حلا المنجا أو تشيز كيك المنجا

[Um Sultan]

هذي هي صورته في النهايه ..

http://up.souqaldoha.com/get-9-2009-souqaldoha.com_qw9q4qgc.jpg (http://up.souqaldoha.com)

وبالامكان عمل المقدار كامل في صينية بايركس كبيره وعقب تنحط في صحون صغيره مثل هذي سويتها من قبل ..

http://www.almlf.com/get-8-2009-almlf_com_ieidqzik.jpg


المقادير ..

الطبقه الاولى .. الكيك

كيك فانيليا جاهز من الجمعيه مال مخابز كوريا او لندن يجي طبقتين فوق بعض بينهم كريمه
نفصل الطبقتين نقشر القشره البنيه من على الكيك وبعدين نقطعها شرائح بسمك 1 انش ..
نصفها في صينيه بايركس او نحط قطع صغيره في ملال صغيره حق شخص ونشرب الكيك بماي وسكر ..

الطبقه الثانيه .. الكريمه

http://up.souqaldoha.com/get-9-2009-souqaldoha.com_5zd7v77q.jpg (http://up.souqaldoha.com)

8 حبات جبن كيري
2 ظرف دريم ويب
2 علبه قشطه
1) نخلطهم مع بعض بالخلاطه لين تمتزج المكونات عدل
2) نحطم بعدين فوق الكيك وندخله الثلاجه عشان تجمد
ملاحظه لازم مايكون فيه فتحتات او فراغ بالكريمه عشان لما نحط صوص المنجا ماتفطح الكريمه بعدين فوق وينزل الصوص تحت


الطبقه الثالثه .. صوص المنجا

1) نجيب 3 حبات منجا كبار ونقطعم مكعبات صغيره او شرايح على حسب ماتحبون
http://up.souqaldoha.com/get-9-2009-souqaldoha.com_ng8gu1ge.jpg (http://up.souqaldoha.com)


2) نجيب عصير الربيع منجا (اللي علبته بيضا) + ظرف كريم كراميل نحطهم بجدر صغير ونحركه على النار لين يبدى يسخن لاتخلونه يغلي .. نخليه يفتر شوي
هذي الكريم كراميل بس البودر اللي داخله ناخذه .. ماكان عندي صوره للعصير لانه خلص
http://up.souqaldoha.com/get-9-2009-souqaldoha.com_j9wmzxm9.jpg (http://up.souqaldoha.com)

3) نخلط مكعبات المنجا مع الصوص اللي سويناه ..

4) بملعقه نوزعه بالتساوي على سطح الكريمه وندخله الثلاجه مره ثانيه لين تبرد


اللي يحب يقدر يزينه من فوق بفستق شرائح او مطحون ..


وعليكم بالعاااااااااااافيه ..

ترى الطريقه سهله والطبق خفيف وحلوو يشبه وايد كيكة البتيل بس بعد احلى

[عيون Qatar]

ماشاءالله

الله يعطيك العافية على الطريقة والوصفة


والله ياام سلطان انتي مبدعه

[sendarala]

ان شاء الله تكون لذيذه يا ام سلطان
والله يعطيج العافية

[شمعة الدوحه]

يعطيج الف عافيه ام سلطان عالوصفه

ان شاء الله يطبقونها البنات

<< وحده ماتحب المانجا :rolleyes2:

[غزلان]

بكره بسويه ان شاءء الله

تسلمين على الطريقه

[شيزكيك]

تسلمين حبيبتي على الوصفه

وشكلي بكره بجربه يالجبن كيري الي خسرني وايد استهلكناه في رمضان

والكيك اعرفه بس انا ما اشل الطبقه البنيه

انزين الخلطه تخلطينها في الخلاط الكاس او خلاط الكيك لان الكاس بسويها ماي

وخلاط الكيك بخليها غليظه

[Um Sultan]

تسلمين حبيبتي على الوصفه

وشكلي بكره بجربه يالجبن كيري الي خسرني وايد استهلكناه في رمضان

والكيك اعرفه بس انا ما اشل الطبقه البنيه

انزين الخلطه تخلطينها في الخلاط الكاس او خلاط الكيك لان الكاس بسويها ماي

وخلاط الكيك بخليها غليظه

خلطة الكريمه في خلاط الكيك .. لازم تكون شوي ثقيله ...

اي والله جبن كيري استهلكناه بشكل كبير في رمضان اكثر من الفيمتو :rolleyes2:

[Um Sultan]

ماشاءالله
الله يعطيك العافية على الطريقة والوصفة
والله ياام سلطان انتي مبدعه

الابداع هو تواجدج حبوبه :shy:



ان شاء الله تكون لذيذه يا ام سلطان
والله يعطيج العافية

الصراحه الكل يقول روعه وانا احبها وااايد لانها خفيفه ..
جربيها ماراح تخسرين شي ..



يعطيج الف عافيه ام سلطان عالوصفه
ان شاء الله يطبقونها البنات
<< وحده ماتحب المانجا :rolleyes2:

الله يعافيج حبوبه ...
ترى عادي تقدرين تسوينها بالفراوله او الاناناس او اي فاكهه تحبينهاا ..




بكره بسويه ان شاءء الله
تسلمين على الطريقه

سويها وحطي لنا الصور نبي نشوف النتيجه .. بالتوفيق

[ناصر العمادي]

الله منجا .....:shy::shy:

شكلها مغري ..:weeping::weeping:

بصراحه يالنسوان أبدعتوا في الطبخ السنه ..:nice:
تسلم أيدك يا أم سلطان على الحلو اللذيذ

الله يوفقك وينور دربك ويطول بعمرك ويرضى عليك يارب

كل الشكر والتحيه والتقديروالأحترام مني لك

[الوكراويه]

يعطيج العافيه اختي عالطبق الحلو ..

[رهش قطر]

انه جربتها واطلعت وايد لذيذه
تسلم ايدج اختي
صدقتي والله شكلنا بنكسل البتيل
وننطر ابداعاتج

[بوخالد911]

هلوو


عاد ذبحتي الكراميلا



ممكن نذووق
؟


يسلموو

[Um Sultan]

فيه العافيه عليكم كلكم

اي والله احلى من البتيل وبوااايد

بوعلي ممكن تذوق خل حد من هلك يسويها ترى سهله وايد

[مستثمره جديده]

شكلها حلوه يبيله نجربها .. تسلم يدج حبيبتي

[ام لولوه]

ماشاء الله تبارك الرحمن
مشكوره فديتج على الطريقة وماننحرم منج فنانه الصراحه
وان شاء الله بطبقه بكره وبرد لج خبر بالنتيجه

[Polka Dots]

يممممي
تسلم يدج

[فلفل حار]

على كم الصحن يا آم سلطان ..؟؟
والله شراي ...!


<< ...تشفق عليـه :(

[ام لولوه]

ياربي شنو يجنن
شنو لذيذ
فدددددددددددددددددددددددددديت قلبج يالشيخه على هالطريقة الروعه
والله اليوم سويته على الفطور وكانت عند عزيمه وسويت اربعين كوب
والله مابقى شي كله طااااااااااااااااااااار

ماننحرم منج ومن وصفاتج السحرررررررررررررريه

[فلفل حار]

وجان تقهرني ام لولوه ... :(
عووافــي آن شاء الله ...
:weeping:

[ام لولوه]

وجان تقهرني ام لولوه ... :(
عووافــي آن شاء الله ...
:weeping:

ههههههههههههههههههههههههههههههههه
:sorry:
ترى والله ماكنت أدري أن خاطرك فيه
وأذا خاطرك فيه ترى حاضررررررررررين :thumbup:

[كاتم الاسرار]

http://farm3.static.flickr.com/2401/2459561022_6834fa9daf_o.gif

مشاء الله

[غــالــيــه]

تسلم يدج

جاري تطبيقها

[Um Sultan]

ياربي شنو يجنن
شنو لذيذ
فدددددددددددددددددددددددددديت قلبج يالشيخه على هالطريقة الروعه
والله اليوم سويته على الفطور وكانت عند عزيمه وسويت اربعين كوب
والله مابقى شي كله طااااااااااااااااااااار

ماننحرم منج ومن وصفاتج السحرررررررررررررريه



فيه العاافيه فديتج .. :shy:

[Um Sultan]

:tease:
على كم الصحن يا آم سلطان ..؟؟
والله شراي ...!


<< ...تشفق عليـه :(


مب للبيع فلفل حار ..
خل حد من الاهل يسويه لك ترى وايد سهل مايبيله شي :tease:




تسلمون جميعا على التواصل

[بوحارب]

اشكرج على السويت الفنان

وكل عام وسلطان وأمه بخير :nice:

[the flower]

يااااااااااي شكلها لذيذه

بجربها ان شاءالله

ويعطيج العافيه اختي