حلول مساعدات وممكن مشروع يضم الناس المهدده بتحويل حالتهم للشؤون القانونيه بسبب الديون [الأرشيف]

مشاهدة النسخة كاملة : حلول مساعدات وممكن مشروع يضم الناس المهدده بتحويل حالتهم للشؤون القانونيه بسبب الديون

SOUD.QA

12-09-2009, 02:41 AM

السلام عليكم ورحمة الله وبركاته

كثير من المواطنين تبهدلوا مع الازمه الماليه وعدد لايستهان فيه مرفوع عليه قضايا وغير الناس اللي من تأخروا شوي في تسديد القسط البنك اتصل وتم يهدد فيهم لكم اسبوع ان ما دفعتوا حولنا ملفكم للعاصمه

الديون هلكتهم وكسرت ظهرهم غير مذلة هالبنوك اللي ماترحم صحيح في ناس تتسلف للفشار والبطره بس في ناس متسلفه لجل تعين نفسها في هالدنيا اللي صايره نفس المنشار طالعه ماكله ونازله ماكله

في هالموضوع اتمنى الاقي منكم حلول في منكم ناس خبره بالبزنس ممكن تعرض عليهم مشروع بسيط او تعرض عليهم يشاركونهم بحاجه ممكن تدخل عليهم فلوس تعينهم بقساطهم لحد ماربي يفرجها عليهم ويوقفون على ريولهم مره ثانيه اي شي ممكن نساهم فيه لجل نفرج عليهم كربتهم خصوصا بهالايام المباركه اللي الاجر يتضاعف فيها اضعاف مضاعفه

اتمنى الاقي منكم تجاوب لان فعلا شي يحز بالخاطر اشوف عيال وبنات بلادي بهالموقف اللي لايحسدون عليه

إن شاء الله التعامل مع هالحالات راح يكون بسريه تامه

وشاكر لكم مقدما

ولد الشحانية

12-09-2009, 02:47 AM

مشروع طيب والله يكون بالعون

سهم مديون

12-09-2009, 02:51 AM

كل نفس بما كسبت رهينه

SOUD.QA

12-09-2009, 05:35 AM

الله يكون بعون الجميع

moonبنتnight

12-09-2009, 10:47 AM

الله يعينكم 000 ويفك كربكم أن شاء الله 00

بصراحة 00 مشكلة تتوقف على حسب دين 00 في ناس تكون على ظهر مبالغ كبيره جداً 00
وبعدين محد يتسلف حق مظهر 000 هذه الظاهر مات من فترة طويلة من 4 سنوات تقريباً محد يتسلف لي حق الضرورة القصوى مثل شراء بيت أو سيارة تنفعه ( قطريين حيبون يشرون سيارة أحدث موديل الأسباب 00ما تم عندهم فترة حتى ما تخترب على الأقل سنتين و يبيعها يحصل قيمتها عشان ما تطيح في كبدة ) أو يبني يوسع عليه وعلى عيالة واحتياجات المعيشة 000 وكل ميود على لي عنده سوقنا صاده كساد من كثر الغلا 00
وحتى لو كل قاعدة لها شواذ 00 بيشتون حق مفوشر هذا ناس عندهم فلوس وهم يتمتعون فيها ما تعم على الكل 00

أن شاء الله تلاقي مشروع يغطي دينك ويفيض بعد 00 بس لي أقدر أسوي لك هونصيحه أن تجدول عملية صرف راتب وتحاول طلع منه صدقة كل شهر ( فما نقص مال عبد من صدقة ) والله يبارك فيه وتسد دينك00 تحول تدخر بعد خذف كل شيء تقدر تستغنى عنه ( ربط الحزام ) وهذا أنت لي موجيدين في بيت معاك ( زوجه أوعيال 00 لازم يعرفون في أزمه عنك ) 00 ممكن يساعدونك بعمل مشاريع صغيرة تكون من بيت تساعد بعد 00 ماقول لا الله يعينكم000 بتفاؤل والارادة وتؤكل على الله ونية قضاء الدين 000 أن شاء الله يتفك دينكم 00

SOUD.QA

12-09-2009, 06:12 PM

هلا اختي انا ولله الحمد ماعلي ديون بس قاعد اتكلم من اللي اسمعه حولي وفي ناس واجد اعرفهم متورطين وخبرج كذا حل احسن من حل قلت اطرحه هني ولعل وعسى نقدر نساعد فيهم

eXpert*

12-09-2009, 06:22 PM

أول حل ،، يحول مديونيته الى بنك اسلامي مباشرة .

انا كانت علي مديونية في احدى البنوك التقليدية ، تخلص في سنة 2011 ،، مع الازمة الاقتصادية صار أخر قسط 2016 !!! 5 سنوات زيادة :anger1:

على طول على أقرب بنك أسلامي وخلصت معاملتي .

كفاية نسبة الارباح ثابتة عندهم وتعرف اللي لك واللي لهم من أول ما تقدم عندهم .

HIGHNESS

12-09-2009, 07:04 PM

واللي عليه ديوون ... بس ماعنده شغل ... :(
الله يعين الكل

SOUD.QA

12-09-2009, 07:07 PM

هذي المشكله الاساسيه اللي انا اتكلم عنها

ياليت نسمع حلول تفيد هالفئه من الجماعه

SOUD.QA

12-09-2009, 07:08 PM

البنوك الاسلاميه ما عليها كلام بس اللي ماخذ قرض وصاده ظرف وطلع من الشغل او غير شغله وراتبه قل لظروف خاصه شيسوي لان البنك الاسلامي ماراح يرضى يحول عنده لان راتبه مايغطي السلفه

(حوريه)

12-09-2009, 07:18 PM

في بدايه ,,,

نكون جمعيه للاصحاب الديون ونجتمع للبحث عن حلول جذريه او الاشتراك في مشاريع صغيره

نحن مجموعه من الموظفات حاولنا الاشتراك بمشروع مربح ولكن لم نستطع التنفيذ لصعوبه الحياه لعدم وجود من لديه الخبره في التجاره لمساعدتنا.

شي محزن ان يلتهم البنك معظم الراتب ولانستفيد شي

ولا لدينا مورد ثاني

SOUD.QA

12-09-2009, 07:23 PM

انا معاج في كل كلمه قلتيها اختي وننتظر تعليق الجماعه

HIGHNESS

12-09-2009, 07:29 PM

SOUD.QA

12-09-2009, 07:35 PM

فكره حلوه ياخوي وننتظر افكار جديده

(حوريه)

12-09-2009, 10:14 PM

نبغي بدايه لمشروع وبعدين نسدد

لان التسديد للبنك سياخذ سنين طويله ولكن المشروع وتشغيله وتطويره يعم خيره ونستطيع التعاون في مساعده القروب في تخطي ازماتهم الاقتصاديه

الفكره بذره اذا وجدت الارض الخصبه الخيره نمت وترعرت وعم خيرها على الكل.

متابعـ,,,

HIGHNESS

12-09-2009, 11:05 PM

نبغي بدايه لمشروع وبعدين نسدد

المهم كيف نكون ها القروبات ؟

لازم يكون فيه اتفاق وثقه بين الاطراف

ومعرفه على ارض الواقع مب في النت

الفكره بذره اذا وجدت الارض الخصبه الخيره نمت وترعرت وعم خيرها على الكل.

متابعـ,,,

اهم شي .. واقترح ترشيح مثلاً شخص يثق فيه الجميع هو اللي يجمع ويوزع ويلتزم جميع الاطراف ... بس مثل ماقلتي هي مجرد ( فكرة ) .. تحتاج للتطبيق ولواقع المعرفة والثقة

SOUD.QA

12-09-2009, 11:26 PM

للاسف انا مالي خبره بالتجاره اتمنى الاخوان والاخوات يفيدونا خصوصا اللي خبرتهم طوليه

فعلا محتاجين مشروع يضم اللي متعثرين في قروضهم مشروع على قدهم يحطون فيه اللي يقدرون عليه

وإذا عالثقه إن وجد مشروع ممكن يخدم اكيد كل شي بيكون موثق عند محامي ومحد بيضيع حقه

اتمنى اهل الخبره مايبخلون بخبرتهم

متفائله

13-09-2009, 12:12 AM

جزاك الله خير أخي سعود وجعل هذا الموضوع في ميزان حسناتك وفعلا المسلمين كالبنيان المرصوص ويجب أن نتكاتف جميعاً للفائدة العامة وأقترح على رجال الأعمال والتجار تبني مشروع يضم كل انسان راغب في العمل والإنتاج كدخل إضافي له والإستفادة من الطاقات المهدورة في المجتمع وهناك طاقات كثيرة حبيسة البيت وقادرة على العمل والإنتاج

SOUD.QA

15-09-2009, 03:16 AM

يجزيج بمثله اختي الكريمه وانا ماطرحت هالموضوع الا لأني حاب اساعد هالناس ولو بالكلام عالاقل حلول احسن من حل واحد ومايهون علي اشوف عيال وبنات بلادي بالاوضاع الصعبه هذي ولاينذلون لبنوك لاعبه فيهم لعبة السبله

SOUD.QA

17-09-2009, 05:16 PM

للرفع

طبشور

17-09-2009, 07:02 PM

البنوك لما أدخلت مغامرات مالية جريئة وضخمة مبنية على دراسات وتقارير من أكبر بيوت الخبرة في مجال الأستثمار تدخلت الحكومة لأنقاذها لأن هذه البنوك ملك ل ...:secret:

ولكن المواطن ( المحروم من أهم شيء وهو حرية أبداء الرأي عن طريق البرلمان القطري المزعوم ) ما منه فايدة .. فلماذا يتم أنقاذه ... فهو لايملك صوتاً مسموعاً ولا مؤثراً :weeping:

SOUD.QA

18-09-2009, 05:35 AM

انا اكثر شي قهرني المساعدات اللي جاتهم بالله هذول محتاجين بروحهم منتفين العالم لا والمصيبه انهم ضربوا ضربتهم بالفوايد ماينخاف عليهم حاسبينها صح فلوسهم يعوضونها اضعاف مضاعفه لكن الناس هم المظلومين من وين بيسددون هالبلاوي اللي وراهم

SOUD.QA

03-10-2009, 11:37 PM

أتمنى المزيد من التفاعل

الخير كله

03-10-2009, 11:38 PM

كل نفس بما كسبت رهينه

:omg: حب لاخيك ما تحبه لنفسك

الخير كله

03-10-2009, 11:41 PM

اقتراح ليش ما تسوون مسيره سلميه علشان ينتبهون لكم

nouar

04-10-2009, 12:26 AM

بصراحه فكره حلوه ....

بس انا عندي مشروع والحمد لله خلصت ديوني بسببه

اني كنت اول شي اصوم كثير ..
والدعاء

وانك تسجل دفتر حسابات لكل ريال بتصرفه ..
وعند ما تسجل راح تتعب من كثر التسجيل بصير بتحاول ما تصرف ميشان ما تسجل ..

بهذا الطريقه والحمد لله قدرت اسدد ديوني واحافظ على المصروف

SOUD.QA

09-10-2009, 10:12 PM

تسلمون خواتي عالمرور والتعليق

بوعبدالله2005

10-10-2009, 02:04 AM

رصاصه

10-10-2009, 02:44 AM

اقترح جمعية من قروبات مثلاً كل قروب فيه 6 اشخاص مب اكثر عشان كل واحد ياخذ فرصته... كل شخص يدفع 1000 ريال ... يعني المجموع 6000 ريال ياخذها الي عليه الدور كل شهر ويدفع فيها اقساط البنك لما تخف عن الكل الديون ... وتنقص يعني في سنة يكون سدد 12000 من اقساط البنك :)

بصراحه حل رائع واحب اضيف عليه حل آخر ان المديون يدخل جمعية بميلغ مايخل بميزانيته خلال الشهر ويستلمها اول واحد ويشغلها في مشروع صغير مايحتاج رأس مال وايد بشرط مايشارك فيه أحد لانه ماراح يستفيد من الربح ويسأل ذوي الخبرة في المشاريع الصغيرة يستقطع جزء لتسديد الجمعيه شهريا والباقي يسدد سلفيته على دفعات لين تنتهي

امثلة لمشاريع صغيرة ماتحتاج رأس مال كبير :
1/ سمعت قصة واحد شرى كيمرا بروفشنل وطابعة ملونه ذات جودة عالية وصمم خلفيات حلوة عند رسام وعلم خدامته الفلبينه التصوير وكانت تحضر كل ليلة عرس من العروس اللي تقام في الفنادق والصالات تصور وتبيع وطبعا يعرف كم باعت لان ورق الطباعة له عدد محدد وكان يربح كل شهر 10 الآف بالراحة ...هذا اذا ماكان اكثر وقت المواسم ..

2/ عربات الذرة تدر ذهب وماتكلف واحد لو زعتها في الأماكن اللي فيها العاب للأطفال مثل المجمعات المختلفة ..

وغيرها من المشاريع اللي ممكن يفيدك فيها باقي الاعضاء

رصاصه

10-10-2009, 02:25 PM

للرفع

براتزية برازيلية

16-10-2009, 03:56 PM

متابعـة و الله كريم

SOUD.QA

08-11-2009, 04:16 PM

مازلنا ننتظر حلولا واقتراحات من اهل الخبره

السهم الملتهب

08-11-2009, 06:03 PM

مازلنا ننتظر حلولا واقتراحات من اهل الخبره

الحل الوحيد

أن تتدخل الدولة فوراً لحل أزمة مواطنيها المتعثريين بسبب الديون المتراكمة عليهم

بسبب الازمة العالمية المالية التي أكلت الاخضر واليابس وكل مايمتلكونه

كما فعلت مع البنوك القطرية عندما أشترت مديونياتها العقارية المتعثرة ب 15 مليار ريال

اليس المواطن القطري هو أساس التنمية كما يقولوا

أذن فلماذا لا يساعد المواطن القطري كالبنوك كي يقف على رجله مرة أخرى ويعطى فرصة

كما أعطيت لرؤساء مجالس البنوك والاعضاء الذين سببوا للحكومة خسائر بمبالغ تجاوزت

ال 15 مليار ريال خلال سنة واحدة عندما أستثمروا وتوسعوا في مجالات أقتصادية دون دراسة للمخاطر .

والمواطن له سنوات طويلة وهو يتأمل من حكومته بأن تنظر اليه بعين العطف والرحمة

وأملنا كبيرررررررررررررررر في أبومشعل .

العلم الوكاد

08-11-2009, 06:15 PM

الحل الوحيد

أن تتدخل الدولة فوراً لحل أزمة مواطنيها المتعثريين بسبب الديون المتراكمة عليهم

بسبب الازمة العالمية المالية التي أكلت الاخضر واليابس وكل مايمتلكونه

كما فعلت مع البنوك القطرية عندما أشترت مديونياتها العقارية المتعثرة ب 15 مليار ريال

اليس المواطن القطري هو أساس التنمية كما يقولوا

أذن فلماذا لا يساعد المواطن القطري كالبنوك كي يقف على رجله مرة أخرى ويعطى فرصة

كما أعطيت لرؤساء مجالس البنوك والاعضاء الذين سببوا للحكومة خسائر بمبالغ تجاوزت

ال 15 مليار ريال خلال سنة واحدة عندما أستثمروا وتوسعوا في مجالات أقتصادية دون دراسة للمخاطر .

والمواطن له سنوات طويلة وهو يتأمل من حكومته بأن تنظر اليه بعين العطف والرحمة

وأملنا كبيرررررررررررررررر في أبومشعل .

كلاااااااااااام سليم 100%

واهل قطر يستاهلون

على الاقل يسدون المديونيات وياخذون الاقساط

شهريا مثل ماهي بس يفتكون الناس في الفوائد

اللي صاير دبل المبلغ واكثر

ولا حسيب ولا رقيب

كل يوم زيادة في فترة القرض

والفايدة وكل ورقة عليها رسوم

والبنك المركزي عمك اصمخ

مع انهم يستاهلون اللي يرفع قضية عليهم

لانهم خلو الامور سبهلله للبنوك

اللي قصت العالم

الله يقتص منهم ربويهم واسلاميهم