المساعد الشخصي الرقمي

مشاهدة النسخة كاملة : لين متى نشوف بعض شبابنا مع الفلبينيات عيني عينك ونسكت


الطيبة كلها
23-09-2009, 04:42 AM
صراحه ما كتبت الموضوع الا من القهر انا ما اطلع للمجمعات والكافيهات وايد بس لما اطلع شوي من البيت مع زوجي ندور بالسياره ارى مشاهد تقهر وزادت السالفه وانتشرت وامسخت وتشمخت ولو تحضرني كلمات ثانيه الحين باكتبها

مثلا اليوم طلعنا صوب البحر صوب مطعم البندر سابقا والا نشوف شاب قطري على بطبطه ( موتر سيكل ) ووراه فلبينيه انت وين بامريكا ماعندك دين انت مسلم حسبي الله عليك تشوه الاسلام والشباب بيقلدونك بيكون بذمتك اذا حد قلدك
بعدين رحنا صوب البيت وعند الاشاره والا جنبنا سياره الايقولي زوجي يلا شوفي السياره اللي صوبي من فيها واشوف بعد قطري وفلبينيه ياه ه ه ه ه ه ه ه ه ه ه امسخت كل ما اطلع من بيتي يا شباب عرب مثل الورد مع فلبينيات يا شباب قطريين والله حرام عليكم ماتخافون الله ودي اعرف ايش عاجبهم فيهم لو فيكم خير اخذوا امهاتكم ولا خواتكم ودوروهم ووسعوا صدورهم بس مب كفوا الصياعه احسن وخاصه الماده عندهم ولا حسيب ولا رقيب طيب لين متى ابغي اعرف لين متى مافي قوانين توقفهم عند حدهم

لدرجه اني سمعت اي سمعت الا شفت بعيني ايام المخيمات بخور العديد شبابنا وكل واحد مركب فلبينيه وراه صج اذا لم تستحي فاصنع ما شئت

ارجوا عدم حذف الموضوع وياريت حد يقدر يسوي شئ بهاي الموضوع ويوصله للمسؤولين

وياويل حد فيكم يقول حريه شخصيه تسمعون الحرام مب حريه شخصيه :anger1:
الورد مفتوني
23-09-2009, 04:45 AM
اوبيه يماااااا

احسج تصارخين من قمة راسج


شنقوول الله يهديهم ان شالله

وياليت اللي يقدر يسوي شي مايبخل بهالموضوع

بس سؤوال مايخافون من الامراض؟؟ اذا استغفر الله مايخافون من ربهم!!



معاج حق بس روقي شوووي خخخ


وتسلمين ع الموضوع ولي الشرف ب اول رد هاي اذا محد رد قبلي
بوعلي2
23-09-2009, 04:46 AM
صراحه ما كتبت الموضوع الا من القهر انا ما اطلع للمجمعات والكافيهات وايد بس لما اطلع شوي من البيت مع زوجي ندور بالسياره ارى مشاهد تقهر وزادت السالفه وانتشرت وامسخت وتشمخت ولو تحضرني كلمات ثانيه الحين باكتبها

مثلا اليوم طلعنا صوب البحر صوب مطعم البندر سابقا والا نشوف شاب قطري على بطبطه ( موتر سيكل ) ووراه فلبينيه انت وين بامريكا ماعندك دين انت مسلم حسبي الله عليك تشوه الاسلام والشباب بيقلدونك بيكون بذمتك اذا حد قلدك
بعدين رحنا صوب البيت وعند الاشاره والا جنبنا سياره الايقولي زوجي يلا شوفي السياره اللي صوبي من فيها واشوف بعد قطري وفلبينيه ياه ه ه ه ه ه ه ه ه ه ه امسخت كل ما اطلع من بيتي يا شباب عرب مثل الورد مع فلبينيات يا شباب قطريين والله حرام عليكم ماتخافون الله ودي اعرف ايش عاجبهم فيهم لو فيكم خير اخذوا امهاتكم ولا خواتكم ودوروهم ووسعوا صدورهم بس مب كفوا الصياعه احسن وخاصه الماده عندهم ولا حسيب ولا رقيب طيب لين متى ابغي اعرف لين متى مافي قوانين توقفهم عند حدهم

لدرجه اني سمعت اي سمعت الا شفت بعيني ايام المخيمات بخور العديد شبابنا وكل واحد مركب فلبينيه وراه صج اذا لم تستحي فاصنع ما شئت

ارجوا عدم حذف الموضوع وياريت حد يقدر يسوي شئ بهاي الموضوع ويوصله للمسؤولين

وياويل حد فيكم يقول حريه شخصيه تسمعون الحرام مب حريه شخصيه :anger1:


يمه منج الحين انا خفت منج مش من الموقف الي شفتوه :omen2:

الله يهديهم وراح تشوفين اكثر من جذي في ظل الانفتاحات الي عندنا :)

الله يستر من الجايااااااات اقول بس
doha70999
23-09-2009, 04:49 AM
هي جات على الفلبينيات بس!!:omg:

للأسف بعض الشباب لما يطلعون مع الفلبينيات وغيره عندهم هالشي فله وفري انا شفت هالمنظر مو على البحر لا الا في احد المجمعات الاخت تختار والغبي اللي وراها يدفع سوري على هالتعبير بس والله من المنظر المقزز!!

وهناك بعد بعض الجنسيات العربية اللي تستغل جيب الشاب القطري وهو على باله انها تسويها حبا فيه وهي ماتسويه الا حبا في-------------------------------------> الجيب العمران!!!

بس لاننسى ان فيه شباب فيهم الخير والبركة:victory: بس للأسف اللي يبرز هالاشكال!!:anger1:


شكرا اختي على طرح الموضوع
بوخليفة3
23-09-2009, 04:50 AM
اختي اشدراج انهم قطريين

ترى مب كل من ركب كروزر هالايام قطري

ياااكثرهم الجانب كاشخ وكوبره ويتمشى ويعني يبلفيت قطري

معروفه الجنسيات اللي تتمشى مع الفلبينيات لان من شماليهم ماراحوا بعيد

والله يعطيج العافيه ع الموضوع
pure
23-09-2009, 04:55 AM
الله يهديهم ,, قلتيييها " اذا لم تستح فاصنع ما شئت "

دامهم اصلا مب خايفين من ربهم بيهمهم احين رايي ورايج وراي كم عضو !

ما ازيد عن الله يهديييهم
alrheeb2020
23-09-2009, 04:57 AM
حسبي الله عليهم الله يمهل ولا يهمل

ولا يخافون الامراض حتى .!!!

جزاج الله خير على نقل الصورة
واقعي وصريح
23-09-2009, 05:00 AM
الله يهديهم
doha70999
23-09-2009, 05:06 AM
بالعكس المنتدى ديمقراطي ومن حق اي عضو يكتب ويقول اللي بخاطره واللي موعاجبه الموضوع ممكن مايرد =) والاخت ماقالت الموضوع الا من غيرتها على عيال البلد
هذلان
23-09-2009, 05:07 AM
السلام عليكم

يعني الشرطه مايشوفون يعني الخويا و الفزعه مايشوفون يعني الامن الوقائي مايشوفون يعني التحريات مايشوفون يعني المسؤولين مايشوفون ؟؟

يشوفون و ساكتين خليها على الله و انتي ان شفتي منظر مشابه صدي و ادعيله بالهدايه في قلبج .

الشيخه انا شفت واحد ووحده في الكورنيش (جنسيه عربيه) و يسوون فعل فاضح (العقل مايتخيله) و للاسف هلي وياي فار دمي و رحت كلمته قالي مالك خص اشتكيت عليه في العاصمه و سويت بلاغ و فتحت محظر و تابعت الموضوع بنفسي (مع ربعي شرطه) و يعطوني تطورات الموضوع و في الاخير
ما صار شي ؟

من عقب هالموقف و انا غاسل يدي :(
boalia
23-09-2009, 05:09 AM
الله يهديهم ان شاء الله
مناحي السادس عشر
23-09-2009, 05:15 AM
السلام عليكم

يعني الشرطه مايشوفون يعني الخويا و الفزعه مايشوفون يعني الامن الوقائي مايشوفون يعني التحريات مايشوفون يعني المسؤولين مايشوفون ؟؟

يشوفون و ساكتين خليها على الله و انتي ان شفتي منظر مشابه صدي و ادعيله بالهدايه في قلبج .

الشيخه انا شفت واحد ووحده في الكورنيش (جنسيه عربيه) و يسوون فعل فاضح (العقل مايتخيله) و للاسف هلي وياي فار دمي و رحت كلمته قالي مالك خص اشتكيت عليه في العاصمه و سويت بلاغ و فتحت محظر و تابعت الموضوع بنفسي (مع ربعي شرطه) و يعطوني تطورات الموضوع و في الاخير
ما صار شي ؟

من عقب هالموقف و انا غاسل يدي :(




اشكر فنك يا هذلان انت جبت الزبده
(الفيصل)
23-09-2009, 05:25 AM
امسخت كل ما اطلع من بيتي يا شباب عرب مثل الورد مع فلبينيات يا شباب قطريين والله حرام عليكم ماتخافون الله ودي اعرف ايش عاجبهم فيهم :anger1:
المعصية معصية
لاتسجل عند الله
هذا الرجل كان مع فلبينيه
وذاك الرجل كان مع قطريه
والعكس
عبيد الله كلهم سواء في الحسنه والسيئه
وماالله بظلام للعبيد
!!!!!!
نسأل الله الهدايه والثبات عليها
(الفيصل)
23-09-2009, 05:28 AM
اشتكيت عليه في العاصمه و سويت بلاغ و فتحت محظر و تابعت الموضوع بنفسي (مع ربعي شرطه) و يعطوني تطورات الموضوع و في الاخير
ما صار شي ؟

من عقب هالموقف و انا غاسل يدي :(

اخ هذلان
اتمنى منك أن تعطيني رقم البلاغ سواء بالعام أو الخاص
وشكراً
طماطه
23-09-2009, 05:30 AM
الله يهديهم ..

لهدرجه وصلوا !!!!!!!!!!!!
حلا
23-09-2009, 05:35 AM
:secret::secret::secret::secret::secret:
فلبينيه

(ماتنشاف ملامحها من شينها)

قاعده مع قطري

في فرايديز اللاندمارك

وفي رمضان

اتعشى بكل روح مرحه ورمنسيه

:secret::secret::secret::secret::secret:
مساهم
23-09-2009, 05:35 AM
كلٌ بما فعل محاسب (بدون جنسيات معينة)
وكلٌ بما تربى عليه
نسأل الله الهداية للجميع
هذلان
23-09-2009, 05:36 AM
اخ هذلان
اتمنى منك أن تعطيني رقم البلاغ سواء بالعام أو الخاص
وشكراً

اشكر فنك :nice:

رقم البلاغ صعب لانه الموضوع صار له شهور
يصير باي طريقه ثانيه تعرف رقم البلاغ ؟
انا مستعد
مساهم
23-09-2009, 05:37 AM
كلٌ بما فعل محاسب (بدون جنسيات معينة)
وكلٌ بما تربى عليه
نسأل الله الهداية للجميع
(الفيصل)
23-09-2009, 05:38 AM
اشكر فنك :nice:

رقم البلاغ صعب لانه الموضوع صار له شهور
يصير باي طريقه ثانيه تعرف رقم البلاغ ؟
انا مستعد
يصير (لعيونك) أنت بس
أسمك ورقم بطاقتك الشخصية ولاتهون بالخاص
(ولاتخف طي الكتمان) أن شاء الله
ولكن لتستعد للشهادة :nice:
هذلان
23-09-2009, 05:39 AM
يصير (لعيونك) أنت بس
أسمك ورقم بطاقتك الشخصية ولاتهون بالخاص
(ولاتخف طي الكتمان) أن شاء الله
ولكن لتستعد للشهادة :nice:

من الحين مستعد احلف :nice:
(الفيصل)
23-09-2009, 05:44 AM
أشم رائحة (نتنه)
لاسيما في بعض الردود
الامراض موجوده عند الفلبينيه وغيرها (القطريه ماعلى رأسها ريشه)
الداني داني
والقاصي قاصي
(والوسخه) (وسخه)
وليعذرني القراء على أختيار هذه الكلمه
لعل رنينها يخرق الاذان التي ماعادت تسمع الا صوتها وقرينها الشيطان وأعوانه


**ملاحظة،،
واضح جداً أن (البعض) لاتهمه الغيره على الدين
بقدر ماتهمه (العنصريه) الزائفه
(والفشخره والتعالي) الزائف ايضاً والذي على غير محل والله
(الفيصل)
23-09-2009, 05:48 AM
من الحين مستعد احلف :nice:

لاتستعجل:)
ومنتظر رسالتك بارك الله فيك

والله قوي
القوي الله :nice:
السندان
23-09-2009, 05:50 AM
اللحين احنا ماعلينا قطري ولاغيره ..

المهم المنكر والمعصية في البلد صارت على عينك ياتاجر وبدعم القانون

هؤلاء سفهاء ويجاهرون بالمعصية ..

مراجلهم شوفني كيف أتحدى الله (أعوذ بالله) .. نار جهنم وبئس المصير

الله المستعان .. اللهم لا تؤاخذنا بما عمل السفهاء منا
(الفيصل)
23-09-2009, 06:01 AM
اللحين احنا ماعلينا قطري ولاغيره ..

المهم المنكر والمعصية في البلد صارت على عينك ياتاجر وبدعم القانون

تعقيباً على كلامك
قد صدق الاخ هذلان وهذه رسالته وردي عليها لعلها تجيب عما قلته اعلاه(بدعم من القانون)


قبل كل شي .. انا بكره بحول الله رايح الرياض ثم جده و ممكن يكون فيها عمره كان هونا من الخنازير
كان ودك باي شي من هالمناطق اتمنى انك تفرحني و توصيني من الابره لين الطياره :nice:
بخصوص الموضوع ذاك الله يسلمك اخر ماوصلت له هو ان السياره كانت باسم شركه////////////// و العاصمه بعد ان استعنت باحد الظباط (مايشتغل في العاصمه بس طبيعه شغله يعرف كل الظباط هناك) قالو انه خاطبنا الشركه و بيقولون لنا من كان يسوقها (كانت المره تسوق) و بيطلبونها و بتعترف على الي وياها . طبعا هالشي بعد مراجعات عديده و استفسارات لايام مني و كانو للاسف يصرفوني ؟
واحد من ربعي في النيابه و عطيته رقم البلاغ و كذا مره شيك قالي ماوصلنا شي .
///////////////////(الاسم)
///////////////////(رقم البطاقة الشخصية)
////////////(رقم هاتفه)


ابي طياره يابو////////////// :shy:
تروح وتجي بالسلامه بارك الله فيك
ودربك درب الغانمين ان شاء الله
والنعم بك ياولد /////////////////
وتأكد يابو////////////// أن الموضوع لو كان فيه دليل
(والله) وأكرر (والله) ماراح ينسكت عنه
وانا أقولك هذا الكلام من ثقه 100%
فلاتغرك الامور اللي تسيرفي البلاد ... ترى(أغلب) الشرطة وغيرهم من النيابة والقضاة (غير راضون) بس (يبيون) ناس مثلك وشرواك تشتكي علشان يكون في يدهم سند قانوني يستندون من خلاله وعلى أساسه تحريك البلاغ وتحريك الدعوى الجنائية ويأخذ كل شخص جزاه سواء قطري أو مقيم

لكن مانشوفه للاسف (الناس) ماتتحرك بس شاطره (تتكلم على الفاضي ) وأكرر واقول للاسف .

أستمر فيما أنت ماض فيه
ولاتنسى أخيك بالدعاء فأن دعوة المسافر مستجابه
وفقك الله لما يحب ويرضى
الموضوعي
23-09-2009, 06:02 AM
الفساد موجود في كل عصر وزمان حتى ماقبل النفط
الطيبة كلها
23-09-2009, 06:02 AM
اولا شكرا على ردودكم ثانيا ماراح اطلب حذف الموضوع ثالثا ركزوا على موضوعي رجاء انا ادري الغلط غلط ولو مع اي جنسيه بس اللي يحرني بالذات بهاي الجنسيه انهم خدم وعيالي احيانا لما يشوفونهم يسألوني ماعرف ارد ( يمه هذي مركب خدامته وراه ) شارد بالذمه
والشئ الثاني لاحظته فيهم ان البائعات الفلبينيات اول كانوا يحترمون القطريه لما تشتري منهم بالمحل الحين بعضهم يعاملونا بتكبر كانهم يقولون حالي حالج - وبعد لانهم لما يمسكون الولد ما يهدونه حصلوا الخير عنده

ومن قال مب قطريين ياما على مدار السنين شفت كثير منهم حتى بعضهم زوجي يقول هذا اعرف ولد من الله يهديه

على العموم استفدت على الاقل بموضوعي ولله الحمد ان الاخ الفيصل بسوي شئ بموضوع الهذلان وهذا شئ واحد حققناه من طرح الموضوع وممكن ان حد يقرا الموضوع ويوصله لمسؤول ويحطون قانون ليش لا


وعلى العموم عجبتني يا هذلان والله يزيد من امثالك لاني مثلك ما اسكت عن الغلط واكلمهم واحاورهم بعد -مب اغض النظر وامشي والا بيحل غضب ربنا علينا الله يرحمنا برحمته
بويعقوب
23-09-2009, 06:11 AM
عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .
(الفيصل)
23-09-2009, 06:14 AM
ليش ما احس عندكم غيره على شبابنا وعلى الاسلام ليش احسكم باردين
الغيره ليست بالاقوال فقط!!!
وانما بالافعال أيضا
ومنا من يسبق فعله قوله
والله من وراء القصد
الـقـاسـي
23-09-2009, 06:17 AM
يصير (لعيونك) أنت بس
أسمك ورقم بطاقتك الشخصية ولاتهون بالخاص
(ولاتخف طي الكتمان) أن شاء الله
ولكن لتستعد للشهادة :nice:

يعطيك العافيه يالفيصل اتمنى انك تقدر تحرك شي في موضوع اخوي هذلان الله يعطيه الصحه والعافيه وهو فعلا عين العقل اللي سواه ..
على طاري هالموضوع انا اتذكر مره شفت اثنين من جنسيات عربيه واحد ويا وحده مشتكي عليهم واحد قطري من كم شهر مادري يمكن انت اللي مشتكي عليهم ..

واذا استعصى عليك رقم البلاغ اخوي الفيصل عطني الاسم او رقم البطاقه الشخصيه واذا مايبي يعطي اسمه اسم اللي هو مشتكي عليه وانا حاضر يوم الاحد تكون عندك البيانات كلها ..
الطيبة كلها
23-09-2009, 06:18 AM
الغيره ليست بالاقوال فقط!!!
وانما بالافعال أيضا
ومنا من يسبق فعله قوله
والله من وراء القصد

صح كلامك اخوي الفيصل بس ابغيهم يحسون بالاقوال وبعدين بالافعال خل يشوفون غيرهم انهم ما يسكتون فبيتعلمون يتكلمون لين شافوا الغلط مب يتفرجون ويمشون - وعن نفسي ما اسكت لما اشوف الغلط بس اشوف الشباب ما يتحركون بالمواقف اللي انا تكلمت وتحركت فيه لازم نخليهم يغيرون على الدين
(الفيصل)
23-09-2009, 06:21 AM
يعطيك العافيه يالفيصل اتمنى انك تقدر تحرك شي في موضوع اخوي هذلان الله يعطيه الصحه والعافيه وهو فعلا عين العقل اللي سواه ..
على طاري هالموضوع انا اتذكر مره شفت اثنين من جنسيات عربيه واحد ويا وحده مشتكي عليهم واحد قطري من كم شهر مادري يمكن انت اللي مشتكي عليهم ..

واذا استعصى عليك رقم البلاغ اخوي الفيصل عطني الاسم او رقم البطاقه الشخصيه واذا مايبي يعطي اسمه اسم اللي هو مشتكي عليه وانا حاضر يوم الاحد تكون عندك البيانات كلها ..
الله يعافيك اخوي
وكثر الله من امثالك
جعلك ذخر ان شاء الله لما يحبه الله ويرضاه
ونفع الله بك
الطيبة كلها
23-09-2009, 06:21 AM
يعطيك العافيه يالفيصل اتمنى انك تقدر تحرك شي في موضوع اخوي هذلان الله يعطيه الصحه والعافيه وهو فعلا عين العقل اللي سواه ..
على طاري هالموضوع انا اتذكر مره شفت اثنين من جنسيات عربيه واحد ويا وحده مشتكي عليهم واحد قطري من كم شهر مادري يمكن انت اللي مشتكي عليهم ..

واذا استعصى عليك رقم البلاغ اخوي الفيصل عطني الاسم او رقم البطاقه الشخصيه واذا مايبي يعطي اسمه اسم اللي هو مشتكي عليه وانا حاضر يوم الاحد تكون عندك البيانات كلها ..



شفتوا هذيلا من خيره الشباب - والهذلان والفيصل - الحمد لله بحركون موضوع فيه غيره على ديننا وبلادنا الله يكثر من امثالكم الحمد لله لان نيتي صافيه بطرح الموضوع وبغيت الخير من وراه
(الفيصل)
23-09-2009, 06:23 AM
شفتوا هذيلا من خيره الشباب - والهذلان والفيصل - الحمد لله بحركون موضوع فيه غيره على ديننا وبلادنا الله يكثر من امثالكم الحمد لله لان نيتي صافيه بطرح الموضوع وبغيت الخير من وراه
جزاك الله خير يااختي
وأن شاء الله الخير في الجميع
ولكن
ولا(بلاها):(
أن شاء الله الناس تفهم مابين سطور الفيصل وردوده السابقة
هذلان
23-09-2009, 06:26 AM
جزاكم الله خير
ماهر حسن
23-09-2009, 06:29 AM
اشوف الا سويتو ا شباب وبنات قطر ...في منتهى الوقاحة والانحطاط والعربدة ....والله هاي فئة محدوده
لكن معظمهم الحمدلله يرفعون الراس وذخر لوطنهم واهلهم
خيال شمر
23-09-2009, 06:36 AM
الله يهديهم ويهدينا
احمد زين الشباب
23-09-2009, 06:38 AM
اختي الفاضله..
غيرتج على الشباب وخوفج عليهم شي طيب..عرفنا اللي مضايقج..وحددتي الجنسيه اللي المفروض شبابنا ما يماشيها..بس السؤال ايش اقتراحاتج الشخصيه لحل هالمشكله ؟؟؟؟؟

من سنين كانوا الوافدين للبلد يعملون الف حساب وحساب للعادات والتقاليد وان كانوا جاين وهم مش عارفينها بس من يوصل المطار يعرف هو ايش بيواجه..كان كل الموظفين رجال ومستحيل تشوفين امراءه..وماعندي اعتراض على هالنقطه بس من باب التذكير بماكان...يوصل مكان سكنه سواء فندق اوغيره يستقبله موظف رجل او سيده غير قطريه وتكون محتشمه في اللبس ذيك الايام..يطلع يتقضى حاجاته مايشوف الا عوائل او ام وبناتها محتشمين او مجموعة شباب متمللين..يسوق سيارته في الشارع يلتفت يمينه ويساره مايشوف الا ابو وعايلته ولا سواق مع عايله ولا شاب اورجل..ومن الساعه عشر كلن في بيته والدوحه فاضيه...هالكلام من سنين مالها ونين!!

الحين من الطياره الخطوط القطريه تستقبله بالمشروبات الروحيه!!!!
والمضيفات واجهة الطيران القطري اطول تنوره فوووووق الركبه!!!
وفي المطار ماشالله بعض واكرررررررر بعض وللمره الاخيره قلت بعض موظفاتنا القطريات مايقصرون في الاستقبال الحافل ويتفنون في المكياج وتسريحة الشعر والعطر الفواح والابتسامه الجميله للكل..
ويوصل الفندق بعد يشوف شويه من البعض اللي ذكرتهم مع شويتين من شباب قطر في استقباله والميانه طايحه بينهم تحت سقف الفندق وعلى مراى من الجميع لان احنا في زمن الانفتاح!!!
يروح المجمعات يشوف شريحه من الشباب والبنات الله يهديهم مشوهين صورة اهل قطر ومافي داعي اقول شلون لان كل شي واضح..
يدور بسيارته بالليل تمر عليه سياير مافيها غير بنات والمسجل شغال حده!!
ووووو عقب هذا كله وعقب ماضيعنا القيم والعادات والتقاليد وفرطنا بهويتنا وغيرتنا والاهم تعاليم ديننا..نقول حق الشاب اللي مصاحب فلبينيه حسبي الله عليك وبس!!!!!!!!!!!!!!!!!!!!!!
يعني تقنعيني الحين ان خاطرج برد بعد مانزلتي الموضوع وان من بكره بتكون في هيئة امر بالمعروف ونهي عن المنكر؟؟؟؟؟؟
وان شبابنا وبناتنا اللي ربوهم الفلبنيات بتلقينهم تارسين المساجد ودور الذكر؟؟؟
الحل اختي مش ان نتحسبي عليهم وبس ونعصب على الناس وياويل اللي بيقول ومش قايل..الحل في التمسك بالدين اولا وثانيا وثالثا..ورابعا المحافظه على العادات والتقاليد الحميد منها فقط..وكل واحد يبدا بنفسه واللي حواليه والديره بتصير بخير..وبارك الله في شبابنا اللي تارسين المساجد والمجالس الطيبه والله يزيدهم ويبعد عنهم شر الفتن..
(الفيصل)
23-09-2009, 06:41 AM
والموضوع تراه مب هين وقصدي منه لازم من قانون لردعهم
واضح جداً اختي أنك لاتقرأين ردودي جيداً
القانون موجود..بل لدينا (أسهال تشريعي) وهذا يعلمه كل قانوني في قطر
ضعي يدك على الجرح الاساسي لتتضح الصوره
بويعقوب
23-09-2009, 06:42 AM
على طاري الغيره مره انا واحد من الشباب طالعين من شركه المناعي والا قدامنا طاولات الكوفي شوب وذاك الحبيب والحبيبه رافعه ريلها وحطتها على الكرسي الي امقابلها طبع لبسه تنوره تحت الركبه بشوي واللبس حدث ولا حرج والشباب الله يهديهم كل واحد يتقهوى ولاعنده فيها قلنا انا ورفيجي مافي الا العضيد اتصلنا وماقصروا نص ساعه ولا هم عندانا شاف الوضع يقول الله يهداكم هاي عادي !!!! قلنا له آسفين والله عقب قال انا معاكم بس هاي عادي احنا انخالف على اللبس الي فوق الركبه!!!
(الفيصل)
23-09-2009, 06:46 AM
كتبه الفقير لله في 18/6/2007
في موضوع قول مشكلتك ولاتخجل

المشكلة (لنا جميعا)
ما يحصل بالاماكن العامه لاسيما المجمعات التجارية من عدم مراعاة الاداب العامة والدين الاسلامي .... فنرى بأم اعيننا الفواحش ولاحول ولا قوة الا بالله ؟ فماذا نفعل ؟ ماهو الحل؟

الجواب

انا الغالبية منا مستاء من هذا الانفتاح الذي ادى إلى عدم مراعاة الدين الاسلامي في الاماكن العامه ...ولهذا علت الاصوات فنسمع من هنا مطالب باحترام الدين والعادات والتقاليد لدولة قطر .... ومن هناك من يدعي بحسبي الله ونعم الوكيل عليهم .... وأخر يتذمر وهو سعيد بما يشاهده اسئل الله الهدايه ... وهناك من يدعو بالهدايه للمخالفين ... ولكن قل وندر من فكر ووقف وقفه تحسب له في ميزان حسناته وقال أنا لن ارضى بذلك وفعل ماسوف اخبركم به لاحقا.

حقيقة ان المشرع القطري ولله الفضل والمنه قد خصص فصلين كاملين لمثل هذه المواضيع في قانون العقوبات لسنة 2004 ،كما اصدر قانونا كاملا يخص حماية المجتمع....مما يقطع بأن دولة قطر تراعي الاداب العامة والدين الاسلامي عندما قررت الدخول في الانفتاح الذي اصبحنا نشكو منه اليوم ...... وبهذا برأت ذمة ولي الامر واصبح العبء على الاجهزة التنفيذية والقضائية في التطبيق والعامه في التبليغ.... وأكرر وأقول العامه (الناس) في التبيلغ..... فلنعمل فعلا واضحا وملموسا و لانقف موقف المتفرج على المنكر ولهذا سوف افترض لكم عدة أمثاله حتى تتضح الصوره للواجب القيام به :

المثال الاول: رأينا شخص(اجنبي او غيره) مع فتاة ويقوم بتقبيلها أو بلمس اماكن حساسه من جسدها بمكان عام كمجمع تجاري او مطعم او او....... هنا نبلغ الشرطة مباشرة بالاتصال على (999) ونطلب منهم احضار دورية ....ونوقف هذا الشخص ان قبل الوقوف وأن لم يقبل نطلب من أمن المكان ايقافه .... وان لم نجد مساعدة من أحد ولم يتم حضور الشرطة ... نتتبع هذا الشخص إلى ان نحصل على رقم لوحة سيارته ..وهنا نحن امام خيارين اولهما تقديم بلاغ للشرطة والثاني تقديم بلاغ للنيابة العامة وأفضل الثاني. مع ملاحظة أننا لابد أن لاندخل في خلاف مع المشكو ضده سواء لفظيا اوغيره حتى لانوقع انفسنا في مشكله.

المثال الثاني : وجدنا أحدى السيدات الاجنبيات ترتدي لباسا فاضحا ويخدش الحياء العام.. نقوم بما قمنا به في الحاله المثال الاول.


وهنا قد يقول قائل ( ماراح يسوون لهم شيء) وانا أقول له افعل مااقوله لك وسوف ترى النتيجه بأم عينك .. كما أني اضمن لك عدم مسائلتك قانونيا البته. وفي جميع الاحوال وفي اسوء الظروف وأن قدر أنه لم يتم اتخاذا الاجراءات القانونية ضد المشكو بحقه ... فأنت بعملك كسبت الاجر .. ورضيت الله ورسوله ونفسك ومجتمعك .. ووصلت رسالة للمشكو في حقه بتكرارها سوف يرتدع الكثير منهم..... نعم لن تنتهي المخالفات لاننا لسنا في المدينة الفاضله ولكن صدقوني سوف تقل بدرجة كبيره .... فلنعمل جميعا لخدمة ديننا ، ووطننا ، ولنحافظ على انفسنا وابنائنا بالفعل وليس بالكلام... لعل وعسى أن يكون ذلك شافعا لنا يوم القيامه.اسئل الله السداد.... ولمن لديه اي سؤال حول هذا الموضوع ... فليتفضل .. وسوف اجيبه بأذن الله... وتحياتي لكم

وهذه بعض المواد القانونية المتعلقه بالموضوع لمن يريد الاطلاع:


المادة رقم 290
يعاقب بالحبس مدة لا تجاوز ستة أشهر، وبالغرامة التي لا تزيد على ثلاثة آلاف ريال، أو بإحدى هاتين العقوبتين، كل من أبدى إشارة، أو جهر بأغان أو أقوال فاحشة، أو أتى فعلاً فاضحاً، مخلاً بالحياء بأي طريقة في مكان عام، أو في مكان يستطيع فيه رؤيته من كان في مكان عام.

المادة رقم 291
يعاقب بالحبس مدة لا تجاوز سنة، وبالغرامة التي لا تزيد على خمسة آلاف ريال، أو بإحدى هاتين العقوبتين، كل من قصد، خدش حياء أنثى، بأن تفوه بأي كلمة، أو صدر عنه أي صوت أو إيماء أو عرض أي شيء، قاصداً أن تصل الكلمة أو الصوت إلى سمع تلك الأنثى أو يقع بصرها على الإيماء أو الشيء الذي يعرضه.ويعاقب بذات العقوبة، كل من تطفل على أنثى في خلوتها.


المادة رقم 292
يعاقب بالحبس مدة لا تجاوز سنة، وبالغرامة التي لا تزيد على خمسة آلاف ريال، أو بإحدى هاتين العقوبتين، كل من صنع أو استورد أو صدر أو حاز أو أحرز أز نقل بقصد الاستغلال أو التوزيع أو العرض كتاباً أو مطبوعاً أو كتابات أخرى أو رسوماً أو صوراً أو أفلاماً أو رموزاً أو غير ذلك من الأشياء، المخلة بالحياء أو الآداب العامة.
ويعاقب بذات العقوبة، كل من أعلن عن شيء من ذلك، أو عرضه على الجمهور أو باعه أو أجره أو عرضه للبيع أو للإيجار ولو في غير علانية، وكل من وزعه أو سلمه للتوزيع بأي وسيلة.
وتكون العقوبة الحبس الذي لا تجاوز مدته سنتان والغرامة التي لا تزيد على عشرة آلاف ريال أو إحدى هاتين العقوبتين، إذا كان من شأن ذلك استغلال طفل لا يزيد عمره على ستة عشر عاماً.


المادة رقم 293
يعاقب بالحبس مدة لا تجاوز ستة أشهر، وبالغرامة التي لا تزيد على ثلاثة آلاف ريال، أو بإحدى هاتين العقوبتين، كل من تسبب في مضايقة أو إزعاج الآخرين أو تلفظ بعبارات منافية للآداب أو الأخلاق عن طريق استعمال أجهزة الاتصال السلكية أو اللاسلكية أو الوسائط الإلكترونية أو أي وسيلة أخرى.


** المواد الخاصه بالتحريض على الفسق والفجور والبغاء

المادة رقم 294
يعاقب بالحبس مدة لا تقل عن ستة أشهر ولا تجاوز ثلاث سنوات، كل من وجد في مكان عام يحرض على الفسق أو الفجور أو البغاء، بالقول أو الإشارة أو أي وسيلة أخرى.


المادة رقم 295
يعاقب بالحبس مدة لا تقل عن سنة ولا تجاوز ثلاث سنوات، كل من:
1- أعد أو أدار بيتاً للبغاء، أو عاون بأي طريقة في إعداده أو إدارته.
2- كان مالكاً لمنزل أو محل، أو مسئولاً عن إدارته، فأجره وهو يعلم أنه سيستعمل للبغاء.


المادة رقم 296
يعاقب بالحبس مدة لا تقل عن سنة ولا تجاوز خمس سنوات، كل من:
1- قاد أنثى لممارسة البغاء
2- حرض أنثى أو استدرجها أو أغواها أو أغراها، بأي وسيلة، على ارتكاب البغاء أو الإقامة أو التردد على بيت للبغاء بقصد ممارسة البغاء فيه سواء داخل البلاد أو خارجها.
3- قاد أو حرض أو أغرى بأي وسيلة لارتكاب فعل اللوط أو الفجور.
4- حرض أو أغرى بأي وسيلة ذكراً أو أنثى لاتيان أفعال منافية للآداب أو غير مشروعة.
5- جلب أو عرض أو سلم أو قبل ذكراً أو أنثى بغرض الاستغلال الجنسي.


المادة رقم 297
يعاقب بالحبس مدة لا تجاوز خمس عشرة سنة ، كل من ارتكب إحدى الجرائم المنصوص عليها في المادة السابقة عن طرق الإكراه، أو التهديد، أو الحيلة، على من وقعت عليه الجريمة، أو كان المجني عليه لم يبلغ السادسة عشرة من عمره، أو كان الجاني ممن نص عليهم في المادة ( 279 ) من هذا القانون.
ويفترض علم الجاني بسن المجني عليه.


المادة رقم 298
يعاقب بالحبس مدة لا تجاوز عشر سنوات ، كل من اتخذ من ممارسة البغاء أو اللوط حرفة أو وسيلة للتعيش.
ويعاقب بذات العقوبة، كل من استغل بأي وسيلة بغاء شخص آخر أو فجوره.


المادة رقم 299
يحكم، في جميع الأحوال، فضلاً عن العقوبات المنصوص عليها في المواد السابقة، في جرائم البغاء المبينة في هذا الفصل، بإغلاق المحل، أو المكان الذي ارتكبت فيه الجريمة، ولا يصرح بفتحه إلا إذا أعد لغرض مشروع، بعد موافقة النيابة العامة.

http://www.qatarshares.com/vb/showthread.php?t=110024&page=18
ahmeds
23-09-2009, 06:47 AM
حتى لو كان فيه ماكانوا يجاهرون بالمعصيه - واسمحلي رد الاخ الموضوع سلبي ليش ما احس عندكم غيره على شبابنا وعلى الاسلام ليش احسكم باردين

صدقيني في شخص قاعد يجاوبج من مساع انا متاكد انه يبغي لخير و مستعد اراهن انه مافي حد فالمنتدا يغار علا الدين و يحب الخير نفسه..
ahmeds
23-09-2009, 06:49 AM
اخوي القاسي واخوي الفيصل جزاكم الله الف خير لانكم حطيتو النقاط علا الحروف
الموضوعي
23-09-2009, 06:49 AM
عن الخراطه.....ابائنا كانوا اشرف من الشرف نفسه ....وما ايعرفون سوالف الوساخه
ه

كان موجود في عهد اباءنا لكن بشكل خفي واكثر شخص حارب الفساد في قطر بالماضي حمد بن جاسم بن حمد قائد الشرطة السابق
تحداني
23-09-2009, 06:49 AM
.. ليت الفعل يكون ..
ضعف الكلام
ahmeds
23-09-2009, 06:52 AM
والله شي غريب كل من شاف شي فالشارع جا و فتحله موضوع

اي والله ليش فلبينيات!!!!!
يعني جات عالفلبينيات!!!!!!!!!!!!!!!!!!!!!!!
فكر غريب فعلا

يعني مع القطريه حلال و مع الشاميات و المغربيات حلال بس مع الفلبينيات لا؟!!!!!

الله يهدي الجميع انشالله و يكمل عقولهم:)
(الفيصل)
23-09-2009, 06:55 AM
على طاري الغيره مره انا واحد من الشباب طالعين من شركه المناعي والا قدامنا طاولات الكوفي شوب وذاك الحبيب والحبيبه رافعه ريلها وحطتها على الكرسي الي امقابلها طبع لبسه تنوره تحت الركبه بشوي واللبس حدث ولا حرج والشباب الله يهديهم كل واحد يتقهوى ولاعنده فيها قلنا انا ورفيجي مافي الا العضيد اتصلنا وماقصروا نص ساعه ولا هم عندانا شاف الوضع يقول الله يهداكم هاي عادي !!!! قلنا له آسفين والله عقب قال انا معاكم بس هاي عادي احنا انخالف على اللبس الي فوق الركبه!!!

لاتهرف بما لاتعرف
اما تقل خيرا أو لتصمت
ولو صحت الروايه (وهو مااستبعده بنسبة 99%)
لكان هذا الجاهل من (العضيد) سيعاقب على ماقاله
فليس هنالك قانون يعاقب فوق الركبه او تحت الركبه
هناك شيء أسمه (خدش حياء) وهذا الامر يقدره أهله(من المختصيين)
والذي سيعرض عليهم الامر
فرجاءاً
(لاتعمونها وانتوا تبون تكحلونها)
(الفيصل)
23-09-2009, 06:57 AM
.. ليت الفعل يكون ..
ضعف الكلام


انا أشهد
وقابل والله يكون الفعل بنفس(درجة) الكلام:)
بويعقوب
23-09-2009, 06:59 AM
لاتهرف بما لاتعرف
اما تقل خيرا أو لتصمت
ولو صحت الروايه (وهو مااستبعده بنسبة 99%)
لكان هذا الجاهل من (العضيد) سيعاقب على ماقاله
فليس هنالك قانون يعاقب فوق الركبه او تحت الركبه
هناك شيء أسمه (خدش حياء) وهذا الامر يقدره أهله(من المختصيين)
والذي سيعرض عليهم الامر
فرجاءاً
(لاتعمونها وانتوا تبون تكحلونها)

جزاك الله خير يالفيصل بس للأسف هذا الي حصل معاي
الـقـاسـي
23-09-2009, 06:59 AM
كان موجود في عهد اباءنا لكن بشكل خفي واكثر شخص حارب الفساد في قطر بالماضي حمد بن جاسم بن حمد قائد الشرطة السابق

الي كان على عهد ابائنا يمكن اخس بعد بس كان من تحت لين تحت وماننسى دور الشيخ عبدالله بن خالد وزير الدوله للشؤون الداخليه في الوقت السابق وان كان البعض ينتقده في بعض تصرفاته لكن مافي شي كامل ونتمنى ان الدوله تستخدم بعض الطرق والتصرفات الصحيحه اللي كان يستخدمها .. ماقول الا عسى الله يطول بعمره ويوفقه ..
هذلان
23-09-2009, 07:02 AM
حد منكم سمع او شاف شرطه انجاد الي في الشارجه

هي الحل لو يستحدثونهم عندنا
الـقـاسـي
23-09-2009, 07:04 AM
اخوي القاسي كلامك قاسي فعلا انا قلت اني ياما شفت ومب من الحين من 15 سنه وانا اشوف شباب قطريين ليش تكذبني طيب خذ ها القصه كان جيران بيت ابوي وانا كل يوم عندهم اشوف سياره قطري عندهم قال زوجي هذا اعرفه واعرف اهله الله يصلحه تدري كان اللي ماجرين الفيلا انجليز و هو كان يبات عندهم كل يوم وعند من الخدامه الفلبينيه واعرف شخص من سنين مع فلبينيه الله يهديه انتوا ما تبونا نخاف على شبابنا من الامراض والافات مب منظرهم بذمتكم يشوه الاسلام مسلم ومع فلبينيه وانا ما ارضى بالمعصيه حتى لو كان مع جنسيه ثانيه وللاسف وايد حوالي يذكرون ها الموضوع وبينفجرون من القهر يقولون شبابنا مثل الورد مع هالاشكال وبالحرام قهر
اما البنات هذي سالفه ثانيه وحتى لو فيه شئ فهم لحد الان بالخش ما جهروا امام الناس


وطبعا معظم شبابنا فيهم الخير ومصلين ويخافون ربهم

والموضوع تراه مب هين وقصدي منه لازم من قانون لردعهم

اختي اولا محشومه انتي انا ماكذبتج انا قاعد اقول اللي اشوفه بنفسي ماشوف هالظاهره منتشره بشكل كبير مع الفلبينيات لو قلتي لي جنسيات ثانيه بقول يمكن اما مع فلبينيات انا ماشوفها ظاهره انتي حددتي جنسيه معينه ..
وحتى لو كان المفروض ان الدوله تساهم في الحفاظ على شبابنا مب يشوفون اللي قاعد يصير وساكتين ولا كانه يخصهم .. ترى شباب قطر واهل قطر بذمه هالبلاد واغلب الاسباب اللي تخلي الشباب يسوون هالحركات الدوله مسؤوله عنها ..
الطيبة كلها
23-09-2009, 07:11 AM
فهمت قصدك اخوي الفيصل بس هل معناه اني اسكت لا خل كل واحد فينا يكتب عن الاغلاط اللي يشوفها وايش كان تصرفه واذا شافوا ان الريايل لما يشوفون الغلط ويتحركون بالمواقف بيعرفون ان القطريين ماراضيين عن اللي يصير عسى عقبه يطلعوا لنا قانون عدل

( كثر الدق يفج اللحام ) فهمتني
فراغ
23-09-2009, 07:14 AM
بالعكس المنتدى ديمقراطي ومن حق اي عضو يكتب ويقول اللي بخاطره واللي موعاجبه الموضوع ممكن مايرد =) والاخت ماقالت الموضوع الا من غيرتها على عيال البلد
ما دام السالفة ديمقراطية
ماذا عن البنات وليس الشباب
لقد شاهدة فتاة قطرية مع صديقها العربي في الكوفي شوب مستشفى حمد وفي رمضان
ولا أحب أن أكمل
عليكم تخيل ما رأيت؟
السندان
23-09-2009, 07:25 AM
تعقيباً على كلامك
قد صدق الاخ هذلان وهذه رسالته وردي عليها لعلها تجيب عما قلته اعلاه(بدعم من القانون)



ابي طياره يابو////////////// :shy:
تروح وتجي بالسلامه بارك الله فيك
ودربك درب الغانمين ان شاء الله
والنعم بك ياولد /////////////////
وتأكد يابو////////////// أن الموضوع لو كان فيه دليل
(والله) وأكرر (والله) ماراح ينسكت عنه
وانا أقولك هذا الكلام من ثقه 100%
فلاتغرك الامور اللي تسيرفي البلاد ... ترى(أغلب) الشرطة وغيرهم من النيابة والقضاة (غير راضون) بس (يبيون) ناس مثلك وشرواك تشتكي علشان يكون في يدهم سند قانوني يستندون من خلاله وعلى أساسه تحريك البلاغ وتحريك الدعوى الجنائية ويأخذ كل شخص جزاه سواء قطري أو مقيم

لكن مانشوفه للاسف (الناس) ماتتحرك بس شاطره (تتكلم على الفاضي ) وأكرر واقول للاسف .

أستمر فيما أنت ماض فيه
ولاتنسى أخيك بالدعاء فأن دعوة المسافر مستجابه
وفقك الله لما يحب ويرضى

جزاك الله خير .. اخوي الفيصل

اذا الناس تتكلم على الفاضي وماتتحرك .... اسمحلي اقولك انت رديت على نفسك بأقتباس اخونا

هذلان .. لا وصارله شهور يتابع الموضوع ولا صار شئ ولا حتى وصل النيابة.

الاّ بسألك اخوي الفيصل .. هذه الفئة ايش اللي خلاها تتمادى وتقوم بهذه الافعال ولاتخاف..؟

من ..... ....... أساء .....

كل عام وانت بخير
(الفيصل)
23-09-2009, 07:30 AM
جزاك الله خير .. اخوي الفيصل

اذا الناس تتكلم على الفاضي وماتتحرك .... اسمحلي اقولك انت رديت على نفسك بأقتباس اخونا

هذلان .. لا وصارله شهور يتابع الموضوع ولا صار شئ ولا حتى وصل النيابة.

الاّ بسألك اخوي الفيصل .. هذه الفئة ايش اللي خلاها تتمادى وتقوم بهذه الافعال ولاتخاف..؟

من ..... ....... أساء .....

كل عام وانت بخير
ولك بالمثل بارك الله فيك
والعيد عليك مبارك:)
ومن قال لك أن موضوع الاخ هذلان (ماصار فيه شيء) !!
المشكله يااخي الكريم
اننا نتكلم من (بعد) فصعب أن يصلك المعنى
(والقريب) يعرف ماذا أقول انا
ويعلم أنني على حق واتمنى أن يأتي (صادقاً) ويذكر ولايكتفي بالقراءة فقط!!!
(أرجع بارك الله فيك في المقال الذي نقلته لكم لعلك تجد فيه ضالتك)
(الفيصل)
23-09-2009, 07:32 AM
فهمت قصدك اخوي الفيصل بس هل معناه اني اسكت لا خل كل واحد فينا يكتب عن الاغلاط اللي يشوفها وايش كان تصرفه واذا شافوا ان الريايل لما يشوفون الغلط ويتحركون بالمواقف بيعرفون ان القطريين ماراضيين عن اللي يصير عسى عقبه يطلعوا لنا قانون عدل

( كثر الدق يفج اللحام ) فهمتني
:rolleyes2:
صدق من قال
(الكلام اللين .. يُسقط الحق البين)

قد سلف وتراجعت عن قول (ولكن) من كلامك (اللين) :rolleyes2:
بوطويشم
23-09-2009, 07:33 AM
اختي اشدراج انهم قطريين

ترى مب كل من ركب كروزر هالايام قطري

ياااكثرهم الجانب كاشخ وكوبره ويتمشى ويعني يبلفيت قطري

معروفه الجنسيات اللي تتمشى مع الفلبينيات لان من شماليهم ماراحوا بعيد

والله يعطيج العافيه ع الموضوع

السلام عليكم

اي والله وانت الصادق
غزوله
23-09-2009, 07:39 AM
الله يهديهم ويصلحهم
قل التربيه والوازع الديني له دورفي هذا كله ومو كل الشباب هشكل بعضهم محشوم من هالامور
وهذولا مراهقين ومتاثرين من الغرب والا هذي لاهي بعادتنا ولا تقاليدنا
خليفـة
23-09-2009, 07:43 AM
هذه مشكله اجتماعية تعاني منها كثير من الشعوب للاسف .

وازيدكم من الشعر بيت .. مش الفلبينيات بس الي نشوفهم مع شبابنا في الفترة الحالية .. صرنا نشوف حتى جنسيات عربية ( بدون تحديد الجنسية ) وخليجية .. ومرات ( قطرية ) مع الشباب .

ولكن .. السبب بسيط وواضح للعيان .. هذه النوعية من النساء ( رخاص )
والبنت الرخيصة هذه الايام سوقها قايم .. ومرتفع في العلالي .

فأذا كان هناك امرأة رخيصة بغض النظر عن جنسيتها .. فهناك بالمقابل 100 خروف أرخص في الانتظار .. ولن يتردد للحظة ان يماشيها يمارس معها الغرام .
والمصيبة الأكبر ان مثل هذا النوع من الشباب .. نجدهم كل يوم مع بنت .. اليوم فلبينية .. غدا عربية .. بعد الغد خليجية .. والي بعده أجنبية الجنسية .

يعني باختصار .. بتاع كلوا .

الله يهدي الجميع لما يحبه ويرضاه .
أخت رجال
23-09-2009, 07:48 AM
لذلك أنا أنصح أن يطبق نظام الفحص قبل الزواج اجباري عندنا

لأن البنت المسكينه اللي حافظت على نفسها بكل سهوله راح ينقل لها هالنوع من الشباب

الامراض الفتاكه والعكس صحيح

عالأقل الوحده لوكانت متزوجه وزوجها من هالنوع راح وبكل سهوله تنفصل عنه

لكن اللي لي الحين ماعرفت أنه له علاقات ممكن هي تكون الضحية
الطيبة كلها
23-09-2009, 07:49 AM
:rolleyes2:
صدق من قال
(الكلام اللين .. يُسقط الحق البين)

قد سلف وتراجعت عن قول (ولكن) من كلامك (اللين) :rolleyes2:

سوري اخوي الفيصل ممكن تشرح اكثر كلامك والله ما فهمت او فهمت بس ابي اتاكد اخخخ لان ما شاء الله ملاحظه مواضيعك ورودك دائما قويه واسلوبك مثقف
black@white
23-09-2009, 08:22 AM
لذلك أنا أنصح أن يطبق نظام الفحص قبل الزواج اجباري عندنا

لأن البنت المسكينه اللي حافظت على نفسها بكل سهوله راح ينقل لها هالنوع من الشباب

الامراض الفتاكه والعكس صحيح

عالأقل الوحده لوكانت متزوجه وزوجها من هالنوع راح وبكل سهوله تنفصل عنه

لكن اللي لي الحين ماعرفت أنه له علاقات ممكن هي تكون الضحية

انا من راايك لازم يكون فحص طبي قبل الزواج :nice::nice::nice:
ahmeds
23-09-2009, 08:24 AM
وانا بعد مع المويدين لنظام الفحص قبل الزواج
كم و احد من الشباب مساكين يتزوجون علا نياتهم و يطلع ماخذله شسمه و تنقله الامراض:)
أخت رجال
23-09-2009, 08:26 AM
وانا بعد مع المويدين لنظام الفحص قبل الزواج
كم و احد من الشباب مساكين يتزوجون علا نياتهم و يطلع ماخذله شسمه و تنقله الامراض:)



صح كلامك

وانا قلت بمشاركتي ( والعكس صحيح )
سداوي&مدريدي
23-09-2009, 08:31 AM
هي جات على الفلبينيات بس !!

عآآآدي جدا احنا في سنه 2009 وكل شي جايز :nice:

بتشوفينهم مع كل الجنسيات الثانيه وخصوصا العربيه :telephone:

انتي شفتي منظر او منظرين وانقهرتي عيل لو اتشوفين المناظرالي فبالي شبتسوين :secret:

عموما مانقول الا الله يهدينا ويهديهم

:nice:
Bu Rashid
23-09-2009, 10:39 AM
أشكر الاخت على غيرتها على عيال بلادها
وجاء هذى الموضووووع للتنبيه

اما اذا كانت هذه الاجنبية زوجته ... حلال عليه والله يستر عليهم

وبعض الردود ظريفه و ضحكتني وخصوصا الي يقول روح السيتي في الويكند وشيل :)
غناتي1
23-09-2009, 10:45 AM
الله يستر على عيالنا وبناتنا -- وعيال وبنات المسلمين
دوحة حمد
23-09-2009, 10:47 AM
اولا احب اشكرج اختي عالموضوع اللي الكل وده يتكلم فيه ، وشوفي اختي احنا مانبي نظلم شبابنا بصراحه شبابنا الصلاة عالنبي اخلاق وتربيه ، تبين الصج اختي انا كم مره شفت الشوفه اللي شفتيها وبنفس المكان وعلى طول قلت قطري لاكن يوم قربت من عنده والله العظيم انه كلامه مب كلام قطري ، فتعوذت من بليس وكرهت نفسي يوم فكرت انه اللي عالموتر سيكل قطري .

لازم مانتسرع بهالاشياء ، على طول نقول شباب قطريين ويطلعون مب قطريين .

وعلى كلن الله يصلح شباب سائر المسلمين يارب
زنجبيل
23-09-2009, 11:07 AM
الله يستر علينا وعلى عيال المسلمين
دلوليانوز
23-09-2009, 11:21 AM
أشم رائحة (نتنه)
لاسيما في بعض الردود
الامراض موجوده عند الفلبينيه وغيرها (القطريه ماعلى رأسها ريشه)
الداني داني
والقاصي قاصي
(والوسخه) (وسخه)
وليعذرني القراء على أختيار هذه الكلمه
لعل رنينها يخرق الاذان التي ماعادت تسمع الا صوتها وقرينها الشيطان وأعوانه


**ملاحظة،،
واضح جداً أن (البعض) لاتهمه الغيره على الدين
بقدر ماتهمه (العنصريه) الزائفه
(والفشخره والتعالي) الزائف ايضاً والذي على غير محل والله

يا ليت صناع القرار والمسؤولين..والناس اتفكر مثلك

:nice:
لاجئ عاطفي
23-09-2009, 11:31 AM
شفتي واحد على دراجه يعني مهب لابس اي شي يدل انه قطري فعلى اي اساس قلتي قطري ؟؟ وحتى اللي شفتيه بثوب وغتره مهب شرط يكون قطري الحين الكل يلبس ثيابنا فياريت قبل لاتحرقين قلبج شباب دريتج اتأكدين من اللي تقولينه لان انا واحد واعيش بينهم نادر اشوف مثل اللي تقولين عنه نعم ما انكر ان كثير من الشباب لهم علاقات مع بنات ولكن مهب فلبينيات ولا حتى اجنبيات وان وجد فهي قلة قليلة جداً ..!!!
ورقــة أمــل
23-09-2009, 11:35 AM
شدراج انهم قطريين؟
ولد النواخذه
23-09-2009, 11:42 AM
بغض النظر قطريين أو غير قطريين ولكن الأهم هو أن يراعي كل من يعيش على أرض قطر أن أحنا في بلد محافظ ومتمسك بأذن الله بتعاليم الدين الاسلامي الحنيف, متى ما قدرنا نخلي القاصي والداني يحترم مشاعر ومعتقدات أهل البلد سنحد من انتشار مثل هالتصرفات الدخيلة على مجتمعاتنا على الأقل فالعامة والجميع مسؤل عن نشر وتوعية الناس بهذه الامور وعلى رأسهم الاعلام ووزارة الأوقاف وهيئة السياحه وكل من لديه غيره على اسم قطر.

أحييج عزيزتي على غيرتج
أخت رجال
23-09-2009, 11:50 AM
أنا لم أقصد بمشاركتي الفلبينيه فقط

أقصد كل رخيصه من أي جنسيه

للتنويه فقط
الســـهم
23-09-2009, 11:51 AM
اختي اشدراج انهم قطريين

ترى مب كل من ركب كروزر هالايام قطري

ياااكثرهم الجانب كاشخ وكوبره ويتمشى ويعني يبلفيت قطري

معروفه الجنسيات اللي تتمشى مع الفلبينيات لان من شماليهم ماراحوا بعيد

والله يعطيج العافيه ع الموضوع


للأسف مب مرجعنا ريوس غير هالمنطق , اكيد مب قطري دام السالفه فيها سواد وجه , لأن احنا المدينة الفاضلة وناس خالين من العيوب والمساوئ ..

ياخوي ترى الناس اتميز وتعرف القطري من غيره , وفعلا وبكل أسف هالفئة تارسة الكافيهات والمجمعات وشوارع الدوحة , وادعوك في موسم التخييم اتمر سيلين وتشوف العجب العجاب , عشان ماتطلع وتقول ذولا مش قطريين , وتصير مثل النعام تخش راسك بالتراب ..

والله يعطيج على قد نيتج ياكاتبة الموضوع ..
الســـهم
23-09-2009, 11:54 AM
شفتي واحد على دراجه يعني مهب لابس اي شي يدل انه قطري فعلى اي اساس قلتي قطري ؟؟ وحتى اللي شفتيه بثوب وغتره مهب شرط يكون قطري الحين الكل يلبس ثيابنا فياريت قبل لاتحرقين قلبج شباب دريتج اتأكدين من اللي تقولينه لان انا واحد واعيش بينهم نادر اشوف مثل اللي تقولين عنه نعم ما انكر ان كثير من الشباب لهم علاقات مع بنات ولكن مهب فلبينيات ولا حتى اجنبيات وان وجد فهي قلة قليلة جداً ..!!!

اسطوانه مشروخه ونسمعها دايما ( مش قطري ) , مهما حاولت وغطيت ترى الشمس مايحجبها غربال ..
الســـهم
23-09-2009, 11:57 AM
شدراج انهم قطريين؟

صح كلامج القطريين ملائكة ( استغفر الله العظيم ) , وبنقولها مرارا وتكرارا احنا اهل المدينه الفاضلة واللي مافينا اي عيب ..
ahmaaaddd
23-09-2009, 12:02 PM
جزاك الله خير يالهذلان انت واخوي الفيصل ورحم الله والديكم
_بوشهاب_
23-09-2009, 12:03 PM
بصراحه حدث ولاحرج هي جات على الفلبينيات بس والله ياجماعه خلونا ساكتين عشان ماينحذف الرد واصحاب الدراجات يعرفون انا شقصدي
والله ياجماعه انا تركت الدراجات وطقعت حق اكثر شباب الدراجات بسبه هالبنات وشو ايش الي صاير هناك
والي يبي يشوف المصخره على اصولها يروح ستاربكس عند اشارات رمادا
مانقول الا الله يهديهم ويصلحهم ان شاء الله
اخوكم _بوشهاب_
butterfly
23-09-2009, 12:08 PM
اذا دينه ما ردعه محد يقدر يردعه
اللهم اصلح شباب المسلمين
منهم وفيهم
23-09-2009, 12:25 PM
أشكر اختي طارحة الموضوع واحيي غيرتها
_بوشهاب_
23-09-2009, 12:26 PM
اذا دينه ما ردعه محد يقدر يردعه
اللهم اصلح شباب المسلمين

اللهم آمين
ضوى
23-09-2009, 12:29 PM
اختي الغالية الطيبة كلها

بارك الله فيك وجزاك الله خيرا على غيرتك على دينك وجعل الله الجنة موطئاً لقدميك اللهم اميييييييييييييييييين

والله ان القلب ليذوب كمدا مما نرى ونسمع حتى اصبح الخروج من البيت كارثة مابعدها من كارثة ، لااعرف

بماذا اعلق ولكني سادعو لهم بالهداية والاصلاح وانا اعرف انهم ليسوا جيل صلاح الدين وان شاء الله يخرج

من اصلابهم الجيل الذي سيعدل هذا الزمان ان شاء الله ، وسادعو لابائهم وامهاتهم بنرو البصيرة ليروا

الاشياء كما هي على الحقيقة وليس بنص العين ومايريدون رؤيته ، انتبهوا لابنائكم انتبهوا


اللهم اهدي شباب المسلمين واصلح احوالهم انك قادر على كل شئ اللهم اميييييييييييييييييييين
&بوشهد&
23-09-2009, 12:38 PM
اذا لم تستحي فاصنع ماشئت
(حوريه)
23-09-2009, 12:47 PM
مظاهر الفساد لاتحصى

شي نلاحظه وشي في الخفاء

الله الهادي

وكفانا الله شرهم
بن رومي
23-09-2009, 12:49 PM
خلاصة الرد

هاي كله يرد على

المراقبة الذاتية للنفس
والضمير الواعي

واهم منهم كلهم




هو تقوى الله سبحانه وتعالى



اخوكم بن رومي
BURBERRY
23-09-2009, 12:54 PM
صراحه ما كتبت الموضوع الا من القهر انا ما اطلع للمجمعات والكافيهات وايد بس لما اطلع شوي من البيت مع زوجي ندور بالسياره ارى مشاهد تقهر وزادت السالفه وانتشرت وامسخت وتشمخت ولو تحضرني كلمات ثانيه الحين باكتبها

مثلا اليوم طلعنا صوب البحر صوب مطعم البندر سابقا والا نشوف شاب قطري على بطبطه ( موتر سيكل ) ووراه فلبينيه انت وين بامريكا ماعندك دين انت مسلم حسبي الله عليك تشوه الاسلام والشباب بيقلدونك بيكون بذمتك اذا حد قلدك
بعدين رحنا صوب البيت وعند الاشاره والا جنبنا سياره الايقولي زوجي يلا شوفي السياره اللي صوبي من فيها واشوف بعد قطري وفلبينيه ياه ه ه ه ه ه ه ه ه ه ه امسخت كل ما اطلع من بيتي يا شباب عرب مثل الورد مع فلبينيات يا شباب قطريين والله حرام عليكم ماتخافون الله ودي اعرف ايش عاجبهم فيهم لو فيكم خير اخذوا امهاتكم ولا خواتكم ودوروهم ووسعوا صدورهم بس مب كفوا الصياعه احسن وخاصه الماده عندهم ولا حسيب ولا رقيب طيب لين متى ابغي اعرف لين متى مافي قوانين توقفهم عند حدهم

لدرجه اني سمعت اي سمعت الا شفت بعيني ايام المخيمات بخور العديد شبابنا وكل واحد مركب فلبينيه وراه صج اذا لم تستحي فاصنع ما شئت

ارجوا عدم حذف الموضوع وياريت حد يقدر يسوي شئ بهاي الموضوع ويوصله للمسؤولين

وياويل حد فيكم يقول حريه شخصيه تسمعون الحرام مب حريه شخصيه :anger1:

لا حول ولا قوة إلا بالله

الله يهديهم و يصلحهم

بس انتي شدراج انهم قطريين ؟ شفتي اساميهم و من منه؟ ولا شلون حكمتي انهم قطريين؟

يمكن بلوشي ولا زلمه لابسين ثوب و غتره و كاشخين
روميت
23-09-2009, 01:08 PM
السلام عليكم



خدمة ( العضيد ) للإبلاغ عن الظواهر المخلة بالآداب والقوانين في المجتمع القطري.

فاكس : 4255888

أو هاتف : 4947888

أو خدمة الرسائل : 2994

أو بريد إلكتروني : aladeid@moi.gov.qa

ملاحظه1 : سيتم التعامل مع جميع المكالمات والمعلومات بسرية تامة.

ملاحظه2 : الخدمة 24 ساعة.

( شكرا حكومتنا )

للتعرف أكثر عن الخدمة زوروا :

http://www.moi.gov.qa/aladeid/Arabic/index.html


______________________________________

السؤال >>> العضيد وينهم ..؟؟؟

مادري يقومون بدورهم او لا .........لا علم لي
م. عبدالعزيز
23-09-2009, 01:30 PM
نو تكفى لا تقول جذي
انا وايد اعتز بشبابنا ووايد اشوفهم ارقى من هالمستوى

ويمكن فيه بس اتوقع فئه قليله وايد وايد وايد... يعني يمكن 1 في 200 او اقل بعد ..
بس الاغلبيه اجانب و مقتبسين الدور القطري ..


الله يحفظهم ويحفظكم
الدنيا فيها خير ، والفئه اللي نقصدها هم قله أقليه فيهم ضعف بالايمان فقط لا غير ..

اما شباب او حتى بنات هالقطر متأكد انه فيهم الخير والبركه ..
قناص قطر
23-09-2009, 01:43 PM
كل ساقط وله لاقط
جرير
23-09-2009, 02:38 PM
مع احترامي لصاحب الموضوع

العنوان تشويق واثاره اكثر من الواقع

ممكن قبل هالظاهره كانت موجوده قبل بس خفت كثير

وين هالكلام . . . . في كل مكان و عند الاشارات . . . موب لهدرجه يعني

شي طبيعي انك بتشوف واحد مع وحده سواء كانت فلبينيه او اي جنسيه اخرى

بس مش لدرجه انها صارت ظاهره او مشكله عالميه

والموضوع موب مستحق كل هالشوشره

شدعوه لدرجه انها زادت وامسخت وتشمخت

مع احترامي لجميع المشاركات

مشاركتي في الموضوع مش دفاعا عن الشباب القطري

ولكن لوضع النقاط على الحروف
PARIS
23-09-2009, 02:47 PM
نسأل الله المعافاة في الدنيا والآخرة .....والحياء شعبة من شعب الايمان ....وان لم تستحي فاصنع ماشئت................
~ نســـايم ~
23-09-2009, 02:49 PM
كلنا نعلم تمام العلم ان هالامور تحصل وان قل عدد فاعليها ومن قطريين وابناء البلد ومن قطريات وبنات البلد ,,


لكن نحسب ان شاء الله ان اعدادهم قليلة ولا نتمنى زيادتها وندعو الله لهم بالهداية والصلاح والايمان والبعد عن المعاصي وقلة الحياء فقلة الحياء هي السبب الرئيسي في ضياع الكثير من القيم الاخلاقية لا حول ولا قوة الا بالله العلي العظيم ,,


لا اخفيكِ سراً اختي الفاضله الغيوره الطيبة كلها انني مثلك واكثر في الغيره على ابناءنا المسلمين شتى وليسوا فقط القطريين و يحترق قلبي لرؤية اي منظر مخل بالاداب وفيه مجاهرة بالمعصية امام الناس وامام الله سبحانه وتعالى ( لا تجعل الله اهون الناظرين اليك) :weeping: ,,


لكن لم اكن اخرج وارى ولا احتك بالناس سنين طوال وعندما خرجت لفترة وزاد احتكاكي بالناس اصبت باكتئاب شديد جدا واثرت ان ارجع لاعتكافي في بيتي مع محيط عائلتي فقط ولم ارد رؤية المزيد فالقابض الان على دينه كالقابض على جمر والله ومن الممكن ان يكون ضعفا ان يعتزل الشخص الناس ولكن اهون من رؤية ما يكدر الخاطر مثلما رأيتي وما نملك سوى الدعاء لهم بالهداية وان لا ياثمنا الله على رؤيتنا لتلك المناظر وعدم تغيير المنكر بايدينا وبلساننا في بعض الاحيان و نتبع اضعف الايمان وهو انكاره في القلب :( ,,


بارك الله فيكِ على غيرتك الشديده ولكن نصيحة لا تنفعلي كثيرا واطلبي من الله الهداية لهم و استغفري كثيرا اختاه العزيزه ,,


والسلام عليكم ورحمة الله وبركاته
القلب المؤمن
23-09-2009, 02:54 PM
مع احترامي لصاحب الموضوع

العنوان تشويق واثاره اكثر من الواقع

ممكن قبل هالظاهره كانت موجوده قبل بس خفت كثير

وين هالكلام . . . . في كل مكان و عند الاشارات . . . موب لهدرجه يعني

شي طبيعي انك بتشوف واحد مع وحده سواء كانت فلبينيه او اي جنسيه اخرى

بس مش لدرجه انها صارت ظاهره او مشكله عالميه

والموضوع موب مستحق كل هالشوشره

شدعوه لدرجه انها زادت وامسخت وتشمخت

مع احترامي لجميع المشاركات

مشاركتي في الموضوع مش دفاعا عن الشباب القطري

ولكن لوضع النقاط على الحروف

بالعكس اخوي مع احترامي لوجهة نظرك الظاهرة منتشرة جدا بين الشباب القطريين للأسف وين مارحت تشوف هالشي انا شفت بعيوني وسمعت بأذوني رجال أرباب بيوت ومن عوايل بالشغل عندنا في عيد الحب كل واحد يتفاخر انه طالع مع الجيرل فريند لا ويطلعون معاهم رحلات وصور وكل واحد يستشير الثاني ها ..جربت هذي ؟ شلون زينة ..يالله ابغي اوسع صدري :secret:

يعني (يا وجه استح) صارت كان زمان وجبر ..
اللهم احفظنا .
كيلو حديد
23-09-2009, 03:09 PM
كل واحد حر دامه ما يزعج حد ولا يعتدي عليه



واللي مضايقين ومسوين فيها زعل ويبون يحاكمونهم

ليش ما يحاكمون هالاجانب اللي بكل مكان والا الاجانب على راسهم ريشه

ولا مسوين انكم ما تعرفون وتحسبونهم متزوجين

الاجانب موجودين مزح وضحك ولعب وتفسخ وتبوس بكل مكان
من العديد الين الشمال ومن سوق واقف لين المجمعات
واللي ما درى يدري

ومحد كفو يكلمهم بس حاطين دوبكم ودوب هالفلبينيات اللي ما يضايقن حد
وفي كثيرين تزوجوا من فلبينيات وعايشين عسل

والمشكله لما الفقير يتحاكم ويتلاحق والغني يفلت بالعقوبه
الغني او الانغليزي والامريكي والاجنبي المدعوم

يا تعدولن مع الجميع يا تتركونهم دامهم ما يأذون حد
المشرفي التم
23-09-2009, 03:28 PM
( ما شاعت الفاحشة في قوم إلا ظهرت فيهم الأوجاع التي لم تكن في أسلافهم الذين مضوا)
اذا لم يتم الاخذ على ايدى هولاء السفهاء فأن غرق المركب سيكون فريبا
اللهم انا نعوذ بك من الفواحش ما ظهر منها وما بطن
بارك الله فيك يا اختي على هذه الغيرة على دينك وشباب وطنك
رRاAدDاAرR
23-09-2009, 03:28 PM
ما تضحكني إلا الردود اللي كاتبين فيها هذيله مب قطريين
كاتبين اشدراكم انهم قطريين
انزين آنا باسألكم اشدراكم انهم مب قطريين لا يكون شايفين بطاقاتهم بس :tease:

تدفنون روسكم في الرمل نفس النعام وتقطون هالبلاوي اللي نشوفها كل يوم على الأجانب
وكأن شبابنا ملائكة معصومين من الخطأ :eek5:

خلوا عنكم العنصرية واعترفوا بوجود هالظاهرة اللي صج زادت في الفترة الأخيرة وصارت من المشاهد اليومية للأسف وبدون حسيب ولا رقيب :anger1:
لاجئ عاطفي
23-09-2009, 03:39 PM
ما تضحكني إلا الردود اللي كاتبين فيها هذيله مب قطريين
كاتبين اشدراكم انهم قطريين
انزين آنا باسألكم اشدراكم انهم مب قطريين لا يكون شايفين بطاقاتهم بس :tease:

تدفنون روسكم في الرمل نفس النعام وتقطون هالبلاوي اللي نشوفها كل يوم على الأجانب
وكأن شبابنا ملائكة معصومين من الخطأ :eek5:

خلوا عنكم العنصرية واعترفوا بوجود هالظاهرة اللي صج زادت في الفترة الأخيرة وصارت من المشاهد اليومية للأسف وبدون حسيب ولا رقيب :anger1:


اي شي طبيعي مايكونون قطريين مهب عنصريه بس هذا هو المنطق والعقل .. القطريين مايتعدون 300 الف بينما الاجانب اكثر من مليون يعني من الطبيعي ان هالظواهر هي من الاجانب لان هذول متعوديين على قلة الحيا حتى في الاماكن العامة ماعندهم مشاكل واذا حاب اتعرف روح اقرب مركز شرطة وشوف الجرائم سواء اخلاقيه او غيرها تلقى النسبة الاكبر هي من الاجانب
واقعية
23-09-2009, 03:40 PM
سواء كانو قطريين او لا

مش هذا الموضوع .. المفروض اننا نحافظ على شبابنا بغض النظر عن جنسياتهم

لان اللي بيشوف اليوم ممكن بكرة يقلد و يصير هذا المنكر شي مألوف

ولو قلنا في ان حتى البعض من القطريات يخرجن مع شباب فهذا مش عذر للسكوت عن هذا المنكر

يعني موضوع القطريات ... فهذا سهل لاننا احنا نقدر نغير هذا الشئ لو كل واحد دار باله على بيته و عياله

و لكن هذي ((( شباب مع فتيات عربيات / اجنبيات ))) ... لابد من اتخاذ بعض الاجراءات من الاجهزة الامنية بالدولة حفاظا عليهم و تخويف للباقي

تحياتي
مزمز
23-09-2009, 03:49 PM
بصراحه يمكن قطري وقطريه مايثرون الشك يمكن اخته زوجته تقرب له


لكل قطري وفلبينيه واضحه!!!!!!

يثرون الشك
والواحد يستر ع نفسه لانه لك عين وللناس اعينوا
رRاAدDاAرR
23-09-2009, 03:55 PM
اي شي طبيعي مايكونون قطريين مهب عنصريه بس هذا هو المنطق والعقل .. القطريين مايتعدون 300 الف بينما الاجانب اكثر من مليون يعني من الطبيعي ان هالظواهر هي من الاجانب لان هذول متعوديين على قلة الحيا حتى في الاماكن العامة ماعندهم مشاكل واذا حاب اتعرف روح اقرب مركز شرطة وشوف الجرائم سواء اخلاقيه او غيرها تلقى النسبة الاكبر هي من الاجانب

أي منطق وأي عقل الله يرحم لي والديك
إنت جنك تقولي كل البلاوي اللي تصير وراها الأجانب عندنا وشبابنا مساكين ما يطلع منهم العيب كلش

آنا معاك إن وجود الاجانب سبب لنا مشاكل كثيرة بس خل نعترف إن فيه فئة فاسدة من شبابنا ما يخافون الله ويجاهرون بالمعصية وما عندهم أي مشكلة !!

إذا تبي تتأكد من كلامي روح امن الجنوب واسألهم عن الفضايح الأخلاقية اللي يسوونها بعض شبابنا في العديد اللي صج يندى لها الجبين :anger1:
مخباط
23-09-2009, 04:09 PM
اي شي طبيعي مايكونون قطريين مهب عنصريه بس هذا هو المنطق والعقل .. القطريين مايتعدون 300 الف بينما الاجانب اكثر من مليون يعني من الطبيعي ان هالظواهر هي من الاجانب لان هذول متعوديين على قلة الحيا حتى في الاماكن العامة ماعندهم مشاكل واذا حاب اتعرف روح اقرب مركز شرطة وشوف الجرائم سواء اخلاقيه او غيرها تلقى النسبة الاكبر هي من الاجانب





خاف ربك دايما تقولون الاجانب

شكلك انت ماتشوف شي او مب من اهل الدوحه

اقول خلها على ربك


عندي رجعه باروح الدوام
BURBERRY
23-09-2009, 04:12 PM
أي منطق وأي عقل الله يرحم لي والديك
إنت جنك تقولي كل البلاوي اللي تصير وراها الأجانب عندنا وشبابنا مساكين ما يطلع منهم العيب كلش

آنا معاك إن وجود الاجانب سبب لنا مشاكل كثيرة بس خل نعترف إن فيه فئة فاسدة من شبابنا ما يخافون الله ويجاهرون بالمعصية وما عندهم أي مشكلة !!

إذا تبي تتأكد من كلامي روح امن الجنوب واسألهم عن الفضايح الأخلاقية اللي يسوونها بعض شبابنا في العديد اللي صج يندى لها الجبين :anger1:

شباب هل قطر الاصليين ما عليهم كلام ماراح ينزلون نفسهم و يشوهون سمعتهم و سمعة جماعتهم عشان فلبينيه ..

مشكلتكم تعمون و ما تفرقون .. انا شايف باكستاني لابس ثوب و غتره و كاشخ حده و قالب لسانه بدوي و مركب وحده .. يعني هذا مب شبابنا؟
بوخالد911
23-09-2009, 04:15 PM
الله يعيين بس
Falconeye
23-09-2009, 04:20 PM
فعلا الامر بحاجة الى وقفة تصحيحية من المجتمع
عضو المنتدى
23-09-2009, 04:48 PM
صراحه ما كتبت الموضوع الا من القهر انا ما اطلع للمجمعات والكافيهات وايد بس لما اطلع شوي من البيت مع زوجي ندور بالسياره ارى مشاهد تقهر وزادت السالفه وانتشرت وامسخت وتشمخت ولو تحضرني كلمات ثانيه الحين باكتبها

مثلا اليوم طلعنا صوب البحر صوب مطعم البندر سابقا والا نشوف شاب قطري على بطبطه ( موتر سيكل ) ووراه فلبينيه انت وين بامريكا ماعندك دين انت مسلم حسبي الله عليك تشوه الاسلام والشباب بيقلدونك بيكون بذمتك اذا حد قلدك
بعدين رحنا صوب البيت وعند الاشاره والا جنبنا سياره الايقولي زوجي يلا شوفي السياره اللي صوبي من فيها واشوف بعد قطري وفلبينيه ياه ه ه ه ه ه ه ه ه ه ه امسخت كل ما اطلع من بيتي يا شباب عرب مثل الورد مع فلبينيات يا شباب قطريين والله حرام عليكم ماتخافون الله ودي اعرف ايش عاجبهم فيهم لو فيكم خير اخذوا امهاتكم ولا خواتكم ودوروهم ووسعوا صدورهم بس مب كفوا الصياعه احسن وخاصه الماده عندهم ولا حسيب ولا رقيب طيب لين متى ابغي اعرف لين متى مافي قوانين توقفهم عند حدهم

لدرجه اني سمعت اي سمعت الا شفت بعيني ايام المخيمات بخور العديد شبابنا وكل واحد مركب فلبينيه وراه صج اذا لم تستحي فاصنع ما شئت

ارجوا عدم حذف الموضوع وياريت حد يقدر يسوي شئ بهاي الموضوع ويوصله للمسؤولين

وياويل حد فيكم يقول حريه شخصيه تسمعون الحرام مب حريه شخصيه :anger1:

والله حتى الشاميين والأجانب ألأمريكان مع الفلبينيات .

أشوفهم يعزمونهم في مطاعم عائليه وبملابس غير محتشمه وأمام العوائل خاصه في

المطاعم الأمريكية في لاند مارك ومجمعات الثانية .

والخلل الله يسلمك في القانون الوضعي السيئ الذكر

مايسمى ب ( الزنى برضى الطرفين ) لا يوجد قانون يحاسب عليه !!

البنت موافقه والشاب موافق على علاقاتهم بين بعضهم البعض مقابل كم دولار .

إذا تمت الجريمة والحمل من الفتاة بالخطئ يتم ألقاء الجنين وهو حي في أي مكان

ومؤسسة دريمه تكمل المشوار لليتيم = راتب + جواز قطري .

ووللأسف الكل أستغل القانون والدولة .

وواجب على الدولة الحذر والأنتباه و أعاده النظر في هذه القوانين والله يوفقهم
رمــش الغلا
23-09-2009, 04:53 PM
ايه والله انا شفت واحد قطري في مجمع
هي تشتري واتحط في الجاري وهو يدفع
والفلبنيه ماخلت شي ماشرته لها وحق خواتها :omg:
كسر خاطري القطري بس يستاهل :anger2:
كاتم الاسرار
23-09-2009, 05:09 PM
كل واحد حر دامه ما يزعج حد ولا يعتدي عليه



واللي مضايقين ومسوين فيها زعل ويبون يحاكمونهم

ليش ما يحاكمون هالاجانب اللي بكل مكان والا الاجانب على راسهم ريشه

ولا مسوين انكم ما تعرفون وتحسبونهم متزوجين

الاجانب موجودين مزح وضحك ولعب وتفسخ وتبوس بكل مكان
من العديد الين الشمال ومن سوق واقف لين المجمعات
واللي ما درى يدري

ومحد كفو يكلمهم بس حاطين دوبكم ودوب هالفلبينيات اللي ما يضايقن حد
وفي كثيرين تزوجوا من فلبينيات وعايشين عسل

والمشكله لما الفقير يتحاكم ويتلاحق والغني يفلت بالعقوبه
الغني او الانغليزي والامريكي والاجنبي المدعوم

يا تعدولن مع الجميع يا تتركونهم دامهم ما يأذون حد


جزاك الله خير على كلامك يالغالي الحين خلواااااااااااا كل شي وجاووا على الفلبينيه مسكينه

الله يستر وللحين ما تشفتوا شي
المخفي
23-09-2009, 05:32 PM
منفعة متبادلة

الله يهديهم
قطر دزاين
23-09-2009, 06:57 PM
الجواب
قله تربيه
وعدم اكثرثه بالدين
هذا اللي يخليهم يتبعون الاجانب وكانه ذلليل
براتزية برازيلية
23-09-2009, 06:58 PM
اختي أحييج على غيرتج بس ليش حرق الأعصاب!!
و بدون زعل ترا هي حرية شخصية
القطري إنسان
والإنسان مو ملاك
و بخصوص أنه عيب او حرام ترا بينه و بين ربه يقعد مع بنت في كوفي شوب أو سيارة أو مدينة ملاهي كيفه طالما التزموا بالأداب العامة ماشوفها مشكلة و مايستاهل تثيرون كل هالضجة عشان هالموضوع و ماتدرون عن ظروف الناس يمكن هالفلبنية زوجته شدراكم!!!! و الاهم شعليكم منهم!!!! مثل ما ذكرت طول ماهم مو مسويين شي غلط هم أحرار!! و إذا مسويين شي غلط اعتقد البلد فيها قانون و في حساب لهالمواضيع
إذا كل شي بنشوفه في الشارع بنتكلم عنه و بنَزل موضوع مارح نخلص
ماهر حسن
23-09-2009, 07:15 PM
انا اشوف انكم امصخينها ....قاعدين ترمون الشباب القطري والبنات القطريات جزافا
اذا في فئة فيها ضلال وانحراف ...المفروض اهلهم قبل القانون يردعونهم ...لكن اذا
ابائهم وامهاتهم وعوايلهم امخلينهم يمشون على خر اذنهم ...واصحاب القرار
في البلد ....فهذا شي ثاني .....اسمه ...لامبالاه صريحة ..والذمة واسعة اشوي ...
عند البعض ....لكن ان كان هدف طرح الموضوع تشويه صورة الشباب والبنات
القطريين والقطريات ...بنشر غسيل بعض الوسخين ...لتعميمه ...والمزايده
عليه ...فلا ....احنا شباب وبنات قطر متأكدين من ان الكثرة منا لاتشوب سمعتهم
شائبة ...وليسوا منقادين لا لشهواتهم ولا لغرائزهم كما يدعي البعض ...
اقول ...الي عنده سالفه ماسخه ...ودايخه ....ياليت يستأذن الادارة ...قبل لايحطها ..
انتم مسستم بعرض الشباب والبنات القطريين ...وشوهتم الكل من اجل البعض:anger1: ...
هداكم الله على ضحالة ومستوى التفكير....
الفيلسـوف
23-09-2009, 10:30 PM
الشي هذا حصل بعد الكثرة من العمالة والعاملات الفليينيات

لكن لو رجعنا للهنديات كالسابق فلا اعتقد اي شاب ممكن يستخدمها

كجيرل فريندز - لكن الحين تم تقليل من استخدامهم تجارياً ( للشركات والمحلات)وهذا الشي سار

تسلمين على الموضوع
nouar
23-09-2009, 10:36 PM
اقول مره جلست مع واحده زميله في الشغل بتقول انها بدور عروس لابنها ..

قطريه ومب عاجبتها بنت عم الولد وتنظر انها تتزوج - هذا نقل حرفي - ميشان ما تريد تزوج ابنها ...

المشكله انه الاباء والامهات ما بعتبروا اولادهم يريدوا يتزوجوا ..

بصراحه اشوف كثير من القطريين والعرب مع الفلبينيات في المجمعات ..

وشاكرتلك على الموضوع .. اختي
مستقلة
23-09-2009, 10:48 PM
انا اللي مخوفني ان الفلبينيين منتشرين بطريقة غير طبيعية في البلد و خاصة العائلات مب بس العمال
سكنوا الفلل اللي احذانا وصاروا يدورون في الشوارع و الدكاكين رايحين جايين بلبس فاضح في اكثر من فريج لهم صنة و رنة من أسماء القبائل اللي فيهم و اللي كانوا فيهم و شردوا من هالزحف الغريب
شوفو المطاعم و المجمعات كله فلبينين ياكلون و يتمشون
احس انه غزو قوم جوج و ماجوج
بوحارب
23-09-2009, 10:54 PM
بعض الشباب هالأيام ماعد يقتنع باللي عنده وصار يجمع من كل جنسية للأسف

اسويوية وشامية وخليجية ووووووووو وحتى لو حصله يتعرف سحلية بنجابية بيتعرف:omen2:

والمثل يقول لك ساقط لاقط

الله يبعد عنا الحرام يارب ويحفظنا وياكم منهـ
فهد الخاطر
24-09-2009, 01:33 AM
الله يكفينا شر هالاشكال
بنت ابوها 19
24-09-2009, 01:44 AM
ماقدر اقول غيـــــــــــــــــــــــــر


الطيور على اشكالها تقع


وكل ساقط له لاقط

حسبي الله ونعم الوكيل فيهم
بوخالد911
24-09-2009, 01:51 AM
وهالفئة لما يخطبوون لهم

تسمع كلام امهاتهم : ولدي ماشالله عليييه ؛ دين وأخلاق

من البيت للمسجد وللشغل


وخاايف ربه وووووو


الله لا يبلانا بس

الحمد لله ....