المساعد الشخصي الرقمي

مشاهدة النسخة كاملة : كم تكلفه فتح صالون نسائي



الطيبة كلها
18-09-2009, 06:36 AM
اخواني وخواتي ابغي افتح صالون بس كم بيكلفني هذا المشروع و ابغي افتح صوب الابراج بدور ارضي حد منكم يعرف برج ممكن افتح الصالون فيه بليز ساعدوني وعطوني افكار للصالون وكم ممكن يكون الايجار

الطيبة كلها
19-09-2009, 04:17 AM
ولا رد افا ما عندكم واسطه ولا حد من الاهل عنده مكان بالابراج

La Bella
19-09-2009, 04:48 AM
ما أتوقع فكرة تأجير دور في برج ناجحة

الطيبة كلها
19-09-2009, 06:51 AM
مش بدور ببرج بل الدور الارضي يعني نفس دور الاستقبال وشكرا على المشاركه بموضوعي

ام رويشد
19-09-2009, 07:11 AM
شمعنى يعني في برج ...يمكن يكون صعب على بعض البنات يروحون صوالين في هالاماكن في الليل ؟؟؟

La Bella
19-09-2009, 07:52 AM
شمعنى يعني في برج ...يمكن يكون صعب على بعض البنات يروحون صوالين في هالاماكن في الليل ؟؟؟

هذا قصدي يعني البنت ماراح تروح صالون في برج
ويمكن هاي البرج يكون دائره حكومية ولا شركة
شوفي تجارب الأخوات الى فتحوو صالونات في الفنادق

وبالتوفيق

DarabeeL
19-09-2009, 08:40 AM
حبيت انصح نصيحة لوجه الله

الصالونات النسائية فيها مخالفات شرعية كبيرة انصحج اختي الكريمة بالاستخارة بمشروع اخر

لاتنسين الاطلاع على العورات من قبل الصالونه ونمص الحواجب ووصل الشعر

وغير ذلك من الامور المحرمة , وكل ماذكرت سيتحول الى مبالغ تأكلين منها وتشربين بأجر نمص حاجب او بوصلة شعر او بعمل امر معين نتج عنه كشف لعورة لاتجوز على المرأة كشفها

حبيت انصحج وقال صلى الله عليه وسلم "من ترك امرا لله عوضه الله خيرا ً منه"

والحمدلله

الطيبة كلها
19-09-2009, 11:55 PM
خواتي اقصد بالبرج تحت يطل على الشارع كاي محل - طيب نادي الدانه فيه صالون ويرحون البنات وبالفنادق وغيره انا الا عادي على الشارع العام ما يخصني البرج ابدا - وانا ما احب الاطلاع على عورات النساء والحرام لاتخافون حاطته براسي نو يعني نو

بوحارب
20-09-2009, 12:35 AM
سبحان الله توني امس اكلم ربعي عن هالمشروع واقولهم ابي افتح صالووووون !!!

على العموم افكار ماعندي للأسف وانصحج تفتحينه في فيلا في داخل الفرجان ابرك لج بوايد


والله يوفقج

المشتاقه الى الجنه
20-09-2009, 11:17 AM
بالتوفيق يارب

bntqtr
20-09-2009, 05:32 PM
انا الحين قاعده ائسس صالوني
اول شي لازم تدرسين المكان عدل اذا كان مثلا ببرج انتي من جايبه يشتغل وشنو سمعته يعني الصالونات تارسة الديرة من قلب بس انتي لانه مكانج غير لازم تجيبين شي غير ولا ترا ما في احد بيجيج يعني المكان اللي اقترحتية ممكن يكون نعمه وومكن يكون نقمة فاستخيري واجد قبل ما تقدمين على اي شي ولا تنسين الابراج اجارها بالمتر يعني بيطلع شي وشويات.
انا سويت دراسة الجدول بنفسي يعني رحت كل مكان وشفت الاسعار وقررت على حسب انتي شنو تبغين
يعني انتي اخذي لفه عدله وكاسري في كل شي وانشالله ما بيطلع عليج وايد
يعني هو الصالون مبدئيا نقول 200 الف اذا كنتي تعرفين شتبين بالضبط واذا كانت الاغراض بسيطه بس مهمه .

ومشكورة اختي اتمنى اني فدتج بشي

الطيبة كلها
21-09-2009, 04:00 AM
تسلمون على الرد خاصه اختي بنت قطر
والله اتمنى احصل مكان بمنطقه الابراج وبسعر زين بس يبي وقت لين احصل الله كريم يمكن حد عنده واسطه يساعدني اخخخخ

البركان
22-09-2009, 03:39 AM
هلا بالطيبه كلها

انا مستعد اساعد بس لايخدم بخيل

ودى ادخل معاج شريك بصراحه شغل الصالونات عندكم مربح وفيه ربح كثير

وشغلكم اكثر تقليدى ربما عادى بالنسبه لصالونات الكويت

صاحبى عنده اكبر شركه تصميم وتجهيز صالونات بالكويت واذا وافقتى على الشراكه

راح اخليه يجهز الصالون باحدث الاجهزه ويكون صالون ونادى ربما هو الاول بقطر

فكرة دور كامل بمجمع واااااااااجد حلوه وممتازه بس اهم شئ انتى عندك عاملات عندهم خبره بهالمجال


عندنا بالكويت الصالونات ارقى من الفنادق


اتمنى تكون الشراكه مقر تقدير من جانبك

الطيبة كلها
22-09-2009, 04:02 AM
شيك الخاص اخوي بركان

الطيبة كلها
24-09-2009, 08:38 PM
ااااااااااااااااااااااااااااااااااااااااااب

رصاصه
26-09-2009, 12:18 AM
حبيت انصح نصيحة لوجه الله

الصالونات النسائية فيها مخالفات شرعية كبيرة انصحج اختي الكريمة بالاستخارة بمشروع اخر

لاتنسين الاطلاع على العورات من قبل الصالونه ونمص الحواجب ووصل الشعر

وغير ذلك من الامور المحرمة , وكل ماذكرت سيتحول الى مبالغ تأكلين منها وتشربين بأجر نمص حاجب او بوصلة شعر او بعمل امر معين نتج عنه كشف لعورة لاتجوز على المرأة كشفها

حبيت انصحج وقال صلى الله عليه وسلم "من ترك امرا لله عوضه الله خيرا ً منه"

والحمدلله


انا معاك اخوي ودوري مشروع ثاني ماتستأثمين من وراه احسن لج والله بيوفقج وبيبارك لج في رزقج

بوحارب
26-09-2009, 07:25 AM
هالأيام كثرت الصالونات في كل مكان وفي كل فريج وكل شارع

نصيحة افتحي الصالون في فيلا على شارع عام ويكون الفريج متروس من بنات قطر

عشان تضمنين الزبوونه


والفيلا افضل من البرج

تحداني
26-09-2009, 07:30 AM
.. ما انصحج تفتحين صالون ..
السنداره .. وعوار الراس ..
اكثر من الفوائد ...


وخاصه ان لم تكن لديك خلفيه عن هذه التجاره ..
او لم تدخلي في مشروع مقارب ..



اما اذا كنتي على درايه بأبعادها ..
فأعتقد تكلفتها 100 الف الى 200 الف مبدئيا دون الاجار ..


افضل مكان مممممممم
بجانب برجو كنج او ماكدونالدز ..
او كرك النعيمي ..
:)



الله يوفقك يارب

بوحارب
26-09-2009, 07:33 AM
افضل مكان مممممممم
بجانب برجو كنج او ماكدونالدز ..
او كرك النعيمي ..
:)




اتفق معاج يمكن الكستمرز يحبون الكرك وينجذبون للصالون بسبب الكرك ههههههههههههههههههههههههههههههههههههههه

تحداني
26-09-2009, 07:35 AM
اتفق معاج يمكن الكستمرز يحبون الكرك وينجذبون للصالون بسبب الكرك ههههههههههههههههههههههههههههههههههههههه


هههههههههههههههههههه
ههههههههههههههههههههههههههه
هههههههههههههههههههههههههههههههه


وانا اتفق تماما معك ..
وخاصه انت مقاول لك باع طويل ..
وخبرتك ايضا طويله في هذا المجال

سماء الرياض
26-09-2009, 08:29 AM
بالتوفيق ان شاء الله

ali_rabbah
20-03-2010, 04:43 PM
اختي ممكن ترسل رسالة على ايميلي ali.rabbah@gmail.com

وان شاء الله افيدك

الطيبة كلها
01-09-2010, 09:54 PM
0000000000000000000000

طموحة
02-09-2010, 12:18 AM
نصيحة لوجه الله افتحي صالون بمناطق تقل فيها الصالونات

ترى مو كل المناطق خاصة شمال الدوحة فيها صالونات بوفره

ثاني شي ابعدي عن الفنادق والعمارات لان مو اي بنت تتردد على هالاماكن

بالتوفيق

مشتاقة لقطر
08-09-2010, 09:27 AM
بالفرجان احسن من العماير

jassimqtr
08-09-2010, 11:17 AM
فكره غير سليمه تفتحين فالابراج
اولا: الاجار بيكون غالي يعني اسعارج بتكون خياليه
انا انصحج اذا تبين ! افتحيه في مجمع مثلا .
بس بافهمج شغله اذا كان اجار المحل غالي يعني اسعارج بتكون عاليه جدا لان المحل اهو اللي يحكم اسعار السلع.
وثانيا : الصالون النسائي تكلفته يبدا من 300 الف وفوق لانج بتحسبين
1- تجهيز المحل
2 اجار المحل ل6 شهور جدام .
3- بتحسبين رواتب العاملات 6 شهور وكل المصروفات الشهريه بتحسبين لها ل6 شعور على الاقل + مبلغ احتياطي وتودعينه في حساب المحل .
هذي من ناحية ميزانية المشروع
ثالثا: الاداره
1 اللي فالكاشير اللي بتحاسب في المحل لااااااااااااااااااازم تكون ثقه كل الثقه امييييييييييييييييييييييييييييييييييييييييينه
لانه عن طريقها المحل ينجح او يفشل تكسبين او تخسرين لان الحسابات بتكون عندها لانه ممكن تاخذ شغلات وماتسجلهمم في فاتورة المحل على سبيل المثال ( تشتغل لسيده مكياج او تسريحه او حنا نقول طلع المبلغ 1000 اذا ماكانت امينه ممكن ماتدخل المبلغ في صندوق الصالون ولا تخرج فاتوره بالملغ , تحط المبلغ في مخباها ) انشالله وضحت الصوره
رابعا: اوراق المحل لادارة نظم الحسابات السليمه
1- الورق المروس الهدلتر الخاص بالشركه
2- دفتر الفاواتير وسند صرف وسند قبض وسند نثريات (للعلم هذي اهم شغله في الحسابات ولازم قبل ما تبلشين في بدا المشروع او ممباشره العمل تكون هالمستندات جاهزه وتتعلمين كيفية استخدام هذه المستندات بالشكل السليم
واخيرا : لازم يكون عندج جهاز كمبيوتر تدخلين فيها جميع البيانات ويكون عندج محاسب او تتعاقدين معه كل يوم جمعه يشيك على حسابات الصالون مره فالاسبوع ويكون من بداية المشروع عشان يسهل لج الامور البنكيه فالمستقبل والشغله الثانيه عشان تعرفين كل ريال انصرف ووين وفي شنو وتعرفين انج ربحانه او خسرانه من البدايه وتعرفين اذا فيه بوق او لا والمشروع سليم ,
وشكرا هذا كل اللي عندي على ما اعتقد
وانشاء الله اصوره وضحة لج وللجميع

متسلف وفي الاخير
08-09-2010, 12:18 PM
اختي الصالون اشوفه غالي ومكلف هالايام والرخصه بعد والتفتيش والمستلزمات وهالسوالف

انصحج تفتحين مطعم فطاير معجنات شوفي مرمرة سطنبول فتح محل صغير في النصر احين شوفي كم محل

ومدخول كل محل في اليوم الواحد مايقل عن 3 الالف ريال في اليوم وليس الشهر وعليج الحسبه

الطيبة كلها
25-09-2010, 03:23 AM
ما شاء الله عليكم خبره بس المطعم شغلته اصعب الصالون فكرت فيه لان عندي بنات وبيكبرون وكل يوم صرف الحين تسريحه ومكياج لاي عرس صار ب 1000 ريال غير الصبغات وووو فقلت افتح صالون احسن

واخوي جاسم قطر محتاجه شرح اكثر منك جزاك الله الف خير