المساعد الشخصي الرقمي

مشاهدة النسخة كاملة : ابي مكان يغسل السجاد


haya99
20-09-2009, 12:51 AM
وين احسن مكان يغسل السجاد
اقصد السجاد العادي اللي بالبيت
لاني غسلت سجاده عند مغسله الاستشاري للسيارات وطلع شغله اي كلام ورجعها مثل ما استلمها ولاتغير شي

وشكرا
doha-dsm
20-09-2009, 01:04 AM
بالتوفيق وشيكي الخاص
خليفـة
20-09-2009, 01:08 AM
اخوي روح مغسلة الملابس الي حذى الاستشاري
المغسلة بابين .. وفي نفس الصفة الي فيها الاستشاري اعتقد اسمها : كلين

شغلها ممتاز بس السعر للمتر اعلى من الاستشاري

بالتوفيق اخوي
ام شيخه1
20-09-2009, 01:13 AM
فية مغسلة متخصصة لغسيل السجاد فى الغرافة فى شارع الاتحاد عند الاشارات
doha-dsm
20-09-2009, 01:25 AM
اختي دام كتبتي الموضوع بالعام انا لازم ارد عليج بالعام وانا لو ابي مثل ماتقولين اني اكلمج كان بكل سهول اعطيتج رقمي وقلتلج انه انا عندي مغسلة
لكن صج الواحد حرام يسوي خير وانتي وامثالج اللي تخربون على الناس الطيبين
مع احترامي لكل اللي شاركوا
haya99
20-09-2009, 10:41 AM
اختي دام كتبتي الموضوع بالعام انا لازم ارد عليج بالعام وانا لو ابي مثل ماتقولين اني اكلمج كان بكل سهول اعطيتج

رقمي وقلتلج انه انا عندي مغسلة
لكن صج الواحد حرام يسوي خير وانتي وامثالج اللي تخربون على الناس الطيبين
مع احترامي لكل اللي شاركوا


مادام انت تكلمت على العام فانا بضطر انشر اللي ارسلته

انا ابي حكم الاخوان والاخوات على تصرف واسلوب هذا الاخ هل هو صحيح اما لا

انا طلبت معرفة اسم مكان لغسيل السجاد والطبيعي ان تكون ردود الاعضاء على العام باسماء المحلات التي يعرفونها
واما اذا كان لديهم شخص يعمل لحسابه اولايعرفون اسم الشركة ويعرفون فقط الشخص المسئول وهاتفه فأنه من الطبيعي ان يرسلوا على الخاص اسمه
ورقم هاتفة

اما هذا الاخ فوضع رقم هاتفه وطلب مني مكالمته بحجة ان لديه رقم شخص آخر سيعطينيه اياه عند مكالمته

شي غريب ؟؟ اذا كان كلامك صحيح كان بأمكانك ارسال رقم هذا الشخص على الخاص وانتهى الموضوع
ماهو الداعي لوضع رقمك وطلب مكالمتك ؟؟؟

وهذه رساله الاخ على الخاص





انا اعرف واحد وبجيب رقمه كلميني واول ماحصل الرقم بعطيج خبر
رقمي 0000000


وهذا ردي على رسالته وبعدها رده هو واخر رد لي





انا اعرف واحد وبجيب رقمه كلميني واول ماحصل الرقم بعطيج خبر
رقمي 00000000

اخوي شالمناسبه اكلمك بالتلفون انا طلبت اسم مكان للغسيل واذا عندك تحطه بالعام
ماطلبت ارقام تلفونات
المشكله انك حاط آية قرآنية في توقيعك للاسف ؟؟
هل تقبل هالاسلوب على اختك او زوجتك ؟؟
لاتقولي انا قصدي شريف وابي اخدم
عيب عليك والله

اولا انا موب بكلمج لاني بخطبج شدخل قصدي شريف ولا موب شريف انا قلتلج كلميني ماقلتلج اسهري وياي بالتلفون
كل السالفة ابي اجيب رقمه واعطيج الرقم وللعلم لو انتي قلبج ابيض عادي كان خليتي ريلج او احد من هلج يكلمني وكنت بسوي وياه نفس الشي
والمكان اللي بقولج عنه ناس نعرفهم معرفه عائلية موب محل يعني كان عنده شكرة والحين يمسك مشاريع للهسبب قلت بجيب الرقم
على كل حال تقدرين تاخذين باللي شاركوا بالعام
وانا اسف اني حاولت اساعد
رقمه ممكن ترسله على الخاص مافي داعي تعطيني رقمك عشان هالسالفه
وانت قلت كلميني ماقلت خلي حد من اخوانك يكلمني
وشدخل المشاريع انا ماقلت ببني عماره كلها زوليه بغسلها


في الاخير انا ابي راي الاخوان والاخوات على هالاسلوب هل هو صحيح ام لا
وهل هذه طريقة محترمة ؟؟؟؟
haya99
20-09-2009, 06:56 PM
محد عنده راي منكم في الموضوع ؟؟؟؟
haya99
20-09-2009, 07:26 PM
اقول يتسكر الموضوع ابرك له ولج مافى داعى لهاى السوالف بينكم انتوا اخوان

وانتى من الاصل لو فكرتى كان قلتى خلاص اسكر على الموضوع وامسح رسالته وبعدين غسيل السجاد ما تقدرين تسالين ريفاتج ولا واحد من اهلج مايبيلها شى لكى فلسفتج اكثر من الازم

فلسفتي اكثر من اللازم ؟؟؟
غريب هالكلام ليش شنو الغلط اللي صار مني
مالاحظات ان الاخ هو اللي تكلم في العام
وانا مانشرت الرساله الا بعد كلامه

شكلك من ربعه ومو بعيد عنه ؟؟
اسم على مسما شكلكم مافيا في المنتدى للاسف

ليتك علقت هل التصرف صحيح ام لا بس الظاهر انه عاجبك
haya99
20-09-2009, 07:36 PM
ليتك ترد على كلامي يالمافيا شنو غلطانه فيه انا ؟؟
وشنهي الفلسفه اللي اكثر من اللازم ؟؟
وهل تصرفه صحيح واسلوب محترم ام لا ؟؟؟
ومنهو اللي نشر الكلام على العام انا ولا هو ؟؟
انا رديت عليه على الخاص وماكتبت على العام الا بعد كلامه على العام ؟؟
ياليتك ترد على الاسئله بالحق وماتهرب منها ؟؟ وتنزل عقليتك لمستوى اللي توها طالعه من البيضه ياكبير
مافيا قطر
20-09-2009, 07:46 PM
فى البدايه هو لما حط رقم جواله كان نيته عاديه يمكن

بس المفروض مايرد عليج بهاى الرساله وانتى الله يهديج ماكان حطيتى الموضوع من اساسه وكان مسحتى

المسج ماله الحين الموضوع بيتسكر ولا احد استفاد شى انتى خلج اكبر منه ياكبيره

وانتى غلطانه فى الرد عليه لانه انتى الصراحه عصبتيه

كان ما رديتى على رسالته من الاساس
محمد11
20-09-2009, 07:55 PM
السلام عليكم ورحمة الله وبركاته ..

اذكروا الله ياخوان ...

وثاني شي الاخت محد يحاسبها تحط موضوع او استفسار عن شغله تكون الاجود في قطر مافيها شي .. ومحد يقدر يحاسبها هذا استفسار عن شغله

ف مايحتاي انكم تقولون مالها داعي تحط هذا الموضوع ..

ياما ناس حطوا مواضيع بايخه مالها معنا ,,محد تكلم عنها


اما بخصوص رد الاخ ممكن قصده او نيته شريفه ويمكن الاخت ظلمته ...

بس المهم الاخ لازم يتاكد من الشي قبل لا يعرض شغله شلون يقول بشوف الاخ وبعطيج خبر
ممكن الرجال كنسل خلاص ...المهم ان يتاكد من الشغله قبل لايرسل رقمه ع الخاص


ابعدوا عن الشبهات


/////////////////////////////////////////////

اما بخصوص المغسلة اختي مغسلة الاستشاري اسمها موصخه مع احترامي لراعي المغسلة الصراحه ...
انا ساكن في هالمنطقه واعرف هالمغسله عدل ..


انا انصحج بمغسلة الريس وايييد زينه


والله يوفقج ويثبتج اختي ويصلح بين الاخوان
fandi
20-09-2009, 08:18 PM
الله يسامحهم اهل الاستشاري عطيتهم سجاد عني عشان يغسولنها رودها علي فيها بقع لها اسود
doha-dsm
20-09-2009, 11:17 PM
ترى للعلم انا ماحطيت الرسالة بالعام الا يوم انتي كتبتي بالعام لكن ادارة المنتدى حذفووو الرد ولكن اكيد التعليق مالج وصل للي شاركو بالموضوع وللهسبب حبيت اعلق وماسكت عن حقي وانا ايد مافيا انها فلسفتج اللي مالها داعي هي اللي كبرت الموضوع
مستثمره جديده
21-09-2009, 12:39 AM
اهم شي الحين الزوليه انغسلت للعيد ولا لا ؟؟؟!!!:)
doha-dsm
21-09-2009, 10:59 AM
اهم شي الحين الزوليه انغسلت للعيد ولا لا ؟؟؟!!!:)

ههههههههههههههههههههههه حلوة ملعوبة
دبڵـﯚمٱωـيـﮧ
21-09-2009, 11:25 AM
آختي يوم مآعجبج إسلوبه أقل شي تطنشين الرسـآله .!
لآن مو كل رسآله لآزم تردين عليهـآ .!
ومآله دآعي هالكلام كبرتوآ السآلفه @@~!
العيد فرحه ههه ؛p <~ بتنضرب .!
doha-dsm
21-09-2009, 11:28 AM
آختي يوم مآعجبج إسلوبه أقل شي تطنشين الرسـآله .!
لآن مو كل رسآله لآزم تردين عليهـآ .!
ومآله دآعي هالكلام كبرتوآ السآلفه @@~!
العيد فرحه ههه ؛p <~ بتنضرب .!

السالفة مافيها اسلوب او غيره لاجل يعجبها ولا لا لكن اقول شي واحد اللي يسوي شي غلط يفكر ان كل الناس عارفين عنه يعني مايبيلها توضيح اكثر
سهم احمر
21-09-2009, 11:40 AM
شسالفه انتو ليش تتهاوشون خلاص التأمين راح يصلح

كل هاي الهوشه عشان زوليه بال:eek5:باقي اشوي وتتذابحون على العموم كل واحد يحط الي يبيه والي اعرفه انا انه مافي موضوع سخيف ولا موضوع مب سخيف كل الموضيع هدفها واحد ومضمونها مختلف
غناتي1
22-09-2009, 02:19 AM
لا حول ولا قوة الا بالله ---
فتك العديد
22-09-2009, 02:35 AM
اختي شوفي المغسله الي في الغرافه عند الاشاره مقابل صدى الصوت في شارع الاتحاد لانه تخصصهم غسيل السجاد وراح تشوفين المنظر الي عندهم تقولين زل قطر كله ينغسل عندهم