استفسار كاسكو اليف بس معاي [الأرشيف] - منتديات شبكة الأسهم القطرية

بوحمد111

14-09-2009, 03:35 AM

السلام عليكم ورحمة الله وبركاتة

اخواني وأخواتي من العنوان انا اقصد ان الكاسكو اللي عندي أليف بس معاي من بين جميع اللي يعيشون معاي في البيت وانا بصراحة اشتريته عن طريق هذا المنتدى وكان عمره في ذاك الوقت سنه وشهرين وألحين صار له عندي 6 شهور يعني عمره الحين سنه و 8 شهور والكلمات اللي يقولها بطلاقه ( السلام عليكم ) ويشكل فيها مره يمدها ومره يقصرها ويقول كاسيكو و بتوه وهلو و بابا واسم الخدامه و يقول اي شي يسمعه من مره وحدة يعني سهل التعليم ومثل ما قلت لكم في البدايه اليف بس معاي ويركب على يدي ويزعل اذا احد جلس بجنبي يعني على ما اعتقد انه يحبي ويغار من اللي يجلسون معاي وعلى العموم ابي اعرف كم يسوى سعره في هذا الوقت وهل تنصحوني ابيعه أو احتفظ فيه ولكم جزيل الشكر والتقدير

غرفاوي قطري

14-09-2009, 03:47 AM

والله اخووي ماعرف كم سعره بالظبط ..
بس انا مانصحك تبيعه .. اذا هو يحبك لهدرجه ماشالله .. خله عندك .. :)
والله يخليكم لبعض .. ههههه

بُوجَآُسْم •~

14-09-2009, 03:48 AM

والله من رايي حرام تبيعه

LahFa

14-09-2009, 03:51 AM

لاااا تحمل تبيعه ... دامه يحبكــ ... ترى نعمه والله انه الطير يتعلق فيك ويحبكــ ..
نفس اللي عندي خخخخ ..؛
والمشكله يعصب طيري اذا حد لمسني هههه ...

خله ياخوي ولا تبيه ..^^

اما بخصوص الاسعاررر .. ماعندي فكره للاسف ..؛

بوحمد111

14-09-2009, 03:52 AM

والله اخووي ماعرف كم سعره بالظبط ..
بس انا مانصحك تبيعه .. اذا هو يحبك لهدرجه ماشالله .. خله عندك .. :)
والله يخليكم لبعض .. ههههه

اخوي غرفاوي قطري

شاكر لك النصيحة وشورك وهداية الله بس يا اخوي ولدي يبي يلعب معاه ولكن ما يقدر يعضه اذا قرب منه وأنا ما اشتريته الا علشان الولد يستانس به ولكن ما يعطيه فرصه كل ما يقرب منه يعضه والله انا حيران

بوحمد111

14-09-2009, 03:54 AM

والله من رايي حرام تبيعه

جزاك الله خير اخوي بوفهد

نصيحتك على راسي بس ولدي متعقد منه كله يعضه ولا يحبه

الأمبراطور

14-09-2009, 03:55 AM

نصيحه لاتبيعه........بالنسبة للسعر صعب تحدد لان كلماته قليله وعلى حسب الي بياخذه.......انا شخصيا بدفع فيه 3000 لين 3500......غيري يمكن ب4000 و4500 يعني ماله سعر ....ملاحظه في الشتا سعره اكثر
لكن اذا علمته كلمات اكثر في شهرين مثلا وصارت كلماته كثييره اهني ممكن تضرب بالسعر
على طاري العض.......هالشي معروف الطير لابد انه يحب شخص واحد خصوصا اذا كان كبير....اصبر عليه وكثر كلماته بعدها بيعه بسعر حلو
وهدك من المحلات لانهم بيعورون راسك بيعه في المنتدى احسن
بعض المحلات ياخذ نسبه....وبعضهم تدفع على اليوم يعني عوار راس
مووووفق

بُوجَآُسْم •~

14-09-2009, 03:57 AM

نفس اللي عندي خل ولدك يعطيه اكل يوميا عشان يتعود عليه ويحاول يمسح على راسه ان شالله بيتعود على ولدك

وبالتوفيق

بوحمد111

14-09-2009, 04:03 AM

لاااا تحمل تبيعه ... دامه يحبكــ ... ترى نعمه والله انه الطير يتعلق فيك ويحبكــ ..
نفس اللي عندي خخخخ ..؛
والمشكله يعصب طيري اذا حد لمسني هههه ...

خله ياخوي ولا تبيه ..^^

اما بخصوص الاسعاررر .. ماعندي فكره للاسف ..؛

LahFa
شاكر لك النصيحه ومثل ما قلت انا من قبل انه يحبني حب ماله حدود وحتى لو سافرت عنه لازم اتصل البيت يومياً ويسمع صوتي علشان يتطمن اني موجود طبعاً عن طريق مكبر الصوت
ترى مو بس هو اللي متعلق فيني ترى انا بعد حبيته حب ماله حدود هههههه

بوحمد111

14-09-2009, 04:08 AM

نصيحه لاتبيعه........بالنسبة للسعر صعب تحدد لان كلماته قليله وعلى حسب الي بياخذه.......انا شخصيا بدفع فيه 3000 لين 3500......غيري يمكن ب4000 و4500 يعني ماله سعر ....ملاحظه في الشتا سعره اكثر
لكن اذا علمته كلمات اكثر في شهرين مثلا وصارت كلماته كثييره اهني ممكن تضرب بالسعر
على طاري العض.......هالشي معروف الطير لابد انه يحب شخص واحد خصوصا اذا كان كبير....اصبر عليه وكثر كلماته بعدها بيعه بسعر حلو
وهدك من المحلات لانهم بيعورون راسك بيعه في المنتدى احسن
بعض المحلات ياخذ نسبه....وبعضهم تدفع على اليوم يعني عوار راس
مووووفق

اخوي الأمبراطور

الله يجزيك خير ويبارك فيك وبصراحه نصيحتك تاج على راسي وعن الكلمات اللي يقولها تراها كثيره وأنا بس ذكرت القليا وبصراحه مسوي عندي في البيت جو رهيب من الأصوات والكلمات اللي يقولها وعلى ما اعتقد اني بصبر عليه اكثر ومش بايعه في الوقت الحالي

شاكر لك اخوي العزيز

بوحمد111

14-09-2009, 04:13 AM

نفس اللي عندي خل ولدك يعطيه اكل يوميا عشان يتعود عليه ويحاول يمسح على راسه ان شالله بيتعود على ولدك

وبالتوفيق

اخوي بوفهد

شاكر لك النصيحه وجزاك الله خير وان شاء الله بوصل نصيحتك حق ولدي بارك الله فيك

هذلان

14-09-2009, 04:14 AM

السلام عليكم

الشيخ اسمعها مني نصيحه و معلومه .

علاقه الطير بالانسان علاقه الجنس الاخر يعني اذا انت رجل و حبيت تشتري كاسكو لازم تاخذ كاسكو نثيا عشان توالف وياك انت و العكس اذا بنت حبت تربي كاسكو لازم تاخذ كاسكو ذكر، و المشكله انه ماينعرف هالشي الا بتحليل الدوم او بلون الحلقه الي في رجل الطير ( ذهيبه او فضيه)
واضح ان الكاسكو الي عندك نثيا .

كان عندي كاسكو من زمان .. كان يطلع دم من يدي من كثر مايعضني و كان يصارخ لا قربت منه في يوم من الايام كان الطير فوق الكرسي و ولد اخوي مقرب خشمه من الطير .. صرخت عليه خفت يعضه ولا يبط عينه لاسمح الله . تخرع الولد قالي لا شوفه يرقص وياي هههههه
وفعلا يسلم عليه خشم و يفتح جناحه و يرقص مادري اذا تعرف رقصه الكاسكو معرووفه .
يعني بالعربي عكس قصتك .
و الحل مثل ماقال لك احد الاخوان خل ولدك هو الي يعطيه الاكل لانه الطير يوالف بعد مع الي يعطيه اكل .
و اذا ولدك يقدر يسوي هالشي زين ،، اذا قرب يده من منقار الطير خل ولدك يمسك منقار الطير من برى يعني من فوق مايقدر يعضه عشان يزهق من سالفه العض .

ولا تبيع الكاسكو وجوده في البيت يسوي جو.
واذا فكرت تاخذ حق ولدك طير خذ له البتوه الخضرا مالت باكستان مادري الهند .. وحده منهم هي الي اوكيه يا باكستان يا الهند ترى حلوه للاطفال.

آهات غسق

14-09-2009, 05:57 AM

انصحك لاتبيعه وخله عندك دامه يحبك ومتعود عليك

وخل ولدك الله يحفظه عندك وبيد ولدك اكل وياكله ويكلمه وشوي شوي بيتعود عليه

LahFa

14-09-2009, 06:11 AM

يعطيكم العافيه ع هالردود الحلوووه ...
واشتبي اكثر من جي يابو حمـــد .. ^^

ذيب زكريت

14-09-2009, 06:26 AM

LahFa
شاكر لك النصيحه ومثل ما قلت انا من قبل انه يحبني حب ماله حدود وحتى لو سافرت عنه لازم اتصل البيت يومياً ويسمع صوتي علشان يتطمن اني موجود طبعاً عن طريق مكبر الصوت
ترى مو بس هو اللي متعلق فيني ترى انا بعد حبيته حب ماله حدود هههههه

لهاالدرجه يا بوحمد يحبك -- وانت تحبه

وتبي تبيعه ؟؟؟ !!!!!

يمكن بتبيعه لأنه كثرت عليك فواتير المنشار كيوتل من كثر اتصالاتك له

سؤال ___ ام حمد ما تغاااار منه ؟؟

:shy::shy::shy::shy::shy::shy::shy::shy::shy:

ههههههههههههههههههههههههه

LahFa

14-09-2009, 06:30 AM

هههههههه

الله يخليهم لبعض ان شاءالله .. ^^

>>> غــمـــوض <<<

14-09-2009, 06:58 AM

ههههههههههههــ
لا والله ما انصــحك تبيعــه

انه الكاسكو اللي عندي خذته من المنتدى وفي البدايــه مايرضى احد يقرب منه وعادي لو مسكته تييلك عضــه قويه :nice:

لكن اهتميت فيه شوي شوي وبدى يتعلم ,,, اول مره جيت ابي امسكـه عضاني بالقــو ومسكين هاوشته وزعــل ودخل القفص ومارضا يطلــع منه الا يوم رحت له ولعبت معاه ومن بعدهــا حرم يعضنــي :nice: الحين ماشاء الله عليه كله يلعب ويصفر مايعظ كلش :) وتوه بادي يطلع اصوات غريبــه كأنه يبي يتكلم بس مش قادر ....

فنصيحتي احتفظ فيــه لانه يونســــــــــــــ

بوحمد111

14-09-2009, 01:04 PM

السلام عليكم

الشيخ اسمعها مني نصيحه و معلومه .

علاقه الطير بالانسان علاقه الجنس الاخر يعني اذا انت رجل و حبيت تشتري كاسكو لازم تاخذ كاسكو نثيا عشان توالف وياك انت و العكس اذا بنت حبت تربي كاسكو لازم تاخذ كاسكو ذكر، و المشكله انه ماينعرف هالشي الا بتحليل الدوم او بلون الحلقه الي في رجل الطير ( ذهيبه او فضيه)
واضح ان الكاسكو الي عندك نثيا .

كان عندي كاسكو من زمان .. كان يطلع دم من يدي من كثر مايعضني و كان يصارخ لا قربت منه في يوم من الايام كان الطير فوق الكرسي و ولد اخوي مقرب خشمه من الطير .. صرخت عليه خفت يعضه ولا يبط عينه لاسمح الله . تخرع الولد قالي لا شوفه يرقص وياي هههههه
وفعلا يسلم عليه خشم و يفتح جناحه و يرقص مادري اذا تعرف رقصه الكاسكو معرووفه .
يعني بالعربي عكس قصتك .
و الحل مثل ماقال لك احد الاخوان خل ولدك هو الي يعطيه الاكل لانه الطير يوالف بعد مع الي يعطيه اكل .
و اذا ولدك يقدر يسوي هالشي زين ،، اذا قرب يده من منقار الطير خل ولدك يمسك منقار الطير من برى يعني من فوق مايقدر يعضه عشان يزهق من سالفه العض .

ولا تبيع الكاسكو وجوده في البيت يسوي جو.
واذا فكرت تاخذ حق ولدك طير خذ له البتوه الخضرا مالت باكستان مادري الهند .. وحده منهم هي الي اوكيه يا باكستان يا الهند ترى حلوه للاطفال.

هذلان

شاكر لك النصيحة والمعلومه عن جنس الطير واللي عندي لون الحلقة فضيه وما ادري الذكر اي لون أو الأنثى اي لون بس بصراحه انا مستانس مع الكاسكو الله يخلينا حق بعض وعلى قولتك وجوده في البيت شي عجيب والحمدلله عندي بعد البتوه الخضره وصار لها معانا في البيت اكثر من 6 سنين وأليفه 100% وله الحمد كلنا نعتبرها جزء من العائله

بوحمد111

14-09-2009, 01:08 PM

انصحك لاتبيعه وخله عندك دامه يحبك ومتعود عليك

وخل ولدك الله يحفظه عندك وبيد ولدك اكل وياكله ويكلمه وشوي شوي بيتعود عليه

آهات غسق

شاكر لك النصيحة وان شاء الله الولد بيتعود عليه شوي شوي

بوحمد111

14-09-2009, 01:12 PM

يعطيكم العافيه ع هالردود الحلوووه ...
واشتبي اكثر من جي يابو حمـــد .. ^^

LahFa

اي والله اش ابي اكثر من جي الحمدلله اليوم رحت حق الكاسكو واعتذرت منه ههههههه ليش اني ابي ابيعه والحمدلله قبل اعتذاري ........ غشمره

مشاركاتكم ونصايحكم تاج على راسي الله يحفظكم

بوحمد111

14-09-2009, 01:18 PM

لهاالدرجه يا بوحمد يحبك -- وانت تحبه

وتبي تبيعه ؟؟؟ !!!!!

يمكن بتبيعه لأنه كثرت عليك فواتير المنشار كيوتل من كثر اتصالاتك له

سؤال ___ ام حمد ما تغاااار منه ؟؟

:shy::shy::shy::shy::shy::shy::shy::shy::shy:

ههههههههههههههههههههههههه

اخوي ذيب زكريت

شاكر لك المشاركه والنصيحه وعن سؤالك اذا ام حمد تغار ترى ابشرك الحمدلله ام حمد واثقه مني وتدري اني ما راح احب غيرها
ولا تبيني احب طير بعد وعلى العموم حب الطير يختلف عن حب البشر والله يخلي لي ام حمد ويخليني لها ويخلي لي الكاسكو ويخليني له وشاكر لك اخوي الله يحفظك

بوحمد111

14-09-2009, 01:20 PM

هههههههه

الله يخليهم لبعض ان شاءالله .. ^^

الله يجزيك خير ويبارك فيك

بوحمد111

14-09-2009, 01:22 PM

ههههههههههههــ
لا والله ما انصــحك تبيعــه

انه الكاسكو اللي عندي خذته من المنتدى وفي البدايــه مايرضى احد يقرب منه وعادي لو مسكته تييلك عضــه قويه :nice:

لكن اهتميت فيه شوي شوي وبدى يتعلم ,,, اول مره جيت ابي امسكـه عضاني بالقــو ومسكين هاوشته وزعــل ودخل القفص ومارضا يطلــع منه الا يوم رحت له ولعبت معاه ومن بعدهــا حرم يعضنــي :nice: الحين ماشاء الله عليه كله يلعب ويصفر مايعظ كلش :) وتوه بادي يطلع اصوات غريبــه كأنه يبي يتكلم بس مش قادر ....

فنصيحتي احتفظ فيــه لانه يونســــــــــــــ

غموض

الله يجزيك خير ويبارك فيك ونصيحتك تاج على راسي

شوكولاتينو

14-09-2009, 01:25 PM

اخوي حرااااااااام تبيعة
شكلة كيوت ويحبك والمحبة من الله
وترى اذا بعته وعن تجربة شخصية ويا قطوتي بيصيدة حالة نفسية صعبة
وممكن انه ماياكل لين يموت (الله لايقولها ويحفظه لك) ف حرام الصراحة تضيعة من يدك
بسبة فلوس بتروح

بوحمد111

14-09-2009, 01:32 PM

اخوي حرااااااااام تبيعة
شكلة كيوت ويحبك والمحبة من الله
وترى اذا بعته وعن تجربة شخصية ويا قطوتي بيصيدة حالة نفسية صعبة
وممكن انه ماياكل لين يموت (الله لايقولها ويحفظه لك) ف حرام الصراحة تضيعة من يدك
بسبة فلوس بتروح

شوكولاتينو

الله يجزيك خير ويبارك الله فيك والحمدلله المحبه متبادله بيني وبينه الله يخلينا حق بعض والحمدلله انا في خير وما كنت ببيعه بسبة الفلوس ولكن لأنه مب اليف مع ولدي ولكن ان شاء الله بحتفظ فيه وبطبق النصايح اللي جاتني في الردود الله يجزيهم خير وينور عليك وعليهم

إعلامي قطر

14-09-2009, 04:48 PM

..

طبعاً نصيحتي مثل نصيحة باقي الشباب وأقول لك لاتبيعه..

لكن جوعه تدريجياً خصوصاً من الأشياء إللي يحبها مثلاً الفول السوداني
ولا الذره ولا الفاكهه المهم أكثر شي يحبه أحرمه منه لفتره أطول من
المعتاده وبعدين خل ولدك يأكله بيده وطبعاً خل الكاسيكو على الستاند
أو على يدك (مب داخل القفص) ولما يأكله ولدك كذا مره عقب خل
يبدى يحاول يشله تدريجياً، وإذا ناحس الكاسيكو بالبدايات خلوه
على راحته ترى الكاسيكو حساس جداً وعنيد أحياناً..

وبالمناسبه دامه متعلق فيك لاتغيب عنه مره وحده بشكل مفاجئ لفتره طويله
خصوصاً إذا ماتعود على غيرك لأن الكاسيكو من الطيور إللي تجيها حالات
نفسيه من مثل هالأمور وبينتف ريش ظهره وبيستوي مثل دجاج ساديا
لاسمح الله !! :eek5:

بالمناسبه ماقلت لنا شمسميه ؟! :nice:

والله يبارك لك فيه..

..

الخامس

14-09-2009, 05:10 PM

مشككككككككككككور

الخامس

14-09-2009, 05:11 PM

مشككككككككككككورة

بوحمد111

15-09-2009, 03:48 AM

..

طبعاً نصيحتي مثل نصيحة باقي الشباب وأقول لك لاتبيعه..

لكن جوعه تدريجياً خصوصاً من الأشياء إللي يحبها مثلاً الفول السوداني
ولا الذره ولا الفاكهه المهم أكثر شي يحبه أحرمه منه لفتره أطول من
المعتاده وبعدين خل ولدك يأكله بيده وطبعاً خل الكاسيكو على الستاند
أو على يدك (مب داخل القفص) ولما يأكله ولدك كذا مره عقب خل
يبدى يحاول يشله تدريجياً، وإذا ناحس الكاسيكو بالبدايات خلوه
على راحته ترى الكاسيكو حساس جداً وعنيد أحياناً..

وبالمناسبه دامه متعلق فيك لاتغيب عنه مره وحده بشكل مفاجئ لفتره طويله
خصوصاً إذا ماتعود على غيرك لأن الكاسيكو من الطيور إللي تجيها حالات
نفسيه من مثل هالأمور وبينتف ريش ظهره وبيستوي مثل دجاج ساديا
لاسمح الله !! :eek5:

بالمناسبه ماقلت لنا شمسميه ؟! :nice:

والله يبارك لك فيه..

..

اخوي اعلامي قطر

شاكر لك النصيحه الله يحفظك وعن اسم الكاسكو اللي عندي انا مسميها ام السوالف لأن سوالفها ما تخلص الله يخليها وأكيد بتسأل ليش حكمت عليها انها نثيه لأن بعض الردود اللي جاتني تقول انها بنت وشكلها حبتني هههههههههه

يعطيك العافيه

بوحمد111

15-09-2009, 03:49 AM

مشككككككككككككور

شكراً جزيلاً الله يحفظك

ام العنــود

15-09-2009, 04:00 AM

من رايي
خله معاك ولا تبيعه دامه يحبك
لان اذكر وحده من رفيجاتي كان عندها طير يحبها واااايد ويوم باعته مات عند اللي اشتراه

وبالنسبه للي يبون يلعبون معاه وهو يعضهم
هذا لانهم ياذونه ولانه ما تعود عليهم

ومثل ما قال اخوي اعلامي قطر نصيحه صح وانا مجربتها

والله يخلي لك ام السوالف

بوحمد111

15-09-2009, 04:07 AM

من رايي
خله معاك ولا تبيعه دامه يحبك
لان اذكر وحده من رفيجاتي كان عندها طير يحبها واااايد ويوم باعته مات عند اللي اشتراه

وبالنسبه للي يبون يلعبون معاه وهو يعضهم
هذا لانهم ياذونه ولانه ما تعود عليهم

ومثل ما قال اخوي اعلامي قطر نصيحه صح وانا مجربتها

والله يخلي لك ام السوالف

هلا بك اختي ام العنود

الحمدلله اقتنعت اني اخلي ام السوالف تعيش عندي الى الأبد ان شاء الله والله لا يحرمني من سوالفها وغزلها فيني وما باقي الا تكتب فيني اشعار

الف شكر لك ولكل من شاركني الموضوع سواء بالأفكار أو النصايح الله لا يحرمني منكم

هذلان

15-09-2009, 04:14 AM

تستاهل يابو محمد هالغلا كله :)

بوحمد111

16-09-2009, 03:27 AM

تستاهل يابو محمد هالغلا كله :)

هذلان

الله يجزيك خير ويبارك فيك وشاكر لك الدعوه الحلوه

اخوك بوحمد

اخوك الصغير

16-09-2009, 01:28 PM

بالتوفيق

بوحمد111

16-09-2009, 01:36 PM

بالتوفيق

:nice: