اللات الثلاث في وزارة البيئة [الأرشيف] - منتديات شبكة الأسهم القطرية

مشاهدة النسخة كاملة : اللات الثلاث في وزارة البيئة

قناص الخليج

22-09-2009, 09:04 AM

استبشرنا خير بعد انشاء وزارة البيئه ، فالكل كان يتحدث عن الهيكل الجديد وعن الادارة الجديده والاقسام التي سوف تنشاء ، وسمعنا كثيرا عن العلاوات من طبيعة عمل وعمل اضافي وبدل اجار واستئجار ... وغيره من المميزات

ولكن وبعد مايزيد عن ست اشهر انصدمنا باللات الثلاث التي اطلقتها وزارة البيئة في وجة موظفيها

1 - (لا ) لا لتقديم الاستقاله فعندما تقدم استقالتك الى مدير ادارتك يرفعها الى مكتب سعادة الوزير وياتي الرفض المطلق ( الاستقاله مرفوضه ) حتى وان وجدت وظيفة اخرى براتب ضعفين او ثلاث اضعاف راتبك بالبيئة ..

2 - ( لا ) لا الثانية للنقل ممنوع ان تقدم على نقل من وزارة الى وزارة ويبقي الحال كما هو عليه

3 - (لا ) اما الــــ لا الثالثه فهي لطلب العلاوت والبدلات فعندما يقوم مدير بطلب علاوة بدل استئجار سياره او عمل اضافي او بدل تلفون او طبيعة عمل فان الطلب سوف ياتيك باسرع مايمكن الطلب مرفوووض وتصرف العلاوت حسب المتبع ماهو المتبع لانعلم

هذة اللات تتغير الى كلمة نعم في الوزارت الاخر فجميع ماذكرنا من العلاوت تصرف للموظفين في الوزارات الاخرى

هنا نسال ياوزارة البيئة كيف تحاسبون موظفينكم وتطالبونهم بالعطاء وانتم تبخلون عليه بحقوقهم ؟؟؟

هذلان

22-09-2009, 09:25 AM

hich

22-09-2009, 09:27 AM

ايش هالكلام ياخوان احنا عايشين في دولة القانون وحسب أدارة العمل والمحكمة الوظيفية لا يستطيع أحج منعك من الأستقالة الرجاء التأكد من كلامكم

هذلان

22-09-2009, 09:38 AM

ايش هالكلام ياخوان احنا عايشين في دولة القانون وحسب أدارة العمل والمحكمة الوظيفية لا يستطيع أحج منعك من الأستقالة الرجاء التأكد من كلامكم

شدعوى hich قدمت استقالتك و رفضها المدير شتسوي ؟ تنقطع عن العمل مخالف و تحاسب .
في الهيئات لازم موافقه على الاستقاله

q6ri_vip

22-09-2009, 10:24 AM

اي نعم كلام اخونا القناص صحيح وفي شغله ثانيه ماذكرها اللي اهي العلاوات المستحقه وقفوها حتى أشعار اخر ... ليش مايندرى .

بنشوف لنهاية هالشهر وش بيصير ع كلامهم ووعودهم .

q6ri_vip

22-09-2009, 10:26 AM

ايش هالكلام ياخوان احنا عايشين في دولة القانون وحسب أدارة العمل والمحكمة الوظيفية لا يستطيع أحج منعك من الأستقالة الرجاء التأكد من كلامكم

أي نعم الكلام صحيح مايوافقون ع الأستقاله ... غريبه صح ... على كلامهم لاتوظيف ولا تقديم استقاله .. بس ماشاء الله هذا هم وظفو كم من أجنبي .. خبرك الأجانب ماتطبق عليهم قانون الموارد البشريه

كاتم الاسرار

22-09-2009, 10:35 AM

الله يعينكم والله

butterfly

22-09-2009, 12:41 PM

الله يعينكم والله

بويوسف

22-09-2009, 01:12 PM

اخوي الاءات هذي في كل الوزارات مش في البيئة بس ..

قناص الخليج

22-09-2009, 02:41 PM

السلام عليكم

العيد عليك مبارك .. والله يالشيخ ما اعرف الوضع داخل اسوار البيئه
لكن الي اعرف و متاكد منه واحد من ربعي يشتغل هناك من فتحت البيئه و هو مستاء جدا من الشغل فيها . و اذكر مره سالته عن راتبه و قالي رقم بصراحه استغربت شلون عايش بهالمبلغ الله يوفقه .

هلا والله وانت بصحه وسلامه الحين الوضع احسن للشباب قبل الله يعينهم

ايش هالكلام ياخوان احنا عايشين في دولة القانون وحسب أدارة العمل والمحكمة الوظيفية لا يستطيع أحج منعك من الأستقالة الرجاء التأكد من كلامكم

الله يرحم ولديك تعال وشوووف الاسقالات شكثر وكلها بالرفض

اي نعم كلام اخونا القناص صحيح وفي شغله ثانيه ماذكرها اللي اهي العلاوات المستحقه وقفوها حتى أشعار اخر ... ليش مايندرى .

بنشوف لنهاية هالشهر وش بيصير ع كلامهم ووعودهم .

الي ايده بالنار مب مثل الى ايده بالماي شبعنا وعوووود

الله يعينكم والله

الله يعينكم والله

ويعينكم

عبدالرحمن

22-09-2009, 02:42 PM

اخوي الاءات هذي في كل الوزارات مش في البيئة بس ..

بويوسف كلنا عيال قريه والكل يعرف خيه يبه روح اصغر مجلس في قطر وتجيك علوم وسوالف على كيفك وزاره البيئه تشترك على كلامك مع كل الوزرات في عدم تقديم الاستقاله ويالله يالله يوافقون يعني عقب طلعه الروح وخصوصا شركات الطاقه والبترول في قطر تستقطبهم وخصه النشيطين منهم والي عندهم حب العطاء للعمل وترا الشركات هي الي تطلبهم بناء على سمعه الموظف بين ربعه في الوزاره في هذي اتفق معك في هالشق تشترك وياهم في عدم تقديم الاستقاله بس اختلف وياك في وقف صرف العلاوات الكل يعطي الحين بدل استئجار سياره وعمل اضافي وطبيعه عمل وابشرك طلعت علاوات يديده اول مره اسمع عنها في الحكومه علاوه فنيه وعلاوه تشجيعيه وعلاوه بدل خطر
متخيل انت علاوه بدل خطر تنعطى في الحكومه وروح اسال وانشد وين تنعطي
وانا لي ولد عم في وزارة البيئه مهندس قطري معدله جيد جيدا ومابي امدحه عشان ولد عمي واقول شلون شغله وافكاره يوم قالي راتبه بقيت اطلع من بوكي 1000 ريال واعطيه كسر خاطري ياخي وزاره يديده يعني مجالات كبيره مفتوحه ووزير مشاالله عليه شاب والشيخ تميم يحبه والوزير من خيره شباب قطر وطيب والله يوفقه في شغله بومبارك........... المفروض يطالب لموظفينه بكل الامتيازات وانا اعتبره من الوزراء الاقويا شخصيا وفكريا
وزارة البيئه من اهم الوزرات في الدوله يليت الدوله تعطيها اهتمام اكثر وهالشي مب صاير الا اذا خليت موظفينك مرتاحين ويحبون الشغل اتمنى يرجعون كل العلاوات الي وقفوها ويرجعون موظفين البيئه مثل شغلهم الي قبل ويصير العكس الكل يبي البيئه مب بس عشان الراتب بعد عشان جو الشغل اعتقد يقدرون بس متى الله اعلم؟؟؟؟

قناص الخليج

22-09-2009, 02:44 PM

اخوي الاءات هذي في كل الوزارات مش في البيئة بس ..

الله يرحم لي ولديك وين بكل الوزارات

انا ربعي كل واحد بوزارة

بعضهم يستلموون طبيعية عمل وعمل اضافي

وبعضهم يزيدون على هذي العلوات بــ بدل تليفون 1000 او 1500 وبدل اجار من 2000- 4000

اسئل وشوووف

عبدالرحمن

22-09-2009, 02:56 PM

الله يرحم لي ولديك وين بكل الوزارات

انا ربعي كل واحد بوزارة

بعضهم يستلموون طبيعية عمل وعمل اضافي

وبعضهم يزيدون على هذي العلوات بــ بدل تليفون 1000 او 1500 وبدل اجار من 2000- 4000

اسئل وشوووف

صادق يالقناص مايحتاي نعرف طال عمرك واذا تبي ارضخلك على المنتدى العام رواتب قطر كلها من اكبر مكان(الديوان الاميري) لين اصغر مكان مرورا برواتب العسكرين والشركات الخاصه وشركات قطاع النفط والطاقه وكل مكان في الدولة يعطي فلوس من عيوني حاضر وشوفو الفرق بعينكم اجزم لك واكد لك رواتب البيئه هي الجهات الي من اقل الرواتب في الدوله لسبب بسيط .... معروف انه رواتب الحكومه هي رواتب ضعيفه اوردي اذا قارنتها برواتب العسكرين والشركات:victory: شلون لو انا اشل بعد عنك بعض العلاوات المهمه بيطلع راتبك وايد ضعيف سواء جامعي ولا ثانوي

بويوسف

22-09-2009, 03:49 PM

بويوسف كلنا عيال قريه والكل يعرف خيه يبه روح اصغر مجلس في قطر وتجيك علوم وسوالف على كيفك وزاره البيئه تشترك على كلامك مع كل الوزرات في عدم تقديم الاستقاله ويالله يالله يوافقون يعني عقب طلعه الروح وخصوصا شركات الطاقه والبترول في قطر تستقطبهم وخصه النشيطين منهم والي عندهم حب العطاء للعمل وترا الشركات هي الي تطلبهم بناء على سمعه الموظف بين ربعه في الوزاره في هذي اتفق معك في هالشق تشترك وياهم في عدم تقديم الاستقاله بس اختلف وياك في وقف صرف العلاوات الكل يعطي الحين بدل استئجار سياره وعمل اضافي وطبيعه عمل وابشرك طلعت علاوات يديده اول مره اسمع عنها في الحكومه علاوه فنيه وعلاوه تشجيعيه وعلاوه بدل خطر
متخيل انت علاوه بدل خطر تنعطى في الحكومه وروح اسال وانشد وين تنعطي

الله يرحم لي ولديك وين بكل الوزارات

انا ربعي كل واحد بوزارة

بعضهم يستلموون طبيعية عمل وعمل اضافي

وبعضهم يزيدون على هذي العلوات بــ بدل تليفون 1000 او 1500 وبدل اجار من 2000- 4000

اسئل وشوووف

يا اخوان انه ما أالف شي من عندي انتوا تكذبوني يعني ؟

انا في وزارة ما لا في طبيعة عمل ولافي عمل اضافي ولا في بدل سيارة ولابدل تلفون او ايجار ولاشي من هذا القبيل ..

مع العلم بأني مهندس واعمل في ادارة خدمية .

وهذي وزارة من اكبر الوزارات .

ترى ياجماعة اللخبطة في كل الوزارات مش البيئة بس .

البحار00

22-09-2009, 04:32 PM

قانون الموارد البشرية قرر بدل الجوال للموظفين السنير

الادارة الي انا اشتغل فيها امنعو بدل عن الموظفين بحجة ان ماعندهم ميزانية

عضو المنتدى

22-09-2009, 05:14 PM

قانون الموارد البشرية قرر بدل الجوال للموظفين السنير

الادارة الي انا اشتغل فيها امنعو بدل عن الموظفين بحجة ان ماعندهم ميزانية

أذكر أن مدير مؤسسة البريد علي العلي عندما طالب بزياده الميزانية وزياده الرواتب

لموظفي البريد عبر جريده محلية تمت إقالته من المؤسسة .

وكذلك الدكتورة غالية أل ثاني وزيرة الصحة عندما أصدرت تعميم التقشف

لمستشفى حمد بسبب ضعف ميزانية وزراة الصحة تمت إقالتها .

الله يستر الحين أغلب المسؤولين عندنا يخافون يطلبون ميزانيات لوزارتهم .

أنا مادري ليش ميزانيات الوزارات للدولة تكون سرية جدا بينما جهاز قطر الأستثمار

وباقي الصناديق الأستثمارية للأستثمار الخارجي

تكون معلنه للجميع وللأجانب خاصة ؟؟!!!! :weeping:

وطن

22-09-2009, 05:26 PM

روحوا حق حقوق الانسان

هم اللي يحلونها ان شاء الله

لان ما يحق لهم في ولا لاء من اللي ذكرتوها

هذلان

22-09-2009, 05:31 PM

شسالفه السنير و بدل التلفون ... مامر علينا هالشي
انا سنير و ماعندي هالعلاوه

قناص الخليج

23-09-2009, 01:15 PM

شسالفه السنير و بدل التلفون ... مامر علينا هالشي
انا سنير و ماعندي هالعلاوه

هذي علاوة موجوده بقانون المواد البشرية

اعتقد انها من 300 - 1000 ريال

كاتم المواجع

23-09-2009, 08:17 PM

الله يسهل عليكم

قناص الخليج

24-09-2009, 01:45 AM

وياك اخوووووووووووي كاتم

سهم سهم

08-11-2009, 01:27 PM

sweet qatar

08-11-2009, 04:11 PM

امممممممممم بعد التغييرات كل شي صار بيد مدير الإدارة ...

انا الي قاهرني انهم شلوا العمل الإضافي ... !!!!!!!!!!!!

حسبي الله ونعم الوكيل...

راعي الغزيل

08-11-2009, 05:38 PM

N7eEeS

08-11-2009, 10:54 PM

المتزوج 9000
العزوبي 7000
وفي ناس لين لحين ماستلمووو بدل ستجار ولا عمل لاضافي ولا شي وانا وحد عرفهم عدل وع فكره وقفو ا العزب الجول والمجمعات حتى شعار اخر مادري ليش
وع فكره لين لحين مانزلو قرار كم بتكون رسوم المخيمات والله العظيم ان هذي لوزارة هي لوحيده لي ظلمه الموضفين بذات موظفين المجمعات

شلون ماقرروا رسوم المخيمات كم بتكون أجل ال 10000 ريال اللي صادق عليها سمو الامير الاسبوع اللي طاف حق ايش!!
مشكلتنا صايرين نحب السوالف والاشاعات.

N7eEeS

08-11-2009, 10:57 PM

حسبي الله ونعم الوكيل على وزارة البيئة

كنا في وزارة البلديه مستانسين ومتمتعين بالعلاوات الي هي بدل اسئجار وعمل اضافي

ظمونا للبيئة غصب عنا وامنعو علينا هالعلاوات

ولا يبونا نرجع لوزارة البلدية الي عشت فيها 14 سنه حسبي الله ونعم الوكيل تعبت وانا ادعي واتحسب

واخيرا وكلت امرى لله الله ياخذ حقي من الي ظلمني والي ماكل حقنا :(

امممممممممم بعد التغييرات كل شي صار بيد مدير الإدارة ...

انا الي قاهرني انهم شلوا العمل الإضافي ... !!!!!!!!!!!!

حسبي الله ونعم الوكيل...

سؤال هل انتم عندكم داوم بعد ساعات العمل الرسميه؟؟ ومب راضيين يعطونكم عمل إضافي ولاتبون ادامون الصبح وتأخذون عمل إضافي بعد؟؟
بدل استئجار سياره واضح حسب القانون للي يستخدم سيارته في اداء العمل المكلف به وماعنده سياره من جهة عمله اعرف شباب مفتشين يصرفون لهم لانهم يستخدمون سياراتهم الخاصة.

روح الاطلس

08-11-2009, 11:47 PM

معقوولة ؟؟ ما اصدق

اجل ليه دايما نسمع المدح في البيئه وان وراتبهم عالية ؟ سمعت ان الخريج بدون خبرة راتبه لا يقل عن 21 الف ريال !! ولا انتوا تبون اكثر اعترفوا

هدوء العاصفة

09-11-2009, 12:17 AM

معقوولة ؟؟ ما اصدق

اجل ليه دايما نسمع المدح في البيئه وان وراتبهم عالية ؟ سمعت ان الخريج بدون خبرة راتبه لا يقل عن 21 الف ريال !! ولا انتوا تبون اكثر اعترفوا

انه عجبني بس اعترفوا :secret:

وكلام نحيس صحيح ..

ابن قطر

09-11-2009, 12:51 AM

وبعض يعين مدير ادارة

وخذ يا شروط للتخيم وهو اصلا اقصد المدير المعين ومن خارج الوزارة اصلا

وكان بوزارة تهتم بالشان الاجتماعي

ما نقول غير ان الواسطة احسن من الف شهاده ...

ونقول هذه امانه واين الشفافية ؟؟؟؟؟؟؟؟؟؟؟؟

الموضوعي

09-11-2009, 01:24 AM

طلعة الروح

09-11-2009, 04:35 AM

اولا الله يعينكم..
عيل وزير البيئة عسكري سابق..اها اشوف العساكر الكباريه منتشرين هالايام بمناصب اداريه ونفس ماقلت مافي هدف من وجودهم غير التركيز على التفاهات ولي قلت لهم شلون قالوا لا هاي خبره بالادارة 100 سنة زين خبرة على عيني وراسي بس تعال شوفه techically ميح شعرفه هذا بالاداء والتطوير والله يخلي الواسطه عطت اللي يسوى واللي مايسوى حقه وزود واحرمت الاكفاء من حقوقهم..

راعي الغزيل

09-11-2009, 09:31 AM

اين لحين ماااصار شي لاتعديل في رواتب ولا شي

sweet qatar

09-11-2009, 11:12 AM

الضمين

09-11-2009, 01:25 PM

سهم سهم

09-11-2009, 06:18 PM

سؤال هل انتم عندكم داوم بعد ساعات العمل الرسميه؟؟ ومب راضيين يعطونكم عمل إضافي ولاتبون ادامون الصبح وتأخذون عمل إضافي بعد؟؟
بدل استئجار سياره واضح حسب القانون للي يستخدم سيارته في اداء العمل المكلف به وماعنده سياره من جهة عمله اعرف شباب مفتشين يصرفون لهم لانهم يستخدمون سياراتهم الخاصة.

اولا اشكرك على المداخله

وثانيا العمل الاضافي لا يحدد من دوام بعد المساء بل العمل في الوقت الصباحي (( مثل وزارة البلديه )) وانا كنت ادوام من 7 لين 2 وكنت اخذ عمل اضافي 14 سنه لان طبيعه عملي ومسماي الوظيفي يحدد ذلك

وثالثا نعم احنا نطلع بسياراتنا الشخصيه من اجل العمل ونستخدم هواتفنا الجواله من اجل العمل

ورابعا : انا كنت في وزاره البلديه وكنت اخذ هذي البدلات والعلاوات ولا زلت نفس الوظيفه بس انتقنا الي البيئه وامنعوا هذه الامتيازات

يا ريت اوصلت الفكره والقصه الحزينه ^_^

والحمدلله على كل حال

sweet qatar

09-11-2009, 06:27 PM

سهم ترى هذا بعد كان نظام البيئة قبل تطبيق قانون الموارد الجديد...

وحظكم انكم انضميتوا في هالفترة...

بدور

09-11-2009, 06:31 PM

روحوا حق حقوق الانسان

هم اللي يحلونها ان شاء الله

لان ما يحق لهم في ولا لاء من اللي ذكرتوها

حقوق الانسان للاجانب فقط وليس للقطريين :(

المنسى

09-11-2009, 08:10 PM

ممكن نعرف الفرق بين المفتش والمشرف فى حمايه البيئه

N7eEeS

09-11-2009, 10:38 PM

اولا اشكرك على المداخله

وثانيا العمل الاضافي لا يحدد من دوام بعد المساء بل العمل في الوقت الصباحي (( مثل وزارة البلديه )) وانا كنت ادوام من 7 لين 2 وكنت اخذ عمل اضافي 14 سنه لان طبيعه عملي ومسماي الوظيفي يحدد ذلك

وثالثا نعم احنا نطلع بسياراتنا الشخصيه من اجل العمل ونستخدم هواتفنا الجواله من اجل العمل

ورابعا : انا كنت في وزاره البلديه وكنت اخذ هذي البدلات والعلاوات ولا زلت نفس الوظيفه بس انتقنا الي البيئه وامنعوا هذه الامتيازات

يا ريت اوصلت الفكره والقصه الحزينه ^_^

والحمدلله على كل حال

اخوي بارك الله فيك القانون تغير، ومايعني ان وزارة كانت تخالف القانون جميع الوزرات تخالف القانون.
العمل الإضافي واضح حسب القانون وحسب مذكرة الامانة العامة لمجلس الوزراء اللي يداوم بعد ساعات العمل الرسميه له الحق في بدل العمل الإضافي وهذا المتعارف عليه في السابق كان الجميع ياخذون بدل عمل إضافي بناء على نسبه من الراتب الاساسي وهذا الشي غير صحيح.
بخصوص بدل الهاتف النقال وبدل استخدام السياره الخاصه بما انكم تستخدمهم في العمل فمن حقك الحصول عليهم واللي اعرفه ان سعادة وزير البيئه طلع قرار بهذا الخصوص واعني بدل استخدام سياره خاصه وبامكان مديرك انه يخاطب إدارة الموارد البشريه بذلك لان في إدارات قدمت وخذت.
وللامانه اقولها انا عملت مع سعادة الوزير فتره من الزمن ويشهد الله انه يسعى دائما للحصول على حقوق للموظفين وبالقانون، واتمنى ان كل الوزراء بامانته وتفانيه في العمل وحبه لقطر وأهلها.

N7eEeS

09-11-2009, 10:51 PM

قطر صغيرة ومن كلام الناس ان وزير البيئة وهو ضابط عسكري سابق- وشلون صار وزير بيئه مدري- همه الاول والاخير الحضور والانصراف ومحد يستقيل من الوزارة يعني وزير تارك الأهداف التي انشئت من اجلها الوزارة ومدقق على الحضور والغياب بحكم فكره العسكري ماعتقد انه ينجح في إدارة الوزارة

انتوا محد مضيعكم الا كلام الناس.
نعم كان عسكري سابق وعمل في الإدارة عندما كان في مكتب سمو ولي العهد حفظه الله وان شاء الله انه أهل للثقه التي اعطاها اياه سمو الأمير.
بخصوص الحضور والانصراف الانضباط هو اساس العمل اما انك تريده ان يصرف الرواتب للموظفين وهم في منازلهم كما كانوا في السابق او من لايدامون الا بعد العاشره صباحا.
هذه امانه ولا يعرف حجمها الا من يحملها.
بخصوص الاستقالات استقال الكثيرون من الوزاره والوزير لايمنعهم ولكن يطلب حضورهم لمعرفة اسباب الاستقالة وهذا من حقه كوزير، هات لي وزير يطلب من موظف الحضور لمكتبه ويطلب منه اسباب استقالته ويحثه على استمراره في العمل لدى الوزاره.
بأذن الله الوزير ناجح في إدارته وقادر على تحمل تأسيس وزارة تعتبر من أكبر الوزرات في الدولة من ضم الإدارات التي انتقلت من البلديه والمتمثله في الزراعه والثروه الحيوانيه والسمكيه بالاضافة إلى هيئة المواصفات والمقاييس وقطر خضراء.
ولايعيب الشخص كونه عسكري فهذا سمو الامير وسمو ولي العهد حفظهم الله عساكر.

المنسى

11-11-2009, 03:13 PM

ممكن حد يقولنا صحيح الكلام انه تم قطع بدل السياره والاوفر تايم

! سعد !

11-11-2009, 05:00 PM

ممكن حد يقولنا صحيح الكلام انه تم قطع بدل السياره والاوفر تايم

بدل سيارة 2000 ر يال لم يقطع ..

اما العمل الاضافي لحد الان لم نستلم الا لشهر واحد فقط !

وباقي لنا 6 شهور ماستلمنا شي

المغروره

11-11-2009, 06:12 PM

ايه ؟؟؟؟؟؟؟؟؟؟؟؟خلنا نحصل وووظيفه يالقطريين الي الف الف وماحصلت ؟؟؟؟؟؟؟؟؟؟؟
وفالاخير الاجاااانب ماكلين الدنياا والدين وكله يقولون بنشيل الاجانب واهم كل يوم يزيدووون والل ماستغرب شي ؟؟؟؟؟
لكن نرد ونقول الوااااااااااااااااااسطه فوق كل عمل ؟؟؟؟ وقطر للاسف لغير القطريين
تحيااتي

المنسى

12-11-2009, 03:31 AM

بدل سيارة 2000 ر يال لم يقطع ..

اما العمل الاضافي لحد الان لم نستلم الا لشهر واحد فقط !

وباقي لنا 6 شهور ماستلمنا شي

يعطيك العافيه ياسعد ماقصرت على الاجابه

قناص الخليج

12-11-2009, 09:55 AM

ممكن حد يقولنا صحيح الكلام انه تم قطع بدل السياره والاوفر تايم

انا اقولك العلاوتين مقطوعيتين على موظفين البيئة

قناص الخليج

12-11-2009, 10:12 AM

اخوي بارك الله فيك القانون تغير، ومايعني ان وزارة كانت تخالف القانون جميع الوزرات تخالف القانون.
العمل الإضافي واضح حسب القانون وحسب مذكرة الامانة العامة لمجلس الوزراء اللي يداوم بعد ساعات العمل الرسميه له الحق في بدل العمل الإضافي وهذا المتعارف عليه في السابق كان الجميع ياخذون بدل عمل إضافي بناء على نسبه من الراتب الاساسي وهذا الشي غير صحيح.
بخصوص بدل الهاتف النقال وبدل استخدام السياره الخاصه بما انكم تستخدمهم في العمل فمن حقك الحصول عليهم واللي اعرفه ان سعادة وزير البيئه طلع قرار بهذا الخصوص واعني بدل استخدام سياره خاصه وبامكان مديرك انه يخاطب إدارة الموارد البشريه بذلك لان في إدارات قدمت وخذت.
وللامانه اقولها انا عملت مع سعادة الوزير فتره من الزمن ويشهد الله انه يسعى دائما للحصول على حقوق للموظفين وبالقانون، واتمنى ان كل الوزراء بامانته وتفانيه في العمل وحبه لقطر وأهلها.

انتوا محد مضيعكم الا كلام الناس.
نعم كان عسكري سابق وعمل في الإدارة عندما كان في مكتب سمو ولي العهد حفظه الله وان شاء الله انه أهل للثقه التي اعطاها اياه سمو الأمير.
بخصوص الحضور والانصراف الانضباط هو اساس العمل اما انك تريده ان يصرف الرواتب للموظفين وهم في منازلهم كما كانوا في السابق او من لايدامون الا بعد العاشره صباحا.
هذه امانه ولا يعرف حجمها الا من يحملها.
بخصوص الاستقالات استقال الكثيرون من الوزاره والوزير لايمنعهم ولكن يطلب حضورهم لمعرفة اسباب الاستقالة وهذا من حقه كوزير، هات لي وزير يطلب من موظف الحضور لمكتبه ويطلب منه اسباب استقالته ويحثه على استمراره في العمل لدى الوزاره.
بأذن الله الوزير ناجح في إدارته وقادر على تحمل تأسيس وزارة تعتبر من أكبر الوزرات في الدولة من ضم الإدارات التي انتقلت من البلديه والمتمثله في الزراعه والثروه الحيوانيه والسمكيه بالاضافة إلى هيئة المواصفات والمقاييس وقطر خضراء.
ولايعيب الشخص كونه عسكري فهذا سمو الامير وسمو ولي العهد حفظهم الله عساكر.

يعطيك الف عافية اخوي
بالنسبة لي مايهمني الوزير كان عسكري او كان مدني فكم من وزير عسكري رتب الوزارة وانجز ما عجز عنه الكثير
نحن نحترم الوزير ونكن له كل الاحترام والتقدير فهو رجل ونعم الاخلاق وان شاء الله يكون قد المسئوليه الى حملها له سيدي سمو امير البلاد وسيدي سمو ولي العهد الله يوفقه بعمله

حديثنا ونقاشنا ياخوي عن العلاوات والبدلات

ماذا تتوقع من موظف راتبه وهو يعمل في وزارة البيئة لايفرق عن راتب التقاعد سواء بدل تنقل وبدل سكن ؟؟

وماذا تتوقع من موظف كان يتقاضى هذة العلاوات في وزارة البلدية وعندما نقله الى وزارة البئة يتم قطعها

هل تتوقع منه انتاجيه بالعمل ؟؟

كان يامل بالحصول على الافضل عند انضمامه للبيئة ولكن يتفاجاء بالواقع المر

عضو المنتدى

12-11-2009, 10:31 AM

إللي أعرفة أن راتب أحد الموظفين في البيئة جامعي وهو رئيس قسم راتبة مب شي كلش .

وعلاوة بدل سيارة موقوفة وأعتقد أن العمل الأضافي أيضا موقوفه .

موضي قطر

12-11-2009, 12:35 PM

الأخت اللي تقول راتب الخريج 21000 ألف ؟!! اختي من قال هالكلام

الخبر عندي اختي لا واحد وعشرين ولا قاله الله

La Bella

12-11-2009, 12:43 PM

الله يكون بعون الوزير أن شاالله صج رجل والرجال قليلاً بهذا الزمان وقد المسؤليه بإذن الله

المنسى

08-12-2009, 01:31 PM

والله انك صادق ياقناص قطعو العلاوات بدل السياره والعمل الاضافى والله يكون فى العون

EUPHORIA

09-03-2010, 11:59 AM

كم رواتبهم حق خريجي الثانوي ؟

وشلون طبيعة الشغل هناك ؟

العاني

05-08-2010, 12:08 AM

الله يوفق الوزير بومبارك وانشاء الله خير دام هالرجل موجود

basseL

05-08-2010, 01:53 PM

انا اعمل في وزارة 000-معنية بشوون التنظيفات ايضا - وتقديري ممتاز لعدة سنوات فيها -بعض المسووليين ما يحدد مهامك الوظيفية بعدين يقول -ليش ماتنتج؟؟؟؟؟-وبعضهم يحكم عليك من النظر فقط-وما يشوف شغلك عدل-يبه الموضوع غالبا علاقات وعلاقات واللي ما يحبونه يهوسون عليه00واذا حبيت تعدل في بعض الشغلات ازعلوا 00وحكم القوي على الضعيف موجود-الله المستعان0

كازانوفا

05-08-2010, 01:56 PM

الموضوع كمان شهر بيصير له سنه :) وانتو لليوم مكملينه
سبحان الله ...

عيوني لك

28-09-2010, 12:32 AM

انا بصراحه قدمت اوراقي على وزاره البيئه وصراحه لين الحين ماكلموني وبصراحه كلامكم مايشجع عن هالوزاره وترددت مع العلم اني مو موظفه جديده لا انا طلعت من وزارتي السابقه وابي اقدم على وظيفه وصراحه محتاره ..............

تكفوووون شوروا وش اسوي اسحب اوراقي ؟؟؟؟؟؟قبل لاتوهق وماقدر اطلع
ووين احسن وزاره ورواتبهم اوكي اقدر اقدم فيها ويبون موظفات ؟؟؟؟؟؟

تكفون ردوا علي الله يوفقكم

العضو الماسي

28-09-2010, 08:12 AM

رواتب الثنويه 8100 و الاعداديه 7600 و الابتدائيه 7100

نصيحه اختي لاتقدمين عندهم ماتسوى رواتبهم ولد عمي اشتغل شهرين وفنش وحياتج

وهذي قبل لايخصمون ال400 ريال الى حق صندوق التقاعد

العاني

31-10-2010, 12:56 AM

الله يعين ويوفق الكل