شبكه تلفزيون داخليه

[المزن الرياني]

السلام عليكم ورحمه الله وبركاته


عندي سؤال وان شاءالله تفيدوني

حد يعرف محل أو شخص يركب شبكه تلفزيون للفيلا مثل اللي موجود بالفنادق او المستشفيات ؟

وشنهي الخطوات لاني للحين بالتصاميم ؟

[وحش قطر]

قطر لاين شغلهم زين

بس اسعارهم نار

[شبعان]

السلام عليكم ورحمه الله وبركاته


عندي سؤال وان شاءالله تفيدوني

حد يعرف محل أو شخص يركب شبكه تلفزيون للفيلا مثل اللي موجود بالفنادق او المستشفيات ؟

وشنهي الخطوات لاني للحين بالتصاميم ؟

1- مد انابيب بلاستيك من موقع تركيب الدشات الى مكان التجميع
2- مد انابيب بلاستيك من مكان التجميع الى كل الغرف والمواقع المطلوبه في الفيلا.
3- مكان التجميع يجب ان يكون مكان كبير وهذا يعتمد على عدد القنوات المطلوب توزيعها,مثلا لتوزيع 50 قناة لازم تركب 50 جهاز استقبال ستلايت بالاضافه الى الاجهزه الاخرى.

انا لانصحك بعمل الشبكه لانها مكلفه بالاضافه الى ان عدد القنوات محدوده(حوالى 50-60 قناه).

[المزن الرياني]

1- مد انابيب بلاستيك من موقع تركيب الدشات الى مكان التجميع
2- مد انابيب بلاستيك من مكان التجميع الى كل الغرف والمواقع المطلوبه في الفيلا.
3- مكان التجميع يجب ان يكون مكان كبير وهذا يعتمد على عدد القنوات المطلوب توزيعها,مثلا لتوزيع 50 قناة لازم تركب 50 جهاز استقبال ستلايت بالاضافه الى الاجهزه الاخرى.

انا لانصحك بعمل الشبكه لانها مكلفه بالاضافه الى ان عدد القنوات محدوده(حوالى 50-60 قناه).

بل ... لهدرجه صعبه
كنت أتوقع شي بسيط وأرخص مقارنه بعدد الستلايتات بكل غرفه
جزاك الله خير على شرحك .. خلاص هونت

[المزن الرياني]

قطر لاين شغلهم زين

بس اسعارهم نار

جزاك الله خير اخوي وحش قطر
بعد كلام الاخ شبعان ... هونت

[هدهد سليمان]

خذلك في كل غرفه تلفزيون وريسيفر وامورك سهلات وارخص لك بعد

[المزن الرياني]

خذلك في كل غرفه تلفزيون وريسيفر وامورك سهلات وارخص لك بعد

والله ياخوي الهدهد قلت أسوي حركه الفنادق بيكون شي راقي
بس دام السالفه فيها على كل قناه رسيفر ... خلاص هونااا

[Chambray]

اعتقد في طريقة توصل البيت عن طريق شبكة network
بس في النهاية العملية مكلفه سواء بالطريقة العاديه او النتوركيه هههههههههه
انصحك بعمل التالي وخذها نصحيه من اخوك
المتبع حالياً بيب واحد من السطح لمجمع فيه كل الوايرات الطالعه والنازله من كل الغرف
لكن انت اكسر النظام وخل كل غرفتين او 3 بيب واحد طالع للسطح
يعني بتصفى على 4 او 5 بيبات طالعين للسطح
هالطريقة راح تفتك من شئ اسمه دريل مستقبلاً لتبطيط الطوف لتمديد وايرات وما إلى ذلك
راح تقلل الضغط على البيب من عدد الوايرات الداخله فيه
راح تعرف هذا الواير حق اي غرفه وهذا حق اي غرفه
لان انا في فلتنا الحاليه متلعوز صراحة مع موضوع الدشات ههههههههه
بيب واحد طالع للسطح ووايرات البيت كله فيه احسه بينبط بالاضافة إلى عدد من الغرف مافيها تلفزيون يعني ماعاد يستحمل يدخل فيه اي واير من السطح فضطرينا نفتح بعض الفتحات في الطوف عشان ندخل الوايرات بها
والنصحية الثانية
ابتعد عن شئ اسمه ( كاميرا ب مخرجين او 4 مخارج او 8 مخارج )

عندك 4 رسيفرات ركب فيها 4 صحون عرب سات او نايل سات وخلاص وانا انصحك بالعرب سات
هالشئ راح يخليك تنسى الصحون سنين طويله اولاً مافي دايسك ( موزع ) الي يخترب كل 6 شهور او 8 شهور على حسب الرطوبه والعوامل الجويه الي تجيه
ثانياً كاميرا بو مخرج واحد افضل لعمر مديد بدون مشاكل لاتقطيع ولا عوار راس
آخر نصيحة اعمل قواعد اسمنتيه بعد عمل العوازل ، بحيث تركب الصحون على كيفك على هالقواعد علشان لاتبط السطح بعد تركيب العوازل عليه وتخرب كل الي سويته ببطه دريل

وبالتوفيق