المساعد الشخصي الرقمي

مشاهدة النسخة كاملة : الـتأمين وما أدراك ما التأمين


Loca_qtr
23-09-2009, 06:50 PM
السلام عليكم

حبيت اسأل عن موضوع محيريني

انا سيارتي اندعمت وخذت ورقة تصليح من المرور وفيها ان السيارة الثانية الغلطانة والتصليح عليه طبعا وانا المتضرر

المهم طرشوا لي التأمين مسج

"الكراج اللي اصلح فيه وتحمل 40% قطع غيار"

الحين انا المتضررة وادفع ليييييييييييييييش:anger1::anger1:

ممكن حد يفهمني السالفه:rolleyes2::rolleyes2:
القطري554
23-09-2009, 07:01 PM
لو مغلوط عليك ما تدفع أول مرة أسمع هالكلام

الا لو كان الخطء مشترك حتا فى هالحالة أخبر كل تأمين يصلح للثاني
وحيد-الشوق
23-09-2009, 07:03 PM
حاجه غريية والله :eek5:

حسبي الله عليهم شركات التأمين كلهم<< حاقد عليهم :anger1:
Loca_qtr
23-09-2009, 07:07 PM
في الورقة مالت المرور انا المتضررة

والمسج اللي جاني ان 40% من قطع الغيار علي!!!!

وناس قالوا لي ان الشركات ألحين مايصلحون كامل عليهم حتى لو انت المتضرر
بو عيسى
23-09-2009, 07:54 PM
انا عشان جذيه ماحب سوالف التامين الحين اذا حادث بسيط وانا المتضرر انا اروح اصلح بحسابي بس المشكله لو حادث كبير لاسمح الله الواحد شنو يسوي
الله كريم
q6ri_vip
23-09-2009, 08:21 PM
صحيح الكلام تدفعين 40% من قيمة قطع الغيار ... مثال الصدام لو بيتصلح سمكره بيصلحونه لج واذا ماتبين يتصلح وتغيرينه جديد تدفعين من قيمته الاصليه 40 %

واذا موترج مايبيله تغيير قطع غيار جديده يصلحونه لج بدون ماتدفعين شي .

ويعتمد موديل السياره وانا اعتقد ان موترج قديم لأنهم طلبو منج تدفعين 40%

بالأخير الف حمدلله ع سلامتج
oldqtr
23-09-2009, 08:50 PM
اولاً:- الف حمدلله على السلامه
ثانياً:- يعتمد على موديل السياره
ثالثاً:- ماعليك منهم ابد المفروض كل شئ عليهم ليش تتحملين جزء وانتي ماعليك نسبه من الخطأ!!!!؟؟
رابعاً:- ارفضي وبشده
ANONYMOUS
23-09-2009, 09:03 PM
شركات التأمين بتحاول تنصب عليج قدر الامكان

ف خذيهم بالصوت

لو موترج يديد.. 2009 والله اعلم ماتدفعين شي..

بس لو اقدم.. فيه نسبه تدفعينها

والله اعلم
خيال شمر
23-09-2009, 09:58 PM
الله يعينج عليهم
ღஜ¸¸بالتوفيق¸¸ஜღ
الخيالي5200
23-09-2009, 11:50 PM
أنا موتري 2007 سويت حادث بس انا كنت المتضرر وكلموني شركة التامين عليك نسبة تحمل 40% بس دخلت على المسول وقط عني قيمة التحمل
بن درويش
24-09-2009, 04:34 AM
اذا موترج مر عليه سنه وتبين تركبين قطع غيار اصليه تدفعين نسبه من قطع الغيار بدون شغل اليد
واذا ماتبين تدفعين قولى لهم ركبو قطع غيار تجارى
SmartMan
24-09-2009, 11:24 AM
شركات التأمين من أروع وأكبر الشركات في قطر والشرق الأوسط . ..احسن شي فيها أنك تدفع فلوس التأمين ولين تتضرر ....بعد تدفع فلوس ! ! !...نظام جداً روعه ...لأنه لو كل واحد يتضرر ومايدفع فلوس ..
راح تعجبه هالشغلة وكل يوم يدور حد يدعمه !
الله يعينهم شركات التأمين أبتلشوا فيكم ...صج يتعبون على راحتكم بس ماتقدرون .


((أتمنى ينزل قرار من المرور بعدم إلزام المواطنين بتأمين سياراتهم لدى شركات التأمين ))

البديل : هيئة حكومية مستقلة مناطة بتأمين السيارات والركاب والمباني وممتلكات المواطنين ومسؤلة عن الفحص الفني ومتصلة بالمرور وتكون رسوم التأمين بأسعار رمزية ثابتة .

والله مخطط ذكي بس محد يقدر :) !