المساعد الشخصي الرقمي

مشاهدة النسخة كاملة : ليالي عيد والشوارع مسكرة !! حسبي الله ونعم الوكيل !!


هجمة مرتدة
18-09-2009, 11:26 PM
رحت اليوم شارع السد .. ولقيت الشرطة مسكرين كل المداخل المؤدية للشارع التجاري !!

ومدخل الرويال بلازا مسكرينه الشرطة ...

وين نطق بروسنا ؟؟؟!

ليالي عيد والواحد لازم يقضي أشغاله .... تعنيت ساعة إلا ربع درب .. وفي الأخير مسكرين الشوارع ..

نزلت الجامه وكلمت الشرطي .. قال بتحركون ولا نعطيكم مخالفة ...

ما نقول إلا حسبي الله ونعم الوكيل !!! :anger1:
HIGHNESS
18-09-2009, 11:32 PM
ليش مافي مكان الا شارع السد ... ؟؟؟ :p
وبعدين اكيد في سبب لتسكير الشارع ماعتقد انه نحاسه في الناس .. لانه هالمنطقه واايد مزدحمة في الايام العادية وكل سيارة داشه في الثانية فمبالك الحين وقت عيد ... اكيد في فوضى هناك ...
ALRAYYAN
18-09-2009, 11:32 PM
والله ياخوي احنا نلهى بالاكل ولرقاد والمسلسلات والغبقات وكأن العيد بالنسبا لنا مفاجأه

كلنا ندري ان بعد رمضان بيكون عيد .. كان خلصت شغلك وشغل هلك اول ايام رمضان او قبل رمضان

انا فصلت ثيابي قبل العيد باسبوع وشريت كل مستلزماتي ومستلزمات هلي واستلمت ثيابي في نص رمضان

وهذا انا قاعد في مجلسي وحاط رجل على رجل واموري طيبه ولا لي شغل لا بمولات ولا زحمة

وبعدين اكيد بيسكرون الشوارع لأن لو خلوا كل المداخل مفتوحه بتصير في الشوارع الداخليه أزمه مابعدها أزمه

تعرف لو ماسكروا الشوارع ودخلت انت وعقب صار الزحمة .. اتحداك تطلع من السد قبل 3 ساعات وهالشي اللي مايبونه

وهالشي كل سنة يصير .. والله يقوي رجال المرور والخويا على مجهودهم هالايام
Grnas
18-09-2009, 11:34 PM
الحمدلله ما رحت رويال بلازا

فيلاجيو يعني مافي هالازدحام الكثير يعني تقدر تحصل مواقف بعيدة عن المدخل
الشامخ
18-09-2009, 11:36 PM
ليش ماشريت اغراض العيد قبل العشر الاواخر على الاقل، شي طبيعي الزحمه في كل ماكان وهذا الشي كل عيد يتكرر والله يكافينا الشر والله يعين المرور مع الخويا
هجمة مرتدة
18-09-2009, 11:37 PM
ليش مافي مكان الا شارع السد ... ؟؟؟ :p
وبعدين اكيد في سبب لتسكير الشارع ماعتقد انه نحاسه في الناس .. لانه هالمنطقه واايد مزدحمة في الايام العادية وكل سيارة داشه في الثانية فمبالك الحين وقت عيد ... اكيد في فوضى هناك ...

لا أخوي في أماكن غير شارع السد .. لكن حاجتي هناك ..

تسكيرهم للشوارع ما قلل الإزدحام .. زاااده بشكل ما تتصوره !! الناس كلها متجمعه ورا إشارة وحدة .. هالبشر وأمة محمد في الشارع العام وفوضى ماتتخيلها .. أما الشارع الفرعي يوم طليت فيه لقيته خفيف !! يعني وجودهم معطل الاااف الناس !!
هجمة مرتدة
18-09-2009, 11:40 PM
والله ياخوي احنا نلهى بالاكل ولرقاد والمسلسلات والغبقات وكأن العيد بالنسبا لنا مفاجأه

كلنا ندري ان بعد رمضان بيكون عيد .. كان خلصت شغلك وشغل هلك اول ايام رمضان او قبل رمضان

انا فصلت ثيابي قبل العيد باسبوع وشريت كل مستلزماتي ومستلزمات هلي واستلمت ثيابي في نص رمضان

وهذا انا قاعد في مجلسي وحاط رجل على رجل واموري طيبه ولا لي شغل لا بمولات ولا زحمة

وبعدين اكيد بيسكرون الشوارع لأن لو خلوا كل المداخل مفتوحه بتصير في الشوارع الداخليه أزمه مابعدها أزمه

تعرف لو ماسكروا الشوارع ودخلت انت وعقب صار الزحمة .. اتحداك تطلع من السد قبل 3 ساعات وهالشي اللي مايبونه

وهالشي كل سنة يصير .. والله يقوي رجال المرور والخويا على مجهودهم هالايام

أحنا والأهل كلهم رادين من السفر أول أمس .. ماعندنا إلا يومين نتشرى أغراضنا ونمول بيتنا بفالة العيد ..

لكن كل أشغالنا تعطلت والسبب لخويا والمرور !! أي مجهود الله يرحم والديك ..

كل ما نتعنى نروح مكان نحصله مسكر .. شهالمهزله !!

شارع السد ما قدرت أطلع منه والسبب تسكير الشوارع .. أما الشارع التجاري ما كان بذيك الزحمة اللي تتصورها ...!!
هجمة مرتدة
18-09-2009, 11:41 PM
الحمدلله ما رحت رويال بلازا

فيلاجيو يعني مافي هالازدحام الكثير يعني تقدر تحصل مواقف بعيدة عن المدخل


الله يسعدكم ويبعدكم عن الرويال بلازا وشارع السد .. خاصة في هالأوقات .. أعصااااب تنفجر .. اللي ضغطه نازل أنصحه يروح شارع السد بعد التراويح !!! :anger1:
هجمة مرتدة
18-09-2009, 11:43 PM
ليش ماشريت اغراض العيد قبل العشر الاواخر على الاقل، شي طبيعي الزحمه في كل ماكان وهذا الشي كل عيد يتكرر والله يكافينا الشر والله يعين المرور مع الخويا

ماكنا موجودين بالبلاد .. وبرا البلاد خبرك كل من لاهي .. رمضان وارهاق رمضان ..

ما نقول إلا الله يآجرنا خير .. ويعين الجميع
HIGHNESS
18-09-2009, 11:50 PM
لا أخوي في أماكن غير شارع السد .. لكن حاجتي هناك ..

تسكيرهم للشوارع ما قلل الإزدحام .. زاااده بشكل ما تتصوره !! الناس كلها متجمعه ورا إشارة وحدة .. هالبشر وأمة محمد في الشارع العام وفوضى ماتتخيلها .. أما الشارع الفرعي يوم طليت فيه لقيته خفيف !! يعني وجودهم معطل الاااف الناس !!

خلاص لاتزعل هم يدرون انك رايح فقالوا بيسكرون الشارع عشان يعطلونك :)
بس اخوي حبيت انبهك لشي لاتتحسب عليهم هذول عيال ناس والي يسوونه شغلهم يعني يعطيهم العافية هادين العيد واغراضه ومجابلين سيايرنا وزحمتنا ... يعني هم شغالين في وقت الكل لاهي في التجهيز للعيد ..
وتقبل مروري
ALRAYYAN
19-09-2009, 01:03 AM
أحنا والأهل كلهم رادين من السفر أول أمس .. ماعندنا إلا يومين نتشرى أغراضنا ونمول بيتنا بفالة العيد ..

لكن كل أشغالنا تعطلت والسبب لخويا والمرور !! أي مجهود الله يرحم والديك ..

كل ما نتعنى نروح مكان نحصله مسكر .. شهالمهزله !!

شارع السد ما قدرت أطلع منه والسبب تسكير الشوارع .. أما الشارع التجاري ما كان بذيك الزحمة اللي تتصورها ...!!

اي والله مجهود ومجهود جبار والله .. الناس يصلون التراويح والقيام ولاهيين بالعيد ومستلزماته
والشباب واقفين ينظمون السير وسهرانين في هالحر والرطوبه عشاني وعشانك وعشان الك

وآخرتا تتحسب عليهم .. شتبيهم يسوون لك يعني يخلون القرعه ترعى

انت ماتبي تستوعب ان لو ماسكروا بعض المداخل وخلو كل السيارات تدخل الشوارع التجارية من كل مدخل
بتصير ازمة وانسى انك تطلع من الزحمة

وبعدين كان خلصت مستلزمات العيد قبل لا تسافر .. ولا ماكنت تدري ان لين رجعت من السفر هالايام بيكون عيد ؟!!

محد مسوي زحمة في الشوارع الا انتوا اللي ماتتحركون للعيد الا قبلها بيومين وعقب تتشكون

وبخصوص الفاله على قولتك .. ترى تنباع في كل مكان مب لازم في السد .. خذها من مندرين اللي في شارع آل شافي :nice:

ولا تتحسب على الناس وهم قاعدين يخدمونا .. جزاهم الله خير :)
Riku3
19-09-2009, 01:12 AM
هذا شغلهم لو يبون يخففون الزحمة .. اسهل حل سكر الشارع وخل الناس تلف وتفتر علشان يزهجون ويروحون بيوتهم .

الله يعينك اخوي :] .. حاول تخلص شغلك الصبح بكره قبل الساعة 9 لان الزحمة بتكون شديدة جداً كالعادة >_< .
بوحارب
19-09-2009, 02:34 AM
حتى سوق العلي مسكر بس انه حكرت لهم ودخلت السوق من ورى هع

عاد لعبتي فريج اللقطه خخخخخخخخخخ
فلفل حار
19-09-2009, 04:19 AM
الله يعينـج ...

والله يقوي دوريات المرور ولخويـا ...
لو تحطين نفسج مكانهم بتعرفين آن الله حـٌق ... :)


كل عام وآنتي بخيـر ...
:nice:
abn qatar
19-09-2009, 05:12 AM
الشرطه ماينلامون صراحه لولاهم كان شفت الزحمه في كل شوارع الدوحه اللوم على بعض

السائقين سواء قطريين او غير قطريين تشوف العجب العجاب من سواقتهم وبعدين من الطبيعي

في اواخر رمضان تكون الزحمه في كل مكان
ولد النصر
19-09-2009, 05:16 AM
الله يكون في عونك
بويعقوب
19-09-2009, 05:24 AM
أحنا والأهل كلهم رادين من السفر أول أمس .. ماعندنا إلا يومين نتشرى أغراضنا ونمول بيتنا بفالة العيد ..

لكن كل أشغالنا تعطلت والسبب لخويا والمرور !! أي مجهود الله يرحم والديك ..

كل ما نتعنى نروح مكان نحصله مسكر .. شهالمهزله !!

شارع السد ما قدرت أطلع منه والسبب تسكير الشوارع .. أما الشارع التجاري ما كان بذيك الزحمة اللي تتصورها ...!!

الله يعطيهم العافيه ياخي قول كلمه طيبه في حقهم