المساعد الشخصي الرقمي

مشاهدة النسخة كاملة : فتح كوفي شوب ...



هجمة مرتدة
18-09-2009, 01:23 AM
أخواني أفكر أفتح كوفي شوب ..

شنهي الاجراءات اللازمة .. والمعلومات المطلوبة للإفتتاح ... غير أجار محل ورخصة تجارية .. شنو لازم أوفره ؟؟؟؟

أرجو الإفادة مع الشكر

مافيا قطر
18-09-2009, 03:16 PM
اول شى الموقع ثانى شى نوع المشروبات اللى بتقدمها وقبل هاىكله السفيتى فى المحل وعندك الديكور
اهم شى هو اللى يجذب الزبائن ومن غير الاسعار الحلوه ومن غير الموظفين ومن غير الاجهزه لتصنيع الشاى والقهوه والعصاير ومن الموظفات اللى بيقدمون الخدمات توفر لهم مندوب وسكن وباص للتنقل
ولا تنسى شاشه التلفاز خاصه اذا هناك مباريات او دورى وعندك بعد تسوى قسم للرجال والعوائل ولا تنسى البنات ويكون مفصور عن الرجال ومن غير الواير ليس المجانى ومن غير انواع المشروبات
خذ لفه على الكوفى شوبات وسجل بالورقه والقلم وارسم الديكور اللى يعجبك والاسعار وانواع المشروب والخدمات وغيره وهاى اللى عندى وموفق ولا تنسى تعزمنى

فهد الخاطر
18-09-2009, 06:46 PM
اهم شيء يا اخوي سكن العاملين واذا السكن متوفر
اما
الافتتاح فتحتاج الى موقع مميز
على سبيل المثال انظر الى اماكن اغلب الكافيهات الي في قطر وخصوصا
مواقع مثل فوشون وهيديارد والبتيل ولاميزون ولينوتر والي فرانس وغيرها من مقاهي اذا قدرت اتحصل موقع بهذا المستوى ان شاء الله خير
او في مجمع تجاري
والله ييسر امورك

qu qatar
18-09-2009, 07:17 PM
بااااااااااااال والله شغله هع اخاف الرجال يهوووون هههههههههه

هجمة مرتدة
21-09-2009, 12:15 AM
مشكورين أخواني على الردود والمساهمات الطيبة

أنا ناوي أفتح الكوفي شوب في مجمع تجاري .. فيلاجيو أو اللاندمارك ..

أبي أعرف هل يتطلب مني عمل دراسة شاملة للكوفي شوب ؟؟ إن كان نعم فماذا يجب أن تتضمن الدراسة ..

وأيش المطلوب غير قائمة الطعام والمشروبات .. والأجهزة وإقامة العمال وموقع مميز ..

شنهي الأوراق المطلوبة مني غير قائمة الأكل والمشروبات .. والسجل التجاري ؟؟؟

بوطويشم
21-09-2009, 12:21 AM
السلام عليكم

والله اخوي مالي خبره

بس اقترح انك اتحط مكان حق العوائل

والله يوفقك ويسهل عليك

سياتل
21-09-2009, 06:30 AM
السلام عليكم اخوي
اولاً عليك بدراسة المشروع من ناحية :-
رأس المال ، مستوى الكوفي شوب هل درجة أولى مثل ستاربكس وكوستا مثلاً أو مستوى ثاني مثل جراند كافيه أو مندرين مثلا او مستوى ثالث مثل الخيّام وكل واحد منها له فئة من الزبائن وموقع وراس مال .
الادارة مهمة والموقع أهم والديكور مهم والخدمة مهمه والاجواء مهمه
كوفي شوب بس .. يبي له حسابات أخرى وفترة زمنية طويلة عشان ينشهر ويجونه الناس
لكن لو حطيته كوفي شوب ومطعم بديكورات هادئة وخصوصية وموقعه ممتاز مثل المجمعات التجارية هني انا اوافقك الرأي
حط في بالك ان الكوفي شوبز في العالم لاتعتمد التكلف في الديكور يعني يكون مودرن ديكور وسمبل بألوان هادئه
الاجراءات :-
سجل تجاري من وزارة الاقتصاد ورخصة تجارية من البلدية وتوكل على الله
اذا فيه أي استفسار انا حاضر على الخاص لأني مقل في الدخول
والله يوفقك

hot2000
21-09-2009, 08:00 AM
اذا تبغي في مركز تجاري


اهم شي تخليه بجانب محل ملابس حريم

وتحط كراسي برع

وتحط ملصقات ممنوع التدخين وفي نفس الوقت عل ىالطاولات طفايات

للأسف هذا واقع الكوفي شوبات عندنا والله حاله

موفق انشالله

آنــه
27-09-2009, 02:21 AM
انا بغد ابي استفيد
لان مقبله على مشروع فريد بعد تقريبا كوفي شوب متكامل وله مميزات خاصه ابي اعرف
شلون التكاليف والمجمعات اللي تنصحوني اني افتح هالكوفي شوب فيها
والسجل موجود بس هل يختلف السجل التجاري العادي عن السجل التجاري للمحلات اللي مثل الكوفي شوب ؟؟

المريش
02-10-2009, 09:15 PM
موفق بمشروعك ان شالله
من الأشياء المهمة نوع الكوفي اللي بتجيبه والناس اللي بيسوون الطلبات لازم تكون على مستوى عشان تمشي وتتميز
خاصة منذ الإفتتاح لأن دايما الإنطباع الأول مهم

سياتل
02-10-2009, 11:37 PM
الاخت - آنه - السجل مثله مثل باقي السجلات مايختلف في شي

وبالنسبه للكوفي شوبز ترى فيه منافسه كبيره

لأن الاسماء اللي في السوق مشهوره ومكوشه على كل الزبائن

انا افضل تعملين دراسة جدوى عند ناس متخصصين عشان تعرفين

وموفقه ان شاءلله