المساعد الشخصي الرقمي

مشاهدة النسخة كاملة : عامله حادث بسيط وابغي مساعدتكم


KHALID1
11-09-2009, 11:16 AM
عندي سياره بي ام دبليو ٧٣٠ موديل ٢٠٠٦ امس سويت صار لي حادث بسيط وفي السياره خفسه للباب الخلفي من الجهة اليسار وعندي ورقة تصليح من المرور بس باصلحها على حسابي الخاص علشان مستعجلة عليها ابغيها للعيد فياليت اللي يعرف كراج يصلحها لي بسرعه خلال يوم واحد يعلمني او يدلني عليه لاني بكره ابغي ادخلها واستلمها اليوم اللي بعده لانه ما عندي غيرها . وما اقدر اقعد بدون سياره .

ورقة المرور موجودة والتصليح على حسابي مع انه عندي تامين شامل .
ساحر برشلونة
11-09-2009, 12:25 PM
سلامات اختي

في محل في محطة بترول المسيلة + محطة بترول التيسير الي مقابل قطر للديكور


يصلح الدعمات الخفيفة والطعجات .
بوناصر1
11-09-2009, 12:31 PM
سلامات اختي

في محل في محطة بترول المسيلة + محطة بترول التيسير الي مقابل قطر للديكور


يصلح الدعمات الخفيفة والطعجات .

بالضبط محطة بترول المسيله في محل بداخل المحطه يصلح الحوادث بيوم واحد اذا ماعنده زحمه

والثاني مثل ماذكر اخونا بمحطة بترول التيسير بطريق سلوى مقابل قطر للديكور بداخل المحطه المحل .ويخلص بيوم واحد بس لازم ترجعين له بعدها بيومين عشان يسوي بوليش مكان الحادث

وخطاج الشر
نيساني
11-09-2009, 12:32 PM
الحمدلله على السلامه في قراج في الصناعيه شارع 16 مقابل قراج فورسكو بالضبط لانهم شغالين حتى في الجمعه

وبالتوفيق
بن جعران
11-09-2009, 12:32 PM
ماتشوفين شر اختي,, عندج محل كرستال طريق سلوى بجوار المجموعه الاسلاميه,, يصلح الطعجات بمكينة شفط اذا طعجه عاديه وتستلمين السيارة بعد 2 او 3 ساعات,, بس سعره شوي غالي بس موترج بي ام وحرام ينصبغ,, ولاتخليه يزيد عن الف ريال,,والعفو
ن.سهيل
11-09-2009, 12:47 PM
الله يوفقك
qatar.com
11-09-2009, 12:56 PM
اذا خفسة عادي تنشفط لج في كرستال ولا في محطة بترول المسيلة في هناك يشفطون الدعمات من غير صبغ


كرستال طبعا حرامي بيضرب عليج

واذا مافي طريقة غير الصبغ الله يعينج لازم الصناعية والحين الكراجات والله زحمة
السد
11-09-2009, 01:00 PM
ممكن اختي صورة للطعج اللي في السيارة
حتى نقدر اذا يتصلح يتعدل او يتسمكر ؟
ALRAYYAN
11-09-2009, 01:22 PM
اختي عليج بالاصباغ التقنيه في محطة بترول المسيله

من كم يوم سلمته موتر البيت الصبح الساعه 9 الصبح وسلمني الموتر الساعه 12 ونص بالليل

صبغ لي الصدامين وصلح لي ضربه وشق في واحد منهم وشغله ماشاء الله محترم

مدير الكراج اسمه حسن .. مايقصر

وماتشوفين شر
KHALID1
11-09-2009, 03:26 PM
الشكر الموصول للجميع على الردود .
فلفل حار
11-09-2009, 04:11 PM
خطاج الشر ...
كراج الاصباغ التقنيه داخل محطة المسيله


آسعـاره شووي لج عليها
بس شغله نظيف وآسألي عن حسن ...:nice:
رومانسيات1
11-09-2009, 06:48 PM
اختي في الحديد ولا فيج اذ صبغ ما تقشر كرستال في طريق سلوي شفط وكان الله غفورن رحيم