:::اول ايام العيد:::سلبيات::

[The Master]

احم احم ثم احم

اولا عيدكم مبارك مقدما وين ماكنتم وين ماحليتم
وعسى ربي يتقبل صيامكم وقيامكم يارب

حبيت في هالموضوع انوه عن عادة سيئة عندنا حنا اهل قطر(حركة تفهي)...خاصة اول ايام العيد

للتوضيح بتشوفون الموضوع شكله طويل لكن لما تقرونه راح تندمجون
فا خلوا عنكم الكسل وماراح ياخذ منكم اكثر من دقيقتين

ندخل بالموضوع

علوي...علوي وثول....طق طق طق...قم يالله قم...اخوانك ينطرونك بره....هااااااه شنووووو ماااااان...علوي علوي ماتسمع!!!
قم ولا بتفوتك صلاة العيد...انزيييييييييين انزيييييين قسم بالله اسمع...والله اسمع...زيييييييين..
باقي 10 دقايق على الاقامه لصلاة العيد...
سريع سريع يتوضى..حتى كشخته اي شي بسرعه
يمه يمه تعالي سكري لي الازرار ياخي هالقريقا يبس لي كرتون الازرار وماقدر اسكره...هاج سكريه...الا وين دهن العود...
اهم شي اللي مخشوش داخل الشنطه فوق الكبت...ولا ماراح اتعطر...
وين التمر...اي اي اهم شي نوتر..ترس حلجه تمر وطلع

طييييييط طييييييط....اوهوووو يعني الواحد مايقدر يكشخ...ناس قسم بالله نفعفافرلا نقلرهعال قنلراهعل <<<< يعني واحد يتحلطم

الله اكبر الله اكبر الله اكبر لا اله الا الله
الله اكبر الله اكبر ولله الحمد

اشعندهم اللي يكبرون...ارحموا حالكم بس كلها دقيقة وبنوصل المسجد..علوي اكرمنا باسكاتك وكبر...ان شاء الله احم

خلصت الخطبه...
كلن قام يسلم على الثاني...هلا والله بومحمد اخوي الكبير..عيدك مبارك..عساك من العايدين..وين العيديه..علوي اشكبرك ومعاشك اكثر من معاشي فا انثبر...ان شاء الله...
ها سلمت على بو راشد شيبتنا..اي اي واجهته بس تعبت على ما وصلت له..مابقى بتان ولا هندي ما حضني..زين اني فرطت من بينهم...عن الطنازة وهذي هي حلاة العيد
الفرحة بين الناس والابتسامه وعدم وجود اي فارق بين طبقات المسلمين...صدقت خيو

اوش اوش...اشعندها ام علي كاشخه...يه يه
وش هالزين وش هالزين وش هالزري الزين احم...وانت ما تترك سوالفك...عشان تعرف الكشخه على اصولها..عيدج مبارك ماما(مب راكبه كلش احم)...

يالله نروح نعيد على عجايز وشيبان الفريج...
انتظر اخوك للحين ما وصل من الدوحه...لعبته ينقعنا...يالله نروح المجلس نقلط اعمارنا...ونضرب على الحركات اللي مسوينها النسوان...لا تخربووون شي...لا تفتحون اي قرطااس...طيب ليه حاطينها اجل؟ والله حاله

يامرحبا ب بوعبدالله....يالله حيهم...
الا وين عبدالله....راقد..اشدعوة راقد...ليه ما قام يصلي صلاة العيد؟...لا وين كان سهران...مع وشو...في الدوحه يشتري حق العيد وياخذ ثيابه..طيب ليه ماخلص عمره من قبل ليه يخلي كل شي في ليلة العيد؟!...
لا و نايم الحين...وش يستفيد من الاشيا اللي شراها او تعنى لها اذا ماكان بيعيد؟!....شاسوي فيه يابوك...شباب هالزمن

طيط طيط...اووه هذول عيال محمد..يالله حيهم...الا وين اخوكم خالد؟!...راقد...لا حول ولا قوة الا بالله...وهذا هو كل عيد نفس الحال؟!....ليش مايعيد معاكم....يقول ماله بارض يعيد ويمر بيت بيت....يقول ان العيد زهق وملل....فا احط راسي ابرك...سبحان الله هذا عيد المسلم ربي اعطاه للمسلم كا هديه له عقب صيامه!...وتدري ليه الزهق...لانه ماجرب وماعرف قدر الابتسامه اللي تنرسم على وجيه الناس لما تعيد عليهم....وتحسسهم انهم مهمين وانهم في قلبك...هداه الله

تفاولوا...لا لا بس يا ام فهد لاهنتي.... ليه تستحون؟..لا ابد..بس كلنا لين قلنا بس...اقول اكلوا مايصير ما تتفاولون...
تاكل في هالحلويات والفطاير لين ما خلاص يضرب عندك السر...عاد الباقي معروف...الله يحفظنا بس...خفوا في الاكل ولا تكثرون الشيرة...تراها مب صحية(يعني مكتشف الذرة)

اخيرا مابغينا نخلص من المعايد...(الساعه 9 الصبح)
يالله سي يو لايتر ماي بروذيرز....وين وين...
باروح احط راسي..الوالدة ماخلتني انام عدل...الاخ ماقام الا مع صلاة المغرب..
الشباب تجمعوا في المجلس وجا فلان وفلان وفلان وتغدوا وراحوا...
والاهل اجتمعوا وقعدوا يسولفون واستانسوا..
والبزران جاو يعايدون وسوينا لهم حركات واستهبلنا بهم...وصورناهم
وانت توك قاعد؟؟!!..اكيد بتكون زهقان..والنفسية ميييييح...العيد واكثر وناسته راحت عليك من تجمع العائلة والشباب والجمعه...
وين التنسيق وتضبيط الوقت..اذا كنت تبغي تنام...ريح لك ساعه بالكثير مب مبالغة...

حاول العصر والمغرب...تلعب البزران
ولا ركبهم سيارتك ومشهم في الدوحه(واهمهم خواتك)..مب شرط تنزل مكان اللهم حسسهم انهم راحوا مكان...وعشهم في مطعم كيمه احم لا وخلهم يعزمونك على حسابهم...منها انت تستانس وتغير جو وتونسهم...

احم
ادري اني تكلمت واجد
لكن حبيت اطرح افكاري وانتقاداتي باسلوب واقعي قصصي...منها الواحد يعيش ايام العيد
ومنها يشتط للعيد ويكون متشوق له...
واهمها المحاولة انه يبتعد عن السلبيات اللي مابين السطور...

واتمنى لكم عيد سعيد يارب
بما اني مغترب...وبعيد عن هلي وناسي
فا ماراح تعرفون قدر العيد نفسي...خاصة اني من اللي يستانسون في العيد...
الحمدلله على كل حال

اتمنى انكم تستمتعون في اللي طرحته لكم
والسموحة من اي تقصير

اخوكم علي

[HIGHNESS]

عيدك مبارك اخوي عليان ... عيشتنا جو العيد ...
يارب ماتختفي هالعاادات الحلوة في العيد .. اخاف يجي يوم محد يعيد فيه ويمر العيد .. مثل اي يوم ... :)

[النجلا]

ماشاء الله عليك اخوي دوم متميز بمواضيعك ..

ومبارك عليك العيد والله يهون عليك غربتك ..


بس الصراحة صدقت في نآس تحس العيد عندهم بس رقاد طول اليوم .. <<عندي هالمثال في البيت من جذي هههه وفي ناس يتضايقون من لمة الاهل والله استغرب منهم ..

أما عني وآآيد احب العيد لأنه يلم الاهل والاحباب وتحس بجو ثاني .. وخاصة كشخه اليهال شيي ثااااني ...

تسلم اخوي عالموضوع والله يردك لاهلك سالم بإذن الله..

[biz-qtr]

اي والله ياخوي انك جبتها

في ناس خلقهم ضيق ويضيقون ع اللي حولهم فالعيد ...

يعطيك الف عافيه ياخوي ع الموضوع المميز :) كالعاده......

[فلفل حار]

آيــام العيـــد حلوه بلمة الآهل والنـاس ... ^-^
وسلامات الناس لبعضهم حتي آلي مايعرفون بعض ...


بس آستغرب حزات لما نحس آو نسمع حد يقول ( ملل هالعيـد ..؟! )
تحسهم يكدرون عليك فرحـة العيــد ...
:(



تسلم للقصه الحلـوهـ
كل عــام وآنـــت بخيــر يا عليـان باشا ...:victory:

[بوخليفة3]

هههههههههه
مداوم فالعيد مالي خص فالعيد كلش

[هتـان قطر]

الله يردك لاهلك بالسلامة ويجمع شملكم ويفرحون فيك وانت رافع راسهم

العيد محد يعرف قيمته الا اللي يعيد بعيد عن ديرته واهله:(

[bshayer]

نايس عيشتنا الجو قبل اوانه ..:)


ونضرب على الحركات اللي مسوينها النسوان...لا تخربووون شي...لا تفتحون اي قرطااس...طيب ليه حاطينها اجل؟ والله حاله


ودي افهم انا بعد ليه هههههههههههههههه.!!
على العموم امبارك عليكم العيد وينعاد عليكم كل عام ..:)

[black@white]

كل عام وانت بخير والله لايحرم ك العيد بين اهللك وناسك
فعلا وانااقرأ القصه حسيت بالعيد
كل عام والجميع بخير

[thefoox]

ههههه

ياخي موضوعك عجيب

[A l i]

المقطع الاول الي فوق يصير لي كل يوم عييد خخخخخ

موضوعك رائع والله وجبتها صح

يعطيك العافيه وعيدك مبارك

[المتألم]

هههه
جمعتك مباركه وعيدك مبارك

موضوعك حلو حسيت نفسي بسباق مب بعيد
الساعات الأولى زي ما قلت يالله يالله قم وراك صلاااه ألحين بيصلون

والباقي قلته

[مروض المهـرة]

عليان عيدك مبارك مقدما
وعسى ربي يردك على هلك بالسلامة
واشكر على هالموضوع الحلو

[The Master]

احم
بارك الله فيكم جميعا على الردود الطيب ولاهنتوا
وان شاء الله بنرد عليكم واحد واحد فرد فرد بعد الفطور والتروايح ان شاء الله
سي يو لايتر قاييز(ارحم حالك بس احم)

[The Master]

عيدك مبارك اخوي عليان ... عيشتنا جو العيد ...
يارب ماتختفي هالعاادات الحلوة في العيد .. اخاف يجي يوم محد يعيد فيه ويمر العيد .. مثل اي يوم ... :)

عساج من العايدين اختي هاينس
اهم شي اعجبكم الموضوع ودليل ذلك انكم عشتوا جو العيد...

لا ماعليج ان شاء الله دام النا ساللي فيها خير وتبغي الخير
وتعرف قدر العادات والتقاليد وتحب الناس
راح تبقى الاعياد حية وراح تتوارث من جيل لجيل

لاهنتي على مرورج وتواجدج
ويامرحبا بج

[The Master]

ماشاء الله عليك اخوي دوم متميز بمواضيعك ..

ومبارك عليك العيد والله يهون عليك غربتك ..


بس الصراحة صدقت في نآس تحس العيد عندهم بس رقاد طول اليوم .. <<عندي هالمثال في البيت من جذي هههه وفي ناس يتضايقون من لمة الاهل والله استغرب منهم ..

أما عني وآآيد احب العيد لأنه يلم الاهل والاحباب وتحس بجو ثاني .. وخاصة كشخه اليهال شيي ثااااني ...

تسلم اخوي عالموضوع والله يردك لاهلك سالم بإذن الله..

علينا وعليج اختي النجلا

والحمدلله التميز مايكون الا بتواجدكم وحضوركم ومؤازرتكم وتفاعلكم (واجد كم كم كم احم)
اي والله صدقتي خاصة سالفة اللي يتضايق من الجمعه ولمة الناس؟؟ شي غريب

والعفو...والموضوع منكم واليكم
الله يسمع منج والله يجزاج خير على الكلام الطيب

وانتظروا موضوع ان شاء الله بيكون قوي بحضوره ومحتواه

ولاهنتي على التواجد
ويامرحبا بج دوووم في مواضيعي
لي الشرف اختي

[The Master]

اي والله ياخوي انك جبتها

في ناس خلقهم ضيق ويضيقون ع اللي حولهم فالعيد ...

يعطيك الف عافيه ياخوي ع الموضوع المميز :) كالعاده......

اووووه الحمدلله عالسلامة اختي
ويعافيج يارب...والحمدلله الموضوع اعجبك(كالعاده احم)
اشكرك لتواجدك وحضورك الطيب
اهم شي شيكي على موضوع ملخص وين حياء بناتنا...تحت في توقيعي..

وموضوع البلاك بيري تراه غبر احم

لاهنتي ويامرحبا بج

[The Master]

آيــام العيـــد حلوه بلمة الآهل والنـاس ... ^-^
وسلامات الناس لبعضهم حتي آلي مايعرفون بعض ...


بس آستغرب حزات لما نحس آو نسمع حد يقول ( ملل هالعيـد ..؟! )
تحسهم يكدرون عليك فرحـة العيــد ...
:(



تسلم للقصه الحلـوهـ
كل عــام وآنـــت بخيــر يا عليـان باشا ...:victory:

يالله حيهم الكريستال
صدقت ياخوي
خاصة لما يجي حد يبط كبدك بكلمة ملل
لا ويقولها وبراطمه واصلة القاع احم

والمشكلة يقولونها هنا في الغربه يعني مافي مفر منهم ابد...احم

وسلمت ان القصة اعجبتك
وانت بخير وصحة وسلامة
بخصوص باشا؟؟ انت تقول باشا وبوعبدالله يقول مستر....شسالفة؟؟ امممم
الظاهر في لبس في الموضوع
احم

[The Master]

هههههههههه
مداوم فالعيد مالي خص فالعيد كلش

هلا ومرحب بو خليفة3

الله يعينك اخوي...شكلك تدور القرقش هاااا؟ احم
ولا منكوب؟

الله يعيطك العافيه...
وتشكر على المرور ولا هنت

[The Master]

الله يردك لاهلك بالسلامة ويجمع شملكم ويفرحون فيك وانت رافع راسهم

العيد محد يعرف قيمته الا اللي يعيد بعيد عن ديرته واهله:(

هلا ومرحب اختي هتان قطر
تسلمين والله يجزاج خير على هالدعاء والكلام الطيب والله يسمع منج يارب

ولج المثل ان شاء الله ولاهنتي
الله يعينج ويعين كل مغترب بعيد عن هله...
طعم الفراق صعب....اشدخل احم

يامرحبا بج دوم اختي

[The Master]

نايس عيشتنا الجو قبل اوانه ..:)


ودي افهم انا بعد ليه هههههههههههههههه.!!
على العموم امبارك عليكم العيد وينعاد عليكم كل عام ..:)

هلا ومرحب اختي بشاير
الحمدلله اهم شي عشتي الجو وان دل فانما يدل على اعجابكم بالموضوع وتشكرين اختي

اي والله لييييه؟؟ مشكلة النسوان...مالهم حل صراحة...الله يبارك فيهم هاليومين بينحكون حك عشان يبدعون بفالة العيد...ومقرطسه وملحفة بحركات وستايلات....
واخرتها نجي حنا (الوحوش) بدون سابق انذار ونعفس الدنيا ونطلع احم

علينا وعليج يارب
اشكر لج تواجدج
ويامرحبا بج
ولاهنتي

[The Master]

كل عام وانت بخير والله لايحرم ك العيد بين اهللك وناسك
فعلا وانااقرأ القصه حسيت بالعيد
كل عام والجميع بخير

هلا ومرحب ابيض واسود
الله يجزاك خير على الدعاء الطيب وبارك الله فيك
والله يسمع منك يارب
وانت بخير وصحة وسلامة

الحمدلله انها عيشتك الجو عشان تتشوق للعيد وتكون صاحي وتصلي وتعيد

ولاهنت على التواجد والدعاء الطيب
ويامرحبا بك

[The Master]

ههههه

ياخي موضوعك عجيب

هلا ومرحب مخاوي الليل
انت الاعجب اخوي احم

لاهنت

[The Master]

المقطع الاول الي فوق يصير لي كل يوم عييد خخخخخ

موضوعك رائع والله وجبتها صح

يعطيك العافيه وعيدك مبارك

هلا ومرحب بالسمي
اكيد وكيف ماجيبها وينادونك ب علووووي
انت الاروع اخوي لاعجابك بالموضوع
وتشكر على المرور الجميل
ويعافيك يارب
وانت بخير وبصحة وسلامة وتقبل الله

ولاهنت على المرور

[The Master]

هههه
جمعتك مباركه وعيدك مبارك

موضوعك حلو حسيت نفسي بسباق مب بعيد
الساعات الأولى زي ما قلت يالله يالله قم وراك صلاااه ألحين بيصلون

والباقي قلته

هلا ب المتألم
تشكر على المرور الطيب
الله يجزاك خير..وانت بخير وصحة وسلامة
على فكرة ترا نزلت موضوعي قبل لا اشوف موضوعك...وكنت بارد عليك عقب ماشفته لكن انشغلت...
وكنت باحط لك رابط هالموضوع احم
لاني ذكرت سالفة الملل والزهق والنوم...

تشكر على المرور
ولاهنت

[شويهينــه]

عيدك مبارك عليان

وصج العيد بلمه الاهل والاصدقاء بدونها مافي عيد

والله يلم شمل كل متغرب يارب

[The Master]

عليان عيدك مبارك مقدما
وعسى ربي يردك على هلك بالسلامة
واشكر على هالموضوع الحلو

هلا ومرحب اخوي مروض المهرة
علينا وعليك مقدما
والله يجزاك خير على هالدعوة الطيبة
وبيض الله وجهك
والشكر لله
والعفو...واهم شي همتك في العيد....بخبخ حق هالبزران...وعقبها خذها منهم...يعني انك طيب احم

لاهنت على المرور
ويامرحبا بك

[The Master]

عيدك مبارك عليان

وصج العيد بلمه الاهل والاصدقاء بدونها مافي عيد

والله يلم شمل كل متغرب يارب

هلا ومرحب اختي المريشه
تشكرين على المرور الجميل
والله يجزاك خير على الدعاء الطيب
وفيك الخير اختي
والله يسمع منك يارب

ولاهنتي على التواجد
ويامرحبا بج دوووم
وكل عام وانتي بخير

[biz-qtr]

اووووه الحمدلله عالسلامة اختي
ويعافيج يارب...والحمدلله الموضوع اعجبك(كالعاده احم)
اشكرك لتواجدك وحضورك الطيب
اهم شي شيكي على موضوع ملخص وين حياء بناتنا...تحت في توقيعي..

وموضوع البلاك بيري تراه غبر احم

لاهنتي ويامرحبا بج




ههههههههههههههه حسستني اني مغبره .. شاسوي ياخوي ف هالدنيا

موضوع البلاك بيري شد الهمه فيه انت :)

يعطيك العافيه بشيك الملخص :)

[بوحارب]

انت لو ترحم حالك بس الدنيا بتكون بخير

تسلم على الموضوع الحلو وكل عام وانت بخير

والله يعينك على الغربة

[تحداني]

.. كل عام وانت بألف اخير اخي الفاضل عليان ..
وبما انك تكره الفصحى سنتكلم بالعاميه عشان العيد بس :)
مو تتعود على العاميه وتعور راسي كل يوم ..




كل الي قلته صح الصح ..
وانت فايز فايز ههههههههههههههه ...

وكلها اخطاء دائما ما يطيحون فيها الشباب ..
اطالعهم يعورون في السكيك الين انصاص الليالي ...

واحد في الحلاق ..
والثاني في محل النعل " الله يعزك "

والثالث في محل الغتر .. الغتره ما تثبت على الراس ..
والرابع يدور على قحفيه اتناسب ديكور شعره ..


وحالتكم حاله ..

واذا جى الصبح .. واذن الفجر .. لصلاه العيد ..
الاخ نايم على الكرسي ..
او تحت السرير ..

قوم يا حمان .. ..
قوم عمور ابد خر خير .. يسحبونكم سحاب ..

حتى العود .. ودهن العود اتمشونه على عيونكم .. بالغلط ههههههههههههههه..


ارحموا حالكم بس " احم احم " هذا كان فاصل تعال انكمل ..


واذا جى وقت الغدى الاخ امبوز عسى ما شر ..
اشفيك ..؟؟

والله ما اشتهي يا اختي تحداني الزمن ..
ليه اشفيك ؟؟

احس ابي اناااااااااام .. وخسرت وايد فلوس على اليهال العلل ..
ههههههههههههههه ..


ويروح ينام الين المغرب او الاعشى ..

وين رايح ..؟؟
يقول عندي عمه بروح اسلم عليها ما شفتها الصبح ..
وبعدها بروح اروح اسلم على واحد من الربع اليوم راد من السفر ..هههههههههههه


وبعدها .. بروح اطفح في مطعم محترم على احساب الشباب ..
وبنروح السينما كالعاده ..




روح الله ينور طريقك ..



اقول " ..........." خالك متصل يقول ليش ما مريت الميلس ..
قولي له ولد اختك يسلم عليك ويقول ما عندي افلوس حق اليهال ههههههههههههههه




وهذا هو الحال ..


كل سنه اقول لاخواني تعالوا من وقت البيت وناموا وارتاحوا ..
وهاذي حالتهم .. الين الحين ما ردوا ..


لحظه بتصل .. حق اخوي ..اشوف وينه ..:telephone:
ابي آخذ كم كلمه حق التعليقات " احم احم"

ترن ترن ترن ...:telephone:

ها حبيبي وينك ؟؟ ويني يعني عند الحلاق ..
اكتشفت ان العارض ما امضبطه عدل ..


متى بتجي البيت ..؟؟
اعتقد قبل صلاه العيد ..


مع السلامه ..
اقولج تحداني ..
نعم ..


تعشيتي ..؟؟
لا ..

ليش ؟؟
انتظر العشى مثل كل عيد من حضرتك ..

اوكي باي وسلمي على المنتدى والاخوان ..

هههههههههههههههههه



هذا هو الحوار ..


الله يسعدكم .. وينور طريقك ..
واتكون العيد الجاي بين الاهل والاحباب ..

[the flower]

هههههههههههههههههههههههههههه

صج تفهي

عجيبه العبره الصراحه واستفتدت منها هههههههههه كنت ناويه انام بكره
بس شكلي بقوم من الصبح

تسلم خيو

[دلوليانوز]

كل عام وانت بخير والله لايحرم ك العيد بين اهللك وناسك
فعلا وانااقرأ القصه حسيت بالعيد
كل عام والجميع بخير

[The Master]

ههههههههههههههه حسستني اني مغبره .. شاسوي ياخوي ف هالدنيا

موضوع البلاك بيري شد الهمه فيه انت :)

يعطيك العافيه بشيك الملخص :)

هلا ومرحب ويالله حيهم
الله ينولج مرادج يارب ويوفقج دنيا واخره

موضوع البلاك بيري....اممممم....خير ان شاء الله....الناس خلاص صارت فاهمه وقامت تعلم مب تتعلم...وهذا اهم شي احم

ويعافيج يارب.....
وعيدج مبارك خيتو....
لاهنتي

[The Master]

انت لو ترحم حالك بس الدنيا بتكون بخير

تسلم على الموضوع الحلو وكل عام وانت بخير

والله يعينك على الغربة

يالله حيهم بوحارب
حيالله ذا الرجال...وانت بخير وصحة وسلامه
وعساك من العايدين

اي والله يبغيله اني ارحم حالي...بس تهقى الدنيا بتصير بخير؟؟ مايندرى يمكن ليش لا احم

العفو خيو واشكرك على المرور الطيب والجميل...

اي والله الله يعينا على الغربه...وجزاك الله خير على هالدعاء الطيب

لاهنت
ويامرحبا بك دوووم
نورت خيو

[The Master]

.. كل عام وانت بألف اخير اخي الفاضل عليان ..
وبما انك تكره الفصحى سنتكلم بالعاميه عشان العيد بس :)
مو تتعود على العاميه وتعور راسي كل يوم ..




كل الي قلته صح الصح ..
وانت فايز فايز ههههههههههههههه ...

وكلها اخطاء دائما ما يطيحون فيها الشباب ..
اطالعهم يعورون في السكيك الين انصاص الليالي ...

واحد في الحلاق ..
والثاني في محل النعل " الله يعزك "

والثالث في محل الغتر .. الغتره ما تثبت على الراس ..
والرابع يدور على قحفيه اتناسب ديكور شعره ..


وحالتكم حاله ..

واذا جى الصبح .. واذن الفجر .. لصلاه العيد ..
الاخ نايم على الكرسي ..
او تحت السرير ..

قوم يا حمان .. ..
قوم عمور ابد خر خير .. يسحبونكم سحاب ..

حتى العود .. ودهن العود اتمشونه على عيونكم .. بالغلط ههههههههههههههه..


ارحموا حالكم بس " احم احم " هذا كان فاصل تعال انكمل ..


واذا جى وقت الغدى الاخ امبوز عسى ما شر ..
اشفيك ..؟؟

والله ما اشتهي يا اختي تحداني الزمن ..
ليه اشفيك ؟؟

احس ابي اناااااااااام .. وخسرت وايد فلوس على اليهال العلل ..
ههههههههههههههه ..


ويروح ينام الين المغرب او الاعشى ..

وين رايح ..؟؟
يقول عندي عمه بروح اسلم عليها ما شفتها الصبح ..
وبعدها بروح اروح اسلم على واحد من الربع اليوم راد من السفر ..هههههههههههه


وبعدها .. بروح اطفح في مطعم محترم على احساب الشباب ..
وبنروح السينما كالعاده ..




روح الله ينور طريقك ..



اقول " ..........." خالك متصل يقول ليش ما مريت الميلس ..
قولي له ولد اختك يسلم عليك ويقول ما عندي افلوس حق اليهال ههههههههههههههه




وهذا هو الحال ..


كل سنه اقول لاخواني تعالوا من وقت البيت وناموا وارتاحوا ..
وهاذي حالتهم .. الين الحين ما ردوا ..


لحظه بتصل .. حق اخوي ..اشوف وينه ..:telephone:
ابي آخذ كم كلمه حق التعليقات " احم احم"

ترن ترن ترن ...:telephone:

ها حبيبي وينك ؟؟ ويني يعني عند الحلاق ..
اكتشفت ان العارض ما امضبطه عدل ..


متى بتجي البيت ..؟؟
اعتقد قبل صلاه العيد ..


مع السلامه ..
اقولج تحداني ..
نعم ..


تعشيتي ..؟؟
لا ..

ليش ؟؟
انتظر العشى مثل كل عيد من حضرتك ..

اوكي باي وسلمي على المنتدى والاخوان ..

هههههههههههههههههه



هذا هو الحوار ..


الله يسعدكم .. وينور طريقك ..
واتكون العيد الجاي بين الاهل والاحباب ..

هلا ومرحب اختي الفاضلة تحداني الزمن
وانتي بخير وعساك من عواده يارب

اي اهم شي العامي (لهجة اجدادنا)
ماشاء الله عجبني اسلوبك في طرح القصة والسلبيات(شكلك متعلمتها من حد احم)

واهم شي الاتصال...يعني لايف مباشر
الله يعينه على الحلاق
كله عشان عارض؟ (الله لا يهينك في شي اسمه مكينه في البيت)

الله يجزاج خير على الدعوة الطيب وبارك الله فيج ولاهنتي
والسموحة على التاخير في الرد لاني كنت مشغول مع الجامعه ومشغول من قلب....
تشكرين للتواجد اختي
ويامرحبا بج

[The Master]

هههههههههههههههههههههههههههه

صج تفهي

عجيبه العبره الصراحه واستفتدت منها هههههههههه كنت ناويه انام بكره
بس شكلي بقوم من الصبح

تسلم خيو

حيالله اختي الورده
شرفتي وبارك الله فيج...اي قومي صباح العيد(بخصوص اليوم ثالث العيد؟؟ صدق متاخر وهذا هو كله متاخر احم)

يامرحبا بج
ولاهنتي على المرور

[The Master]

كل عام وانت بخير والله لايحرم ك العيد بين اهللك وناسك
فعلا وانااقرأ القصه حسيت بالعيد
كل عام والجميع بخير

هلا ومرحب اختي دلول يانوز
وانتي بخير اختي
والله يسمع منج وجزاك الله خير وبارك الله فيج
الحمدلله انها نالت اعجابك
ويامرحبا بج دوم
ولاهنتي

[The Master]

احم
اولا...حبيت ارفع الموضوع
ثانيا...حبيت اعايدكم منه...مقدما...كل عام وانتوا بخير...والله يرجع حجاجنا...مغفورين الذنب...كما ولدتهم امهاتهم...يارب...

ومنها تدعون لي عسى ربي يوفقنا في الامتحانات(دام عندك امتحان وش مجيبك المنتدي...احم)...خاصة ان يوم العيد عندي فاينال...وعقبه بكم يوم هم بعد امتحان...ايييييه شاقول ولا شاقول...احم
الحمدلله على كل حال...

على العموم
اتمنى الموضوع يعجبكم...انا كنت منزله لعيد الفطر...
لكن هذا لا يمنع اني ارفعه لعيد الاضحى...

تستاهلون كل خير...
يامرحبا بكم...

[Mozanee]

عيل حركات التفهي مب عندنا بس ,, وفي حركات يمكن انت كونك ريال ما تعرفها

وتصير بينا احنا الحريم وأول هالحركات وأهمها ؛ المفوشر اللي يوصل للكذب

الا عبايتي بالمبلغ لفلاني والشنطة ما ادري من اي ماركة ,,هو ما فيها شي

بس الكذب وزيادة الكلام هو اللي يرفع الضغط ,,,ولي اجتمعوا الحريم مع بعض كل وحدة تنافس

الثانية في العري ,,قلنا كلكم حريم بس مب جذي اتيك وحدة صكت الاربعين والخمسين وتلبس لك المحزق و,,

ولا عاد البزران كل شوي عدوا لي العيدية وكل ما عطوهم عشر ولا خمس تعالوا عدولي من أول وجديد ,,,,

معليش البزران مقبولة منهم,,, وبصراحة انا اول مرة اقرا هالموضوع يس من شوي قريته في المدونة ,,,

وموضوع متميز كالعادة والله يردك بالسلامة وتتوفق ويعوضك خير والله يهون عليك غربتك ,,, ولاتنسى

التصوير و كثر من الصور,, وتقبل مروري

[Mozanee]

ونسيت أهنيك بالعيد مقدما ,,, يالله عساك من العايدين ,,وبالمرة للرفع امس جمعة والناس اجازة

[العداله]

كل عام وانتم بخير ( مقدما )
الله يعوده علينا كل سنه والكل بصحه وسلامه

[حـــنـــان]

يسلمووو ...حلوة قصة العيد ...

[ساحل الشمال]

عيدكم مبارك وكل عام وانتو بخير مقدما .... لاتنسون صيام عرفة .. تقبل الله منا ومنكم .

[The Master]

ان شاء الله لنا رجعه نرد عليكم ونهنيكم
لاهنتوا جميعا

[The Master]

عيل حركات التفهي مب عندنا بس ,, وفي حركات يمكن انت كونك ريال ما تعرفها

وتصير بينا احنا الحريم وأول هالحركات وأهمها ؛ المفوشر اللي يوصل للكذب

الا عبايتي بالمبلغ لفلاني والشنطة ما ادري من اي ماركة ,,هو ما فيها شي

بس الكذب وزيادة الكلام هو اللي يرفع الضغط ,,,ولي اجتمعوا الحريم مع بعض كل وحدة تنافس

الثانية في العري ,,قلنا كلكم حريم بس مب جذي اتيك وحدة صكت الاربعين والخمسين وتلبس لك المحزق و,,

ولا عاد البزران كل شوي عدوا لي العيدية وكل ما عطوهم عشر ولا خمس تعالوا عدولي من أول وجديد ,,,,

معليش البزران مقبولة منهم,,, وبصراحة انا اول مرة اقرا هالموضوع يس من شوي قريته في المدونة ,,,

وموضوع متميز كالعادة والله يردك بالسلامة وتتوفق ويعوضك خير والله يهون عليك غربتك ,,, ولاتنسى

التصوير و كثر من الصور,, وتقبل مروري

هلا ومرحب اختي موزاني...
تشكرين على الاثراء الجميل...
طبعا انتي اعلم بعالم النسوان...احم
والله المستعان...والله يهديهم...
بس هم فيها نقطه انهم يتنفسون بهالمفاشر...احم...

التميز بتواجدك خيتو...وتشكرين على الكلام الطيب...
وعن التصوير ماضنيت...
عندي امتحان فاينال يوم العيد...وعقبه محاضره...يعني لا جمعه ولا عيد...الله يعين بس...
الحمدلله على كل حال...هو صحيح ان العيد هنا مايفرق...لاحدن معاك ولا حدن يحسسك بالعيد ولا حتى حد يهنيك به...حتى الربع تعينهم نايمين...سهالات...الله يعين...
(اشفييييييه الحزييييين...احم)

وعلينا وعليك يارب...وتقبل الله اعمالكم...وعساك من عواده...

ويامرحبا بك
ولاهنتي على التواجد الجميل

[The Master]

كل عام وانتم بخير ( مقدما )
الله يعوده علينا كل سنه والكل بصحه وسلامه

هلا ومرحب اخوي العداله
وانت بخير وصحه وسلامه...وعساك من العايدين...

ويامرحبا بك
ولاهنت

[The Master]

يسلمووو ...حلوة قصة العيد ...

هلا ومرحب اختي حنان

ومن قال سالم...تشكرين على الاطراء

يامرحبا بك
ولاهنتي على المرور

[The Master]

عيدكم مبارك وكل عام وانتو بخير مقدما .... لاتنسون صيام عرفة .. تقبل الله منا ومنكم .

هلا ومرحب ساحل الشمال
وانت بخير وصحه وسعاده...
مايحتاج توصيه...
منا ومنكم صالح الاعمال...
الله يجزاك خير على التذكير...

يامرحبا بك
ولاهنت على التواجد

[البنـدري]

الله حي أخونا "السيّـد"

شحالك..؟! عساك بخيـر..؟!

أنا لي عودة إن شاء الله..

قريت لحد النـص وأنا نعسانه :(

فباقرى البقية الباقية وبرد عليك

تحياتي لك

ويعطيك العافية :)

[Mozanee]

هلا ومرحب اختي موزاني...
تشكرين على الاثراء الجميل...
طبعا انتي اعلم بعالم النسوان...احم
والله المستعان...والله يهديهم...
بس هم فيها نقطه انهم يتنفسون بهالمفاشر...احم...

التميز بتواجدك خيتو...وتشكرين على الكلام الطيب...
وعن التصوير ماضنيت...
عندي امتحان فاينال يوم العيد...وعقبه محاضره...يعني لا جمعه ولا عيد...الله يعين بس...
الحمدلله على كل حال...هو صحيح ان العيد هنا مايفرق...لاحدن معاك ولا حدن يحسسك بالعيد ولا حتى حد يهنيك به...حتى الربع تعينهم نايمين...سهالات...الله يعين...
(اشفييييييه الحزييييين...احم)

وعلينا وعليك يارب...وتقبل الله اعمالكم...وعساك من عواده...

ويامرحبا بك
ولاهنتي على التواجد الجميل



مأخذي عليهم في الكذب فقط وخلهم يستانسون والله قال فينا اومن ينشئ في الحلية وهو

في الخصام غير مبين ,,,

والله يعين اللي ماراح يعيدون و الله يدخل الفرح في قلوبهم ,,,,

الا على فكرة الادارة عطتني مهمة رفع المواضيع المميزة والعيد قرب وهذا وقته وتوي

جايفه أعضاء جداد ,, احم

[The Master]

عيدكم مبارك جميعا

[وديمه]

أضحك الله سنك :)

كل عام والأمه الإسلاميه بخير

وتقبل الله طاعاتنا

[ملاذ الروح]

وأنت بصحة وبسلامه ( حبيت الموضوع وأن شاء الله لي عوده له قريبا )

[واقعي وصريح]

كل عام وانت طيب

[The Master]

أضحك الله سنك :)

كل عام والأمه الإسلاميه بخير

وتقبل الله طاعاتنا

هلا ومرحب وديمه
تشكر على المرور الجميل...
وانت بخير وجميع المسلمين يارب
منا ومنكم صالح الاعمال...
بارك الله فيك

ويامرحبا بك
ولاهنت على المرور

[The Master]

وأنت بصحة وبسلامه ( حبيت الموضوع وأن شاء الله لي عوده له قريبا )

هلا ومرحب ملاذ الروح
تشكر على المرور الطيب
ومن قال سالم...

يامرحبا بك..
ولاهنت على المرور

[The Master]

كل عام وانت طيب

هلا ومرحب واقعي وصريح

وانت طيب يارب

يامرحا بك
ولاهنت على المرور

[The Master]

الله حي أخونا "السيّـد"

شحالك..؟! عساك بخيـر..؟!

أنا لي عودة إن شاء الله..

قريت لحد النـص وأنا نعسانه :(

فباقرى البقية الباقية وبرد عليك

تحياتي لك

ويعطيك العافية :)

هلا ومرحب اختي البندري

اسحببببببببب يالسيد...لا وبالشده بعد...روووح
احم

المشكله هي بالانجليزي تعني معاني كثيره...وانا كان قصدي بعيد عن كلمه السيد...احم

اهم شي البقية الباقية...اعجبني النعت...احم

يامرحبا بك
ولاهنتي على المرور (زي العاده...خطف خطاف)