المساعد الشخصي الرقمي

مشاهدة النسخة كاملة : سحب من بطاقة الفيزا


هدوء العاصفة
14-09-2009, 09:12 PM
يا أخوان هل في حد عنده خبرة في موضوع سرقة رقم الفيزا .. حيث تم سحب مبالغ مالية من بطاقتي وذلك بعد شرائي خدمة من موقع الياهو ..

فـ ايش هي الاجراءات اللي اعملها عشان اقدر ارجع المبالغ اللي راحت ؟ وهل هناك طريقة اني اقدم شكوى الى شركة الفيزا والى شركة الياهو ؟

خصوصا ان هناك احتمال ان احد موظفي شركة الياهو سرق الرقم وقام بتوزيعه على عصابة ما !!!!؟؟؟

:(

جزا الله خير من يقدر يساعد ..
عاشق فودافون
14-09-2009, 09:38 PM
مرحبا اخووي

الله يعينك صرااااحه

كل الي عليك تسويه تكلم الكول سنتر للبنك الي تتعامل معاه وتخبرهم بالموضوع عشان يوقفون الفيزا او يسوون عليها بلوك..

وتروح بعد للفرع وتقدم عندهم على فورم اسمه credit card dispute form يمكن تختلف تسميته من بنك الى اخر وان شاءالله يرجعوون لك المبالغ خلال اسبوعين الى ثلاااثه اذا قدروواا..

حاول ماتستخدم بطاقتك الا في الموااقع المعتمده والأمنه..

تقبل تحيااااتي

عااشق فودافون
بولينجر
14-09-2009, 10:05 PM
الله يعينك أخوي.... كلم البنك قسم الفيزا وقدم عندهم شكوى..... موقع الياهو اذا عندك دليل ان لهم علاقة تقدر تكلمهم... ماعندك دليل ماتقدر.... مالك الا البنك والله يردها ان شاء الله....
alrheeb2020
14-09-2009, 10:10 PM
الله يعينك ان شاء الله ..

والله ماعندي خلفيه ..

ان شاء الله الاخوان بيعلمونك
PoBox
14-09-2009, 10:14 PM
الموضوع بسيط جدا مثل ماقال الاخ عاشق فودافون

1) اتصل الكول سنتر الخاص في بنكك
2) قولهم في عملية غريبة على حسابي ومش انا اللي مستخدم البطاقة
بيسالونك شوية اسالة وين سافرت متى سافرت وين استخدمت البطاقة و وو
3) بيطرشلك فورمة بالفاكس اوالايميل تعبيها وتوقعها وترسلها لهم
4) بعدها البنك راح يتحمل هالعملية ثم يحملها لشركة الفيزا بحسبة معينة
black@white
15-09-2009, 07:48 PM
انا حصلت لي مره ووقفت الفيزا وراجعت البنك ووقعت على كشف بالحسابات اللي ما سحبتها
وبعد تقريبا شهر تم سحب الحسابات واعادتها في حسابي
كنت اتعامل مع بنك hsbc وكنوا متعونين معي هم وقسم الفيزا
ثرية
15-09-2009, 08:23 PM
والله انا صار لي موقف مع الماستر كارد مالت المجموعه

سالفتي شبهه انهاريت فيه لاني كنت في المستشفى وابي ادفع فلوووووس الفحوصات ادخل الماستر الا ايقولي حسابج صفر شلون صفر

المهم اتصلت المجموعه الا ايقولون انتي سااحبه 4500 قالت انا ومن متى وليش

قالوا ايه ساحبه 4500 وشاريه تذكره سفر قلت تذكره سفر وين قالوا في الامارات قلت انا ماسافرت الامارات
قالوا امبله السحب صاير في الامارات في طيران الاتحاد واللله ولعن ابو الطيب فيهم واروح لهم قلت انا ماسحبت

وفعلا كنت بااروح بابلغ عن الموضوع في البحث الجنائي او الجرائم الالكترونيه بس المجموعه ردوو المبلغ لاحسابي لان ماقدروا يثبتون اي دليل اني ساحبه
م. عبدالعزيز
15-09-2009, 09:25 PM
مشكله الفيزا صراحه .. وفعلا ضروري الواحد يستخدم بطاقة خاصه للإنترنت أو بطاقة اضافيه عليها لمت اقل ..

الله ييسر لك اخوي ومثل ماقالوا الشباب كلم البنك وعطهم خبر ..
doha70999
15-09-2009, 11:04 PM
احسن شي انكم تسوون فيزا الكترونية ,,, ضمان وامان =)
فرانسـ كوفي
16-09-2009, 12:48 AM
المفروض الواحد يستخدم بطاقة خاصه للإنترنت عليها لمت اقل خاصه للمشتروات
ولد النصر
16-09-2009, 02:34 AM
الله يعينك
abn qatar
16-09-2009, 04:15 AM
البطاقه المخصصه للانترنت عليها ضمان اكثر لان مايتم سحب اي مبلغ منها الا بعد وصول كشوفات

العمليه اللي صارت بهذه البطاقه ولازم توفيض من صاحب البطاقه ان هذه العمليه تمت عن طريقه

عكس الفيزا السحب على طول
بـن عدوان
16-09-2009, 05:00 AM
طويل العمر موقع ياهو موقع مضمون

حاول تكلم الموقع نفسه وتعطيهم رابط اللي شريت منه البضاعه

لانه مستحيل التاجر يعرف رقم البطاقة والرقم السري
vip-qtr
16-09-2009, 05:41 AM
انا ماعرف انت تتعامل مع اي بنك بس اللي اعرفه ان بنك قطر الوطنيواغلبيه البنوك لي قدمت على الفيزا يعطونك بطاقه الاي كارد وتحط انت اللمت اللي تبغيه وهاي سيفتي اكثر لك لان ممكن ايكون لمت الفيزا 3 اضعاف الراتب واتروح في غمضه عين عن طريق مشترياتك في الانتر نت


اهم شي تتصل البنك وتبلغ عن اللي صار في وقتها

وهم بيتخذون الاجراءات اللازمه
بوحارب
16-09-2009, 07:42 AM
أن شاء الله ترجع لك فلوسك اخووي

اشوى اني ماعرف هالسوالف فيزا وماستر وخرابيط !
تحداني
16-09-2009, 07:50 AM
الموضوع بسيط جدا مثل ماقال الاخ عاشق فودافون

1) اتصل الكول سنتر الخاص في بنكك
2) قولهم في عملية غريبة على حسابي ومش انا اللي مستخدم البطاقة
بيسالونك شوية اسالة وين سافرت متى سافرت وين استخدمت البطاقة و وو
3) بيطرشلك فورمة بالفاكس اوالايميل تعبيها وتوقعها وترسلها لهم
4) بعدها البنك راح يتحمل هالعملية ثم يحملها لشركة الفيزا بحسبة معينة



:victory: اتفق تماما مع هذا الرد ..
ويجب ان تكون لديك بطاقه انترنت ..
تشتري من خلالها ..


لان عمليات السرقه وارده في عالم الانترنت ..


ان لم تستطع استرجاع المبلغ ..
احتسبه لوجه الله ..:shy:
وقول عسى الله يعوضني خيرا منها ..


يعل ان شاء الله زقوم في جبدهم يارب ..آمين
حتى لو كان اريال ..



الله يسعدك .. ووسع خاطرك ..
فلفل حار
16-09-2009, 07:50 AM
الموضوع بسيط جدا مثل ماقال الاخ عاشق فودافون

1) اتصل الكول سنتر الخاص في بنكك
2) قولهم في عملية غريبة على حسابي ومش انا اللي مستخدم البطاقة
بيسالونك شوية اسالة وين سافرت متى سافرت وين استخدمت البطاقة و وو
3) بيطرشلك فورمة بالفاكس اوالايميل تعبيها وتوقعها وترسلها لهم
4) بعدها البنك راح يتحمل هالعملية ثم يحملها لشركة الفيزا بحسبة معينة

تسلم يالغالــي ...
آستفدت من ردكـ ... :)






انا حصلت لي مره ووقفت الفيزا وراجعت البنك ووقعت على كشف بالحسابات اللي ما سحبتها
وبعد تقريبا شهر تم سحب الحسابات واعادتها في حسابي
كنت اتعامل مع بنك hsbc وكنوا متعونين معي هم وقسم الفيزا

نصيحة آخو ...

لو تفتحين لج فيزا ببنك ثاني آفضل
ويفضل لو كان آسلامي ...

-رآيي الخاص-






طويل العمر موقع ياهو موقع مضمون

حاول تكلم الموقع نفسه وتعطيهم رابط اللي شريت منه البضاعه

لانه مستحيل التاجر يعرف رقم البطاقة والرقم السري

والله سبقتني وقلتها يالغالي ...:victory:


هالموقع عالمي والمفروض آنه مضمون ..!!
جايز صار خلل بالسستم آو شي والله يعينك على ماترجع فلوسكـ ...


وآن راحت شنقوول بعد ...
معووض خيـر وعدها دفعة بلـى ...
:)