المساعد الشخصي الرقمي

مشاهدة النسخة كاملة : كم تتوقع يكون سعر السهم للناقلات حين طرحه للتداول ؟



محمد
11-02-2005, 12:33 PM
السلام عليكم :)
عاشوا اهل البورصه لول

يالربع كم تتوقعون ينزل السهم في بداية التداول ؟
انا اتوقع ما بين 20-25
بس اتوقع راح يرتفع تدريجياً
لان الاجانب ماكلين حصى يبون يشترون من هالاسهم
ايضاً هوامير الخليج ..
خاصة وان هالشركة راح تبتدي فعليا في الانتاج و العمل الفعلي في 2007
يعني يجيك واحد يقول اخذ السهم الحين 60 ولا 70 وفي 2007 يوصل 300 السهم او اكثر !!

وسمعت من مصادر مقربه في البورصه انه فيه مليونير سعودي مجهز ربع مليار عشان هالاسهم !
واظن هذا بروحه كفيل بانه يوصل السهم السما
طبعا اقصد بالسما هي سما الفقارى الي احنا منهم يعني 70 ولا 75 للسهم هذا حدنا و احدودنا شنسوي بعد لول :eek: :D

نبي ارائكم ؟

mE mYself & i
11-02-2005, 12:47 PM
20 - 25
وبترتفع بدايه طرحها في السوق وبترجع تنزل

eXpert*
11-02-2005, 01:21 PM
توقعاتي :

من 30 - 45 ريال للسهم

الغشمري
11-02-2005, 04:18 PM
السلام عليكم ورحمة الله وبركاااااااااااااااتة

هلا بك أخوي محمد صرااااااحة التوقعات مابين 30 الى 45

واتمنى من الجميع ان يتحفظ في الاسهم هذي بس

وحاليا وسمعة هناك من يشتريها بسعر 30 ريال في سوق السودة

qatar_moon
11-02-2005, 05:01 PM
والله ضحكتني يا محمد حلوه هذي سما الفقارى

المهم انا اتوقع يكون سعره في البدايه عند اول طرح 35

وكلها فتره بسيطه وبنشوف ان شاء الله :)

Spread Trader
11-02-2005, 05:06 PM
من 30 - 45 ريال للسهم
:rolleyes:

اللورد
11-02-2005, 05:09 PM
من 20الى 25 ريال

جمال النعيمي
11-02-2005, 07:48 PM
75 ريال

واذا مانزل خلال شهر 5 - 6 - 7 - عن 75 ريال

توقع سحب كبير من المستثمرين لان هذا سهم في المقام الاول سهم استثماري

فا النصيحة اشتري ثم اشتري ثم اشتري

هذة فرصة كبيرة ماتفوت 2007 مهب بعيد :cool:

قـطـريـه
11-02-2005, 11:03 PM
يارب يكون السعر 25 عشان نقدر نشتري

محمد
12-02-2005, 12:14 AM
مشكورين على الردود ويعطيكم العافيه ..
يالله كلها ايام وتتضح الرؤية
بس صراحة
انا ناوي اخلي كميه مو شوية ما ابيعها لين 2007 اذا الله احيانا لان احس في 2007 بتطق السما هالناقلات ..

محمد بن حمد
12-02-2005, 02:56 AM
في واحد الحين يشتري السهم على 30

قطري
12-02-2005, 08:56 AM
انا سمعت ان ينشرى بقيمة 40 ريال
انا مع الاخوان الي يقولون انه بين 30 و 45
تحياتي لكم

ROMA
12-02-2005, 12:49 PM
يعطيكم الف الف عاافيه

عندي مشاركه بسيطه يا اخواني

وتعقيب على كلام بعض الاخوان

امس كنت متواجد مع واحد من هوامير قطر للاوراق الماليه

وقد اشترا تقريبا 27 الف سهم وقيمة السهم كانت 30 ريال

واكثر الناس الي باعت من فئة الكبار السن والمشايخ
والسبب اخواني كما علمت من احد الاخوان وعلى لسان البعض

(( عن الحلال والحرام ))

واتمنى من الاخوان ان يحتفضون باسهمهم

وكما علمت اخواني واخواتي سعر السهم با الافتتاح
بيكون 35 ريال وبيزيد وبيوصل انشاء الله تقريبا

85 ريال في غضون 6 اشهر

وبيتعدا 250 ريال في اواخر 2007


وهاذا على ما سمعته من كبار المستثمرين

واتمنى من الاخوان والاخوات ما يبيعون اسمهم كامله

واسف على الاطاله

قناص قطر
12-02-2005, 01:35 PM
بين 15 الى 20 قبل التداول بالبورصه

وبين 30 الى 40 وقت التداول بالبورصه

وضعها نفس وضع وقود

لان الصناعات غيررررررررررررر ولن تتكرر مره اخرى

اتمنى من الجميع عدم بناء احلام على الناقلات

من يومين اتصل فيني واحد (( اول مره يشتري اسهم ))

يقول : قام بشراء 6000 سهم لكل فرد من افراد العائله وهي تتكون من 7 اشخاص

6000 ضرب 7 اشخاص = 42000 سهم

قام بشرائها جميعا بمبلغ 212100

ويحلم ان يتم تخصيص 42000 سهم له بنفسه ؟!

ويحلم ان يصل سعر السهم 50

يعني 42000 ضرب 50 = 2100000

مليونين ومئة الف

الرجال عنده موتر موديل 1998

وقام ببناء احلام من الان بشراء همر وبناء فيلا الاحلام و و و و

والصديق يحلف انه لا ينام الا والحاسبه بين يديه ضرب وقسمه و و و و

كلها احلام في احلام

في الاخير اقول من الممكن يتم تخصيص من 500 الى 1000 سهم لكل شخص

وماقول غير الله يكون بعون الشعب بعد التخصيص

واسف على الاطاله

m_taha123
12-02-2005, 04:10 PM
25 - 30 فقط في البداية وسوف يرتفع

sulai6i
12-02-2005, 08:08 PM
اول يوم سهم عائم بيكون بين الـ 50 - 55
لأن الحين يشترونه بـ 40 ريال

بو حسن
12-02-2005, 10:47 PM
السلام عليكم يا جماعه ..

اخوي محمد ... مشكور على المشاركه ,,
وانا معاك في ان السهم رايح ينطرح في السوق
ما بين 25 – 30 ريال للسهم الواحد ..
واذا تبي الصج العالم خذت قروووووووض
بس علشان تفتك من شي اسمه....
قرض بنك، بيت (قصدي شقه)ايجار، سياره عليها اقساط
وغيرها من العوامل اللي تنهك (ظهر) هالفقير .. والرواتب
(مكانك سر) :confused: والدنيا تغلى ولا هي بتنتظرك لين تعدل اوضاعك
الماليه ....

اخوي قناص قطر ,, تدري اخوي ,,انت كسرت مجاديف ناس واجد :eek:
حتى لو كان يدري انه في تخصيص (وهي نسبه وتناسب = تخصيص)
ماكان لازم تكسر قلب هالفقير اللي باني احلامه على هالاسهم .. وعموماً
انت صادق في اللي قلته بالنسبه للتخصيص ,, بس بيني وبينك ,, اش بتسوي له
الـــ 1000 سهم اذا خصصوها له؟؟ في ظل هالغلا اللي نشوفه :confused:

وآسف على الإطاله...

ودمتم...

اخوكم//

بوحسن

..

هداف
12-02-2005, 11:51 PM
انا استغرب من يقول ان هناك من باع الاسهم من الان مع انه لم يتم التخصيص الى الان ؟؟

ولكن اخذوا الكلام الاكيد

يوجد تجار كبار في السوق السودا من دول الخليج وخصوصا من الكويت والسعوديه وضعوا اسعار للاسهم
لشرائها بعد التخصيص وعن نفسي اعرف شخص ثقه يشتري السهم بــ 40 ريال ويريد بكل الطرق ان يجمع ما لا يقل عن 100,000 سهم ولابأس من بيع بعض الاسهم وليس كلها بهذا المبلغ اذا كنت مستعجل على استرداد رأس المال .. والاحتفاظ با لبقيه لسنتين على الاقل حتى يثبت سعر السهم على اعلى سعر وخصوصا عندما يشتغل هذا المشروع وهو يعتبر من اقوى الاسهم في السوق القطريه عندما تشتغل الشركه لانها استثمارات دوله وهو مشروع ناجح ومربح لا جدال في ذلك وسوف يتجاوز سعر سهم ناقلات بعد سنتين الــ 150 ريال بكل سهوله

وعليه انصح الجميع ان لا يبيع الاسهم في حال وصولها الى سعر 50 او سبعين حتى لو بعد سنه من شرائها لانها بكل صدق بعد سنتين او ثلاث سوف تكون كنز با لفعل واللي شريته بــ با الالاف يرجع عليك با الملايين

وهناك مقولات من مصادر نعتبرها ثقه ان هناك مكرمه او منح اميريه بعد التخصيص على جميع بطاقات المستثمرين من الف الى 1500 سهم اظافيه اي ان رأس مال الشركه سيرفع لكن بصوره منحه او مكرمه بحيث تضمن للكل ان ينتفع بها ولكن شرط ان يكون قد استثمر في هذه الشركه


والسهم اول ايام التداول سوف يكون بسعر 25 ريال ولكن عمليات البيع سوف تكون شبه معدومه وانا اجد الكثير متفائلين بأنهم سوف يشترون المزيد من الاسهم بسعر 25 ريال (( لن تجد من يبيعك بهذا السعر الا حالات نادره ))

ولذلك من الان اسعار الاسهم في السوق السودا وصلت الى 40 وسمعنا ان هناك من يشتري بــ 50 ريال حتى يطمع المستثمر بهذا السعر المغري ويبيع ....... ولكن سعر 25 الى 30 لا اعتقد ان هناك انسان ذكي يضحي بأسهم ناقلات بهذا السعر الرخيص وعليه لا تحلم عزيزي المستثمر انك سوف تشتري بهذا السعر بعد التخصيص

الكل يطمح الى سعر سهم ناقلات بعد سنتين او ثلاث الا وهو 150 الى 250 ريال على اقل تقدير

وان غدا لناظره قريب


فقط احتفظوا با الاسهم كم سنه صدقوني انها كنز كنز كنز


وشكرا

رحال
13-02-2005, 01:23 AM
[/size]
ياجماعة لا تبرزون الا دوه قبل الفلعة ،

الا كتتاب الى الا ن شغال ولم تتضح الرؤيا كم عدد المكتتبين وأمور وحسابات كثيرة
ومعقدة وبعد ين لا توجد مكرمه أميرية أكثر من عدد الا سهم المطروحة لان الا سهم المتبقية
هي ملك لشركاء ومشغلين ومتعاقدين وشركة الملا حه ووقود والنقل البحرى وكل هؤلاء تم
دفع المبالغ الملتزمين بها ونشرت في الجريدة الرسمية ومن ثم نسيتم أن المكتتبين ملتزمين
بدفع الجزء الثاني من المبلغ وهي خمسة ريال على السهم في ضرف سنتين
] تركو الامور ولكل حادث حديث ؟

قطري
13-02-2005, 01:59 AM
ياجماعة لا تبرزون الا دوه قبل الفلعة
حلوة هذه
يعطيكم العافية

السلطــــان
13-02-2005, 06:35 AM
ان شاء الله يكون بين 20 - 30 :)

سوبر سهم
13-02-2005, 11:46 AM
هداف اخوي ممكن اي معلومة عن اللي يشتري ب 40 عندي ناس بيبيعون

:)

الشقيان
27-02-2005, 03:55 AM
انا بشتري 50 حد ببيع