اجتماع حاسم الجمعة لمناقشة تأجيل الدراسة [الأرشيف]

مشاهدة النسخة كاملة : اجتماع حاسم الجمعة لمناقشة تأجيل الدراسة

hard to get

23-09-2009, 09:53 AM

علمت الشرق ان اجتماعا هاما سيعقد بعد غد الجمعة بين الجهات المعنية بمتابعة تطور مرض انفلونزا h1n1 بالبلاد لحسم قضية تأجيل العام الدراسي من عدمه، الذي حسب موعد العام الدراسي الجديد يبدأ الاحد المقبل.
وعلى الرغم من الجاهزية التي اعلن عنها كل من المجلس الاعلى للصحة والمجلس الاعلى للتعليم لاستقبال العام الدراسي الجديد، وحملات التوعية والتثقيف الجارية حاليا، فإن التخوف لا يزال كبيرا عند اولياء الامور من ارسال ابنائهم الى المدارس، خاصة في الايام الاولى، نظرا لتوقع وصول اعداد كبيرة من المدرسين والطلاب من الخارج قبيل بدء العام الدراسي، وهو ما قد يدعو للقلق بسبب احتمال حمل القادمين من الخارج جرثومة انفلونزا h1n1.
ويرى مراقبون انه في حال اتخاذ قرار بتأجيل العام الدراسي فان مدة التأجيل لن تزيد عن اسبوعين فقط، حتى لا يحدث ذلك ارباكا للعام الدراسي الجديد.
وفي الوقت الذي اكدت فيه مصادر مسؤولة لـ الشرق ان تأجيل العام الدراسي لا يمثل حلا فعليا للمرض، انما ترحيل وتأجيل انتشاره الى ايام لاحقة، ناشد مواطنون الجهات المسؤولة اتخاذ خطوة بتأجيل العام الدراسي اسوة بباقي الدول الخليجية، التي اقدمت جميعها على خطوة التأجيل لمدد متفاوتة.
واشارت هذه المصادر الى انه في حال الاقدام على خطوة تأجيل العام الدراسي فان ذلك يأتي مراعاة للجانب النفسي، وتهدئة للمخاوف، وطمأنة الرأي العام، اكثر من كونه تطورا كبيرا في انتشار المرض، مؤكدة ان الجهات المعنية قد اتخذت كافة الاجراءات الاحترازية في المدارس لمواجهة انفلونزا h1n1 ، وان الامر لا يدعو للقلق. من جهة اخرى أعلن مصدر مسؤول بالمجلس الأعلى للصحة عن وفاة مواطنة قطرية مصابة بأنفلونزا الخنازير "اتش1ان1" ليرتفع عدد الوفيات من هذا المرض في دولة قطر إلى ثلاث وفيات. وفي اطار جهود المجلس الأعلى للصحة واصل المجلس حملته التثقيفية حول مرض h1n1 خلال عيد الفطر المبارك في عدد من المجمعات التجارية .

s o s o

23-09-2009, 09:56 AM

زين والله هذا تطور جميل ومرغوب ...صار لنفسيتنا وتهدئتها اهتمام وقدر لدى المسئولين !! هذا ماكنا نتمناه وان شاء الله يتم ويتحقق
واتمنى انهم بعد يدرسون اقتراح ان تكون الدراسه منازل تحسبا لاي تطور في هالمرض

الـقـاسـي

23-09-2009, 09:59 AM

فالاخير بيقولون لا مافي تاجيل هذا كلام يضحكون فيه على الناس يعني شوفوا احنا اجتمعنا عشان خاطركم ..
ولا يعني حبكت مايجتمعون الا الجمعه وينهم الاسابيع اللي فاتت ..

Realistic

23-09-2009, 10:00 AM

اوكي وخلال هالاسبوعين الي بيأجلون فيها الدراسه .. بيسوون حضر سفر عشان محد يسافر وينتقل له الفايروس؟

اذا مافي حضر للسفر .. مافي فايده !
الا اذا تم تطعيم الكل خلال فترة التأجيل

الواعد

23-09-2009, 10:04 AM

يوم الجمعة مافي دوام شلون بيصير فيه اجتماع ؟؟؟

بعدين ليش مستعجلين باقي يومين على المدارس

ليش مايجتمعون صباح الأحد أحسن لهم

علشان يضمنون مااحد يسافر 100% :)

hard to get

23-09-2009, 10:06 AM

المضحك انهم يفكرون ياجلون الدراسة اسبوعين
اعتقد شهرين اقل مدة ممكن يتكلمون عنها

لان الاطفال مايعرفون شي عن المرض يلعبون مع بعض
و اذا الواحد فيهم صابته اعراض ما يتكلم
اعتقد اولادنا اهم من هالسنه الدراسية
خصوصا ان المرض ابتدى ينتشر على نطاق واسع وخصوصا ان الانفلونزا الموسمية على الابواب

الله يستر علينا ويحفظنا ويحفظ اولادنا من هالامراض

قناص قطر

23-09-2009, 10:56 AM

السلام عليكم

ذكرنا سابقا

التاجيل يعتمد على حسب وصول اللقاح فقط

اسبوع او اسبوعين بالكثير ان شاء الله

غير البشر

23-09-2009, 11:00 AM

السلام عليكم

ذكرنا سابقا

التاجيل يعتمد على حسب وصول اللقاح فقط

اسبوع او اسبوعين بالكثير ان شاء الله

مرررررررررحبا اخوي قناص

يقولون اللقاح مادري اشفيه ادمر من الفايرس نفسه :rolleyes2:

خلهم يجيبون لقاح نخل احسن

بالنسبه لي انا ما انتظر الاجتماع غياب يعني غياب :nice:

قناص قطر

23-09-2009, 11:04 AM

بالعكس

اللقاح نجح بالصين ولله الحمد ولا يحتاج جرعه ثانيه

يعني من اول جرعه كفايه

kare

23-09-2009, 11:21 AM

مرررررررررحبا اخوي قناص

يقولون اللقاح مادري اشفيه ادمر من الفايرس نفسه :rolleyes2:

خلهم يجيبون لقاح نخل احسن

بالنسبه لي انا ما انتظر الاجتماع غياب يعني غياب :nice:

صحيح اللقاح هو نفسه الي استخدم في السبعينات وسبب بلاوي اخطر من الافلونزا الله يستر
لا ويبون يعطونه عيالنا !!
اذا المصنعين يرفضون استخدامه !! ويحذروون منه شلون نستخدمه احنا ؟؟؟!!

بالنسبه لتأجيل الدراسه اعتقد انه شي ضروري
نص المدرسين والمدرسات كلهم اجانب غير القطرين الي مسافرين وتوهم رادين وعيالهم معاهم ...
بالذمه اشلون مايكون التاجيل ضروري ؟!!!!!!!!!

بواردي

23-09-2009, 11:30 AM

مرررررررررحبا اخوي قناص

يقولون اللقاح مادري اشفيه ادمر من الفايرس نفسه :rolleyes2:

خلهم يجيبون لقاح نخل احسن

بالنسبه لي انا ما انتظر الاجتماع غياب يعني غياب :nice:
:nice:
وانا معك

مطيع الله

23-09-2009, 11:31 AM

بس اذا تأجلت المدارس من يحضر اليوم الاولومبي
يتم بلا جمهور!
الحين اهما متعبين حالهم على شانا ومسوين جداول وفعاليات والعاب تبون تخربون البرامج المعدة ليوم الاحتفال

متى نتطور

ولد النواخذه

23-09-2009, 12:00 PM

الوقاية خير من العلاج

اتمنى يتم التأجيل على أقل تقدير للأطفال أقل من 9 سنوات لأن اجسامهم غير مكتملة التطعيمات وقابلة للتعرض للامراض

ماني بهين

23-09-2009, 12:37 PM

المفروض تتاجل الدراسة لحين وصول اللقاح وتطعيم الطلاب

واعتقد ان مستشفى حمد غير جاهز لاستقبال اعداد كبيرة لو انتشر المرض

ياليت يحسبون حساب هالنقطة

مستثمره جديده

23-09-2009, 12:44 PM

والله على كيفهم اجتمعوا ما اجتمعوا قرروا ماقرروا ماراح نطرش عيالنا للمدارس في اول اسبوعين خل تفوتهم الدروس كلش عاد اذا حضروا مادري ايش بياخذون ..صحة عيالنا اهم من اي شي ثاني

بواردي

23-09-2009, 12:49 PM

بس اذا تأجلت المدارس من يحضر اليوم الاولومبي
يتم بلا جمهور!
الحين اهما متعبين حالهم على شانا ومسوين جداول وفعاليات والعاب تبون تخربون البرامج المعدة ليوم الاحتفال

متى نتطور

ما نبي نتطور على حساب صحة عيالنا
واذا اليوم الاولمبي يهمك
روح انت
كيفك اخوي

العنود55

23-09-2009, 01:01 PM

شفايدة التأجيل دام الناس بتسافر واللي فيه المرض عادي يخالط الناس اللي حواليه ؟

s o s o

23-09-2009, 01:10 PM

انا مادري شسالفة السفر الي ماسكين عليها !!!

الناس ترى ماعندها فلوس حق السفر المعاش وخلص على العيد واغراض المدارس والي ميمعينه هالجم الف للايام السوده مااعتقد بنسافر فيها

قناص الخليج

23-09-2009, 01:17 PM

الله كريم

وزارة الصحه بموقف لا تحسد علية

PARIS

23-09-2009, 02:52 PM

لاحول ولا قوة الا بالله .....

امل الحب

23-09-2009, 03:00 PM

اوك ..

تأجيل + منع سفر للي ماعنده شغل هاام

مع ان التأجيل هو مجرد تأجيل لاختلاط الاطفال ببعض يعني رحنا والا ردينا بيداومون اليوم او بكرة .. :)

]ام جاسم[

23-09-2009, 03:00 PM

وش صار على سالفة تاجيل الدراسه ...... الزبده الحين وافقو ولا لا ؟
اليوم الاربعاء والدوامات الاحد؟

s o s o

23-09-2009, 03:04 PM

ام جاسم[;4823655']وش صار على سالفة تاجيل الدراسه ...... الزبده الحين وافقو ولا لا ؟
اليوم الاربعاء والدوامات الاحد؟

يوم الجمعه اجتماعهم وهذا احنا ناطرين

المشرفي التم

23-09-2009, 03:14 PM

اعتقد مقصودة عملية تأخير الاعلان عن تأجيل الدراسة
لو كانوا اعلنوا التأجيل مبكرا فأن اغلب المسافرين راح يأجلون عودتهم للبلاد طول مدة التأجيل وعلية راح يرجعون مع بدء الدراسة وبكذا ما راح نستفيد من التأجيل
حسب اعتقادي = ان المقصود تأخير الاعلان عن تأجيل الدراسة لضمان عودة المسافرين ومن ثم اكتشاف الحالات المصابة وعلاجها او عزلها وهذا الشي راح يقلل من انتشار المرض لادنى حد ممكن
الله يحفظ الجميع

واقعية

23-09-2009, 03:25 PM

اي اجراءات احتياطية يقولون عنها

هل تم توزيع جهاز كشف الحرارة على المدارس

هل ستكون هناك حملة منظمة تدور على المدارس من اجل الكشف على القصور الموجود من اجراءات و غيرها .. او على الاقل للتأكد من ان المدارس متبعة التعليمات بشكل صحيح

هل هم متأكدين بأن طكل المدارس فيها اجهزة ترمومتر العادية

اللي صار بأن قطوا المسؤولية على المدارس ومنها من سيقوم بالتقيد و منها لا

انا لا اعني اثارة خوف فالحافظ الله سبحانه و تعالى
و لكن الوعي لدى الجميع ما زال قليل بهالاجراءات الصحية

و تمديد الدوام معناه لابد من وجود برنامج للمرور على جميع المدارس و التأكد من جاهزيتها
و استدعاء اولياء الامور باجتماعات في المدارس قبل دوام الطلاب لمعرفة من الذي رجع من السفر مؤخرا و من اصيب ابالمرض و شافاه الله منه و غيره من البيانات التي يجب ان تجمعها المدارس قبل دخول الطلاب..

اعتذر على الاطالة
تحياتي

شلبي

23-09-2009, 04:30 PM

سوق واقف

23-09-2009, 04:38 PM

آخر الزمان يقبض العلم
ويهجر الكعبه

ويقتل الخنازير

ريــــــــان

23-09-2009, 04:52 PM

بس انا ابي اعرف

هل صج :nice: فيه مرض انفلونزا الخنازير ؟

وينا ووين الخنازير احنا :rolleyes2: ؟؟؟؟؟؟

وبعدين شلون يعني واحد يزكم ويموت ؟ :eek5:

ولا هو مرض وهمي واذا مات احد بقضاء الله قالو بسبب المرض

وباجر يقولون اللي يبي الدواء يشتريه بذيييييييييييييك الحجااايه :omg: وهو ماي وشكر :tease:
السالفه كلها اوهام اتوقع جذي

تويتان

23-09-2009, 07:21 PM

السلام عليكم..

التأجيل مارح يكون له فايدة ان ما شددوا الإجراءات.. وان مع رأي الأخ المشرفي التم.. أحسن شي سووه انهم راح يجتمعون بآخر لحظة علشان الأجانب يكونون معظمهم ردوا واللي بيعود السبت ما يمديه يغير حجزه..
ولازم عاد اهل قطر هم اللي يتسنعون ولا يسافرون..
وترا عادي الاجتماعات الهامة بأي وقت تصير.. الجمعه أو السبت او حتى بالليل..
واحتمال كبير يكونون مقررين التأجيل من عدمه من فترة بس ماراح يعلنون عنه إلا بآخر لحظة لنفس السبب اللي ذكرته..
الله يحفظ الصغار والكبار ان شاالله.. ويبعد عنا شر الأمراض والأوبئة يا رب
وعلى فكرة.. قرارات التأجيل اللي تمت في الخليج كلها طلعت من الحكام وآخرها توجيهات خادم الحرمين الشريفين.. بالمعنى ان الموضوع مش بيد وزير التعليم ووزير الصحة.. هم دورهم يرفعون التوصيات للسلطات العليا .. لسمو الأمير أو سمو ولي العهد كونه رئيس المجلس الأعلى للتعليم أو للسلطة الأعلى الثالثة معالي رئيس مجلس الوزراء.. لأن أمور كثيرة مرتبطة ببعض وأمور كثيرة بتتأثر..

بس عندي سؤال.. هل اللقاح اللي استخدمته الصين هو نفس الرذاذ الأنفي اللي امريكا باديه تجربه واللي سوا بلاوي في السبعينات لأن آثاره الجانبية واجد خطيرة والا لقاح ثاني؟!!
وأي واحد اللي دول الخليج بتجيبه؟!!... أشكره الأمريكي!!

المشكلة أن مصنعينه الأمريكان ومعظم اللي يشتغلون بالمجال الطبي في بريطانيا قالوا انهم مش ماخذينه وينصحون اهلهم وربعهم أنهم ما ياخذونه :eek5:

كاتم المواجع

23-09-2009, 07:37 PM

اجتمااااااااااااااااع يوم الجمعه؟؟؟؟؟ كدينــــــــــــــــا خير

مستثمره جديده

23-09-2009, 08:00 PM

اجتمااااااااااااااااع يوم الجمعه؟؟؟؟؟ كدينــــــــــــــــا خير

:nice::nice:

saaam

24-09-2009, 12:22 AM

ههههههههههههههههههههههههههههههههههه

ما في تاجيل للدراسه

انتو شفيكم هذي دراسه علم علم تدرون شنو يعني علم يعني تفوق وطلوع فوووووووووق

اما االيهال نفاد نفدهم يمرضون ولا يموتون كيفكم اهم شي العلم اهم شي فووووووووووق

بومحمد911

24-09-2009, 12:25 AM

اهم شيء بيجتمعون لمناقشة كم وصل سعر السمك في السوق

بنت ابوها 19

24-09-2009, 12:34 AM

اي يأجلون من هني

والناس المتخرعه تسافر من هناك

وتظلم عيالنا

ياعمي هي خاربه خاربه في ناس ماتحس ولا تقدر
ووماهمها اله نفسها

ياعمي شبيصير فيكم لو قريتو بالبلاد

شنو متخرعين اول مره تعرفون شي اسمه سفر ؟؟

ساراام

24-09-2009, 02:36 AM

اذا اجلوااا معناااهااا رمضاااان السنه الجااايه بيكووون دوااااام للطلاب ..خخخخخخخ :D :d..

تويتان

24-09-2009, 11:48 PM

هذي عودتي الثانية للموضوع.. أثارني رد بنت ابوها.. والله انها صادقة..

انا اعرف وحده قالت اول مايعلنون بيروحون هي وزوجها وعيالها لندن.. واللي قالت

هي وزوجها بيروحون باريس!!!

يعني العيب فينا احنا اهل قطر لو الحكومة شتسوي لكم ما ننعطى وجه !!!

وحده من جماعتنا جاية من السعودية تقول اول ما اعلنوا تمديد الاجازة الناس شلت شلايلها وسافرت !!!

عيل شالفايده؟!!!

umm yousef

25-09-2009, 12:02 AM

وصلني خبر غير متأكدة من مصدره عن تأجيل الدراسة لغاية شهر نوفمبر...

حد عنده أي أخبار!!

<<روز>>

25-09-2009, 12:13 AM

وانا وصلني خبر تم تأجيل الدراسه لي بداية شهر 11

QatarServ

25-09-2009, 12:15 AM

تم تأجيـل الدراسـه

المريش

25-09-2009, 12:16 AM

يالله بالتأجيل

البحار00

25-09-2009, 12:25 AM

وانا سمعت انهم بيكنسلون المدارس نهائيا

وبيخلون اليهال يروحون حق المطوع في المسجد

والله ذبحتونا تأجيل وتأجيل

عايشة

25-09-2009, 12:33 AM

وانا سمعت انهم بيكنسلون المدارس نهائيا

وبيخلون اليهال يروحون حق المطوع في المسجد

والله ذبحتونا تأجيل وتأجيل

:nice::nice::nice::nice::nice::nice:

H A S S A N

25-09-2009, 12:57 AM

تم التاجيل لين نهاية اكتوبر

جاني مسج من مصدر موثوق

بومحمد911

25-09-2009, 01:01 AM

يا جماعة التأجيل بس يخص الطلاب

والمدرسيين شنهون مصيرهم

حد يفيدنا

بارك الله فيكم

s o s o

25-09-2009, 01:02 AM

الجامعه اشلون ؟

احد يفيدنا بارك الله فيكم

]ام جاسم[

25-09-2009, 05:46 PM

جاني مسج انه تم التاجيل حتى نهاية اكتبور صحيح الموضوع اولا؟

الواعد

25-09-2009, 09:09 PM

كفاية تلاعب بأعصاب الناس

مافي تأجيل صدقوني ساعات إلا واحنا في يوم الأحد

احنا قاعدين نتكلم على الفاضي

احنا للأسف عايشين على الأماني مثل مايقول محمد عبده :

منيني واكذب عليّــه
خليني اوعد عينيّــه
لو حتى بالأنتظار

خليني احيا دقائق
نسيني مر الحقايق
نسيني نور النهار

ابعدني عن يأسي
والحيرة في نفسي

Gentleman

25-09-2009, 10:33 PM

خالد جاسم توه أعلن في برنامج المجلس تأجيل الدراسة في قطر لمدة أسبوع.

مدور الصداقة

25-09-2009, 10:35 PM

اعلن الآن خالد جاسم في برنامج المجلس بقناة الدوري والكأس بأنه تم تأجيل الدراسة لمدة أسبوع واحد فقط

H A S S A N

26-09-2009, 01:00 AM

يمكن عشان ماحد يسافر وكل اسبوع يجددون المده هذا والله اعلم