بيت ارضي و لا فلة من دورين [الأرشيف] - منتديات شبكة الأسهم القطرية

مشاهدة النسخة كاملة : بيت ارضي و لا فلة من دورين

أسد الجزيرة

18-09-2009, 10:09 AM

بِسْمِ اللّهِ الرَّحْمنِ الرَّحِيمِ

السلام عليكم

انا ساكن في بيت الوالد
الله يطول في عمره و يحفظه و يرزقه الصحة و العافية
حالي حال كثير من الشباب و عندي ولدين
الله يحفظهم و يصلحهم ان شاء الله
و بأذن الله ناوي اني ابني بيت نهاية السنة
و محتار بين خيارين

الخيار الاول

بيت شعبي اساس طابقين لانه اسرتي صغيرة و ما احتاج الى غرف كبيرة و ان جوني عيال لين ما يكبرون بيكون كل اثنين في غرفة اولاً لقلة عدد الغرف و ثانياً يتعودون من صغرهم على محبة اخوانهم و يوم يكبرون تكون علاقتهم قوية مع بعض و لا كبروا العيال ابني الدور الثاني و اوسع عليهم

الخيار الثاني

فلة من دورين الغرف فوق و الصالات تحت مع مطبخ و غرفة للوالد و الوالدة حفظهم الله تعالى و مجلس و مقلط

Chambray

18-09-2009, 11:29 AM

فكر في المستقبل اخوي ولا تفكر في الحاضر او المستقبل القريب

حتى لاتظطر إلى هدم وبناء ملاحق إضافيه وما إلى ذلك !!

والله يوفقك

أسد الجزيرة

18-09-2009, 12:16 PM

فكر في المستقبل اخوي ولا تفكر في الحاضر او المستقبل القريب

حتى لاتظطر إلى هدم وبناء ملاحق إضافيه وما إلى ذلك !!

والله يوفقك

جزاك الله خير

المزن الرياني

18-09-2009, 01:51 PM

وانا مع راي أخوي Moyen Orient
فكر بالمستقبل ... ماتدري شيصير عقب

بالتوفيق

أسد الجزيرة

18-09-2009, 10:40 PM

وانا مع راي أخوي moyen orient
فكر بالمستقبل ... ماتدري شيصير عقب

بالتوفيق

جزاك الله خير و حياك الله

اسيرالدوحه

18-09-2009, 11:47 PM

السلام عليكم ...

انا مع رأي اخواني ...

دام السيولة موجودة .... خل التعب مرة وحده ...

وفك عمرك ..

والغرف الزيادة خلها مسكره ...

ومن فترة لفترة ..... استخدموها ...

يعطيك العافية ...

شموخ دائم

19-09-2009, 12:13 AM

,

,

دورين اخوي احسن

راح تكسب مساحه اكبر بالحوش

وتكسب غرف اكثر في الدورين

الي عاملين دور واحد كثير منهم طلعوا دور ثاني لما كبروا الاولاد

وايضا يعملون ملاحق كثيره ويصير البيت كله ملاحق

توكل على الله وماخاب من استشار

اخوانك هنا مارين بتجارب والسعه زينه بتحتاجها مستقبلا

توكل على الله

,

,

اخوك

شموخ دائم

rashid700

19-09-2009, 02:51 AM

شوف ياخوي انا بالعكس جهزت خرايط دور واحد ومساحته كبيره فيه 6غرف نوم وصاله ومطعم وخمس حمامات اعزكم الله من غير الملاحق اللي برى مطبخ وستور وغرفة خدم وغرفة غسيل ملابس
ومقتنع فيه والأهل كذلك وان بغيت تشوفه انا حاظر

الوفي

20-09-2009, 01:41 AM

فكر في المستقبل اخوي ولا تفكر في الحاضر او المستقبل القريب
:victory:

حتى لاتظطر إلى هدم وبناء ملاحق إضافيه وما إلى ذلك !!

والله يوفقك
:victory:

وانا مع راي أخوي Moyen Orient
فكر بالمستقبل ... ماتدري شيصير عقب

بالتوفيق
:victory:

السلام عليكم ...

انا مع رأي اخواني ...

دام السيولة موجودة .... خل التعب مرة وحده ...

وفك عمرك ..

والغرف الزيادة خلها مسكره ...

ومن فترة لفترة ..... استخدموها ...

يعطيك العافية ...
:victory:

,

,

دورين اخوي احسن

راح تكسب مساحه اكبر بالحوش

وتكسب غرف اكثر في الدورين

الي عاملين دور واحد كثير منهم طلعوا دور ثاني لما كبروا الاولاد

وايضا يعملون ملاحق كثيره ويصير البيت كله ملاحق

توكل على الله وماخاب من استشار

اخوانك هنا مارين بتجارب والسعه زينه بتحتاجها مستقبلا

توكل على الله

,

,

اخوك

شموخ دائم
:victory:

شوف ياخوي انا بالعكس جهزت خرايط دور واحد ومساحته كبيره فيه 6غرف نوم وصاله ومطعم وخمس حمامات اعزكم الله من غير الملاحق اللي برى مطبخ وستور وغرفة خدم وغرفة غسيل ملابس
ومقتنع فيه والأهل كذلك وان بغيت تشوفه انا حاظر
:con2:

بالتوفيق..........أخوي ويجعله بيت السعادة

BURBERRY

20-09-2009, 02:53 AM

اخوي على حسب مساحة الارض

فيه بيوت طابق واحد رووعه و فخمه اشوفها في النت لكن يبي لها مسااااحه كبيره

اذا الارض مساحتها كبيره .. سو لك دور واحد لكن فيه غرف كثيره و صالات و مجلس ..الخ .. و تأكد ان فيه مساحه للحوش

لكن اذا الارض مساحتها متوسطه او صغيره .. سو لك دورين مره وحده

hamoor4ever

20-09-2009, 02:58 AM

لو يرجع فيني الوقت اسوي دور واحد ، اريح لك ، بس كبر البيت

فتى الجود

20-09-2009, 06:39 AM

السلام عليكم

قول بسم الله وتوكل عليه

أبن دورين للأسباب التالية

01بتوفر في مساحة البيت ( الحوشو أوسع )

02 تكلفة الدور الأول أغلى من الدورين (_ كيف_)
يعنى أذا بتسوى بيت دور مساحته 500 متر
وبتسوى فلة دوريين كل دور 250 متر يعنى مجموع مساحة البناء 500متر
الدوريين بيكون أررخص
لان
القواعد الرئيسية ( الفنديشين )
والجسور الأضيية أقل
وحتى مساحة الحفار أقل

وبعدين الدورين أنظف النوم والغرف فوق
وتحت أستقبال وصالتكم
بألأظافة ألى غرفة تحت رئيسية للحاجة
أو حد من الأهل كالوالدة
فالدوريين أنا في نظرى أحسن
وللمستقبل أعملك غرفة مصعد للزمن

والله يوفقك وأى أستفسار أنا حاظر

على الخاص

MLAAS

21-09-2009, 04:11 PM

مشكلتك نفس مشكلتي ياخوي .. نصيحه مني ابني دور واحد .. وسولك مخطط على قدك يعني لاتحط فيه زوايد وتشطيبات بلا معنى بس خساره فلوس ... ولو تبي توسع في البيت مايحتاج تسوي ملاحق لانك بتبني الدور الثاني وبيغنيك عن الملاحق ... ونفس الوقت انت بتسوي صيانه .. وبناء الدور الثاني ارخص بوايد من الدور الاول

ولو حاب تشوف مخططي حاضر لك .. مساحته مايتعدى 340م .. وكل الي تبيه موجود .. درس كبير وحمامات عزك الله متوسطه .. 3 غرف .. ولو بتبنيه طابقين بيستوي 8 غرف

بس انا مسويه عريض علشان اخلي مساحه الحوش كلها قدام ...

أسد الجزيرة

22-09-2009, 01:35 AM

مشكورين يا اخوان على الردود و جزاكم الله خير

هذلان

22-09-2009, 04:49 AM

السلام عليكم

انت طحت على عوقي .. صار لي سنه و انا بين دور ولا دورين و للحين ما استقريت ،، كل ما سالت جد يقولي سو دورين .
و انا ما احتاج غرف زياده ولا ابي اسوي فله مهما كانت صغيره بتكون فاظيه لا ان يشاءالله و يرزقني بالاولاد
و مساحت الارض عندي لله الحمد كبيره
و كل ما افكر بالموضوع اكثر كل ما احتار و اتشتت اكثر .
ببني على قرض الحكومه وسالت ربعي قالولي اذا بتبني دور واحد فيه مساحه معينه لازم ماتبني اصغر منها .

و انا اتوقع لو اشوف تصميم لفله ارضيه يكون مناسب اتوقع بسوي دور ارضي لكن مالي في الخرايط و هذي اول مره ببني .
اذا حد منكم اخواني يرشح لي خرايط فلل يسوي فيني خير الله يجزيكم خير الجزاء

mtma

22-09-2009, 06:44 AM

شوف أخوي ..
دام انك ساكن في بيت الوالد الله يطول في عمره وعمر الوالده إن شاء الله بتوصل لك فكرتي لأن أغلبنا مثلك .. والمفروض نستفيد من هالشيء ...

انا اول ما قررت أبني قررت ابني فلة دور واحد وبالفعل عملت الخرايط وطلعت الرخصة لكن كلت الارض اكل وتميت افكر في وضع البيت بعد كم سنة لي كبروا العيال الله يحفظهم ويحفظ عيالك وعيال كل من يقرا ومن لا يقرا.. وقارنت وضعي الآن في بيت الوالد الله يحفظه وخصوصا بعد زواج اخوي وايضا تم معانا في نفس البيت لقيت البيت صغير كثير وقلت الغرف ، علما بأن بيت ابوي كان شعبي وتم تطويره وبناء ملاحق فيه حتى اوصلت عدد الغرف فيه تقريبا سبع غرف . لكن المشكلة مب في هذي المشكلة ان لو بنيت فيلا ارضية وبكره العيال لي تزوجوا إن شاء الله وحبوا ايتمون معاك بالبيت راح تضطر انك تبني ملاحق والفلا الارضية تاكل المساحة اكل يعني راح اتكون عندك مساحة محددوة وراح تحكمك ويمكن ماتقدر تبني الا لولد واحد من عيالك والباقي ياما ينجبرون يسكنون في نفس البيت او يأجرون بيت والواحد فينا وده عياله ايتمون معاه ومايتبهدلون بين اجار ونقل وغيره لي يطلع لهم قرض والله العالم السنين الجاية ويش ايصير ..

أنا مع ان العيال ايتمون معاي بالبيت لكن لازم اوفر لهم الجو المناسب حتى يأخذون راحتهم يعني ولدك لي تزوج بكره حاله حال اي متزوج يبي له خصوصية وثانيا ماتضمن ان زوجته توافق اتعيش في نفس البيت ، لذلك بعد تفكير طويل قررت أني اغير الخرايط واقسم الارض نصين تقسم صوري يعني مش حقيقي ، نص الارض ابني عليها فله من دورين مع ملحقاتها وتكون طوالية والنص الثاني خليتها فاضية للعيال الله يحفظهم لي تزوجوا وحبوا يتمون إن شاء راح تكفيهم ويقدرون يبنون اللي يبونه وحسب حاجتهم فلو عندك ولدين تقدر تبني على هالمساحة فله طوالية ثانية مقسمة من الداخل على شكل فلتين متلاصقين ويكون لكل ولد فله خاصه فيه ولا يحتاج يطلع الا عقب سنين .

طبعا انا قررت هالقرار بناء على مساحة الارض اللي املكها فانت قرارك لازم يكون مبني على مساحة الارض اللي عندك وشوف وقارن وفكر زين لأن مثل هذا القرار لايمكن ترجع عنه بعد تنفيذه ..

والله يوفقك

هذلان

22-09-2009, 08:17 AM

اشكرك على الرد

١- انا ساكن في بيت اجار مش في بيت الوالد و الاجار معقول نوعا ما
٢- مساحه الارض عندي بفضل الله كبيره لو بنيت فله دورين ولا فله دور ارضي راح يتم حوش كافي
٣- انا متزوج بس للحين الله ماقسم نصيب بالعيال يعني بدري على موضوع زواج العيال

الله يرزقنا وياك و يطرح البركه في عيالك و تزوجهم و يتمون عندك في بيتك مثل ماخططت

الموضوعي

23-09-2009, 11:50 PM

بعضهم يسوي دورين بس قوطي مساحة الدورين مع بعض 360 الى 400 واذا كبروا عياله راح يبني ملاحق ويخرب شكل البيت

انا اقول تبني دور واحد كبير مساحته من 360 إلى 400 يكون توزيعه مرتب وعقب ان شاء الله 10 سنين او 15 سنة وكبروا عيالك ويبون يتزوجون (واعتقد ان نظام الاسكان وقتها بتنتظر 20 سنة علشان تحصل بيت) ابن دور ثاني ويفضل يكون نظام شقق وبكذا كأنك بنيت بيت جديد وفي نفس الوقت راح يكون بيت كبير مساحة البناء ماتقل عن 720 إلى 800 متر وفي نفس الوقت ماضيعت الحوش في ملاحق كأنها سكن عمال

fff

24-09-2009, 01:15 AM

بالتوفيق يارب

ابو خليفه

26-09-2009, 02:37 AM

والله كل بيت له ميزه ،، ان جيت للدورين طبعا يكون اوسع وغرف اكثر ومساحه اكبر ،، لكن للدور الارضي ميزه احلى وهو تقارب الاخوان مع بعض بحيث ان الغرف كلها جنب بعض تشوف عيالك في طلعتهم ودخلتهم وتكون قريب منهم اكثر مثل بيوتنا الشعبيه قبل ،، يعني لام العايله كلها في مكان واحد .. لا تستعجل فكر وشوف اللي يريحك .. وبالتوفيق انشاءالله

بوحارب

26-09-2009, 06:22 AM

انصحك تبني فيلا وخل التعب يكون مرة 1

وترى التكلفة قريبة بين الشعبي والفيلا

الله يوفقك ويسهل امووورك

أسد الجزيرة

27-09-2009, 12:49 PM

مشكورين يا اخوان على الردود و جزاكم الله خير

ALHAJAJI

27-09-2009, 08:21 PM

اخوي خل االتعب ساعة ولا كل ساعة:weeping: , دام عزمت على البنيان خلة مره وحدة وليش تتعب نفسك مره ثانية وانت خلاص عزمت علية :rolleyes2:.

هالايام اللي اعرفة اذا حد يكرهك وحب يدعي عليك يقول جعلك تبني .:tease:

الأميرة ملاك

29-09-2009, 10:15 PM

نصيحتي لك اذا عندك صبيان ابني الدور الثاني وفكر في المستقبل لين تزوجوا وين بيسكنوا
اذا هذا زمانا عجل اشلون بتكون ايامهم مب شيافين البيت لين تخرجوا عيالهم من الجامعة

موضي قطر

03-10-2009, 07:56 AM