المساعد الشخصي الرقمي

مشاهدة النسخة كاملة : لرعيان vxr - 2006


hxamad
13-09-2009, 09:43 AM
السلام عليكم
شخباركم شباب عندى مشكلتين في سيارتى لفيت دورة على المحلات ومافية فايدة
الأولي :- 1- الحساسات الأمامية عندى كلش ماتشتغل والحساسات تبع الرويس غسلة الموتر وطلع صوت نفس الصفارة .
والمشكلة رقم 2- الباور عندى لما ألفة يمين يسار يطلع صوت مع أني بدلت الطرمبة وما فى فايدة .
فبغيت منكم شباب ألى يعرف محل يضبط الشغلتين اكون شاكر لة وناطر ردودكم
راعي الغزيل
13-09-2009, 10:34 AM
روح حق سميرة لي في شارع الغرافة تجاري وهو بيعطيك شنهي المشكله
محلة قدام اليالي اصفهام هو العبتة هذي المور او وده حق العبيدلي
alkoos
13-09-2009, 06:29 PM
اخوي نصيحه وده الشركه ابرك لك صج بتدفع لكن راح يعرفون لك الخلل وصلحونه عكس برع كل دقيقه بقولك في كذا وكذا وانت اتبدل وخرتها مايتصلح والخلل بسيط
فنصيحتي لك وده الشركه سيارتهم وهم ابخص فيها وتقدر تحاججهم بعد
EMS_QTR
14-09-2009, 04:00 AM
اخوي انت صابغ الصدامات اللي ورا واللي قدام ؟؟؟؟؟؟؟؟؟؟؟؟؟
لان يمكن يكون الصبغ مثقل على الحساسات صارت لي من قبل
فلفل حار
14-09-2009, 05:46 AM
السلام عليكم
شخباركم شباب عندى مشكلتين في سيارتى لفيت دورة على المحلات ومافية فايدة
الأولي :- 1- الحساسات الأمامية عندى كلش ماتشتغل والحساسات تبع الرويس غسلة الموتر وطلع صوت نفس الصفارة .
والمشكلة رقم 2- الباور عندى لما ألفة يمين يسار يطلع صوت مع أني بدلت الطرمبة وما فى فايدة .
فبغيت منكم شباب ألى يعرف محل يضبط الشغلتين اكون شاكر لة وناطر ردودكم

المشكله الاولى طال عمرك
آتوقع دينمة الحساسات آحترقت عندك
بس تصدق آنه آحتمال تطلع المشكله في الفيوز ..!!
خاصة وآنك قايل مغسل الموتر آكيد بطل لك البانه وغسلها ؟؟

خل آي كراج يجيب لك جهاز آلي يفحص الفيوزات وشيك عليهم واحد واحد
وبدل آي فيوز محروق وعقب شيك على وايرات توصيلات الحساسات صوب توصيلها بالصداديم لي الدينمه
يمكن فرط واير ولا شي من ضربة حفره آو مطبه << ياكثرهم :(

لانه مب معقوول يختربون كلهم بنفس الوقت بدون سبب ...!
آذا ماصارو وياك حزاتها مالك الا دينمة الحساسات وسعرها يمكن مايطووف الآلف ريال




المشكله الثانيه الله يسلمك
صارت لي على كروزري القديم موديل2002
وآتوقع آيل الباور ينقص عندك ؟؟

شووف يالغالي آظني هوز الباور يبيله تغيير وآذا تبي تعرف بنفسك لف السكان كاامل على صوب اليمين وآنت واقف وخل واحد يطل صوب التاير اليسار صوب الدرامويل بتلاقي الهوز يبين
وآذا شفت الآيل ينقط على الآرض معناها الخلل منه ومافي الآ تبدل

آشتر هوز الباوور سعره حروة الـ550 من محل نووبل
والتركيب وده حق واحد فنان شووي مب آي كراج
ومايطول تركيبه


والله يعينك لو بتخلص أمورك قبل العيد
وكل سنه وآنت طيب يالغالي ... :)
المارونـــي
14-09-2009, 07:56 AM
بالنسبه للحساسات اذا انت مبدل الصداام وضهر لك الصوت يمكن مغيرين مكان الحساسات يعني الي يسار يمين واللي يمين يسار واذا مابدلت الحساسات جيك على الفيش اللي واصله بالحساسات يمكن تكون مرتخيه ويفضل انك تفصل الفيشه وترد تركبها مره ثانيه وان شاء الله بيروح الصوت
وبالنسبه لصوت الباور جيك على الايل يمكن قاصر ولاتفتح علبة الباور والموتر شغال لانها اتاثر على قوة جفع الباور مما يسبب دخول هو في طرمبة الباور واذا الباور يلييك هذا كلام ثاني . وبعد جيك على الاكسلات يمكن الربلات تكون مختربه ويدخل فيها غبار ولا رمل وهذا بعد له سبب
وفي الاخير تقبل مروري
hxamad
14-09-2009, 07:57 PM
ناطر تجارب وأراء الشباب