المساعد الشخصي الرقمي

مشاهدة النسخة كاملة : تلفزيون قطر القدوة الحسنه


عزتي سمو ذاتي
22-09-2009, 07:42 PM
السلام عليكم ورحمه الله وبركاته


تنقسم القنوات إلى قنوات خاصة وقنوات دولية ، خاصة لشخص معين تبث مايعبر عن شخصيه صاحبها

أما القناة الدولية هي قناة خاصة بالدولة تعبر عن الدولة وشعبها وتفكيرها وعاداتها وتقاليدها وغيرها من الأمور


يأسفني مانراه الآن في قناة قطر القدوة الحسنة والمعبرة عن شعبها ، مذيعات وممثلات رؤوسهم كأسنمة البخث المائلة


إذا كان المسلسل قطري نرى الممثلات بلبس العباية والموضه وهي نفخه الشعر والبرامج نرى المذيعه وهي تلبس العباية وايضاً نفخه الشعر

اين القدوة الحسنة نحن ننصح ونوبخ بناتنا وخواتنا وصديقاتنا بعدم لبس الشيله بهذه الطريقة والقناة تشجعهم بطرق أخرى للبس العباية والشيلة


هذا عتب بسيط مني لقناة عزيزة تعبر عن دولتي الحبيبة التي لاارضى من يعيب عليها

أتمنى هالموضوع يصل لإدارة التلفزيون وتمنع المذيعات من هذه الطريقة المحرمه شرعاً وجزاكم الله كل خير



في انتظـار آراء الجميع
fandi
22-09-2009, 07:49 PM
يااخوي الله المستعان ولاتخاف بناتنا فيهم الخير وستيرات
قطري زقرت
22-09-2009, 07:52 PM
محد راح يرد عليك انت بس اخوي ردد الكلمة مالت طاش ماطاش
ياليل ماطولك وفالك طيب

لا حياة لمن تنادي
ريماس الغلا
22-09-2009, 07:54 PM
على ويش نعتب ولا نعتب !!


على برامجهم !!


ولا مسلاسلاتهم !!

ولا ولا ولا !!

الحين البرنامج الديني : جايزة المتصل 500 او 800 ريال

وبرنامج الجماهيري المفيد جائزة اي سؤال بدون فائده من السؤال ولا الجواب يوصل الى 40 الف ريال

ويقولون وين يروح خير هالبلاد !!

الله المستعان
عزتي سمو ذاتي
22-09-2009, 07:56 PM
صحيح بناتنا فيهم الخير وستيرات .. بس المفروض تكون قناة قطر قدوة حسنة

قناة تعبر عن البلاد وشعبها وعاداتها وتقاليدها المفروض مانرضى بهالشي
alrheeb2020
22-09-2009, 08:06 PM
لاحول ولا قوة الا بالله

ما باليد حيله ..
عزتي سمو ذاتي
22-09-2009, 08:07 PM
اللهم لا تؤاخذنا بما فعل السفهاء منا

أدري ماأحد بيأخذ بكلامي بس في خاطري وحارقني أعصابي وحبيت اقولكم
ماهر حسن
22-09-2009, 08:07 PM
انا اشوف انه كلمة ما يجوز شرعا ...ما ترد كثيرين عن اعوجاجهم ...فالظاهر الخلفية مش اسلامية

...يعني لا تتعب نفسك...بمعاتبتهم دنينيا .... الاعلام لا يبحث عن موضوع القدوة ...الاعلام راس ماله

المظهر ...انيق وجذاب ...ومودرن ...يعني معاصر ...ومسايرة مواسم الاحتفالات ...ببرامج ومسلسلات

...الاعلام في قطر مشكلته ...لم يدخل مجال الخصخصة ....لذا يعبر عن وجهة نظر آحادية

...لها فكر واحد وممنهج
doha70999
22-09-2009, 09:32 PM
المذيعات مب قطريات ويعتقدون انهم بالمكياج الصارخ والنفخة بالشعر بيجذبون المشاهد....................الشرهة على ادارة التلفزيون اللي للحين عايشين بالعصر الحجري...
BURBERRY
22-09-2009, 09:50 PM
امحق تلفزيون انا حاط عليه x .. يحتاج لتجديد الدماء و يحتاج لمذيعين قطريين و مذيعات قطريات ..

ليش باقي دول الخليج احسن منا ؟؟!! مثلا عندك قنوات دبي و ابوظبي اغلب المذيعين و المذيعات من هل البلاد

تلفزيون قطر حتى برامج عدله ماينتجون .. ماعندهم إلا كم مسلسل و اخبار و باقي الاوقات اغاني و رقص .. يعني مايسون برامج مفيده و اجتماعيه .. مثلا يسون برنامج صباحي و يعرض مثلا سوق واقف و الناس الي يتقهون و يتريقون و يسوين لقاء بسيط .. و كل يوم ينوعون المكان و الموضوع و المذيع لازم قطري
ريماس الغلا
22-09-2009, 09:55 PM
المذيعات مب قطريات ويعتقدون انهم بالمكياج الصارخ والنفخة بالشعر بيجذبون المشاهد....................الشرهة على ادارة التلفزيون اللي للحين عايشين بالعصر الحجري...


اخوي البنات اللي بالتلفزيون مب قطريات ؟؟

الهام بدر مب قطريه ؟

البنت اللي تشتغل في قناة الكأس

اللي تقدم كلام جرايد : مب قطريه ؟؟

صج والله ما اعرف اذا قطريات او لا ... اذا تعرف انت جاوبني

لي رجعــه
عزتي سمو ذاتي
22-09-2009, 11:10 PM
ألهام بدر .. قطرية بس هي مذيعة في الراديو مو التلفزيون

والثانية والله ماأعرفها .. وفي وحدة كوارية للأخبار الجوية

هو صحيح المذيعات موقطريات بس القناة قطرية وتمثلنا والمفروض يكونون مذيعات على مستوى عالي
حتى لويكونون مذيعات اجنبيات بس اللبس والتقديم على مستوى عالي موهالمستوى المتدني بالذات اللبس
شاهيناز
22-09-2009, 11:19 PM
ماتابع تلفزيون قطر
بس تفاجئت وانا في زياره لاحد من هلي كانو حاطين على تلفزيون قطر
المذيعه الي في سوق واقف شكلها استغفر الله

مانقدر نطالعها روج احمر وعدسات الوان
ومكياج طبقااات
وهرم على الراس
ليش لابسه العبايه؟؟؟؟؟؟؟؟


تلفزيون فاقد الهويه يحتاج لزلزال يمكن يعيد له الهويه
doha70999
22-09-2009, 11:33 PM
اخوي البنات اللي بالتلفزيون مب قطريات ؟؟

الهام بدر مب قطريه ؟

البنت اللي تشتغل في قناة الكأس

اللي تقدم كلام جرايد : مب قطريه ؟؟

صج والله ما اعرف اذا قطريات او لا ... اذا تعرف انت جاوبني

لي رجعــه



لوووووووووول الهام البدر كانت مذيعة بالراديو والجزيرة واللي بالكاس بحرينية وليست قطرية وانا اعرفها شخصيا,,,

وانا اتكلم عن اللي في برنامج المنوعات:victory: ارجو انج فهمتي قصدي الحين اللي يعرف اي شي عن قطر ويشوف هالقناة بيقول هذي قطرية@@!
doha70999
22-09-2009, 11:35 PM
امحق تلفزيون انا حاط عليه x .. يحتاج لتجديد الدماء و يحتاج لمذيعين قطريين و مذيعات قطريات ..

ليش باقي دول الخليج احسن منا ؟؟!! مثلا عندك قنوات دبي و ابوظبي اغلب المذيعين و المذيعات من هل البلاد

تلفزيون قطر حتى برامج عدله ماينتجون .. ماعندهم إلا كم مسلسل و اخبار و باقي الاوقات اغاني و رقص .. يعني مايسون برامج مفيده و اجتماعيه .. مثلا يسون برنامج صباحي و يعرض مثلا سوق واقف و الناس الي يتقهون و يتريقون و يسوين لقاء بسيط .. و كل يوم ينوعون المكان و الموضوع و المذيع لازم قطري


على فكرة تلفزيون قطر دربوا كم بنت قطرية بس للأسف البنات طفشواااااااااا من المكان لان المكان يحتاج ان لسانك يكون قوي ويحتاج اللي بعض الغنج =)
ساراام
22-09-2009, 11:41 PM
انااا ماشوفهاااااا واايد

احلى شي قناه الحيوانات والصيد وفك روحك :nice:
nouar
22-09-2009, 11:44 PM
الله يجزاك الخير اخوي


فعلاً كلامك مضبوط بالنسبه للمذيعات والرفع تحت الشيله ...

وبناتنا لما يشوفوا تلفزيون الدوله يسمح للمذيعات يلبسون شيله بو نفخه ..
وثم اكيد راح يلبسونه لانه قدوه مثل تفضلت ..

يا حلاة الشيله بدون نفخه ...
بتكون الواحده على طبيعتها مثل ما سمعت من بعض الاجانب " مسلمه بس اوروبيه ولا امريكيه "
بس الله يهديهم اداري تلفزيون قطر ..
nouar
22-09-2009, 11:47 PM
خوي البنات اللي بالتلفزيون مب قطريات ؟؟

الهام بدر مب قطريه ؟

البنت اللي تشتغل في قناة الكأس

اللي تقدم كلام جرايد : مب قطريه ؟؟

صج والله ما اعرف اذا قطريات او لا ... اذا تعرف انت جاوبني

اختي ريماس هي ايش دخل الجنسيه في الموضوع .. وثاني شي اللي بكون عنده الجنسيه ما بظهرها ..

ومذيعات ومقدمات البرامج من مواليد واهل قطر بس بدون الجنسيه القطريه ..
يعملوا في تلفزيون قطر

بس هذا اللبس شعار القناة

مثل ما لبس البنيه العريان لام متحجبه - معناها انه الام راضيه وهي خاطرها تلبس لبس بنتها
بوخالد2
22-09-2009, 11:54 PM
ليش تستغرب شكلك مارحت المول ولا فيلاجيو في رمضان

علشان اتشووف العجب العجاب

بنات فاصخين الحياء دفه لها دلعه رقم 7 و دفعه مادرى شلوون

والشعر وره تقول حاطه نفاخه فيها ماي :nice:

لاحول ولاقوة الابالله

القنوات ام بي سي و دبي والسعوديه و الكويت وسما دبي

كل القنوات ذي ناقله صلاة التروايح والقيام

الا تلفزيون قطر المجيد :secret:
بوخالد2
22-09-2009, 11:56 PM
اخوي البنات اللي بالتلفزيون مب قطريات ؟؟

الهام بدر مب قطريه ؟

البنت اللي تشتغل في قناة الكأس

اللي تقدم كلام جرايد : مب قطريه ؟؟

صج والله ما اعرف اذا قطريات او لا ... اذا تعرف انت جاوبني

لي رجعــه

شكلج اتكلمين ولا تدرين شي

الهام بدر الساده

وقطريه بس اسباب خلوها اتشيل اسم الساده من التلفزيون :secret:



واذا قطريه ليش ماتسوي كذي

ماعندنا صح ههههههه كلش مافي :tease:
ماهر حسن
22-09-2009, 11:58 PM
ليش تستغرب شكلك مارحت المول ولا فيلاجيو في رمضان

علشان اتشووف العجب العجاب

بنات فاصخين الحياء دفه لها دلعه رقم 7 و دفعه مادرى شلوون

والشعر وره تقول حاطه نفاخه فيها ماي :nice:

لاحول ولاقوة الابالله

القنوات ام بي سي و دبي والسعوديه و الكويت وسما دبي

كل القنوات ذي ناقله صلاة التروايح والقيام

الا تلفزيون قطر المجيد :secret:

:nice::nice::nice::nice::victory:
doha70999
22-09-2009, 11:58 PM
احسن شي يسكرون هالقناة ولايحولونها تاريخية احسن:nice:
عزتي سمو ذاتي
22-09-2009, 11:59 PM
رحت المجمعات وشفت العجب العجاب للأسف لهالدرجة تدنى تفكير بنات قطر

وين الدين والخوف من رب العالمين وين العادات والتقاليد وين الحياء والخجل

على بالهم البنات ان كل هذا جمال وكشخه ورقي وهم اخس خلق الله بشاعه مابعدها بشاعه

كل وحدة تشوفها تقول كأنها ساحـرة والعياذ بالله وينها ووين الجمال هذول مايصلحون حتى يكونون امهات المستقبل



والقهر أن قناة lbc تنقل صلاة التراويح وقناة قطر لا بصراحة شي يعور القلب ويقهر
ماهر حسن
23-09-2009, 12:02 AM
- انا شفت هالظاهرة ...وتفسيرها ...عند البعض ....هاي ايمشي سوق البنات ....
عنيده
23-09-2009, 12:08 AM
اي والله غريب مستوى تلفزيون قطر

خصوصا انها فضائية وحده مو نفس باقي دول الخليج عندهم اكثر من فضائية تمثل الدولة ومتعددة

ودام انها قناة وحيدة المفروض يتركز الجهد على هذي القناة

وقطر مو عجزانه عن ها الشئ
عزتي سمو ذاتي
23-09-2009, 12:10 AM
- انا شفت هالظاهرة ...وتفسيرها ...عند البعض ....هاي ايمشي سوق البنات ....



هالمشكلة أن البعض يشوف بهالطريقة راح يمشي سوقهم :rolleyes2:

الرجال يحب البنت الستيرة المحترمة الخجولة اللي تخاف ربها
الشقيان
23-09-2009, 03:09 AM
اخوي اشتبي من تلفزيون 90 % من الموظفين اجاانب :weeping:

لا تغرك لبست الغتره والعقال :omen2:

والمشكله اسمه تلفزيون قطر يعني لازم العكس الموظفين الي فيه قطريين :(

والله قهر :anger1:

واذا تبيني اقولك قصة اي مذيع او مذيعه من البدايه لين النهاايه :deal:

يمكن تنصدم فيهم:anger2:

واولهم المتصنعه نورا حسن :deal: وطلعتها السريعه في تلفزيون قطر :eek5:
(الفيصل)
23-09-2009, 03:19 AM
يأسفني مانراه الآن في قناة قطر القدوة الحسنة والمعبرة عن شعبها
منذ متى (والقنوات الرسميه) العربيه (بالذات) تعتبر (قدوة) وكذالك(معبره) عن شعبها؟؟؟!!!!!
لم أشهد منذ ظهور التلفزيون حتى الان ذالك
والله المستعان
** شاكر لك غيرتك .. وضع المقال في مقامه ومكانه بارك الله فيك وسوف تجد مبتغاك ان شاء الله
هذلان
23-09-2009, 04:06 AM
السلام عليكم

تلفزيون قطر مصيبته مصيبه . للاسف انه يحمل اسم الدوله .

والخلل واضح وضوح الشمس وهو الناس اصحاب القرار في التلفزيون و توجهاتهم

الحل الوحيد لتلفزيون قطر هو توقف البث و احاله بدون مبالغه ٧٠٪ من الموظفين للتقاعد او النقل الى وظائف اخرى و الـ ٣٠٪ الباقين يكونون تحت المجهر ايضاً . و من ثم معاوده البث بعد اشهر .

تلفزيون قطر مصيبه بمعنى الكلمه ، اتوقع حد بينتقد كلامي بس انا ما اتكلم من فرااغ
منارة الدوحة
24-09-2009, 11:33 PM
حبيت اعقب على كلامكم اولا : انتو تطالبون بمذيعات قطريات بكل امانه مين راح يرضى ان تكون اخته مذيعة او زوجته او بنته ؟؟؟؟؟ غير ذي كله المذيعة لازم تكون متبرجة يستحيل تطلع بدون ميك اب و هذا الحرام بعينه و الفتنة . و ثانيا : و اقولها بكل فخر ان مجتمعنا القطري مجتمع محافظ و لا زال متمسك بعاداته و تقاليده و لله الحمد و ثالثا : كم مره تلفزيون قطر نزل اعلان في الجرايد طالبين مذيعين و مذيعات قطريات و قطريين و بمكافات مجزيه بس اللي عرفته ان محد تقدم ..
عزتي سمو ذاتي
25-09-2009, 12:01 AM
عني أنا شخصياً أختي ماأطالب بمذيعات قطريات

الهدف من موضوعي هو طريقة لبس وطله المذيعات

المفروض تكون المذيعه بزي محترم رسمي بس للأسف اللي نشوف نساء كاسيات عاريات مائلات مميلات ، رؤوسهن كأسنمة البخت المائلة
doha70999
25-09-2009, 01:00 AM
حبيت اعقب على كلامكم اولا : انتو تطالبون بمذيعات قطريات بكل امانه مين راح يرضى ان تكون اخته مذيعة او زوجته او بنته ؟؟؟؟؟ غير ذي كله المذيعة لازم تكون متبرجة يستحيل تطلع بدون ميك اب و هذا الحرام بعينه و الفتنة . و ثانيا : و اقولها بكل فخر ان مجتمعنا القطري مجتمع محافظ و لا زال متمسك بعاداته و تقاليده و لله الحمد و ثالثا : كم مره تلفزيون قطر نزل اعلان في الجرايد طالبين مذيعين و مذيعات قطريات و قطريين و بمكافات مجزيه بس اللي عرفته ان محد تقدم ..

لا في قطريات قدموا بس للأسف طفشوا لان ماعجبهم جو الشغل هناك:rolleyes2:
كيفـي
25-09-2009, 03:10 AM
ملاغة تلفزيون قطر مالها حل..

الله يسلمك هذا التطور اللى يسعى له تلفزيون قطر ورؤيته..
النجلا
25-09-2009, 04:52 AM
اخوي انت قلت ممثلات ومذيعات .. جيب لي وحدة منهم قطرية ..؟ مافي .. كلهم اجآآنب ..

واتوقع كلنا رقم قناة قطر عندنا 1 .. لكن للأسف محد فينا يشوفها او يدري عنها ..
عزتي سمو ذاتي
25-09-2009, 05:23 AM
أختي النجلا .. أنا قلت ممثلات ومذيعات بس ماحددت الجنسية ماقلت قطريات

اللي قصدته سواء قطريات أو غيره اللي يطلعون في التلفزيون لبسهم من عبايه وشيله شلون يكون ؟؟

أنا عندي ماتلبس العباية والشيله احسن من هاللي عاملينه في اعمارهم من مكياج كأنهم سَحر وجبل فوق رأسهم

ياريت الكل يفهم قصدي من الموضوع .. قصدي المفروض يكون التلفزيون قدوة حسنه البنات بيشوفون التلفزيون وبيقلدون فلانه وعلانه
شبعان
25-09-2009, 09:16 AM
خل المسؤلين يتعلمون من قناة دبي + سما دبي , ابوظبي , الوطن الكويتيه... شوفو المواطنين شحالاتهم على الشاشه..
نفس المشكله في قناة الكأس... مادري شسالفة الكأس مع اللبنانيات تراهم تارسين القناه !!!
تواق
25-09-2009, 10:57 AM
على ويش نعتب ولا نعتب !!


على برامجهم !!


ولا مسلاسلاتهم !!

ولا ولا ولا !!

الحين البرنامج الديني : جايزة المتصل 500 او 800 ريال

وبرنامج الجماهيري المفيد جائزة اي سؤال بدون فائده من السؤال ولا الجواب يوصل الى 40 الف ريال

ويقولون وين يروح خير هالبلاد !!

الله المستعان

البرنامج الدييني جوائزه من صندوق الزكاه

والبرنامج الجماهيري من فلوس اللي يبون يشاكون كلهم