الطابور .. وسلوكياتنا

[بنت سيف]

الطابور .. وسلوكياتنا ..


http://www.saifqatar.net/files/5/queue.jpg


من زمن لم اكتب موضوع .. جديد .. بالرغم كثرة الأفكار والأمور التي تحتاج لكتابة .. أو تنفيس عما يدور في الخلد ..

اليوم قررت اكتب عن موضوع يدور في رأسي منذ زمن .. وهو "الطابور .. وسلوكياتنا" ..

فما هي فكرة الطابور ؟؟

يستخدم مصطلح" طابور" .. لمجموعة من الأفراد .. يأخذون صف في ترتيب تدخل فيه الأسبقية .. بمعنى .. لو قررت - على سبيل المثال - الذهاب للسينما .. وتقدمت لشباك التذاكر .. قد تجد أفراد ينتظرون قبلك لشراء التذكرة .. فتقف في الصف .. لتأخذ دورك .. حتى تشتري التذكرة .. الفكرة من الطابور هي حفظ حق الأسبقية في الوصول إلى مكان ما عادة ..

في بعض الأماكن .. تم استبدال الطابور .. بآلة تسحب منها قصاصة ورق عليها رقم تؤكد أسبقية دورك .. وهي تضمن لك دورك حسب ترتيب وصولك لهذا المكان بالدقيقة والثانية .. ونجد مثل هذه الآلات منتشرة كثيراً مؤخرا في العديد من الأماكن مثل العيادات الخارجية بمستشفى حمد .. وكيوتل .. والخطوط القطرية .. والعديد من مؤسسات الدولة مثل الجوازات والمرور .. وغيرها من الأماكن ..
ونجد الجميع ملتزمين بها .. لأن هذه الورقة الصغيرة .. تكفل لك دورك ..

ولكن .. عندما نذهب إلى مكان لا توجد فيه مثل هذه الآلات .. ما هي سلوكياتنا .. ؟

هنا نجد فئتين من الأفراد ..
فئة تحترم الطابور وتأخذ دورها ..
وفئة أخرى لا تلتزم به .. ولا تحترم أسبقية الغير .. الفئة الثانية مزعجة للكثير من أفراد المجتمع .. واقدم لكم الأمثلة التالية .. من سوكيات الفئة الثانية في المجتمع ..

1. في الشوارع .. لماذا يتجاوز البعض من يمنيك .. ولا ينتظر كغيره من السائقين دوره في الإشارة ..؟

2. في المحلات التجارية والأسواق والجمعيات .. لماذا نجد البعض يحاول "التغلغص" في طابور المنتظرين للوصول للكاشيير .. أي محاولة تجاوز غيره ..؟

والعجيب في الموضوع .. أن من يقوم باختراق الطوابير .. في قطر .. يحترمها جداً خارج قطر ..
فنجد من الشخص لا يتجاوز عن اليمين في دول أخرى إذا كان يقود سيارة ..
والأعجب .. أنه ملتزم جداً بطابور الدفع .. في الأسواق خارج قطر ..

هل من رأي يشرح لي هذه المفارقة ..

مع خالص تقديري لكم

بنت سيف

13/9/2009

[مناحي السادس عشر]

والعجيب في الموضوع .. أن من يقوم باختراق الطوابير .. في قطر .. يحترمها جداً خارج قطر ..
فنجد من الشخص لا يتجاوز عن اليمين في دول أخرى إذا كان يقود سيارة ..
والأعجب .. أنه ملتزم جداً بطابور الدفع .. في الأسواق خارج قطر ..



والله هالنقطه في مكانها وكلامج صح
تفسير هالنقطه اعتقد والله اعلم انه دام اني في بلادي فمايهمني من احد(( مع انها غلط))
وفيه تفسير ثاني ان معظم الناس ي قطر سواء مواطن ولا مقيم فيهم ميزة الطيبه والعفو يعني لو واحد جا قدامي في الطابور ممكن اعترض على تصرفه بس بمجرد انه ينطق بكلمة اسف راح انسى تصرفه اللي ماعجبني

[فارس الكلمة]

لا يلتزم بالطابور .. لأن غيره يخترقه .. و إلا اصبح مسكيناً و عبيطاً للأسف ..!!

الوازع يجب أن يكون داخلياً نابعاً من الدين و الوطنية .. بضرورة الألتزام بالنظام و القانون ..

[خليفـة]

يعطيج العافية يا بنت سيف
مووضع فعلا في غاية الحساسية وفعلا اختيار موفق للكتابة عنه .

اذا سمحتي لي .. خليني اذكر شغله تخص الطابور واحترام الطابور حصلت معي بالضبط قبل 45 دقيقه من كتابتي هذه والرد على موضوعج .

المكان : أحد المجمعات التجارية
التفاصيل :
كنت واقف بكل أدب واحترام في طابور على احد المطاعم الشهيرة في هذا المجمع والمعروف بأكله الصحي وزحمة الناس عليه .
وفجأة .. ودون سابق انذار .. اقتربت مني فتاتان في نهاية العشرينيات .. كاشفات طبعا .. كاسيات عاريات .. ورائحة العطر تفوح منهم لدرجة انني كدت ان اعطس .. وعليهم من الميك أب والكريمات ما يدعوا للاستغراب .. وللأمانه : جميلات بمعنى الكلمة .. اقتربوا من المكان الذي اقف فيه على ( أمل ) اني استحي منهم واقول لهم : تفضلوا دشوا .
ولكن .. هيهات هيهات .. صج مالهم أمل .. عطيتهم نظرة حسوا منها ان خطوة وحده زايدة منهم .. العقال بيلعب على ظهورهم .
وبعدها جاوا للشخص الي وراي .. والي طبعا بدورة كان بلوتوثه في حالة جاري البحث .. وقال لهم : تفضلوا المكان مكانكم .
طبعا ردوا عليه : ميرسية .. كلك ذوق .. ودشوا الطابور وما احترموا الي خلف هالعنز الي وراي ولا استأذنوا منهم .
والسبب ان اغلب الي كانوا وراه اجانب ولكنهم نظروا للبنات نظرة فيها من الاستحقار ما يكفي .

انا ما اقول ان الرجال ما يتنازل للمرأة ويوخر لها الطريق .. بالعكس .. انا لما اكون في بنك او مكان عام .. والاقي امرأة محترمة كبيرة محتشمة واقفه بالطابور قد لا أمانع ان اقول لها : تفضلي اختي الكريمة .. خلصي امورج وتوكلي على الله .. طبعا هذا بعد ما استأذن من الناس الي ماسكه الطابور ( من باب الأدب ) .

ولكن مسألة ان تستغل الفتاة جمالها .. وعريها .. لتختصر المسافات على حساب ناس منتظرين مرفوضة بالنسبة لي رفض تام .. وهي لن تكون احسن او افضل من الي واقف في الطابور .. سواء كان رجل او امرأة .

طبعا هناك الكثير من الحالات الشاذة الاخرى الي ما تحترم الطابور .. ولكني ذكرت هالحاله لانها حصلت معاي من فترة بسيطة جدا .

شكرا مرة اخرى لكاتبة الموضوع .. وللمزيد من التقدم ان شاء الله .. وكل عام وانتي بخير .
:)

مالكم أمل

[بنت سيف]

والعجيب في الموضوع .. أن من يقوم باختراق الطوابير .. في قطر .. يحترمها جداً خارج قطر ..
فنجد من الشخص لا يتجاوز عن اليمين في دول أخرى إذا كان يقود سيارة ..
والأعجب .. أنه ملتزم جداً بطابور الدفع .. في الأسواق خارج قطر ..



والله هالنقطه في مكانها وكلامج صح
تفسير هالنقطه اعتقد والله اعلم انه دام اني في بلادي فمايهمني من احد(( مع انها غلط))
وفيه تفسير ثاني ان معظم الناس ي قطر سواء مواطن ولا مقيم فيهم ميزة الطيبه والعفو يعني لو واحد جا قدامي في الطابور ممكن اعترض على تصرفه بس بمجرد انه ينطق بكلمة اسف راح انسى تصرفه اللي ماعجبني

اتفق معاك ..

بالنسبة للنقطة الثانية .. لو حد استأذن مني ويبغي يوقف جدامي في الطابور .. غالبا باقوله تفضل .. لكن اللي وراي .. يتضايق ..
وبالنسبة للسواقة .. عادة .. نطوف اللي يبغي يطوف أمامنا .. إذا طلب .. لكن اللي يجيك بكل قلة ذوق .. بيطوف غصب(ن) عنك ايش تسوي معاه ..

احترام الغير .. وحقوقهم أمر واجب .. والكثير .. ما يدري أن من حقه إنه ياخذ دوره الطبيعي في الطابور .. بدون ما يجدم عليه أحد ..

الله يهدي الجميع ..

تحياتي

بنت سيف

[بنت سيف]

لا يلتزم بالطابور .. لأن غيره يخترقه .. و إلا اصبح مسكيناً و عبيطاً للأسف ..!!

الوازع يجب أن يكون داخلياً نابعاً من الدين و الوطنية .. بضرورة الألتزام بالنظام و القانون ..

معاك حق .. فارس الكلمة ..

الكثير لديهم هذا المفهوم الخاطيء .. دام غيري تصرف غلط .. أنا بعد باقلده .. ولا باطلع انسان غبي ..

التوعية والوزاع الداخلي .. لازم يكون له دور في هذا التصرف ..

ولجمهور المخترقين للطابور .. اقول .. يجب مراعاة حقوق الغير ..

تحياتي

بنت سيف

[hemoud123]

معنى كلمة طابور ( ان من يدخل اولا يخرج اولا )
الحقيقه المؤلمه الي اشوفها انه بدل ان نتعلم من الاجانب احترام الطابور , علمناهم عدم احترام الطابور

موضوعمهم وطرح جميل

[بنت سيف]

يعطيج العافية يا بنت سيف
مووضع فعلا في غاية الحساسية وفعلا اختيار موفق للكتابة عنه .

اذا سمحتي لي .. خليني اذكر شغله تخص الطابور واحترام الطابور حصلت معي بالضبط قبل 45 دقيقه من كتابتي هذه والرد على موضوعج .

المكان : أحد المجمعات التجارية
التفاصيل :
كنت واقف بكل أدب واحترام في طابور على احد المطاعم الشهيرة في هذا المجمع والمعروف بأكله الصحي وزحمة الناس عليه .
وفجأة .. ودون سابق انذار .. اقتربت مني فتاتان في نهاية العشرينيات .. كاشفات طبعا .. كاسيات عاريات .. ورائحة العطر تفوح منهم لدرجة انني كدت ان اعطس .. وعليهم من الميك أب والكريمات ما يدعوا للاستغراب .. وللأمانه : جميلات بمعنى الكلمة .. اقتربوا من المكان الذي اقف فيه على ( أمل ) اني استحي منهم واقول لهم : تفضلوا دشوا .
ولكن .. هيهات هيهات .. صج مالهم أمل .. عطيتهم نظرة حسوا منها ان خطوة وحده زايدة منهم .. العقال بيلعب على ظهورهم .
وبعدها جاوا للشخص الي وراي .. والي طبعا بدورة كان بلوتوثه في حالة جاري البحث .. وقال لهم : تفضلوا المكان مكانكم .
طبعا ردوا عليه : ميرسية .. كلك ذوق .. ودشوا الطابور وما احترموا الي خلف هالعنز الي وراي ولا استأذنوا منهم .
والسبب ان اغلب الي كانوا وراه اجانب ولكنهم نظروا للبنات نظرة فيها من الاستحقار ما يكفي .

انا ما اقول ان الرجال ما يتنازل للمرأة ويوخر لها الطريق .. بالعكس .. انا لما اكون في بنك او مكان عام .. والاقي امرأة محترمة كبيرة محتشمة واقفه بالطابور قد لا أمانع ان اقول لها : تفضلي اختي الكريمة .. خلصي امورج وتوكلي على الله .. طبعا هذا بعد ما استأذن من الناس الي ماسكه الطابور ( من باب الأدب ) .

ولكن مسألة ان تستغل الفتاة جمالها .. وعريها .. لتختصر المسافات على حساب ناس منتظرين مرفوضة بالنسبة لي رفض تام .. وهي لن تكون احسن او افضل من الي واقف في الطابور .. سواء كان رجل او امرأة .

طبعا هناك الكثير من الحالات الشاذة الاخرى الي ما تحترم الطابور .. ولكني ذكرت هالحاله لانها حصلت معاي من فترة بسيطة جدا .

شكرا مرة اخرى لكاتبة الموضوع .. وللمزيد من التقدم ان شاء الله .. وكل عام وانتي بخير .
:)

مالكم أمل

أخوي .. مالكم أمل ..

هذا مثال .. لعدم احترام حقوق الغير في الطابور ..

هالبنتين .. بمنظرهم .. حاولوا يستغلون منظرهم لاختراق الطابور ..

طبعا في نفوس ضعيفة .. مثل الشخص اللي وراك .. وعلى طول ما قصر وفسح لهم المجال ..

احترم .. جداً .. أنك بطريقتك ما سمحت لهم يعدونك .. لسبب بسيط .. هو إنه من غير حقهم تجاوزك .. بمعنى .. المكان مطعم .. ما هو مكان عمل .. ولا طابور مسافريت بتفوتهم الطيارة ..

لو أن .. الكثير .. ما يسمح لمخترقين الطوابير بتجاوزهم .. الكثير بيتعلمون احترام حقوق الغير

شاكرة لك المرور الطيب .. والمثال الحيوي .. على الموضوع

وكل عام وأنت بخير وصحة وسلامة ..

بنت سيف

[بنت سيف]

معنى كلمة طابور ( ان من يدخل اولا يخرج اولا )
الحقيقه المؤلمه الي اشوفها انه بدل ان نتعلم من الاجانب احترام الطابور , علمناهم عدم احترام الطابور

موضوع مهم وطرح جميل

اتفق معاك .. أخي الفاضل ..

للأسف هذه حقيقة .. صارت ملحوظة في كثير من الأماكن ..

احترام الطابور .. هو احترام لحقوقك ..

شاكرة مرورك

بنت سيف

[عابر سبيل]

الحقيقه المؤلمه الي اشوفها انه بدل ان نتعلم من الاجانب احترام الطابور , علمناهم عدم احترام الطابور

موضوعمهم وطرح جميل



تسلمين يا بنت سيف ع الموضوع
و يسلم حمود على هاللفته..

واول شي عيدكم مبارك!

نعم....من الملاحظ...
ان به اجانب يتخطون الطوابير...

و بالذات عند الاشارات..
يعني في المرور....
شوفوا الاشارات اللي بها مسارات للانحراف
(لليسار)....

شوفو بالذات اشارة المانع/التويوتا(الجديده)
للي جاي من الكورنيش و رايح لطريق المطار/الوكره...

و شوفوا بعد اشارات المناصير (الي بعد الحياة بلازا)
بالذات اللي جاي من الفروسية و يبي ايروح
باتجاه الشرق...صوب اسباير و ما حولها او بعدها!

حقيقة....ايموت الواحد كمدا و قهر..
و يرتفع ضغطه من "قليلي الادب و الذوق"...
اللي يأتون خلسة من اقصى اليمين و يحشرون
بسياراتهم امام طوابير السيارات الواقفة
محترمة نفسها في الطوابير!

حقيقة..كل ما اشوف هالمواقف...
اتخيل ان من بيننا اعزكم الله " حمير"!
لا يحترمون الطوابير و الوادم اتي تقف
امامها!

(و اسمحي لي يا بنت سيف
اعرف انك تكرين هالكلمات..
بس ما به اخف منها)


و لاحظنا ان منهم يا بنت سيف من الاجانب...
اللي يحترمونها في بلدانهم..
و يأتي ليدوس عليها عندنا!

هل هي مثل ما يقول اخوي/حمود....
لانهم يكتسبونها من عندنا!

لا و الف لا...

و هنالك اشياء اخرى تُعين على
الزام الناس بالطوابير!؟

[وطن]

الله يعطيج العافية بنت سيف

افتقدت كتاباتج

الصراحة هالموضوع الكلام فيه يطول

ويتعب القلب

وماعندي شي ازيده على كل اللي انذكر

[هتـان قطر]

موضوع رائع بنت سيف كالعادة وما هي غريبة عليك..

الامثلة كثيرة لو بنذكرها وكلها اختراقات لصفوف الطابور..

اتفق مع اخوي مالكم أمل..انا انقهر لما احد يسمح لشخص ما بان يسبقه

في الدور بدون اخذ رأي من خلفه..يا اخي مهب من حقك انك تقدم شخص

جاي توه..على ناس مار عليهم وقت طويل وهم في نار الانتظار..:anger1:

الحين الارقام الاليكترونية سهلت علينا كثير ..والا قبل كنا بالفعل ننقهر

من اللي يصير..


تحياتي لك بنت سيف وعيدك مبارك

[alrheeb2020]

13/9/2009


اهم شي فالموضوع :nice:
:victory::victory:

[بنت سيف]

تسلمين يا بنت سيف ع الموضوع
و يسلم حمود على هاللفته..

واول شي عيدكم مبارك!

نعم....من الملاحظ...
ان به اجانب يتخطون الطوابير...

و بالذات عند الاشارات..
يعني في المرور....
شوفوا الاشارات اللي بها مسارات للانحراف
(لليسار)....

شوفو بالذات اشارة المانع/التويوتا(الجديده)
للي جاي من الكورنيش و رايح لطريق المطار/الوكره...

و شوفوا بعد اشارات المناصير (الي بعد الحياة بلازا)
بالذات اللي جاي من الفروسية و يبي ايروح
باتجاه الشرق...صوب اسباير و ما حولها او بعدها!

حقيقة....ايموت الواحد كمدا و قهر..
و يرتفع ضغطه من "قليلي الادب و الذوق"...
اللي يأتون خلسة من اقصى اليمين و يحشرون
بسياراتهم امام طوابير السيارات الواقفة
محترمة نفسها في الطوابير!

حقيقة..كل ما اشوف هالمواقف...
اتخيل ان من بيننا اعزكم الله " حمير"!
لا يحترمون الطوابير و الوادم اتي تقف
امامها!

(و اسمحي لي يا بنت سيف
اعرف انك تكرين هالكلمات..
بس ما به اخف منها)


و لاحظنا ان منهم يا بنت سيف من الاجانب...
اللي يحترمونها في بلدانهم..
و يأتي ليدوس عليها عندنا!

هل هي مثل ما يقول اخوي/حمود....
لانهم يكتسبونها من عندنا!

لا و الف لا...

و هنالك اشياء اخرى تُعين على
الزام الناس بالطوابير!؟

أخوي عابر سبيل ..

الأجانب .. (من كثرتهم في البلاد) .. صاروا ما يحترمون كثير من الأمور .. الطابور وغير الطابور ..

التجاوز من اليمين .. موضوع يقهر من قلب ..
والكل يعاني منه ..
وبالرغم من وجود الغرامات على هذه المخالفات ..
لازلنا نشوف الموضوع يتكرر كثيرا وبشكل يومي ..

احترام الطابور .. سواء بالالتزام بدور الشخص وحقه وفيه .. أو مراعاة شعور الناس اللي واقفة في الطابور .. امر لابد منه ..

لكن للأسف .. الكثير يفكر بطريقة .. " أنا .. ومن بعدي الطوفان" ..

شاكرو مرورك وإضافتك

بنت سيف

[(الفيصل)]

موضوع جميل ومنسق يابنت سيف
(وليس بغريب على ماعاهدناه بك)
فماشاء الله ولاقوة الا بالله
دعيني أذكر لكم موقف طريف حصل معي في مجمع كارفور قبل رمضان
كنت أقف (مع أهلي) عند المحاسب (الكاشير) (في طابور)
واذا بأحد (الأخوة يدخل أمامي) فسكت عنه (قلت ربما يستأذنني لاحقاً)
وانا مبتسماً له :)
فاذا به يتجاهل الابتسامه (ويصر) على الدخول أمامي وكانت أمراة (الكاشير) ترمقه بنظرة أستغراب (وتأشر له بدوري) ولكن الاخ (قام بدور بطولة الاعمى عن جداره)!!
أيضاً تركته وانا (مبتسم) :)
وماأن هم بحساب أول بضاعته حتى أمسكت (جاريه) عربانته وأرجعته للخلف
وحاسبت عن كل بضاعتي التي كانت (عربانتين ) ولافخر:) وأنا ممسك(بعربانته الصغيره) ومن ثم تركتها
وقلت له وانا ذاهب لحال سبيلي
وانا مبتسم أيضاً :)
هذا درس (احترام الطابور والناس) فلتتعلمه جيداً
والاخ لازال واقفاً (متسمر كما نقول)!!

[بنت سيف]

الله يعطيج العافية بنت سيف

افتقدت كتاباتج

الصراحة هالموضوع الكلام فيه يطول

ويتعب القلب

وماعندي شي ازيده على كل اللي انذكر

ويعافيج وطن ..

تسلمين .. وكتاباتي موجودة .. منها جديد كثير ما مريتي عليه ..

وبالنسبة للموضوع .. هو موضوع متعب لأنه يتسبب في كثير من الإزعاج للكثير منا

وهلا ومرحب

بنت سيف

[بنت سيف]

موضوع رائع بنت سيف كالعادة وما هي غريبة عليك..

الامثلة كثيرة لو بنذكرها وكلها اختراقات لصفوف الطابور..

اتفق مع اخوي مالكم أمل..انا انقهر لما احد يسمح لشخص ما بان يسبقه

في الدور بدون اخذ رأي من خلفه..يا اخي مهب من حقك انك تقدم شخص

جاي توه..على ناس مار عليهم وقت طويل وهم في نار الانتظار..:anger1:

الحين الارقام الاليكترونية سهلت علينا كثير ..والا قبل كنا بالفعل ننقهر

من اللي يصير..


تحياتي لك بنت سيف وعيدك مبارك

تسلمين .. اختي هتان قطر ..

نعم .. المفروض .. محد يسمح لشخص ما يتجاوزه في الطابور .. لما يتسبب فيه من إزعاج لبقية الأفراد الواقفين في الطابور .. وأكيد ظلم .. وتأخير في الوقت ..

ومثل ما ذكرت الأرقام سهلت العملية ونظمتها .. لكن ما تزال هناك بعض الأماكن .. لا يسمح الوضع فيها .. على استخدام الأرقام .. مثل السوبر ماركت .. أكثر شي يقهرني هني حد يدرعم جدامي بدون استئذان ..

شاكرة مرورج .. ومبارك عليج العيد ..

بنت سيف

[بنت سيف]

13/9/2009

اهم شي فالموضوع :nice:
:victory::victory:

المهم إنه عجبك .. :)
وأتمنى إنك تكون فاهم ليش .. بس واضح رأيك


بنت سيف

[hemoud123]

موضوع رائع بنت سيف كالعادة وما هي غريبة عليك..

الامثلة كثيرة لو بنذكرها وكلها اختراقات لصفوف الطابور..

اتفق مع اخوي مالكم أمل..انا انقهر لما احد يسمح لشخص ما بان يسبقه

في الدور بدون اخذ رأي من خلفه..يا اخي مهب من حقك انك تقدم شخص

جاي توه..على ناس مار عليهم وقت طويل وهم في نار الانتظار..:anger1:

الحين الارقام الاليكترونية سهلت علينا كثير ..والا قبل كنا بالفعل ننقهر

من اللي يصير..



خبرج عتيج اختي
في احد المصارف الاسلاميه , اخذت رقم وجلست انتظر دوري , جلس جنبي احد الاخوان, بعد شي اتى واحد من الخارج واتجه نحو الارقام , لكن الاخ اللي جنبي صوت عليه وقام وسلم عليه ودخل يده في مخباه وطلع رقم وعطاه اياه :):)

[بنت سيف]

موضوع جميل ومنسق يابنت سيف
(وليس بغريب على ماعاهدناه بك)
فماشاء الله ولاقوة الا بالله
دعيني أذكر لكم موقف طريف حصل معي في مجمع كارفور قبل رمضان
كنت أقف (مع أهلي) عند المحاسب (الكاشير) (في طابور)
واذا بأحد (الأخوة يدخل أمامي) فسكت عنه (قلت ربما يستأذنني لاحقاً)
وانا مبتسماً له :)
فاذا به يتجاهل الابتسامه (ويصر) على الدخول أمامي وكانت أمراة (الكاشير) ترمقه بنظرة أستغراب (وتأشر له بدوري) ولكن الاخ (قام بدور بطولة الاعمى عن جداره)!!
أيضاً تركته وانا (مبتسم) :)
وماأن هم بحساب أول بضاعته حتى أمسكت (جاريه) عربانته وأرجعته للخلف
وحاسبت عن كل بضاعتي التي كانت (عربانتين ) ولافخر:) وأنا ممسك(بعربانته الصغيره) ومن ثم تركتها
وقلت له وانا ذاهب لحال سبيلي
وانا مبتسم أيضاً :)
هذا درس (احترام الطابور والناس) فلتتعلمه جيداً
والاخ لازال واقفاً (متسمر كما نقول)!!

شكرا الفيصل ..

جزاك الله خير على الكلام الطيب ..

بالنسبة لموقفك .. أحييك عليه .. " أجديت فيه" ..

الكاشيير في السوبر ماركت .. أكثر مكان تحدث فيه التجاوزات ..

وهو شي يحر ويقهر ..

الاستهانة بحقك من قبل هذا الشخص .. أقل ما يقابله .. هو تصرفك .. لأنك صاحب حق .. وواضح أنه لم يفتح فمه .. لأنه يعلم بأنه متجاوز ..

شاكرة مرورك ..

تحياتي

بنت سيف

[بنت سيف]

خبرج عتيج اختي
في احد المصارف الاسلاميه , اخذت رقم وجلست انتظر دوري , جلس جنبي احد الاخوان, بعد شي اتى واحد من الخارج واتجه نحو الارقام , لكن الاخ اللي جنبي صوت عليه وقام وسلم عليه ودخل يده في مخباه وطلع رقم وعطاه اياه :):)

والله أمر محزن .. أخوي

حدث لي نفس الشي في العيادة الخارجية ..

متى .. سيحترم الإنسان .. على أنه كيان .. له حقوق ..

المشكلة أن الشخص المتجاوز .. يمر من أمام الناس .. وكأنه بريء من كل شيء .. وبدون حياء ..

تحياتي

بنت سيف

[(الفيصل)]

شكرا الفيصل ..

جزاك الله خير على الكلام الطيب ..

بالنسبة لموقفك .. أحييك عليه .. " أجديت فيه" ..

الكاشيير في السوبر ماركت .. أكثر مكان تحدث فيه التجاوزات ..

وهو شي يحر ويقهر ..

الاستهانة بحقك من قبل هذا الشخص .. أقل ما يقابله .. هو تصرفك .. لأنك صاحب حق .. وواضح أنه لم يفتح فمه .. لأنه يعلم بأنه متجاوز ..

شاكرة مرورك ..

تحياتي

بنت سيف

ولك بالمثل بارك الله فيك
نعم لم يفتح فمه ولا كلمه حتى (ظهرت منه)
تقول زوجتي في السيارة وهي مستغربه
لماذا سكت عنك (مب غريبه)!!
جاوبتها وقلت :
سكت لأن عربانته صغيره وهو كبير:)
ولو كان صغيراً كعربانته لأحتد النقاش (وكنت مؤهلا له) مهما وصل
والا أشرايك؟؟ !!!
فسكتت زوجتي أيضاً:)
(فكان الموقف سبباً لوصولنا للبيت بسرعه):nice:

[هذلان]

السلام عليكم ... كل عام وانتي و الاعضاء بصحه و سلامه

طلعت اقشر يالفيصل :nice:

مع اني اتوقع ان ابتسامتك هي الي طمعته فيك .. لو محمر العين فيه اتوقع كان مسك الارض :)
بس تصرفك لاغبار عليه

بالنسبه لي صار معاي موقف عكس الي تعرفون

كنت في مكتب الخروجيات الي في المطار (مبنى منفصل عن المطار) و كان زحمه شوي طابورين على شباكين كل شباك فيه شرطي و كل طابور فيه مايقارب ٨ اشخاص
خذت طلب و مسكت الدور شوي ولا داش شاب قطري وقف ويانا و هو متواكل بعدين غير رايه و راح للشرطي كلمه قاله عندي خدامه و طيارتها باقي عليها ١٠ دقايق و انا والله ما اعرف ان الخروجيه تاخذ وقت ظنيت اني اخذها من المطار نفسه . الصدمه ان الشرطي قاله روح وقف في اخر السيد و الي واقفين كلهم مستعجلين حاول معاه بس الشرطي كان اسلوبه جاف جدا جدا و يخلي الواحد يعصب بصراحه كانه مدرس يوبخ طالب . الاخ راح وقف في السيد الي جمبي و انا وراي شخص مصري .. اشرت للشاب قلت له تعال جدامي و استاذنت الي وراي قال عادي ،، كوكته يكلم الي قدامه و كلمه و طوفه . ما اطولها عليكم ماخلص الشخص الاول الي كان الشرطي يخلص معاملته يوم كلمه الشاب اول مره الا اخينا راعي الخدامه واقف اول واحد وراه :nice:
انصدم الشرطي وانحرج،، صار في نص ثيابه

احيانا الواحد لازم يقدر ظروف الاخرين
و مشكوره الشيخه على الموضوع الحلو و المفيد

[الرايــق]

الواحد يجب ان لا يستهين بمن يستخف بالطابور وبالاولوية ..
اذكر مرة وفي احد الزيارات للمملكة وتحديدا للمدينة المنورة..

قلت اروح اشتري كم من غرض بحكم اني بقعد فترة طويلة قبل لا ارجع الدوحة ..
وتحديدا في مجمع "داوود" وقفت انتظر الدور وكان زحمة بشكل كبير جدا
واخيرا وصل دوري للكاشير الا واحد من وراي (من احد الجنسيات العربية ) يزاحمني ويتبلى علي اني ماخذ دوره وهو جاي قبلي والله العظيم انه كان كذاب ولهالسبب ما سكت على المووضوع وحذفته الصوب الثاني
شوي وقبل لا احرك من الكاشير واتوكل على الله والا جاييني واحد من شرطة المشاة الي كانوا بالمركز انا قلت الله يستر
بس قالي اسمحلنا هذا احنا شفناه ولاحظنا كل شي وانه مش ملتزم بالدور ولا تواخذنا وهذول ذمتهم واسعة ومن هالكلام
مسكين صار بمشكلة ثانية والادهى من ذلك كان مع عيلته فشيلة والله

يعني خلاصة الكلام لو كل واحد التزم بالنظام بيوفر على نفسه وعلى غيره كثير من الوقت
ويعطيكم العافية

[(الفيصل)]

طلعت اقشر يالفيصل :nice:

:shy:
والله ياخوي هذلان اخوك وهو صغير يلقبونه(شري بوطير)ما(تحط الذبانه على خشمه):rolleyes2:
(أقشر وشديد) ويشهد الله اني أحاول بقدر الامكان أضبط (هالصرعه) عند الغضب
فكما تعلم
(ليس الشديد بالصرعه ولكن الشديد من يملك نفسه عند الغضب)
** وجزاك خيرا على الموقف الطيب النبيل وقد شاهدت مثله أكثر من مره
وهذه هي صفات المسلم السمح .
أهم شيء الاستئذان (عند الضرورة)
(الضرورات تبيح المحظورات)
تحياتي لك

[الرايــق]

color][/QUOTE]


موضوع جميل ومنسق يابنت سيف
(وليس بغريب على ماعاهدناه بك)
فماشاء الله ولاقوة الا بالله
دعيني أذكر لكم موقف طريف حصل معي في مجمع كارفور قبل رمضان
كنت أقف (مع أهلي) عند المحاسب (الكاشير) (في طابور)
واذا بأحد (الأخوة يدخل أمامي) فسكت عنه (قلت ربما يستأذنني لاحقاً)
وانا مبتسماً له :)
فاذا به يتجاهل الابتسامه (ويصر) على الدخول أمامي وكانت أمراة (الكاشير) ترمقه بنظرة أستغراب (وتأشر له بدوري) ولكن الاخ (قام بدور بطولة الاعمى عن جداره)!!
أيضاً تركته وانا (مبتسم) :)
وماأن هم بحساب أول بضاعته حتى أمسكت (جاريه) عربانته وأرجعته للخلف
وحاسبت عن كل بضاعتي التي كانت (عربانتين ) ولافخر:) وأنا ممسك(بعربانته الصغيره) ومن ثم تركتها
وقلت له وانا ذاهب لحال سبيلي
وانا مبتسم أيضاً :)
هذا درس (احترام الطابور والناس) فلتتعلمه جيداً
والاخ لازال واقفاً (متسمر كما نقول)!!

تخوف يالفيصل :rolleyes2:

[(الفيصل)]

color]

تخوف يالفيصل :rolleyes2:[/QUOTE]


مخافة الله
أعظم

[الرايــق]

تخوف يالفيصل :rolleyes2:


مخافة الله
أعظم[/quote]

ونعم بالله العلي العظيم

[هذلان]

عندي و عندك خير يالفيصل .. حاولت اني اتعوذ من الشيطان عند الغضب و اقرا اي شي من القران و استغفر . و هو شي نفعني بلا شك ،، لكن احيانا اهدا خارجيا و اطبخ من داخلي :weeping:

[امل الحب]

تسلمين اختي بنت السيف عالموضوع المهم..

وتأكدي حتى وجود الارقام بعض الاحيان ماينفع ..

كنت مراجعة في العيادات الخارجية "المسائية" ونادوا اسمي ورحت بعد طول انتظار .. الا اشوف وحدة داخل سالتها كم الرقم ؟ لقيتها بعدي برقمين:rolleyes2:

فقلت لها رقمي ... فقالت انتظري لين اخلص ومن سبق لبق :rolleyes2:.. قلت لها ماما .. تراني هني من 5ونص والحين الساعة 9 ودوري قبلج .. قالت اقولج انتظري برا :rolleyes2:.. ووقف معاها الممرض وقال خلاص هي دخلت انتظري برا .. :rolleyes2:

قلت له انت تنعز عن طريجي :anger1:لا ابتلي فيك اليوم .. وانتظرت الدكتور والدكتور لاتعليق الله لايبلانا .. فدخلت وبصراحة يمكن كان تصرف طايش ولكن مسكتها من طرف عباتها وقلت لها انتظري برا .. حشمتج ماحشمتي نفسج وانا ماعندي استعداد اتعامل مع حوش ماتعلموا الاحترام..ومافتحت حلجها بكلمة والا كان صار وضعها فالطواري من كثر مافلتت اعصابي منها ومن طريقة الكلام الغير محترمة ..

يعني انا ماحبيت تصرفي بس بكل جرأة تقولي انتظري برا .. يعني المفروض يكون في احترام للدور .. وخصوصا لما تشوف الشخص تعبان "ماقصد التعب المرض" ولكن التعب اني اشبك صباحي لين مساي وانا برا البيت دون راحة هالشي يخلي الشخص يطلع من اعصابه وتلاقي شخص جاي على سعة وراحة خلاص يعني لاتسببون مشاكل حق نفسكم وخاصة اذا الدكتور ياخذ فوق النص ساعة مع كل مريض..

وبشكل عاام انا ماقبل فكرة ان حد يتجاوز الكيو .. مثلا يجي واحد والي قدامي يدخله دون استئذان مني .. مستحيييييل حاله حالي لاني ماسوي هالحركة واتجاوز :)

[!الشايمه!]

نفتقد ثقافة الطابور......وكثير من الامور
بسبب افتقادنا.......لثقافة احترام حقوق الغير....لما احترم حق اللي قدامي
الشئ الطبيعي...ان المقابل يتعامل بالمثل ويحترم حقي...

ولكن للأسف...لا نرى هذا في التعدي على حقوق الغير في الطابور
فقط........ولكن نراه في امور كثيره....

يمكن المشكلة...اننا نتعلم من الصغر...ثقافة نفسي...نفسي.......!



ومباركن عيدج يابنت سيف :)

تحية

[عابر سبيل]

سؤال طرا علي الحين اختي بنت سيف...
لما شفت هالردود الطيبه والتفاعل الثري...

و الكل ايعاني من هالمشكله...

س) هل توجد معاناة مماثلة في الكيو او الطوابير الخاصة بالمنتديات؟

يعني...فيه ناس (و انتي محشومه يا بنت سيف)

لما يكتبون مواضيع و يبدؤون الناس
في الرد عليهم ...يتعمدون انهم
(و بدون اعتذار او تبرير) ايشقحون في ردودهم...
تحصلينهم ايردون عليج انتي مثلا يا بنت سيف
و ايشقحون رد الشخص اللي تعنى و كتب
و شارك بالموضوع قبلج!!!؟.

شتسمين هالشي..
هل هو ايضا يندرج في رايج تحت بند
"فقدان ثقافة الطابور"
او حتى فقدان لاحترام "حقوق الغير"!.

هل فيه من يعتبر هذي معاناة..
و الا انا وحدي اللي ملاحظ
او حساس من هالشي!

[!الشايمه!]

:) في ناس المفروض ابدا ابدا....مايلتقون في اي
طوابير تخطر لهم على بال....

بعدين هذي قوانين النخبة....افتقاد ثقافة احترام حق الغير<< والله الدنيا تعلم :)


تحية

[بنت سيف]

ولك بالمثل بارك الله فيك
نعم لم يفتح فمه ولا كلمه حتى (ظهرت منه)
تقول زوجتي في السيارة وهي مستغربه
لماذا سكت عنك (مب غريبه)!!
جاوبتها وقلت :
سكت لأن عربانته صغيره وهو كبير:)
ولو كان صغيراً كعربانته لأحتد النقاش (وكنت مؤهلا له) مهما وصل
والا أشرايك؟؟ !!!
فسكتت زوجتي أيضاً:)
(فكان الموقف سبباً لوصولنا للبيت بسرعه):nice:


ما يقدر يقول شيء

عارف إن الغلط راكبه من ساسه لراسه ..


:shy:
والله ياخوي هذلان اخوك وهو صغير يلقبونه(شري بوطير)ما(تحط الذبانه على خشمه):rolleyes2:
(أقشر وشديد) ويشهد الله اني أحاول بقدر الامكان أضبط (هالصرعه) عند الغضب
فكما تعلم
(ليس الشديد بالصرعه ولكن الشديد من يملك نفسه عند الغضب)
** وجزاك خيرا على الموقف الطيب النبيل وقد شاهدت مثله أكثر من مره
وهذه هي صفات المسلم السمح .
أهم شيء الاستئذان (عند الضرورة)
(الضرورات تبيح المحظورات)
تحياتي لك

نعم الاستئذان .. له دور .. ولكن بموافقة المعنيين في الطابور .. وهذا ما سواه أخونا هذلان .. جزاه الله خير ..


تخوف يالفيصل :rolleyes2:



مخافة الله
أعظم



الخوف من الله .. أمر يدعو لتقاته .. سبحانه

شاكرة مشاركاتك الفيصل .. هلا ومرحب

بنت سيف

[بنت سيف]

السلام عليكم ... كل عام وانتي و الاعضاء بصحه و سلامه

طلعت اقشر يالفيصل :nice:

مع اني اتوقع ان ابتسامتك هي الي طمعته فيك .. لو محمر العين فيه اتوقع كان مسك الارض :)
بس تصرفك لاغبار عليه

بالنسبه لي صار معاي موقف عكس الي تعرفون

كنت في مكتب الخروجيات الي في المطار (مبنى منفصل عن المطار) و كان زحمه شوي طابورين على شباكين كل شباك فيه شرطي و كل طابور فيه مايقارب ٨ اشخاص
خذت طلب و مسكت الدور شوي ولا داش شاب قطري وقف ويانا و هو متواكل بعدين غير رايه و راح للشرطي كلمه قاله عندي خدامه و طيارتها باقي عليها ١٠ دقايق و انا والله ما اعرف ان الخروجيه تاخذ وقت ظنيت اني اخذها من المطار نفسه . الصدمه ان الشرطي قاله روح وقف في اخر السيد و الي واقفين كلهم مستعجلين حاول معاه بس الشرطي كان اسلوبه جاف جدا جدا و يخلي الواحد يعصب بصراحه كانه مدرس يوبخ طالب . الاخ راح وقف في السيد الي جمبي و انا وراي شخص مصري .. اشرت للشاب قلت له تعال جدامي و استاذنت الي وراي قال عادي ،، كوكته يكلم الي قدامه و كلمه و طوفه . ما اطولها عليكم ماخلص الشخص الاول الي كان الشرطي يخلص معاملته يوم كلمه الشاب اول مره الا اخينا راعي الخدامه واقف اول واحد وراه :nice:
انصدم الشرطي وانحرج،، صار في نص ثيابه

احيانا الواحد لازم يقدر ظروف الاخرين
و مشكوره الشيخه على الموضوع الحلو و المفيد

أهلا هذلان ..

تصرف .. حقاني .. منك ..

إنك احترمت اللي وراك .. واستئذنت منه .. وأنت تطوف الشخص جدامك .. أمر راقي بالفعل ..

لكن هنا احنا ناخذ في الاعتبار .. إن هذا الشخص عنده ضرورة .. وواضحة للجميع .. مب يبغي يصير في أول الصف والسلام ..


عندي و عندك خير يالفيصل .. حاولت اني اتعوذ من الشيطان عند الغضب و اقرا اي شي من القران و استغفر . و هو شي نفعني بلا شك ،، لكن احيانا اهدا خارجيا و اطبخ من داخلي :weeping:

الهدوء في هذه المواقف مطلوب .. والتصرف بحكمه .. حتى ما يروح على الواحد حقه ..

شكرا لمرورك الطيب .. ومشاركتنا خبرتك .. واللي فيها درس طيب أيضا ..

تحياتي

بنت سيف

[بنت سيف]

الواحد يجب ان لا يستهين بمن يستخف بالطابور وبالاولوية ..
اذكر مرة وفي احد الزيارات للمملكة وتحديدا للمدينة المنورة..

قلت اروح اشتري كم من غرض بحكم اني بقعد فترة طويلة قبل لا ارجع الدوحة ..
وتحديدا في مجمع "داوود" وقفت انتظر الدور وكان زحمة بشكل كبير جدا
واخيرا وصل دوري للكاشير الا واحد من وراي (من احد الجنسيات العربية ) يزاحمني ويتبلى علي اني ماخذ دوره وهو جاي قبلي والله العظيم انه كان كذاب ولهالسبب ما سكت على المووضوع وحذفته الصوب الثاني
شوي وقبل لا احرك من الكاشير واتوكل على الله والا جاييني واحد من شرطة المشاة الي كانوا بالمركز انا قلت الله يستر
بس قالي اسمحلنا هذا احنا شفناه ولاحظنا كل شي وانه مش ملتزم بالدور ولا تواخذنا وهذول ذمتهم واسعة ومن هالكلام
مسكين صار بمشكلة ثانية والادهى من ذلك كان مع عيلته فشيلة والله

يعني خلاصة الكلام لو كل واحد التزم بالنظام بيوفر على نفسه وعلى غيره كثير من الوقت
ويعطيكم العافية

اشكرك الرايق .. على مشاركتنا بتجربتك ..

الصراحة فيه وايد ناس من هالنوع .. لكن .. الله ياخذ الحق ..

والحمدلله إن الأمور كانت واضحة ..

وتمسكك في موقفك هو الصح ..



تخوف يالفيصل :rolleyes2:


ما يخوف .. بالعكس .. تصرف عقلاني .. وحكيم

وزين سوى فيه ..



مخافة الله
أعظم

ونعم بالله العلي العظيم

نعم .. ونعم بالله العلي العظيم ..


بنت سيف

[بنت سيف]

تسلمين اختي بنت السيف عالموضوع المهم..

وتأكدي حتى وجود الارقام بعض الاحيان ماينفع ..

كنت مراجعة في العيادات الخارجية "المسائية" ونادوا اسمي ورحت بعد طول انتظار .. الا اشوف وحدة داخل سالتها كم الرقم ؟ لقيتها بعدي برقمين:rolleyes2:

فقلت لها رقمي ... فقالت انتظري لين اخلص ومن سبق لبق :rolleyes2:.. قلت لها ماما .. تراني هني من 5ونص والحين الساعة 9 ودوري قبلج .. قالت اقولج انتظري برا :rolleyes2:.. ووقف معاها الممرض وقال خلاص هي دخلت انتظري برا .. :rolleyes2:

قلت له انت تنعز عن طريجي :anger1:لا ابتلي فيك اليوم .. وانتظرت الدكتور والدكتور لاتعليق الله لايبلانا .. فدخلت وبصراحة يمكن كان تصرف طايش ولكن مسكتها من طرف عباتها وقلت لها انتظري برا .. حشمتج ماحشمتي نفسج وانا ماعندي استعداد اتعامل مع حوش ماتعلموا الاحترام..ومافتحت حلجها بكلمة والا كان صار وضعها فالطواري من كثر مافلتت اعصابي منها ومن طريقة الكلام الغير محترمة ..

يعني انا ماحبيت تصرفي بس بكل جرأة تقولي انتظري برا .. يعني المفروض يكون في احترام للدور .. وخصوصا لما تشوف الشخص تعبان "ماقصد التعب المرض" ولكن التعب اني اشبك صباحي لين مساي وانا برا البيت دون راحة هالشي يخلي الشخص يطلع من اعصابه وتلاقي شخص جاي على سعة وراحة خلاص يعني لاتسببون مشاكل حق نفسكم وخاصة اذا الدكتور ياخذ فوق النص ساعة مع كل مريض..

وبشكل عاام انا ماقبل فكرة ان حد يتجاوز الكيو .. مثلا يجي واحد والي قدامي يدخله دون استئذان مني .. مستحيييييل حاله حالي لاني ماسوي هالحركة واتجاوز :)

أهلا عزيزتي .. أمل الحب ..

العيادات الخارجية .. دايما فيها هالحالات .. وتصير بشكل دائم ..

لكن أنتي جرئية جداً ..

اللي ما حبيته .. إنج اضطريتي .. لاستخدام أسلوب .. ضايقج أنتي فيما بعد ..

ساعات الواحد يكون مضطر .. أدري ..

لكن كان أفضل لو طلعتيها .. برفق .. علشان إحساسج يكون كامل .. في الحق ..

..

المهم .. حتى بالأرقام .. الطابور .. غير محترم .. في بعض الأماكن ..

الله المستعان ..

شكرا لعرض تجربتج علينا ..

تحياتي

بنت سيف

[بنت سيف]

نفتقد ثقافة الطابور......وكثير من الامور
بسبب افتقادنا.......لثقافة احترام حقوق الغير....لما احترم حق اللي قدامي
الشئ الطبيعي...ان المقابل يتعامل بالمثل ويحترم حقي...

ولكن للأسف...لا نرى هذا في التعدي على حقوق الغير في الطابور
فقط........ولكن نراه في امور كثيره....

يمكن المشكلة...اننا نتعلم من الصغر...ثقافة نفسي...نفسي.......!



ومباركن عيدج يابنت سيف :)

تحية

الشايمة .. اختي العزيزة ..

والعيد مبارك عليج ..

كلامج سليم 100% ..

كثير منا عايش في ثقافة خاطئة .. "ثقافة .. نفسي ثم نفسي"

عدم معرفة الحقوق والواجبات (اتجاه الغير) .. هو اللي وصلنا لهذا الحال ..

والتعدي على الحقوق .. صار أمر عادي .. وغير العادي إن الشخص يعترض ..


:) في ناس المفروض ابدا ابدا....مايلتقون في اي
طوابير تخطر لهم على بال....

بعدين هذي قوانين النخبة....افتقاد ثقافة احترام حق الغير<< والله الدنيا تعلم :)

تحية

لكن هذا قانون الطبيعة ..

تلاقي الناس اللي ما تتوقع وجودهم في الطوابير ..

تحياتي لج

بنت سيف

[بنت سيف]

سؤال طرا علي الحين اختي بنت سيف...
لما شفت هالردود الطيبه والتفاعل الثري...

و الكل ايعاني من هالمشكله...

س) هل توجد معاناة مماثلة في الكيو او الطوابير الخاصة بالمنتديات؟

يعني...فيه ناس (و انتي محشومه يا بنت سيف)

لما يكتبون مواضيع و يبدؤون الناس
في الرد عليهم ...يتعمدون انهم
(و بدون اعتذار او تبرير) ايشقحون في ردودهم...
تحصلينهم ايردون عليج انتي مثلا يا بنت سيف
و ايشقحون رد الشخص اللي تعنى و كتب
و شارك بالموضوع قبلج!!!؟.

شتسمين هالشي..
هل هو ايضا يندرج في رايج تحت بند
"فقدان ثقافة الطابور"
او حتى فقدان لاحترام "حقوق الغير"!.

هل فيه من يعتبر هذي معاناة..
و الا انا وحدي اللي ملاحظ
او حساس من هالشي!


عابر سبيل .. أخوي الفاضل

هذا السلوك .. ماله علاقة بالطابور ..

ويبغي له موضوع منفصل ..

باختصار ..

لكن له علاقة بقلة الذوق .. والأدب

تحياتي


بنت سيف

[شويهينــه]

بنت سيف ماشاء الله موضوعج حلو وتفاعل الاعضاء احلى

اولا عيدج مبارك

وبالنسبه للموضوع انا اشوف ان في الابور يبين معدن الانسان الاصلي وشنو متربي عليه

يعني لو هو تربى انه يحترم غيره ويحترم الوقت بيوقف في الطابور حاله حال غيره

لكن لو كان قليل ادب (مع احترامي للكل) مابيهمه طابور ولا يهمه احد من اللي ماسك الطابور

وجزاك الله خير مره ثانيه عالموضوع

[بنت سيف]

بنت سيف ماشاء الله موضوعج حلو وتفاعل الاعضاء احلى

اولا عيدج مبارك

وبالنسبه للموضوع انا اشوف ان في الابور يبين معدن الانسان الاصلي وشنو متربي عليه

يعني لو هو تربى انه يحترم غيره ويحترم الوقت بيوقف في الطابور حاله حال غيره

لكن لو كان قليل ادب (مع احترامي للكل) مابيهمه طابور ولا يهمه احد من اللي ماسك الطابور

وجزاك الله خير مره ثانيه عالموضوع

شويهينه .. أختي الكريمة ..

أكيد التربية لها دور ..

فتعلم احترام الآخرين .. أمر مهم جداً ..

ولكن للأسف الكثير من الأطفال تربوا على أنانية مطلقة .. تنمو معهم ..

والأنانية تدفع بالكثير .. لعدم احترام حقوق الآخرين .. سواء في الطابور ..

أو غير الطابور ..

شاكرة مرورج

تحياتي

بنت سيف

[ضوى]

اختي الفاضلة بنت سيف

الطابور يعني نظام يعني تناسق وهذا الشئ انا اعشقه بشكل ماتتخيلينه لاني تربيت عليه وربيت عيالي عليه والحمد لله رب العالمين بس اختي الفاضلة لو انتي واقفة بالطابور والطابور اصلا مش منسق ولا مرتب وناس هنا وناس هنا شبتسوين ؟؟ بكل صراحة وصدق صار لي هالموقف اكثر من مرة واللي يصير اني اقطع الطابور واطلع واقول عني ماخلصت شغلي ماحب هالطريقة وهالفوضى تجنني ، ونفس الشئ لعيالي لو واقفة بوسط العاب او لاي شئ اخر اترك كل شئ واخذهم واطلع لاني واحدة نظامية واحب النظام

صعب اللي تعود على شئ وتربى عليه يخالفه ن وبالفعل اصحابنا الفوضوين تلقينهم بالدول الاوربية مافي احسن منهم في النظام والاحترام صج تناقض كبير في سلوكهم واخلاقياتهم ومبادئهم هنا وفي الخارج

تحياتي لج غاليتي

[بنت سيف]

اختي الفاضلة بنت سيف

الطابور يعني نظام يعني تناسق وهذا الشئ انا اعشقه بشكل ماتتخيلينه لاني تربيت عليه وربيت عيالي عليه والحمد لله رب العالمين بس اختي الفاضلة لو انتي واقفة بالطابور والطابور اصلا مش منسق ولا مرتب وناس هنا وناس هنا شبتسوين ؟؟ بكل صراحة وصدق صار لي هالموقف اكثر من مرة واللي يصير اني اقطع الطابور واطلع واقول عني ماخلصت شغلي ماحب هالطريقة وهالفوضى تجنني ، ونفس الشئ لعيالي لو واقفة بوسط العاب او لاي شئ اخر اترك كل شئ واخذهم واطلع لاني واحدة نظامية واحب النظام

صعب اللي تعود على شئ وتربى عليه يخالفه ن وبالفعل اصحابنا الفوضوين تلقينهم بالدول الاوربية مافي احسن منهم في النظام والاحترام صج تناقض كبير في سلوكهم واخلاقياتهم ومبادئهم هنا وفي الخارج

تحياتي لج غاليتي


أختى ضوى ..

عرضتي المشكلة .. بعينها ..

هذا اللي نعاني منه .. إن الناس الواقفة في الطابور .. يدخل عليهم ناس ما يحترمون الغير ولا الطابور ..

والنتيجة .. أما تتركين الطابور لأنج ما تتحملين الفوضى
وأما تدخلين في مشاداة مع الغير .. على حساب أعصابج ..

وما تزال .. ثقافة احترام الطابور غير موجودة .. عندنا ..

وما زال الحل غائبا ..

ساعات نقول .. التوعية .. هي الحل .. بس أشك إن التوعية غير موجودة .. الكل واعي وعارف .. إن الدور واحترام هو حفظ لحقه وحقوق الآخرين ..

لكن الممارسة شيء ثاني .. وخاصة لما يقول .. أنا أدري بالدور .. لكن .. باحاول ادش قبل الناس ..

تفسيري الوحيد .. هو عدم احترام الغير ..

تحياتي لج

بنت سيف

[بوحارب]

صباح الخير بنت سيف ( والنعم )

امس كنت في الاند مارك

ورحت صوب الألعاب اشتري قطع معدنية للألعاب لأنه الكتكوته اللي عندي تبي تلعب:protest:

المهم

وانه واقف بكل احترام انطر دوري لأوصل للكاشير الا اشوف الغبره قاااامت

قربف قربف قربف :omg::eek5::omg:

2 شباب صغار متهاوشين والسبب انه الاول جى قدام الثاني وما مسك سيد :mad:

قلت حق الحريم وخروا شوي وفرقت بينهم بكل لطف :waiting:


الظاهر انهم محتاجين يقرون هالموضوع حتى يلتزمون بالطابووووور:)

اشكرج على الموضوع الجميل وتسلم الأنامل على ما خطته هنا وفي انتظار جديدج

[بنت سيف]

صباح الخير بنت سيف ( والنعم )

امس كنت في الاند مارك

ورحت صوب الألعاب اشتري قطع معدنية للألعاب لأنه الكتكوته اللي عندي تبي تلعب:protest:

المهم

وانه واقف بكل احترام انطر دوري لأوصل للكاشير الا اشوف الغبره قاااامت

قربف قربف قربف :omg::eek5::omg:

2 شباب صغار متهاوشين والسبب انه الاول جى قدام الثاني وما مسك سيد :mad:

قلت حق الحريم وخروا شوي وفرقت بينهم بكل لطف :waiting:


الظاهر انهم محتاجين يقرون هالموضوع حتى يلتزمون بالطابووووور:)

اشكرج على الموضوع الجميل وتسلم الأنامل على ما خطته هنا وفي انتظار جديدج

بوحارب

جزاك الله خير إنك فججت الهوشة ..

ومفهوم الطابور .. شوي مطموسة معالمة عندهم أو عند واحد منهم على الأقل .. ولا ما تهاوشوا

الله يهدي الجميع ...

الشكر لك على المرور والإطراء الطيب


بنت سيف

[الجني]

يحكى انا موشي ديان وزير دفاع الكيان الصهيوني السابق قال

"سوف اخاف من العرب اذا وقفوا في الطابور"

فلا خوف اذا في الوقت الحالي

شكراً على الموضوع اختي

[بنت سيف]

يحكى انا موشي ديان وزير دفاع الكيان الصهيوني السابق قال

"سوف اخاف من العرب اذا وقفوا في الطابور"

فلا خوف اذا في الوقت الحالي

شكراً على الموضوع اختي

شفت .. يالجني ..

مزايا الطابور ..

ياليت قومي يعلمون


تحياتي

بنت سيف