المساعد الشخصي الرقمي

مشاهدة النسخة كاملة : كيوتل وحركة النص كم!!


برزان1
20-09-2009, 10:50 PM
السلام عليكم جميعاً.. مبارك عليكم العيد وعساكم من عوداه

كيوتل وحركة النص كم على قول إخواننا المصريين هذه الجملة خطرت على بالي بعد ما شحنت كرت هلا بـبطاقة تعبئة فئة 100 ريال كنت معتقد أن مدة صلاحية الرصيد سوف تمدد 4 شهور حسب معلوماتي السابقة لكن تفاجأت أن مدة صلاحية الرصيد 60 يوماً فقط!
لماذا؟
لا أعلم!
هل جاء هذا التراجع بسبب عرض كيوتل والـ 11 دقيقة المجانية اتصال دولي وأرادوا التعويض بتقليل مدة الصلاحية؟!

أما أنهم شعروا في كيوتل أن كثير من مستخدمي كرت هلا قللوا من اتصالاتهم من خلال "هلا" وجعلوه كرت استقبال فقط وأنا واحد منهم بعد أن تحولوا إلى استخدام شبكة فودافون؟!


أترك الإجابة لكم ويا ليت الأخ "أحب قطر" يفتينا في هذا التغيير المفاجئ من كيوتل
hamoor4ever
20-09-2009, 10:59 PM
كيوتل ماتبطل حركاتها الحمدلله ان عندهم منافس وباي باي كيوتل قريبا مع تحسن خدمات فودافون
وطن
20-09-2009, 11:01 PM
ما شفت مشكله في تمديد الصلاحية بعد التعبئة

اخوي تأكد من التاريخ صح
اخاف انه للسنة الجاية مو للسنة
عشان جذي ما يمدد وايد
الرايــق
20-09-2009, 11:17 PM
اخوي
اعتقد ان رصيدك كان فاضي من وقت كبير
ومر عليه يمكن فوق الشهرين

لهالسبب اول ما شحنت الرصيد بطبيعة الحال ما بيمدد الا 4 شهور من تاريخ انتهاء المدة الساااابقة فقط


والله تعالى اعلم
برزان1
20-09-2009, 11:21 PM
كيوتل ماتبطل حركاتها الحمدلله ان عندهم منافس وباي باي كيوتل قريبا مع تحسن خدمات فودافون

منتظر تكتمل خدمات فودافون مثل إدخال خدمة الرسائل في البنوك ومطراش
ساعتها سوف أتخلى عن خط كيوتل
برزان1
20-09-2009, 11:23 PM
ما شفت مشكله في تمديد الصلاحية بعد التعبئة

اخوي تأكد من التاريخ صح
اخاف انه للسنة الجاية مو للسنة
عشان جذي ما يمدد وايد
الرصيد السابق ينتهي في 24-9-2009 بعد التعبئة تم تمديد الصلاحية إلى 23-11-2009
برزان1
20-09-2009, 11:26 PM
اخوي
اعتقد ان رصيدك كان فاضي من وقت كبير
ومر عليه يمكن فوق الشهرين

لهالسبب اول ما شحنت الرصيد بطبيعة الحال ما بيمدد الا 4 شهور من تاريخ انتهاء المدة الساااابقة فقط


والله تعالى اعلم

لا يا خوي ما كان فاضي كان في ريالين :) مضى عليها أكثر من شهرين ولم أستخدمها لأني كنت أستخدم الرقم هذا لاستبقال المكالمات وخط فودافون للاتصال وصلاحية الرصيد تنتهي عقب أربعة ايام
alrheeb2020
21-09-2009, 12:16 AM
توقع اي شي من كيوتل وكل حركات النصب علشان يبون يعوضون اللي بيخسرونه قريب :nice:
HEART_LION
21-09-2009, 12:30 AM
تعودنا
بوخالد911
21-09-2009, 01:30 AM
دقيييت ع 111 ؟


واسئل
Grnas
21-09-2009, 01:37 AM
أطول مدة شحن لهلا هي ٧٥ ريال

وأنت عبيت المئة ريال وتعطيك فقط ستين يوم
شوف اللنك
http://www.qtel.com.qa/HalaExisting.do

للأسف وايد أرقام حلوة راحت علي بسبة إلغاء دفع المدة مئة وثمانين ريال لمدة سنة شحن بسبب هالمشكلة
برزان1
21-09-2009, 04:53 AM
أطول مدة شحن لهلا هي ٧٥ ريال

وأنت عبيت المئة ريال وتعطيك فقط ستين يوم
شوف اللنك
http://www.qtel.com.qa/HalaExisting.do

للأسف وايد أرقام حلوة راحت علي بسبة إلغاء دفع المدة مئة وثمانين ريال لمدة سنة شحن بسبب هالمشكلة

كلامك صحيح والجدول التالي يوضح مدة الصلاحية حسب قيمة بطاقة التعبئة
لكن متى تم هذا التغيير؟!
الله أعلم

http://i194.photobucket.com/albums/z68/Mr-TaLaL/Talal/qtel.jpg
براتزية برازيلية
21-09-2009, 08:18 AM
ما أثق في كيوتل كلش
م. عبدالعزيز
21-09-2009, 01:04 PM
شباب كيوتل غيرت نظام الصلاحيه في بطاقات هلا وصارت أفضل وللأسف محد يعرف هالشي..

قبل كانت الفتره تمدد مره وحده لفتره معينه فقط وغير قابله للتمديد بشكل اضافي ،، الحين صار فيه تمديد مجاني لكن بشكل تراكمي لين مايوصل 360 يوم..

بعطيكم أمثله وكل واحد بطريقته يفهم ،، حسب هالجدول

http://i194.photobucket.com/albums/z68/Mr-TaLaL/Talal/qtel.jpg

1- فرضا اليوم آخر يوم لصلاحيه رقمي الهلا ،، حسب لو جيت عبيت 50 ، راح يمدد 50 يوم فقط . لو جيت مره ثانيه الحين عبيت 50 بعد ، راح يمدد 50 يوم اضافي = يعني بيكون عندي صلاحيه 100 يوم اضافي ( وغير الرصيد المجاني بيكون 6 ريال )

2- لو عبيت 100، بيمدد 60 يوم ، ولو عبيت وراه 50 علطول ، بيمدد 50+60=110 يوم ..
( مع رصيد مجاني 13 ريال )
3- لو عبيت 10 ريال ، بيمدد 7 ايام ، ولو عبيت وراه 50 يوم ، بيصير عندي صلاحيه 57 يوم.. (مع رصيد مجاني 3 ريال)

4- لو عبيت 50 ريال 7 مرات ، راح احصل على رصيد 50*7= 350 ريال + رصيد مجاني 21 ريال ، + صلاحية 50*7 = 350 يوم .

وطبعا كل ما اعبي ، يعطيني ايام زياده لين مايصك 360 يوم.. ( سنه تقريبا )

ان شاء الله الصورة واضحه الحين ،و اللي عنده اسئلة يقدر يستفسر من 111
برزان1
21-09-2009, 04:53 PM
شباب كيوتل غيرت نظام الصلاحيه في بطاقات هلا وصارت أفضل وللأسف محد يعرف هالشي..

قبل كانت الفتره تمدد مره وحده لفتره معينه فقط وغير قابله للتمديد بشكل اضافي ،، الحين صار فيه تمديد مجاني لكن بشكل تراكمي لين مايوصل 360 يوم..

بعطيكم أمثله وكل واحد بطريقته يفهم ،، حسب هالجدول

http://i194.photobucket.com/albums/z68/mr-talal/talal/qtel.jpg

1- فرضا اليوم آخر يوم لصلاحيه رقمي الهلا ،، حسب لو جيت عبيت 50 ، راح يمدد 50 يوم فقط . لو جيت مره ثانيه الحين عبيت 50 بعد ، راح يمدد 50 يوم اضافي = يعني بيكون عندي صلاحيه 100 يوم اضافي ( وغير الرصيد المجاني بيكون 6 ريال )

2- لو عبيت 100، بيمدد 60 يوم ، ولو عبيت وراه 50 علطول ، بيمدد 50+60=110 يوم ..
( مع رصيد مجاني 13 ريال )
3- لو عبيت 10 ريال ، بيمدد 7 ايام ، ولو عبيت وراه 50 يوم ، بيصير عندي صلاحيه 57 يوم.. (مع رصيد مجاني 3 ريال)

4- لو عبيت 50 ريال 7 مرات ، راح احصل على رصيد 50*7= 350 ريال + رصيد مجاني 21 ريال ، + صلاحية 50*7 = 350 يوم .

وطبعا كل ما اعبي ، يعطيني ايام زياده لين مايصك 360 يوم.. ( سنه تقريبا )

ان شاء الله الصورة واضحه الحين ،و اللي عنده اسئلة يقدر يستفسر من 111

كلامك صحيح لكن قبل فترة كان تعبئة الكرت مثلا 100 ريال يعطي صلاحية 4 شهور مع إمكانية تمديد الصلاحية في حالة تعبئة الكرت مرة ثانية حتى يصل إلى 360 يوم كحد أقصى, المشكلة الإخوان في كيوتل خفضوا مدة صلاحية كرت التعبئة 100 ريال من 4 شهور إلى 60 يوم أعتقد هذا التغيير جاء متزامن مع عرض كيوتل الرمضاني
MLAAS
21-09-2009, 05:06 PM
يه .. عيل ليش انا عندي غير ؟؟؟؟؟؟؟


انا عندي كرت هلا معبيه من شهر 4 بأميه ريال ... وفتره الصلاحية امتدت سنه ... ولنفترض اني عطيتكم صاروخ هههههه ... بس والله توني مجيك على الكرت .. فترته لين شهر 4 السنه الجايه -.-
م. عبدالعزيز
21-09-2009, 05:08 PM
كلامك صحيح لكن قبل فترة كان تعبئة الكرت مثلا 100 ريال يعطي صلاحية 4 شهور مع إمكانية تمديد الصلاحية في حالة تعبئة الكرت مرة ثانية حتى يصل إلى 360 يوم كحد أقصى, المشكلة الإخوان في كيوتل خفضوا مدة صلاحية كرت التعبئة 100 ريال من 4 شهور إلى 60 يوم أعتقد هذا التغيير جاء متزامن مع عرض كيوتل الرمضاني
لاء .. كلامك مش صحيح اخوي الغالي..

اول كنت تعبي 100 يمدد 4 شهور .. اذا عبيت 100 ااضافيه بيعطونك 200 ريال والصلاحيه بتتم على ماهي عليه 4 شهور .. واذا تبي الكلام الاكيد ، خل اخونا أحب قطر يأكد هالشي طالما هو يشتغل في كيوتل ..
BuFaisal
21-09-2009, 06:39 PM
لاء .. كلامك مش صحيح اخوي الغالي..
اول كنت تعبي 100 يمدد 4 شهور .. اذا عبيت 100 ااضافيه بيعطونك 200 ريال والصلاحيه بتتم على ماهي عليه 4 شهور .. واذا تبي الكلام الاكيد ، خل اخونا أحب قطر يأكد هالشي طالما هو يشتغل في كيوتل ..

اخوي بوسعود

كلام الاخ mlaas صحيح
كان في كيوتل عرض من فترة شهور بسيطة
وهي انك تعبي رصيد الهلا كارد ب 100 او 200 وتاخذ صلاحية سنة مجانا
انا عبيت الرصيد حق ولدي بكرته الهلا ب 100 وعطاني صلاحية سنة كاملة مجانا
لكن العرض انتهى وان احببت تتاكد اتصال بكيوتل

ملاحظة :
قبل هذا العرض كان خياري الوحيد هو اني اشتري كرت لتمديد الصلاحية بكرت هلا لمدة 12 شهر بقيمة 180 ريال
حسبي الله عليهم بايقينا بايقينا كوكو :(
م. عبدالعزيز
21-09-2009, 07:08 PM
اخوي بوسعود

كلام الاخ mlaas صحيح
كان في كيوتل عرض من فترة شهور بسيطة
وهي انك تعبي رصيد الهلا كارد ب 100 او 200 وتاخذ صلاحية سنة مجانا
انا عبيت الرصيد حق ولدي بكرته الهلا ب 100 وعطاني صلاحية سنة كاملة مجانا
لكن العرض انتهى وان احببت تتاكد اتصال بكيوتل

ملاحظة :
قبل هذا العرض كان خياري الوحيد هو اني اشتري كرت لتمديد الصلاحية بكرت هلا لمدة 12 شهر بقيمة 180 ريال
حسبي الله عليهم بايقينا بايقينا كوكو :(
أه اوكيه صح .. سوري والله ما انتبهت لأول معلومه في الرد..

ايوه أ1ذكر انه جذي.. تعبي 100 ويمدد سنه .. بس اللي اقصده الفرق بين هلا زمان وهلا الحين ..
BuFaisal
21-09-2009, 07:17 PM
اخوي بوسعود

كلام الاخ ملاس وكلامك صحيح
الفرق ما بين كلامكم هو انكم تعنون توقيت مختلف
والعرض انتهى ورجعنا للقصة القديمة وتاريخ الصلاحية .. الخ

المفروض انه ما فيه شيء يسمونه صلاحية ..
يعني تعبي مكالمات وتاخذ صلاحية سنة مجان ويحمدون ربهم بعد
انا عندي كرت دو من الامارات .. اعبيه عادي عطوني سنه كاملة بدون وجع مخ

راحت ايام البوق يا كيوتل وفودافون جالسين لكم على كل شيء
رآعية البورش
21-09-2009, 10:52 PM
بصرآحه آنآ مآصآدفتني هالمشكلـــــه

عبيت بـ 100 وبـ 50 ومآصآدفتني هالمشكلــــــــــــه

يمكن مشكلتك مثل مآقآل آخوي آنك تآخرت بالتعبئـــــــــــــه..حآول تتصل بكيوووتل وتشوف المشكلــــه
برزان1
22-09-2009, 12:58 AM
لاء .. كلامك مش صحيح اخوي الغالي..

اول كنت تعبي 100 يمدد 4 شهور .. اذا عبيت 100 ااضافيه بيعطونك 200 ريال والصلاحيه بتتم على ماهي عليه 4 شهور .. واذا تبي الكلام الاكيد ، خل اخونا أحب قطر يأكد هالشي طالما هو يشتغل في كيوتل ..

كان فيه موضوع لأحب أحب قطر في المنتدى العام عمل فيه مقارنة بين كرت هلا وكرت ريد من ضمن المقارنة اللي جاء بها ما قلته أنا سابقاً ولكن حُذف الموضوع مع الأسف