ذكريات العيد .. يوم كنّا صغار ..

[عنيده]

http://abeermahmoud.jeeran.com/page2/187-Eid-Greetings.gif


كل منّا له ذكريات ..

ذكريات الطفولة

http://www.bdwiqatar.net/files/5yy35ao6287d6g36eeyl.jpg

ذكريات الطفوله في العيد

ياليت كل واحد منا يكلمنا على ذكرياته مع العيد يوم كان صغير

يحاول يتذكر ملامح هذي الطفوله في العيد


وانا بأبدي بنفسي

أذكر اخواني الاولاد لازم يلبسون لبس العسكري ابو ثلاث نجمات ومعهم صفيره عاد انواع الازعاج :rolleyes2:

عاد انا وبنات الحارة نتجمع ونطق بيت بيت ونقول لهم عطونا عيديتنا عاده الله عليكم ونجمع عيادي وما نخلي بيت وياويلهم اللي ما يعطونا :waiting:
والشاطره اللي تجمع اكثر وطبعا الشنطه اهم شئ في لبس العيد عيد بدون شطنه مستحيل :app:

يوم نجي للبيت مشهبات ملهبات وشوشنا طايره والكشخة راحت لكن مصرين علي اننا كشخه :weeping:

وما نحس بطعم العيد الا نسمع اصوات الطراطيع والازعاج
طبعا كنت اسوي ها الشئ لما كنت صغيره صغيره يعني صغيره:shy:

هذي المضاهر للاسف اللحين اختفت :weeping:

اتمنى ما يدخل احد الا يكتب لنا طقوسه بالعيد يوم كان صغير


ويارب يعجبكم الموضوع

http://ma3d.jeeran.com/caw.jpg

[مناحي السادس عشر]

يحليلج يالعنيده
انا لبست البدله الي قلتي عنها ام ثلاث نجوم خخخخخخخخ
بس قبل اذكر واحد الله يذكره بالخير انتظره من عيد للعيد الثاني لانه كان يعطيني خمسين ريال
الباقيين يعيدوني على ريال
المهم العيديه اشتري فيها مسدس لعبه وربيان وعصير بونص وباقي اليوم سياكل
يسلمووو يا ست عنيده

[عنيده]

يحليلج يالعنيده
انا لبست البدله الي قلتي عنها ام ثلاث نجوم خخخخخخخخ
بس قبل اذكر واحد الله يذكره بالخير انتظره من عيد للعيد الثاني لانه كان يعطيني خمسين ريال
الباقيين يعيدوني على ريال
المهم العيديه اشتري فيها مسدس لعبه وربيان وعصير بونص وباقي اليوم سياكل
يسلمووو يا ست عنيده


مناحي شكلك من نفس الجيل بس لالا انا اكيد اصغر هههههه

ويازينها من ايام

ومشكور انك جبرت بخاطري ورديت الله يجبر بخاطرك :weeping:

وكل عام وانت بخير

[مناحي السادس عشر]

مناحي شكلك من نفس الجيل بس لالا انا اكيد اصغر هههههه

ويازينها من ايام

ومشكور انك جبرت بخاطري ورديت الله يجبر بخاطرك :weeping:

وكل عام وانت بخير


وانتي بخير وصحه
والله يقبل منكم الطاعات يارب :)

[مسفر2]

والله مادري شقول

يــازين ذيك الايام

الناس الاولين قلوبهم طيبه ومتواصلين مع بعض

والحين كل واحد قاعد في مجلسه ومايجتمعون مثل اول

[دمع العين]

الله على ذيك الايام ليتها تعود

[شجرة الدر]

شسالفة البدلة اخواني ماكانوا يلبسونها يلبسون ثياب اما انا كان اللي يميز العيد عندي اني لما اعيد مع بنات
فريجنا ندورعلى الفريج كامل وهالشي مايصير الا من عيد لين عيد طبعاً سيراً ع الاقدام مب الحين مدلعينهم بالسيارة ومعاهم الخدامة

[(حوريه)]

العيد فرحه الاطفال

لذلك كان جميل وممتع لم يكن يوم واحد بل اسبوع..

نلبس احلى الملابس ونحرص على زياره الاهل والمرور على كل البيوت ..

وفي نهايه اليوم نجتمع نعد العيديه

والان كبرنا واصبحنا نعد من يتكرم علينا بالسؤال ومن تجاهلنا..

ونفكر كيف نقضي اليوم بسعاده

كبرنا وتغيرت فرحتنا بالعيد


نقف على رصيف الذكريات ...نتذكر طفوله وفرحه من القلب..

[black@white]

اذكر ليله العيد ما نام من السعاده كل شوي نقوم نشيك على ملابسنا والاحذيه اللي جنب السرير حاطينهم
ونقوم بدري ونلبس ونطلع نعيد بالفريج بس ما نروح بعيد
بس الاولاد ما كانوا يلبسون البدله اللي ذكرتوها يلبسون ثياب
يعني ابدا ما مر علينا اولاد ببدله عسكريه ما ادري يختلف من فريج لفريج او منطقه و اخرى
المهم كانت الايام اكثر من رائعه

[غناتي1]

احنا عودتنا امي الله يحفظها انه من ليلة العيد لازم يكون كل شئ جديد

اول شئ نتسبح ونلبس ملابس النوم وتكون جديده جلابيات او بيجامات

وما ننام الا وملابس العيد وكشختنا جنبنا كاننا نشم ريحتها -- وتنيمنا غصب

ومن غبشه نكشخ ونروح بيت جدتي ونعايدهم وبعدين ندور على الجيران

هذا بالنسبة لجيلي -- اما عيال هالسنين والله مرتاحين ما يروحون مكان

قاعدين في البيت واللي ايجون ويزورونا هم اللي يعطونهم عيديه -- لا ويجمعون مبلغ وقدره

وانا منقهر حدي واقول لاخوي الصغير -- جات من حظكم لا شمس ولا دواره -- ومبلغ محترم بعد

بس تدرون احس ما لها حلاة ولا طعم -- وان حتى ايامنا مب ذاك الزود من كثر ما اسمع عن العيد

ايام الاول في السبعينات والثمانينات مثل ما يقول لنا الوالد والوالده ---- والا انتوا ايش رايكم

[بوخالد911]

هلووو

حلووة الايام القبلية
Golden Days really

اذكررر مررة دخلنا بيت
وكلنا من فالة العيد

وبعد ما خلصنا اكل

طلبنا العيدية !!:shy::shy::shy:

الا العييوز قالت : موو تووكم ماكلييين ؟ ؛ خلاااص هااي أحسن من العيدية !!!
:nop::nop::nop::nop::nop:





مسيوو / بوخالد911

[الورد مفتوني]

مانرقد الا وريحة جوتي نابينا ( وانتو بكرامه نشمه عن بعد متر))

والدلاغ جذي نصه طالع من الجوتي ونصه داخل الجوتي


وغير الكحل اللي نصيح صياح على ماتحطه امي

ويوصل لين خدودنا

ووومسوين عرض ف الغرفه

والصبح بعد مانعيد ريوولنا تعورنا من الجوتي يابس خخخ

>>وايد مركزه ع الجوتي

بس وربي ان كان العييييييييييييييييد غيييييير غيييييييييير غييييير


آآآآه ليت الطفوله تعود يومااا


تسلمين ع الموووضووع

[عنيده]

مشكورين على الردود الروعة

ويارب كل ايامكم اعياد



http://sososhs.jeeran.com/shrooq-w2.jpg

[الرايــق]

احنا عودتنا امي الله يحفظها انه من ليلة العيد لازم يكون كل شئ جديد

اول شئ نتسبح ونلبس ملابس النوم وتكون جديده جلابيات او بيجامات

وما ننام الا وملابس العيد وكشختنا جنبنا كاننا نشم ريحتها -- وتنيمنا غصب

ومن غبشه نكشخ ونروح بيت جدتي ونعايدهم وبعدين ندور على الجيران

هذا بالنسبة لجيلي -- اما عيال هالسنين والله مرتاحين ما يروحون مكان

قاعدين في البيت واللي ايجون ويزورونا هم اللي يعطونهم عيديه -- لا ويجمعون مبلغ وقدره

وانا منقهر حدي واقول لاخوي الصغير -- جات من حظكم لا شمس ولا دواره -- ومبلغ محترم بعد

بس تدرون احس ما لها حلاة ولا طعم -- وان حتى ايامنا مب ذاك الزود من كثر ما اسمع عن العيد

ايام الاول في السبعينات والثمانينات مثل ما يقول لنا الوالد والوالده ---- والا انتوا ايش رايكم

أحلى أيام بصراحة
اهم شي النوم بالغصب اذكر هالشي وكان امس صاير
ومثل ما قلت هالايام ما حد يطلع اللهم اللي يجيك البيت يعطونهم العيدية
واهم شي المبلغ الخرافي مقارنة بأيامنا :shy:

عيدك مبارك يا صاحب الموضوع وعسى ايامكم كلها فرح وسرور ..

[meme~qatar]

اذكر يوم العيد مرة تجمعنا انا وبنات الجيران واخوهم العود:nice: وتمينا ندور وندور
دشينا بيت اول مرة ندخله:secret: يعني في الاعياد السابقة كنا نمر حذاه
بس نخاف ندخل شكله غريب ماله حوش ومانشوف حد يدخله:eek5:
المهم بعد ماتشجعنا واستجمعنا قوانا علشان ندش<<<<<<<<في سبيل العيدية:nice:
وقفنا عند الباب نطرنا واحنا نطالع بعض ونقول عيدكم مبارك ياهل البيت علشان يسمعونا :discuss:
ونتنحنح احم احم... ولا تطلع عيوز من القرون الوسطى تخرع ويهها جنه ورقة معفسة
تمشي شوي شوي ومعاها عصا اطول منها:eek5::eek5: .. تسمرت في مكاني من الروعه
اول واحد شرد اخو بنات الجيران العود لابارك الله فيه :rolleyes2:<<<<يعني اللي بيحمينا
ويوم استوعبت الصدمة شردت والجوتي يعورني... والفستان مايساعد:omen2:<<<سندريلا
لااااااااا.... وولد الجيران الجبان اختفى عن الانظار واحاول اوصل لين وقف :anger1:
وتجمعنا وكملنا المسيرة<<<<<يؤم من عمري:nice: