الي عنده اقتراح لمشكله الاسكان يتفضل

[MLAAS]

السلام عليكم ورحمة الله وبركاته

حبيت افتح هالموضوع علشان الي يبي يشارك ويستفيد الجميع من الاقتراحات او الحلول لمشكله السكن والاسكان وقوانينها الشبه مستحيله ..

وانا راح ابتدي باقتراح بس انشالله اني اشرحه بقدر المستطاع بس من بيسمعه من المسؤولين او بيعيره انتباه مادري .. المهم

الناس بدل ماتدور مساكن وفلل شغلها اي كلام والسعر مبالغ فيه ..

والكل يعرف انه سعر بنيان خريطه الفله الي في الاسكان وصلت بنيانها 600 الف تقريبا ..

والدوله تعطي ارض وفوقها مليون و 200 والله يكثر خيرها او القرض فقط .. بس قوانين بنك التنمية عقيمه بالنسبه للكثيرين

اقتراحي هو .. ليش الدوله ماتتفق مع شركة بروه او اي شركة عقارية مصنفه في الدوله وتعمل مشاريع فلل الجاهزه ومساحتها 600م بدل ماتوزع 1200م .. والي يبي ينتفع في هالمشروع وعنده ارض يرجعها وتنحسب عليه 600 الف اقساط من قرض الاسكان فقط ولا هو محتاج حق التنميه ولا بطيخ

والي بعد ماعنده ارض يقدم على المشروع .. ونفس الشي تنحسب عليه 600 الف من قرض الاسكان ..

والفايده تعم الجميع .. الدوله وشركاتها المحلية والقطري نفسه ..

اولا الدوله: وفرت مساحات الاراضي وتركز على منطقه وحده او فرجان في عده مناطق .. بس بدل ماتكون المنطقه تنبني فيها 30 فله وكل فله مساحته ارضها 1200م ... تبنيها الدوله 60 فله وكل فله مساحته ارضها 600م حتى لو كانت خارج مناطق الدوحه .. يعني وفرت مساحه وقرض قيمته 600 الف الي من بنك التنميه ولا بعد عليها فوايد حوالي 300 الف .. ومابيكون له لزمه بعد

ثانيا الشركات المحلية: بدل مايكون البنيان على الشخص المقترض واتجره تسهيلات الشركات الغير مصنفه والمقاولين الي ماعندهم ضمير .. الدوله هي الي تتكفل وتتفق مع كم شركه مقاولات كبيره ومصنفه لسرعه الانجاز .. واستثمارها يزيد

ثالثا المنتفع القطري: طبعا بتنحل مشكلته الي بالمقام الاول .. و بيرضى انه يسكن في فله مكونه من 3 غرف وتحت مطبخ وصاله ومجلس ومطعم وملحق خارجي صغير .. ومساحة الارض 600م .. وحتى لو كانت البيوت تركيب .. بس اهم شي جودتها عالية
------------------

والي مايبي من هاي الفلل وطلعت له ارض خلاص خله ينتظر الخدمات ويبني على راحته بالمليون و 200 الف ..



هذا اقتراحي وانشالله اني قدرت اوضح كل شي هههههه لاني ضعيف في الشرح

وعيدكم مبارك وكل عام وانتوا بخير

[شموخ دائم]

,

,


مرحبا اخوي وعساك من عواده

شكرا على الاقتراح

هذا نفسه مطبق الان في الامارات ابوظبي بالذات

والي اعرفه ان هناك لجنه زارت ابوظبي واطلعت على نظامهم

اعتقد الفكره ما اعجبتهم او حسوا انها ما تناسب قطر

وهناك تجربه سابقه في دوله قطر ( شعبيه الدفنه )

اعتقد في قطر الناس يناسبهم تصاميم خاصه ومايحبون البيوت المتشابهه

يبون شي مميز لهم من الخارج ومن الداخل على حسب احتياجاتهم

اعتقد ذوق اهل قطر له ما يميزه عن باقي دول الخليج

اعتقد فكرتك تناسب منازل الاسر اصحاب الدخل البسيط

يبون بيت يسترهم وما يهم الشكل وهناك فئه بالفعل محتاجه الى هذه البيوت

كما تفضلت

مشكله قطر الرئيسيه في نقطتين

1- عمل خريطه اكبر من القرض بكثير ويقول راح تندبر المبالغ ويعجز المالك عن الالتزام بالدفعات
ويبتدي بتجزئه الدفعه الى مبالغ صغيره وتحدث المشاكل من تاخير العمل والسداد على سبيل المثال تكون الدفعه
100 الف والمالك يدفع 20 الف وبعد شهر يجيب 10 الاف ... الخ.. ويبيع اسهم ... سياره ...الخ
( هذه مشكله المالك )

2- ثقافه المقاول الرخيص ومن هنا تجي المشاكل للاسف مقاول يخسر بسبب رخص اسعاره
وهنا يتوقف العمل ياخذ دفعه من هذا ويشتغل في مشروع اخر وياخذ من هناك ويحط هنا قمه اللخبطه في المشاريع
( مشكله مقاول رخيص او شركه قليله الامكانيات فورمن وبيك اب و5 عمال )

كل مشاكل البناء في قطر تقريبا بهذه النقطتين

اتمنى من الاخوان عدم الوقوع في هذه الاشكاليات ويمكن تجنب هذه المشاكل باذن الله
بشيء من التعقل بعمل الخرائط واختيار المقاول الجيد وليس الرخيص والسؤال كثير عنه
بناء منزل مشروع كبير وليس شي بسيط كما يعتقد البعض يحتاج امكانيات ماليه ومعدات وعماله ماهره
الجميع يستطيع بناء غرفه او ملحق ولكن بناء منزل او فيلا جيده ومشطبه بطريقه عاليه الجوده
تحتاج الامكانيات وليس مجرد عامل متجول الكثير يندم على استخدام عماله رخيصه على سبيل المثال يشتري رخام غالي
ويسترخص سعر التركيب يجيب عامل رخيص والنتيجه للاسف منظره وهو مركب خساره كبيره وليس جميل
والكثير من الاخوان وقع اكيد في هذه المعادله الخاطئه

اتمنى من الاخوان الحذر من هذه الاخطاء

,

,


اخوك



شموخ دائم

[MLAAS]

,

,


مرحبا اخوي وعساك من عواده

شكرا على الاقتراح

هذا نفسه مطبق الان في الامارات ابوظبي بالذات

والي اعرفه ان هناك لجنه زارت ابوظبي واطلعت على نظامهم

اعتقد الفكره ما اعجبتهم او حسوا انها ما تناسب قطر

وهناك تجربه سابقه في دوله قطر ( شعبيه الدفنه )

اعتقد في قطر الناس يناسبهم تصاميم خاصه ومايحبون البيوت المتشابهه

يبون شي مميز لهم من الخارج ومن الداخل على حسب احتياجاتهم

اعتقد ذوق اهل قطر له ما يميزه عن باقي دول الخليج

اعتقد فكرتك تناسب منازل الاسر اصحاب الدخل البسيط

يبون بيت يسترهم وما يهم الشكل وهناك فئه بالفعل محتاجه الى هذه البيوت

كما تفضلت

,

,


اخوك



شموخ دائم

الله يعطيك العافيه اخوي شموخ دائم ..

اي انا خصيت الاقتراح لذوي الدخل المحدود او الي محتاج يلم اسرته .. والقنوع ..

وذكرت الي مو محتاج من هالمشروع يقدر يحتفظ في ارضه ويبنيها على ذوقه ..

وبوظبي ودبي ينفذون هالمشاريع ...

بس الفرق بينهم انه دبي تصاميمها راقيه واحلى واجود من تصاميم بوظبي .. وانا اعرف شخص عنده فله من بوظبي واخوه عنده فله في دبي ... ودخلت الثنتين .. ومافي وجه مقارنه

وشاكر لك على مرورك الكريم يالشيخ :)