يا الربع .. اخذروا التغبيره .. احذروا التغبيره .. ما وراها الا الخراب .. دشوا وشوفوا

[Mody]

يا جماعة الخير .. من زمان ابي اقولكم .. احذروا التغبيره .. احذروا التغبيره .. بجميع انواعها سواء قواطي الرش أو المغاسل اللي مسويين نفسهم فنانين ويغبرونلك موترك وانت جالس مرتاح وتساهم في خراب سيارتك ..!!

انا راحوا علي وجه سيارتين كاملين من ليتات لبانه لرفارف لكشافات لشبك وصدقوني ما ترقعوا ومالهم حل الا تبديل وصبغ بديج الحجايه .. والاسباب كما يلي :-

كنا سيارتين انا ورفيجي ورايحيين الاردن وسوريا معاي اسكيليد وهو معاه كروزروهالكلام من شهرين تقريبا ورحنا غبرنا المواتر تغبيره ومدبله بعد وانا غير مقتنع في التغبيره اصلا وتحسفت من قلب اني سويتها وصادنا عج عدل وعاصفه رمليه من بعد الرياض ورايح وخذنا حذرنا وخففنا السرعه بين 80 و90 كم فقط لكن والله يا الربع ما فاد والسيارات راحت عدل ولا ينفع لها علاج ناهيكم عن البانه والجامه الاماميه كنهم مضروبين بصجم لان العاصفه كانت قويه وهذي مشاكل التغبيره وما تسوي في الموتر لا تحمي ولا هم يحزنون :

أولا : التغبيرات اللي رشيناها كلها راحت والرمله حكت البدي والليتات والشبك والبانه وصادت الرفارف والقزاز الامامي بعد وحتى المناظر الجانبيه ما سلمت.

ثانيا : التغبيره شينه يا جماعة تراها تدش في شبك الريديترات يعني ريديتر المكينه ورديتر المكيف ومستحيل تطلع منه وطبعا تتسبب في انسدادهم خاصه اذا غبرت اكثر من مره.

ثالثا : التغبيره تدش في اماكن اخري في السياره ولا تطلع منها بسهوله مثل اطراف المرايات ودواخلها واطراف البدي والبانه والبيبان ودواخل البيبان وداخل مقابض البيبان ومفاصلها الداخليه تتشوه ايضا ويدش فيه الغبار ما يطلع كلش.

رابعا : اثبتت التغبيره فشلها الذريع وما وراها الا تسببلك مشاكل حق السياره ويحترق قلبك خاصه اذا موترك يديد ويابالفيت انك خايف عليه وانت اتدمره بنفسك.

وانا بصراحه تووووووووووووووبه من شي اسمه تغبيره مره ثانيه ولا حتى على موتر قرنبع

والحل الأمثل واللي نصحوني فيه أهل السعوديه وجربته في الرجعه هو صابون السايل لوكس أو شامبو جونسون للأطفال لانهم ما يتركون اثار نهائيا على الصبغ زايد انه يحفظ الليتات الاماميه والكشافات من العج القوي وهذا عن تجربة :

والعازل زين بعد بس تدرون انه مكلف .. لكن هالحل حلو وسهل ورخيص ولا عاد تغبرون

تدهن طبقه من الصابون اللوكس او من الشامبو جونسون واتركها لين تجف ولو انك بتسرع عالخط ادهنلك طبقه ثانيه لزيادة الوقايه عقب ما تجف الطبقه الاولى وانشالله امورك طيبه ودربك سمح .. وادعولي يا الربع

اللهم اني بلغت اللهم فاشهد .. قلبي احترق على موتري والله انا ورفيجي والله يعوضنا يارب

[علي1]

الله يغطيك الف عافيه والله ان التغبيره سوت في سيارتي شي بس الله كريم

جزاك الله خير

[Qa6ar]

اخوي الحمايه وبس شغل محترم لكن السياره من تحت بتروح عليك

لكن اذا في عج قوي خف على نفسك قبل السياره لان السياره مكانها سياره لكن الشخص مايتبدل بشخص

[Mody]

الله يغطيك الف عافيه والله ان التغبيره سوت في سيارتي شي بس الله كريم

جزاك الله خير

الله يعافيك اخوي علي وتسلم عالرد وياليت كل من تضرر
من غش هالتغبيره يذكرلنا تجربته وانا والله تجربتي شوفة عيني

[دلعاج]

جزاك الله خير يا اخوي Mody على موضوعك لكن انا عندي تعقيب بسيط بعد اذنك
التغبيرة لها اضرار اذا كانت المسافة طويلة خاصة انك رحت الاردن مع الطريق
الاطول ومريت على مناطق معروفة بغبارها واحوالها الجوية وبالعكس للتغبيرة ايجابيات
اذا كانت المسافة قريبة مثل الحسا والدمام والبحرين والامارات والكويت وغيرها
انا واحد احط تغبيرة لا بغيت اسافر قريب وما شفت اي اضرار الحمدلله
والله يعوض عليك انت ورفيجك وكل عام وانت بالف خير
تقبل مروري

[Mody]

اخوي الحمايه وبس شغل محترم لكن السياره من تحت بتروح عليك

لكن اذا في عج قوي خف على نفسك قبل السياره لان السياره مكانها سياره لكن الشخص مايتبدل بشخص

صدقت اخوي وعدل كلامك العازل او الحمايه هم الحل الامثل
واكيد شغل عدل بس تدري انه يكلف وايد بعد
وموب كل واحد عنده استعداد يركب حمايه حق سيارته

وشرفني مرورك يا الغالي

[Mody]

جزاك الله خير يا اخوي mody على موضوعك لكن انا عندي تعقيب بسيط بعد اذنك
التغبيرة لها اضرار اذا كانت المسافة طويلة خاصة انك رحت الاردن مع الطريق
الاطول ومريت على مناطق معروفة بغبارها واحوالها الجوية وبالعكس للتغبيرة ايجابيات
اذا كانت المسافة قريبة مثل الحسا والدمام والبحرين والامارات والكويت وغيرها
انا واحد احط تغبيرة لا بغيت اسافر قريب وما شفت اي اضرار الحمدلله
والله يعوض عليك انت ورفيجك وكل عام وانت بالف خير
تقبل مروري


تسلم يا الغالي على تعليقك لكن صدقني انا ما شفت منها رجا
غير تشويه شكل الموتر زائد المشاكل اللي ذكرتها من قبل

ولا تنسى ان التغبيره ما تفيد لا الليتات الاماميه ولا الكشافات

مالك الا الحمايه او الصابون السائل او الشامبو

وشرفني مرورك

[msk]

هلا الشيخ
كانت لي تجربة وحده مع التغبيرة واعتقد في سنة 2006 .... وكنت مسافر الى الكويت ... الصراحة من ذاك اليوم الى يومنا هذا توبه منها ... لان قمت اسميها توصيخه مهب تغبيره ... اول ماقبضت الخط ويم وصلت الحسا ... نزلت اصلي في احد مساجد محطات البترول ... ولا اشوفها السلام عليكم راحت من الصدام ... يعني لا انفعت ولا شي ... وبعدها يالربع طق على مطر خفيف صوب الخفجي ... والله يالربع انه لوعت جبدي ادخلت من بين الجامة والباب وبعدها من بعد ماغسلت الموتر ... من اسكر الجامة وافتحها تطلعلي اصوات احتكاك وصاخة التغبيرة ... وإذا غسلت الموتر ثاني مرة وفتحت الجامة ترجع الوصاخة مرة ثانية

الحين عندي يالربع سائل رش وامش ينباع في ساكو بالسعوديه على 60 ريال في الحسا .. من احسن مايمكن
واصلا انا حاط على اليتات والكشافات حماية من تيتانيوم ب 300 ريال

شغل حماية جيد بس انا مني بقتنع فيه ... يعني بالعقل احط على الشبك حماية ب 1000 ريال وقيمة شبك الفي اكس ار ب 750 هههههههههههههه

عموما بالتوفيق للجميع

[هذلان]

نا معاك في كل ماذكرت ،، و اضيف عيب اخر وهو ان التخبيره تدخل في المروحه الاماميه الي قدام الشبك للمواتر الي فيها مروحه قدام (الامريكي و الجيات) و تخرب المروحه مع مرور الوقت و تجيم المروحه وترتفع حراره السياره اذا وقفت و انت ماتدري ان المروحه ماتشتغل .
و النقطه الثانيه الشامبو انسى تحطه لانه حار على الصبغ .
و سواء حطيت شامبو ولا لوكس اول ماتوصل البلاد الي تبي على طول اغسل الموتر ، و احذر ان الشمس تظرب الموتر و عليه الصابون ياثر في الصبغ على طول خصوصا في الالوان الغامجه .

العازل ممتاز بس للاسف اسعاره نار .. تظرب وجه الموتر مع الجامه الاماميه بـ ٥ الاف تقريبا

[ابوصالح1]

يالربع انتبهوا من مادة اللوكس اللتي فيها التفاح او الليمون او البرتقال لانهاء فيها حموضه زايده وهذه الحموضه تحلل الصبغ اذا طولت 2- الحمايه موجوده في عدة اماكن ولا تركبوا اللا الامريكيه لان فيه نوع في الكريستال المانيه ركبتها وتعبانه 3- تحت السياره فيه علبة قار تباع في بعض المحلات الزينه رشه تحت على المقصات ودبله وحتي اذا بغيت تشله ينشل بالباترول على فكره ترا ه مايصمد كثير في وجه الرياح الشديده ودمتم سالمي

[مـالـﮓ رجى]

طيب وين أفضل مكان لتركيب الحمايه وسعره معقول

[الخاطف]

السلام عليكم

الله يعطيك العافية اخوي

انا بصراحة مركب لسيارتي فلم حماية شفاف على واجهة السيارة ..

واسافر متى ما حبيت ، لا وقت غبار ولا شيء ، عادي

وكل 6 شهور يغيرون لي الفلم الشفاف ، وتطلع السيارة جديدة ما شاء الله ..

وكلفني تقريباً 1500

لو تحسب التغبيرات وكم مرة بترش الصدام ، بيطلع عليك اغلى ..

[AL_MUTAEM]

طبعا التغبيره جربتها مره وحده ولا يمكن اجربها مره ثانيه لانها تقشر وتدخل من الشبك خاصه اذا كنت على سرعه او فيه مطر ..

انا دوم احط لوكس بس ما اثقله واخففه بزيادة الماااي واول ما اوصل المكان اللي ابيه اغسله على طول ..

[QaTaR49999]

اللوكس اذا طول يطير الصيغ

[QaTaR49999]

اللوكس اذا طول يطير الصبغ

[الغلبا]

جزاك الله خير

[نيساني]

جزاك الله خير

[*^*محمد*^*]

السلام عيلكم

يالربع غير البرقع حق السياره مافيه:shy::shy: بس اهم شي تركبه صح عشان مايلعب فالبانه مع السرعه
واذا تذكرون قبل كانو يحطون قريز عالوجهيه بس بعد يقلب لونا اصفر خاصه عالسيارات البيضا:(
والصابون نفس الشي والتغبيره تخريبه ووووو وفلوس مافيه :weeping::weeping:
احسن شي ممشا الليل تقطع الخط ماتدري بس على راحتك وكل مطرود ملحوووق

[ANONYMOUS]

السلام عيلكم


احسن شي ممشا الليل تقطع الخط ماتدري بس على راحتك وكل مطرود ملحوووق


صادق

غرامي ممشى الليل

[بن علاق]

يالربع انتبهوا من مادة اللوكس اللتي فيها التفاح او الليمون او البرتقال لانهاء فيها حموضه زايده وهذه الحموضه تحلل الصبغ اذا طولت 2- الحمايه موجوده في عدة اماكن ولا تركبوا اللا الامريكيه لان فيه نوع في الكريستال المانيه ركبتها وتعبانه 3- تحت السياره فيه علبة قار تباع في بعض المحلات الزينه رشه تحت على المقصات ودبله وحتي اذا بغيت تشله ينشل بالباترول على فكره ترا ه مايصمد كثير في وجه الرياح الشديده ودمتم سالمي

يعطيك العافيه

[بوناصر1]

والله اللي يضحكني بعض الشباب يضربون تغبيره وحاله ... واخارتها اتحصله مسافر في الليل لا ورايح البحرين ههههههههه طيب ليش كل هذا

ترى سفرة الليل مايبيلها لا تغبيره ولا لوكس .

وتسلم ع الموضوع

[ALRAYYAN]

كان عندي في اكس آر اسود 2004 سافرت عليه حوالي 15 خلال 3 سنين

والله ماتذكر اني حطيت عليه لوكس او تغبيره او عازل حمايه .. وبعته ووجهه كأنه وكاله وبلمعته

بس ماتذكر اني سافرت بالتهار .. مسرى الليل ولا احلى ولا اريح منه لك وللسياره

والحين عندي في اكس ار لؤلؤي 2008 ركبت عليه عازل حراري على الليتات والكشافات والشبك والمرايات

ورحت عليه البحرين مرتين والامارات مرتين ومكة المكرمة مره

ولا تغبيره ولا لوكس .. بس كل سفراتي بالليل وهذا هو وجهه ماشاء الله وكاااااااااله

الله يعوض عليك وعلى رفيجك اخوي .. والخسارة خسارة الروح وانا اخوك

واهم شي انكم سالمين

[rw3h]

مرحباااا شباب .. من واقع خبرتي وضرب الخطوط بمعدل كل اسبوع او اسبوعين والله ماينفع لاتغبيره ولا لكوس

اذا صار العج والغبار جامد والله يطير التغبيره واللوكس والشامبو ..

خذها ثلاث نصايح لا رابع لهما

* امسك الخط في الليل حيث ان نسبه العج والغبار تقل بنسبه 60% (مسرى الليل جو ثاني)
(من زين الطبيعه اللي ببتفرج عليها في الخليج عشان تمشي النهار) هههههههه

* مافيه بديل غير البرقع لحمايه واجه السياره

* اذا صادك عج في الطريق حاول تهدي السرعه الى 80 لان سرعتك لها دور بسرعه الاحتكاك بالحصى والغبار والجو الخارجي .. وبالتالي التأثير على واجه الموتر ..


دمتم بود ورافقتكم السلامه ..

[[vip]]

والله انك صادق موتري لونه اسود وحطيت تغبيره ويوم رحت اغسله حكولي الصبغ وحذروني ان الصبغ بينحك والسبه التغبيره وجه موتري محكوك والله

يازين اللوكس وبس

والله لايهينك يابوسعود على التحذير

[زمن الغدر]

اخوي فيري بدون نكهات او جونسون حق اليهال
وخاصه الفيري عجييييييب
خليته على الموتر شهر رحت عمره والاردن وسوريا ولما ردت الدوحه شليته دهن كل شي بوجه الموتر
ونفسه عند مغسله الصقر الي بسلوى ب10 ريال الوجه والمناظر والرفارف
اما التغبيره شكل العالم تسويها
الي يسووي تغبيره حمره والي صفره عرس

[بوزيد]

السلام عليكم ورحمة الله وبركاته
مساكم الله بلخير والرضى والله يتقبل منا ومنكم صالح الاعمال أأأأمين
بنسبه لتغبيره والوكس ماتصلح نهائين من واقع خبره انا واعوذ من كلمت انا اسافر كل اسبوع تقريبن لسعوديه يالدمام يالاحساء وفي السنه اطلع جده ما يقل عن 3مرات والرياض عد واغلط مالقيت افضل من الحمايه على الوجه من واقع تجربه ومسويها في السعوديه في الخبر الوجه كامل والقزازه الاماميه كلفتني 1500ريال طبعن القزاز الاماميه مجانأ عرض عندهم وضمان مدى الحياه على الحمايه بشرط تلتزم بمواعيد التنظيف للحمايه وهي كل شهرين للون الابيض واول تنظيف مجانأ وبعدها 50ريال كل مره وشغل عدل .
اما بنسبه لتحت السياره فسويت حمايه لها عند زيبارات في الخبر بعد وكلفتني 800ريال او600 والله ناسي وكل سنه يجددونها وشيكون عليها ب200ريال والحمد لله وجه السياره وبطنها عندي جديد وارجو اني افدتكم واسف على الاطاله.

[bo-ibrahem]

يعطيك العافيه

[fahadq]

بيض اللة وجهك ,واللة يعوض عليك.

[فنجال قهوه]

جزاك الله خير اخوي

بس والله ياربع لو جاك عج وانت حاط تغبيره ولا لوكس مافي فايده اذا انت مسرع

[الزير سالم]

مافيه احسن من البرقع والدليل اغنية البراقع
وعيدكم مباااااارك

[الزير سالم]

الى هالدرجة مهم الموضوع اللي كاتب عشر اسطر واللي خمس تعبتوناااا بالقراية واخرتها السااالفة
دعاية لمحلاااات العااااازل

[Mody]

هلا الشيخ
كانت لي تجربة وحده مع التغبيرة واعتقد في سنة 2006 .... وكنت مسافر الى الكويت ... الصراحة من ذاك اليوم الى يومنا هذا توبه منها ... لان قمت اسميها توصيخه مهب تغبيره ... اول ماقبضت الخط ويم وصلت الحسا ... نزلت اصلي في احد مساجد محطات البترول ... ولا اشوفها السلام عليكم راحت من الصدام ... يعني لا انفعت ولا شي ... وبعدها يالربع طق على مطر خفيف صوب الخفجي ... والله يالربع انه لوعت جبدي ادخلت من بين الجامة والباب وبعدها من بعد ماغسلت الموتر ... من اسكر الجامة وافتحها تطلعلي اصوات احتكاك وصاخة التغبيرة ... وإذا غسلت الموتر ثاني مرة وفتحت الجامة ترجع الوصاخة مرة ثانية

الحين عندي يالربع سائل رش وامش ينباع في ساكو بالسعوديه على 60 ريال في الحسا .. من احسن مايمكن
واصلا انا حاط على اليتات والكشافات حماية من تيتانيوم ب 300 ريال

شغل حماية جيد بس انا مني بقتنع فيه ... يعني بالعقل احط على الشبك حماية ب 1000 ريال وقيمة شبك الفي اكس ار ب 750 هههههههههههههه

عموما بالتوفيق للجميع


والله عدل كلامك وانا لي تجربه قدييييييييمه من 15 سنه تقريبا قبل ما نعرف شي اسمه تغبيره او حتى صابون اللوكس وكانت عندي نيسان زد وصادنا عج غير شكل عند الخفجي صدقوني وصلت الدوحه في الليل وقمت يوم ثاني اعين البانه والرفارف عالقار :) يعني عالحديد الصبغه الخضره راحت خير شر .. وطبعا سيدا على صبغ الموتر صبغه كامله وكان يوم ما يننسي في حياتي وشرفني مرورك يا الغالي .

[Mody]

نا معاك في كل ماذكرت ،، و اضيف عيب اخر وهو ان التخبيره تدخل في المروحه الاماميه الي قدام الشبك للمواتر الي فيها مروحه قدام (الامريكي و الجيات) و تخرب المروحه مع مرور الوقت و تجيم المروحه وترتفع حراره السياره اذا وقفت و انت ماتدري ان المروحه ماتشتغل .
و النقطه الثانيه الشامبو انسى تحطه لانه حار على الصبغ .
و سواء حطيت شامبو ولا لوكس اول ماتوصل البلاد الي تبي على طول اغسل الموتر ، و احذر ان الشمس تظرب الموتر و عليه الصابون ياثر في الصبغ على طول خصوصا في الالوان الغامجه .

العازل ممتاز بس للاسف اسعاره نار .. تظرب وجه الموتر مع الجامه الاماميه بـ ٥ الاف تقريبا

تسلم اخوي هذلان وشرفني مرورك يا الغالي وكلها تجارب نستفيد منها .

[Mody]

يالربع انتبهوا من مادة اللوكس اللتي فيها التفاح او الليمون او البرتقال لانهاء فيها حموضه زايده وهذه الحموضه تحلل الصبغ اذا طولت 2- الحمايه موجوده في عدة اماكن ولا تركبوا اللا الامريكيه لان فيه نوع في الكريستال المانيه ركبتها وتعبانه 3- تحت السياره فيه علبة قار تباع في بعض المحلات الزينه رشه تحت على المقصات ودبله وحتي اذا بغيت تشله ينشل بالباترول على فكره ترا ه مايصمد كثير في وجه الرياح الشديده ودمتم سالمي

أفكارك وايد حلوه اخوي بوصالح وانشالله كلنا نستفيد

[Mody]

السلام عليكم

الله يعطيك العافية اخوي

انا بصراحة مركب لسيارتي فلم حماية شفاف على واجهة السيارة ..

واسافر متى ما حبيت ، لا وقت غبار ولا شيء ، عادي

وكل 6 شهور يغيرون لي الفلم الشفاف ، وتطلع السيارة جديدة ما شاء الله ..

وكلفني تقريباً 1500

لو تحسب التغبيرات وكم مرة بترش الصدام ، بيطلع عليك اغلى ..

والله عدل كلامك اخوي الخاطف وعسانا نستفيد من هالتجارب وتسلم عالمرور

[Mody]

اللوكس اذا طول يطير الصبغ

تسلم عالمرور يا الغالي وتبي الصج والله احترنا موب عج اللي عندنا هذا دمار :nice:

[Mody]

يعطيك العافيه


والله اللي يضحكني بعض الشباب يضربون تغبيره وحاله ... واخارتها اتحصله مسافر في الليل لا ورايح البحرين ههههههههه طيب ليش كل هذا

ترى سفرة الليل مايبيلها لا تغبيره ولا لوكس .

وتسلم ع الموضوع


صدقت يا الغالي لا وازيدك من الشعر بيت ترى فيه شباب لا وراهم سفره ولا هم يحزنزن

لكن مثل ما تقول يكشخون ابها في البلاد .. هههههههههههههه :nice:

[Mody]

السلام عيلكم

يالربع غير البرقع حق السياره مافيه:shy::shy: بس اهم شي تركبه صح عشان مايلعب فالبانه مع السرعه
واذا تذكرون قبل كانو يحطون قريز عالوجهيه بس بعد يقلب لونا اصفر خاصه عالسيارات البيضا:(
والصابون نفس الشي والتغبيره تخريبه ووووو وفلوس مافيه :weeping::weeping:
احسن شي ممشا الليل تقطع الخط ماتدري بس على راحتك وكل مطرود ملحوووق

تسلم وشرفني مرورك يا الغالي

[Mody]

كان عندي في اكس آر اسود 2004 سافرت عليه حوالي 15 خلال 3 سنين

والله ماتذكر اني حطيت عليه لوكس او تغبيره او عازل حمايه .. وبعته ووجهه كأنه وكاله وبلمعته

بس ماتذكر اني سافرت بالتهار .. مسرى الليل ولا احلى ولا اريح منه لك وللسياره

والحين عندي في اكس ار لؤلؤي 2008 ركبت عليه عازل حراري على الليتات والكشافات والشبك والمرايات

ورحت عليه البحرين مرتين والامارات مرتين ومكة المكرمة مره

ولا تغبيره ولا لوكس .. بس كل سفراتي بالليل وهذا هو وجهه ماشاء الله وكاااااااااله

الله يعوض عليك وعلى رفيجك اخوي .. والخسارة خسارة الروح وانا اخوك

واهم شي انكم سالمين

يعطيك العافيه اخوي الريان ويا زين اللي مخاوي الليل مثلك ..

شرفني مرورك يا الغالي

[Mody]

مرحباااا شباب .. من واقع خبرتي وضرب الخطوط بمعدل كل اسبوع او اسبوعين والله ماينفع لاتغبيره ولا لكوس

اذا صار العج والغبار جامد والله يطير التغبيره واللوكس والشامبو ..

خذها ثلاث نصايح لا رابع لهما

* امسك الخط في الليل حيث ان نسبه العج والغبار تقل بنسبه 60% (مسرى الليل جو ثاني)
(من زين الطبيعه اللي ببتفرج عليها في الخليج عشان تمشي النهار) هههههههه

* مافيه بديل غير البرقع لحمايه واجه السياره

* اذا صادك عج في الطريق حاول تهدي السرعه الى 80 لان سرعتك لها دور بسرعه الاحتكاك بالحصى والغبار والجو الخارجي .. وبالتالي التأثير على واجه الموتر ..


دمتم بود ورافقتكم السلامه ..

صدقت اخوي rw3h وكلامك عين العقل وتسلم عالمرور

[Mody]

والله انك صادق موتري لونه اسود وحطيت تغبيره ويوم رحت اغسله حكولي الصبغ وحذروني ان الصبغ بينحك والسبه التغبيره وجه موتري محكوك والله

يازين اللوكس وبس

والله لايهينك يابوسعود على التحذير

تسلم حبيبي بو هدوى وشرفني مرورك يا الغالي

[EMS_QTR]

يالربع اللوكس احسن من التغبيره صح كلامكم واللي يبي يحمي الاكسلات اللي تحت 10 دقايق يمر اي محطه بترول فيها غسيل جيك ويضرب جريز الاكسلات والتصفيحه اللي تحت ب10 ريال بس اسالو مجرب لان اشوف اغلب الكروزرات بقطر صاديها الحلى من تحت وتلقى وجه السياره نظيف بعد السفره تنزل الجريز بالماي بس اخوي موتره 2003 ومسافر عليه اكثر 20 مره ومشالله الاكسلات سوووووودا
وانشالله توصلون بالسلامه (( لاتسرع وعد لاهلك سالما)):nice:

[بومحمد911]

الله يجزيك خير على التنبيه

[Mody]

الله يجزيك خير على التنبيه

ومن قال يابومحمد وكل عام وانت والاعضاء الكرام بخير

وينعاد علينا وعليكم جميعا بالصحه والعافيه ... اللهم آمييييين

[Mody]

السلام عليكم ورحمة الله وبركاته
مساكم الله بلخير والرضى والله يتقبل منا ومنكم صالح الاعمال أأأأمين
بنسبه لتغبيره والوكس ماتصلح نهائين من واقع خبره انا واعوذ من كلمت انا اسافر كل اسبوع تقريبن لسعوديه يالدمام يالاحساء وفي السنه اطلع جده ما يقل عن 3مرات والرياض عد واغلط مالقيت افضل من الحمايه على الوجه من واقع تجربه ومسويها في السعوديه في الخبر الوجه كامل والقزازه الاماميه كلفتني 1500ريال طبعن القزاز الاماميه مجانأ عرض عندهم وضمان مدى الحياه على الحمايه بشرط تلتزم بمواعيد التنظيف للحمايه وهي كل شهرين للون الابيض واول تنظيف مجانأ وبعدها 50ريال كل مره وشغل عدل .
اما بنسبه لتحت السياره فسويت حمايه لها عند زيبارات في الخبر بعد وكلفتني 800ريال او600 والله ناسي وكل سنه يجددونها وشيكون عليها ب200ريال والحمد لله وجه السياره وبطنها عندي جديد وارجو اني افدتكم واسف على الاطاله.

مسيك بالرضا والبهجه والسعاده اخوي بوزيد والله يتقبل منا ومنكم صالح الأعمال انشالله

وشرفني مرورك يا الغالي وتجربتك واللي هي خير دليل وهذا طبعا من كثر سفراتك وخبرتك عالخطوط مع العواصف الرمليه والعج والغبار الى آخره وخوش نصيحه وبيني وبينك انا كل شهر تقريبا في الدمام والخبر وياليت يا الغالي تدزلي اسم المحل وعنوانه عالخاص ولا تهون

وبصراحه افدتنا بتجربتك الحلوه وكلامك الطيب والفايده اكيد تعم وعساك دايم عالقوه وكل عام وانت بخير وعافيه وجميع أعضاء المنتدى الكرام .

أخوك : بوسعود

[الكونجرس]

جزاك الله خير

[Mody]

جزاك الله خير

وياك يا الغالي وعيدك امبارك انشالله

[المناصير]

ارحم الله والديك

[Mody]

ارحم الله والديك

ووالديك يالغالي دنيا وآخره انشالله وتسلم عالمرور

[خيال شمر]

عيدك مبارك

[Mody]

يالربع اللوكس احسن من التغبيره صح كلامكم واللي يبي يحمي الاكسلات اللي تحت 10 دقايق يمر اي محطه بترول فيها غسيل جيك ويضرب جريز الاكسلات والتصفيحه اللي تحت ب10 ريال بس اسالو مجرب لان اشوف اغلب الكروزرات بقطر صاديها الحلى من تحت وتلقى وجه السياره نظيف بعد السفره تنزل الجريز بالماي بس اخوي موتره 2003 ومسافر عليه اكثر 20 مره ومشالله الاكسلات سوووووودا
وانشالله توصلون بالسلامه (( لاتسرع وعد لاهلك سالما)):nice:

شرفني مرورك يالغالي وتسلم عالمعلومات الحلوه

وبارك الله فيك وعيدك مبارك انشالله والجميع

[Mody]

عيدك مبارك

علينا وعليك يا الغالي وعساك من عايدينه انشالله وشرفني مرورك

[المريش]

جزاكم الله خير أفدتونا صراحة بأرائكم وتجاربكم ويعطيكم العافية

[Mody]

جزاكم الله خير أفدتونا صراحة بأرائكم وتجاربكم ويعطيكم العافية

الله يعافيك اخوي المريش وعيدك مبارك يا الغالي وشرفني مرورك