هل قطر دوله سياحيه؟ [الأرشيف] - منتديات شبكة الأسهم القطرية

simsim1963

14-09-2009, 08:23 AM

لو كنت سائح كم يوم تحتاج للتعرف على قطر ومعالمها السياحيه ؟
هل البنيه التحيتيه مهيأه لأستقبال السياح ؟
هل لدينا فنادق متعددة لأنواع السياحه العائليه والعزابيه ؟
من وجهه نظري أتوقع يومين فقط بالكثير سياحه التراث في سوق واقف والمتحف الاسلامي واليوم الثاني زيارة المجمعات فقط حيث لايوجد لدينا أماكن سياحيه بحريه منظمه مقارنه بجيراننا من دول الخليج ولا سياحه بريه يعني لم نستفيد من بيئتنا الصحراويه طيب نبي نعرف وين دور هيئه السياحه من السياحه وموسم الاجازات الاعياد على الابواب والميزان السياحي دائما بالناقص مع الدوله الخليجيه الثانيه ولماذا تسمح بهروب مئات الملايين من الرايالات من قطر من دون بديل . لقد تم التعرف على اراء السياح الاجانب من مواقع مختلفه في النت :) ياريت نستفيد من ارائكم وتعليقاتكم

BIG-VEGA

14-09-2009, 09:00 AM

ماحصلنا من سالفه (دوله سياحيه) الا المشاكل
يازينا قبل.....نصيف في البحر...ونشتي في البر....والحياه كانت احلى

>مجرد راي شخصي<

بس الصوره وسمسم!!! ....ماتركب

يعطيك العافيه

قطري فلته

14-09-2009, 09:11 AM

اى حاليا تصلح للسياحه وخاصه يشوف السايح شوارعنا

ويشوفون معالم الحفر

خلهم يعدلون البنيه تحتيه بعدين قول هل تصلح للسياحه

Sharshooooor

14-09-2009, 09:31 AM

اى حاليا تصلح للسياحه وخاصه يشوف السايح شوارعنا

ويشوفون معالم الحفر

خلهم يعدلون البنيه تحتيه بعدين قول هل تصلح للسياحه

مالها شغل البنية التحتية في السياحة

في دول مافيها اصلا صرف صحي والناس تروح لها للسياحة الطبيعية
وانا برأيي ان قطر مافيها اصلا سياحة وشكل السياح يجون يتوهقون وعقب يردون بلادهم
هههههههههههه

قطري فلته

14-09-2009, 09:32 AM

شقصدك البلد الى تسممو فيها
هههههه

استغفر الله العظيم

تحداني

14-09-2009, 09:40 AM

.. لا اعتقد "

ان دوله قطر ..
دوله سياحيه .. في الوقت الحالي ..
ولا ندري ما تخبأه لنا الايام من مفاجأت ...

" انما اعتقد "
ان دوله قطر في الوقت الحالي ..
هي ارض خصبه للاستثمارات الماليه ..
والعقارات .. والصفقات التجاريه :) ..

وانها اصبحت حلم من احلام
بعض ..الشعوب في الدول العربيه المجاوره ..
لاستعمار كل بقعه .. جغرافيه فارغه ..
او استغلال كل برج .. بدأ يناظر السماء :) ..

.. همسه ..
لست الشخص المؤهل لتقيم ما يدور حولي ..
انما وجهه نظر مواطنه ..
تنظر للامور بهذه الزاويه ..

.. كل انسان يعيش على ارض وطنه..
يتمنى لها الخير ..
وان تكون ملاذ لكل مواطن ..
فضل سياحه بلده عن السفر للخارج ..
وخاصه ايام العطل القصيره ..
فلسنا أقل من باقي الدول التي يذهبون اليها الناس ..
ايام الخميس والجمعه ..

الله يسعدكم يارب ..

simsim1963

14-09-2009, 10:20 AM

ماحصلنا من سالفه (دوله سياحيه) الا المشاكل
يازينا قبل.....نصيف في البحر...ونشتي في البر....والحياه كانت احلى

>مجرد راي شخصي<

بس الصوره وسمسم!!! ....ماتركب

يعطيك العافيه

مشكور على الافادة وبالنسبه للأسم والصورة لا تعليق مال اول

simsim1963

14-09-2009, 10:22 AM

اى حاليا تصلح للسياحه وخاصه يشوف السايح شوارعنا

ويشوفون معالم الحفر

خلهم يعدلون البنيه تحتيه بعدين قول هل تصلح للسياحه

كلام صحيح شاكر لك تعليقك

simsim1963

14-09-2009, 10:23 AM

.. لا اعتقد "

ان دوله قطر ..
دوله سياحيه .. في الوقت الحالي ..
ولا ندري ما تخبأه لنا الايام من مفاجأت ...

" انما اعتقد "
ان دوله قطر في الوقت الحالي ..
هي ارض خصبه للاستثمارات الماليه ..
والعقارات .. والصفقات التجاريه :) ..

وانها اصبحت حلم من احلام
بعض ..الشعوب في الدول العربيه المجاوره ..
لاستعمار كل بقعه .. جغرافيه فارغه ..
او استغلال كل برج .. بدأ يناظر السماء :) ..

.. همسه ..
لست الشخص المؤهل لتقيم ما يدور حولي ..
انما وجهه نظر مواطنه ..
تنظر للامور بهذه الزاويه ..

.. كل انسان يعيش على ارض وطنه..
يتمنى لها الخير ..
وان تكون ملاذ لكل مواطن ..
فضل سياحه بلده عن السفر للخارج ..
وخاصه ايام العطل القصيره ..
فلسنا أقل من باقي الدول التي يذهبون اليها الناس ..
ايام الخميس والجمعه ..

الله يسعدكم يارب ..

كل شئ ممكن و شاكر لك تعليقك

simsim1963

14-09-2009, 10:25 AM

مالها شغل البنية التحتية في السياحة

في دول مافيها اصلا صرف صحي والناس تروح لها للسياحة الطبيعية
وانا برأيي ان قطر مافيها اصلا سياحة وشكل السياح يجون يتوهقون وعقب يردون بلادهم
هههههههههههه

صحيح ومن تعليقات الزائرين لقطر من الاجانب بأن قطر بلد ممل ولا تصلح الا ليوم واحد فقط وذكروا فقط سوق واقف

أسد الجزيرة

14-09-2009, 10:40 AM

قطر دولة غير سياحية الا اذا كانت تتوجه للسياحة على طريق دبي فتلك مصيبة

براتزية برازيلية

14-09-2009, 11:33 AM

قطر مافيها سياحة

شبح الصمت

14-09-2009, 12:28 PM

من قال لك مافي سياحة عندكم السيلين كفايه يركبون طعس وينزلون طعس هي بروحه مساااااااااااااااااااااج وثاني شيء عندهم بحر الغاريه للتشمس وثالث شيء ترى اللؤلؤه انطر على مشروع اللؤلؤه ومن ناحية سياحية صراحه لا تقارن دول برى في قطر لانه قطر عبارة عن مناطق كانت صحراء يعني وين تبي الخضره بتكون ما يصير ياخوك الخضار والطبيعة والبحر والشلاشات اهناك ذاك الصوب وليش مذكور فالقران انه الدنيا لهم والاخرة لنا ..
يعني الحمد الله على النعمة الي احنا فيها والي يبي يصيف في اي مكان لا ينسى الصووغه لشباب المنتدى؟؟
بس تدري سمسم صورة الخان الي حاطه مالها حل كفايه الشوارب عادي اتشيل طيرين ونسر بعد هههههههههههاي
تسلم على الموضوع الحلو :nice:

The Watcher

14-09-2009, 02:17 PM

اكيييييييد غير سياحية لعدة أسباب:
- لا توجد حدائق مميزة .. ولا مدن ألعاب مميزة تخلي الواحد يفكر يجي قطر بس عشان يزورها
- الفنادق اسعارها وايد مبالغ فيها .. اي مدينة في العالم (حتى المدن الغالية) تلاقي الغالي والرخيص .. اما انك تشوف مدينة كل فنادقها غالية .. اتعس فندق مايقل عن 150 دولار .. وياليته يكون صالح للسكن
- تأجير السيارات عندنا مصخرة .. اما انك تروح شركة عالمية اسعارها غالية (ارخص سيارة 170 ريال) .. او تروح شركة صغيرة يطلبون منك يحجزون الجواز وشيك مفتوح!!!
- المواصلات في الدوحة سيئة .. محد يقدر يعتمد على كروة في مواصلاته
- الأسواق في الدوحة اغلى من الدول لمجاورة .. عمرك شفت احد جاي قطر عشان يتسوق ؟
ما كأن القطريين مطيحين في الحسا ودبي
- مافي اي شي تتميز فيه قطر من انواع السياحة .. لا سياحة علاجية .. ولا سياحة طبيعية .. ولا سياحة اسواق .. ولا سياحة تاريخية .. ولا سياحة شواطئ .. ولا سياحة ترفيهية عائلية

يمكن يجي يوم تتطور قطر من هالناحية .. بس وقتها وين بتكون الدول الثانية مثل دبي .. او حتى البحرين

كاتم الاسرار

14-09-2009, 02:25 PM

ماحصلنا من سالفه (دوله سياحيه) الا المشاكل
يازينا قبل.....نصيف في البحر...ونشتي في البر....والحياه كانت احلى

>مجرد راي شخصي<

بس الصوره وسمسم!!! ....ماتركب

يعطيك العافيه

مرحباا اي والله يالغالي جبته في القلب اي سياحه اي خرابيط اقسم بالله السياحه حق الاجانب وفي كل مكان تدري حتى سيلين كان في مخيم حق السياحه واحد والله العظيم الحين اكثر من عشر والمشكله اخر مخيم من شهر يعني بالعربي مافي سياحه لنا لافي الشمال ولا في الجنوب حتى اخر قطعه ارض على البحر وبيسكرونه الي عند الرتز وخل الي في القلب احسن وصايمين
وجزاك الله خير على الموضوع

الله يرحم اووووووووووووووووووووووووووووول

زايدي

14-09-2009, 02:35 PM

هل قطر دوله سياحيه؟

جوابا لى السؤال

لا

PoBox

14-09-2009, 02:38 PM

*
*
*
قطر فيها سياحة ان عرفنا استغلالها او ان سوينا لنفسنا هوية
عندنا شي لايملكه غيرنا على الاقل حول العالم الغير خليجي
- العديد -
منطقية رملية نظيفة جدا وقريبة جدا من وسط المدينة

مشكلتنا في قطر
مانعرف شنبي
نبي مولات امريكا
ونبي ملاهي فيغاس
ونبي نقلد دبي
ونبي نقلد بريطانيا
يعني بالعربي الفصيح نبي نسويها دولة International
والسايح مايبي يضرب خط
وآخرتها يتعشى بماكدونالدز ويتمسى في ستاربكس !
يبي شي تتميز فيه دولة عن غيرها

اللي يروح المالديف يبي الجزر والبحر
والي يروح الصين يبي يشوف هالحضارة القديمة والتطور
والي يروح اسبانيا يبي يشوف حضارة المسلمين او الاوروبيين وعاداتهم
واللي يروح فرنسا يبي يشوف المعالم اويرتاح او عشان يشوفونه الناس:telephone:

لكن اللي بيجي قطر وش اللي راح يشوفه ومش موجود في بلاده ؟!!

GPC

14-09-2009, 03:00 PM

اكيييييييد غير سياحية لعدة أسباب:
- لا توجد حدائق مميزة .. ولا مدن ألعاب مميزة تخلي الواحد يفكر يجي قطر بس عشان يزورها
- الفنادق اسعارها وايد مبالغ فيها .. اي مدينة في العالم (حتى المدن الغالية) تلاقي الغالي والرخيص .. اما انك تشوف مدينة كل فنادقها غالية .. اتعس فندق مايقل عن 150 دولار .. وياليته يكون صالح للسكن
- تأجير السيارات عندنا مصخرة .. اما انك تروح شركة عالمية اسعارها غالية (ارخص سيارة 170 ريال) .. او تروح شركة صغيرة يطلبون منك يحجزون الجواز وشيك مفتوح!!!
- المواصلات في الدوحة سيئة .. محد يقدر يعتمد على كروة في مواصلاته
- الأسواق في الدوحة اغلى من الدول لمجاورة .. عمرك شفت احد جاي قطر عشان يتسوق ؟
ما كأن القطريين مطيحين في الحسا ودبي
- مافي اي شي تتميز فيه قطر من انواع السياحة .. لا سياحة علاجية .. ولا سياحة طبيعية .. ولا سياحة اسواق .. ولا سياحة تاريخية .. ولا سياحة شواطئ .. ولا سياحة ترفيهية عائلية

يمكن يجي يوم تتطور قطر من هالناحية .. بس وقتها وين بتكون الدول الثانية مثل دبي .. او حتى البحرين

:nice::nice::nice:

kuwaiti

14-09-2009, 03:02 PM

انا اعتقد ان عندها مقومات السياحه وسياحتنا احنا يل خليجيين شنو مانبي الا مول وفندق 5 نجوم

كاتم الاسرار

14-09-2009, 03:23 PM

*
*
*
قطر فيها سياحة ان عرفنا استغلالها او ان سوينا لنفسنا هوية
عندنا شي لايملكه غيرنا على الاقل حول العالم الغير خليجي
- العديد -
منطقية رملية نظيفة جدا وقريبة جدا من وسط المدينة

مشكلتنا في قطر
مانعرف شنبي
نبي مولات امريكا
ونبي ملاهي فيغاس
ونبي نقلد دبي
ونبي نقلد بريطانيا
يعني بالعربي الفصيح نبي نسويها دولة international
والسايح مايبي يضرب خط
وآخرتها يتعشى بماكدونالدز ويتمسى في ستاربكس !
يبي شي تتميز فيه دولة عن غيرها

اللي يروح المالديف يبي الجزر والبحر
والي يروح الصين يبي يشوف هالحضارة القديمة والتطور
والي يروح اسبانيا يبي يشوف حضارة المسلمين او الاوروبيين وعاداتهم
واللي يروح فرنسا يبي يشوف المعالم اويرتاح او عشان يشوفونه الناس:telephone:

لكن اللي بيجي قطر وش اللي راح يشوفه ومش موجود في بلاده ؟!!

مرحبا يالغالي اول شي وين السياحه في قطر انت اتقولي وين السياحه انزين خل السياحه وين انت تقدر تقضي وقتك مع هلك او مع اعيالك وين اتوديهم لافي سياحه ولا شي كل حق الاجانب يعني انت شفت دبي وين اوصلت الحين واحنا للحين ماعندنا شوارع عدله ولا مدينه ملاهي ولابحر عدل ولا نادي سباحه 000 الخ مثل دبي وغيرها انت رووح دول مجلس التعاون وشووف النوادي والملاهي وغيرها والله اصيدنا غيره وقهر و احنا ما نرضى على ديرتنا بس المشكله متى المسئولييييييييين يفهمون اشوي ويخلون البووق

اهم شي يالغالي انت قولي وين السياحه في قطر اذا متحف سكروه والملاهي سكروها وين السياحه وبالنسبه للعديد منطقه مش كل واحد يقدر يروحها يالغالي انت رووح سيلين وشووف بعينك عدل وشو المخيمات الي مسوينها كلها حق الشركات والفنادق والاجانب تدري اوصلو لين الشاليه يعني كم شهر وسيف سيلين بيختفي والله بعد يعني بالعربي مافي سياحه حق المواطن

وجزاك الله خير

الهـواوي

14-09-2009, 04:57 PM

اخوي في مناطق خارج الدوحه :

مثل سيف الغاريه والمفير وفويرط , السيلين , شبه جزيرة بروق وتلال ام اباب , مضمار الشحاانيه , زكريت والأبار اللي فيها , سوق واقف , فيلاجيو وفي منااطق ثانيه في الشمال والخور وفي مناطق بحريه يعني في البحر لو تستفيد منها الدوله

ثرية

14-09-2009, 05:01 PM

دولة سياحيه بنسبه 60%

علي بن فهد

14-09-2009, 05:08 PM

البحر ... البحر :con2:

وين سامع هالكلمة ...!!

أنا بصراحة نسيت شكل البحر إلا الموجود على الكورنيش ... شاليهات الوزراء والشيوخ ملت السيف كله ..

أتذكر حلقة ( طاش ما طاش ) كلما فكرت أودي الأهل البحر ... مالك مكان ... الشاليه جنب الشاليه

محمد

14-09-2009, 07:45 PM

سياحيه ميييييين ،
يروحون حديقة الحيوان مثلاً ؟ ولا يروحون علاء الدين !
ما آعتقد فيه شيء يصلح في الدوله للسياحه غير فلوسنا ، :d

فـــــواز

14-09-2009, 08:37 PM

ما ظني قطر بتكون دوله سياحيه ولو ١٠ سنين قدام يمكن بعد ٢٠ سنه قدام

الدوله الخليجيه الي فيها مقومات السياحه الامارات ويا السعوديه ويمكن عمان وبس

بو فهد

15-09-2009, 04:22 AM

بلادنا اصبحت سياحية

بفضل العيون الساهرة

اكبر كنيسة في الخليج عندنا

اكبر الخمارات في فنادقنا

نملك احسن شوارع متوفر بها جميع الكماليات من مطبات وحفر وحواجز تالفة.

المولع22

15-09-2009, 04:33 AM

-

ههههههههههههه

بصراحة ياخوي انا بس احب اقول كلمتين صغار

شدخل الدوحة بالسياحة

اقل اقل اقل مافيها ( مدينه ملاهي ) ماعندنا في البلاد هههههههه

راشد الماجد يقول ( بلاحب ) واحنا نقول ( بلاسياحة )

يعطيكم العافية

بصراحة ماعمري ضحكت كثر هذاك اليوم اللي شفت المسلسل القطري ( إلى متى )

يوم حفيدة غانم السليطي قالت له العب وياي قال بنقوم نتغدى وبعدها باوديج مدينه الملاهي

هههههههههههههههههههههههههههههههههههه

ضحكت لييييين قلت بس هذاك الوقت ,, مسلسل قطري ومدينه ملاهي في وين هذي :nice:

حد يعرفها وماقالو لنا :telephone: غانم السليطي وينك ياخوي قول لنا العنوان بس

العثماني

15-09-2009, 04:47 AM

السياحة تدر أموال لكن المهم الدخل يكون حلال
قطر لا تملاك مقومات سياحة مثل
لا تملاك سياحة دينية مثل السعودية
ولا سياحة للمعالم الأثرية مثل مصر (وخلو الزبارة عنكم)
ولا سياحة تسوق مثل دبي و أروبا على سبيل مثل بريطانيا
ولا بحر نظيف ومرتب
ولا سياحة بزنس مثل دبي وغيرها
ولا سياحة للرحلات السفاري والجبال الطبيعية مثل إستراليا وماليزيا وغيرها
ولا سياحة الترفيهة مثل ديزني الاند
وإن شاء الله
لايصبح سياحة دعارة مثل تايلاند

ســـهم

15-09-2009, 09:17 AM

في اعتقادي ان الدول السياحيه هي ماتزخر بالآثار ودولتنا تعتبر حديثه وليس هناك آثار

تشد لها الرحال .

eXpert*

15-09-2009, 09:55 AM

ماحصلنا من سالفه (دوله سياحيه) الا المشاكل
يازينا قبل.....نصيف في البحر...ونشتي في البر....والحياه كانت احلى

>مجرد راي شخصي<

بس الصوره وسمسم!!! ....ماتركب

يعطيك العافيه

يازينا قبل.....نصيف في البحر...ونشتي في البر....والحياه كانت احلى

شبح الصمت

15-09-2009, 10:04 AM

يالربع اخونا سمسم حط الموضوع وحط رجله ما قام يرد على العالم
هههههههههههههههههههههههههههههههههههاي من عطران الشوارب الي حاطه
لا يزعل مني سمسم اذا دخل ترى غشمره ثقيل ما هوووووووووووووووو
:tease:

كاتم الاسرار

15-09-2009, 03:02 PM

السياحه في قطر 10%

HIGHNESS

15-09-2009, 03:56 PM

شفيكم لهدرجة قطر طايحه من عينكم ... حطوا فبالكم احنا تونا في البداية ... وكل شي يبي له وقت لما يتطور ...
لحد يقول لي الامارات والسعودية وعمان .. لإن المساحة كبيرة مقارنة فينا ... وعندهم وايد مناطق بجو وبيئة مختلفة .. عندهم جبال عندهم طبيعة عندهم وايد مقومات غير حياة المدينة طبعاً دبي في المقدمة بالمشاريع السياحية الرائعة .. والسعودية عندهم الأهم مثل الكعبة المشرفة والمدينة .. وغير الطبيعة في ابها وغيرها .. وفي عمان طبيعتهم روعه مثل صلالة ... بالنسبة للبحرين او الكويت ماشوف فيهم مقومات السياحة .. حالهم حالنا مولات ومطاعم وبس ...
بالنسبة للدول العالمية طبعاً مافي مقارنة ... الجو .. الطبيعة ... الحياة .. الناس . كل شي غير.. فشي طبيعي راح تلقون فررق ..
ان شاء الله بنصير دولة سياحية بس بدون مانمحي تراثنا وهويتنا عشان خاطر عيون السياح ... والأهم اول شي نتطور بالعلم والإقتصاد والمواطن.... بعدين نفكر في الناس الي جايه تزورنا ..

كاتم الاسرار

15-09-2009, 09:28 PM

مرحبااا اخوي يالغالي احنا قطر طايحه بالعكس والله قطر تاج راسنا بس المشكله احنا نتكلم عن السياحه ومحد يجامل بالعكس احنا انقول وين السياحه بعدين دبي مافيها جبال يالغالي وبعدين مش سالفه الجبال انت خلك واقعي الصراحه انت قولي في مكان تقدر تقضي وقتك انت قولي في ملاهي في وفي وفي اشدعوه بالعكس احنا انقول خل المسئولين يحسون مافي غيره في ديره والله احنا اقسم بالله فينا غيره على ديرتنا بس المشكله الي مافي غيره ايش اتقوله المهم اخوي جزاك الله خير
اما عن البحرين اخوانا رووح وانت شوووف الملاهي والحدائق المائيه وجنه دلمون احنا ما عندنا شي
اما عن الكويت اخوانا انت روح الكورنيش وشوووف بعييينك انا زرت الكويت وشفتها بالعكس شوارها اقسم بالله شوارعها قانونيه وانت روح الكورنيش وشوف المطاعم والحدائق المائيه 000 الخ ومرتب واحنا عندنا فالكورنيش ثلاجه وحده ماي وحمام واحد بس 8 كيلو

anything99

15-09-2009, 10:34 PM

أهم شيء الاهتمام بالسياحة الداخلية مثل السعودية فعالياتهم الصيفية مميزة وترفيهيه للعائلات وبالاخص الاطفال واسعارهم غير مبالغ فيها واهم شيء لا توجد مناظر عري مؤذية .. وليس لجذب السائح الاجنبي المتحرر والسائحة الاجنبية صاحبة القطعتين .. حديقة سباير حديقة رائعة عندما يتحسن الجو .. فعلا نحتاج العاب للاطفال في كل مكان كما باقي الدول .. كذلك مدينة مائية ترفيهيه .. اما بالنسبة للشوارع فانا لا ارى انها بهذا السوء .. على العكس .. شوارعنا نظيفة وخضراء وجميلة ..

ولد النصر

16-09-2009, 02:41 AM

حاليآ لايوجد إلا القليل لكن في المستقبل إن شاء الله

وتبقى الدنيا حلوه

16-09-2009, 10:20 AM

مافي مكان يومين بيروحون كل مكان بقطر

عضو المنتدى

16-09-2009, 10:32 AM

لو كنت سائح كم يوم تحتاج للتعرف على قطر ومعالمها السياحيه ؟
هل البنيه التحيتيه مهيأه لأستقبال السياح ؟
هل لدينا فنادق متعددة لأنواع السياحه العائليه والعزابيه ؟
من وجهه نظري أتوقع يومين فقط بالكثير سياحه التراث في سوق واقف والمتحف الاسلامي واليوم الثاني زيارة المجمعات فقط حيث لايوجد لدينا أماكن سياحيه بحريه منظمه مقارنه بجيراننا من دول الخليج ولا سياحه بريه يعني لم نستفيد من بيئتنا الصحراويه طيب نبي نعرف وين دور هيئه السياحه من السياحه وموسم الاجازات الاعياد على الابواب والميزان السياحي دائما بالناقص مع الدوله الخليجيه الثانيه ولماذا تسمح بهروب مئات الملايين من الرايالات من قطر من دون بديل . لقد تم التعرف على اراء السياح الاجانب من مواقع مختلفه في النت :) ياريت نستفيد من ارائكم وتعليقاتكم

والله محد مستفيد من السياحه إلا الشركات عندنا .

والمواطنين الأفراد غير مستفيدين

مسفر2

16-09-2009, 10:47 AM

امحق سياحة