المساعد الشخصي الرقمي

مشاهدة النسخة كاملة : بخصوص مواقف سوق واقف الجديدة + سؤال عن البوابة الجديدة


ولد النصر
23-09-2009, 01:44 AM
السلام عليكم


عندي ملاحظة بسيطة عن مواقف السوق الجديدة الله يعين الجميع عليها


مواقف صغيرة جدآ الدخول والخروج منها صعب للغاية وكل موقف اصغر من الثاني

سؤال حبيت اعرف اجابتة ..

اخو رفيجي راح السوق قبل يومين المهم دخل عبر البوابة الجديدة وخذ لة الرقم المتعارف علية عند البوابة المهم على قولتة يقول صف في المواقف الي تكون مقابلة الشارع المقابل لمركز العاصمة القديم قريب الاشارات المهم صف موترة ودخل السوق تقضى مقاضية وخلص وهو طالع المفروض يطلع من بوابة الخروج ويدفع حساب الموقف الرجال ايش سوى ركب الرصيف الي قدامة اللي يطلعك على الاشارة على طول بدون ماينتبة انة لازم يطلع من بوابة الخروج


السؤال هنا ..

هل بيتحاسب عليها وإلا عادي ؟

هل إذا رجع مرة ثانية للسوق بيحاسبونة ؟

وسؤالي الاخير لادارة السوق هل هي انتبهت لهذة المواقف ام هل ستضع حواجز في المستقبل لتلافي هذا الامر ولي ضبط الهاربين ؟
صاروخ
23-09-2009, 01:51 AM
فيه كاميرات أمنية و مراقبة موزعة على المواقف (( مخالفة على طوووووول ))
سماء الرياض
23-09-2009, 01:53 AM
ان شاء الله الاعضاء يفيدونك
GULFSUN
23-09-2009, 02:03 AM
السلام عليكم

ايش سوى ركب الرصيف الي قدامة اللي يطلعك على الاشارة على طول بدون ماينتبة انة لازم يطلع من بوابة الخروج ؟

عليكم السلام

حلوة مانتبة انة لازم يطلع من بوابة الخروج وركب الرصيف :)

مادام دش من البوابة فية كيمره عند جهاز تذاكر الدخول تصور وجه السيارة وتحفظ الرقم مع التوقيت والتاريخ مثل كيمرات مواقف المطار وحديقة سباير.

ومادام ماخرج مع البوابة , النظام يعتبرة للحين في المواقف والعداد شغال
وموبعيدة يرسل رقم السيارة للمرور وبيدفع مع التجديد وهو يضحك :weeping:
الرايــق
23-09-2009, 02:32 AM
لو انا مكانه بركب رصيف وبدخل المواقف
وبطلع من البوابة هالمرة ..

ومعوض خييير

:d
الرايــق
23-09-2009, 02:34 AM
على فكرة ماحد انتبه ليش اخو رفيجك ركب الرصيف
انا باعتقداي لان تصميم المواقف غيييير مناسب بالمرة خصوصا لو كان في زحمة ..
حتى مدخل البوابة ضييق
والله المستعان
H A S S A N
23-09-2009, 11:26 AM
صحيح الخروج زحمه مب نفس الدخول

الحين المشكله انا بقص تذكره وبدخل المواقف المفروض انه تكون في مواقف فاضيه بس الي صاير انك ماتحصل موقف
لازم يكون في سستم يبين اذا في مواقف متوفره ولا لا مب انا ادش واقعد ادور موقف واخر شي ماحصل و ادفع وانا ماستفدت من المواقف
راشد محمد
23-09-2009, 12:21 PM
صحيح الخروج زحمه مب نفس الدخول

الحين المشكله انا بقص تذكره وبدخل المواقف المفروض انه تكون في مواقف فاضيه بس الي صاير انك ماتحصل موقف
لازم يكون في سستم يبين اذا في مواقف متوفره ولا لا مب انا ادش واقعد ادور موقف واخر شي ماحصل و ادفع وانا ماستفدت من المواقف

كلامك عين العقل وانا اتفق معاك
..er..
23-09-2009, 12:23 PM
صحيح الخروج زحمه مب نفس الدخول

الحين المشكله انا بقص تذكره وبدخل المواقف المفروض انه تكون في مواقف فاضيه بس الي صاير انك ماتحصل موقف
لازم يكون في سستم يبين اذا في مواقف متوفره ولا لا مب انا ادش واقعد ادور موقف واخر شي ماحصل و ادفع وانا ماستفدت من المواقف



:nice:


للأسف صار لي امس وتميت افتر 14 دقيقه :weeping:

وطلعت ودفعت :rolleyes2:
راعي البيرق
23-09-2009, 12:36 PM
لو انا مكانه بركب رصيف وبدخل المواقف
وبطلع من البوابة هالمرة ..

ومعوض خييير

:d

واللي يقول لك انه صارت هالحركة قدامي لا ودوريات امنية بعد مسويتها (( فزعه ))
Q1933
23-09-2009, 03:39 PM
انا خاطري افهم شي واحد لييييييييييييييييش كل شي غلط عندنا ومش مدروس عدل ومن كل النواحي
شوارع _ قوانين المرور_ الاجارات __المدارس _الشرطه ضد المواطن _وغير وغير
وحيد-الشوق
23-09-2009, 08:03 PM
صحيح الخروج زحمه مب نفس الدخول

الحين المشكله انا بقص تذكره وبدخل المواقف المفروض انه تكون في مواقف فاضيه بس الي صاير انك ماتحصل موقف
لازم يكون في سستم يبين اذا في مواقف متوفره ولا لا مب انا ادش واقعد ادور موقف واخر شي ماحصل و ادفع وانا ماستفدت من المواقف

صادق والله

الواحد يدفع ويقعد يحوس ومايلاقي موقف عيل ليش داش السوق !!! :anger1:

مايعرفون يسوون شيء عدل ولا بالذمه هذي مواقف شكلها حقت سيارات البزران ضيقه وماتقدر تصف عدل :tease:


انا خاطري افهم شي واحد لييييييييييييييييش كل شي غلط عندنا ومش مدروس عدل ومن كل النواحي
شوارع _ قوانين المرور_ الاجارات __المدارس _الشرطه ضد المواطن _وغير وغير

هههههههههه نفس الكلام الي في قلبي :nice:

خلها على الله بس :weeping:
Riku3
23-09-2009, 09:54 PM
اوكي انا دخلت في اليوم الاول من تطبيق النظام في رمضان واخذت ورقة دخول ..

وطلعت من البوابة بس كان الي فيها واقف برع يدخن ومالقيت احد في الكبينه والبوابة مفتوحة .. وقفت شوي ومحد عطاني وجه فطلعت .. هل رقم سيارتي للحين في مواقفهم ؟ والا لاء ؟ .
ثاني
23-09-2009, 10:39 PM
اوكي انا دخلت في اليوم الاول من تطبيق النظام في رمضان واخذت ورقة دخول ..

وطلعت من البوابة بس كان الي فيها واقف برع يدخن ومالقيت احد في الكبينه والبوابة مفتوحة .. وقفت شوي ومحد عطاني وجه فطلعت .. هل رقم سيارتي للحين في مواقفهم ؟ والا لاء ؟ .

في رمضان انا رحت ... وانا طالع قالي الرجال الي ف الكبينه حياك يبا .. يعني تفضل اطلع .. فمادفعنا شي قبل العيد..

اعتقد النظام طبق بعد العيد ..