any other heavy downloader’s

طيب انا عندي استفسار .. انا لما اكون شابك تلفوني على الوندوز مسنجر .. والبلاك بيري مسنجر وايميلي العادي وايميل الجامعه .. هل هذا يعتبر " استخدام غير عادل ؟ "

طبعا لا... وعلى فكرة لحد اليوم لم تطبق سياسة الاستعمال العادل على اي شخص..

بــو فهــد

13-09-2009, 03:14 PM

طبعا لا... وعلى فكرة لحد اليوم لم تطبق سياسة الاستعمال العادل على اي شخص..

الله يعطيك العافيه ماقصرت .. لما نرد الدوحه بنجرب وبنشوف =)

المتألم

13-09-2009, 03:16 PM

البلاك بيري شغل الناس وااايد

دعايا قطريه
أضغط هنا (http://www.************/watch?v=ejnIPiaXgEg)
الموقع يوتيوب ..

احب قطر

13-09-2009, 03:19 PM

مب مشكله ، خلاص مصدقك ، بس انت وضميرك تقدر تحلف ان التصفح بالبلاك بيري ليل ونهار مجاني ؟؟

ان حلفت انا اسحب كلامي كله اللي قلته واعتذر لك

لا تجعلوا الله عرضة لأيمانكم

إن من أعظم صور تعظيم العبد لخالقه ومولاه: اليمين والقسم؛ فلا يقسم بالله إلا من كان معظماً له، ولقد فهم هذا الأمر الصحابة الكرام عليهم رضوان الله حيث كان يعد هذا من أعظم الأمور في حياتهم.

ولكنه من الغريب أن يجد الإنسان أناساً جعلوا الحلف بالله كأي كلام يتردد في لسانه كثيراً، فمن كان هذا حاله فإن تعظيم الله انخفض في قلبه أشد الانخفاض، والعياذ بالله.

منقول :
http://www.alislamnet.com/articles_extra.aspx?id=8000001092&page_id=0&page_size=5&links=False

احب قطر

13-09-2009, 03:28 PM

الله يعطيك العافيه ماقصرت .. لما نرد الدوحه بنجرب وبنشوف =)

الله يوفقكم ويرجعكم سالمين...

م. عبدالعزيز

13-09-2009, 04:05 PM

البلاك بيري شغل الناس وااايد

دعايا قطريه
أضغط هنا (http://www.************/watch?v=ejnipiaxgeg)
الموقع يوتيوب ..
خخخخ ،، عجيب المقطع،، بصراحه فيه ناس عندهم ادمان غير طبيعي وهذي مب زيييييييين..

انا استخدم البلاكبيري بس مو لدرجه اني ادعم طوفه ولا اني ما ارد على الناس ولا اني ما ادري عن الدنيا ..

HUMAX

13-09-2009, 04:21 PM

سبحان الله ..
اول مانزلت عندنا خدمة الجوال سنه 1994 تقريبا .. والناس صارت ماتعرف تتكلم وهي تسوق كثرة الحوادث..
وفي عام 2000 تقريبا تم تشغيل خدمة الرسالئل sms حتى ماكانت الرسائل بالعربي كانت بالانجليزي .. وصار الي يسوق السيارة ويكتب رسالة اما رايح يمين ولا يسار والهرنااااااااااااااات وراه....
وفي نهاية عام 2008 تم اطلاق خدمة البلاك بيري لاكن الي صار بالنااااااس انها تدعم طوف من كثر ماهم لاهين بالمسجات والرسايل والايميلات.....
تعرفون من المستفيد بالاول والاخير... كيوتل و الكراجات والمرور...

hamoor4ever

13-09-2009, 08:12 PM

سياسه الاستعمال العادل ولا سياسه كيوتل ، خلنا من الشعارات الرنانه ، والحمدلله ان عندنا فودافون كسرت احتكاركم على مدى سنوات ، وخلوا سياستكم تنفعكم ، لان ياما تغيرونه بالطيب ولا بتجي لكم فودافون بتغيرها لكم غصب ، انا ناطر خدمتهم واذا ماغيرو سياستكم راح ننتقل لفودافون لان اكيد فودافون راح يكون عندهم عرض مغري وماعندنا مشكله يكون النت ابطئ بس على الاقل مانشوف فواتير خياليه

قال شنو قال سياسه الاستعمال العادل ، بصراحه اول مره اسمع عنها خوش والله حتى طرق الاحتيال صار لها مسميات عجيبه

سلام عليكم

غناتي1

14-09-2009, 04:03 AM

الحمدلله اني ما استخدمته في قطر --

اشهد انه فيه فرق بين الشركات الخاصة بالاتصالات في الدول الاوروبية وامريكا

qatari1

14-09-2009, 05:35 AM

سياسه الاستعمال العادل ولا سياسه كيوتل ، خلنا من الشعارات الرنانه ، والحمدلله ان عندنا فودافون كسرت احتكاركم على مدى سنوات ، وخلوا سياستكم تنفعكم ، لان ياما تغيرونه بالطيب ولا بتجي لكم فودافون بتغيرها لكم غصب ، انا ناطر خدمتهم واذا ماغيرو سياستكم راح ننتقل لفودافون لان اكيد فودافون راح يكون عندهم عرض مغري وماعندنا مشكله يكون النت ابطئ بس على الاقل مانشوف فواتير خياليه

قال شنو قال سياسه الاستعمال العادل ، بصراحه اول مره اسمع عنها خوش والله حتى طرق الاحتيال صار لها مسميات عجيبه

سلام عليكم

لا تستعجل بالحكم على شيء لم تجربه!

وأذكر أن لك شكاوى عليهم في مواضيع أخرى!

خفوق

14-09-2009, 09:09 AM

هذي مشكلتكم يالعرب مع الخيل ياشقرا بس نزل البلاك بيري العالم كلهم خذوه صغار وكبار واشك انهم بعد يعرفون يستخدمونه مجرد اسم ان عندي بلاك بيري استغفر الله شهالتخلف وآخرته بس عشان الايميل
ليش مافي كمبيوترات في البيت

واااي متى بنصير مثل اليابانيين نكون ناس نصنع ونسوي اشياء مب بس ناس مستهلكين :(

قطر العطاء

14-09-2009, 09:11 AM

جيبتى المفيد يا خفوق .......... وبعدين يقولون ما عندنا فلوس ....

احب قطر

14-09-2009, 11:45 AM

بصراحة شفت هالموضوع وضحكت...
http://uaesm.maktoob.com/vb/uae339973/

بوخالد911

14-09-2009, 12:11 PM

هلا

اخووي احب قطر

عندي اقتراح : بخصوص خدمة E-Qtel
ليش ما يضيفون خاصية معرفة المتبقي من الرصيد للباقة الشهرية؟

انا استخدمها من زماان : وهي ممتازة
بس ينقصها هالشي:rolleyes2:

ممكن ترد علي وتيفيدني :nice:

لا هنت

مسيوو / بوخالد911

م. عبدالعزيز

14-09-2009, 12:55 PM

هلا

اخووي احب قطر

عندي اقتراح : بخصوص خدمة e-qtel
ليش ما يضيفون خاصية معرفة المتبقي من الرصيد للباقة الشهرية؟

انا استخدمها من زماان : وهي ممتازة
بس ينقصها هالشي:rolleyes2:

ممكن ترد علي وتيفيدني :nice:

لا هنت

مسيوو / بوخالد911

اي صح كلامك.. والموقع ناقصه خدمات وايد خصوصا انه كيوتل الحين فيها وايد خدمات

وأهمها الواجهه العربية للموقع ..

سعد آل شريم

14-09-2009, 01:19 PM

والله أنكم فشلتونا ياكيوتل .. والمشكله أن الغلط راكبكم ومن راسكم لين رجولكم وتحاولون تقنعون الناس بأخطاءكم ..

والله مسخرتكم هاذي لازم يحطونها في مسلسل القطري رمضان الجاي ( مادري وين وداد الكواري عنكم )

كاتم الاسرار

14-09-2009, 03:03 PM

كيوتل ذول من كثر ماينصبون على خلق الله شكلهم بيدشون جهنم قبل فرعون وابو جهل يخي حرام عليكم بلي تسونه في العالم طالعين ماكلين نازلين ماكلين بوق بوق بوق بوق فلوس فلوس فلوس لا سياسه واضحه ولا هم يحزنون وتلاعب بالعروض وبالمسميات وبالشرح وبعدين وياكم يعني زهقتونا يخي زهقنا واحنا نتحلطم بسبتكم ماتفهمون انتو ؟ نكلم طوفه احنا؟ شتبون كم دخلتو من ورى الشعب كم سنه في سنه وانتو محتكرينا وشغالين شفط بفلوس العالم يخي استحو على ويوهكم وصيرو نفس شركات الاتصالات برع كل من يمدح فيهم قمنا نحسد باقي الدول على شركات الاتصال عندهم والله العظيم ترفعون ضغط الواحد

اقسم بالله صدقت في كلامك وجزاك الله خير مافي فايده ولا في امل يفهموووووووووووووون