تدشين البوابات الإلكترونية لمواقف سوق واقف بعد العيد(الراية) [الأرشيف]

مشاهدة النسخة كاملة : تدشين البوابات الإلكترونية لمواقف سوق واقف بعد العيد(الراية)

هدوء الصباح

14-09-2009, 01:58 PM

*** تدشين البوابات الإلكترونية لمواقف سوق واقف بعد العيد
كتب - مجدي صالح :

أعلن السيد محمد السالم مدير سوق واقف عن بدء تشغيل البوابات الإلكترونية الخاصة بمواقف سوق واقف بعد عيد الفطر مباشرة.
وأشار إلى ان الرسوم التي تم الاتفاق عليها ستكون 3 ريالات للساعة الأولى وريالاً واحداً لكل ساعة تالية وان العمل في البوابات حاليا يتم بشكل تجريبي وان ساحة الموقف تتسع لحوالي 700 سيارة.
وأوضح السالم ان إدارة السوق تعتزم إنشاء مواقف vip أيضا لتلبية طلبات رواد السوق في الفترة القادمة.

كاتم الاسرار

14-09-2009, 02:07 PM

يعطيك العافيه بس تبغي الصراحه محق مواقف والله ضيقه وانا خاطري اعرف المهندس وشو سيارته كوطي عصير والله ضيقه بس كله بوووووووووووووووووووق

انا اقووووووووول يرتبون المواقف من جديد احسن والارضيه بعد

meme_222

14-09-2009, 02:52 PM

المواقف ضيقه و الارضيه ما تصلح للمشي خاصه للحريم

الفريق أول ركن

14-09-2009, 05:04 PM

افا ليش ..

يعني الحين نفترض اني رحت اتسوق من سوق واقف وطلع الحساب 100 ريال راح اضطر ادفع 3 ريال يعني مجمموع هالجوله التسوقيه 103 ريال !!!!!!

الله يكون بالعون

منفعل

14-09-2009, 05:36 PM

عقبال مواقف المجمعات التجارية

وانشاءالله بجذي تخف الزحمة

والصراحة المبلغ معقول ورمزي

alrheeb2020

14-09-2009, 05:53 PM

اي والله احسن بوااايد ..

مافي زحمه ولا شي ..

نفتك من اللي يوقف فالباركينك خمسين سنه

ANONYMOUS

14-09-2009, 06:13 PM

3 ريال ولا شي..

حلاتها بو 5 في الايام العاديه و بو10 في الويكند..

Realistic

14-09-2009, 07:31 PM

مرات احس ان المسؤولين في قطر مايعرفون يفكرون مثل الناس :)

ياخي هيأ لي مواصلات عامه تغنيني عن استخدام المواقف.. وبعدين خل المواقف بفلوس ..

دبي ماخلت مواقف مول الامارات بفلوس.. الا بعد مافتحت المترو

الدول الغربيه مواقفها بفلوس.. لان شبكة المواصلات العامه عندها ممتازه

jm01

14-09-2009, 07:34 PM

يعيطك العافيه .. وابصراحه واااااايد اوكي ان خلو المواقف بفلوس لان نتم بالساعات على بال ماندور ونفس ماتعرفون يوم عرفو ان النت ببلاش صار بقعد الشخص فيه تقريبا اليوم كامل وبالتالي لا نحصل مواقف ولا نحصل مكان في المطعم

الغلا

14-09-2009, 08:04 PM

بصرحة الحركة تفشل (( بختصار ))

QaTaR_OnE

14-09-2009, 08:29 PM

اسعارهم حلوه ورمزيه .. وان شاء الله تخف الزحمه .. وخصوصا اصحاب المحلات اللي يوقفون سيارتهم يوم كامل

وبالتوفيق

مرتبش

15-09-2009, 12:51 AM

المفروض سعر الساعة الثانية اغلى من الاولى عشان يشجعون زائر السوق يخلص شغله في ساعة.. مثل اسواق دبي
اما انك تدفع 3 ريالات اول ساعة وبعدين تقعد 3 ساعات زيادة بثلاث ريالات فهذا تشجيع على القعده بل خلني اقول التبليط هناك...
الربع درسوا الاسعار ولا واحد في بوكه 5 ريالات قال تكفي حق 3 ساعات

وحيد-الشوق

15-09-2009, 02:18 AM

هالسوق كل يوم والثاني وضعه يصير اسوء

امحق مواقف والله ضيقة والطريق ضيق ومثل قبل زحمة و700 موقف سيارة بالذمة هذي تكفي :anger1:

الا عكس اشوف الوضع الحين اسوء من قبل رحت في رمضان وتميت احوس ومالقيت موقف :rolleyes2:

بعد مواقف بفلوس والله حاله :omen2:

الشقيان

15-09-2009, 02:29 AM

حلاتها الساعه بعشرعلشان الهيلق الي يجون السوق من الصبح ومايطلعون الا الفجر:victory:

كنهم ماشافو خير:omg:

وياليت عاد اهل قطر :shy:

المفروض القطري مايدفع شي :)

والسبب انه مسكين بياخذ اغراضه وبيطلع من السوق :victory:

اما من اعيال زيد وعبيد عادي اتحصلهم لين الفجر :tease:

ساراام

15-09-2009, 04:21 PM